رواية قناع حبيبي -22
همس رجعت قعدت مكانها وامها تأشر شصاير واشرت لها بعدين
همس : وانشالله لقيتو الي سرقوهم
فارس : للأسف للحين مانعرف شنو كان هدفهم بس اغلب الظن انهم جاو في يوم غلط لأن العصر كان بيكون معرض لرسام مشهور من برى البحرين
همس : وماصارت الا علي المهم مشكور وايد والله ماعرف شلون اشكرك
فارس : لا شدعوه اخت همس انا ماسويت الا واجبي وهالاشكال لازم تاخذ جزاها
همس وهي تبتسم : مشكور
بعد ماصكرت منه ضمت بدور : لقووو لوحاااتي والله مو مصدقه
بدور وهي تضحك : واااااو يعني تقدرين تفتتحينه مره ثانيه همووس الف مبروك حبيبتي
امها وزين عرفو وفرحو كثير
امها : الحمدلله يمه يلا شدي حيلج عشان تفتتحين المعرض من يديد
همس : هالمره بنام عند باب المعرض ههههههه
زين + بدور + امهم : هههههههههه
خلصت الحفله وراسي كأن سجين اطلقو سراحه راح سيارته واتصل لزين عشان بيرجعون البيت
دخلت السياره وهي تبتسم
راسي : واخيرا خلص الحجز
زين : ههههههه الحين حفل استقبالنا حجز ... واااااو مومصدقه لقو لوحات هموس
راسي وهو يبتسم : صج والله الف مبروك
زين وهي تمسك كتفه : مشكور حبيبي
راسي وهو يحط يده على يدها : لازم نشكر طلال
زين : اي صج مسكين تعبناه معانا
اتصل له
طلال : والله ياخوي للحين ندورهم
راسي : بس مشكور ساعدتنا نحصل اللوحات
طلال وهو مستغرب : بس ماوصلني ان حصلوهم
راسي : ههههههه لا بوليد شكلك في خبر كان اللوحات باجر بتوصل لبيت صاحبتهم
طلال: والله لازم اروح اتأكد لاني انا المشرف على هالحاله واكيد لازم بيوصلني هالخبر
راسي: عالعموم مشكور
طلال : العفو مع اني ماسويت شي
زين : شنو مو هو الي لقاهم !!
راسي بأستغراب : لا
زين : يلا المهم حصلوهم
مر اسبوع على هالحادثه رجعو لوحات همس لها سالمين معافين ^^
رهام كانت بالمستشفى تكلم لمياء وهي معصبه : لمياء انا ماعندي وقت مابقى لي شي في هالدنيا ابي همس تختفي من حياتنا بأسرع وقت
لمياء: لاتفكرين بشي خلي كل شي علي انشالله الخطه ماشيه على حسب الي نبيه
سمعت صوت الباب ينفتح : يلا اكلمج بعدين وصكرته بسرعه
دخل ماجد وبيده ولدهم علي رهام ابتسمت من شافت ولدها الي جى يركض يحاول يركب السرير رفعه ابوه وباس رهام على جبينها
رهام بقلبها ( اي تشمت فيني )
ماجد وهويبتسم : شخبارج حبيبتي
رهام : بخير
ماجد (للحين على حالج يارهام ) : لا ماشاء الله وين احسن بوايد حبيبتي
رهام : صج والله !! لاتحاول تخفف علي ماجد
ماجد سكت احسن شي يسكت خلاها تشوف ولدها وبعد ساعه الا ربع طلعو لأن الدكتوره مانعتهم يظلون اكثر
رهام باست ولدها
علي ببراءه وهو يمد يدينه : ماما
رهام وعيونها تدمع : حبيبي
ضمته بحنان وبعد خمس دقايق طلع مع ابوه
رهام رجعت راسها بتعب والدموع بعيونها صارت انسانه غير ....
فتحت عيونها وهي تبتسم بهدوء فرحانه اليوم الجمعه وراسي اجازه بيروحون الرحله البحريه لو كانت ظروفه مع اهلها غير جان بتخليهم يجون معاهم بس ماحبت تسوي مشاكل
قامت بسرعه نزلت المطبخ جهزت الفطور وشافت مزهريه فيها ورود خذت وحده وحطتها بالصينيه وركبت فوق كان للحين نايم حطت الصينيه على الطاوله الي يم الدريشه وقعدت على السرير صوبه حطت يدها على كتفه وبهمس : راسي
ماتحرك ... قربت منه اكثر : رااسي
راسي :همم
زين : فتح عيونك
راسي يفتح عين وحده ويرد يغمض : زيووون خليني انام بس شوي
زين وهي تضربه بالمخده على خفيف : يلا عااااد قوم بسرعه لا نتأخر
راسي وهو توه يتذكر رحلتهم قام من تحت الغطا : بووو نسيت
زين وهي تتكتف : كسلان واحد
راسي وهو يشوف الفطور على الطاوله : اووو حبيبتي مسويه الفطور اليوم
زين وهي تبتسم : يلا عاد تحمم وخلنا نفطر وحشني البحررر
راسي دخل الحمام يتحمم فتحت الجريده قعدت تقرا بعد ربع ساعه طلع راسي فطرو وبعدها بدلو زين لبست فستان برتقالي ممزوج بأصفر معاه قبعه كبيره مخصصه للبحر لونها بيج
راسي لابس شورت ابيض وفانيله زرقا
راسي : ها مانسينا شي
زين وهي تصك شنطتها : الكريمات .. ثياب احتياطيه .. صنارتك تحت عند الباب .. اكل للسمج .. خفايف اممم بس لا
راسي : يلا عيل نمشي
انطلقو لناحية البحر كان طراد راسي موقف بالمرسى عطى السيكيورتي بطاقته ودخلو عشان من النادي بياخذون الطراد وبيمشون
زين حدها مستانسه بالبحر والجو كان مشمس مع هوا خفيف ساعدها تدخل الطراد وبعدها فك الحبل بمساعدة رجال تبع النادي وانطلقو بالبحر
زين قعدت على الحافه تقريباً تتمتع برذاذ البحر على جسمها اما راسي كانت متولي الدفه وصلو لمطنقه كان يبي يعلم زين تحدق >> احم ^_*
زين قامت بشويش لما وقف
راسي : يلا زيون جيبي الشنطه بنصييييد
زين وهي متحمسه تبي تتعلم الصيد جابت الشنطه وراحت قعدت جنبه طلع الاكل الي بيصي به السمك وحطاه بالصناره : يلا نزليها بهدوء
نزلت الصناره فالماي
راسي : الحين ماعليج الا تصبرين لين تتحرك
زين متحمسه انها بتصيد شي مطلعه لسانها وواقفه كأنها بتحارب بعد اكثر من عشر دقايق حست بحركه في الصناره
راسي : حظج حلووو يلا سحبي بهدوء
مسك يدينها وبدى يسحب معاها واذا تحركت السمكه وقفو سحب لين ماوصلت لفوق زين شافتها
راسي مات من الضحك كانت السمكه حدها صغيره
زين وهي متخصره بيد والثانيه ماسكه الصناره : الحين كل هالذبحه عشان هالنتفه
راسي: هههههههههه بعد زين صدتي شي
زين : لا والله تتمصخر حظرتك الحين باصيد هامور وبتشوف
راسي وهو يضحك : انزين بنشوف
عمر راح لبيت منى بعد ما دلاه صديقه اتصل لها وقال لها تنزل حاولت تتحجج انها مشغوله بس هددها ان بينزل ويدق الجرس اذا مانزلت
خذاها لبيت بدور
عمر : سمعي مابي ولا كلمه غلط لا والله راح اوصلج البيت وادخل معاج والفيديو بيصير بيد ابوج
منى وهي تطالعه بحقد : انزين
نزلت من السياره وراحت دقت جرس بيت بدور
طلعت لها الخدامه
منى : بدور وينهى
الخدامه : ون منت مدام
ركضت لداخل وراحت لغرفة بدور دقت الباب : ماما بدور في حرمه تبي انتي عند الباب
بدور مستغربه فتحت الباب : تبيني ؟ وليش مادخلتيها
الخدامه هزت كتفها ونزلت تحت
بدور نزلت وراها تشوف من الي يايها
فتحت الباب وشافتها واقفه بس شافتها ردت دخلت ركضت منى للباب تحاول توقفها : الله يخليج سمعيني بدور
بدور : وخري لا تصدقين تدخلين بيتي مره ثانيه يلا قلبي ويهج
منى : الله يخليج بس سمعيني خمس دقايق وباختفي من حياتج للأبد
بدور ماتبي تسمع شي راحت فوق بسرعه
منى دخلت البيت ولا اهتمت لأحد اهم شي تتخلص من عمر وتهديداته
دقت على الباب : بدور ارجوج سمعيني .. عمر ماله ذنب انا كنت الاحقه بكل مكان حتى الصوت مو صوته والله مو صوته انا مسويته بالكمبيوتر ارجوج تصدقيني كنت ابي اخرب بينج وبينه بس الحين مابي شي هو يحبج انتي وبس
بدور ساكته بس تسمعها بهدؤ ويوم خلصت قالت من ورا الباب : مخططاتكم مابتمشي علي .. ذلفي برى
منى نزلت راسها معلنه الهزيمه طلعت من البيت ولقت عمر ينتظرها
عمر : ها شصار
منى بخوف : مادري كل الي قالته مخططاتكم مابتمشي علي
عمر ضرب على عجلة القياده : الله يللللعنج .. الحين كيف ارجعها .. كيف افهمها ان هذا كل من الاعيبج الوصخه
منى وهي تصارخ : خلاص الي تبيه مني سويته .. فكني رجعني بيتي
عمر مشى بسيارته بسرعه فلتها بيتها وقام يدور بالسياره مو عارف وين يروح
بدور صارت كل منعزله بغرفتها مع ان خواتها يحاولون يطلعونها معاهم وامها كل تقعد معاها وتحاول ماتخليها لحالها بس هالشي مو فايد للحين منعزله لمت ريولها بيدينها : اكرهك عمر .. بعد كل الي شفته بينكم يايبها لي تنكر الي بينكم
انسدحت على السرير ودموعها تبلل الغطا
زين كانت تضحك مرت ساعتين وللحين ماصادت شي : ياربي لازم تتطنز علي توني مبتدأه انا شوف روحك ماصدت الا ثنتين
راسي : اي انا اول مره رحت اصيد صدت اربع سمكات ولا مو اي نوع وغمز لها
زين : اي اوكي صدقتك بعد ...
ماقدرت تكمل حست بدوره قويه خلتها تقعد مكانها غمضت عيونها راسي الي كان يبتسم تحولت ابتسامته لخوف راح لصوبها بسرعه : زين شفيج
مسكها من كتفها
زين وهي للحين مغمضه : مادري احس روحي برجع
راسي : ياربي ليش مافكرت ان ممكن يصيدج دوار البحر
زين : لا ماعتقد من جذي جم مره طالعين مع ابوي ماصادني شي
راسي : استحملي بس شوي حبيبتي الحين بنرجع وباخذج للمستشفى
زين وهي تحاول توقف : لا مايحتاج انا اوكي الحين
وردت طاحت بضعف راسي كان ميت من الخوف عليها شغل الطراد بسرعه في اقل من ربع ساعه وصلو ماخلاها تمشي شالها بين يدينه وركبها السياره : استحملي بس شوي حبيبتي
زين بضعف : مافيني شي راسي شفيك هلون خايف
راسي يمشي وكل ساعه يطالعها شلون صار وجهها اصفر حست حالها خلاص بترجع وقف على صوب وعطاها كيس فرغت الي بمعدتها وحست حالها شوي احسن
وصلو المستشفى قعدها على الكرسي المتحرك ودخلوهم صوب الطوارىء
الدكتوره بعد ماكشفت على زين طالعت براسي : انت شنو تقرب لها
تتوقعون زين شفيها ؟ خخخخ
بدور راح تتقبل الي قالته منى وبتصدق وبترجع علاقتها مع عمر مثل قبل ؟
رهام لي متى بيمتد انتقامها وخصوصاً بوجود مساعدين لها
فارس هل بيكون له تأثير في حياة همس ؟
والعمليه الي بيسويها راسي بالجزء الياي والي راح تغير كثير اشياء في حياته مع زين
كله بالجزء القبل الأخير من حبيبي المقنع
تحياتي
الجزء 17
بعد مارجعو من البحر راسي كان ميت من الخوف على زين وكل شوي يلتفت عليها يبي يتطمن كان وجهها اصفر اول ماوصلو المستشفى نزلها بسرعه وقعدها على الكرسي المتحرك ودخلوها غرفة
راسي كان قاعد على اعصابه فالغرفه ينتظر شتقول الدكتوره طلعت ووراها زين
الدكتوره : انت شنو تقرب لها
راسي : انا زوجها
الدكتوره ابتسمت : المدام حامل .. الف مبروك
راسي مو مصدق حط يده على راسه وبعدها بدى يضحك من الفرحه راح ولم زين : حبيبتي والله ماني مصدق .. يعني انا باصير ابو
زين وفرحتها مو اقل منه : ياربي من الحين مشتاقتله
راسي حط ايده على بطنها وهو ضامها ويطالع عيونها : يعني بعد جم شهر بيصير عندنا ولد يالله مو مصدق صج خبر يفرح .. مبروك حبيبتي
شكرو الدكتوره بعد ماوصفت لها كم دوا ونصحتها ترتاح
رجعو البيت زين اتصلت في امها وخبرتها >> مو مصدقه البنت
امها وهي فرحانه اول حفيد بيجيها : مبرووووك الف الف مبروك حبيبتي
خواتها من سمعو جاو ركض : شصاااير
امهم : زيون حااامل
بدور وهمس فرحو من قلب وكل وحده تبي تاخذ التلفون من يد امها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك