رواية حكومة الحب -8
الجزء التاسع و الاخير
♥♡ الحب غير بلدان فكيف ما يغير قلبين ♥♡
الحب كلمه من حرفين..
النسمه و العاصفه ..شخص وظله ... الحياه و شغفها
حب التطلع و الاكتشاف
فالحب نلاقي النجاح او الفشل
فالحب نلاقي الصديق و العدو
فالحب نحدد شخصياتنا
فاما نكون الابطال او الاشرار و الحاقدون
الحب هاجس لكل شخص و خوف لكل روح
الحب صرخه الوحيد و خوف المتكبر
تسلب كل شخص الاراده و تتحكم به لاتجاهات ومراحل عديده و مختلفه وغير متوقعه
الحب بسمه .... ضحكه .... مصافحه .... حنان ... تبادل روحين لروحهما
ومثل ما يقولون
تكوين و مزيج روحين بجسد واحد
الحب .... و الحب .... و الحب
قصيده لا تنتهي و مصدر لا ينضب في كل الاجناس و العرائق و البلدان
صحيح انها تختلف بطرق التعبير والاثبات و لـــكن
يبقى
حُــــب
✐
كان ينتظر صاحبه اللي ماشافه من مده او بالاحرى من سنتين ، لانه انتقل لمكان ثاني وماعادو يشتغلون مع بعض وانقطعت اخبارهم عن بعض
واحداث كثيره صارت له ولعيلته
فهالسنتين اتقرب من عيلته و حاول يفتح صفحه جديده معاهم بعد ما صار هو السند الوحيد لهالعيله
بعد ماراح الوالد و الصديق
بعد ما لام نفسه على كل اللي حصل و على عدم تفكيره بوالديه و بعجزهم و كبرهم
فقطع على نفسه وعد انه يكون لهم السند و الاب و الحمايه
صحيح انهم ما حملوني اي مسؤوليه او غضب وان اخوي الاصغر مني استوى كبير و يمكن اكبر مني بعقله وحكمته و ودع الطيش و المراهقه
كان ينتظر بسيارته ومل من الانتظار فراح يضرب الجرس عشان يزعج الكسول مانع
: اعرف انه جمل ما يقعد الا بازعاج ،ومخللني فهالشمس من صباح الله خير وانا اللي اوني اشتقت له ولقعدته وياي من الصباح... ما عندي سالفه #__#
وفجأه يشوف ظل احد او بالاحرى شاف شخص ما غريب عليه ، وجاه صوت كحه هاديه و فيه بحه
عجيبه كان هالشخص ينبه او يقوله ان يتحرك من مكانه و يلتف .
☺
التف عليها و هو فاتح عينه عالاخر مامصدق اللي يشوفه يمكن حلم او هاجس
هاجس و طيف لاحقني مده ثلاث سنوات وحاولت اتناسى هالطيف بس فلحظات ضعف و حنين اتذكره
صحيح انها ما تعني لي شئ او انا ما اعني لها شئ بس خليه وحده فقلبي تفيرست بها و عدت كل الخلايا والانسجه
لين ما وصلت لمرحله اني كنت اناديها باحلامي واهوجس بها قدام اختي وكانت دايما تسال عن هالشخص بس انا كنت اضيع السالفه او اجذب عليها لاني ما عندي تفسير مقنع عشان اوضحه لنفسي.... و للاخرين
ما عرفت شو اقول بس تهت ببحر عيونها و باشعه الشمس اللي تتخلل شعرها
عند مريم
استاذنت من هند واخوها ورحت ابدل و لبست تنوره زرقه على سماوي و قميص طويل الكمين سماوي وعدلت حالي و حطيت كحل و مسكرا و شويه شدو باخر عيني ^^ اجرب شئ جديد
وكنت متحمسه لروحتي عند لولوه مشتاقه لهالبنت وايد واااااااااايد
طلعت و لما وصلت عند الباب شفت شخص معطيني ظهره و يالس يدق جرس بيت اخوي مانع و هو يتحرطم و شكله محرج من مانع ^^ ومن طريقة كلامه انهم اصدقاء الروح بالروح بس ما شافو بعض من فتره
ابتسمت شوي وبعدين كحيت شوي عشان انبه هالشخص ويعطيني طريج اتحرك وادش البيت
لف ويهه على و سرحت بشكله و احاول اتذكر من هالشخص لانه مالوف لي
كان لابس كندوره بيضه مع سفره بيضه و محدد لحيته بطريقه حلوه و شعره الطويل شوي لحد رقبته
وفجـــــأه انفتح باب البيت ..
..
طلعت بنت حلوه و لابسه برموده صفره مع بدي اصفر و وردي – واول ماشافت الشخص اللي قدامها ركضت له وهي تقول
عموووووو مريـــم
^^ وهي فرحااانه واخذتها البنت بالاحضاان
(عند مانع)
انا انصعقت
هاذي اخت مانع يعني انها حقيقه مو حلم
الحمد لله انها بخير و سهاله
الحمدلله
الحمدلله
...
وعايشه بين اهلها
شكلها متغير وااايد و كانها انولدت من جديد وراضيه بنفسها ^^ اشو السالفه حللت شخصيتها و حياتها بس من نظره
لهالدرجه انا تغيرت و مو قادر اسيطر على نفسي
بس انتبهت لما شفتها تبي تدخل البيت مع بنت مانع لولوه
: لو سمحتي ... انتي اخت مانع ... اللي كانت مريضه
مريم وهي لافه وجاها احساس غريب لما سمعت صوت الشخص : .. ايه انا اخته
داوود: الحمد لله على السلامه ....و .... ما تشوفين شر
مريم : الشر ما يجيك و دخلت داخل البيت
مريم و هي ماسكه لولوه ومستغربه من هالشخص وهي حاسه انها تعرفه
بس مو قادره تذكره
لولوه: اووو نسيت بابا ..... قالي اخلي ......عمي داوود يدخل المجلس..... و يستنى ^^
مريم وهي تضربها على راسها بشويش : صح النووم يا حبيبت البابا ، يلا روحي بسرعه دخليه لين ما اروح لامج ، اكيد اهي اللي مأخره اخوي و تبتسم
راحت تدور ام لولوه فالبيت .. صحيح انها اول مره تدخل بين مانع بس عارفه اماكن الغرف لانه طبق الاصل من بيت احمد بس الاثاث و طريقه ترتيب الاشياء غير ^^
راحت للصاله الكبيره اللي فالبيت و شافت ام لولوه تتابع برنامج للازياء
جيت من وراها و غمضت عيونها و انا اقولها بصوت غريب : منووووووووو انااااااااااااااا
ام لولوه : ...............
مريم :وهي تعدل صوتها وتتكلم عادي .. :: ما منج فايده ما تعرفي تلعبي و تضربها على راسها بشويش
لفت وشافتها وحضنتها بقو وهي تقوول
اشتقت لج يا الدبه ...اهي اهي اهييي
مريم وهي تبي تغير الجو : بس بس اخاف اخوي يشوفج جي و بعدين يخترع و يفكر يتزوج عليج بس .. فضحتيناا
ام لولوه و هي تطقها على كتفهاا: انتي ما تتوبي عن مزحج الثجيل ، وبعدين حبيبتي ما راح يقدر لانه ماراح يحصل حد مثلي
مريم و هي تحاول تحرهاا شوي : تصدقين انا محصله له وحده عجب فالمستشفى و هي ممرضه وحللللوه
وعلى نزلت مانع
: لا انا ما استغنى عن ام محمود و لولوه
مريم و هي تحضن اخوها و تخونهم دمعه
ام لولوه : هاا شوفي ما راح تغيري مَنُوعي( دلع مانع خخخ) علي ، وتحرك حياتها ( حواجبها) لمريم
مريم : حسافه ،وهي تطالع مانع فاتك نص عمرك
وبعدين ضحكنا لبعض ** لانه مستحيل يتخلى عن حب حياته و حتى لو كان اللي جدامه ملكه جماال لانه يعشق زوجته ، صبرو مع بعض ، كافحو مع بعض، مافي احد راح يفهمهم هم الاثنين الا نفسهم وروحهم ^^
مانع : اوووووووب اروح لهالمسطوول احسن لي ولا راح ياخذ بنتي رهينه ، رااح وهو يضحك
بعد ما جلسنا و فضفضنا وقلنا كلام السنين و خلص الوقت والكلام ما خلص ^^
وقررنا نروح زياره لراك
عشان نغير جو و لان صديقه عزمه بعد ما غسل شراعه هههههه
قرر احمد عزم نسيبه معانا ورحنا بثلاث سيارات
وحجزنا لنا شقتين كبيره
شقه لاحمد و زوجته و نسيبه
وشقه لمانع و طبعا اولاده الثلاثه اللي هم :: انا عللى راسهم خخخ و لولوه و محموود ^^
اوو نسينا زوجته بعد ☺
استكشفنا بعض المناطق الجبليه و المناطق الجميله و الطبيعيه
في رااااااااااااااك
واجبروونا انا ننام من بدري عشان منرووح الرمس وهناك منكشت مع اهل دااوود
هههه اول مره انطق هالاسم ^^ " صديق اخوي "
رحنا لبيت داوود – بيتهم كان حلو رحبووو بينا بحرااره و حب –
حسيت هالاشخاص مصادر حب و عطاء و خاصتا والدته لانها كانت محبوبه و تسولف معانا و تمزح و اندمجنا مع بعض
بس حسيت انه اخته احيانا تطالعني بنضرات ما قدرت افسرها وخاصتا لما نادتني هند عشان اشيل حموودي الصغير
وسالتني وكانها مندهشه شوي : انتي اس..مك مريم
حركت راسي بمعنى ايه
عايشه :اهاا ^^ تشرفنا ،انا عايشه
مر الوقت بسرعه وصار المغرب
وقرر الرجاال انا نرووح نشوي عند الشاطئ ^^ ونااسه انا طرت من الوناسه
جلسنا مع بعض بس الرياييل بجنب بعض و احنا مع بعض ^^
وكان الهوا منعش و رائحه الشوا رووعه و تجوعني اكثر وسوالف و مرح وصريخ
وبعدين اخو داوود الصغير" عامر " ياب العود وقعد يغني لنا و خلا الجو حلو و مرح و احيانا كان يقلد بعض الفنانين بصوره مضحكه
وفجأه سكت وتكلم مع مانع او بالاحرى ساسره شوي وهم يطالعو داوود بضرات ناريه
: خيــر ... نــــــــــــعم شو عندكم!!! انتووو الاثنين يا ساس الشر
مانع : سلامه راسك الشيخ ... بس سمعت اشاعه وابا اتاكد منهاا
داوود : عطني زبدت كلامك بسرعه
مانع : قالولي ان صوتك حلو و عجيب و يعذب قلوب الخلان –وهو يحرك حواجبه وانا طبعا ابي اتاكد لاني متاكد ان صوتك مو حلو و يخرع
كلنا ضحكنا لا اراديا و امه قالت : لا وليدي مافي أحسن منه و صوته حلو وراح يأكد لك معلوماتك
ابتسم داوود وقال للشخص اللي ورا مانع ": هين انا اوريك ، ياالسووسه
عامر بمشهد تمثيلي : الحقيني يا توامي راح يذبحوني و يقطوني للجلاب . اهي اهي اهي
عايشه وهي تهز كتوفها بمعنى ان مالها خص ، كل واحد يجني اللي زرعه خخخخخخخ
اخذ العود و يلس يعدل اوتاره و يدق عليه شوي
(دق اوتاار العوود و تحركت اوتاار القلوب الراكده وحست مريم بشعور جميل يتحرك بداخلها . ...)
مانع : بس بس فهمنا انك خبير / يلا ابدا
بدى بالغناء و غني بصوت واثق و هادي بنفس الوقت
ولاحظ الشخص الغريب ( اللي هو الدكتور ) يناظر و يتامل مريم
فتحركت اوتار الغيره
غير نظراته لنظرات حب ووجهها للشخص اللي ملك قلبه
بدأ الاغنيه وابتسم ابتسامه حب و نصر
قرر قراار وماراح يتراجع عنه
مستانس عالجو
☺❤☺
مستانس عالجو مابي امشي و أتم قاعد و ناطر منج شئ نظره
وبخلق لي ميئه الف كذا حجه ...اتم قاعد ... بشوف اشتالي هالنطره
يا اتجيلي او انج ما تجيلي
يا ابنيه ارحميني انتي فبالي فبالي و ناويلج
حطيتج..... حطيتج انا براسي
بجد انا ناويلج اكون بحياتي الاول و التالي
♩♪♫♬♩♪♫♬♩♪♫♬
احساسي ياصوبج ماكو مجال انوع من اليوم و رايح
انا قررت اعيش وياج قصت حب
ماني على بعضي مدري شحصلي من شافت عيني عيونج
شسوي قلبي دق من شافج
يا اتجيلي او انج ما تجيلي
يا ابنيه ارحميني انتي فبالي فبالي و ناويلج
حطيتج حطيتج انا فبراسي
بجد انا ناويلج اكون بحياتيج الاول و التالي
صحيح شخصيه البدوي جامد متشدده و قاسيه فبعض الاحيان
بس وقت الحب و العشق
ينقلب كيان هالشخص و يصير الحب جنون
معشوق .. مخلص لقلبه و حبه جنون
وهيامه هيام الطفل لأمه
هيام البرد للدفى
الارض العطشانه لزخات المطر
خلص الاغنيه وابتسم ابتسامه نصر
وقرر قراار وماراح يتراجع عنه
❥❥❥❣❣❣❣❣❤❤❤❤
حكومه الحب مدينه عايشه باحكام القلوب
اسست حكومه مستقله للقلوب
تناشد اصحاب المشاعر بتحديد اتجاهاتهم وطريجهم
نلاقي فهذه المدينه الظلم
القهر
الخداع
الحب الصادق
العشق
الهيام
الاحترام
الصداقه
والقاضي فهذه الحكومه
هو القلب
القلب ولا احد سواه
♞♖♛♔♟
النهايه
تمت بحمد الله وعونه
28-JULY-2009
مشـــــاعر منــــىىيه
اللهم لك الحمد حتى ترضى وإذا رضيت وبعد الرضى ,,, اضف تعليقك