رواية جرحي عميق وقلبي في دمه غريق -2
ام مشعل : الله يهديه هاذا الي اقدر اقوله
مشعل : يمه الا الحين مادورتي لي على بنت تراني مليت من العزوبيه
ام مشعل : ابشر يايمه من عيوني من بكره ابدا ادور لك
مشعل : يلا اجل انا بروح انام لي ساعتين
ام مشعل : نوم العوافي
راح مشعل ينام ورفعت ام مشعل السماعه وكلمت ام بدر : الو السلام عليكم
ام بدر : وعليكم السلام
ام مشعل : هلا ولله شخابرك
ام بدر : حمد الله بصحه وعافيه وانتي بشري عنك
ام مشعل : بخير دامك بخير الله حي هالصوت
ام بدر : الله يحييك ويبقيك
ام مشعل : وش في صوتك تعبانه
ام بدر : لا ولله بس اختي بالمستشفى
ام مشعل : افا وش فيها سلامات
ام بدر ماحبت تقول ان ليان مابينت : ولله ماادري وش جاها فجاه قلبها عورها وسوو لها عمليه
ام مشعل : الله يقومها بسلامه وكيفها الحين
ام بدر : الحمد لله بخير وتحسنت
ام مشعل : خير ان شاء الله يخليها لبنيتها
ام بدر : امين
ام مشعل : يلا مااطول عليك مع السلامه
ام بدر : مع السلامه
في مكان ثاني
دخلت نور مكتبها ولبست عبيتها وطلعت وشافت زياد يطلع من عند نجلاء زياد شافها وراح لها وسلم : اهلين دكتوره نور كيفك
نور " ياليل هاذا ماينعطا وجه" : تمام وانت كيفك
زياد حس على دمعه وسحب يده من يدها : انا بخير بشوفتك ياقمر
نور تغيرت ملامحها : لو سمحت انا طبيبه هنا ولا تحسبني اكلمك حبا فييك على اساس انك انسان محترم وحاب تسالني عن شي معين
زياد : ريلاكس لا تعصبي ماقلنا شي
نور طالعته باستحقار : ناس ماتفهم وراحت
زياد يطالها ويهي تمر من عنده بكل ثقه ورايح ملح ركض وراها : دكتوره نور لا تفهميني غلط
نور التفتت له ونفسها في خشمها : وش تبي
زياد : ابي بوسه
نور من قوه الكلمه ماقدرت تمسك نفسها عطته كف ومشت وخلته : حقيير
زياد لحقها لين وصل عند باب البيت واستغرب معقوله دكتوره وتعيش في مثل هالاحياء الشعبيه نزل ولقا ابوها واقف عند الباب وياخذ منها فلوس زياد : اهلين ياعمي
ابو نور : اهلين فييك من انت ياولدي ولله مشبه عليك
زياد : انا زياد عبد الله ال.....
ابو نور : معقوله انت ولد عبد الله ال ... الله يرحمه
زياد : ايه انا بشحمه ولحمه
ابو نور : غريبه ليه جاي لهاالحي
زياد : جيت اطلب يد بنتك نور
ابونور من الفرحه ماقدر يستوعب : ها بنتي نور
زياد : ايه بنتك نور ولا ماستاهلها
ابو نور : لا نور الي ماتستاهلك ولله
زياد : ههههههههه يعني موافق
ابو نور : اكيد موافق وهاذي يبيلها سؤال
بعد مرور اسبوع .....
ليان ضامه امها : ماما انتي بخير تحسين بالم
ام ليان تلمس خدود بنتها : بخير ياماما وانتي بشريني عنك
ليان تضم امها وتبوسها : انا بخير دام اغلا ناسي بخير
ام ليان : الله لا يحرمني منك
ليان باابتسامه : كل هااذا حب لي اول مره ادري اني غاليه كل هالقد
ام ليان : واكثر ياقلب امك الله لايبين غلاك
ليان : ماما بسك تغلي البيت من دونك ولا شي يلا ارجعي لنا
ام ليان : قريب ان شاء الله ياابو ليان متى يطلعوني
ابو ليان : ان شاء الله بعد يومين
ليان تضم امها وبفرح : وناااسه
ام ليان : هههههه الله يدومها من فرحه
ليان : من قدي ماما بعد يومين بتطلع
ابو ليان : الله لنا الماما والماما والبابا منسي
ليان ركضت وباست ابوها : لا يابابا انتو عيوني الثنتين
ابو ليان : تسلم عيونك متى نفرح فيك يابابا ونشوفك عروسه
ليان :اذا هاذا يفرحكم اول واحد يطلبني بوافق عليه اذا رجاال
ليان رن جوالها وطلعت من الغرفه : هلا ولله
نور تبكي : لياان اهئ الحقي علي ابوي بيزوجني
ليان : ايييش وش قاعده تقولين انتي
نور : لينو تعالي عندي انا تعبانه
ليان : اوكي ولا يهمك ياعيوني دقايق وانا عندك
في مكان ثاني ....
ام مشعل : ولله ياولدي انا ماعندي مانع بس مانعرف البنت ولا اهلها
زياد :انا اعرف ابوها عز المعرفه بس تراهم على قد حالهم
ام مشعل : ياولدي كلنا من تراب والفقر مو عيب
زياد بفرح على تقبل امه للموضوع : اوكي ترا الملكه بعد يومين قلت لك
ام مشعل : وش فيك مستعجل خلنا نروح نشوفها بالاول
زياد : مايحتاج في الملكه
ام مشعل : الي تشوفه يامي اهم شي راحتك انا وش لي بالهدنيا بس قل لخوك عن الموضوع
زياد : قلت له وماعنده مانع
ام مشعل : زين الله يتمم على خير
نجلاء وهو تشرب رذاذ الننه : اي بس يازياد وش اسمها وش تصير
زياد : الدكتوره نور
ام مشعل مو مصدقه : نور الي ولدت اختك
زياد باابتسامه : ايه
نجلاء : وااي يحلاتها الصدق ماكنت مرتاحه على هالزواج بس يوم دريت من البنت استانست
ام مشعل :لا تفشلنا عندها انا عارفتك قروي كانك ماعمرك شفت بنت
زياد ونجلاء : ههههههههههههههههههههههههههههههههههه
زياد : لا ان شاء الله بحاول امسك روحي
نجلاء :ولله مانت سهل شفتها وجبتها
زياد : ايه انا زيااد ال ...... بااشاره كل البنات وراي
نجلاء ضربته : اقول خل عنك الغرور مو زين كلش
ام مشعل : بسوي عرس لا صار ولا استوا بخلي كل الناس تتكلم عليه
مشعل دخل البيت : السلام عليكم
الكل :وعليكم السلام
مشعل : اخبارك يالغاليه اليوم
ام مشعل : بخير وانت وش اخبارك مع الشغل الي ذابح نفسك عنده
مشعل : الحمد الله كل شي تمام
ام مشعل : دريت عن الخبل بيعرس
مشعل يضحك : اي دريت بس على الله يصير رجال ويخلي عنه البنات
زياد ماعجبه الموضوع قام لغرفته ...
مشعل :كيفها الصغنونه
نجلاء : معذبتني الله يصلحها
مشعل : يافديتها تجنن جيبيها
نجلاء راحت عنده : شلها انت
مشعل : لالا فكيني اذا ماتبين بنتك هاتيها
نجلاء : يا منك خوااف كانك بدر
| ، لهفه بجنون ،|
قرائه ممتعه احبتي ....
ليان : ياختي ابوك وادرا ومستحيل يزوجك رجال مو كفو
نور تمسح دموعها : اي ولله صادقه خلاص مالي غير ارضى بالامر الواقع
ليان ضمتها : واي وناسه بتتزوجين بسس مو تنسيني
نور : الله ينساني لو انساك
ليان : فديتك ها عاد بنتك ليان اوكي
نور : اكييد لينو وفيه احلا من هالاسم
ليان تضحك : ايه فيه
نور : اممممم اي صح فيه نور ههههههههههههه
ام نور دخلت عليهم فرحانه : الله يخليك ياليان واخيراا ضحكت
نور راحت لامها : يمه وش اسمه العله
ام نور ابتسمت : اسم العله زياد
نور : اي وش اسمه الكامل ولا ممنوع بعد
ام نور : ولله ماادري بس ابوك يقول ولد عز
نور كشرت : بيشوف حاله علي
ام نور: لو هو مو شاريك كان ماخطبك
ليان : ياليت عندي اخو كان مايتزوج غيرك
نور : اذا مثل طبعك بتزوجه لو بالقوه
ليان ترفع يدينها لفوق : يارب يصير زياد مثل طبعي
نور : اميين
ام نور طلعت وهي تضحك على هبالهم ....
ليان : يلا نروح نشتري فساتين لملكتك يالا يمدينا نخلص ماقدامنا غير يومين
نور : اوووف اوكي يلا
ليان : ولله وصرتي عروسه يانوني
نور استحت : هههههههههههه
ليان : قومي بسس
خلصو فساتين وحجزو كوافيره وكل الي يحتاجون له واليوم يوم الملكه ...
الكوافيره : ئمر كلما صلحتو بكيتي خلصنا
ليان تبوس خد نور : نور لاتبكين خلي الحرمه تعرف تصلحك
نور : اوكي بس وش اسوي خايفه
ليان : لا تخافين
نور : اوكي
خلصت الكوافيره وكان لبس نور فستان احمر مخصر على جسمها سواريه نااعم وسندل عالي وشعرها الي يوصل الا نص ظهرها مسويه فيه بوف خفيف ومكياج نااعم ليان : وااو نور زي القمر
نور : ليان مره خايفه مابي اطلع عنده
ليان : نور بلا سخافه خلاااص الحين مو وقت الخوف خلينا نفرح
نور : هههههههههه ياربي منك
ليان : يلا قومي اسمعي امك تنادي
نور خافت ومسك يد ليان : لا ماابي
ام نور : نوووور يلاا تعالي
نور طلعت وسلمت على ام مشعل وجلست وهي مره متوتره ام مشعل : هلا ولله بالدكتوره
نور رفعت راسها مو متذكره وين شافت هالعجوز : هلا فييك
ام مشعل : كيفك يابنتي
نور : تمام ياخالتي وانت اخبارك
ام مشعل : بخير ياحلوك مشاء الله طالعه قمر ياحظ زياد فيك
نور استحت : تسلمين ياخالتي
ابو نور ينادي: ياام نور خلي نور تجي توقع
ام نور : يلا يابنتي قومي
نور قامت وهي ماسكه دمعتها وقعت وركضت للغرفه : لياااااان
ليان ضمتها : نور لا تبكين تكفيين خلااص
نور : احس اني مارح ارتاح
ليان : الله لايقوله
ام نور دخلت : لاحول ولا قوه الا بالله يانور لاتعورين قلبي تدرين مابيدي شي عشاني لاتبكين
نور حاولت تسكت عدلت لها ليان المكياج وراحت عند ابوها الي نادا عليها : سم يبه
ابو نور : ادخلي عند زوجك
نور رجفت زوجي كلمه تحمل كل اجمل المعاني لاكن ماحسيت فيها ااه ياابوي عذبتني سمت بالله ودخلت وعيونها في الارض : السلام عليكم
زياد : وعليكم السلام
نور الا الحين عيونها في الارض ابو زياد : اخليكم انا بطلع شوي
زياد : كيفك يانور
نور وعبرتها خانقتها وبصعوبه نطقت : تمام
زياد : وانا بعد تمام
نور رفعت راسها بتشوف ليه قال كذا وهي ماسالت وتفاجات : انــــــــــت
زياد ابتسم : وش فيني انا
نور ضاع الكلام ماتدري وش تقول مالقت غير تترك له المكان بس وقف وصكر الباب : وين بدري يازوجتي قالها بسخريه
نور ودموعها متجمعه في عيونها : بعد عن الباب
زياد : واذا مابعدت وش راح تسوين
نور دفته لاكن هو اقوى منها : ههههههههههههه
نور من بين اسنانها : حقييير
زياد عطاها كف من قوته طاحت على الكنب : صوتك مايعلى علي فاهمه
نور تبكي وسافهته :...........
زياد بصراخ : فاهمه
نور : ايييييه فاهمه
زياد : يالله انقلعي عن وجهي
ركضت نور ورمت نفسها على السرير وجلست تبكي : ضربني ياليان
ليان : اييييييش وليه يضربك وش مسويه له
نور قالت لها عن كل شي : مابييه ياليان مااابيه
ليان : خلاص هاذا زوجك ولازم تفهمينه وتحاولين تكسبينه
نور : مستحيل ولله لاخليه بدال الاعتذار الف يعتذر لي
ليان : بشطارتك تقدرين بسس لازم تتعبين ولا ابي اشوف دموعك ترا وربي غاليه
نور مسحت دموعها : لا بجد حتى دمعتي مايستاهلها واذا ضربني بكره يبوس رجلي عشان ارضى
ليان : فديت الواثق
نور : بكره تشوفين
في مكان ثاني ...
مشعل : ها وش صار معك يازياد
زياد : ولا شي ملكنا وجينا
مشعل : ومتى الزواج ولا ماقالو شي
زياد : الا بعد شهر
مشعل بااستغراب : شهر بسس
زياد : ايه شهر ولا اخليها اسبوعين
مشعل : لها الدرجه مستعجل
زياد : واكثر
مشعل عارف اخوه : ولله شكل وراك سالفه مع هالبنت
زياد : ها لا سالفه ولا شي وش بيكون وراي يعني
مشعل : اها وانتي يمه وش رايك فيها
ام مشعل : بنت ناس ومتربيه ومثقفه وفوق هاذا كله دكتوره
مشعل : مشاء الله
نجلاء : وش اقول لك يامشعل تجنن قمر
مشعل في نفسه " مو صايره احسن من ليان " : ايه مشاء الله الله يتمم لهم
نجلاء : امين
رذاذ تبكي نجلاء : اووف هالنكد
ام مشعل : وانت ماتبي تتزوج يامشعل
مشعل : مايصير نتزوج سوا اذا تزوج دوري لي
ام مشعل : لا بدور من الحين
مشعل : بكيفك
ام مشعل : ولله نفسي اخذ لك وحده من التوام بنات ام بدر
مشعل : من هم رسيل واسيل
ام مشعل : ايه خوات بدر
نجلاء : ايه مشاء الله عليهم سنع واخلاق وتربيه
مشعل : كم عمرهم
نجلاء : مدري بس السنه الي راحت متخرجين
مشعل : لا توهم صغار ابي كبيره
ام مشعل : من فيه يانجلاء وحده في العشرينات
نجلاء تفكر : رند بنت عمتي جميله
ام مشعل : اي ولله وش رايك يا مشعل
مشعل كشر : لا رند قطيعه
واستمرت سوالفهم ..
في صباح يوم جديد ~ بيت ابو نور
نور صحت من النوم واخذت لها شاور وطلعت لبست ونزلت : السلام عليكم
امها : وعليكم السلام هلا نور اجلسي افطري
لميس اخت نور : صباحو خيتو
نور : هلا لموسه ليه مارحتي المدرسه
لميس : بطني يعورني
نور تموسها : ماتشوفين شر
لميس ببرائه : نوني ليه امس ضربك الرجال الطويل
نور تغيرت ملامحها : امم ماضربني
لميس : الا ضربك كنت انا وبنت الجيران نطل عليكم مع الشباك
نور : مو عييب علييك
ام نور : ضاربك ياجعل يده الكسر
نور : ايه يمه
ام نور : قولي لابوك
نور : ابوي لوه يطالع خاطري مازوجني اياه بالغصب
ام نور : وش نسوي هاذا المكتوب لنا بس حاول تكسبينه ترا الرجال مايبي غير المعامله الحسنه
نور : الله يقدرني يلا انا رايحه
لميس :نوني جيبي لي حلاوه معااك
نور تبوسها مع خدها : ماشي بس ماتطلين مع الشباك مره ثانيه
لميس : اوكي
في مكان ثاني ...
جالسه في الفيصليه من المله البيت ملل السوق ملل ياربي وش اسوي ومر من عندها شاب : اووه قمر على الصبح مايصير نفطر سوا
ليان : فارق مالي خلق بزارين فاضين
الشاب بكل جرئه سحب الكرسي وجلس : اذا قمتي راح اقول لهم باعلا صوت ياناس فكوني منها ذبحتي من اليوم تلاحقني
ليان بصراخ : وش تبي قوم الله لايبارك فيك
الشاب : بالاول اشرب قهوه على حسابك
ليان طلبت له قهوه الشاب : وش اسمك
ليان تقرا الجريده : اظن مالك دخل وش اتفقنا تشرب وانت ساكت
مشعل يطالعها من بعيد : ولله هالانسانه وقحه مو معقوله مع شباب على الصبح
مشاري : انت تعرفها
مشعل : ايه بس توقعتها بنت متربيه
مشاري : ولله هالايام البنات ماينوثق فيهم
مشعل : اي ولله صادق الله يستر علينا بس ولا من فيه بنت ناس على الصبح مع شباب ولله تربيه خرطي
مشاري : اقول امش بس
اما عند ليان فخلصت قهوه : يلا انا بروح
الشاب : شكرا على القهوه
ليان : العفو بسس لاتحسبني جلست خوفاا منك بس لاني مالي خلق مشاكل
الشاب : اهم شي شربت قهوه ويلا باي
ليان بضحك : باي
خلص البارت
اتمنى ينال رضاكم
|، لهفه بجنون ،|
قرائه ممتعه احبتي ...
مرت الايام مشعل لاتغير من الشغل للبيت وهاكذا
ليان تجهز مع نور لزواجها ومره منشغله
ام مشعل منشغله بعد في امور الزواج
نجلاء رجعت لبيتها بعد الاربعين
بدر مره فرحان ببنته
زياد ماكلم نور من عقب ماضربها يوم الملكه
نور مره متضايقه ودايم بكى وليان شغلتها تهدي فيها
عند نور مره حوسه اليوم الزواج ..
نور طالعه قمر بفستانها التوب مخصر على جسمها ويتوسع من عند الساق وفيه شويت لمعه ورافعه شعرها ومكياج خليجي محليها الشدو الرمادي المتداخل مع الاسود والقلوس الاحمر الصارخ : ليان مره خايفه كيف راح اعيش معه وهو مايحبني ومتزوجني بس عشان ينتقم
ليان الي ناااعمه بفستانها الاصفر التوب فوق الركبه مخصر على جسمها الرشيق وتحت الصدر فيه شريطه بالفضي وشوز فخم عالي ومكياجها النام بس كاحله عينها بكحل اسود وبلشر وقلوس وردي فاتح وومسكرا محليه عيونها فوق حلاها : وش قلنا نوني خلاص لاتبكين
نور تحاول ماتبكي : اوكي الله يصبرني على هالمصيبه
ليان ابتسمت : هاذا الي ابيه
ام نور دخلت عليهم : يلا يمه سمي باسم الله وانزلي لزفه
نور : يمــه خايفه
ام نور باست راس بنتها ومكت يدها وقموتها معاها وقرت عليها وشربتها مويه قرايه : قريتي المعوذات
نور عزت راسها بمعنى ايه : بس مره خايفه
ليان تعدل لبس لميس الي كان فستان وردي سواريه تحت الركبه وشعرها مستشورته : يالبى قلبها نجنن
لميس تقرص خد ليان : مو احلى منك
ليان ضمتها وقامت فيها : فديت كلامك يهبل مثلك
نور عصبت : هين انا خايفه وانتي تلعبين مع هالبزر
ليان تركت لميس وراحت عند نور وباستها : نوني ليه العصبيه يلا انزلي ياقلبي
نزلت على زفه هااديه وحلوه وجلست على الكوشه وهي تسمع تصفيق ليان وتصفيرها حطو اغنيه عراقيه ورقصت ليان رقصه خلا الكل يطالعها
ام مشعل : مشاء الله تبارك الله من ذي يام نور
ام نور : صديقه نور
ام مشعل تطالع كل شي في ليان جمال وجسم وشعر وذوق : من هي بنته
ام نور : بنت عبد العزيز ال ....
ام مشعل : بنت ال .....
ام نور : ايه وشوفي امها هناك مشاء الله ناس تجار ماعليهم
ام مشعل : اها وين امها
ام نور : شوفيها ام فستان اسود ورافعه شعرها كعكع
ام مشعل عجبها ترتيب وذوق ام ليان فراحت عندها : السلام عليكم
ام ليان : اهلين وعليكم السلام
ام مشعل : شخبارك ؟
ام ليان : بخير عساك بخير وانتي بشري عن صحتك
ام مشعل : تمام انتي ام ليان
ام ليان : اي نعم انا امها بغيتي شي ياخيتي
ام مشعل : لا بس ليان اسم الله عليها قمر على الارض
ام ليان فهمتها انها تبي تخطبها : ههههههه تسلمين من ذوقك
ام مشعل : ممكن رقمك عشان اشوف لي يوم اسير عليكم انا وبنتي نجلاء اذا مافي مانع
ام ليان عطتها رقمها : الله يحييكم في اي وقت
ليان جت لامها : مامي عطيني حجابي المعرس بيدخل
ام ليان تطالع الحرمه يعني سلمي وليان فهمت امها وسلمت : اهلين خالتو
ام مشعل : اهلين فيك يمه
ليان : انتي مامت المعرس مو
ام مشعل : ايه انا
ليان اعجبتها ام مشعل وجلست تتسولف معاها
اما عند زياد فدخل بهيبته الي خلت كل بنات الصاله تتطالعه الا ليان ولا كان احد مار وقف امام نور وقبل جبينها المرتعش من الحيا وجلس مبروك ياعروسه
نور خانقتها العبره اذا ردت بتبكي فضلت تسكت :.........
بعد ربع ساعه زياد سلم على امه وخته ونور سلمت على ليان وامها وبكت ليين قلت بس والين طلعو ودخلو الفندق : هاي غرفتك
نور : احسن بعد مايشرفني انام معاك
زياد ابتسم وقرب من عندها : لا ياعيوني انتي زي الجاريه اذا بغيتك جيتك هه قالت ايش مايشرفني انا الي مايشرفني ياوجه الفقر
نور جرحتها الكلمه بس دخلت الغرفه وقفلت عليها وناامت بفستانها من كثر البكي صحت الصباح واخذ لها شاور ولبست بنطلون جينز سكيني وتيشرت اورنج ورفعت شعرها ذيل حصان وشوز اورنج وقلوس اورنج وطلعت لقت زياد جالس يطالع التي في جت وجلست زياد : صباح الخير مدام نور
نور مالقته وجه زياد قام وجلس جنبها وحط راسه على كتفها ومسك يدها وباسها : نور
نور استغربت منه رفعت عيونها وطالعت بعيونه حست احساس غريب ماتدري وش هو زياد : تجهزي اليوم الفجر موعد رحلتنا
نور : اييييش انا مابي اسافر معك
زياد قرص خدها : بس انا ماسالتك ياقمر
نور بعدت يده : مو بزر عندك لاتعاملني كذا
زياد ضحك عليها :ههههههههههههههههههههههههه الا بزر
نور تقرفت منه وقامت وسحبها بقوه مع يدها وجلسها في حضنه : وين بتروحين
نور بتقوم بسس ماسكها : بعد عني
زياد قرب من خدها وباسه ونزل على شفايفها وهي تبعده بس ماقدرت وشالها على الغرفه
وووووو *_^
في مكان ثاني ...
مشعل بالشغل حس راسه مرره مصدع بس اخذ بندول وراح على البيت قابلته ام مشعل : لقيت لك بنت تطيح الطير من السما
مشعل ابتسم : ومن هالبنت
ام مشعل : ليان بنت عبدالعزيز ال ...
مشعل طير عيونه : لياان الدكتوره
ام مشعل : ايه بس الحين ماتشتغل
مشعل : اها وطبعا خطبتيها وبتملك وانا ماعندي علم
ام مشعل ضحكت وبستهبال : ايه بس مابعد حددنا الزواج
مشعل بجديه : خذي من امها موعد وروحو اخطبوها رسمي لاني خلاص ملييت من العزوبيه
ام مشعل بفرح : ان شاء الله
رن الجرس ام مشعل : قيرينا
قيرينا : يسس مدام
ام مشعل : افتحي الباب
قرينا فتحت الباب نجلاء وبدر ورذاذ : السلام عليكم
ام مشعل : هلا ولله بنجلاء تو مانور البيت
نجلاء : منور بوجودك يااميمتي
ام مشعل : كيفك يابدر
بدر : الحمد لله بخير
جلسو سوالف لييين المغرب وعند ليان ...
ليان تكتب في دفترها
كانت تكتب مااصعب ان تبكي بلا " دموع"
ومااصعب ان تذهب بلا " رجوع "
ومااصعب ان تشعر " بالضيق "
وكان المكان من حولك " يضيق "
ومااصعب ان تتكلم بلا " صوت "
وان تحيى كي تنتضر الموت ...
ومااصعب ان تشعر " بالسام "
فترى كل من حولك عدم ..
ويسودك احساس " الندم "
على اثم لاتعرفه .. وذنب لم تقترفه
ومااصعب ان تشعر بداخل نفسك وحيد
لا صديق ... بلا رفيق ... بلا حبيب
وتشعر ان الفرح " بعييد "
وتعاني من جرح لايطيب
جرح عميق ... جرح عنيد
جرح لايداويه طبيب ( منقول للامانه )
صكرت الدفتر ودمعتها طاحت عليه : ااه ياربي سامحني ولله انا كل الي في يدي سويته بس ماقدرت انقذه
ام ليان دخلت عليها : يمه ليان بكلمك في موضوع
ليان ابتسمت ومسحت دمعتها قبل تشوفها امها : تفضلي مامتي
ام ليان جلست جنب بنتها على السرير وتمسح على ضهرها : كبرتي ياليان ولله ماحسيت الا وانتي حرمه يعتمد عليها
ليان ضمت امها : تربيتكم
ام ليان ضمت بنتها : الله لايحرمني منك ياروح امك
ليان : يلا ياست الكل قولي لي وش الموضوع
ام ليان : كبرتي واحنا كبرنا واليوم جاي لك ولد الحلال
ليان استحت : ......
ام ليان : ولد ناس ومتربي والكل يشهد باخلاقه
ليان : اها من ولده
ام ليان : تعرفين ام مشعل الي في الزواج
ليان : اي اعرفها
ام ليان : ولدها
ليان : اوكي خليهم يجون بس بشرط قولي لهم اعجبهم زين على زين مااعجبهم براحتهم
ام ليان : وش الشرط
ليان : مااشوفه ولا يشوفني الا بعد الملكه
ام ليان : اوكي بقول لها
في مكام ثاني ...
طلعو من بيت ام مشعل وراحو لمطعم بدر : نجولتي امووت فييك
نجلاء : وانا بعد
بدر : وانتي ايش
نجلاء : احببببببك احبببك احبك
بدر : فديتك
نجلاء جت بتتكلم بس رذاذ بكت وشالتها : بسس ياماما
بدر كشر : وبنتك ماتخلي احد ياخذ راحته
نجلاء تبوس رذاذ : فديتها خليها ماعليك منها
بدر : عطيني اياها
نجلاء مدتها له : قول بسم الله وشربها الننه
بدر اخذ الننه وشربها ونجلاء : ههههههههههههههههههههه شكلك توحفه
بدر يده ترجف وهو يشربها : وش اسوي فيك انتي وبنتك
رذاذ شرقت بالننه وصار وجهها احمر بدر عطاها نجلاء : خوذي تصرفي
نجلاء : يمممممه بنتي
بدر اخذها وجلس يقرا عليها لين صحت : الحمد لله
نجلاء تبكي خذتها : حبيبتي كله منك
بدر يبوس رذاذ : بسس ياروح بابا
نجلاء اخذت رذاذ وطلعت عشان تشم رذاذ هوا : بابا الشين خلاك تشرقين
بدر وراهم ويسمعها : لاتتصدقينها رذوذه كله منها هي الزوله الي ماتبي تشربك
نجلاء تضربه على كتفه : بس انت مو قد المسؤوليه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك