رواية جيتك امانة انقذيني -25
الرزان..حبست انفاسها(شاللي صار ياربي!!):طلال بدون مقدمات،وش صار؟؟،جدتي بخير؟؟طلال..اخذ نفس:ماتحملت العملية مع العمليات السابقة
الرزان..حست بغصة الـم وزاد الألم عليها:طـلال لاتقول...
طلال..كمل عنها:جدتي توفــت
قطت الجوال وهي تحاول تتماسك لكن الألم كان اكبر..
هنادي..استغربت وارتبكت اخذت الجوال:الـو طلال،شاللي صار؟؟
طلال:جدتي توفـت،هنادي الله يخليج انتبهي للرزان،امي مو ناقصة يصير لها شي هي الثانية
هنادي:ان شاء الله ولا يهمك،عظم الله اجركم
طلال:اجرنا واجرج،يـلا مع السلامة
هنادي:مع السلامة..سكرت والتفت على الرزان وانفجعت وقامت من مكانها..الرزان!!،حياتي اشفيج؟؟،قوليلي اشفيج؟؟
الرزان..انهارت من شدة الألم:ماني قادرة اتحمل ياهنادي احس بألم فظيع،ماني قادرة
هنادي..ارتبكت وشوي وبتصيح وتحركت بسرعة وضغطت الجرس:تحملي شوي بس لين ماتجي الممرضة،تحملـي
الممرضة..دخلت بكل برود:Yes ma'am what can I do for you??
هنادي..وهي على وشك تصيح:She's not ok I don't know what's wrong??
الممرضة..لما انتبهت للرزان تحركت بسرعة:Where do you feel the pain ma'am?
الرزان:I don't know,the most pain in my back
الممرضة o you feel wet??
الرزان..ماكانت حاسة بشي من الألم لكنها استوعبت:Yes, I do!!
الممرضة..تحركت بسرعة:She will deliver her baby,we need to transport her to downstairs
هنادي..شهقت:Oh my god!!
دخلوا ممرضات ثانين..وحطوا الرزان على كرسي متحرك..
الممرضة on't worry she will be fine
مااهتمت لها ولحقت الممرضات...
الساعة 10:56 ليلاً..حست بالنعاس وودها ترتاح..لكن..مو الحين وقت الراحة توجهت للمصعد..
:هنادي؟؟
هنادي..التفتت:حـمد؟!!،هـلا
حـمد:خير وش صـار؟؟
هنادي:عن مين تسأل بالضبط؟؟
حـمد:الرزان،ليش في احد ثاني صار له شي؟!!
هنادي..تنهدت:الله اعلم،الرزان لسه ماولدت،الدكتورة تقول ماتدري متى ممكن تولد!!،انا الحين رايحة لدكتور فـارس،دقوا عليّ من ثلاث ساعات لكني كنت مشغولة مع الرزان وتوني انتبه لهم،بروح اشوف وش يبي؟!!
حـمد:ان شاءالله خير
هنادي:ان شاء الله
حـمد:مافي احد جالس مع الرزان؟؟
هنادي:الا البنات جالسين معاها،يـلا عن اذنك
حـمد:اذنج معاج
هنادي..كملت طريقها بس رجعت وقفت والتفتت عليه:انت مين قالك؟؟
حـمد:خـالد
هنادي:اهـا،هو كان هنا بعدين راح
التفتت وكملت طريقها..ركبت المصعد..صعدت..راحت للأستقبال..تلفتت حولها تدور الممرضات.. مالقت احد..
راحت لغرفة فـارس..شافت السرير فاضـي!!،
بسم الله الرحمن الرحيم!!..ويـنـه؟!! ..اعوذ بـالله من الشيطان الرجيم..ان شاء الله ماصار له شي..يارب احميه واحفظه يارب
،..تقدمت ودخلت الغرفة..جاكيت الرزان مرمي عالكنبة اللي جنب السرير..وعفسة كتبهم جنبها..
السرير كان مرتب..الأجهزة كلها مطفية..قربت بشويش وتهاوت على الكرسي اللي كانت الرزان جالسة عليه..
تلفتت يمين..يسار بضيـاع..ارتجفت،
معـقـول!!..معقـول!!..يكون مـات!!..لا لا لا..اعوذ بالله من الشيطان الرجيم..اجل وينـه!!..
يارب..يارب..ماراح اقدر اقولها..ان فـارس مـات وانتي تنتظرين ولادة بنتكم!!..يـارب يكون بخـير يـارب
،ونزلت دموعها..من التوتر..القلق..الضغط.. كل شي تقريباً خلى دموعها تنزل...
سمعت اصوات فرفعت راسها بتعب..الصدمـة..خلتها توقف بسرعة،
معـقول!!..معقـول!!
،..ماقدرت تتحرك وتجمدت مكانها..ابتسم لها،
يعني حقيقة..مو ..حلـم!!..
هنادي:فـارس؟!!،فـارس انت صحيت؟؟،فـارس انت صاحي ولا انا اللي مو صاحية!!
فـارس..ابتسم وقام من الكرسي المتحرك بمساعدة الممرض وجلس عالسرير:لا انا صاحي،صحيـت
هنادي:وين كنت؟؟شلون صحيت؟؟متى صحيت؟؟
فـارس..تعدل وغطى نفسه بالغطا:متى صحيت؟!من ثلاث ساعات ونص تقريباً،شلون؟!مادري طبعاً،وين كنت؟!اخذوني يسوون لي اشعة،وسووا لي تحاليل و فحوص الدنيا عشان يتاكدون اني سليم وبعافيتي
هنادي..قربت منه:ان شاءالله تكون بخيـر ومافيك الا العافية..وطلت بوجهه بعدين ضمته بقوة..انا مو مصدقة انك صاحي وبخير
فـارس..ابتسم:ان شاءالله اكون بخير
هنادي..بعدت عنه وهي مستانسة:يـارب
فـارس..ابتسم:اقول احنا بأي شهر،والساعة كم؟؟
هنادي..ابتسمت:احنا بشهر نوفمبر 2009..طالعت ساعتها..الساعة صارت 11وربع ليلاً
فـارس:وانتي شتسوين هنا بهالساعة؟!!،هم دقـوا عليج بس مارديتي؟!!
هنادي..فجأة تذكرت:ويـه نسيت رزون..طلعت جوالها ولقت 5 مكالمات لم يرد عليها ورسالة..انا من غبائي كنت حاطة جوالي صامت من الصباح ونسيته،فماانتبهت لما دقـوا..فتحت الرسالة وقرتها بعدين رفعت راسها وشافته يطالع فيه..اكيد تبي تعرف شالسالفة!،بس مو على هنوده اول هات البشارة
فـارس:وش بشارته!!،هنادي صج وش صاير؟؟
هنادي..ابتسمت:امممم اقول ولا مااقول،اقول،لالا مااقول،اقول،لالا..شافته يخز فيها..خلاص اقول،الـرزان بتولد خلاص،غـادة رسلت رسالة قبل دقيقة تقول انها بتولد
فـارس..كان مصدوم:من صجج؟!!،ولا تمزحين؟!
هنادي..ابتسمت:وهاذي فيها مزح بعد!!،ادري من الصدمة مو قادر تستوعب،اجل هي المسكينة وش بتسوي لو درت انك صحيت،حياتي جدتها توفت اليوم بعد الله يرحمها
فـارس:وشـو!!
هنادي:جدتها كانت مريضة،وسووا لها اليوم عملية،لكن ماتحملت العملية وتوفت،الله يرحمها ويغفرلها
فـارس:الله يرحمها..شال الغطا عنه..هاتي الكرسي و وديني لها
هنادي:وشـو!!،لالالا الحين بعد البنت يصير فيها شي ماهي ناقصة
فـارس:عبيطة انتي!!،هاتي الكرسي و وديني لها،مابيصير فيها شي فكينا
هنادي..قربت له الكرسي وساعدته يجلس عليه:انت تتحمـل المسؤولية
بـالمصعـد..
هنادي..همست له:بس اعطيك خبر،انها من اول ماعرفت اللي صار لك جات على طول مع ان السفر كان مو زين لها،باختصار يعني،مع انه مو مسموح لي اقول لك هالكلام،الرزان تحبك،ولاتسألني أي شي لاني مو مستعدة اجاوبك
فـارس:انتي تمزحين صح؟!!
هنادي:أبـداً
معقول..معقول..تكون تحبني!!..متى حبتني اساساً!!..والله ودي يكون كلام هنادي صحيح فعلاً..
بس اشك..يمكن كان الحساس العادي والطبيعي اللي أي انسان ممكن يحس فيه لما يصير شي لشخص تربطه فيه هالعلاقة اللي تربطنا..
يعني انا بالنهاية ابو هالطفل اللي بيجي..طفلنا..وكنت زوجها..فشي طبيعي بتتضايق لما يصير لي شي
،استمرت افكاره..يمين..و..يسار..
هنادي..لما وصلوا قدام باب الغرفة:متأكد تبي تدخل
فـارس:لاتتفلسفين هنادي،دخلي انتي اول تاكدي من الوضع
انفتح الباب قبل لاتفتحه هنادي..
:فــارس!!!!
هنادي:انتوا ليش طلعتوا؟؟
:الدكتورة توها داشة،احنا شكـو نجلس داخل!!
هنادي:عالأقل وحدة منكم قعدت معاها
:مـادري
فـارس:هنادي دخلي انتي،وشوفي اذا عادي ادخل ولا لا
هنادي:اوكي
دخلت..وهو بعد عن الباب..
:الحمدلله عالسلامة فـارس
فـارس..بدون مايلتفت عليهم:الله يسلمكم
كانت هي تتالم ومو حول شي..كانت مغمضة عيونها لكن لما حست باحد يمسك ايدها فتحت عيونها..
الدكتورة لسه قاعدة تجهز أغراضها مع الممرضة بكل برود!..
الرزان:هنـادي بذبحها هاذي،صار لها ساعة تجهز،ومو فالحة الا تقول Just wait،اللي داخل مو قادر ينتظراكثر
هنادي..ابتسمت:الرزان سمعيني ابي اقولج شي
الرزان:انتي شايفة ان هذا وقته!!
هنادي:فـارس صحى وهو برا يبي يدخل
الرزان..فجأة تلاشى كل شي حولها:وشـو؟!!
هنادي:فـارس صحـى وهو بـرا يبي يدخل
الرزان:هــا!!
هنادي:انا ماعليّ بخليه يدخل
ولفت وراحت..اما الرزان في حالة صدمة..قبل ماتسكر هنادي الباب..طلعت صرخة الرزان فجأة..سكرت الباب بسرعة..
هنادي:تقدر تدخل
فـارس..حرك كرسيه:انتي خليج هنا
هنادي:وشو!،لاطبعاً مو على كيفك
فـارس:هنادي لاتطولين السالفة،خليج هنا
جلست وهي تتحلطم..وفـارس دخل..طبعاً الدكتورة هبت في وجهه..واحد داخل واحد طالع ازعجوها!!..
الدكتورة:What is this I can't work by this way!!,you can't just come in like that!!who are you؟
فارس:She's my wife
رجعت وجلست ولبست قفازاتها..وهو قرب بتردد من الرزان..اللي كانت مغمضة عيونها وبعالمها..
الرزان..مجرد حست بيده على يدها ارتجفت وفتحت عيونها:فــارس!..نزلت دمعتها المحبوسة..انت صحيت
مارد..ومسك ايدها وضغط عليها..فـابتسـمـت...
[..الجـزء الخـامس والثلاثـونــ ..]
بنوتي الأمورة الحلوة..غـلا..اليوم بتطلع من المستشفى أخيراً..بس بتروح مع ابوها طبعاً..
مضى اسبوعين والكل مازالوا يحنون..على نفس الموضوع بالتأكيد.." فكري مرة ثانية يالرزان وراجعي قرارج..
احسن لكم ترجعون حق بعض"..طبعاً الجواب كالعادة "لا"..انا ناقشت الموضوع مع فـارس وانتهينا منه..
طبعاً هو مثلهم مو مقتنع..لكن بالنهاية هو مايقدر يغصبني على شي..انا ماهموني والله كيفهم ان شاءالله عمرهم مااقتنعوا..
انا اهم شي عندي مصلحة بنتي..غـلا قلبي..والا هم مايفرقون عندي..امي كالعادة تهدد وتتوعد..
لكن..تدرون انها تغيرت فما صار يهمها مرة..صار الأهم عندها راحتي..الله يحفظها ويخليها لي..يـلا بروح اجيب غـلا قلبي
،..حطت القلم وسكرت الدفتر..شالت شنطتها والجاكت حقها..وطلعت من الغرفة..شافت الشلة قاعدين قدام التلفزيون..
الرزان..سوت لها هوت شوكلت عالسريع وشالت لها كروسون:يـلا سـلام ياصبايا
اشروا لها باي بدون مايلتفتون!!...شغلت سيارتها وانطلقت..
الأربعاء..
16/12/2009..29/12/1430..
الساعة 6:20 مساءً..
:انا اقول تخلينها عندج خلال الأجازة،انتي بتكونين فاضية لها،انا ماعندي اجازة،بعدين لما ترجعين بآخذها
:انتوا تمزحون صح!،حسيتها لعبة تتحاذفونها،هاذي بنتكم على فكرة!!
:طلول بلا ملاقة ندري،انا اللي تعبت فيها اذا تذكر
طلال:الحمـدلله والشكر،طيب خليها عندج وبس
الرزان:انـا،ياربي رجع يفتح نفس الموضوع،خلاص تمام زي ماقلت
فـارس:يعني بتخلينها عندج؟؟
الرزان:أي
فـارس..سكت شوي وهو يفكر:اقول وش رايج بما ان كل اغراضها بالبيت والسرير مركب هناك وكل شي،تقعدين انتي وياها بالبيت
الرزان:وشو؟!،وانـت؟؟
فـارس:انا!!،بقعد بالبيت وين تبيني اروح!!
الرزان..ابتسمت:لا ياشيخ احلف!!
طلال:والله فكرة،اريح لج انتي بعد ترا
فـارس:قولها،صدقيني كذا احسن،والبنات مابيتحملون لو قامت تصيح بالليل وسوت حركات
طلال:اكيد مابيتحملون،لو انا منهم احذفج انتي وبنتج برا
الرزان:نعم!!،اقول طلول ورا ماتعقل..وسكتت شوي..اممممم مادري..وسكتت تفكر..خلاص طيب،ليش لا!!
طلال:بس جيب الكرسي عشان اثبته في سيارتها
فـارس..قام:ان شاء الله،يـلا قوموا
شالتها من الـ"اللي يشيلون فيه البيبي وش يسمونه!!"..
فـارس:ليش تشيلينها خليها!!
الرزان..ابتسمت وهي تلعب معاها:ابي اشيلها كيفي
طلال:وشو بعد!!،بتقعدون تتهاوشون عليها من الحين!!،اقول رجاءً لاتماطلون و تطلقوا بسرعة وفكونا..طالعوا فيه اثنينهم..وشو!!مابتتطلقون هونتوا؟؟
فـارس:جبنا سيرة الطلاق؟؟،الفكرة كلها اننا نظل منفصلين الى الأبد
طلال:يعني بتقعدون كذا طول العمر؟!!،ترا مايجوز
الرزان:مالك دخل يامفتي المملكة،ويقدر يتزوج انا ماراح امنعه
طلال:لا تمزحـون من صج تمزحـون!!..طالع فيهم..من صجكم!!،والله انتوا مو صاحيين
انا متأكدة ان شعوركم يماثل شعور..طلال..وهو"عدم التصديق"..لكن الرزان سبق واتخذت قرارها..
صحيح انها تحب فـارس..لكن..الحب شي..و..الزواج شي ثاني..هي عرفت انها ماراح تقدر تعطيه كل شي كزوجة..
راح تقصر في حقوقه كثير..واللي سوته مرة لايمكن يتكرر..فالأفضل لهم اثنينهم الانفصال...
:وأخيراً نامت،ازعجتنا هالنتوفة،حجمها مايتعدى شبرين وصوتها يصحي بلد ماشاء الله!!
الرزان..ابتسمت:عيب تقولين هالكلام هنوده انتي عمتها،وبعدين محد قالج طقي بالصدر وتعالي قعدي معاي
هنادي..ضحكت:غلطتي طلعت عمتها،وغلطتي اني حمارة واحبج واخاف يجيج انهيار عصبي وانتي قاعدة مع اخوي لحالج،جلسي بس جلسي بلا فلسفة،ماسمعتي آخر الأخبار!!
الرزان..ابتسمت:قديمة عرفت قبلج،خـالد خطب دلال
هنادي..ابتسمت:دبـة مين قالج؟!
الرزان:خلود حبيب قلبي اكيد
هنادي:واكـيد بعد!،اكرهج
الرزان..ضحكت:وانا ابادلج نفس الشعور
هنادي:ماتستحين
الرزان:وانتي بعد
هنادي:مااحسهم يناسبون بعض!!
الرزان:وانا بعد،بس بعد احس انه يقدر يغيرها
هنادي:اتمنـى،وبعدين وين تلاقي احسن منه هالعانس!!
الرزان..ابتسمت:عيب عليج هاذي اختج،وبعدين لج عين تتكلمين يالعجوز!!
هنادي..ابتسمت:ماعجوز الا انتي طقيتي 20 سنة قبل 4 ايام
الرزان:احسن من اللي طقت 21
هنادي:احترمي نفسج
الرزان:شكـو!!انتي اللي احترمي نفسج
ضحكوا على جنونهم..وقاموا يسوون شراب منتصف الليل..ورجعوا جلسوا بالحديقة..
هنادي:انتي ماراح تغيرين رايج؟!،ماراح تندمين بعدين؟؟
الرزان..ابتسمت:صدقيني ياهنادي هذا اللي ابيه
هنادي:متأكدة هذا اللي تبينه؟؟،انتي قلتي انج تحبينه شاللي تغير!!
الرزان:حتى لو احبه،انا ماقدر اعطيه حقوقه،ماقدر اسلمه نفسي،هي مرة وتحسفت عليها قد شعر راسي
هنادي:بس جبتي بنت امورة
الرزان:الحمدلله الله رزقني بهالبنت الأمورة على قولتج،بس انا ماقدر اكرر التجربة،ماقدر احس بقرف،احس بإهانة حتى
هنادي:إهـانة!!،لهالدرجة؟؟
الرزان:ماتتخيلين احساسي كيف ياهنادي،خصوصاً مع اللي صار لي قبل،احس هالشي تعذيب لي
هنادي:طيب ليش ماتتطلقون نهائياَ وبس؟!
الرزان:بيني وبينج هذا اللي ناويته،بس تكمل غـلا سنة بكلمه،صحيح انا مابي اتزوج مرة ثانية ابداً،لكن هو اكيد يبي يتزوج،و وضعنا بيخرب عليه فرصه للزواج
هنادي:وانتي ليش شايلة همه!!
الرزان:مو شايلة همه،بس ابيه يعيش حياته
هنادي:وغـلا بتخلينها عنده؟؟
الرزان:مادري،لكل حادثة حديث،بس الأغلب أي
هنادي:عادي عندج وحدة ثانية تربيها؟!!
الرزان:تقصدين اذا تزوج!!،زوجته بتكون جزء لايتجزأ من حياة غـلا اكيد،وبالنهاية انا بظل امها وهذا محد يقدر يغيره
هنادي:هـه تضحكين على عمرج!،البنت صغيرة وماتدرين يمكن يتزوج عقربة وتلف عليه وعلى بنتج،وبعدها مين راح يتذكر انج امها
الرزان:هنادي مو لهالدرجة!!،وبعدين قلت لج لكل حادثة حديث،لسه ماتزوج عشان نتكلم بهالموضوع،اذا خطب بنتكلم بالموضوع..وقامت وهي تبتسم..تصبحين على خير
عبست بوجهها..قربت منها الثانية وباستها على خدها وقرصت خدودها >>كأن عندها خدود اساساً!!<<..
واخيراً ابتسمت..وضحكـوا على بعـض...
[..الجـزء السـادس والثـلاثونــ ..]
حطت الشنطة الكبيرة عند الباب..لبست عبايتها ولفت الشيلة..شالت شنطتها اللي وش كبرها على كتفها..
:يـلا خلصينا..ضحك..والله تحولتي الى ام فعلاً مع هالشنطة،حشى وش حاطة فيها؟!
الرزان:ها ها ها مرة خفيف،يعني وش حاطة فيها!!،اغراض لـ غـلا اكيد،اقول طلول الطيارة بتطير وانت قاعد تتفرج!!،تحرك شيل الشنط
طلال..رفع حاجب:بعد الأخت تتأمر!!،طيب يـلا بنمشيها ونآكل تبن،بس بالسعودية بنشوف مين بالضبط اللي بيآكل تبن
الرزان..ابتسمت:اكيــد،انـت
كشر بوجهها بطريقة عجيبة..ضحكت عليه..شال الشنط ومشى..
طلال:عجلي لاتتأخرين
الرزان:ليش قالوا لك انا مثل بعض الناس اللي اسمهم يبدا بحرف الطاء!!
طلال:هـا هـا هـا،يازينج ساكتة يا مـامـا
ضحكت..دخل هو الغرفة بكل هدوء..التفتت اول ماحست فيه..ابتسمت له والتفتت تشيل غـلا من سريرها..
فـارس..ابتسم وهو يطالع في بنته:بيصير البيت هادي بعد ازعاجها
الرزان..ابتسمت:ياسلام،لا حبيبي بنتي مو مزعجة،بسم الله عليها هادية مثل امها..وكلمت بنتها وهي تبتسم لها..صح مـامـا..طلعت غـلا صوت ناعم فضحكت..قوليله هو مو تقولين لي!!
:مين يقول حق مين!!،انتوا هاي وش تخربطون مع بعض!!،هـا رزون لغاب القط العب يافار؟!
الرزان..ضحكت:وش قطه وش فاره!!،هنوده حياتي انتي ماغسلتي وجهج لسه؟!
هنادي:بدت حركات الاستهبال،لاتلعبين بعقلي على بالج بتعب يعني اذا قلتي لي هنوده وحياتي ،لاعيوني انا مو عبيطة لهالدرجة،يـلا اعترفوا شتسوون؟!
فـارس..سكت الرزان قبل لاتتكلم:لاتحاولين تقنعينها،هنادي ضفي وجهج واستهبلي بعيد،انا سمحت لج تقعدين مع الرزان بطيب خاطر،لأن قلبي كبير ومشكلتي طيب زيادة عن اللزوم فلا تزودينها وتستغلين طيبيتي اكثر
هنادي:هـا هـاهـا،لاضحكتني من جد،مين اللي قلبه كبير وطيب؟!،انت!!،لا وزيادة عن اللزوم، هـاهـاهـا والله ابيخ نكتة سمعتها من واحد وعشرين سنة
فـارس..ابتسم:الحمدلله والشكر،ضفي وجهج زين
الرزان..مشت طالعة:اقول انتوا ظلوا على حالتكم هاذي،عادي ترا ماورانا طيارة لازم نلحق عليها
هنادي:بييي أي والله نسيت من وقع الصدمة..وراحت تركض..انا بروح اسكر شنطتي
الرزان..شهقت:يادبة لسه ماسكرتيها؟!!
هنادي..من بعيد:بسكرهـا بسكرهـا
الرزان..ضحكت:والله مو صاحية..فجأة سكتت وحست بقلبها بيطيح لما شافت فـارس قدامها وقريب "زيادة عن اللزوم"..وش تبي؟!
فـارس..بكل برود:ابي بنتي بودعها..وابتسم بأستهزاء..يعني تظنين وش ابي؟!
الرزان..(مالت عليك..طاح قلبي..طيب ليش لاصق!!)عطته البنت:انا نازلة فلا تخليها وداع هنود..اخذ البنت لكن ماخلاها تتركها فظلت واقفة لأنها لو تركتها بتطيح..امسكها بتطيح
فـارس..طالع بعيونها بنظرة(بنشوف مين اللي راح يستسلم بالأخير..يامـدام)ومسك البنت وتركتها هي وبسرعة طلعت تمشي شوي وتركض فعلى صوته:شوي شوي لاتطيحين
وابتسـم...ركضت وهي تنزل الدرج..و ركض للسيارة..وركبت وهي تلهث..حطت ايدها على قلبها وضغطت بقوة..،
مالت عليك..يالسخيف..يالحمار..لو تموت..لو تموت مايصير اللي تبيه..مااكون الرزان اذا شفت وجهي بعد اليوم..
يقال يعني على طول بخق عشان خزيتني!!...رزون الصج عاد!!..ماطاح قلبج ورحتي فيها بسبب هالحركة البايخة بس!!...
حتى ولو..اللي يطلبه شي اكبر..شي مااقدر اتنازل فيه بكل سهولة،..
طلال..التفت مستغرب:خير؟!،الرزان فيج شي؟!،الوووو وش صاير!!،وين بنتج نسيتيها؟!!
الرزان..رفعت راسها:هـا!!،لا ولاشي،الحين بيجيبها فـارس
طلال..ابتسم:أيـه طيب..(يعني مصمم تسوي اللي فبالك يافـارس!)..انتي وش فيج جاية تركضين؟!
الرزان:رياضـة!،انت وش دخلك!!
هنادي..ركبت:سـلام(ن) عليكم ايها السعوديون
طلال:اخس ياللغة العربية،انتي كنتي جايبة صفر في النحو اكيد صح؟!
هنادي:صفر بعينك،بلا تفلسف،اللي يسمعك يقول جايب 100% وانت 92% وتخب عليك بعد
طلال:مناهج الأولاد بالثانوي اصعب من مناهجكم السخيفة
هنادي:على راعي البقالة يالهندي!!
طلال..ضحك:جـديدة هاذي!!
الرزان..تسندت على الكرسي وغمضت عيونها:اقول انا مصدعة،خذوا استراحة اليوم من النقرة اوكي
طالعوا ببعض..علامات ؟؟؟ تحلق فوق رؤوسهم...فتح الباب من جهتها..
فـارس:انتوا هاي نسيتوا البنت!!،من الحين ماتبونها؟!
طلال..مسك نفسه لايضحك:قول لأمها احنا وش دخلنا!!
فتحت عيونها..وكانت معصبة فما تكلمت..واخذتها..حطتها بالكرسي حقها وثبتتها...
مسك هو الثاني نفسه لايضحك..وركب قدام..لأنه هو اللي بيوصلهم...
مجرد وصلوا شالت نفسها وبنتها ونزلت ولاسألت بأحد..
هنادي..استغربت:اشفيها؟؟..التفتت وشافت طلال وفـارس يطالعون ببعض وشوي وبيضحكون..انتوا هاي وش مسوين؟؟
طلال..نزل وهو تكة وبينفجر:انا!!،وش دخلني؟!
هنادي..نزلت وراحت لعند فـارس وافتحت الباب:انت وش سويت لها؟!..مارد ولاحتى طالعها..فـارس ياويلك ياسواد ليلك لو كنت استعبطت عليها بحركة،ترا انت اللي بتروح فيها
فـارس..بدون مايلتفت عليها رجع سكر الباب:لاتتدخلين في اشياء ماتخصج،فاهـمـة؟..التفت وعطاها نظرة "يحبها قلبها"..البزارين امثالج عيب يتدخلون باللي مايخصهم..ورجع التفتت..توصلون بالسلامة
هنادي..التفت:مالت عليك وعلى اللي يسأل عنك اساساً،على فكرة بحركاتك هاذي بتخسرها ماراح تكسبها،وانت ادرى ان مافي شي يجي بالغصب،لاهو يجي بالغصب،بس هل بيكون نفس الشي لو جا بالطيب!!
فـارس:هنـادي!!،حـدج عاد
هنادي:هـه،See you bro,take care
مشت بدون ماتلتفت عليه..وهي مبتسمة...جلست جنبها..بهدوء..
هنادي:لاتعصبين على شي مايسوى..قرصت خدود غـلا اللي قعدت تضحك..طالع الكيوته واااي فديتج انا،بسم الله عليج طالعة مزيونة على عمتج،تف تف تف قل اعوذ برب الفلق
الرزان..ابتسمت:على عمتها مين ياعيوني!!،اقول توكلي بس،وبعدين لاتتلفين على بنتي الله يقرفج
هنادي..ضحكت:عن الحسد بس،بالله على مين طالعة اذا مو عليّ؟!
الرزان..(على ابوها اكيد):اممممم مادري بس ماتشبهج
هنادي..ابتسمت:تصريفـة!،ادري تشبه ابوها بس الفرق انها بيضا مثلج..ولمست انف غـلا وهي تضحك لها..ياحلوة انتي،وعندها نمش بعد،قمر وربي قمر،الله يخليهم،يالبوووو
الرزان..ضحكت:بس عاد جننتيها
هنادي..تلعب مع غـلا:هي بتنجن خلقة من هالابو والام اللي عندها
الرزان:هـاهـا هـا،ياخفيفة مايضحك،بسم الله عليها من الجنون،ان شاء الله عدوينها
ضحكت وسكتت...جا وقف عندهم..
طلال:انتوا رجاءً حافظوا على هدوئكم نبي ننام
هنادي:حشى!!،توك صاحي وبترجع تنام!!
طلال:مالج شغل،لاتزعجوني
هنادي:تآمر أمر عمي..همست..قطيعة
طلال..التفت وجلس قدامهم:سمعتج ترا
شوي وجات موجة الأزعاج الحقيقي..
:هـاي صبايا،سوري أتأخرنا بسبب التكسي الحُمار
:مين قالج تعاندينه خليتيه يروح من الشارع اللي يبيه
:بس الشارع اللي قلتلوا يروح منو اقرب ومافي لو زحمة،بس هو غبي وحُمار
:هههههههههههههه،الحمدلله والشكر،غـادة أصـول بريك شوي
غـادة:انتي ماحتبطلي ضحك!!،من اول ماطلعنا إلى ماوصلنا هنا وانتي بتضحكي!،ايش سر السعادة آنسة سديم؟
طلال..التفت عليهم معصب:انتوا هاي فضحتونا،انثبروا مكانكم وبدون ازعاج
هنادي والرزان كتموا ضحكاتهم..والبقية انفجعوا!!..يستاهلون المزعجات >>مادري على بالهم قاعدين بالبيت!!<<..
اصيل وسديم جلسوا ورا هنادي والرزان..أما هي وقفت محتارة..
هنادي:عجبتج الوقفة غـادة!!،روحي جلسي
غـادة..اشرت:يفترض يعني اجلس بجنبو!!..اشرت للرزان..انتي قومي انتي وبنتك اجلسي بجنب اخوكي
هنادي:لا وشو انا ابيها جنبي
غـادة..تخصرت:قولي قسم!،انتي عبيطة؟!،كيف اجلس بجنبو!!
الرزان..عطت غـلا لهنادي:معاها حق مو حلوة بحقها،انا بجلس جنبه
هنادي:اوهووو مايصير
غـادة:والله انك قليلة زوق،وبعدين مستعجلة على ايش عندك شهر كامل اقعدي معاها براحتك واشبعي بطلتها البهية
جلست بجنبه..التفت عليها مستغرب..بس طنش..واشر لها "بدون صوت"..ههههههههههه... مرت ساعة..
طلال..التفت:هاتيها كسرتي خاطري
الرزان..ابتسمت:ليش؟!
طلال..اخذ غـلا منها:ابداً شكلج يكسر الخاطر،بعدين هالحلوة لازم تتعود على خالها عشان من الحين تسمع كلامه
الرزان..ابتسمت:نعم نعم؟!،ليش ان شاءالله،عيوني انا ماراح اسمح لك تخرب بنتي
طلال..قاعد يلعب مع غـلا:اشدعوى انتي ما بتخربينها،البنت خربانة خربانة
الرزان..ضربته بخفيف:يالـدب!،بسم الله على بنتي ان شاءالله اللي يكرهونها،انتوا مادري وش فيكم عليها الا بتجننونها وبتخربونها!!!
طلال..ضحك:لأن عندها ام رائعة مثلج وأب مافيش زيو
الرزان..ابتسمت:هذا يخليها بنت رائعة ومافيش زيها
طلال..ضحك:ماخذة في عمرج مقلب!!،كنت اتمصخر
الرزان..ابتسمت:مايهم لأني واثقة من عمري
طلال..ابتسم:الله الله!،وين اللي كانت تصيح ليل نهار و ترنيمتها صارت "شلون بقدر اربيه،انا ماأصلح أكون ام"!!
الرزان..ابتسمت:الانسان يكبر وينضج..تسندت عالكرسي واسترخت..تصدق طلال احسها هي اللي غيرتني،ابي بس اشوفها تكبر وهي مبسوطة ومرتاحة
طلال:اذا تبين هالشي لازم تتراجعين عن اللي في بالج،لأني ماظنها بتكون مبسوطة ومرتاحة وأبوها في مكان وامها في مكان ولا؟!
الرزان:يوه ياطلال،ماظنها بتكون مرتاحة ومبسوطة لما يكونون في مكان واحد وكل واحد منهم موداري عن الثاني!!
طلال:تدرين ان الوضع ماراح يكون كذا،ولا انتي تلعبين على عمرج!!
الرزان:الله يخليك،انتوا مو شايفين شي و لاتدرون عن شي،احنا تونا كملنا سنة بس،وهالسنة كنا فيها منفصلين فعلياً ولا واحد منا يدري عن الثاني!!،والفترة اللي قربنا فيها من بعض كانت قصيرة جداً،يعني احنا قاعدين نحاول بشي مو مكتوب له الأستمرار
طلال:هو بس سؤال ولاتردين عليه،فكري بدل المرة مليون بالجواب،انتي عشتي الوضع وتعرفين كيف الحياة بدون أب،تبين بنتج تعيش اللي عشتيه بدون أم ولا أب؟؟،لأنكم مستحيل تقدرون اثنينكم تقدرون تكونون متواجدين عشانها بنفس الوقت،انتي بتخلينها عنده مو!،تبينها تعيش بدون أم؟؟،أنتي رغم قسوة امي ومعاملتها لج قبل الا انج تحمدين ربج انها موجودة ومعاج ولا؟؟..حاولت ترد..لاتتعبين نفسج وتردين الحين وتجادلين فكري بالموضوع،هل صعب انج تتنازلين وتضحين عشان بنتج؟؟
الرزان:انت عارف بوشو راح اضحي وعن وشو راح اتنازل؟!،انا ممكن انهار للأبد اذا ضحيت بنفسي اكثر،بنتي ان شاءالله بتكون بخير مع ابوها،وانا بكون موجودة لها
طلال:بس مو معاها على طول!!،مشغولة عنها بنفسج ودراستج!!،تظنين ابوها يقدر يعطيها اللي محد غيرج يقدر يعطيها اياه؟!
الرزان:انا اخذت من ابوي اللي ماخذته من أمي،حقيقية وواقع ان الأب احن على البنت من أمها
طلال:لا!،اظنج واجهتي مشاكل كثيرة كنتي تتمنين فيها تكون امي قريبة منج،وحتى لو كان ابوي-الله يرحمه- حي ماكان راح يقدر ينفعج في هالمشاكل
الرزان:طـلال انا مو في قارة ثانية!!،بكون جنبها متى ماكانت تحتاجني
طلال:كــلام
وطنشها وقعد يدغدغ غـلا ويضحك معاها..هي لفت تطالع برا وتفكر..مليون فكرة وفكرة،
اخاف يكونون على حق..وبنتي تضرر..ساعتها راح اندم قد شعر راسي اني مافكرت عدل...
بس انا فكرت وفكرت..ماقدر ماقدر..اللي يطلبونه صعب..صعب..صعب...
،دارت ببالها..شغلت آيبودها وغمضت عيونها..
{امنـتـك اللـه ياحبيبي أبرحـل
يمكن غيابي يعرف الشوق قلبـك
مع مرور الوقت ارجوك اسـأل
خل الوصل لو يوم من بعض طبـعك
انا بغيب وان كان لك قلب ازعـل
اعطيني اعذار وانا ابقى بحبـك
كلمة حبيبي في مدى الهجر تذبـل
دام الصدود اليوم هو شرع حبـك
لاعاش لك قلب اذا الضيم يقبـل
ولاينفعك زين(ن) لو الغدر طبعـه...
[..الجـزء السـابع والثـلاثونــ والأخيـر ..]
..بابتسامة كبيرة:لا لا!،السعودية فيها سحر،شالسالفة كل مرة تروحين وترجعين احلى من الأول!
..ابتسمت مع ان جرأته ماعجبتها:تسـلم
..همست لها:وش عنده اول مرة يقول مثل هالكلام!!
..ضربتها بكوعها:جب..ورجعت تكلمه..انت شخبارك؟؟وكيف كانت الأجازة معاك؟؟
..ابتسم:تمام الحمدلله،والأجازة كانت نقاهة حقيقية بعد ضغط الامتحانات
..ضحكت:أي والله نقاهة حقيقية،والله ياليت يعطونا كل فترة اجازة زي كذا
..ضحكت:طمع فيكم يالسعوديين!!،حلاوة هي!!،احمدي ربج عطونا شهر
..ضحك:على قولتها احمدي ربك،اساساً هذا يعتبر كرم حاتمي انهم يعطوننا شهر كامل
:حشى بننذل على شهر!!،انا شكلي برجع السعودية مرة وحدة،هناك اجازاتهم كثيرة
..ضحك:ارجعي مين ماسكك؟؟
..ابتسمت:واترككم لحالكم!،مايصير لازم ارفه عنكم..وهمست لها..حامض على بوزه ارجع،عشان يخلاله الجو!
الأحـد..
23/1/2011..18/2/1432هـ..
السـاعة 5:30 فجـراً..
استرخى تماماً واستند على الشجرة..وطرت على باله هالأغنية..
{ صعب أجبر عيوني تنام بليلة وانتي زعـلانـه
وإذا مرت عليّ أيام اجيك بروح ولهـانـه
معي حب وباقي احلام وباقة ورد خجـلانـه
خجول الورد ماينلام لأنك أجمل انسـانـه
عسى الله لايجيب خصام لجل حبنا وعلشـانـه
وكل مامر فينا عام هوانا تورق اغصـانـه
أنا شوقي يزيد هيام كثر ماروح عشقـانـه
وأنا من راسي للأقدام مشاعر حب عطشـانـه
صعب اجبر عيوني تنام في ليلة وانتي زعـلانـة
وإذا مرت عليّ أيام اجيك بروح ولهـانـه...}
مرت سنتين مو أيام..وانتي لسه مو راضية!!..هذا اساساً اذا كنتي زعلانة!!..هـه..البنت مازالت صغيرة..لكن..اذا كبرت بعد كم سنة وش بيصير؟؟...
،قطع على نفسه هالأفكار..وغمض عيونه.. لكن..الأفكار اللي تدور براسه مااستسلمت،
الحين هي تبي الطلاق..وامي تبيني اتزوج...دائماً هم يبون!!..اظن جا الوقت اللي اسوي فيه اللي ابي..
بدون ماراعي مشاعرهم..بدون مااهتم لرايهم... فـارس انت تبيها؟؟..ليش طيب؟؟..تحبها؟؟..ولا عشان غـلا؟؟...
الصراحة ابيها و ابيها وابيها لأني احبـها..أنا اكبر من اني اتعلق فيها لنزوة عابرة بس..
واكثر حكمة من اني ارجع لها بس عشان غـلا..لأن هذا مو في صالحنا كلنا..انا تراجعت لمدة سنتين..
الحين هي انضج واعقل من اول.. لازم اتحرك الحين لو كنت ابيها فعلاً...
بس المشكلة هي ومزاجيتها..وإنكارها لكل مشاعرها..مع اني متاكد ان العقدة انفكت بعد هالوقت..لكن مازلت تنكر!!...
،انقطعت افكاره على نحو مفاجئ ..ماتوقع..غريب..عجيب!!..تعمد يتظاهر انه مو شايف شي أبداً...
كانت منطلقة..كعادتها-اللي ماتركتها- تمشي كل فجرية بالـ بارك..الآيبود بأذانها ومركزة عالأغنية..
..بدون مايتحرك من مكانه:يامحاسن الصدف،ماتوقعت ابداً اننا نلتقي بالبارك!!
..التفتت وهي متفاجأة:فــارس!!
فـارس..ابتسم:الـرزان
الرزان..طالعت بعيد:صباح الخيـر
فـارس:صبـاح النور
الرزان:شخبارك؟؟
فـارس:بخير الحمدلله،وانتي؟؟
الرزان:الحمدلله عايشة
فـارس..ابتسم بتهكم:لا!،وانا اللي كنت مفكرج ميتة،سبحان الله
الرزان..رفعت عيونها بتأفف:فكرتك مسافر؟؟،هنادي قالت انك بتسافر في الويكند؟؟
فـارس:كنت بسافر بس غيرت رايي،متى جيتي اخذتي غـلا؟؟
الرزان:بعد ماطلعت من الجامعة،يعني الساعة 5،قالت لي لينا انك تتأخر بالشغل كثير هالأيام
فـارس..ابتسم:عجيب الكل يقولج عن تحركاتي!!،هم كذا طبعهم ينشرون اخباري والله شي!!
الرزان..طالعته بطرف عينها:القصـد؟!،ترا انا ما أفكر اسأل عنك،ومو مهتمة بتحركاتك
فـارس..ابتسم:انا متاكد من هالشي،زي ما انا متأكد ان لينا قليلة كلام وماتتكلم بدون داعي
الرزان..لوت شفايفها:صحيح،هالمرة انا سألتها وينك؟،كنت ابي اسألك متى بتتكرم وترد عليّ بالنسبة للموضوع اللي كلمتك عنه
فـارس:أيـه،والله انتي تعرفين ردي مسبقاً..وقام وهو ينظف ملابسه..طـلاق انسـي،مو نذالة مني زي ماتفكرين،بس لأن هالشي مو في صالحي
الرزان:وانا مو في صالحي اقعد كذا
فـارس:امج ماظنها قالت شي،بالعكس هي تبينا نرجع لبعض
الرزان..طالعت بعيد:هـه،أي ان شاء الله
فـارس..طالع ساعته:شوفي تبين تتكلمين بالموضوع،وننتهي من هالدوامة اللي احنا فيها،لما تجيبين غـلا نتكلم لأني مو فاضي الحين..مشى بعدين التفت..مع السـلامة
لا الـه الا الله..يـالله ياربي..صبرني للمسا
،وكملت مشيها بهمة ونشاط،
بنشوف آخرتها معاك ياأستاذ فـارس،...
{عطني وعد انك تمر..تلقاني اصبر لك عمر
..ومهما تغيب تبقى حبيب وغيرك ابد ماانتظر
غالي عليّ واحسك بروحي شريك..والدنيا حلوة حلوة فيني واحلى فيك
..ارجع ابيك قرر تجيني ولا حالاً انا اجيك
عطني وعد انطر بعد..عوضني كل اللي انفقد
..طمني ارسلي خبر شوقي من الجمرة احر
..يرضيك نبقى للأبد انا فـ بلد وانت فـ بلد...}
جلست بالكرسي اللي قدام المكتب..تهز بتوتر رجلها بالكعب الأحمر..
وشوي تعدل جاكيتها الكحلي بأطرافه الحمرا فوق قمصيها السماوي المخطط..بعد هالوقت رجعت
نحفت بس هالمرة بزيادة مرة 42 كيلو صاير وزنها!!..ورجعت شوي تطالع بساعتها الحمرا..Gucci
..
وشوي تعدل شيلتها الحمرا..قامت قدام المرايا الكبيرة الموجودة بآخر المكتب..فصخت الشيلة وفكت شعرها البني –اللي توها صبغته للمرة الثانية- الطويل..
عشان تلمه عدل وتلف الشيلة..
:متى صبغتيه؟؟
الرزان..التفت وهي تحط الشيلة بسرعة:قبل اسبوع،وبعدين مو كان مفروض تطق الباب قبل لاتدخل يا أستاذ فـارس!!
فـارس:انا في بيتي ليش استأذن!،وبعدين انتي مازلتي زوجتي ولا نسيتي!!
الرزان:زوجة بالأسـم
فـارس..سكر الباب وراه:هـذاك قبل
الرزان..استغربت:وش يعني؟!!
فـارس..قرب منها لكن خلى بينهم مسافة وسحب الشيلة:يعني ماله داعي تحطين بيننا حواجز،بس عشان تحمين نفسج،انا ماراح آكلج..استند عالمكتب..مع اني متحمس لهالتجربة،بس متردد لأنج مازلتي جلد وعظم فـ ايش آكل بالضبط!!
وش قاعد يخربط!!..هل هو صاحي؟؟..اشك والله..وش!..وش ناوي عليه!!
،الارتباك خلاها تقعد على اقرب كرسي..مقابله..
فـارس..ابتسم:سـلامات دختي؟؟،خليني اقول لـ فران تجيب لج شي تشربينه..انحنى وقرب منها وحط يده على وجهها..وجهج مصفرthat's not good!!،ثواني اروح اقول لـ فران تسوي لنا شي نشربه وارجع
كانت الصدمة قوية..،
قاعد يلعب!!..يتعمد يسوي هالحركات!!..وش يبي يوصله!!..ليش قاعد يسوي هالحركات!!
،..قامت شالت شنطتها وسحبت شيلتها..وفتحت الباب..بنفس الوقت..اللي فتح فيه الباب..
فـارس:ويـن؟؟
الرزان..كانت تلف الشيلة:تذكرت اني لازم ارجع بدري عشان عندي بكراQuiz
فـارس..مسكها من كتوفها:تبين تقولين انج ماذاكرتي حق الـQuiz من قبل!!،مستحيل ماتكونين الرزان اذا سويتيها..قعدها عالكنبة..استريحي لازم نتكلم،وبعدين انتي شكلج مو اوكي ،تعبانة؟؟
الرزان:انـا!!،لا أبداً!!..ووقفت..بس لازم اروح مايصير اتأخر
فـارس..جلس عالكنبة وسحبها تجلس جنبه ومسك ايدها:الرزان لازم تسمعيني
الرزان..حاولت تبعد:اقدر اسمعك ترا بدون هالحركات
فـارس..طنش وماخلاها تبعد:رجاءً استرخي شوي،عشان تسمعيني عدل وتفهميني،انتي مشدودة ومتوترة،ماراح تركزين معاي بهالحالة
الرزان:فـارس بدون هالمقدمات الطويلة العريضة،تكلم بالموضوع...
فـارس..قاطعها:انتي ليش متوترة لهالدرجة!!،relax
سكت دقايق عشان تسترخي..
فـارس:خذي نفس عميق،شهيـق زفـير
طالعت فيه بنظرة..اخذت نفس عميق..شهيـــق..زفيـر..
فـارس:الحين بتسمعيني!!..هزت راسها "أي"..انتي ليش تبين الطلاق؟؟
الرزان:انت عارف اسبابي ماله داعي ارجع اكررها
فـارس:اسباب!!،كانت سبب واحد
الرزان:هو واحـد فعلاً ماغيره
فـارس:انتي اعتراضج مو عليّ انا صح؟،انا وشو بالنسبة لج؟؟،تحبيني ولا مايفرق عندج؟؟
الرزان..مااستوعبت:هــا؟!!..قامت..وش دخل كل هذا بموضوعنا!!
فـارس..اخذ نفس عميق ومسكها عشان ماتبعد:انا مستعد اتنازل عن كل شي عشانج،مستعد اضحي بسعادتي عشان سعادتج،مستعد اطلقـج،لأني احبـج
الرزان..رجعت جلست مصدومة(معقول انت اللي تقول هالكلام!!):هـــا!!!
فـارس:اشفيج!!،انتي بخير؟؟
هزت راسها "أي"..،
ليش قاعد يقول هالكلام!!..وش الهدف؟؟..وش المطلوب مني!!..واذا يحبني!!..يفترض هالشي يغير من رايي!!!
،..فران دخلت حطت صينية العصير عالطاولة قدامهم..طلعت وسكرت الباب وراها..
فـارس..مد لها كاس العصير:شربي شوي،شكلج مو طبيعية
الرزان..اخذت وشربت بسرعة ولا ارادياً:من كلامك وتصرفاتك العبيطة!..وسكرت فمها بسرعة..sorry I don't know what's !!wrong with me today
فـارس..ابتسم:ولايهمـج،على كل انا انتهيت وماعندي شي زيادة اقوله..قام واتجه للباب..خذي راحتج البيت بيتج،انا بروح غرفتي
استغربت،
لا لا لا!!الحال مو طبيعي اليوم..يقط الكلام ويطلع ولا كأنه قال شي!!...
رزون ليش مكبرة الموضوع؟!..ماقال شي..خلاص تبين الطلاق بيطلقج..هذا اللي كنتي تبينه صح!!
،..قامت تلف في المكتب..حست بحرارة فصخت الجاكيت وقطته عالكنبة..وانتبهت لعفستها وابتسمت،
مانتبه لعفستي والا كان انتحر..ولا وين في مكتبه!
،..اختفت ابتسامتها،
رزون بتتركين الشخص اللي تحبينه بهالسهولة..انتي اللي صعب تحبين هو خلاج تحبينه..
وهو بعد يحبج..بتتنازلين عن السعادة اللي تحسينها معاه...ليش ماتتنازلين زي ماهو تنازل عن اللي يبيه عشانه يحبج؟!..
تنازلي وعطيه حقه..هو راح يكون متفهم..راح يحاول قدر الامكان يساعدج..صعبة مرة تتنازلين؟! ...
هو انتي في كلا الحالتين خسرانة..بس أي خسارة فيهم اكبر؟!...هل يعتبر وجودج معاه خسارة!!...
،..قطعت حبل افكارها بسيف..وشالت اشياءها ومشت...تمدد على الكنبة وهو يسمع موسيقى اغنية"مجبور"..غمض عيونه،
يمكن انا حمار وراح اندم..لكن..مافي شي يجي بالغصب
،.. سمع صوت باب البيت ففتح عيونه بألم..
فـارس..استغرب وتفاجأ بوجودها عند باب الغرفة:توقعتج طلعتي؟؟
الرزان:هاذي فران طلعت،فـارس بسألك ولاتكذب عليّ اوكي
فـارس..استغرب اكثر:عن وشو؟؟
الرزان:انت اللي كنت ترسل الأشياء طول الوقت،انت المعجب المجهول صح؟؟
فـارس..ابتسم:وش المطلوب؟؟
الرزان..ابتسمت:ماجاوبتني؟؟
فـارس:مادمتي سألتي يعني تعرفين الجواب،أي انا،وش المطلوب؟؟
الرزان:ليش؟؟
فـارس:مادري،عشان اشوفج سعيدة وبس
الرزان:الهدايا الثمينة ماتخلي الأنسان سعيد!
فـارس:انا ماقدر اسوي لج شي عشان اشوفج سعيدة،هاذي الطريقة الوحيدة،انتي ماتسمحين لي اقرب منج،هاذي طريقتي في اني اكون قريب منج..رجع غمض عيونه..اذا كان هذا اللي تبينه بس تقدرين تطلعين الحين وتسكرين الباب وراج
هي ماانتظرت..سكرت الباب وراها..،
ياترى هالمرة..بفتح عيوني واشوفج موجودة!!..ماظن..أملي مو كبير..وماودي افتح عيوني اساساً
،..تغيرت الأغنية لـ "انت لي" لـ طلال سلامة..استغرب وفتح عيونه..كان بيقوم..لكن..
فـارس:انتي مو ناوية تطلعين؟؟
الرزان..جلست عالسرير:ليش بتطردني؟!
فـارس..قام وهو متنرفز بيطلع وفتح الباب:لا خذي راحتج البيت بيتج
الرزان..ابتسمت وفصخت الشوز وتمددت عالسرير وهي تلعب بشعرها:ثانكس،كنت احاتي اني ارجع الشقة بهالوقت
فـارس..طالع ساعته:10!!ماهو متأخر لهالدرجة..التفت عليها..وش الهدف يالرزان؟؟،وش تبين بالضبط؟؟
الرزان..رفعت نفسها وتسندت على يدها وهي مازالت تلعب بشعرها وابتسمت:ماظنيتك غبي لهالدرجة مستر فـارس!!
رفع حاجـب..ابتـسـم..حط يده على لحيته وهو يفكر..سكـر الباب برجله..ومن ورا الباب صوت ضحكهم ثنينهم..لكن ماطلع صوت همساتهم بـ "أحبــج" و "أحبــك "..وابتسـامتـها الخجـولـة...
تـــمــت...
تجميع زهور حسين
اللهم لك الحمد حتى ترضى وإذا رضيت وبعد الرضى ,,, اضف تعليقك