رواية الكفيفه -15
فيصل :الا انا واثق فيه ولازلت على كلمتي مااغيرتها
الهنوف :اجل خلاص يافيصل لا تصير كذا
فيصل :يعني تبيني اشوفك تغلطين واسكت
الهنوف :فيصل كيف اغلط انت بتكون معي
فيصل : طيب اذا على كذا خلاص بس ماايصير شي من وراي
الهنوف ابتسمت وباست خده :احبك
فيصل : موالله عشان هيثم
الهنوف :يؤؤ فيصل خلاص
فيصل :فديت الي يستحون
فتح عينه بثقل وناظر حوله يمكن يكون حلم
:سلامتك
لف ناحية الصوت :انا وين
ابتسم :انت بالمستشفى
هاني عدل جلسته :وش الي صار
الدكتور :اغمى عليك
هاني حط يده على راسه :ااهـ راسي طيب دكتور ممكن اطلع الان ماابي اقعد هنا
الدكتور هز راسه :تقدر
هاني طلع يتمشى في اسياب المستشفى ومر من عند غرفة العنايه وتم يناظر امه من ورا الزجاج ويبكي وبعد فتره من حالة الصدمه طلع ودمعته غرقة خده صار يمشي بشوارع المملكه ولا يدري وين يروح لحد ماوقف عند بيت بوخالد
بو خالد كان راجع من المسجد وشاف هاني راح له وطق النافذه
هاني نزل من السياره بسرعه وحضن بوخالد
بو خالد :بسم الله وش فيك ياولدي وش هاا الدم الي على ثيابك
هاني :ابوي مات ياشيخ ابوي مات
بو خالد :لا حول ولا قوة الا بالله ان لله وان اليه راجعون تعال ياولدي تعال ودخله البيت
هاني :ماادري والله ماكنت قاصد كنت خايف منه وهربت ماتوقعت يصير كذا وقام يضرب نفسه انا السبب انا
بو خالد مسك يده :ياولدي لا تسوي في نفسك كذا حرام قولي وش الي صار
هاني وهو يتنهد ويرجف ودموع تغرقه والعبرات تخنقه :رحت البيت ولما شفت ابوي طلع دخلت اشوف امي بعد ماتكدت ان ابوي ابتعد شفتها وانتبهت لي وقامت تترجاني بس انا تركتها وهربت وانا طالع صادفت اوي اول ماشافني ناداني انا خفت منه وهربت هو لحقني بسيارته وسوا حادث انا شفته خففت السرعه وقفت اشوفه بالموت قدرنا نطلعه من السياره بعدين جات الاسعاف واخذته المستشفى وانا رحت اجيب له ثياب من البيت امي شافتني كذا خافت اخذت ثياب لي ابوي ورحت المستشفى الا ابوي متوفي وربي كنت بجن رحت اركض مثل المجنون ورحت البيت و ماقصرت عطيتها كلام مثل السكين لحد ماطاحت خفت تكون ماتت وتتركني اخذتها للمستشفى قالي الدكتور ان امي في غيبوبه اااه ياشيخ انا مو عارف وش اسوي انا السبب انا
بو خالد مسك يده :اذكر الله هذا قضاء الله ولا رد لقضائه وانت انسان مؤمن حرام تسوي بنفسك كذا
هاني :تدري وش المصيبه
بو خالد حط يده على كتف هاني
هاني : المصيبه ان ابوي قبل سنين تسبب بموت شخص كان يطاردنا عشان اختي هبه
هاني : انا كنت صغير مااتذكر كل شي بس الي اذكره ان في واحد كان يطاردنا عشان قصة اختي وبعدها صار له حادث ابوي صار يضحك ويتشمت عليه وهذه هي الدنيا صار لي ابوي مثل ماصار لرجال والي قهرني اكثر انه كان بيقولي سالفة هبه بس مات قبل لا يقول اسمها بس قال مااحد يعرف بالقصه غيره هو وامي لما رحت افهمها من امي طاحت ودخلت غيبوبه
بو خالد :لا حول ولا قوة الا بالله الله يجزيك بمصيبتك بكل خير
هاني :بس انا ابي اوصل لي اي معلومه توصلني لي اختي هبه
بو خالد : طيب ليه مااتدور في البيت يمكن تلقى ورقه ولا شي يدلك على شي وان شاء الله تلقى او امك تصحى وتقولك القصه
هاني رفع راسه :اي والله ليه انا مافكرت من قبل
في دورة المياه قدام المرايه تناظر وجهها وتمسح دمعها :يا الله يا هدى مر على غيابك علي 13 سنه يعني لو انتي موجوده كان الان عمرك17 سنه ياالله يقولون انك متي وانا مو مصدقه قلبي يقول غير كذا مستحيل اصدق انك ميته يا الله فاتتني ايام بحياتك متى ترجعين واعوضك مر الايام الي فاتتك بغيابي عنك
في الصاله
سامي : امي وينها مو شيفها
هيثم:اي والله وينها
عبير : كانت هنا من شوي وقالت بتروح دورة المياه وبترجع
سامي : بس كانها طولت شوي
عبير :ماادري والله خليني اروح اشوفها
محمد :لالا ارتاحي انا بروح وقام وسمع صوت بكاها بدورة المياه طق الباب :مريم انتي هنا افتحي الباب
مريم سمعت صوته مسحت دموعها وغسلت وجهها:لحظه شوي وراحت تفتح الباب
محمد :وش فيك
مريم ابتسمت :لا مافيني شي بس في غبار بعيوني
محمد حضنها : مره ثانيه لا تبكين بدورة المياه
مريم :اشتقت لها لا تلومني وربي مو قادره انساها
محمد :خلاص يا مريم وش فيك 13 سنه مرت وانتي مااقتنعتي بس خلاص
مريم :ولا راح اقتنع الا اذا شفت قبرها بعيني
في بيت فتحي دخل هاني وبو خالد واعفسوا البيت فوق تحت على امل يلقوا شي
في المحزن وقف يتذكرها ويتذكر مواقفهم وضحكمهم ولعبهم سوا تم يتفرج ولمح لصندوق تحت الاغراض جلس بسرعه ورما الاغراض لجل يفتح الصندوق اول مافتح الصندوق شاف ملابس لطفله وبجنها جرايد فتح الجريده ولفت انتبهه خبر باول الصفحه عن قضية اختطاف طفله شاف صورة طفله تحتها مكتوب اسمها هدى محمد سامي :يا الله هذه تشبه اختي هبه لحظه لتكون هي لا ياالله طلعوا اهلي خاطفينها حط الجريده على الارض وعيونه تغرق بالدمع اخذ الجريده الثانيه وقراه اول خبر ضابط امن يلقى مصرعه في مطارده عنيفه : انتقل الى رحمة الله تعالى ضابط امن وهو يؤدي وضيفته بخدمة الامن حينما لقي حتفه نتيجت مطارده عنيفه بينما تعرض زميله لرضوض واصابات طفيفه جرت مساء امس واكد مصدر ان الضابط مهند بن يزيد وزميله انور عبد الله كان يؤديان واجبه نحوا وطنه سألين الموله ان يسكنه فسيح جناته
هاني حط يده على فمه وشهق :ياالله هذا نفسه الي كان يطاردنا الحين انا فهمت القصه وان شاء الله امي تصحى واعرف باقيها واقدر اكفر عن اخطاك ياابوي
طلع من المخزن وتوجهه لي الصاله
بو خالد كان جالس :هاا لقيت شي
هاني هز راسه:عرفت كل شي
بو خالد وقف بجنبه :وش عرفت
هاني عطاه الجريده
بو خالد قراء الجريده :لا حول ولا قوة الا بالله خلاص ياولدي لا تضايق انا راح اساعدك وندور عنها بكل مكان
هاني :واذا لقيتها وش اقول لها باي عين بواجهها
بو خالد :اسمع يا هاني اذا تبي ابوك يرتاح بقبره وامك تشفى من الي هي فيه لازم تدور هدى وتقول لها القصه كامله وتدور معاها اهلها وترجعهم لها على الاقل تعوض الايام الي انحرمت فيها
هاني هز راسه :والي خلقني ياشيخ مراح اضيع اي فرصه في عمري وبدور عليها في كل مكان لين القاها وامي راح استمر في علاجها ولا راح اخليها تتم كذا
بو خالد :والنعم فيك
مرت السنه وهاني يتنقل بين المستشفى لعلاج امه والبحث عن هدى تطول في الايام وامنيتة بس يرجع احباب قلبه امه واخته
في المستشفى
دخل يركض : هلا دكتور انتم متصلين علي طمني امي فيها شي
الدكتور ابتسم : الحمد الله الوالده بدت تفتح عيونها وهذا تطور بحالتها كبير وان شاء الله اقدر ترجع نفس ماكانت واحسن
هاني : والله تتكلم جد دكتور امي صحت من الغيبوبه طيب اقدر اشوفها
الدكتور : تفضل
هاني راح يركض ودخل غرفة امه وقف على سريرها :امي انتي صحيتي الحمد الله يارب جلس بجنبها وباس يدها
لفت راسها تناظر فيه وتحاول تنطق
هاني : امي تبين تقولين شي
سميره هزت راسها
هاني :قولي يا امي انا اسمعك
سميره تحاول تنطق بثقل :هـ اء هاني انت لازم تلقى هبه برضاي عليك دورها واعتذر منها وقول لها تسامحني انا وابوك برضاي عليك تزوجها وعوضها عن ايام العذاب الي عاشتها عندنا
هاني ابتسم :اوعدك يمه اني القاها
دخل الدكتور يتطمن على سميره
هاني :دكتور اقدر اخذ ارخص امي من المستشفى
الدكتور : براحتك بس هنا افضل لها لانها تحتاج عنايه
هاني :مافي مشكله دكتور انا راح اعتني فيها
الدكتور :بس راح تكون على مسؤليتك
هاني :اكيد
في بيت تركي
:اكيد راح اجي لا تشيلي هم يلا انا الحين اخليك بروح اقول امي سكرت التلفون :يممه
عبير :انا هنا وش فيك
الهنوف :يمه صديقتي منيره مسويه حفلة عيد ميلاد تكفين خليني اروح
عبير :متى
الهنوف : بعد بكره
عبير :طيب خلاص يصير خير
الهنوف :يممه تكفين عطيني خبر عشان اشوف لي فستان
عبير :طيب خلاص روحي فكيني
الهنوف نطت من الفرحه :هــي وراحت تركض غرفتها وافتحت الدولاب وقامت تنثر فساتينها :يا الله مااعندي شي البسه
في بيت محمد
هيثم:فزنا عليك افتح افتح يدك استلم عقابك
سامي : والله انكم غشاشين كل همكم تمحطوني طق
فيصل :اسمع عاد احنا بدينا العبه بشروط الخاسر ينطق وانت وافقت
سامي :ايه انت وياه مافي حد يغش كثركم
هيثم ماسك مسطره :اقو افتح ولا يكثر
في بيت نور
:يممه تعالي اقنعيها
نور : وش فيك حبيبتي هبه ليه شايله هم الدنيا على راسك
هبه : امي مالي خلق اطلع مالي نفس وربي
نور :حبيبتي انتي صار لك سنه كامله مااتطلعي من البيت الا نادر
هبه :خالتي اخاف اطلع ويجي حد ويقولي مثل الكلام الي قاله لي ذاك
نور :يا هبه كم مره قلت لك انسي الموضوع خلاص اطلعي تمشي افرحي لا تضايقي نفسك
ساره :مو قلت لك يا هبه خلينا نطلع نتمشا ونغير جوو
نور :اي حبيبتي انتي ماعندك غير رايحه للمعهد وجايه منه ماتطلعي لغيره
هبه : خلاص راح اطلع
ساره : ايه هذا الكلام الي يفرح
هبه :طيب بس ثواني اجهز فيها
نزلت تركض :يممه
عبير :لفت وش فيك ليه تصرخين
الهنوف :يمه ماعندي فستان البسه لي الحفله تكفين ابي اروح السوق
عبير :روحي كلمي اخوك فيصل يوديك
الهنوف : ان شاء الله وراحت تركض واخذت الجوال
في بيت محمد
رن جوال فيصل :يؤؤ قلق وش تبي
هيثم : عطني ارد عنك
فيصل يناظر فيه :خيير ترد صد وجهك هناك بس ورد على الجوال : هلا
الهنوف :هلا فيصل
فيصل :خير اختصري وش تبين
الهنوف :تكفى فيصل طلبتك
فيصل :وش تبين
الهنوف :فيصل صديقتي مسويه حفله ومااعندي شي البسه تكفى وديني السوق ابي اشتري لي
فيصل : انا مو فاضي الحين خليها وقت ثاني
الهنوف :فييييصل تكفـى بكره ماراح يمديني الله يخليك
فيصل :قلت لك بعدين
الهنوف :طيب واذا قلت لك اني عازمتك على المطعم الي انت تختاره وبحسابي بعد وش تقول
فيصل :افكر
الهنوف :فيصل تكفى
فيصل :يؤؤ انتي قلق وقطع الخط
الهنوف : النذل انا اوريك
هيثم : وش فيها
فيصل :تبي تروح السوق
هيثم :طيب ليه ماتوديها
فيصل :انت تدري انا مااطيق هذه الاماكن وثاني شي انت وش يدخلك
هيثم : اقول كل تبن وقوم وديها
فيصل :مو عشانها الحبيبه قمت تتأمر علينا
هيثم :اسمع اذا مارحت انت بروح انا خلصنا قوم يلا
فيصل قام :زين الوعد اذا رجعت
هيثم :سلم عليهم
فيصل ابتسم :يصير خير
في السياره
ساره :اليوم بوديك اماكن من زمان ماارحناها
هبه :يلا اهم شي انك تكوني مبسوطه
ساره :لا والله اهم شي اشوف ابتسامتك الحلوه
عن باب البيت اخذ الجوال واتصل
في غرفة الهنوف رن جولها
الهنوف :الوو
فيصل : يلا طلعي انا انتظرك تحت
الهنوف فرحت : والله ثواني بس واكون في السياره
في بيت فتحي
:نورتي بيتك يا يمه
سميره لفت عليه :حبيبي لما كنت بالمستشفى مين الي كان يرعاك
هاني جلس بجنب سريرها :كنت في بيت الشيخ بو خالد وما قصر معي اعتبرني مثل ولده مرت سنتين وانا عندهم
سميره : طيب قولي ايش اخبارك وش الي صار في حياتك وانا غايبه عنك
هاني :امي انا توني السنه هذه تخرجت من الثانويه كنت اشتغل وادرس بنفس الوقت والحمد الله قدرت اصرف على نفسي وعلى علاجك
سميره :الحمد الله بس حبيبي لا تهتم فيني انا كذا ولا كذا حاسه بالموت قريب مني بس انت دور هدى والله ذنبها متعلق في رقبتي خايفه اموت وماسامحتني
هبه : ان شاء الله يمه راح القاها
في السوق دخلت ساره وهبه وجلست تتسوق معها وبعدهم ب10 دقائق دخل فيصل والهنوف
فيصل :يلا الهنوف شوفي لك الي تبين بسرعه
الهنوف :طيب بالهون علي تعال ندخل هذا المحل
وفي نفس المحل
ساره : وااااو هبه هذا المحل روعه باخذ كل شي منه ثنين لي ولك
هبه :طيب اخذي الي يعجبك
الهنوف :الله فيصل شوف هذا وش رايك فيه
فيصل :بكيفك اخذي الي تبيه
الهنوف :مالت عليك قولي رايك مانت خسران
فيصل :حلو حلو بس فكيني
الهنوف تناظر فيه ومومقتنعه :طيب اشوف غيره
فيصل :طيب شوفي الي تبين بس بسرعه
الهنوف :طيب اصبر لا تحرقني
ساره شافت بلوزه عجبتها راحت لها وتركت هبه
هبه :ساره وينك
فيصل كان واقف بجنب الهنوف وسمع صوتها ولف يناظرها :ياالله هذه البنت مو غريبه علي
هبه :ساره وين رحتي
فيصل :يا الله هذا هي وترك اخته وراح لها
هبه :ساره هذا انتي
فيصل :هلا اختي اخبارك
هبه استغربت :نعم
فيصل :اختي انا ماصدقت اشوفك تسمحي لي
هبه :مين انت وش تبي فيني
فيصل : اختي انا نفسه الي قل ادبه عليك في السوق قبل سنه
هبه وقفت ولا عرفت تنطق:ساره وينك
فيصل :الله يخليك اسمعيني انتي مااتدرين قد ايش انا ندمان لاني قلت لك هذا الكلام الله يخليك اسمعيني
هبه تركته ومشيت تدور ساره :ساره وين رحتي
فيصل مسك يدها :اختي تكفين قولي انك سامحتيني مراح اتركك الا لما تقوليها لي
هبه خافت :اتركني انت وش تبي فيني
ساره سمعت صوتها وجات تركض وصفعته : انت وش تبي فينا بعد عنا اتركنا في حالنا ماتفهم
الهنوف لما شافت المنظر جات بسرعه ومسكت يد اخوها : خير وش صاير ليه هذه تضربك
ساره :يلا يا هبه خلينا نرجع البيت
هبه مسكت يدها ومشيت
فيصل :لحظه الهنوف وراح وراهم :الله يخليك عطيني فرصه هبه ساره تكفون اسمعوني
ساره : انت انسان قليل ادب ماتستحي على وجهك لو اختك ماارضيت عليها
الهنوف :فيصل قولي وش السالفه مين هذه وليه
فيصل :يؤؤ الهنوف انتي هذره تعالي بسرعه
الهنوف :ليه وين ماابعد اخذ شي
فيصل مسك يدها وراح يركض ورا ساره وهبه :بعدين اجيبك تعالي الحين
ساره ماسكه يد هبه :بسرعه هبه اركبي السياره هذا يلحقنا
فيصل وقف عند السياره وقام يطق النافذه :الله يخليك لحظه عطيني فرصه اسمعيني
الهنوف وراه :فصييل وش فيك انت جنيت
فيصل :يؤؤؤ الله ياخذك اركبي السياره بسرعه
الهنوف :اول قولي وش السالفه
فيصل :قلت لك بعدين وقام يطاردهم
ساره :اسمع لا تخليه يلحقنا ضيعه بسرعه
الهنوف : فيصل وش سالفتك مع البنات
فيصل : انتي وش فيك قلت لك بعدين بقولك سكتي خلاص
عند بيت نور
ساره :بسرعه هبه انزلي
هبه نزلت بسرعه ودخلت البيت مع ساره
فيصل تم يناظر :يلا مو مشكله اهم شي عرفت هي وين تسكن
الهنوف : وش عرفت ماعرفت انت مجنون تطارد بنات وش سالفتك معاهم خلصنا قول
فيصل :ماحد قالك انك هذره سكتي خلاص
الهنوف : لاوالله ماخليتني اشتري شي وتقولي هذره وتطارد بنات وتبيني اسكت
فيصل : خلاص ابوديك تشترين بعدين
الهنوف :لا والله متى يعني
فيصل :بعدين وخلاص
الهنوف :طيب وين بنروح الحين
فيصل :مايحتاج سؤال البيت
الهنوف :فيصل قولي وش سالفتك مع البنات ولا والله لقول لي ابوي
فيصل :هاا انتي وش فيك حنانه بقولك اذا رجعنا البيت
الهنوف :طيب والسوق
فيصل :بوديك بس مو الان خليني اريح اعصابي
الهنوف :طيب نشوف نهايتها معك
فيصل طلع الجوال
في بيت محمد
رن جوال هيثم
هيثم : هلا فصيل
فيصل :هيثم تكفى تعال بيتنا ابيك ضروري
هيثم :وش فيك
فيصل :اذا جيت تعرف
هيثم : طيب ثواني واجيك
فيصل :طيب انا شوي واوصل للبيت
هيثم : اوكي
سامي كان يتفرج على التلفزيون : وش السالفه
هيثم : ماادري المهم انا بروح بيت عمي اذا سألتك امي قول لها في بيت عمي سمعت
سامي يشر بيده :زين روح فكنا
في بيت نور
دخلت ساره وهبه يبكن من الخوف
نور : وش فيكم وش الي صار
ساره : يمه طلع لنا ذاك الولد في السوق ولحقنا لي باب البيت
هبه : انا قلت لكم مابي اطلع مابي ليه اجبرتوني لو اني ماطلعت ماكان صار كذا
نور : لا والله هذا الحيوان زودها انا اوريه وحطت جلال عليها بسرعه وطلعت بسرعه لكنها مااشافت غير غبار سيارته :حسبي الله عليه هرب
كاتبة الروايه :فديت اسمي (Ebtihal)
توقعاااتكم
هاني قدر يتوصل لمعلومات مهمه عن قضية اختطاف هدى بعد وصوله لهذه المعلومات بيقدر يكمل مشواره في البحث ويوصل لها ولا .؟
سميره تصحى من الغيبوبه وبقلبها حسره وندم معقوله هاني يلقى هدى ويطلب منها الزواج ويحقق طلبات امه ولا هو لازال يعتبرها اخت له .؟
بوخالد وقف مع هاني كثير وساعده في مواقفه بيواصل معاه ولا بيتركه يكمل لحاله .؟
لازالت الصدف تجمع بين هدى ولد عمها فيصل وارادت فيصل وعزمه وصلته لها بيقدر يعتذر لها ويوصل لها قصده ولا بينفرها منه .؟
معقوله على كثر الصدف الي تجمعهم ولا حد فيهم تعرف على الثاني .؟
البااارت ال22
كاتبة الرواية :فديت اسمي (Ebtihal)
بعد ربع ساعه في بيت تركي
فيصل جالس على اعصابه دخل هيثم
هيثم : هاا وش فيك وش صاير
فيصل : هيثم شفتها شفتها
هيثم : مين الي شفت
فيصل : هبه
هيثم : اي هبه
فيصل : البنت الي شفتها في السوق
هيثم :تقصد المسكينه الي اكلتها منك
فيصل هز راسه
هيثم : ماكان اسمها ساره كيف صارت هبه
فيصل :لا خويتها اسمها ساره
هيثم :طيب انت وش تبي بالبنت
فيصل : هيثم انا من ذاك اليوم مو قادر انساها ماصدقت خبر اشوفها مره ثانيه لحقتها حاولت اكلمها لكنهم هربوا بس الحمد الله عرفت وين تسكن
هيثم :انت مجنون وش في عقلك بنات الناس مو لعبه
فيصل :انا مابي منها شي بس ابيها تسامحني وربي مو قادر انساء
هيثم :فيصل متاكد انك ماحبيتها
فيصل سكت
هيثم جلس بجنبه :فيصل رد انا اكلمك
فيصل :لا مو مسألت حبيتها بس انا حاس بتأنيب الضمير
هيثم :والله احس اني مو فاهمك
فيصل : اسمع هيثم بكره ابيك تصحى من الصباح
هيثم :ليه وش عندك
فيصل : ابي اشوفها
هيثم ضربه على راسه:لا والله انت جنيت خبل انت
فيصل : اسمع بتجي معي حياك مانت بجاي بكيفك اقلقتني جنيت وخبل
هيثم : لا والله ماني بجاي ولا انت منت برايح بعد
فيصل وقف :لا بروح انا مااقدر اصبر ماصدق شفتها وانت تقولي مااروح
هيثم :فيصل انت كذا تسبب لنفسك مشاكل
فيصل :خلاص انت ماعليك انا بروح وانت خليك
هيثم :بكيفك انا قلت لك بس انت براحتك
في غرفة الهنوف
الهنوف : وش سالفة فصيل مع البنات اموت اعرف طلعت من غرفتها وراحت لغرفة فيصل وطقت الباب
فيصل :مين
الهنوف :انا الهنوف
فيصل : روحي مو فاضي لك الان قلت لك بوديك بعدين
الهنوف :فيصل مو عدله بصراحه اقولك بروح حفلة صديقتي تقولي بعدين متى اجهز انا يعني
فيصل :اسمعي تضفين وجهك ولا اغير رايي ولا اوديك
الهنوف :طيب انا اوريك الحين انزل واقول لي ابوي الي صار بالسوق
فيصل فز من مكانه وطلع من الغرفه ولحقها :لحظه لحظه انتظري خلاص بوديك السوق
هيثم كان جالس يسمعهم لما شاف ردت فعل فيصل تسدح ضحك
الهنوف :الحين
فيصل :هنوو والله تعبان خليها بعدين
الهنوف :اجل بروح اقول لي ابوي
فيصل :وجع طيب خلاص روحي تجهزي ودخل الغرفه معصب
هيثم يضحك : روح روح ايه وديها
فيصل :اسكت بس مالي خلق اوديها
هيثم ابتسم
فيصل ناظر هيثم وابتسم :هيثم انا ابي انام عشان اصحى بدري تكفى وديها انت
هيثم طاار من الفرحه بس ماابغى يبين : هاا انا عادي ماعندي مشكله
فيصل ضحك :اكيد ماعندك مشكله جاتك فرصه
هيثم : اجل ماني موديها
فيصل : لا تكفا وديها بس اخذ سامي معكم
هيثم : لا والله وليه سامي
فيصل يرفع حواجبه :محرم
هيثم ضحك :عبييط
فيصل : جد والله اخذ سامي معك
هيثم :طيب خلاص كلمه وامر عليه وانا طالع
فيصل :لالا انا اكلمه واخذ الجوال
رن الجوال عند سامي
سامي :هلا فيصل
فيصل :سموو ابي منك خدمه
سامي :انت تامر
فيصل :ابيك تروح مع هنوو السوق
سامي :وش قلت
فيصل :الي سمعت اختي بتروح مع اخوك وصعبه تكون لحالها روح معها
سامي :طيب خلاص خليهم يمروني
فيصل :اوكي سلام وسكر الجوال ولف على هيثم :لحظه بروح اقول لي اختي وراح غرفة الهنوف
فيصل : هنوف انا تعبان مافيني اسوق بيوديك هيثم طيب
الهنوف مااقدرت تخبي فرحتها وابتسمت ولما انتبهت سوت نفسها مو مهتمه :هاا كيف يعني وانت
فيصل : انا دايخ ابي انام مااقدر اسوق
الهنوف : يعني بروح معه لحالنا
فيصل :والله ماحلمتي فيها اكييد لا معاكم سامي
الهنوف بخاطرها " نااشب
فيصل :تجهزي يلا
الهنوف :طيب بس هاا اذا رجعت بتقولي سالفتك مع البنات
فيصل :يصير خير
في بيت نور
جلست تبكي وخايفه من الي صار معها
دخلت ساره وحضنتها:لاتشيلي هم ياهبه ماايقدر يسوي لك شي
هبه :انا الي قاهرني هو ليه يلحقني انا وش سويت له
ساره :لا تخافين انا وامي معك
في السياره
هيثم : اخبارك هنوف
الهنوف بحياه : الحمدالله
هيثم : واخيرا اقدر اكلمك من غير ماايعكر علي حد
الهنوف تناظر النافذه :وين سامي
هيثم لف عليها :افاا لهذه الدرجه ماتبي تكلميني
الهنوف ابتسمت :لا بس فيصل قالي ان سامي يكون معنا
هيثم :ايوه الحين بروح اخذه
الهنوف :طيب
عند بيت محمد
واقف عند الباب ويناظر الساعه :وينه هذا تأخر واخذ الجوال يتصل عليه
في السياره رن جوال هيثم
هيثم : خيير
سامي : ساعه انا انتظر يلا خلصنا بيت عمي قريب كلها خطوتين وانت واصل وش هاا التاخير
هيثم :انطم زين هذا انا جاي وقطع الخط
الهنوف :صدق هيثم وش فيك تمشي ببطى كذا
هيثم ابتسم :عشان اتأمل في جمال مخلوقات الله قبل لا ينشب
الهنوف نزلت راسه وابتسمت :هــيــثــم
هيثم :عــيــونـه
الهنوف : خلاص عاد متى اروح السوق
هيثم : مين الاهم شوفت عيونك ولا السوق
الهنوف نزلت راسها بحياه
هيثم ضحك : خلاص ولا يهمك الحين اروح بسرعه
قدام بيت محمد
سامي :توا الناس كان اخذتوا لكم كم لفه بعد
هيثم :اقول كل تبن واركب بس
سامي ركب بجنب هيثم وكل شوي يناظر فيهم
هيثم كل شويه يناظر صورتها في المرايه
سامي :اقول سوق بلا حركات مراهقين
هيثم يناظر فيه بحقد :انت وش تبي
سامي :سوق بس سوق
الهنوف جالسه وراهم وكاتمه الضحكه
سامي :الا جد وش في فيصل
هيثم لف عليه :مافيه شي
سامي : متاكد
هيثم :سالفه بيني وبينه انت وش يدخلك
الهنوف :هيثم
هيثم :لبيه يا عيونه
سامي : احم احم
هيثم ولا كانه يسمع :ايه حبي وش بتقولي
سامي : يااهوو I'm here
هيثم :تكفــى مقطعك الانجليزي
الهنوف ضحكت
هيثم :لبـى هاا الضحكه
الهنوف : هيثم ابسألك اذا ممكن
هيثم لف عليها :قصباا علي اجاوبك كم هنوو عندي انا
سامي :شكلي مخفي مو باين بجنبكم
هيثم : واذا يعني من تكون عشان نحترم وجودك
سامي : اوكي مو مشكله واخذ الجوال :وين رقمك يافيصل
هيثم :هي هي خلاص انا بسوق مراح اتكلم بس خليها تسألني
سامي :ايه كذا
الهنوف مو قادره تمسك نفسها من الضحك
سامي :تفضلي اسألي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك