رواية الكفيفه -13
بوخالد مسح عل راسه :استغفر ربك ياولدي وشيل كل الي ببالك انا الحين بخليك ترتاح واذا ارتحت نرجع نتكلم يلا ياام خالد تعالي معي
ام خالد قامت وطلعت معاه ولما طلعوا بوسط الحوش
ام خالد : بو خالد وش الي صاير ليه الولد يصرخ
بو خالد : سالفه طويله
ام خالد : ايه زين وش سالفته
بو خالد قص عليها القصه الي سمعها من هاني
:يؤؤ انتم طفشتوني وين بنروح بضبط صار لنا ساعه بهاالسياره طفشت خلونا ننزل
هيثم : اقول فصيل ماعليك منه كمل كمل سالفتك
فيصل :سامي طالع هذا وش يقول
سامي :اي والله اخوي طار عقله خلاص
هيثم : وجع وش فيكم
فيصل :اول شي من قالك اني كنت اتكلم هذا واحد واثاني شي صار لك ساعه تدور فينا بنفس المكان ماتبينا نطفش
هيثم ناظر فيهم :احم الا انا متاكد
سامي :فيصل ترا عقل اخوي طاار
فيصل : اي والله طار
سامي :شكله يحب
هيثم : هـــي انت ويااه احترم نفسك وعن الغلط ولا ترا بنزلكم من سيارتي
فيصل يناظرفيه :كل هذا تسويه فيك لا شكلك من جد
هيثم : فصييييلوووه شكلك بايع نفسك
سامي : وش سالفتكم انت وياه
هيثم : مافي سالفه تلايط انت وياه يلا
فيصل ضحك : ايه وش عليك اخذتي قلبه والله انك منتي سهله
هيثم : يؤؤ فصيل ماودك تنطم
فيصل :اقول هويثم ترا بعض الناس تكون ورفع يده وقرب يديه من بعض وهو رافع صبعه السبابه باليدين ويقربهم من بعض :انت فاهم هاا ترا اي كلمه اخليك تناديها وانت نايم
سامي ضحك مع انه مو فاهم السالفه :اعجبتني هذه
هيثم يناظر فيصل :نذل اكرهك
فيصل :المهم انا جايع يلا يلا اعزمنا على مطعم
هيثم : لا والله كل تبن بس
فيصل : متاكد
هيثم ناظر فيه بقهر وعض على شفاته:اي مطعم تبي
سامي ماسك بطنه ضحك
فيصل : اممم مااتشرط اختار الي تبيه وودينا يلا بسرعه
هيثم : ان شاء الله
فيصل :ايه كذا تعجبني
هيثم مقهور ويناظر سامي وفيصل بحقد
سامي متسدح ضحك
وبعد مرور اسبوع بدت الاختبارات
ساره:هبه
هبه :هلا
ساره : كلمني ابوي مهند من شوي
ساره :يقول راح يطلع لك اوراق رسميه خلال شهر تكون جاهزه وبعدين بيسجلك بالمعهد
هبه :ساره الله يهديك ليه تتعبون انفسكم كذا
ساره :اقولك بس عن الغلط ولا تبين تزعليني
هبه :لا والي يرحم ولديك الا زعلك علي مايرضيني
ساره : اجل خلاص
هبه :بس انا مابي ادرس
ساره : وش قلنا
هبه :خلاص خلاص بسكت
ساره ضحكت : طيب حبيبتي تامريني بشي بروح اذاكر للي الاختبار
هبه ارتاحت نفسيا عند ساره وتغيرت نفسيتها وصارت تضحك وتسولف ونست كل شي جرحها بالماضي مع انها لازالت تفكر في هاني وشتاقت له ولازالت احلام الطفوله تتردد عليها ولكنها تغيرت من داخلها كثير
في بيت تركي
فيصل يرمي الكتاب على الارض وهو معصب
دخلت الهنوف عليه :وش فيك
فيصل : يعني وش فيني
الهنوف ضحكت : ايه تستاهل بصراحه الناس جالسه تذاكر وانت تبي تحوس تطلع وتتمشا
فيصل :ايه بس مو معناتها يسحب مني السياره
الهنوف :والله مافي شي يمسكك فيه الا هاالسياره المهم بس خلك عن هاا الخرابيط ويلا ذاكر بس
فيصل :انتي بعد يبيلك حد يأدبك
الهنوف :فصيل انت حالتك صعبه والله وش رايك نغير جوو
فيصل :وش نسوي مثلا وابوك فاصل النت وحارمنا من التي في
الهنوف مسكت يده :تعال بسرعه وسحبته وقامت تركض
في بيت محمد
هيثم : سويمي ترا اقلقتني رايح جاي بس اركد
سامي :خير خيييير وش تبي
هيثم مسك المخده ورماها عليه :اجلس اركد ادوشتني ماتفهم
سامي يناظر فيه ويصد :انقلع بس انقلع
مريم جات لهم :هاا وش صاير وش فيكم ليه اصواتكم واصله لعندي
هيثم :يمممه شيلي ولدك المزعج عني مو مخليني اركز
مريم :يا الله ياسامي وبعدين معاك
سامي :يمممممه تصدقييييينه كذاااااب ماسويت له شي
مريم :وش الي صاير واحد فيكم يقول
سامي :جالس اذاكر وهو يضربني بالمخده
مريم ناظرت في هيثم
هيثم :وليه ماتسأليه ليه ضربته يمه ولدك مو مخليني اركز هذه اخر سنه لي وهو رايح جاي مو مخليني اركز
مريم :تدرون انتم الاثنين تشيبون الطفل اسمعوا كل واحد فيكم يذاكر بمكان لي حاله وفكوني من شركم
هيثم : انا بذاكر هنا
سامي :لا مو بكيفك انا هنا
مريم : وبعدين يعني
هيثم :يممه شوفت عينك هو الي يجيب الشر لنفسه
مريم : انت وياه مراح ينفع معكم الا ابوكم وقامت تنادي : محمد
محمد نزل :خير وش الي صاير
مريم :تفضل شوف لك حل مع اولادك
محمد : وش فيكم انتوا بعد مو ناقصني الا انتم مايكفيني تعب الدوام
هيثم قام ينافخ واخذ الكتاب :وقام خلاص انا طالع لغرفتي
محمد ناظر فيه ومسك يده
هيثم رجع
محمد :ماادري حسيت اني كنت اكلمك وانت سحبت
هيثم ناظر ابوه وابتسم وباس خشمه :معليش بابا بس انا اخر سنه لازم اركز وكمل طريقه
محمد يناظر مريم ويضحك:ولدك هذا بيذبحني
مريم تناظر فيه مستغربه:ليه
محمد : عارف اني احبه وماقدر عليه
سامي :احم يبه وش تحبه وماتقدر عليه وانا لو اغلط تهلكني طق
محمد يناظر فيه :انا اهلكك طق يالحيوان اذا غلطة ولا انت واخوك واحد مثل مااحبه احبك انت بعد ويلا روح انت بعد ذاكر عندي سالفه مع امك
سامي :عادي يبه قول لها انا ماراح ازعجكم بس بذاكر
مريم تناظر سامي وتضحك
محمد :انت لو اطقك من اليوم لبكره شوي عليك
سامي :يممه شفتي ابوي لحظي وش رد على هوويثم وشوفي وش رد علي
مريم : حبيبي والله ولا تزعل تعال تعال اجلس بجنبي
سامي راح وجلس وحضن امه وجلس بوسطهم
محمد يناظر فيه :سامي
سامي :هلا يبه
محمد اخذ كتابه :وش عندك اختبار
سامي :تاريخ
محمد :طيب ذاكرت
سامي هز راسه
محمد :اسمع لك
سامي :يلا
محمد سكر الكتاب :خلاص تاكدت انك حافظ
مريم ضحكت
سامي :طيب ابوي ممكن اجلس على النت
محمد :لا روح راجع ونام
سامي :اوووف طيب براجع وبجلس معكم
محمد يناظر فيه وصد :المهم حبيبتي ماعليك من ولدك
مريم ابتسمت وناظرته ومدت يدها ولفت وجهه بصبعها بدلع:وش فيه حبيبي
محمد ابتسم :حياتي
مريم ردت بحياه :عيونها
محمد :تسلم لي عيونك يابعد قلبي
سامي جالس بوسطهم يناظرهم
مريم نزلت راسها وهي تتبسم حياه
محمد ناظر فيها وقرب من خدها
سامي رفع الكتاب ويناظرهم :يبااااااااه يمممممممممممه تراا مااعرف اركز
محمد عدل نفسه بسرعه وناظر ولده : واحد قالك لا تركز قوم ذاكر بغرفتك يلا
سامي ناظر ابوه وهو كاتم الضحكه :طيب طيب لا تعصب وقام
محمد ناظر مريم وهو يضحك:ترا ولدك ذا نااشب بس معليش لازلت احبه هاا الشيطان
مريم كانت تضحك
يتبع .....
في بيت تركي
فيصل :ياهبله ليه جايبتني هنا
الهنوف :يا اهبل عشان تغير جوو
فيصل تلفت حوله :بس جد ماادري يه مافكرت فيها من قبل اذاكر في السطح
الهنوف :شفت اختك حركات الحين نقدر نذاكر واذا خلصنا نلعب ورق ونتسله واذا طفشنا جيب الاب حقك واشبك على النت وماحد حولك
فيصل :هبله انتي كيف اشبك وابوك فاصل النت
الهنوف :والله انت الاهبل تقدر تسرق شبكه من الجيران
فيصل : والله انك داهيه
الهنوف :ايه افاا عليك بس اعجبك
فيصل : ياحبي لك بس مالومه يوم قال انه خاق عليك مو من شوي
الهنوف تناظر فيه وتسوي نفسها غبيه :وش قصدك
فيصل :يعني مسويه فيها مو فاهمه
الهنوف :وش تبي انت
فيصل :اسمعي بسألك بصراحه
الهنوف :خير
فيصل :انتي تحبيه
الهنوف طلعت عيونها :هااا وش سلاماات انت وش تحس فيه
فيصل ضحك :احساس اي مواطن سعودي المهم خلصينا وجاوبي تحبيه ولا
الهنوف تناظر وتصد :سخيف
فيصل شدها من شعرها :وش قلت لك
الهنوف تتألم :اااااهـ وش تبي
فيصل :ابي اعرف كل شي قولي تحبيه ولا
الهنوف تصرخ:لاااااااااهـ
فيصل شد زياده :كذااااااابه طيب وش تفسرين سالفة التلفون
الهنوف : هاا ايه وش عندك ولا حرام
فيصل ضحك وسحبها لحضنه وحضنها:لا مو حرام بس انا اسألك لاني خايف عليك
الهنوف حاطه يدها على شعرها :ااهـ كسر بيدك تألمت منك بس ماعلينا ليه خايف علي
فيصل :لانك اختي وانا احبك واخف عليك فهمتي الحين
الهنوف تناظره :فيصل لا تقول لحد طيب
فيصل :وش اقول
الهنوف :انك عرفت اني احبه
فيصل يشر على عيونه :من عيوني بس قولي لي كل شي طيب ولا تخبي على اي شي
الهنوف :وش تبي تعرف
فيصل :كل شي
الهنوف :مافي شي بس هو دايم يناظرني واذا اتصل تلفون ورديت انا يجلس يرحب فيني لين تجي انت وتاخذ التلفون واذا كنا لحالنا يحاول يتقرب مني بس انا ماعطيه مجال
فيصل :طيب اسمعيني اذا بتحبيه حبيه هو ولد عمي وصديقي وانا واثق فيه واحبه بس ولو انتي اختي واحبك واخاف عليك ولا ارضا حد يأذيك بس لا تعطينه فرصه ابد انا ادري انه مستحيل يأذيك بس خلك ثقيله طيب
الهنوف :وش قالولك انا هبله مثلا
فيصل :لا حبيبتي بس انا قلت لك كذا لان مستحيل اقدر امنعك لان قلبك ماهو بيدي اتحكم فيه بس انا مبسوط انك حبيتيه هو وماحبيتي شخص غريب لان الحب يجي من الله احنا مانقدر نتحكم فيه
الهنوف :طيب مدام انت قلت كذا وانا جاوبتك انت قولي في وحده متربعه بقلبك ولا
فيصل ابتسم :مااحد سكن هاالقلب بعد هدى هي الي كانت متربعه فيه ومو قادر انساها ساعات احس انها عايشه وان بيجي يوم بنلتقي فيه
الهنوف :انت مجنون فيصل وش فيك ترا البنت ماتت من سنين
فيصل : بس انا مو حاس كذا
الهنوف :شكلك تأثرت من خالتي مريم
فيصل ضحك: تصدقي ماحد حاس كثر خالتي مريم هي الوحيده الي تدري فينا حتى هيثم حاس ان اخته عايشه اصلا ماحد فينا مصدق انها ماتت بس نجامل بعض
الهنوف هزت راسها :صدقت المهم خلينا نذاكر ترا الوقت بدا يتاخر اخاف تطلع الشمس وماخلصنا
كاتبة الرواية :فديت اسمي (Ebtihal)
توقعاااتكم
حب هيثم لهنوف بداء يكبر بكل لحظه والكل بداء يلحظ هذا الشيء بيستمر هذا الحب ولا بنبني حاجز ينهي حبهم .؟
بو خالد بعد ماعرف بقصة هاني بيوقف معه ويساعده ولا .؟
هاني والامل موجود بعينه ممكن يلقاها وترجع بسمته .؟
سميره وفتحي ببداية عنا وتعب بتستمر الالم والمواجع تقلبهم ولا بيرجع هاني ويفرحهم .؟
الهنوف بتقتنع بكلام فيصل ولا بتتعلق بهيثم اكثر .؟
البارت ال19
كاتبة الروايه :فديت اسمي (Ebtihal)
اماا في بيت فتحي كانت الاجواء مقلوبه فوق تحت
سميره نفسيتها تعبت كانت دايم تبكي على فرقا ولدها وحالتها كانت تسواء يوم بعد يوم كرهت الاكل والشرب على امل يرجع ولدها لحظنها
فتحي مرت ايام عليه وهو كاره الدوام وساعاته كل تفكيره بولده تمنا للحظه انه ماختلف معاه ومااضربه
مرت ايام صعبه عليهم لكن مو اصعب من الايام الي مرت على هاني والشوق يقتله لكنه يخبي في قلبه
هاني تغير صارت حياته محصوره على المسجد والبيت وقرر يواصل دراسته بتشجيع من بو خالد وزوجته رجع اخيرا يدرس صار شخص ثاني كل همه بالحياه صلاته ودراسته وهبه
بوخالد ماقصر معه كان ياخذه معه بكل مكان ويحظر معه محاضرات ويشجعه على دراسته مرت الايام سريعه وهاني غايب عن البيت وقلب سميره تفطر عليه عاشت بغيابه اسؤ الحظات بحياتها مرت سنه والخبر نفسه ماتغير
العيال نجحوا كلهم وفيصل وهيثم تخرجوا والان هم جامعين
هاني في ثاني ثانوي لازال يدرس لكن بعيد عن اهله ولازال يواصل رحلة البحث عنها على امل يلقاها
الساعه 10 الصباح مو بالعاده يرجع البيت من بدري دخل وهو متضايق وجلس على الكرسي
دخلت الصاله ولما شافتها راحت تركض :هاا بشر لقيت ولدك
فتحي رفع راسه ونزله مره ثانيه ومارد عليها
سميره تاظر الساعه وتناظره :غريبه وش فيك راجع من الدوام الحين
فتحي تنهد :انفصلت من الشركه
سميره :لا حول ولا قوة الا بالله من طلع ولدك من البيت والمصايب تتحاذف علينا من كل اتجاه
فتحي ناظر فيها وتنهد
سميره :طيب والحل الحين
فتحي : ماادري بشوف لي وظيفه هنا ولا هناك
سميره :اهـ ياقلبي عليك ياولدي وينك امك قلبها يتقطع عليك وانت غايب عن عينها وماهمك ياربي احميه من كل شر ورجعه لي سالم
في بيت بو خالد
كان جالس ومنطوي على نفسه وضايق صدره
دخل وشافه متضايق : هاني ولدي وش فيك وش الي مضايقك
هاني : افكر في اهلي
بو خالد :اشتقت لهم
هاني هز راسه
بو خالد :طيب ليه مااتروح تزورهم على الاقل تطمنهم عليك
هاني ناظر فيه :اخاف
بو خالد :لا لاتخاف روح ولا تشيل هم
هاني :بروح بس بشوفهم من بعيد
بو خالد :طيب شوف الي يريحك
هاني قام من مكانه وهو مبتسم ولبس جزمته وطلع على امل يشوفهم
في بيت تركي
طلع من دورة المياه مستغرب ويناظر حوله : هيثم وين رحت
في المطبخ
دخل وقف وراها :هلا والله فقدتك
لفت بسرعه :مين هيثم
هيثم ضحك :ايه هيثم وش فيك
الهنوف :ولا شي بس انت وش بغيت
هيثم :قلت لك فقدتك
الهنوف :تدري انت مجنون
هيثم :لاني احبك ياهبله
الهنوف ابتسمت :هيثم لا تكفى اذا جد كلامك اتركني لا تخلي حد يشك فينا
هيثم :لا انا ماارضا عليك بس انتي جالسه تتسببين فيني تعبت وانا اترجاك حتى صوتك حرمتيني منه
الهنوف ابتسمت :اتغلى عليك عشان اعرف اذا تحبني جد ولا بس كلام
هيثم :مجنونه وهبله بعد كل هذا وماحبك انا ميت على الارض الي تخطين عليها ياهبله
فيصل نزل يدوره وسمع اصواتهم بالمطبخ ودخل بهدؤ
الهنوف :لا مااصدقك
هيثم : طيب ايش اسوي عشان تصدقي
الهنوف :ماادري عنك اسأل نفسك
هيثم ابتسم ومسك يدها وباسها :احبك
فيصل طلعت عيونه وهو يناظرهم :وجعععع هييييثم وعماااهـ وانتي وش قاعده تسوين هبله انتي هبله تعالي بجنبي بسرعه
الهنوف سحبت يدها بسرعه من اول ماسمعت صوت اخوها وراحت له وهي خايفه
فيصل من القهر الي فيه رفع يده بيصفعها ولما قربت يده على خدها خففها وحطها على وجهها ولمس خدها وهي ترجف :الهنوف انتي وش فيك
الهنوف رفعت راسها وتناظر فيصل :اسفه والله اسفه
فيصل : روحي غرفتك بعدين اتفاهم معك
الهنوف هزت راسها :ان شاء الله وراحت
فيصل تم يناظر هيثم
هيثم :فيصل اسمعني
فيصل صرخ :وش اسمعك
عبير كانت ماره بجنب المطبخ وشافت الهنوف :الهنوف
الهنوف رفعت راسها بخوف:هلا يمه
عبير :وش فيك
الهنوف :لا مافيني شي بس شوي مصدعه وبروح ارتاح
عبير :طيب روحي
مريم سمعت صراخ ولدها ولفت بسرعه ناحية المطبخ وراحت تركض :فيصل هيثم وش صاير وش فيكم
فيصل ناظر امه :لا يمه ماافي شي بس نسولف هيثم يبي يشرب مويه وجينا هنا بيشرب مويه وبنطلع وسحب يده :تعال معي
وطلعوا يركضون لي غرفته
في غرفة فيصل
فيصل :هيثم قولي بصراحه انت تحب اختي من جد ولا تتسلى على قلبها
هيثم :فيصل انت من جدك انا اتسلى من متى وانا بعينك كذا
فيصل :هيثم انا واثق فيك بس انت تخلي الواحد يشك بذمتك اجل هذا تصرف واحد عاقل لو انا الي كنت بهذا الموقف وكانت احب اختك وسويت كذا بترضاها يا هيثم
هيثم تم ساكت شوي ودمعة عينه :فيصل اولا انا واثق فيك وثانيا انا احب اختك مااكفرت ومااغلطت مو مثل ماانت تقول انا احبها مو العب على قلبها انت تعرفني من طفولتنا وانا احبها ومستحيل اضرها بس لا تضربها ولا تزعلها انا عندك اضربني انا الغلطان انا الي رحت لها وثالث شي انت تعرف ان اختي ماتت خلاص لا عاد تسوي فيني كذا ويلا عن اذنك انا تاخرت على البيت
فيصل مسك يده :انتظر
هيثم : وش تبي مني
فيصل :انت زعلت
هيثم :لا مازعلت بعد خليني اروح
فيصل :الا هيثم انت زعلان
هيثم :زعلت ولا رضيت انت وش يهمك
فيصل احضنه :يهمني يا هيثم يهمني انت ولد عمي وصديقي واخوي وبتكون عن قريب زوج اختي كيف ازعل عليك انا مااقصد يا هيثم ازعلك وربي من القهر قلت كذا انا واثق فيك بس انت بعد لا تلومني واسف اني ذكرتك بااختك
هيثم سكت وهو بحضن فيصل :خلاص فيصل انا فاهمك واصلا انت ماذكرتني فيها انا من قبل ذاكرها لاني مانسيتها اصلا
فيصل رفع راسه وابتسم :اجل اضحك خليني اشوف طقم الؤلؤ
هيثم ضحك قصب عنه
فيصل :زين حبيبي مدامك رضيت علينا اجلس خلينا نصفي حساباتنا
هيثم جلس وابتسم :اي احسبات
فيصل :اسمع انا اعرف انكم تحبون بعض وانا ماعندي مانع بس كل شي له حد هاا تبي تقول لها شي تقوله قدامي تبي تكلمها كلمها قدامي يعني ابي كل شي على المكشوف
هيثم يناظر فيه :لا والله يعني تبي تستقعد لنا
فيصل :انا قلت لك شروطي ولا مااراح اخليها تكلمك الا بهذا الشرط
هيثم :ماادري ساعات احس اني اكرهك بس مع ذالك اوكي كلها فتره واخطبها وافتك منك
فيصل :اوووخص وش هاا التطور
هيثم :احمم ايه صح مااقلت لك ناوي اقول لي اهلي يخطبونها لي
فيصل :اوووه وش عنده بيعرس قبلي
هيثم :ايه اذا بنتظرك بعيش عزوبي طول عمري
فيصل ضحك :انا ماافكر ابد حياتي كذا عاجبتني ومرتاح مافي وحده دخلت قلبي الا الان غيرها
هيثم ناظر فيه ونزل راسه
فيصل انتبه :هيثم ترا مااقصد وربي ماقصد خلاص ارفع راسك كلمني لا تضايق
هيثم رفع راسه وابتسم:لا ماتضايقت عادي تعودت
في بيت نور
ساره :هبه والنهاية معاك
هبه :خلاص يا ساره لا تشيلي همي
ساره :هبه هذا حلم لا تخليه يثر عليك
هبه : بس يا ساره هذا الحلم من سنين يتكرر علي ماتبيني افكر
ساره جلست قدامها :طيب وش رايك نطلع اليوم نغير جوو
هبه :والله مال خاطر
نور :طلعي يابنتي طلعي غيري جوو حرام الي تسوينه في نفسك
هبه هزت راسه :طيب يصير خير
قدام بيت فتحي وقف هاني من بعيد يراقب البيت
داخل البيت
سميره :فتحي وين رايح
فتحي :بروح ادور لي وظيفه مااني بجالس بالبيت عاطل كذا
سميره :طب روح الله يوفقك
طلع فتحي من البيت
هاني اول مالمح لي ابوه تخباا
فتحي ركب سيارته
هاني لما شاف ابوه مشاا راح يركض ودخل البيت بهدؤ وقام يدور امه ولما لمحها تخبا ورا الكنب بالصاله
سميره سمعت صوت خطوات وخافت وراحت تطل بالصاله :مين هنا فتحي انت رجعت
هاني حاول انه مايطلع صوت وهو ميت خوف
سميره : فتحي وينك مين الي هنا
هاني لما حس ان امه خافت وقف :انا يمه هاني
سميره اول ماشافته ماصدقت نفسها وراحت تركض وحضنته :وينك وين رحت عني سنه كامله وانا عيوني ماجفت دموعها خوف عليك وانت ولا همك وابوك مااينام الليل يدورك كل همه يلقاك
هاني ناظر امه وبعد عنها :خلاص يمه انا جيت اشوفك وارجع انا ماادري ليه رجعت مع اني حلفت ماادخل البيت الا اختي معي
سميره : بس يا هاني هبه ماهي بختك
هاني :لا ياامي حتى لو كانت لقيطه يكفي ان هي تربت معي تتم اختي
سميره دمعة عينها
هاني :يمه اذا انتي تحبيني قولي لي وش قصة هبه
سميره :انت ماتفهم قلت لك لقاها ابوك في الشارع واحنا ربيناها الا تعال انت وين كنت وهي معاك ولا
هاني :وش يهمك فيها
سميره :هاني انا وابوك قلبنا تقطع عليك وانت كل همك تشوف هاالساحره انا ماادري وش الي سوت فيك خلتك تطلع من بيتك
هاني :يممه انا قلت لك هذه اختي مو ساحره واذا بتستمرين وتغلطين عليها مااراح تشوفي وجههي مره ثانيه
سميره :لا خلاص والي يخليك لي لا تغيب عني خلاص وربي في الايام الي انت غايب فيها مت وحية
هاني :المهم يمه انا مااقدر اطول عندك برجع من المكان الي جيت فيه راح امر عليك بين وقت والثاني
سميره قامت تبكي وتمسكه :لا هاني لا تخليني تعال بيت ابوك موجود ليه تطلع منه الله يخليك اذا على هبه راح ندورها معاك ونرجعها بس انت ارجع
هاني سحب يده وترك امه وراح يركض
فتحي تذكر بنص الطريق انه مااخذ جواله ورجع للبيت واول مافتح الباب سمع صوت سميره تبكي وتصرخ دخل بسرعه عشان يعرف وش صاير اول مادخل الصاله انصدم بولده طالع يركض من جنبه وقف مفجوع وصرخ بلهفه:هاني
هاني اول ماشافه ارتبك :ابوي
فتحي ناظر فيه وتوه بينطق الا هاني طالع يركض وتارك ابوه واقف
فتحي لما شافه هرب ركض وراه :هاني وقف ياولد
هاني ماهتم لي كلام ابوه وطلع ولا همه وركب السياره
فتحي طلع وراه وماشاف الا غباره من السرعه ركب سيارته وحاول يلحقه
هاني حاول يضيع ابوه لكنه ماعرف ان هذه هي الحظه الاخيره الي بيشوفه فيها ماتوقع ان الدنيا كذا لو انه عرف ان كل شخص عرف متى راح تكون نهايته مااكان ترك اعز الناس له يترجاه لجل يشوف عيونه ايوه هذا هي الدنيا ماانعرف متى وكيف راح تكون نهايتنا فيها
فتحي لحق ولده وحاول انه مايغيب عن عينه كل تفكيره محصور على ولده :ليه رفض يشوفني ليه اول ماالتقينا هرب معقوله الا الان شايل بخاطره علي ليه مااسلم علي حتى وحرمني من عيونه كل هاا الافكار تدور في راس فتحي وتشوش تفكيره رفع عينه يمكن يقدر يلحق ولده قبل لا يغيب عن عينه لي الابد لمح اطفال يلعبون بوسط الشارع خاف يصدمهم لف بسرعه عشان لا يصدمهم لكن السياره انحرفت وطلعت عن سيطرته شاف احداث حياته كلها تمر عليه بلحظه
هاني انتبه لي حادث ابوه وقف سيارته بسرعه ونزل مثل المجنون يركض لسيارته ابوه
تقلبت سيارة فتحي حتى حس هاني بانها اخر لحظه يشف ابوه فيها بكا وصرخ ركض ناحية السياره وحاول يفتح الباب قبل لا تنفجر السياره لكن الباب كان عالق ومايفتح صراخ هاني وفجاعت الحادث طلعت الناس من بيوتها واجتمعت حوله هاني من غير تفكير جلس يدور مو عارف وش يسوي ولا بفاهم هو ايش يبي بضبط اخذ حصى وقام يرميها على الزجاج لحد مانكسرت وكسر الباقيه بيد لحد مااتجرحت وساعدوه مجموعه من الشباب لحد ماطلع ابوه من وسط حطام السياره
هاني حضن ابوه وهو مغمي عليه وموحاس بالدنيا كلهاا لحظات وسيارة الاسعاف واخذوا فتحي
هاني ركب مع ابوه وكان يناظر وجهه ويحاول يشبع عيونه بملامح وجهه خايف يفقده لبقية عمره
حاولوا يسعفونه ويرجعون له نبضات قلبه قبل لا يغيب عن الحياه نهائيا
فيصل : اقول هيثم مااطفشت
هيثم : عادي
فيصل :وش رايك اليوم نطلع نتمشا
هيثم :يارجال طفشنا ماافي مكان ماارحنا فيه وين نروح
فيصل ابتسم بخبث :السوق
هيثم ضحك :اي الحقير وش تفكر فيه
فيصل : ماادري بس طفش
هيثم :والله ماحد فاهمك كثري ناوي تغزز
فيصل ضحك :والله انك غبي لا طبعا ناوي اقابل وليد من زمان عنه
هيثم :وماالقيت تقابله الا في السوق
فيصل :لان هو ماعنده شغله غير الغزز بالسواق
هيثم :طيب خلاص ماعندي مشكله
فيصل :اوكي شوي ونروح
في السوق
ساره :وااو هبه هذا الفستان قمممه احس انه يجنن عليك باخذه لك
هبه ابتسمت :وصفي لي شكله
ساره :يجنن وربي فستان قصير لونه بنفسج فضيييع والله
هبه :طيب اوكي انا واثقه في ذوقك واكيد بيكون حلو مدام انتي اخترتيه
ساره ضحكت :تسلمين حبيبتي
في بيت فتحي
كانت جالسه على عصابها وقلبها قارصها كانت حاسه بشي ولكن تفكيره في هاني كان كل شي وقفت بتوتر :ياربي وش الي يصير فيني ياربي احفظ ولدي ورده لي سالم يارب اصلحه
في المستشفى
واقف على اعصابه عند غرفة العنايه يدعي ربه ان يحفظ ابوه ويرده له سالم رايح جاي مو عارف وش يسوي :الحين بيطلع ابوي من العنايه وراح يحتاج لثياب بدل ثيابه الغرقانه دم خليني اروح بسرعه للبيت واجيب له ثياب غيرهم طلع من المستشفى يركض على امل ان ابوه يرجع له ويحضنه مثل ماكان قبل تسارعات خطواته يركض وعينه تلمع باالامل
في البيت دخل يركض
سميره اول ماشافته قامت من مكانها :هاني الحمدالله انك رجعت
هاني :يممه عطيني ملابس لي ابوي بسرعه
سميره جلست تناظر في ثوب هاني المليان دم وقفت مصدومه ومو عارفه تنطق وبصوت متقطع :ااء ء هاء هان هاني وش هذا
هاني ناظر ثيابه :يممممه خليك مني وروحي عطيني ثياب لي ابوي بسرعه
سميره مسكت يده :هاني فيك شي وش هذا الدم الي عليك جاوبني
هاني :يمممه وش فيك انا مافيني شي ابوي مسوي حادث وانا جاي اخذ ثياب له
سميره صرخت :اييييييش مسووي حاادث وش صار معه هو بخير جاوبني انطق وش صار مع ابوك
هاني :يؤؤ يممه وانا وش يدريني بس ان شاء الله بيكون بخير انا احس انه بيكون بخير
سميره :طيب خذني معك
هاني :لا يمه وين انا بطمنك اول باول وتركها وراح يركض واخذ ملابس لي ابوه وطلع
سميره لحقته :هاني ابوي خذني معك ابي اتطمن على ابوك قلبي مو مرتاح
هاني :يمه حتى لو اخذتك مراح تقدري تدخلين ابوي بالعنايه
سميره وقفت وماانطقت
هاني طلع للمستشفى
في السياره
هيثم :بس بس وقف هنا هذا هو واقف هناك
فيصل :اي والله هو مو عيون عليك رادار لقطتها بسرعه
هيثم :وجع بقلبك الله وكبر عليك قول ماشاء الله
فيصل :ماشاء الله انزل بس خلينا نشوف الرجال
نزلوا وسلموا عليه
وليد :هلا والله واخييرا شفناكم
فيصل :ايه نبي نشوف غلاتنا
وليد :بدون شي غالين
هيثم :قصب عنك مو رضا منك
وليد :هيثم مااحد وراك خطوط الارض عن قرب
هيثم :لا والله ماحصل لي الشرف بس مااقبل بذالك قبل مااتشوفها انت قبلي
فيصل :جد مجانين المهم واحد فيكم يعزمني على مشروب ولا شي
هيثم ضحك :وهذا انت ماتعزم دايم معزوم
وليد :بخيل الله ياخذك
فيصل يضحك :هذا حرص مو بخل المهم انا بعطيكم فلوس بس انتم اشتروا انا بجلس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك