رواية حبيبي علمت قلبي ع حبك علمه ع النسيان -16
راكان" بخبث ": حبي ردي ولا والله ابوسك قدامهم
وسام" خفت ..يسويها ": خلاص خلاص رضيت
راكان:ههههههههههههههههههههه ياحبي لك
فيصل: ان شاءالله مبسوطه
جمانه" للحين مستحيه لاني كنت بحضنه": ايه الحمدالله
فيصل: عساه دووم يارب
جمانه: وياك
فيصل: يلا تبين شئ انا عند الرجال
جمانه: طيب
مشيت عنه واحس انه كان يراقبني لحدماوصلت ... مو مراقبه شك لا
كانت غير مراقبه انه كان مايبيني اغيب عن نظره .. حبا فيني وشوق
لي... رجعت مبسوطه وفرحانه بس عكر مزاجي صوت نغم
وهي حطه حيلها بقمر
نغم" وهي ماسكه ولدها الي قمر كفخته ويصيح": مسكوها ولا اذا
مو قادرين عليها ودوها لامها
قمر" خافت وصارت تصيح":...................
نغم " بعصبيه": غلطانه وتصيح ... مو منها مدلعه ومافي ام تمسكها
جمانه" وش تحس فيه هذي .. حاسه انها تكلم بزر": هي انتي الزمي حدك
حاسه انك تهاوشين طفله ولا لا
نغم: أي طفله هذي عله الولد ماسلم منها
جمانه" اخذت قمر وحضنتها وصرت اهدي فيها ": بس ماما حبيبتي
انتي خلاص
قمر" مستمرة تصيح وخايفه من صراخ نغم":..........
جمانه: نغم انكتمي دام النفس عليك طيبه سامعه
نغم: خير خير وش تبين لايكون صدقتي نفسك ترا منتي امها
جمانه" بثقه": امها غصبن عنك وعن الي مايرضى
نغم: ايش!!
جمانه: ابس سمعتيه وبنتي ياويلك تعلين صوتك عليها او تهاوشينها
عندك شئت جين تقولينه لي
نغم" تاشر ع ولدها": شوفي وش مسويه بالولد
جمانه" تمسح دموع قمر وتبوسها": والله مو مشكله البنت اذا ولدك بطه
ومايصرف نفسه وهذا وهو اكبر منها غلبته مع انه اكبر منها سن وحجم
نغم" حست بالفشيله وحاولت تصرف": ولو ادبوها
جمانه: مادبه قبل لاتشوفك والزمي حدودك يانغم انتي غاليه ومابي
اغلط عليك
نغم: وانتي خليتي فيها غلط
جمانه: الي سمعتيه
نغم" تقوم وتشيل ولدها وتروح":.................
جمانه" اخذت قمر وجلستها بحضني وهديتها وشربتها مويه": خلاص
حبيبتي انتي
قمر"ببرائه": انتي ماما
جمانه" حن قلبي لها وحبيت كلمه ماما منها": ايه حبيبتي انا ماما
قمر" تمسح دموعها بيدها الصغيرة": ماما تقتني"طقتني"
جمانه" بحنيه": خلاص هاوشتها ... وبعدين ياماما عيب تمدين
يدك ليه تسوين كذا
قمر: يكب الرمل ع عنوني
جمانه" كانت متاكده انه قمر ماتمد يدها الا اذا حد بدا وسوا لها شئ":
اشوف" وناظرت عيونها ونفخت فيها" خلاص مافيك شئ
كل هالشئ صار قدام فيصل.. هو ج يوم سمع قمر تصيح وكان ناوي ع
الي صيحها بس يوم شاف جمانه تراجع .. وخلها تتصرف .. لانه حتى
هو اعتبرجمانه ام لقمر.. ومن اليوم ورايح قرر يعطيها مطلق الحريه
بتصرفها معها .. حس بحنيتها عليها وحبها لها .. ومتاكد انها تعتبرها
بنتها.. من قبل كان مايسمح لها تهاوشه او تعاقبها .. بس الحين كل شئ
تغير................
مر اليوم بعد السالفه هذي بسلام والكل راح ع بيته مبسوط ومرتاح
الجزء السابع عشر........
جمانه" كنت مستعجله صحيت متاخره.. ووراي دوام الاجازة خلصت
وفيصل.. للحين ماخلص ,.بنودي قمر بيت خالتي وبيوديني الجامعه
وهو بعد راح يتاخر...جلست انتظره بعبايتي وبحضني قمر نايمه
تذكرت كيف الوضع بينا.. حلو ومريح ..فيصل صار ينام بغرفه
وسن الحين وانا وقمر بغرفتنا .. تحسنت علاقتنا كثير صرنا نسولف
ونضحك مع بعض ووجباتنا ناكلها مع بعض وغير السفريات للبحرين
والامارات اكتشفت فيصل جديد يحب السوالف والمزح .. رجعت
شخصيه فيصل القديمه يالي كنت اعرفه فيها واتمنى زوجي يصير مثله
مشاعرالكره اختفت بس للحين ماقدرت احدد مشاعري تجاهه...
فيصل" قطعت عليها سرحانها": يلا جاهزة
جمانه" قمت وشلت قمر": ايو
فيصل"اخذت منها شنطتها وشنطه قمر ": يلا مشينا
راكان" رجعت من الدوام واستغربت انه كل شئ نفس ماتركته لما
طلعت غريبه وسام ماجلست يعني.. رحت ع المطبخ .. ماشفت انطبخ
شئ.. رحت للغرفه وشفتها ع نفس بطحتها .. قلقت .. ولما شفتها
تتنفس ارتحت": وسام
وسام:.................................
راكان" جلست بالسرير وصرت العب بشعرها": وسام قومي الساعه3
وسام" كنت حاسه بخمول وكسل وللحين ماشبعت نوم:هممم
راكان" خفت عليها كملت اسبوع ع الحال هذا ": وسام حبيبي تعبانه
وسام" حركت راسي بمعنى لا": ............
راكان" سحبتها لحضني وهي دايخه وعيونها للحين مغمضه":وسام اصحي
وسام" بصعوبه فتحت عيوني":همم
راكان: حاسه بشئ تعبانه معك حراره
وسام"تثاوبت": لا بس ابي انوم
راكان" استغربت نايمه بدري امس وللحين تبي تنام": انتي صحيتي
امس يوم نمت ولا سهرتي
وسام" حطيت راسي ع صدره": لا راكان حبيبي بس شويه بنام طيب
راكان" زاد خوفي اكثر .. من اسبوع وهي دايم تقول حاسه بخمول
وجسمها متكسر ومافيها حيل تسوي شئ وتنام بس": طيب حبيتي قومي
صحصحي وصلي
وسام" بانزعاج": الساعه 3 صح
راكان: ايه
وسام: ياربي سامحني فوت الظهر
راكان" لازم اوديها الطبيب": طيب قومي الحين
وسام" قمت واحس جسمي متكسر بالحيل ": طيب
قمت ودخلت الحمام " عزكم الله" وتروشت يمكن اصحصح ع الخمول
هذا.. طلعت بعد مالبست بيجامه برمودا كروهات رصاصي وسماوي
وبلوزة البيجامه رصاصي وفيها كتابه بالسماوي.. صليت وطلعت للصاله
": اسفه حبيبي راحت على نومه وماطبخت
راكان" قلقان وخايف على": لا عادي نا طلبت الحين .. بس انتي متاكده
مافيك شئ
وسام: ايه حبيبي بس شويه خمول وكسل
راكان" بعد ماعرفت عن مرضها صرت اقرا كثير عنه والي عرفته
انه في مضاعفات .. ياخوفي الحين بدت تبان فيها .. لا ان شاءالله
تكون كلها وساويس ببالي": طيب وسام نتغدا ونروح المستشفى
وسام" استغربت": ليه!!
راكان" حضنتها ": بس ابي اتطمن واعرف وش سبب خمولك
" ويغمز لي" عشان اعرف اذا هو دلع ولا هروب من مسؤليه
الطبخ
وسام" ضربته ع صدره": ها ها ها مالت
راكان" يارب لاتحرمني منها ": هههههههههههههههههههههه
تغدينا ورتبت معها الشقه .. ولبست ثوبي وشماغي .. وطلعنا كنت طول
الطريق استغفر وادعي ربي مايكون الي ببالي صحيح .. والي خوفني
اكثر هدوئها واستسلمها للنوم باي وقت... نص ساعه ووصلنا
المستشفى .. نزلنا ودخلنا ع الاخصائيه .. صارت تسالها اساله كثيرة
وبعدها طلبت منه عينه دم وتحليل...خلصت وقالت النتيجه بعد نص
ساعه .. كنت بنهب لاحس الوقت يمر بالبطئ وماهو متحرك .. جلسنا
بالاستراحه....وبعد نص ساعه رحت للممرضه حاولت اسحب منها
كلام بس ماقدرت قالت انتظر الدكتورة .. وهذي مدري وين طست
حسيت بدقات قلبي تسرع اكثر واكثر .. ومابغيت ابين خوفي وتوتري
لوسام...
الممرضه: سير يو كان كم ان ناو
راكان" رحت للوسام وضاق صدري لما شفتها نايمه هذا ياكد
احساسي انه فيها شئ يارب رحمتك": وسام يلا قلبي
وسام" قمت واحس اني نعسانه للحين": طيب
راكان" دخلنا ع الدكتورة وانا احس مافيني قوة تحمل واعصابي ماهي
مستحمله أي تاخيير....
راكان: وش طلع معها
الدكتورة: هو التحليل اثبت تالي كنت مفكره فيه
راكان" حسيت بقلبي انقبض ": دكتورة لاتخبين وش فيه
الدكتورة: مبروك المدام حامل
راكان" مااستوعبت ":هاهـ
الدكتورة: المدام حامل الف مبروك
راكان" ماني مصدق .. حمدت ربي وقمت سلمت ع الدكتورة
وانا طاير من الفرح ": الله يبارك بعمرك دكتورة
الدكتورة:هههههههههه يتربي بعزكم ان شاءالله
راكان" فرحتي انكسرت واختفت لما ماشفت أي رده فعل من وسام
.. معقوله للحين رافضه فكرة الانجاب: وسام سمعتي وش قالت
وسام: ايه
راكان" تلاشت فرحتي ": طيب يلا مشينا
وسام: طيب
راكان" لما اوصل البيت بجلس واتفاهم معها .. وبتفق معها انها تراجع
د .منى... لاترجع لها الحاله الي قبل.. كملت طريقي وانا انقل نظري
لها وللطريق.. وصلنا الشقه ..
راكان" انتظرتها تفسخ عبايتها وتجلس ": وسام
وسام: هلا
راكان: اسمعيني عارف انه صعبه عليك للحين بس ان شاءالله مع
متابعتك مع الدكتورة بتتقبلين الوضع
وسام" استغربت منه": اتقبل ايش!!
راكان" حسيت انه وراي مشوار طويل ومتعب معها": الحمل
وسام" طالعته بنظرات عبيطه": مهبول انت ..
راكان" عصبت من كلمتها بس كملت":.............ز
وسام" كنت طايرة من الفرح اني حامل بس ماني مستوعبه للحين":انا
متقبله وفرحانه بحملي
راكان: صدق
وسام" ماني عارف كيف اعبر عن احساسي احساس حلو حيل": والله
حبيبي انا ماني مصدقه اني حامل وماتتصور قد ايش مبسوطه اني
اشيل ببطني قطعه منك ..
راكان" حسيتا بواب الدنيا كلها انفتحت لي بعد ماضنيتها تقفلت": صدق
وسام" معقوله يظن انه مثل هذيك المره ..ياحياتي ": ايه حبيبي صدق
راكان" مو مستوعب": يعني انتي فرحانه
وسام" بخجل": وبطير من الفرح
راكان" يحضني": وسومتي انتي مستوعبه اني بصير ابو وانتي ام
وسام" دمعتي نزلت من الفرحه": ايه
راكان" حمدت ربي وشكرته": تتخيلين معي انه بعد كم شهر بتجينا
مهبوله ثانيه وتجلس تركض وتخرب بالشقه
وسام" بدلع": ياسلام ومن الاولى
راكان" بنظرات حب وبنفس الوقت هبال ": انتي في غيرك
وسام: احلف بس
راكان:هههههههههههههههههههه أي والله
وسام" تخصرت": وليه ماتقول مهبول مثل ابوه انا ابي ولد ماابي بنت
راكان: شوف بس عطيتك وجه تعيد الكلمه بعد
وسام" سبلت له بعيوني": عادي عادي حبيبي خليك مناصر للمساوة بين
المراة والرجال يعني الكلمه الي تقولها لي اردها لك بمثلها
راكان: لا حلفي
وسام" بعبط": والله
راكان" ياحبي لها يانااس ": حسابي معك بعد ماتولدين الحين محصنه
ببنتي
وسام: لا والله انا ابي ولد
راكان: وش تبين بالولد
وسام" بخجل": ابيه كذا يشبهك
راكان: تحبيني
وسام: امووت فيك
راكان: طيب انا ابي بنوته صغنونه مثل امها
وسام:ليه طيب
راكان" بحب": عشان وين مااروح اشوف حبيبتي بكل مكان
وسام" بحب مثله": طيب وانا ابي مثلك
راكان" حضني وباس راسي": طيب الي يجي من الله حياه اهم
الشئ الخلقه التامه وصحته..
وسام" حطيت راسي ع صدره": ان شاءالله
ماخبرنا حد عن حملي الا اهلي واهل راكان اما خالاتي وعماتي والباقي
قررنا مانتكلم لحد مايثبت الحمل .....
مرت الشهور الاولى ع خير .. بس هبلت براكان من جد رحمته
كنت اصحيه اخر الليل ويكون عنده دوام ويقوم عشاني ياحياتي
كنت اشتهي حاجات غريبه وعبيطه بنفس الوقت وتطيح براس راكان
حتى احيانا يعصب ويقول احسك تتعمدين يوم اكون برا ماتتصلين وتقولين
تبين ويوم ارجع انام تصحيني.. كنت اضحك عليه وهو معصب وهو ينقهر
... وكملتها يوم توحمت فيه وصرت مااحب ريحته هبلت فيه وربي
اخليه باليوم يتروش ولا عشر مرات وغير كل شئ عشاني الشامبو
ومعجون اسنانه والحلاقه وحتى عطوراته .....
جمانه" اليوم نويت اصارح فيصل .. بديت احبه واحب كل شئ
فيه حبيت رقته وحنيته معي حبيت شخصيته بتعامله مع قمر والكل
حبيت تفهمه لي وعدم ضغطه واجباره لي اني اكون له زوجه بحق
وحقيق..."
فيصل: هلا جمانه
جمانه: اهلين وينك بتتاخر
فيصل: ايه صار عندي سفرة ضروريه وماراح اقدر امرك
بيت خالتي فعشان كذا نامي عندهم وخلى عادل يوديك للشقه
اذا بغيتي أي غرض بس لاتجلسين لحالك
جمانه" انقهرت يوم صرت مستعده واخبره احساسي": بس
فيصل" قاطعني": يلا ياقلبي انتبهي ع نفسك وانتبهي ع قمر
تامرين ع شئ
جمانه" خفق قلبي من كلمته ": لا سلامتك وانتبه ع نفسك
وكلمني يوم توصل
فيصل: ان شاءالله فمان الله
جمانه: فمان الكريم
وسام" مر شهرين ع حملي .. امتلى جسمي بس مو كثير يعني صار
جسمي ريان من قبل كان وزني مايتعدى 36 بس الحين صار 40
انببسطت حيل وماصرت اوسوس ع وزني ا واني سمينه ولا
نحيفه وراكان.. هو المبسوط بالتغيير هذا بس ياحرام ماقدر يتهنى
كنت اضحك عليه لاني مع الوحام ماشتهي قربه مني .. وهو معصب
بالحيل مني...
وسام" وانا ببيت هلي": وش اسوي حبيبي غصب عني
راكان" بقهر": والله ماتسوى علي حمله تعب وحرمان
وسام:هههههههههههه ياحياتي تحمل تبي العيال مايجون بسهوله
راكان: اسكتي لاارتكب فيك نتي والي بكرشك جريمه الحين
وسام" بثقه": ماتقدر
راكان: وهذا اليم جنني مااقدر" وبشوق ووله" وحشتيني
وسام: وانت بعد حبيبي وحشتني
راكان: طيب شوفي لك حل سدي خشمك البسي كمامه ابي اشوفك
وسام" ماقدرت ارده لاني انا بعد مشتاقه له": طيب
راكان: ربع ساع هوانا عندك
وسام: اووك
بعد ربع ساعه .. وصل وجلسنا نسولف ونضحك بس من يحاول
يقرب لعندي تقلب كبدي .. واحس بلوعه وقوم عنه
راكان" يضرب بالمخده من القهر": يعني مطوله مع الوحام
وسام" وانا امسح وجهي بالمنديل": والله مدري حبيبي بس امي
تقول بالشهر الرابع ينتهي
راكان: وكم باقي لك
وسام: شهرين
راكان" بقهر": الله يصبرني بس .. انا ماشي الحين مقدر اجلس
اناظرك ولا اقدر اقرب لك حتى بوسه ماني قادر .." وبضيق"
تامرين ع شئ
وسام" تضايقت عشانه وعارفه انه مقدر وحامي": لا سلامتك
حبيبي .. بس لاتزعل
راكان" بابتسامه ريحتني": وانا اقدر كل شئ يهون عشانك وعشان
النونو .. يلا بكلمك ع الجوال
وسام: اووك حبيبي
فيصل" رجعت اليوم وانا عازم اكلم جمانه واعرف وش شعورها
ناحيتي خلاص اليوم ابي انهي كل شئ .. يانكمل مع بعض
ياننهي كل شئ.. توجهت ع بيت خالتي .. وجلست انتظرها
بالمجلس.....
جمانه" كنت متوترة ومشتاقه له " : السلام
فيصل" وقف لها": وعليكم السلام
جمانه" جلست بقباله":............
فيصل: جمانه
جمانه" رعت عيوني له":...........
فيصل: اليوم ابي اخر كلام لك ماابي اضغط عليك بس ماعاد فيني اتحمل
انا احبك وابيك تكونين زوجه لي بحق وحقيق اشاركك حياتي بحلوها
ومرها .. ابيك بكل ماللكلمه من معنى .. اذا مستعده نكمل مع بعض
كزوج وزجه عن حق وحقيق ولا انا مستعد اعطيك حريتك ابي يكون
هالشئ بقتناع منك مو اجبار .. ولا تخافين من حد اذا ماودك فيني
جمانه" انتظرته لحد ماخلص كلامه وتكلمت": انا مقررة
من قبل لاتسفر
فيصل" بخوف": طيب وش قرارك
جمانه" بتردد وخجل": انا بالايام الي عشنها مع بعض بديت اعجب
فيك ومع الايام تعلقت فيك .. ووو
فيصل: وو ايش
جمانه" عضيت ع شفايفي ولفيت وجهي": حبيتك
فيصل" ماني مصدق الي اسمعه ": جمانه تكفين مافيني حيل اتحمل مزح
جمانه" وانا منزله عيوني": ماامزح اتكلم جد
فيصل" وقف وجا لعندي ووقفني ": جمانه ناظريني
جمانه" رفعت عيوني له وتعلقت في عيونه":.......
فيصل: انتي مقتنعه بكلامك ومافي حد جابرك
جمانه: ايه
فيصل: يعني تبادلني الحب
جمانه" نزلت عيني": ايه
فيصل: ابيك تناظريني يوم تقولينها
جمانه" حبيت اطمن قلبه .. وناظرت بعيونه وقلبي سريعه
نبضاته": احبك
فيصل" والدنيا مو سايعته من الفرحه": يالله ماتتصورين قد ايش
كنت انتظر هالكلمه منك " رفع وجهي": وانا احبك احبك
وباليوم هذا بداينا حياة جديه انا وفيصل .. وقال اني ماراح ارجع
للشق هالا بحفله وراح يعوضني عن العرس يالي ماصار .. حاولت
امنعه بسبب احراجي اني البس الفستان الابيض الكبير وانزف وانا
معه بنكمل السنه وهو مو هامه .. حول ع حسابي مهر جديد وطلب
مني اجهز وكاني اجهز لعرسي لاول مره...وسن كانت معي ..
اخترنا الفستان وحجزنا المشغل .. وحتى الحنا حلفني اني اتحتى
مع اني مااحب الحناء بس عشانه بحطه .. كنت مبسوطه وطايرة من
الفرحه .. وادعي ربي انه يوفقنا ويسعدنا
جمانه: وسن ابيك بموضوع
وسن: امريني
جمانه: الصراحه ومن غير لف ولا دوران اخوي عادل يبي
يتقدم لك وش رايك
وسن: لا طبعا مستحيل اوافق
جمانه" بزعل" : ليه طيب
وسن: قولي له مشكور بس ماابيه يربط نفسه بوحده مثلي عشان
حد انا عارفه انه ماطلب كذا الا عشان امي او احد اخواني
هو شاب ومزيون والف من تتمناه ولا يربط نفسه بوحده مطلقه
ولها تجربه مثلي
جمانه" قهرتني بتفكيرها": يعني تظنين عادل متقدم لك شفقه
وسن: اجل وش تفسرين هالشئ
جمانه: ياغبيه عادل كان ولا زال يحبك من يومك صغيره
وسن" تفاجاءت": ايش!!! طيب ليه ماتكلم بوم انخطبت
جمانه: انتي تعرفين عادل من النوع الخجول ويخاف انه ينرد ولما
سمع انك انخطبتي ظن انه ماله امل فيك يوم وافقتي وعشان كذا
سكت وتناسى بس من يوم عرف بسالفتك طلب من فيصل انه مايرجعك
لمعاذ وهو بيتقدم لك بس فيصل رفض.. ويوم انفصلتي ثانيه قال
بينتظر فترة حتى تنسين ويتقدم ثاني
وسن: لا قولي له لا الله يوفقه مع غيري انا شلت
الزواج من بالي" وقامت عني"..........
اليوم حفلة جمانه وفيصل .. انا ووسن وجمانه بالمشغل .. انا خلصت
قبلهم كلهم لاني ماسويت شئ كثير بس استشورو شعري بالهوائي
والميك اب سويته ناعم بالحيل .. كنت لبسه فستان حمل نعوم
لون بنفسجي قصير لنص الساق .. كان بطني مختفي ماله اثر والي
يدقق بعرف اني حامل .. سمعت تعليقات كثير ع بطني واني يمكن
اكون غلطانه بالحسيه وبطني ماياهل للشهر السادس ومدري ايش
وانا مطنشه.. عجبني شكلي بالحيل كنت مره كيوت
وسن" تصفر" : ياعيني ع الحلاوة بينهبل راكان " وتغمز"وخاصه
المفاجاءة الي مجهزتها له بينهبل
وسام: هههههههههههههههههههههههههههههه عقبال مااشوفك تسوينها
لزوجك
وسن" بتنهيده" : لا انا انسي
وسام: وليه انسى وش ناقصك عشان ماتسوين كذا
وسن: نسيتي اني مطلقه
وسام: واذا اصحي ياهبله الف من يتمناك
وسن: ايه باين شوفي الطوابير ع الباب
وسام: وعادل
وسن: وش فيه
وسام: لاتتغيبين عارفه انه يحبك ويتمنى موافقتك
وسن: وسام افهميني انا ماابي شفقه
وسام: ومن قال انه شفقه صدقيني الولد يحبك
وسن: وليه واثقه كذا
وسام: من الي سمعته من فيصل وراكان.. وكيف كان ناوي ع معاذ
يو اذاك ..وكيف كان يراقبك من بعيد لما نطكلع كلنا .. الرجال مو يحبك
بس الا يموت فيك
وسن" شدتني كلمة يراقبك": كيف يراقبني
وسام" ابتسمت": تذكرين لما كنا بالبر اخر مره
وسن : ايه
وسام: هو ظن محد شافه بس انتبهت له وهو يطالع فيك ومبتسم
كان مبسوط انك مبسوطه وتضحكين وطلعتي من همك
وسن:.................
وسام: ماابي اجبرك وافرضه عليك بس اطلب منك انك تفكرين
ولاتضيعين ع نفسك فرصه انك تحبين وتنحبين من انسان
طيب باخلاقه وطيب بقلبه
جمانه" اخترت زفتي اغنيه لمحمد عبدو وعبدالمجيد حسيت كلماتها
تعبر عن الي عشته انا وفيصل طبعا مو الكل عارف سبب الحفله
الرئيسي غيري انا ووسن وفيصل وسام وراكان....
تجهزت للدخله كان فستاني ناعم وابيضيرضيني ويرضي فيصل
وسويت مي كاب سموكي وتسريحه غجريه مع تاج .. وباقه ورد
صغيره .. وكان فيصل موجود لانه دخل قبلي..............
مرت سنه مالك على البال طاري
لا جاد لك حظ ولا سولفوا فيك
وينك بلم من الجروح الذواري
طال الهبوب وطال مسراه ساريك
لا مانتظرتك بس طال انتظاري
لا ما ذكرتك .. بس لا تقول ناسيك
اشتاق لك مثلك .. وتشتاق داري
احتاج لك دايم ولو قلت مابيك
لا تطري الفرقا ولا تقول ساري
تو الوصل ما بلل اعروق مغليك
بهديك خفقه من خفوق المساري
وعطني عيونك لجل اشوف العمر فيك
مرت سنة والعين يعشقها السهر ********* ومرت سنة والشوق باقي ما انمحى
ومرت سنة والقلب ذابحه الهجر ********** ومرت سنة والهجر عيّا ما استحى
ومرت سنة ومرت سنة وأنا أنتظر ********* ومرت سنة والوصل نايم ما صحى
ومرت سنة ما جا من الغالي خبر ********* ودارت عليا حّب المحبّين الرحى
ومرت سنة صابر وعذري بالصبر ********** شماتت أصحاب الشوارب واللحى
وعيونه السود وشفايفه الحمر *********** وجديل يضىفي فوق متنه لا انتحى
وصدرِ يسد الليل من نور القمر ********** وخدِ يسد الصبح من شمس الضحى
ومرت سنة واخاف لا يروح العمر ******** وأنا أنتظر والشوق باقي ما انمحى
فيصل" وقفت استقبلتها عند بدايه المسرح.. بست خدها وتقدمنا
ع الكوشه .. تصورنا ومعنا قمر مبسوطه وطايره من الفرح .. وانا
حسيتا ني قمر من فرحتي .. اخيرا اجتمعت مع الانسانه الي نبض
ودق قلبي عشانها من بعد مافقدت الامل انه ينبض لحد...............
فيصل: مبروك
جمانه" بفرح وخجل: الله يبارك فيك
فيصل: الله يقدرني واسعدك
جمانه: ان شاءالله.. وان شاءالله ربي يقدرني اكو نلك الزوجه
المحبه والمخلصه .. واكونا لام لقمر واعوضها عن الي انحرمت منه
فييصل" شد ع يدي": ان شاءالله
وسام اليوم كملنا انا وحبيبي سنه ع زواجنا .. كنت مخططه من زمان
افاجئه بعيد زواجنا .. واخذتها فرصه بانشغاله بحفله جمانه وفيصل
رجعت ع الشقه ورتبت الاغراض .. وشريت الكيك وكانت ع شكل
قلب وبالشوكلاته ومكتوب عليها كل عام وانت حبيبي زوجتك
وسام... كانت المهمه بتفشل بسبب عناد راكان طلبت منه يجيب
لي عصير وتحجج ان الوقت متاخر وانا كنت ابي فرصه ارتب
كل شئ للمرة الاخيرة .. وبصعوبه وافق.. دخلت الشقه ورميت
عبايتي بسرعه .. وشغلت الشموع يالي بالكيك وطلعت .. للصاله
شغلت الانوار الصفرا .. وشغلت الشموع يالي ع الطاوله.. وجهزت
الكاسات المزينه ومكتوبه عليه " احبك " من جهه"غلاي" من جهه
فتحت.. التغليف عن الاكلات يالي سويتها وبسرعه وديتها عشان
اسخنها.. كنت مجهزة تبوله وورق عنب ...واشتريت معجنات...
وحطيتها بصحون حمرا ومرسوم عليها قلوب..... اخذت جهاز
الدف يدي اتجهز لدخله راكان.....وبعد ربع ساعه وصل
يامن أخذت القلب والروح وياك
لاتفتكر في يوم أبعد وأخليك
ماذقت طعم الحب ياشوق لولاك
راكان" كنت متضجر من طلبها لانه من زمان ماجلست معها وكنت
مبسوط برجعتها معي الشقه اليوم بس تفجاءت ."......
وسام" خترت الاغنيه هذي لانه ابي اعبر له عن حبي وشوقي
له .. وشفته يتقدم لي وهو متفاجئ"...
كل الهنا شفته بنظرات عينيك
أشغلتني من بد ذولا وذولاك
راكان" كانت اجواء الشقه رومنسيه بالانوار الخافته والشموع
كل هذ ماهمني .. عيوني تعلقت بالي ملكت قلبي وعقلي ..
كانت واقفه بمنتى جمالها والحمل زاد انوثتها وزينها ..بفستانها
البنفسجي وشعرها يالي واصل لنص ظهرها .......
دايم مولع بك وفكري يحاتيك
واعلم ترى محد حبيبي لي سواك
قلب رخص غيرك وبالحيل شاريك
أزعل لزعلك واشتري بعمري رضاك
يامصدر الهامي ترى العمر يفديك
حسنك بعيني وشاغل البال ذكراك
طيفك يراودني وقلبي يناديك
وسام" شفت بنظراته حبه وشوقه لي .. وبادلته بنظراتي يالي
حسيتها كاشفه حبي له..........
راكان" وصلت لعندها ": متى وليه كل هذا
وسام: كل هذا مايهم ... كل عام وانت حبيبي وكل عام ربي
يجمعنا ع الحب والسعاده
راكان" تذكرت انه عيد زواجنا اليوم": اسف حبيبتي وربي نسيت
وسام: مايهم حبيبي
اخذت ايده وسحبته ع الغرفه ... اول مادخلنا اخذت باقة الورد يالي
ع التسريحه وعطيته الباقة ومعاها كرت مكتوب فيه:
"راح اضل احبك .... لين تذبل آخر وردة"
راكان" مو عارف وش يقول": كذا تحرجيني حبيبتي
وسام" بست خده": كيفي احبك وابي اعبر لك عن حبي وانت كل يالي
عليك تتفرج وجودك بحياتي وصبرك وتحملك اكبر هديه تقدمها لي
راكان" مشيت وتفاجات بالشموع يالي ع السرير مصفوفه ع شكل
قلب وبالورد مكتوب حرفي وحرفها ": وسام
وسام" ناظرته": عيون وروح وسام
راكان" حضنتها وبستها": الله لايحرمني منك
وسام: ولا منك بس باقي ماخلصنا .. سحبته من يده لحد ماوصلنا
للكيكه...وكانت الغرفه منورة من شموع السرير والكيك: شفت
النور يالي بالغرفه هذا نورك حبيبي بدنيتي... نفخت عليها انا معه
وانطفت بعضها : شفت هذي دنيتي يوم نزعل مع بعض
راكان" ماكنت اتخيل كل هذا من وسام.. وكنت طول الوقت اردد
الله لايحرمني منها":............
وسام كملت انا وياها وطفينا الشموع يالي ع السرير كلها : هذي دنيتي
تصير سود من دونك .. حبيبي لاتحرمني شووفتك وحبك
راكان: اوعدك مايفرقنا الا الموت
وسام" حطيت يدي ع فممه": لاتجيب طاريه خلنا ننسى كل احزانا
وضيقنا ونعيش حبنا وبس... حبيبي ابي اشكرك .. صحيح ببدايتنا
جرحنا بعض بس بحبك علمتني ع النسيان وعلمت قلبي ينبض
بحبه ل كانت وبس
راكان"فاجئتني ": احبك
وسام" بخجل": امووت فيك
كملنا السهر ه برا وجلسنا ناكل بعض ونشرب بعض وطبعا راكان
مايترك المزح عنه لازم تعليقاته": حبيبتي ودي اوصل لك
من غير حواجز
وسام" استغربت ": وين الحواجز
راكان" ياشر ع بطني": كرشك يعني مسوي سور بيني وبينك
وسام" طيرت عيوني": حرام عليك وربي كل يالي شافوني اليوم مو
مصدقين اني حامل بالشهر السادس الكل يقول مالك بطن
راكان" عصبت ": وليه تقولين انك بالسادس ماتخافين ع نفسك
وع الي ببطنك من العين
وسام" مازعلت منه .. لانه خايف علينا": طيب لاتزعل
راكان" باس ايدي": مو قصه زعل ياحبيبتي بس مو كل مايسالك
تقولين له
وسام: طيب خلاص انسى
راكان: من عيوني
وسام" بدلع": تسلم لي عيونك
راكان" يتمغط ويسوي انه فيه النوم": تاخر الوقت ماودك تنامين
وسام" وانا فاهمه قصده":لا ودي اسهر
راكان" عرف وش اقصد": يعني بتظنين تقدرين تعيدين ليله زواجنا
اقول قومي بس" ويسرعه شالني":
وسام" خفت ": نزلني نزلني
راكان" يكمل وندخل ع الغرفه ": مستحيييل..."ويقفل الباب..........
مرت الايام بسعاده علينا وكل يوم احب راكان اكثر واكثر ..
كان مبسوط مني لاني اهتم بصحتي .. وبصحه البيبي .. وكان يحرجني
عند امي الدب
راكان: خالتي يعني مؤهلات بنتك يالي طلعت الحين ماتروح بعد الحمل
وسام" طيرت عيوني لما شفته ياشر ع صدري": قليل الادب
ام فيصل" بشويه خجل": الله يقطع بليسك
راكان: يمه اكلمك من جد ماصدقت بانت ملامح الانوثه فيها ماابيها تروح
وسام" اخذت المخده ورميتها عليه": وجع يالدب
راكان" مطنشني": ماجاوبتيني يمه
ام فيصل: يعني افهم من كلامك تعجبك مرتك وهي مليانه كذا
راكان: مووت ياخاله
وسام" حمدت ربي انه مافي حد من اخواني ولا ابوي": راااكان
راكان" مبسوط وهو يشوفني مستحيه وماني قادرة ارد عليه": يمه
الحين انبسط يوم اقول لها ترقص " ويهز كتوفه" ويوم تسوي كذا
ام فيصل" هفته ع راسه": استح ع وجهك بس
راكان" يسوي انه متوجع": يمه
وسام : احسسسسسسسسن
راكان:هههههههههههههههههههههههههههههههههههههههههههه
هههههههههههههههههههههههههههههههههههههه
وسام" صحيت بالم مو طبيعي حسيتا ني بموت": رااكان
راكان" يقوم مفزوع": وش فيك
وسام" وانا اتعصر من الالم": قوم شكلي بولد
راكان" يقوم بسرعه ويلبس ثوبه ويجيب عبايتي": يلا مشينا
وبالطريق اتصل ع امي وقال لها باي مستشفى حنا فيه ...
مرت ساعات وانا بغرفه الولادة ............. بعدها ربي سهل
على وشرفو نواف وحلا ع الدنيا والكل كان مبسوط وطاير فيهم
واكثر شئ راكان .. كان يحطهم لاثنين بحضنه ومايرضى لحد
يشيلهم .. لدرجه انه اخذ اجازة من الدوام ومقابلني بيت هلي
وعصب يوم قلت له اني بجلس شهرين وبالقووة اقتنع ... حمدت ربي
وشكرته كل يوم ع النعمه الي عطاني اياها
بعدها باسبوعين تقدم عادل لوسن وبالقووة وافقت ..
جمانه وفيصل.. عايشين بسعاده وتفاهم وينتظرون مولودهم
انا وراكان .. الحمدالله مرتاحين وكل يوم نحب بعض اكثر واكثر
وخايفه ع عيالي انهم ينهبلون من رجتي انا وياه .............
وبكذا انهيت روايتي واتمنى اني كنت خفيفه عليكم واتمنى انها
تنال رضاكم واشكر كل يالي شجعوني ووقفوا معي وخاصه لاحلى
عضوات منتدى غرام تسلمون وربي يعطيكم العافيه ع ردودكم
الرائعه وتقييمكم
واحب اخص بالشكر اختي وغاليتي لولو لبى قلبك عسوله الله لايحرمني
طلتك ياعسل وووقفتك معي ماانساها
Ellgance_AH_ girl
واتركم مع القصه يالي اثرت فيني وسبب تفكيري بالروايه انه كثير
منا يجهل اثر الكلام يالي نقوله ونتجاهل وش سببنا للغير من
اذى بقصد ولا من غير قصد
ومن قصه قريتها واتعضت منها لانه مو بكل مره الاسف بينجح
وبيمحي اثار كلماتنا يالي تطلع من بلحظه غضب او بمزح او
من غير مانعرف انها بتوصل للشخص يالي نتكلم عنه ومن هالقصه
مااخذت القصه بالمعني اخذت المقصد منها وهو انه كل وحده او واحد
يثمن ويفكر بالكلمه قبل لاينطقها وتحياتي
كان هـنالـك ولد عـصـبي و كان يـفـقـد صـوابه بشكـل مسـتـمـر .فـأحـضـر له والده كـيـساً مـمـلـوءاً بالمسامـيـر و قال له: يا بني أريدك أن تـدق مسمارا في سـيـاج حـديـقـتـنا كلما اجـتاحـتـك موجـة غـضـب و فـقـدت أعـصـابـك ...
و هكذا بدأ الولد بتـنـفـيـذ نـصـيـحـة والده فدق في اليوم الأول 37 مسماراو لكن إدخال المسمار في السياج لم يكن سهلا. فـبـدأ يحاول تمالك نـفـسه عـنـد الغـضـب.. و بعـد مرور أيام كان يدق مسامير أقـل.. و بعـدها بأسابـيـع تمكن من ضـبـط نـفـسه.. و توقف عن الغضب وعن دق المسامير.
فجاء إلى والده و أخبره بإنجازه فـفـرح الأب بهذا التحول و قال له: ولكن عليك يا بني باستخراج مسمار لكل يوم لا تـغـضـب به.
و بدأ الولد من جديد بخـلـع المسامير في اليوم الذي لا يـغـضـب فيه حتى انـتـهـى من المسامير في السياج..
فجاء إلى والده و أخبره بإنجازه مرة أخرى..
فأخذه والده إلى السياج و قال له:يا بني انك صـنـعـت حـسـنا.. ولكن انـظـرالآن الى تلك الثقوب في السياج ، هذا السياج لن يكون كما كان أبدا.
وأضاف:عـنـدما تقول أشياء في حالة غـضـب فإنها تـتـرك آثار مـثـل هذه الثـقـوب في نفوس الآخرين. تـسـتـطـيـع أن تـطـعـن الإنسان و تـخـرج السـكـيـن، ولكن لن يهم كم مرة تـقـول (( أنا آسـف )) لأن الجـرح سـيـظـل هـناك..!!
تحياتي وودي لكم
تجميعي
رِمْشْ الْغَ‘ـلآ
لا أحلل و لا أبيح من يشيل اسمي من على الملف
اللهم لك الحمد حتى ترضى وإذا رضيت وبعد الرضى ,,, اضف تعليقك