رواية خليجيات في الامارات -46
ان شافكم عبدالعزيز كذا بيقص رقبتكن
فجر : مووولت أقووول مرة ابن عمي ايتها العزيزه امرأه العزيز ابن عمي ادخلي داخل قبل لا افلعكي
نور تضحك : امحق لغة ..!! اقووول تصبحون على خير
الهنوف : نور روحي لـ الصاله اللي فوق البنات ينطرونج
نور : طيب
فجر ابتسمت وهي تطالع الهنوف : يا حظها مو احنا اللي قاعدين ندور لنا أحد يودينا ومحد ودانا
الهنوف : اي والله حظها ..! وبعدين ضاري طلع ليييش ما قلنا له يودينا
فجر بسخريه : اقووول مصدقه روحج
الهنوف : اي والله كنا نقول له
فجر : تحلمين وايد وبعدين هذا اخوووج حدددده سوق الجمعه
الهنوف تضحك : حرااام عليج والله اخوووي برستيج
فجر : مصدقه الحين هذا ضاري يودينا تحلمين والله ..!! هذا أخر رجل في العالم أشك انه بيودينا
الهنوف تنزل راسها : في هذي صدقتي
فجر : اش فيج ..؟؟
الهنوف : لا بس أفكررر بـ ضاري لييييش ما يودينا ويطلعنا مثل عزوووز
فجر : أخو عن أخو يفرق
الهنوف تضحك : مو كل أخو في السما يبرق
فجر تضحك : اقووول بلا امثال محرفه ترا اللغه صج بتنهار وترووح فيها
الهنوف : يلا ندخل فجووور
فجر : اي لأني حريت
الهنوف : لا تذوبين بس
فجر : هههههههه
الهنوف ضحكت وقالت : والله من الملل صرنا سخيفات
فجر : من الملل نصير كل شي
الهنوف وهي توصل فوق للبنات : السلامو عليكو
وعد : وعليكم السلام
فجر تفر عمرها ع الكنفه : وه بناااات اللي تييب لي ماي تسوي خير
رهام أخت فجر ونواف وبراك : مالت عليج اقووول نحن أصغر عيالج تقولين جذي
فجر ابتسمت وهي تقووول : سكتي رهاااموووه
وعد تضحك : اقووول انتي ما تستحين على ويهج يالدبه
فجر : دبه بـ عينج والله اش حلاتني رشيقه
فجأه سمعو صوت بسخريه : الحين انتي رشيقه بالله
فجره عدلت قعدتها ولبست الشيله عدل وقالت : وع مااالت من وين ياااي انت ..!
البنات لبسو شيلهم عدل
الهنوف : مااالت عليك من أخو فضحتنا ع الأقل تعلم تستأذن قبل لا تدخل
ضاري يحج شعره وهو يقول : صدفه ..!! وبعدين الساعه احدش بليل شـ مقعدهم بيتنا
رهام تضحك : لا ما يصير صدفه اصواتنا واصله لأخر الشارع وتقول صدفه وبعدين هذا بيت عمي ما يخصك يا ولد ..!!
ضاري ابتسم : صوت المرأه ترا عوووره
رهام : ادري فيك تغير الموضوع
ضاري ابتسم وهو يقوول : خلونا بـ موضوعنا الرئيسي الحين انتي فجر مدري مغرب مسااااء .. بنت عمي المهم وين رشيقه ..؟
فجر وقفت وقالت بأسلوبها الطفولي الطايش : والله رشيقه غصبا عنك وبعدين تراني مو متينه
ضاري ابتسم وهو يقووول : وين الرشاااقه وانتي كلج على بعضج عظاااااام
رهام ضحكت : ههههههه والله صدقت فجووور ضعيفه
فجر بوزت : حرااام عليكم والله أكل بس ما أمتن
ضاري : انتي اقعدي مكان واحد ولا تشاغبين مثل اليهال بتمتنين
فجر : لا والله عاد انت الريال الكبير
ضاري ابتسم وهو يقووول : تشكين ..؟؟
فجر : هه مااالت اصلااا انت مدري طالع على منو معقد
الهنوف تطالع فجر : فجوووور أخوي مو معقد
ضاري ضحك وهو يمشي : تضاربي انتي وياها وانا برع
رهام تصرخ : اي صح سمعنا انك طلعت كيف كانت الطلعه ..؟؟
ضاري وهو يدخل حجرته : حلووووه لأنكم مب معانا
رهام ابتسمت لـ وعد وقالت : نخطب له بنت أم فهد
وعد ابتسمت : ههههههه لو سمعج بس ..!!
فجر مكشره : يعني صج أنا ضعيفه وايد
رهام ابتسمت : تبين الصج اي ..
فجر شوي تصيح : حلفي
الهنوف : والله بس امتني شوي بتطلعين أحلى وأحلى صدقيني
فجر : يعني أنا مو حلوه ..!!
رهام : لا حووووووووووول من قااال ..؟؟
فجر : انتو
رهام : فجووور محد قال جذي شو فيج ..!
ود ابتسمت بغرور : انتو اللي كليتو البنيه لااازم تخاااف
فجر بغرور نفس ود : خلي تعليقج لـ نفسج
ود طالعتها وقالت : انزين سكتي واحترمي اللي أكبر منج
فجر وقفت هي شوي وتصيح من الكلام اللي قالو لها اياااه قبل شوي بتموووت الحين بسبب ود ومشت بسرررعه لـ حجرة نور
رهام : حرااام ود لييش تكلمينها جذي
ود : هي خل تحترم الأكبر منها بعدين نعاملها عدل
وعد تؤام ود بس الاختلاف في الأسلوب باين : هدوووووووووء خلونا نتابع الفلم
عند نور داخل الحجره
نور وهي تطلع الاكسسوار اللي لابستنه
فجر : ممكن أقعد معاج شوي
نور تلف وتشوف صوب الباب : اي ممكن
فجر بندت الباب وتقدمت من نور وقعدت على طرف السرير
نور ابتسمت وقالت : تو ما نورت الحجره يا فجوووره
فجر بدلع طفولي : منوره بـ اصحابها
نور ابتسمت وهي تطالع فجر عمرها 16 سنه طفوليه وحبوبه بس لااازم تغير من هـ الأسلوب لأن خلاااص من 15 سنه البنت تحتسب عليها كل كلمه تقولها وكل حرف يطلع لااازم تحط له مليوووون حساااب وحساااب
فجر مستحيه : لييش تطالعيني ..؟؟
نور ابتسمت : من حلاتك هههه
فجر : صج والله ولا تمزحين ..؟؟
نور : اي صج والله ههه
فجر : صج نواري الحين أنا اسمي مو حلو ..؟؟
نور : لا بالعكس والله أنا أموووت على اسم فجر أحسه حلو
فجر : صج والله
نور : اي ولو مو مصدقتني ترا عادي والله بنتي اسميها فجر على اسمك ههههه
فجر : صج يعني انتي بتتزوجين وبتولدين وبتسمين بنتج فجر
نور ضحكت : حسب زوجي العزيز
فجر : اييــــه هذا عزووز
نور طالعتها بنظره : طيب وبعدين ..؟؟
فجر ضحكت : ما أقصد
نور ابتسمت : لا امززززح معاك يا حلوه
فجر : انزين نواري ضاري والبنات يقولون عني ضعيفه صج ..؟؟
نور ابتسمت : طيب عادي
فجر بضيق : بس أنا ما احب
نور : ليييه طيب ..؟؟
فجر : مدري بس أحس لو أمتن أحسن وبعدين الضعف مخرب علي
نور : لاحقة ع المتن بكره لا جاك أطفال بيطلع لك ذاك الكرش بعد
فجر : ههههههههههههه
نور : اي صج والله
فجر : يعني انتي بيطلع لج كرش ههههه
نور طالعت بطنها : اي يمكن جايز هههه
فجر : ما يليق عليج والله
نور : بس أنا طبعا بسوي تمارين عشان لا يطلع لي
فجر : آهااا المهم والله ابي أمتن
نور : بس في ناس ما يمتنون الا بعد سن معين مو شرط هو حسب طبيعة الجسم
فجر : والله هم اللي غايضوني وبعدين هذي ودوووه يت بتدافع عني بس ما تعرف
نور اهتمت وقالت : اي وحده ..؟؟
فجر : بنت عمي هذي المغروره
نور : عيب فجوور
فجر : اي والله مغروره طول الوقت تتكلم عن نفسها كأن نحن الباقي ما عندنا مثل اللي عندها وبعدين نحن عايله وحده حتى أختها مو جذي
نور : عيب قلبوووشه وبعدين هذي أكبر منك
فجر : ادررري بس هي نادر ما تتجمع مع البنات اللي في العايله
نور مستغربه : طيب ليييه ..؟؟
فجر : لاأأ بس هي دااايم مع رفيجاتها اللي برع
نور : آهااا
فجر : والحين من انتو ييتو تيي يوميا أعوووذ بالله
نور : يمكن مشتاقه لـ عمها ولا لـ شوووق رفيجتها
فجر : لأأأ وين ..!! هذي وين وشوق وين ..؟
نور احتارت بس ما ردت على فجر وقالت : طيب الحين أنا ابي أنااام لأن حددددي تعبانه
فجر وقفت ومسكت يد نور وقالت : لا نواري تعالي شوفي معانا المسلسل
نور : فجوور تراني صدق مو راعية مسلسلات وافلااام أنا بوادي والمسلسلات والأفلام بـ وادي
فجر : حرااام نواااري بس شوي معانا حرااااااااام
نور : نص ساعه وارجع الحجره طيب
فجر : طييييييييب
نور ابتسمت : ودي والله بس فيني نوم
فجر سحبتها : يلا يلا
نور وهي تضحك : طيييييييب طييييييب شوي شوي علي
فجر وهي تسحبها يدام البنات
نور بدت تضحك بصوت عالي وتقول : حرااام عليك فجر والله بتذبحيني
فجر : استحمليني الا هم كم يوم انتي معاي وبعدين خلاااص بتروحين
نور وهي تصرخ بصوت واطي ..!! : فجووور اتركيني
فجر وهي تسحبها : يلا نواار
نور تطالع صوب الدري وتقول : عبدالعزيز هنا اتركيني
فجر تركت نور بسررعه قالت وهي ترفع يدها : مالي خص مرتك اللي قالت اسحبيني
عبدالعزيز وهو يصعد : نور في أحد ..؟؟
نور تطالع البنات : بنات عبدالعزيز بيروح لـ حجرته تغطو
البنات لبسو شيلهم عدل
نور : تعال عبدالعزيز
عبدالعزيز اقترت من نور وفجر وقال : لا والله هي قالت اسحبيني ..!
فجر هزت راسها : هاللي فهمته من كلامها
عبدالعزيز طالع بنات عمه وقال : شخباركم بنااات ..؟
البنات : بخيررر
نور طالعت البنات وابتسمت بس استغربت من ود اللي نص شعرها بره مع ان الباقي لبسو الشيل عدل بس ما اهتمت
نور تمسح يدها طالعت عبدالعزيز وقالت : بتنام ..؟؟
عبدالعزيز : اي بروح بنام
نور : تصبح على خير
عبدالعزيز : وانتي من أهله .. ( طالع فجر وقال ) انقلعي من اهني ..!! شو قاعده تسمعين
فجر ضحكت وهي تروح للبنات
نور ابتسمت وهي تطالع فجر
عبدالعزيز : امي يت ولا بعدها
نور : لا بعدها
عبدالعزيز : شوق وين ..؟
نور : مدري من جيت ما شفتها توني طلعت للبنات
عبدالعزيز : آهااا ..!! أووكي يلا روحي لهم
نور : طيب
عبدالعزيز مشا للحجره ونور بدت تقترب من أخر االصاله لـ مكان القعده وقالت : اسمحو لي
رهام : لا مسموحه فديتج
نور : وينها شوق ..؟؟
رهام : نامت بدري
نور : غريبه
الهنوف : اي والله غريبه الخفاشه تنام بدري
نور ابتسمت وهي تقول : حرااام عليكم يمكن تعبانه
وعد : اي والله شكلها تعبانه
نور تذكرت شي وبلعت ريجها وهي خايفه .. أكييييييييد قالو لها .. شوووق ليكووون تزعل وتسوي بـ عمرها شي ..! كل شي نصيب وهي بامكانها ترفض شخص مو متقبلته مو مجبوره بـ انه تربط مصيرها بـ شخص تحسه أخ لا غير ..!!
ابتسمت نور تضحك على نفسها وهي اللي انحطت بـ نفس هـ الموقف وانجبرت تاخذ عبدالعزيز ..!! بس أنا غييرررر أنا ما كان في شخص بـ حياتي ..!! شوق اللي بـ حياتها يصيير أخو برااك ..!
الهنوف : هلووووووووووو
نور ابتسمت وهي تطالع الهنوف : نعم ..؟
الهنوف : وينج ..؟؟
نور : لأأأ بس قلت يمكن شووق مريضه ولا فيها شي
الهنوف : لا تخافين باجر بتركض لج مثل الحصان
نور ابتسمت : ان شاء الله
فجر : بنااات اسكتو لأني ما اسمع شي
نور وهي تراقب حركات ود : اي ولا تعلين الصوت ترا زوجي نايم وما يحب الازعاج من الحين أخبرك
رهام تضحك بمزح : عشتووو قالت زوجها ههههه
نور ابتسمت : اي زوجي حبيبتي ولا مو عاجبك ..!!
رهام : لا عاجبني
نور فتحت عيونها بمزح : يعني ودك به ......؟؟
رهام : لا أعوووذ بالله ودي بـ مثله
نور تضحك : لالا ما بتحصلين مثله أنا زوجي ماركه وما تتكرر
وطاحت عيونها بـ هاللحظه على ود وهي منغاضه ..
نور ابتسمت لها بـ صفاء نيه بس ود لفت ويهها تشوووف صوب التلفزيون ولا عطتها اي اهتمام
نور استغربت وطنشت وبدت تسمع سوالف رهام ووعد وفجر والهنوف ...!
/
.
/
يوم الثلاثاء الصبح ..!
موعد خروج روان من المستشفى
روان تطالع ابوها وهي لابسه العبايه : يبا صج خلاااص بطلع ..!!
ابو روان مبتسم : اي بتطلعين
روان حضنت ابوها بقوووه وقالت : يبا لا تتركني مره ثانيه
ابو روان امتلت عيونه دموووع وحضن ويه بنته وقال : وعد مني ما بتركج واعوضج عن كل اللي راح
وبعطيج الحنان كله
روان : فديتك يبا الله يخليك لي
ابو روان : ويخليج لي
روان ابتعدت عن ابوها وقالت : أمي شخبارها ...؟؟
ابو روان نزل راسه وهو يقووول : ما أعرف عنها من يوم سافرت وخذت كل نصيبها وخربت عقد الشراكه وأنا ما أعرف عن اخبارها شي
روان : هذي مشكله الكفار أعوووذ بالله ما يراعون أي شي ولا يخااافون ربهم
ابو روان : الله يهديهم بس باجر حسابهم عسيييير
روان : اي والله الله يجازيهم
ابو روان ابتسم وقال : عندي خبر حلو ..!!
روان ابتسمت : شو هو ..؟؟
ابو روان : فهد بينسجن ثلاث سنين وبعد هـ الثلاث سنين بيسفرونه للبحرين وبيمنع من دخول الامارات لـ فتررره
روان كشرت : يستاهل وحتى هذا العقاب شوية عليه
ابو روان : اي والله الله يراويه
روان ابتسمت : ما علينا ما خبرتني وين بنروح الحين ..؟؟
ابو روان ضم بنته وقال : سامحيني يا بنتي بعتج على واحد ما يستاهلج وعمتني الفلوس
روان ابتسمت لأبوها رغم دموعها وقالت : لا يبا هذا نصيبي وربي ستر وخلصنا منه الحمدلله
ابو روان : الحمدلله
روان : اي صح يبا مروان وينه ..؟؟ صار له ثلاث ايام ما ييي لنا
ابو روان ابتسم وقال : اي صح على مروان تراني اعتذرت له والله انه ولد اصل وفصل
روان خنقتها العبره ودها ترد على ابوها بس ما يصير رب العالمين منع هـ الشي مهما يقول الأب ما يصير تعانده وهذا ابوها في الاول والأخير
روان : يبا اللي صار صار
ابو روان : والله لو يرجع مره ثانيه ما برده
روان بـ ألم : يبا وين يرجع وأهله لو درو اني تعاطيت وغير جذي أمي أجنبيه كافره وين بيوافقون ..؟؟
ابو روان : اللي كاتبه ربج بيصير وكل انسان ياخذ نصيبه في هـ الدنيا
روان : ونعم بالله .. يبا شوفهم متى بيرخصوني ابي اطلع
ابو روان ابتسم : خلاااص ثواني بس الدكتور اييي بعد شوي ويكلمنا ونطلع ان شاء الله
روان ابتسمت لـ ابوها وقالت : كرهت المستشفى
ابو روان : هذا وانا قايل بعد فتره الراحه بسجلج عشان تتوظفين
روان ابتسمت : لا للوظيفه حلوه بس اني انام فيها لا لا
ابو روان ضحك وقال : الله يوفقج يارب
روان : آميييين باباتي
/
.
/
يوم الثلاثاء ..!!!
روان بتطلع من المستشفى تعتقدون هل مروان بيرجع يتقدم لها ..؟؟
نور بتسافر لألمانيا مع عبدالعزيز هل بتتأقلم معاه ولا وجود بعض الشخصيات راح يخرب كل شي ..؟؟
ملاك مع مايد .. لـ وين بتوصل سالفة مايد وهل راح يتمون ساكتين ..؟؟
اريج بحر بعده هادي وأمواج متفاهمه هل فجأه راح يصير عواصف ودوامات ولا بـ يتم هادئ ..؟؟
بدور مع معضد .. اش ورا سالفة معضد وبدور وليييش لـ هالدرجه معضد معصب منها صح انه تزوجها يراضي أمه بس شو سبب كل هـ العصبيه ..؟؟
شوق اش صار عليها يوم السبت هل صار حدث خلاها تنام بدري ولا مجرد تعب ..؟؟
الاثنين 29-11-2010, 3:15 pm
ღ الحلقه التاسعه و العشرونღ
قبل الأخيره
في الطياره
نور : طيب لييييه ما حجزت نكون جنب بعض
عبدالعزيز يطالع اللسته اللي بيده : ع بالي بتتضايقين ..!!
نور استغربت منه بس فهمته وقالت : شوق ليه ما جت معانا ...؟؟
عبدالعزيز : ليييش ما سألتيها
نور : وانا لحقت أسألها ذاك اليوم وأنا أكلمها كان ودي أسألها بس ما صار طول الوقت وبنات عمك موجودات حتى رهام تنام معاها
عبدالعزيز : انتي ليييش تتضايقين منهم ..!
نور تضايقت من اسلوبه وقالت : ما أتضايق من أحد بس ودي أقول لك اني ما قدرت أكلمها عشان كذا
عبدالعزيز : آهااا
نور : طيب لما نوصل المانيا كم حجره حاجز ..؟؟
عبدالعزيز : سويت لكم وسويت لي
نور : آهاا .. اذا سويت أحسن عشان ناخذ راحتنا
عبدالعزيز : اي عاد انتي اختاري تبين تكونين مع منو ..؟؟
نور لا اراديا : الحجره اللي فيها ود ما بكون فيها
عبدالعزيز : وانتي هـ الود المسكينه ليييش مضايقتج ..؟؟
نور : لا تزعل بس مدري أحس حالي ما اطيقها
عبدالعزيز : اعرفي انج قاعده تتكلمين عن بنت عمي
نور : ادرررري بس أنا زوجتك يعني عادي أقووول لك عن اي شي بخاطري وانا اتضايق من منو وغير كذا شوق متغيررره ما عندي أحد أكلمه
عبدالعزيز وهو منقهر من هـ الكلمه وقااال : حتى ولو وبعدين انتي مالج شغل فيهم عليج من نفسج وبس
نور طالعته وقالت : بقول لك شي بس لا تزعل
عبدالعزيز : اذا ما يزعل قولي
نور : اي بقووول ..!! ود بنت عمك ليييه كذا
عبدالعزيز : كيييف ..؟؟
نور : مدري برع احسها متحفظه جدا وتلبس عدل حتى انها تتنقب بس في البيت غير
عبدالعزيز : نور انتي قاعده توصفين البنيه حرااام
نور : مب قصدي شي .. انت لـ حالك طالعتها
عبدالعزيز لف راسه وقال : بنام ممكن تسكتين
نور طالعته وطالعت المقاعد اللي ورا شافت البنات .. نزلت راسها وهي ميته قهر من عبدالعزيز ..!! لو انها مع البنات ابرك ولو شوق موجوده كانت الحين بخير
أنا شو غلطتي اني اكون صريحه معاه وبعدين أنا زوجته ولااازم المح له ان هذا داخل على خير وهذاك على طمع أوووف ما أقووول غير قهررر والله
/
.
/
ملاك تمسح دموعها وهي تتكلم مع اريج
اريج : ملاااك وانتي قاعده تصيحين ما يصير تتكلمين
ملاك : ارررريج ادرري بس الواااحد لما يصيح يرتاح
اريج : الله يهديج الصياح ما ييب غير وجع الراس والالتهاب في العين
ملاك : اررريج ساعديني ودي اطلع من هـ المشكله
اريج : ملوووك عادي اقول لج شي
ملاك : قولي فديتج
اريج : أنا بكلم أمي عن السالفه
ملاك متخرعه : اي سالفه ..؟؟
اريج : عن مايد
ملاك : لاااا دخيييييييلج مابي حد يتدخل مايد بيذبحني
اريج : وليييييييييش انزين ..؟؟
ملاك : دام امي فاطمه اللي ربته ما استحملت معاملته وطلعت
اريج : صادقه بس السالفه يبي لها حد كبير وفاهم عدددددددل الدنيا
ملاك : والله ما أعرف شو الحل ..؟
اريج : اشتكي عليه .!!
ملاك متخرعه : هذا اخوي ..! انتي عارفه اش تقصدين
اريج : يمكن يحس شوي
ملاك : لأأأأ ما يصير بيعاند أكثرررر ومو بس يضربني الا يسلخني
اريج : ملوووك حاولي تشوفينه وتلبين طلباته يمكن يتحسن
ملاك : ع بالج ما حاولت
اريج : عاد ..؟
ملاك بقلة حيله : والله اني حاولت بس ما رضى
اريج : طيب قولي له ان انج ما تبين راشد وجربي
ملاك : شو قالو لج مينونه ..!!
اريج : لاأأأ مو قصدي بس معاااه
ملاك : لاأأ لأأأ
اريج : محاوله وبسسس ما يفرق
ملاك : هذا شورج ..؟
اريج : ولا اقووول انتظري أحسن لأن ما تدرين مايد لو صدقج بيروح يسوي مشكله مع راشد الين يطلقج
ملاك : وانتي الصاجه ..!!
اريج ابتسمت : انتي اهدي واذكري ربج في كل صلاه وادعي لاخوج وكل شي يصير تمام
ملاك : أميييين
اريج : تدرين روان طلعت
ملاك : هي دزت لي مسج
اريج : الله يعينها ويصبرها
ملاك : بس الحمدلله افتكت منه وافتكت من الادمان بعد
اريج : اي والله الحمدلله
ملاك : عقبال ما أفتك أنا بعد
اريج ابتسمت : قريب ان شاء الله
ملاك تقول : غريبه الخدامه تأخرت لما تييب العصير
اريج : عادي مو مهم
ملاك تقدمت من الباب بدون لا تفتحه سمعت صوت في الصاله اشرت على اريج تيي
اريج تقدمت من ملاك وسمعو صوت
وصايف : حق منو هذا العصير ..؟؟
الخدامه : حق ماما ملاك
وصايف : ليييش تودينه لها ..؟؟ قالت لج
الخدامه : فرند مال هيه هني
وصايف شالت العصير وقالت : روحي انتي خلااااص
ملاك تطالع اريج وقالت : شفتي الــ ******* شو سووت
اريج ابتسمت : عادي فديتج
ملاك : والله اني منحرجه منج
اريج : ولييش فديتج الغلط مو منج من هذي اللي ما تتسمى
ملاك ابتسمت : حتى انتو كرهتوها
اريج : اي مو هي اللي معقده ومخربه حياة ملاك
ملاك ابتسمت : الله يخليكم لي يارب ولا يحرمني منكم لأني صج لولاكم ما أعرف أشكي لـ منو
اريج : تكلمين راشد ..؟
ملاك : اي يوميا
اريج : شخباره ..؟؟
ملاك : يحاتي شراتي .. مايد يصير ربيع عمره وأنا مرته .. اشلون ما يحتاي
اريج : اي والله الله يعينه
ملاك تطالع اريج : آخر شي بيقووول شو هـ العايله العقد اللي أنا مناسبنها
اريج ابتسمت وقالت : حرااام عليج من قال وبعدين هو يعرف مايد ما تغير الا لما تزوج ..!
/
.
/
بدور قاعده في الصاله تلعب مع حمدان سبت وأحد
بدور تصفق يد : اربعاء
حمدان نفس الشي : خميس
بدور بسررررررررعه : جـــــــــــــمعه
حمدان ضحك وهو يقووول : غلبتيني
بدور : هي غلبتك انت مو شاطر
حمدان : لأأأأأأأأأأأأأأأ أنا شاااااااطر
بدور : لو شاطر يعني تسحب يدك بسررررررعه وما تخليني اضربها
حمدان يبتسم : خلاااااص خلاااص مره ثانيه نلعب
بدور : فديتك فيني نوم أنا أمس بليل رقدت متأخر
حمدان بزعل : يعني ما تلعبين معاي
بدور : لأأأ حبيبي بنااام ولما بقوووم بلعب معاك
حمدان هز راسه : لأأأ ابا الحين
بدور تتثاوب : حمداني فديتك أنا مب راقده عدل واليوم من نشيت صلاة الفير وأنا تعبانه
حمدان : شو فيج ..؟؟
بدور : متزجمه فديتك
حمدان : اشربي دوا انزين
بدور : الدوا اشربه بس بعد يومين يسويني اوكي مب اليوم
حمدان : ليييييييش انزين ..؟؟
بدور : لأن لاااازم اتشافى شوي شوي وأنا يوميا أشرب الدوا
حمدان : أنا ما أحب الدوا
بدور : اللي ما يشرب دوا لما يمرض فديتك ما بيشفى
حمدان : ابتسم : خلااص يوم امرض بشرب
بدرو تبوسه : فال الله ولا فالك ان شاء الله ما تمرض
حمدان ابتسم : بتروحين قطر ..؟؟
بدور ابتسمت وهي توقف : يالدب فيني رقاد أنا أمس بليل مب راقده
حمدان : خلاااص انزين ييبي بطانيتج وارقدي اهني
بدور مستغربه : ارقد في الصاله ..؟؟
حمدان : هي لأني أخااف بروحي
بدور شافت بالفعل الوضع ما يسمح لأن الخدامه قاعده تغسل الملابس فـ تنجبر انها تطلع للحوي وتنشر الغسيل ما يصير يتركون حمدان بروحه
بدور : خلاااص بييب بطانيتي وبيي لك
حمدان وهو يطالع اسبيس تون : أوووكي
بدور راحت للحجره وشالت البطانيه وطلعت للصاله شافت حمدان مثل ما هو
بدور : هذيني ييبته
حمدان : ييبي فراش عشان نفرشه تحت
بدور : لأأأ برقد ع الكنفه انا
حمدان بطفوليه : برقد معاج ما يكفينا ( يعد اصابعه ) الكنفه صغيره وايد ونحن اثنين
بدور : انت توك قاعد من النوم ..!! كيييف ترقد
حمدان : ما برقد بغمض عيوني بس برقد بطالع تلفزيون
بدور تضحك : قصدك تنسدح
حمدان هز راسه وقال : هي
بدور وهي تصرخ : اجنس يا اجنس
اجنس : يس مدام
بدور : ييبي واحد فراش
اجنس : أوووكي مدام
بدور تطالع حمدان : الحيين بتييب لنا فرااااش
حمدان يحج عيونه : بطالع رسوم عقب برقد
بدور ابتسمت : انت مب رايح بعيد طالع علي تحب الرقاد
حمدان وقف يمب بدور وقال : بدور بقول لج ما تضربيني
بدور ابتسمت : قوول حبيبي
حمدان : أنا مره قطعت ورقتج وبس
بدور مستغربه : ورقة شو ..؟
حمدان : ورقة المدرسه
بدور تضحك : هههههه فديتك ورقة الجامعه قول انت قطعتها مرااات مو مرررره
حمدان : الحين ما بقطعهم خلاااص
بدور وهي تحضنه : بس أنا خلاااص الحين ما بيكوون عندي اوراق جامعه أنا خلصت .. بيكوون عندي اوراااق الدوام
حمدان ابتسم في حضنها : ما بقطعهم خلاااص
بدور : شاااطر فديتك وبعدين انت خلاااص من هـ السنه بنسجلك الكي جي
حمدان : بيكوون عندي اوراااق واقلااام
بدور : اي فديتك
حمدان : يلا ننام هذي اجنس فرشت فراشنا
بدور وهي تتمدد ع الفراش : تعال فديتك
حمدان دخل في البطانيه بس ويهه برع وقال : وطي الصوت انتي بتنامين
بدور باسته وقالت : فديتك برقد يوم تبا شي قومني أوووكي
/
.
/
شوق تصيح : يما قلت لكم مابي ولد عمي مابييييييييييييييه
أم عبدالعزيز مستغربه : هو يما بعدني ما قلت لج شي
شوق : أدرري بس أنا مابي أحد
أم عبدالعزيز : يما أنا يوم السبت كلمتج وبس ما جبرتج على شي
شوق تحضن امها وتقول : ماما صج والله مابي اتزوووج دخييييييييلكم
أم عبدالعزيز ترفع راس شوق وتقول : يما فيج شي ..؟؟
شوق تهز راسها : لأأأأ يما بس مابي
أم عبدالعزيز : انزين يا بنتي محد جبرج
شوق : يما ما أقدر أعيييش معاهم ما أقدر
أم عبدالعزيز : ليييييييييش شفتي شي غلط منهم
شوق : لأأأ يما بس أنا ما افكر انتي ارتبط الحين
أم عبدالعزيز : يا يما اش هـ الكلااام صاير كلامج مثل الأجانب نحن مسلمين من ثمنتعش سنه خلاااص البنيه تكون كبرت وفهمت كل شي
شوق : بس يا يما أنا ما بي اتزوج الحين
أم عبدالعزيز توقف : انزين يا يما أنا بخليج الحين
شوق مسكت يد امها : لا يما خلج معاي شوي
أم عبدالعزيز قعدت وضمت شوق : يما فيج شي .. خبريني ترا انا أمج
شوق : نور وين ..؟؟
ام عبدالعزيز : اليوم سافرو
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك