رواية بين ثنايا الايام -77
قالت بصوت متكسر : بس انت ورغد حبيتوني من هالولد
قلت : اهم شي انــا احبك .. سواء كان الولد موجود اولا .. ورغد نفس الشيء
صدقيني
بنجيب غيره وغيره وغيره .. الكل بيحسدنا على العائله اللي بنكونها بعدين
سمعت صوتها تبكي بمراره .. قلت : رهف اذا انا غالي على قلبك ماراح تبكين
قالت : متى بتجي
قلت لها : اقل من ربع ساعه وانا عندك
قالت : طيب يا الغالي لا تتأخر .. انا انتظرك .. محتاجتك
قلت : اكيد حبيبتي ماراح اتأخر .. بس انتي لا تبكين .. مع السلامه
قالت : الله معك
قفلت من عندها .. وغمضت عيوني وبكيت من كل قلبي
.. عشان فقدت ولدي وعشان صوت رهـف اللي عور قلبي اكثر من ماهو متعور
المستشفى .. الساعه :6:00 مساءً
** الهـنوف **
اخر وحده دخلت الغرفه انا .. لاني ماكنت ابي ادخل بدموعي .. كل شوي تطلع لي نجود وتقول لي .. رهف تسأل عنك .. وانا اقول لها شوي وبدخل
بس تأخيري جاب نتيجه لاني دخلت لها بوجه مبتسم .. وقلت لها : الحمد الله على السلامه
قالت لي بدون ماتبتسم : الله يسلمك
رحت جلست بجنبها وقلت : رغد واقفه عند الباب .. مو راضيه تدخل مادري ليه
قالت رهف بصوت عالي : رغـــــــــــد .. رغـــــــــــــد
دخلت رغد ووقفت عند الباب وهي مغطيه وجهها .. قالت رهف : رغوده حبيبتي تعالي هنا ابيك
جات رغد لرهف وجلست على السرير
دخلت رهف شعر رغد ورا اذنها وقالت وهي تمسح على شعرها : ليه تبكين حبيبتي
رغد منزله راسها وماردت عليها
حضنتها رهف وقالت لها : لا تبكين ياقلبي
قمت انا ورحت عند الدريشه .. كتبت لفارس مسج
فارس اسفه لاني مارديت عليك
بس انا في المستشفى
رهف طاحت من الدرج وهي حامل .. ومات الولد اللي في بطنها
وحالتها صعبه الحين
رد علي بسرعه
لا حول ولا قوة الا بالله
الله يعينها
حبيبتي اذا رجعتي البيت
اكتبيلي مسج .. طيب
قفلت الجوال وحطيته في شنطتي
بيت مشعل .. الساعه : 8:00 مساءً
** نايـف **
رجعت البيت .. وجسمي مكسر .. لو ادري ان المركب بيتعطل ماكنت رحت البحر
البيت فاضي وهدوء .. دخلت المطبخ شربت مويه وطلعت
شفت الشغاله تنظف الصاله .. قلت لها : وين نجود ؟
قالت : في مستشفى
قلت بخوف : ليه ؟
قالت : رهف طيح من درج ومدام نجود روح معاها
تركتها وطلعت من البيت بسرعه .. دقيت على مشعل مارد علي .. دقيت على نجود بعد ماردت علي
ركبت السياره وحركتها على طول .. شوي ودقت علي نجود
رديت عليها وقلت : الووو .. وش صار فيها رهف
قالت : هي ماصار فيها شي .. بس ولدها مات
قلت : لاااا حرام.. لاحول ولا قوة الا بالله .. لا حول ولا قوة الا بالله .. في أي مستشفى انتم
قالت : ليه ماقال لك مشعل
قلت : لا بسرعه قولي
.
.
وصلت المستشفى ونزلت وانا اركض .. كل دقيقه ادف احد واتأسف .. وصلت لهم ودقيت باب الغرفه اللي فيها رهـف وقلت : يالله .. ادخل
سمعت صوت ام مشعل تقول : لحظه .. رهـف تحجبي نايف بيدخل
دخلت .. وكانوا كلهم متجمعين ..بس عيوني كانت عليها وشكلها خلى كل شي في جسمي يرجف .. ماكنت ابي اشوف قلبي رهف كذا .. قلت : الحمد الله على سلامتك رهـف
قالت بهدوء : الله يسلمك
قالت ام مشعل : دق على مشعل شوفه متى بيجي
قلت متفاجأ : مشعل ما جا
قالت ام مشعل : لا
من قالت لا جوالي دق
الرقم غريب ؟
رديت وقلت : الو نعم
قال : الاخ نايــف عبد العزيز
قلت : أيــه معك نايف
قال : مشعل وش يقرب لك
قلت : اخوي
قال : عظم الله اجرك اخوي .. مشعل عطاك عمره
قلت له بصوت عالي : مـــــــشـــعــــــــــل مــــــــــــات
صرخت رهف بصوت عالي : لاااااااااا
قفلت الجوال في وجهه .. وطلعت من الغرفه بعدم تصديق
جلست على الارض وحطيت يدي على راسي
كانت الدموع مغرقه عيوني
فما قدرت امنع نزولها على خدي
** رهــف **
قمت من السرير ابي الحق نايف .. واتأكد من اللي سمعته .. بس طحت على الارض لان مافيني قوه .. كنت اسمع صراخ ام مشعل ونجود حولي .. وامي تهديني صرخت بصوت عالي : مشعل ما مات .. هو قال لي انه بيجي ... آآه يــمـه قومي شوفي نايف
هزيتها بقوه وانا ابكي بصوت عالي مثل الجنونه : قومي شوفيه .. اكيد يكذبون عليه .. كذابين كذابين
مسكتني نجود وهي تبكي وقالت لي بصراخ : رهف ارجعي على السرير
شلت يدي من يدها وقلت : اتركيني لحد يلمسني .. ابي اشوف مشعل .. ابي ولدي .. ما ابي اجلس هنا .. ما ابي
اللي خلاني اسكت .. صراخ الهنوف : ام مشـــعل قومــــي رغـــــــد اغـــــمــــى عليهــــا
**** نهاية الجزء الثامن والعشرون ****
...:::][ الجزء التاسع والعشرون ][:::...
™¤§°§¤ ماقبل الاخير ¤§°§¤™
بيت مشعل .. الساعه : 2:00 مساءً
** رهـف **
كانت رغد نايمه على السرير .. وانا جالسه على الكرسي بجنبها .. امسح على راسها بيد .. وامسح دموعي بيدي الثانيه
وام مشعل ونجود والباقي مدري عنهم .. اللي اعرفه ان مشعل غرق في البحر مع اللي كان معهم .. وما قدروا ينقذون حياة الا اثنين من اللي كانوا معه .. والباقي كلهم ماتوا ومشعل معاهم .. ليه يامشعل مابقيت مع نايف .. ليـه .. ما اصدق انك مت .. مااصـــــدق .. وشلون تخليني لالا وشلون تخلي رغد بنتك اللي تحبها وحيده .. قلبي يعورني من الحسره والالم .. صحيح ماتعرف قيمة الشي الا اذا فقدته .. انا كنت ابكي على الولد اللي اذا راح بيجي عشره غيره .. الحين مات ابوه .. وش بقى لي انا
فتحت رغد عيونها .. وناظرت في المكان بتمعن قامت .. وجلست تبكي وتصرخ تنادي مشعل .. مسكتها ابي اجلسها .. بس ماقدرت عليها .. مسكت طرف الثوب حقها وقلت وصوتي رايح من البكي : رغــد ارجعي مكانك الله يخليك
بس كانت اقوا مني .. سحبت نفسها بقوه وطلعت تركض في المستشفى .. حاولت اركض وراها بس ماقدرت .. حطيت يدي على الجدار وسندت نفسي بتعب .. ودموعي ماوقفت ولا دقيقه
شفت محمد جاي يركض لجهتي .. مسكني وسندني عليه .. قال لي : رهف انتي تعبانه ارجعي الغرفه
قلت : ورغد اخليها لحالها
قال : وين راحت ؟
قلت : مدري روح شوفها .. مدري عن احد
تركني وراح يركض
.
.
.
مرت ايام العزا اللي حملت بين ثناياها حزن وهم وحسره والم كبير .. اللي فقدوا مشعل كثار .. انا فقدت زوجي .. ام مشعل فقدت ولدها الوحيد .. نايف ونجود فقدوا اخوهم الكبير .. رغد فقدت ابوها بعد مافقدت امها
الكل بكى على مشعل بحسره
كنت جالسه على سرير غرفتنا انا ومشعل اتأمل الغرفه .. كان كل ركن فيها يفتقد مشعل
صحيح حياتي مع مشعل مافيها لحظات حلوه الا قليل بس .. " هزيت راسي قمت من السرير" .. وفتحت الدولاب .. الم اغراضي عشان برجع بيت اهلي .. كان مشعل الله يرحمه دوم يقول لي مابتطلعين من هالبيت .. انا الحين اطلع من البيت غصب عني
جمعت كل اغراضي وحطيتهم بالشنطه .. شفت اغراض ولدنا انا ومشعل .. مسكت قطعه منهم وضميتها .. بس رجعتها على طول .. بخليهم هنا لاني ماراح احتاجهم .. بجيب لنفسي الالم .. وبجدد الحزن بقلبي اذا ظليت اشوفهم في كل وقت .. عدلت نفسي ومسحت دموعي .. اخذت المشط بمشط شعري .. وغمضت عيوني
.
.
قال لي مشعل : ليه لابسه من الحين
قلت له : بس
قال لي : طيب جيبي المشط بمشط شعرك
ناظرته ورفعت حاجب : لا والله
قال لي : يللا عاد .. ترا انا كنت بصير حلاق
خفت وقلت : لا يكون بتحلق شعري
اخذ المشط من عندي.. وقال لي : اما عاد .. جيبي بس .. الحين اوريك .. بعدين بتجيني كل يوم .. بتقولين لي .. مش مش .. مشط شعري
جلست اضحك وقلت : بنشوف
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك