رواية اختلفنا من يحب الثاني أكثر-8
ام عبد العزيز: ماعليك منهم يقولون كذا بس الحين ولا لو يجي الجد بيوافقون ومن طيب نفس بعد
بنان: تكلمي عن فرح بس انااا لااا ..
عبد العزيز: بناان وعمى احترمي امك
بنان سكتت واهي مقهوره
.................................................. .
اكيد عرفتو الحين ان الشخص اللي يحب بنان اهو عبد الاله بس وش النهايه نعرف بعدين...
.................................................. ........
في اليوم الثاني..
اريج كانت عازمه صديقاتهاعندهم بالبيت
وهم كالآتي (بنان وفرح وجوري وندى وساره طبعا ورنا وحنان وأمل وميساء وقالت لجوري تقول لنسيم لان أريج حبت هالبنت بس نسيم اعتذرت وقال انها ماتقدر)
حنان الى الان ماقالت لأحد عن اللي صار وماتدري وش تسوي ولما قالت لها اريج فالبدايه رفضت بس بعدين قالت بتطلع تغير جو..
اللكل جى مااعدى نسيم مثل ماقلنااا
الساعه 6 المغرب كان اللكل موجود
اريج وشااقه البسمه: ياهلا والله اسفرت وانورت واستهلت وامطرت هلاا بتس وبكم كليااتكم..
ندى: اقول بس اركدي وين احنا فيه ترااك لك مليون مره وانتي ترحبين...
بنان: اييييه ماادري اش جاهاا ههه الظااهر اول مره احد يزوورهاا وااااك...
ساراا : لا وانتي الصاادقه تبي تسوي رووحها حرمه تتميلح عندناا..
اريج رفعت حاجبها وتطالعهم بنص عيين: اكلووو هوااا جزاني جالسه ارحب الحمدلله والشكر مانتم بووجه ترحيييب بس الشرهه مو عليكم علي اناا اللي عازمتكم اصلا..
الجوري: يعني قومووو برااا ...
اريج: الباب يوووسع جمل هوع..
فرح: لو تمووتووون اليوووم فييه اكل يعني مافي طلعه خخخخخ
امل : أي والله اهم شي الاكل اقووول اريجووه وش طاابخه لناا ..
اريج ترمش بعوونهاا : ابد من كثر اللي طبخته نسييت وش طابخه
ندى : ههههههههههههه يرحم امممممك انا ماقوول الا الله يخلف على امن جاابتك من صجك ذي يطلع منهاا شي..
بناان :ههههه ايي يااندووش بعض النااس ماخذين برووحهم مقلب..
ميساااء : لااا مو مقلب وااثقيين مرره ..
امل: اقوول ميوووس اكرميينا بسكووتك يعني بتعدلينها يقاالك مالت بس..
اريج: لاااااا شكلي انااا اللي بطلع من هنااا ><...
امل: اييه بصرااحه الجوو كتمه بوجوودك..
اريج : هي هي تراك ببيتناا..
الجوري: ياليييييييل ذلت امنااا تراااااااك عازمتناا مو احنا جايين من كيفناا...
اريج: هوووع ايييي حتى لو عازمتكم بكيييفيي( وتطلع لساانها ..)
بناان : اقوول مالت الا مالت الا ماالت قاال ايش قال كييفهاا ..
ساراا: قومو تراا بيتنا ماهو بعييد نرووح له افضل..
ارييج : خلك طاافيه واجلسي محلك ...
اقووول بناات من يجي معيي نحط الاكل..
ندى : كلنااااااا
يناان : احنااا كلناااا اافا عليك خل يشووفنا احد من اخوااانك يمكن يخطبني -_*
الجوري:وااااي ام الفله ههههههه
اريج: استريحوو بس ماافي احد البيت فاااضي هع
سارا: يووه مالت بس وش له مفضيته..
امل: أي والله ترانا مارااح ناكلهم ..
فرح : ابد خاايفه علييهم منكم ههههههه
بناان: اقول يقولون قل خيراا او اسكت ..
اريج: خلاص قوومو كملوو هذرتكم تحت ..
نزلو البناات الا الجووري ضلت ومالها خلق تقووم خلووها البنات على راحتها لين بعدين يتفرغوون لهاا ...
اريج : اقووول امووول وراا ماتقولين لناا ذيك النكته ...
ساراا: هههههههه لا يرحم امك لاتبدأ لناا بنكتها..
امل: يحصل انتي اموول بجلاله قدرهاا تقوول لك نكته ..
بناان: طيييييط ومنو امل هاهاها..
ندى : مادري عنهاا قال ايش قال امل خخخخخخ
امل: مالت بس انا ارووح الصاله افضل لي..
ولفت عنهم وراححت الصاله جنب التلفزيوون ...
اريج : اقول بناات وش فيييها جوري...
ندى : مادري عنها الخايسه.. بس تدروون وش احس فييه..
بنان : عااد بدت الاحاسيس عندك يافرح..
فرح: ايييي وش اسوي بعد ..
ندى : اقول لطمووهاا بس...جدجد احس جووري مارااح ترفض الخطاطيب اللي ججايينهاا..
سارا : يوه وراكااان ..
اريج: لا لا ماتوقع ماتسويها هي تمووت فييه..
ندى: والله العظييم العاده ترفض من اول مايقولون لها هالمره ولا تكلمت وقالت بفكر واهي من يوومها معصبه ومتنرفزه ادخل عليها تصيح اخلاقها زفت يعني وش فيها مثلا..
بنان : ماتدرين يمكن متخانقه مع احد والا شي والا اهو قايل لها كم كلمه زي العاده ..
اريج: والله شي غريب ...
ساراا: الحين انتو انسو السالفه لين راحو البناات نتكلم بالموضووع اووك..
ندى : طييب..يووووه الفووشاار..
اريج : احترقنا احترقناا
بنان: لاااا تكفووون ابي اعيش لساا ماعرست..
فرح وسارا يطالعوونهم يعني نعم خيير ...
فرح : اقول ساراا تعالي بس خل نكمل احنا الشغل ذوولا مو وجه مطبخ ..
سارا: أي روحو روحو لاتموتوون لساا ماعرستوو.. يارب لك الحمد بس..
ندى : هههههههههه تخيلوووني محترقه..
اريج:ههههههههه الله والله فلله واحنا كل يوم نجي نواسييك ..
بناان: معلييه ندى قضااء وقدر ههههههههههه
............................
ميسااء: وربي مادري وش هالاتصالاات مسويه لي قلق مووو طبيعي..
امل : يعني كييف .. وش يقولون وش يرسلوون..
ميسااء : كلام غريب وغبي في نفس الوقت احسهم يقصدوني وساعات احسهم غلطانين بالنمره..
امل : انا مابي اعرف وش الكلام لانك شكلك ماودك تقولين بس شووفي خلي في بالك تووك عرووس لاتخلين هالاشياا تشغل بالك يحس عليك زووجك ويشك بشي..
ميسااء: ااه مو المشكله بزووجي مو فيني..
امل عقدت حواجبها مستغربه : اقول خلي عنك هالكلام وتعوذي من بلييس..
ميسااء : طيب طيب( وورجعت سرحت من جديد)...
امل تغني مع الاغنيه ومنطربه اخر طرب ...
.........................................
براا بعييد عن جوو السعوديه ...وبعييد عن الخلييج كله...
فيي شقه محمد لابس كنزه صوفيه وقداام الحطب وخشمه احمر من الزكاام << تعرفوون يعني النااس كلهاا زي جوونا.. هع
محمد : اقووول .. عطني التلفوون بدق على البيت من زماان عنهم ..
سلطان: ياااشيخ عليك فسااله قم انت اخذه..
محمد: وين اقووم .. اخاف اقووم وراجع ابرد ماصدقت دفييت..
سلطان: مو عارف انا انت للحين وش لوون مو عارف تتأقلم على الجوو ..
محمد: اقوول وراا ماتطاولني التلفوون وانت سااكت..
سلطان: امرناا لله..
اخذ محمد التلفوون ودق على بييتهم ...
............................
امل : هيييي اريجووه تلفوونكم طلعني من جويي .. تعالي ردي وصمخ..
اريج بصرااخ لانها بالمطبخ: يعني مسويه رووحها ذربه قومي ردي انتي..
امل : لا والله وعلى أي اساس ارد..
اريج: اجل خليه يرن لين يسكت..
امل : بكييييفك..هع اصلا سكت من نفسه كأنه حااس..
رجع رن التلفوون مره ثانيه..
امل: ياليل الطوييله ... ناس مزعجه بجد ..
ميسااء: قومي ردي بس ..
امل : ياارووح امك وراا ماتردين انتي..
ميسااءواهي ترمش بعيونها تقهر اموول: اييييي يابعدي انا رجلي مايرضاا لي ارد على مين ماكاان..
امل: ماقول الا مالت على رجلك وانتي ورااه..
قامت ترد بعد ماقطع عمره اللي يدق..
امل بصووت واضح عليه النرفزه: نعم..
محمد يووه وش هالصووت ماخبري انا اريجووه صوتها حلو كذا :.......
امل عصبت جد مقومينها ولا يردوون بعد: قلنا نعم نعامه ترفس العدوو ان شاء الله...
محمد فطس ضحك لا واضح البنت خطيره :ههههههههههههههه
امل يااااشينك ويااشن هالضحكه بس: هواا يهوي بلييس ان شاء الله..
محمد عااد خلاص عطاها وجه: هي انتي بيتنا وتدف بالحكي بعد..
امل : نعم وشوو ببيتكم وكاله من غير بواب السالفه..
محمد: هههههههه وش دخل الوكاله بالله .. اقول بس منو انتي..؟
امل فتحت عيونها : جد وقح يعني وقاحه كذا ماشفت ...
محمد تنرفز جد بس وده يضحك على هالعبيطه : وقح بعيينك .. اقول بس وين امي وبلا هذره ..
امل : لاااا يعني محد عنده ام الا انت اقول اخلص انت تبي بيت منوو بالاول ..
محمد: ابغى بيتنا يعني ماتشوفيني دااق..
امل : يووووه يعني شوفووني خفيف دم ..
محمد : ايي ولا ثقاله دمك .. وين اريج طييب اكيد انك وحده من ربعهاا المطاافيق..
امل تبلعمت يووه من صجه ذاا ولدهم اقصد بيتهم يلعني ان شاء الله وش هالدمااغ السلف اللي علي : ...
محمد شافها طولت استغرب وين اللي مسااعه اشوي وتاكلني: اقووول وش فيك انتي بلمتيي وين اريج والا امي..
امل بلعت ريقها ام الاحرااج الله ياخذك ياريجووه ان شاء الله: هاا ..اييه . لحضه ا.ا امك مو هناا اريج (بلعت ريقها) بالمطبخ اناديها هالحين ...
محمد فطس ضحك ( والله انك اب هيين يامحيمييد لخبطت البنت بس جد البنت مووب طبيعيه أي دامها صديقه اريج بس لااااا وش جابها ل أريج ذي الطف منهاا << اللي يقوول انها مدلعته هالحين
ياشييخ وش لي فيها الطف والا بس لازم اعرف منو ذيي ..) ياليل شكل السالفه مطوله اسكر وادق بعدين احسن ..
سكر السمااعه ...
.....................................
امل تركت السمااعه وراااحت ركض اشوووي وتطييح
:اريج اريج ارييج وووجعه .
اريج: ها هاااا اش فييك بسم الله منوو لاحقك ..
امل واهي مو عارفه تتكلم تتنفس بقووه:اخوك جا اقصد دق اوهوو يبيك اخوك على التلفوون ..
بنااان : أي وااااحد بسرعه ققولي ليش تردين عليه ليش ماخليتيني ارد ووجعه..
ندى : اوف راحت علينا بنون بقر احنا ليش ماردينا مسااعه ><
امل تطالعهم وودها تصفعهم اهم وين واهي وين: اقوول انتي معها حمدو ربكم انكم مو محلي بغييييب ارووح فيها ..
بناان : وش قال وش قلتي له صوته حلو اكيد يجنن عاارفه انا ..
ندى: عاااد قولي لناا منووو اول ..
امل : وانا وش يدريني يعني قالو لك طاقه سوالف مع اخوانهاا..
بنااااان : اكييييييد محمد مايدق على بيتهم الا اهو الباقي وش لهم فيي اريجووه ..
ندى : اييييه صح علييييييك ...
امل هدتهم وراحت الصاله وتحس رووحها غبيه وش لها ترد اصلا حتى لو ردت وش لها تتكلم كذا ببيتهم اهي والا ببيتهم لا ببيتهم اففففف صج صج بقره.. وضلت تهووجس بروووحهاا...
.......................
اريج : اهلن اهلن اهلن هلا والله هلا بالغااالي برييحه الغواالي..
محمد يضحك على اخته مشتاق لها ولهبالها : ههههههه أي غوالي لك احد هنا غالي وانا مادري
اريج: لاااااا موو عندك قريب منك اللي حوالك كل ابوووهم الشقر والحمر والزرق والخضر اااه تعذيييب..
محمد : اقول انكتمي عندي وتتغزل بعد..
اريج : هههههه يابعد حيي انت الحقيقه تقااال...
محمد : ايييه ادري بس مو كذاا اركدي ..
اريج : خلنا منهم المزاايين قلي انت وش اخبارك وش علومك وش شلوون تاكل وتقعد وش فيييك وش مافيك..
محمد : هههههههههههههه ياشيخه حبه حبه وين احنا فييه ... انا تمااام وعال العال ودي اشووفكم وربي مشتااق لكم مرره..
اريج : طيييييط لو مشتااق لي كان دقيت سألت ..
محمد : شف الخايسه الحين انا وش له دااق اسلم عليك ياابعد هالدنيا انتي..
اريج: لا لا اضطر اني اخق الحين ههههههه
محمد : اخباار امي والاهل كووليااتهم..
اريج : بعد بعد قام يقول كوليااتهم اميركا علمتك الا الا .
محمد: الحمدلله والشكر هالحين امريكا بتعلمني كولياتهم ثبت العقل والدين ياارب..
اريج : اقول بس لاتطوولها تراا عندي ضيوووف بروح اقاابلهم..
محمد ايوااااا فاهمتني انا ادري الحين رااح اعر ف منو اللي ردت: اييييه هذا اشووف وحده ردت علي .. منو عندك انتي كل سبووع عندك ناس والا طااسه عند ناس..
اريج: اييه وش لي البييت.. عندي كل الشله اللي تعرفهم وويااهم بنتين زيياده
محمد : امدااك تعرفتي على جدد..
اريج: ايييي تعرف اني مهمه وكل النااس يبووني..
محمد : لايطييح خشمك بس.. ماقلتي لي منوو اللي ردت علي..
اريج : لييييش وش تبي فيها .. عجبتك قل قل الا عجبتك..
محمد :ههههههههه الحمدلله والشكر بس بتقولين والا مو لازم اعرف .(لاااا الحين وش لون بتقوول صج اني ثوور)
ارييج: احسن لاني اصلا ماراح اقوول يالله طس خلني ارووح للبناات ... بااااااي..
محمد : بااي وسلمي عليهم بدق الليل طيب ..
اريج: طييب..
........................
: بنااااات حموود يسلم علييكم ..
بناااان : الله يسلمه ويخلييه ليي ( ورمشت بعيوونها)
ندى : طسي بس وشو يخليه لك يخليه لي ...
وضلوو سوالف وضحك وبعدهاا حطو الاكل وتجمعوو كلهم ...
الجووري تاكل ومعهم وممو ومعهم والباققي سوالف وانبسااط على الاخر....
اشوي الا جاهم صووت رسااله من جوال ..
بناان : سكتييه ازعجناا ...
سارا: هههههه مالت عليك هالحين نغمه رساله ازعجتك ..
بنان: ماعلييك انتي عدي عدي ههههههه..
ميسااء كانت جايتها رساله حست ان من الرقم الغريب الي متولييها..قالت مابتفتحها تخرب مزااجها بس فضوولها ماقدرت تمنعه..
فتحتهاا وكاان فيها( صووني قلبك << عارفه وش اقصد زووجك..
طبعا انا ماعرفك والا انتي تعرفيني بس حبيت ابين لك المخفي .. فتحي عينك عدل وبتشووفين .. بس عاد اعرفي وين تفتحيينهم على اللي حوولك داايم .. اكييد عرفتي اني اقصد زوجك..باااي يااعرووس)
عقدت حواجبهاا واهي متضايقه من دقات قلبها اللي ازعجتها منوو..؟ وش يبوون ..؟وش يقصدوون اصلا..؟
اعوذ بالله من الشيطاان الرجييم .. حست ان دموعها قربت تنزل قامت من السفره وراحت دورات الميااه محد لاحظ عليها لانهم منشغلين بالسوالف ..
غسلت وجهها ودقت على زوجها يجي يااخذها ماتبي تجلس هناا تحس رووحها بتنفضح واهي ماتبي احد يحس عليها اللي بينها وبين زوجها المفرووض مايطلع ..
حسين: هلا حياتي .. اشتقت لك قلبي ماصارت ربع ذولا..
ميسااء ضغطت على الجوال وتحس لو تتكلم بيعرف انها تبكي بلعت ريقها حاولت تضبط روحها: هلا ..هذا انا داقه اقولكك تجي تاخذني..
حسين: هالحين طيراان أي طيراان صاارووخ وانا عندك .. يالله بااي .. جهزي نفسك دقايق واكون عندك..
ميساء: طييب بااي.
رااحت داخل واستأذنت من البنات انها بتمشي واستغربوو وش فيها تووها السهره بأولها واريج قومت الدنياا والبنات ماخلوها تعليقاات انها اشتاقت لزووجها وغيره حكي واهي تقوول في خاطرها بلاكم ماتدروون..
امل قامت معهاا لانها جايه معهاا وبترووح معهاا..
...............................................
تركي يدق على جوري وكسر الجوال واهو يدق بس ماترد وده يروح لها وياخذها ويعطيها كف على افكارها مقهور منهاا وش لوون تسوي كذا كييف تبعد بكل بسااطه اه الله يساامحك ياجوري ردي بس ابغى اسمع صووتك .. ابغى ارتااح ابغى تقولين لي ان السالفه مزح حرام عليك انا تركي نسيتي منو تركي نزلت دمووعه .. حرام عليك ياجوري ردي...
......................
جوري كانت حاطته بجيبها وصاامت تحس فيه يرن بس ماتبي ترد عارفه منووو وقلبهاا متقطع بس اهي واثقه من اللي بتسويه ..
بناان : جوري ش فيك ..
جوري : مافيني شي..
ندى : عااد بدت تسوي حركاتهاا اف سخييفه قولي وش فيك مردك بتعلميينا.
سارا: ندووش شوي شوي عليها اهي بتتكلم من نفسهاا ...
جوري كذا فجأه وبدون مقدماات قامت تشهق حست انها الحين لازم تفضفض لازم تعلمهم لانها مخنووقه تبغى تتكلم :....
فرح خاافت عليها قامت لها وحضنتها: عمرياا انتي لاتبكيين وش فييك ..
نددى الحين تأكدت من احساسهاا وتلعن وتسب في الجوري داخلهاا ( دايم انتي كذا متسرعه وعنييده افف)
بنان: يوه جوري وش فييك قطعتي قلبي تكلمي وش صاار قوومي اريج جيبي لها مااي..
جوري:....
سارا: جووري صل على محمد مافي شي يستاهل تقطعين عمرك عليه تعوذي من بلييس هدي ...
جات اريج بكاس المويه: اشربي ...
سكتو شوي خلوها تهدأ..
بعد فتره جوري توها بتتكلم الا يرن جوالها ارتبكت ندى تطالعها واهي رافعه حاجبهاا وكانها عارف بكل شي وودها تخنقها على استهتاارهاا.
بنان: ردي وش فيك..
اريج : انزين .. لاتردين براحتك بس قولي وش فيك..
جوري ودها ترد تحس مشتااقه له تبييه ومتندمه على كل شي ردت: .....
تركي سااكت يسمعهاا ردت عليه يمكن غيرت رايها قلبه يتقطع على كل شهقه يسمعهاا يدري انها تبيه وماتبي غيره يدري انها تبكي الحين يعرفهاا يعرف متى تفرح مو عارف يتكلم اهو يبي من يواسيه اهو اصلا ليش دااق مايدري :...
ندى طفشت واهي سااكته سحبت الجوال من الجوري: الوو
تركي مو هالصوت اللي محتاجه مو اهوو احم: الوو
ندى الحين ماعندها ولا ذره شك بالسالفه كلها من سمعت صووت تركي وكيف صااير يبكي تركي يبكي انكسر خاطرها عليهم اثنينهم: هلا تركي اخبارك..؟
تركي : ندوووش صحيح الكلام اللي صااران(سكت مو عارف يكمل او بالضبط مو قادر ينطقهاا )
ندى تستعبط اشوي: أي كلااام..؟ وش قصااير..؟
تركي بتوتر: جد جوري انخطبت..؟
ندى:...
تركي مع كل لحظه يحس رووحه وده ينتهي من هالدنياا: ندووش تكلمي جد الكلام..
ندى: ايي جد بس للحين ماصار ... ( مامداها تكمل الا جوري اسحبت السمااعه)
جوري : يعني متوقع اني امزح خلاص ياولد خالي لاتعذبني وتعذب روحك اكثر ماحنا لبعض انت مو نصيبي ولا انا نصييك لازم ترضى فيه (شهقت) الله يحفظك ابعد عني وخلني انسى انا راح اصير على ذمه غيرك...و..
تركي قاطعها واهو يصرخ : سكتي سكتي لاتكملين مو صاحيه انتي.. سكتي خلاااص مو لازم تعيدينها انتي ماتعرفين هالكلمه وش تسوي فينيي ..انتي مالك قلب ماتحسيين ماتحسييين .. ( اخذ نفس) جوري خلاص ارفضي وصدقيني كم شهر واخطبك والله..
جوري: انا وافقت وانتهى الموضووع يالله فماان الله ..
تركي :اصبري لاتقفليين..( ماانتهى من كلامه لانها قفلت المكالمه )عصب ورمى الجوال على الجداار : سخيييييييفه...
............................
بنان واهي معصبه : الحين تتكلمين وش السالفه
ندى: وش تقول يعني مسوده الوجه وش هالكلام اللي سمعنااه انتي صااحييه..
اريج: لاااا جد مو صاحيه لوو صااحيه ماسوت اللي سوته غبيه والا تتغيبين ..
ساراا : بنات وش فيكم روقووناا ماصارت هبيتو في البنت خل نسممع السالفه اول ..
اريج: ياشييخه أي سالفه اللي نسمعها السالفه واضحه مادري اعطيك كف اعدل ذا القييفه..
جوري : بس خلصتو شبعتو تهزيئ يالله ندى قومي نمشي..
فرح : وش تمشين هالحزه لمن يجي عزوزز نمشي كلنا.
ندى : مانيب ماشيه الا لمن تتكلمييين اففف بارده ابرد ماعندهاا احر ماعندي..
بنان : جوري اعقلي وارزحي مكانك وعليمناا وش صار..
جوري واهي حابسه الصيحه ماتبي تصيح اهي قررت واهي تتحمل: اللي صاار ان جاو ناس وخطبووني..
اريج : ندري غيره ..
بنان : اسكتي وبتكمل..
سارا: لحووول انكتموو كلم..
جوري:افف وبس وانا وافقت ..(تأشر بصبعها)ولا احد يتكلم وينطق كذا مابيه وكيفي ومليت منه (بلعت ريقها) عاد انا دقيت عليه امس وكلمته وقلت له كل شي وخلااص وهذا اللي صاار لين اليوم ..
ندى: لانك حيواانه..
بنان: صج سخييفه وغبيه..
فرح: جوري متأكده من القرار ترا مو لعب زوااج حطيها فبالك ان للابد بتظلين مع الرجال..
جوري: متأكده وماني مغيره رايي لاني قلت لابوي اليوم الصبح والرجال مافيه أي كلام وحلوو وووسيم زي مانبي هههه
ندى: اجل اشبعي فيه ولا بتحصلين زي تركي ..
بنان: اقول ندى قوومي نروح للتلفزيوون ..
اريج: اوهوو بنات عاد لاتسوون هالحركاات كيفهاا ماردها بتعرف غلطتها وانا عارفه انها بتغير رايها..
سارا: أي صح كلامك ماتقدر تستغني عنه اصلا هي -_*
جوري تطالعهم بنص : لاتتأملوون مارااح اغير رايي ..
بناان: مادري بس ..
الا دق جوال فرح جا لهم عزوز بيمشوون
سلمو على اريج وبعدهاا طلعو اشوي الا دقت ام سارا وقالت لها ان بيجوونها الحين..
لبست دقايق الا جاااو لهاا سلمت على اريج وطلعت
وتدوور وين اللي جاو ماتشووفهم شافت سياره ولد عمها سامي قالت يمكن يتهأ لي موو اهوو سوت روحها مو منتبهه وجات بتدخل الا ناداها..
سامي: ساراا انا اللي جاي اخذك..
سارا اف الله يهديك يمه ماخليتي الا ساامي يجيني ابوك يالورطه : السلاام..
سامي يالبى هالصووت: وعليكم السلام..اخبارك سارا..؟
سارا والاحرااج واصل عندها الف: تمام اخبارك انت..؟
سامي: تسأليني انا عن اخبااري وكأنك ماتدرين..
ساراا سؤال ابيك تجاوبيني عليه ممكن...؟
سارا لاا مو السؤال اللي ببالي الله يخلييك : أي ممكن ..
سامي وبحه في صووته : ليش رفضتي ( واهو يطالعها من مرايه السياره لانها جالسه ورااه)
سارا تلعثمت وش ترد وش تقوول :....
سامي توتر من سكووتها: اذا ماتبينه تقدرين ترفضين ترا لساكم على البر..
سارا: من قال مابيه..
سامي لا يابنت عمي لاتقطعيين قلبي اكثر: افهم من كلامك انك ماتبغيني انا ..
سارا: ومن قال اني مابيك .. ياولد عمي لو انك باغيني كنت بيت اهلي ليش ماتقدمت مو عدله علي ولا على ابوي يوم الخطبه وبين الرجال كلهم ارفض الولد بعد ماوافقت عليه .. الله يوفقك مع غيري..
سامي ابتسم باستهزااء: غيرك .. خليها على ربك ...
وضلوو ساكتين لين وصلو عند البيت وقبل لاتنزل سارا ..
سامي: انتبهي على نفسك يابنت عمي .. ومبرووك
(قال اخر كلمه واهي ثقيله على لسانه وعلى قلبه بس وش يقوول نصييب )
سارا: الله يبارك فييك .. بااي
سامي : بااي..
.............................
........................................
.....................
بعد شهرين من الاحداث اللي صارت....
اول شي ناخذ موجز عن حياة ابطالنا خلال هالشهرين...
طبعا بنان وفرح اختبرو الاختبار اللي طافهم وطلعت النتايج والحمد لله اللكل ناااجح..
بنان وأريج نسبتهم98%
وندى 97%
وفرح 99%
وساره 96%
حنان 80%
ورنا 95%
هيفا 93%
ياسمين 90%
امااا الجامعيين مثل نسيم وجوري فا نسيم نجحت بتقدير جيد جدا مرتفع وجوري نجحت بس حملت ماده...
هذا بالنسبه للبنات خلونا نشوف الشباب..
أيمن ويامن اخوان ساره رسبو يامن في مادتين وأيمن ي في ماده...
محمود اخو أريج نجح بتقدير جيد جدا منخفض..
فيصل لانه يدرس في التقنيه فا نجح وتخرج..
خالد وعلي نجحو بتفوق..
وعبد الاله كمان تخرج بتفوق..
وسامي نجح بس حمل ماده..
نواف حمل مادتين..
اممم وعبد العزيز بعد نجح بس على الحافه يعني لو ينقص كم درجه يرسب>>>فطوم ماقصرت فيه
هذا بالنسبه للدرجات..
تركي حالته من سي لأسوء ترك الجامعه وصار اغلب وقته برى البيت مايرجع الى نادر ومايطول وصار يندب حظه وكره امه اللي اهي السبب الاساسي في عذابه كان حاقد على جوري لانها تركته بس كان عاذرها وفي نفس الوقت ميت فيها ومو قادر ينساها..
.......................
جوري حالتها مو اقل منه ندمت انها وافقت على اللي متقدم لها والبنات كلهم عاتبوهااا على اللي سوته بس على كف القدر نمشي ولا ندري وش المكتوب.. ورفضت فترة الخطوبه اللي المفروض تكون احلى ايامهم وطلبت مايملكون الى بنفس يوم الزواج وتحدد زواجها بعد شهرين ونص يعني بعد اسبوعين من الوقت الحالي وخطيبها طلب على الاقل يكلمها على الجوال بس اهي رفضت...
..................................
نسيم بعد اللي صار لوسام صارت كئيبه وفقدت الامل في ان عمها يغير رايه بس دام الله موجود اكيد الامل موجود بس اهي مسلمه امرها لله وكانت راح تقول لوسام يقطع رسايلهم بحسب رغبة ابوها بس بعد اللي صار له ماقدرت تتركه كانت تتمنى يكون عمها متفهم مثل ابوها بس تجري الرياح بما لاتشتهي السفن...
..............................
وسااام كانت نفسيتها زفت وطول هالشهرين كان جالس بفندق ومايرجع لبيتهم وطلع اسمه في البعثات وبعثته لنيوزيلندا وموعد سفره بعد شهر عشان اوراقه يخلصها من هناك وللحين مو عارف وش يسوي ابوه دور عليه في البدايه ولما عرف مكانه خلاه براحته امه متقطع قلبها على ولدها ودها تشوفه بس ابو وسام مانعها من هالشي ووسام مو طالع بيده شي....
............................................
أريج محمد اخوها رجع اهو وصديقه وولد عمها من أمريكاا وكانت طايره من الفرح ومو حاسه ابد باللي يتعذبون بسببها وبهالمناسبه ابوها سوه عزيمه كبيره واهل البحرين حظروو وطاهر عرف مين البنت اللي تحبه واكيد انتو راح تعرفونها بس بعدين....
................................
بناان بدت تميل لعبد الاله بس طبعا مستحيل تعترف عندها كبرياءها فوق كل شي حاولت كثير تنكر هالشي اللي في داخلها وتقنع نفسها انه مو اعجاب وفعلا هو مو اعجاب اهي بس تستلطفه بس اهو مايستلطفهاا اهو يموت فيها..
.............................
ندى مارح اقول شي عنها لانكم راح تعرفون تقريبا كل شي عنها في الجزء القادم...
......................
فرح حياتها مثل حياة أي بنت عاديه ومافيها أي شخص ممكن يستولي على قلبها اممم عايشه حياتها بالطول والعرض وعمر هالشغلات مارح تأثر عليها عندها دراستها كل شي وتفكر تكون دكتوره...
........................
ساره ساره كانت طاااير من الفرحه ومحد يقدر يوصل لمستوى فرحتها بكره ملكتها على من ملك قلبها في شهرين استولى عليه كله بدون أذن منها سرقه من بين ظلوعها وحطه بحضنه... واهي استسلمت له بدون نقاش ومو عارفه استسلامها له بدافع الحب ولا شي اقوى من الحب...
.....................................
وفي المقابل خالد.. كانت فرحته اضعاف مضاعفه من فرحت ساره كان يحس بنفس الأحساس اللي تحس فيه ساره واكثر اهو مو بس حبها اهو عشق التراب اللي تمشي عليها والهوا اللي تتنفسه وكل شي اهي تلمسه....
(الله يهنيهم يارب)
......................................
علي ولمى حددو زواجهم يكون مع خالد وساره بعد اربع شهور قبل سفرهم للبعثه بأسبوع وطبعا كل واحد بياخذ زوجته معه..
................................
هيفا بعد ماأنكشفت لها حقيقة ان نواف صديق اخوها قطعت علاقتها فيه وغيرت رقم جوالها وتركته بدون سابق انذار...
..................................
نواف فقد الامل في انه يوصل لهيفا اللي تركته بدون أي خبر ومايدري ليه تركته حاول يكلمها بس اللي استغرب منه انها باعت شريحتها كسرت قلبه اهو ماكان يتسلى اهو كان يحبها وكان متفق معها انه يتقدم لها بس بعد ماتطلع النتايج...
..............................
ياسمين انصدمت في بنات عمها (هيفا وساره) لما قالو لها السبب اللي خلاهم مايقولون لها عن نواف.. وندبت حظها اللي طيحها في دنيا وناس مايرحمون اذا بنات عمها سوو فيها كذا الغريب ماينلام...
...........................
راكان/عذاب ماله آخر حبه لأريج الى الان معذبه مو قادر ينساها ومو قادر يخليها تحبه أحيانا يحس انها بدت تميل له بس يصير شي يثبت له العكس...
.............................
طالب عايش حياته وظارب بالدنيا في الجدار يحبها صح بس عنده مبدأ ان الدنيا مستحيل توقف عشان شي واهو مارح يوقف حياته عشان بنت ماحبته راح يحاول يخليها تحبه بس اذا ماحبته مارح ينتحرخخخخخ
.............................
عبد العزيز وفطوم الى الا ماتحدد شي وعبد العزيز وده يملك عليها اليوم قبل بكره بس اهي مو راضيه الى بعد سنه..الله يصبرك ياعزوز...
..............................
حنان الى الان محد درى بالسر المدفون هل راح يبقى سر واذا بقى الى متى؟؟ واكيد مصيره بينكشف..
............................
الوقت الحاااااااااااااااااااااااالي...
اليوم العزيمه اللي مسويها ابو راشد عشان ولده وولد اخوه وولد صديقه اللي جايين من أمريكا(محمد/محسن/سلطان) واهل البحرين جاو وأريج عزمة سارا وأمل وميساء ..
في بيت ابو راشد..الساعه 6 المغرب..
أريج في غرفتها جالسه تجهز..
أم راشد واهي تطلع من غرفتها بعد ماسمعت صوت جرس الباب: أررررررررررررررريج ياأريجوووو
ماصارت الناس وصلو
اول مافتحت الباب شافت ساره
ساره: هلااا هلاا وغلااا هلااا بخالتي ام راشد
ام راشد باأبتسامه: هلا فيك حبيبتي وينك ماتنشافين زين أريج عزمتك سوت خير وخلتنا نشوف هالقمر
أريج واهي توها جايه:ااي مو المدح كلها لسويره وأناا لي الله
أريج راحت تسلم على ساره: هلا والله وهمست في اذنها على الاقل تشيلين عني وتلهين امي بدل ماأهي تهزءني في الطالعه والنازله
ساره:هههههه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك