رواية اشتقت لك لين صارت بي منك لمحات -15
طلع عبدالعزيز وشاف نجلاء تمسح دموعها ..ماتبغى تحسسه بشي..عبدالعزيز فهم انه ضايقها ..رآح ورآها ودنق على رآسها وباسها..
...... عبدالعزيز .......
نجلآء والله عارف اني اتعبك معآي ..
ماغيــرونـي ياكود الله " يغـيرني "
كم واحدٍ عنــك يبـ ع ـدني ورديـــته ..!
عبدالعزيز:نجولتي حقك علي قلبو ..
نجلاء : لآ عادي مآصار شي يستاهل
عبدالعزيز: آهـ يالغلآ لو تدري بمعزتكـ بقلبي ..
مسك يدينها الناعمه ..
عبدالعزيز: تسلم هاليدين الي تتعب علشاني..يالله خلينآ نروح نآكل تشيز كيك نجوله..
نجلاء ابتسمت له: يالله ..
: : :
منال: وعبير اختك سافرت معاهم؟
مشاعل: لا عبير هنا بالرياض بنتهآ تعبانه
منال: ايش صار على خطوبتك؟
مشاعل: لسى ماصار شي رسمي
منال: انتي واثقه انهم يبغون يخطبونك؟ لاتنسين انه رندا اخته وانتي تعرفين رندا زين ماتحبك
مشاعل: حبتها القراده ان شاء الله ايش اسوي يعني انا باخذها ولا باخذ اخوها؟
منال: لا بس...............
مشاعل:لابس ولا شي ماكون مشاعل اذا ماخذت اخوهآ وكسرت خشمها الي رافعته علينآ ..ولا بنت عمها ديم نفسي امسح فيها الارض كل بنات عايلتهم تجيب المرض انواع الغرور والدلع
منال: حتى العنود مو دايماً تقولين انها احسنهم
مشاعل: من زينها هي الثانية ..بزعمهم انهم هآآي واحنا لو كلآس ..مجتمعهم ممل وكل وحده شايفه روحها مدري على ايش
منال:بس يامشاعل والله انهم حبوبات ويدخلون القلب بسهوله
مشاعل: ايه هين اقول غيري الموضوع ترى كبدي تقلبت من جبتي طاريهم
منال:ههههههه مو تقولين بتاخذينهم كيف بتعيشين في مجتمعهم؟
مشاعل: انا باخذ فيصل وماراح اخذهم كلهم
منال: واذا ماجاك فيصل
مشاعل: راح يجي ورجله فوق رقبته وبتشوفين
منال: نصبر ونشوف ..
: : :
ديم: ياي انتم بإيطاليا؟
موزة: هيه ...ندرس بروما
جود: كلكم؟
ميثاء: انا في المانيا وموزة وهيا في ايطاليا
شوق: ليش مو كلكم بإيطاليا؟
ميثاء: انا ادرس طب وتعرفين جامعه هامبورغ احسن جامعه تدرس الطب
العنود: يعني مثل دكتورنا شوق
ميثاء: صج شوق انتي طبيبه؟
شوق: ايه وان شاء الله باقي لي ترم واتخرج
ميثاء: ماشاء الله عليج
رندا: ياحظكم مو احنا الي ندرس في حر و غبار الرياض
امل: أي والله
موزة: يعني عندنا دكاترة وايد
العنود: وازيدك من الشعر بيت اخوي مشاري برضوا دكتور خطيب الدكتورة شوق
ديم:على كذا بنفتح مستوصف ههههههههه
البنآت:ههههههههههههههههه
شوق: يااااي ايطاليا احب دوله عندي مرة رهيبه
هياء: معاج حق ايطاليا تينن بس الغربه آهـ من الغربه
رندا: وتعرفتوا على احد هناك؟
موز: عندنا ربع وآآآآيد ومعظمهم خليجين
ميثاء: وحده هنديه معنا بنفس الكلاس تشبه لك ياديم
ديم تمزح: اكيد حلوة ؟ههههههه
البنات:ههههههههههه
العنود: خلاص احنا بنسير عليكم بإيطاليا
ميثاء: ياااليت لنا الشرف والله ..راح نخليكم تسيرون حق فينسيا وميلانو
موزة: انا فاقده وحده منكم
شوق: ريانه
هياء: ايوه الي صوتها عيبنا
رندا: عليك نور
ميثاء: وينها؟
امل: تعبانه ماشبعت نوم
موزة: اكيد طول الليل سهر والصبح نوم ههههههههه
جود: للأسف هذا الواقع ههههههههه
ديم: انا صحيح ملقوفه بس بسأل موزة انتي مخطوبة ؟اشوف الدبله في يدك
جود ضربت ديم: ايش تركتي لريانه ههههههه
موزة: هيه انا مخطوبة حق ولد خالي علي
ميثاء: وزوآجها بعد 3 شهور
شوق: مبرووووك ياقلبي
موزة: الله يبارك بعمرك
رندا: بهذي المناسبة راح اعزمكم على ايس كريم
العنود: احلفي؟ انا قلت اللحين بتعزمنآ على شربآآت
البنآت:هههههههههههههه
جود: وفيه معاكم سعوديين يدرسون هناك؟
ميثآء: ع طآري السعوديين عندنا سعودي يهبل يجنن كل الجآمعه طايحين وياه
هياء:طارق؟
ميثاء:وهو فيه غيره
موزة:والله مالومج انا وهياء رحنا لها وشفناه عذاب
ديم: غريبه سعودي حلو
رندا: لا.... اشك انه سعودي
ميثاء:هههههههه ليش طايحين من عينكم السعوديين
امل:تقريبا هههههههههههههه
العنود: بنات انتم متى طيارتكم؟
ميثاء: بنرد دبي اليوم الفجر
شوق:الله يوصلكم بالسلامه
جود: بنات بليز ابغى ايميلاتكم
موزة:من عيوني
جود: تسلم عيونك
شوق:لازم نتواصل وياكم
ميثاء: اكيد حبوبه
العنود:بنات هذي امي
ام مشعل: حي الله بناتنا بنات الامارات
موزة ..ميثاء..هياء:الله يحيج ياخاله
العمة صيته: ماشاء الله يابنات لكم كم يوم وانتم مع بعض ولا عرفتونا بالبنات
شوق:هذي هياء والي جنبها ميثاء وهذي موزة
العمة صيته: ياهلا وغلا ...غداكم عندنا
ميثاء: ماتقصرين بس طايرتنا اليوم وبنرد الفندق نريح ونبات شوي وبعدها بنطلع للمطار..
ريآنه واقفه قدآم المرآيه ومآسكه الآي بود (mp3 )
كنت اظن اني حبيبك واني لامن غبت توله
واني بالدنيا نصيبك واللي بعيوني بكو له
مادريت ان الليالي غيرت قلبك علينا
ماخطر لحظه في بالي تنسى كل اللي عطينا
روح روح الله حسيبك وانا في حالك بسيبك
بس لا يخطر في بالك اني ارجع لك واجي لك
منك تكفيني جرووووحي وانكسااااراتي ونوحي
انت وش تبغى بروحي روووووح لاترجع لي ثاني
لو حلفت انك تبيني وميت وهيمان فيني
بعتبرها الف كذبه طحت من قلبي وعيني
انتها حبك وحبي وافترق دربك ودربي
يا خساااره ياا خساااره انه حبك يوم قلبي
........... ريــــــــآنه ...........
حسآفه دموعي تنزل على وآحد مثل تركي..
انا ياتركي تقولي هالكلام.. انا مثل اختك..
بس والله ماخليها لك مثل ماجرحتني ..لازم اجرحك
لا لا لا ايش هالتفكير انا ماودي اجرحه بس انا ابي اعلمه
انه انا ريآنه لي وجهين الهبال والصرقعه مو دايم
راح اوريه وجهي الثاني ..تحمل مايجيك ياتركي,,,
: : :
رندا: بنات خلونا نروح للـ abc والله المول مرة حلو
العنود: يالله ماعندي مانع
امل: وانا برضوا ماعندي مانع
ديم:انا بروح للفندق اشوف ريانه اكيد زعلانه علينا مين تبي معاي؟
جود:انا من زمان مادخلت الانترنت وتعبت طول اليوم واحنا برى بريح وبالليل بنطلع
شوق: وانا برضوا باخذ شاور مليت من السوق يكفي اسواق الرياض
العنود:بس بيروت غير
جود: حتى انا اشتريت لمن قلت بس ..
امل: بنات كيفهم لاتترجونهم من زينهم
ديم: وجع توجعكم مافيه احترام
رندا: اقول طيري بس
جود: بنات اليوم بسوي لكم تصاميم وتواقيع لمنتدياتكم والي يبي يروح للسوق ماراح اسوي له
العنود:تكفين ارحميني مابي تواقيع السفرة والاسواق ماتتعوض
رندا: اوكي يالله خلونا نروح
امل:بس مايوافقون علينا نروح لحالنا
العنود:سعود هناك مع اصحابه
رندا: أي اصحاب؟
العنود: اصدقائه اليوم بالصدفه قابلهم
امل:اهااااااااااااا
رندا:يالله خلونا نروح
: : :
ام مشعل: عز الله انكم عرفتوا تختارون
ام فيصل: أي والله من شفت عبير وانا تمنيت اختها لفيصل
ام عادل:انا اشوف بناتنا مايحبونها واكيد يشوفون شي احنا مانشوفه
ام عبدالعزيز: مشاعل بنت مربيه واختها عبير هذا يكفي
ام مشعل: ومتى تبون تخطبونها؟
ام فيصل: اذا رجعنا للسعودية ان شاء الله
ام عادل: وفيصل يبيها؟
ام فيصل: انا ماقلت لفيصل أي شي عن السالفه
ام مشعل: وشو؟ اجل كيف بتخطبين البنت؟
ام فيصل: والله لو تشوفون فيصل ينشف الريق بموضوع الزوآج مايبي لي كم من سنه يعني من تخرج واحاول فيه ابي اخطب مايبي..و قلت مالي الا اخطب له واحطه تحت الأمر الواقع
ام عادل: يمكن في باله وحده
ام فيصل: ياليت منى عيني والله لا روح اخطبها له اليوم قبل بكرى بس ماتكلم ولا قال شي..
ام عبدالعزيز:اول شي اسألوا الولد لا تتوهقون من البنت واهلها
ام مشعل: يام فيصل البنت ماتتفوت بنت ولا كل البنات وعبير اختها وامها يالله الجنه تنحط على الجرح يبرى
ام فيصل: انا نويتها لفيصل ان شاء الله ولمحت لأمها تلميح ..
ام عادل:لا تتسرعين واسألي فيصل وشاوريه قبل
ام فيصل: عز الله تزوج لو ابي اشاوره
: : :
{ لآ لآ يغر? مظهري صورة إنســآن
وتقول بنتٍ ومآ عندهـآ مـآ عند جــدي
ش?لي حيـآوي ودآخلي ألف شيطـآن
وليـآ بغيت الشي مـآ أرضـآهـ يــعدي ..!!
رندا: بنات تصدقون هذا البنطلون عند صديقتي الهنوف
العنود:معقولة
رندا:أي والله حتى اني سألتها من وين قالت من بيروت
امل: طالعي كيف له حول السنة موجود
العنود:قهر والله انا اذا جيت ابغى اشتري أي قطعه اسأل متى نزلت
رندا:احسن لك
/
فارس: والله ياسالم انت ومحمد ماصدقت يوم شفتكم
سالم: لاحقينك لاحقينك وين ماتروح ياحضرة الضابط
فارس:هههههه فكنا والي يرحم والديك من الشغل خلنا ناخذ فترة نقاهه
محمد: شباب مازهقتوا خلونا نتمشى برى الجو حلو
سالم: والله ماصدقت ادخل مجمع من غير عوايل خلنا نفلها
فارس: هههههههههه
محمد: الله واكبر يعني بتقنعني انك ماتروح مجمعات بالرياض من غير عوايل؟
سالم: لا اكيد نروح بس هنا free
فارس: free بقوة
محمد: اقول قوموا ترى رجولي تحكني على المشي
سالم: تكفى يالرياضي
فارس: اقول قوموا شكلها بتصير هوشه لاتفشلوننا بس
محمد:هههههههههههههه
:
:
امل:يووووووه ياذولا الشباب تراهم ازعجونا
رندا: طنشيهم وسعي صدرك
العنود:صادقه امل طالعي كيف يتحرشون فينا
الشباب: ياحلو عطنا وجه
العنود: اشطفوهم
...: السلام ياحلوات
رندا:خلوني عليهم اربيهم لكم
....: ايش فيكم ماتردون السلام..السلام سنه ياقمر
امل: بنات خلونا نرجع تكفون طالعوا كثرهم
العنود: يمه الحين يمسكوننا
رندا:على كيف امهم الدعوى هنا مو فوضى
رندا التفتت عليهم: ولد ابوه يقرب لنا
...: وكمان سعودية يامرحبا يامرحبا
رندا: وجع توجعك
...:مالك ياقمر زعلانه
رندا:انقلع انت وياه ولا ترى قسم بالله بتشوفون شي ماعمركم شفتوه
...: يمه قلبي يرجف
الشباب: ههههههههههههههههه
العنود:رندا قومي خلينا نرجع للفندق
امل متوترة وخايفة على رندا
قام واحد من الشباب ومسك يد رندا
رندا دفته: اقول بعد يدك اذا اهلك ماربوك ترى اخواني مستعدين يأدبونك والله الا يسنعونك ياقليل الادب
:
:
العنود اتصلت على سعود علشان يجي ويفكهم من البلوى الي طاحوا فيهآ..ومن حسن الحظ سعود كان قريب من مكآنهم
سعود: وش عندكم؟
الشباب: ومن انت يالحبيب
سعود: اخوهم .. يالله كل واحد يروح منها ولا وربي لامسكم حيين وطلقكم ميتين
الشباب خافوا من سعود لانه كان معصب حده وخافوا يردون عليه لآن سعود اذا عصب يخوف بلد بحالها
مشوا الشباب بسرعه .. العنود وامل ماسكين قلوبهم من سعود اللحين يحط حرته فيهم
سعود يدف رندا: امشي قدامي والله قهر تصيرين اخت فيصل وتركي
رندا: ابعد يدك عني احسن لك
سعود: اقول لا تكلميني وسكري فمك..جالسه تحاكين العيال خوش والله بنت
رندا: ترى عاد زودتها صحيح بنت لكني عن الفين رجال و لاتغلط تراني متربيه
سعود: امحق تربيه
رندا بنظرآت غضب: وقف عندك الا هنا انا متربيه وغصبن عليك
سعود اعطى رندا كف من قوة الكف خلاها تطيح على العنود
امل والعنود شهقوا..لحظة صمت ..سعود يطآلع لرندآ
رندا اعطته نظره بطرف عينها : هذا العشم فيك ياولد العم
سعود : اقول لا يكثر ورحوا للفندق ..
:
:
محمد: وش فيك سعود عاقد حواجبك من رجعت من اهلك
سعود: لا بس مافيه شي
سالم: الا تعال شخبار فيصل؟
سعود:بخير الله يسلمك
سالم:هو هنا بلبنان؟
سعود:ايه كلهم هنا
سالم:والله ماشفته الا من بعد الحآدث الله لايعيد الشر..وشخبار اخته
سعود تحرك من مكانه: وش عرفك بآخته؟
محمد: ايه صح وش عرفك باخت فيصل؟
سالم:لحظة لاتفهموني غلط اساسا البنت ماعرفها الا بعد حادث سعود بالمستشفى وكبرت بعيني بعملتها
سعود: رندا؟
سالم: ايه صح اسمها رندا اذكر الدكتور وفيصل ينادونها
سعود: ليش ايش سوت ؟ وليش جت للمستشفى
سالم: تستهبل علي انت مسوي نفسك ماتدري
سعود: سالم والي يرحم ابوك قلي السالفة
محمد: افاا شكل الموضوع خطير الي خلا سعود يقوم من كرسية
سعود: تكلم
سالم:طيب طيب هذا يوم كنت بالعمليات قالوا انك تبي دم ورحنا انا وفيصل وطلع دمنا مايناسبك و بنت عمك فصيلتها تناسب فصيلتك وخالفت الانظمة وتبرعت لك بالدم وخذوا منها دم كثير والله انها حرمه
سعود رجع ظهره على الكرسي
........ سعود ......
لا تقولها يا سالم رندااااا رنداااا هي الي تبرعت لي ..ياربي انا ايش سويت فيها هذي جزاتها الي ضحت علشانك ...ليش عملتي كذا يارندا؟ انا كيف احط عيني بعينها آخر شي اتوقعه رندا هي الي تبرعت...بــــــس آكيد هي البنت الي دخلت علي اول ماصحيت و هي نفسها الي جابت لي الورد... معقولة الي يصير معاي ..رندا العنيدة رندا الدلوعه رندا المغرورة .. آهـ يارندا حطيتيني بموقف ماقد مريت فيه ...!!
: : :
مشآري : اقول ليش سافرتوا بذا الوقت
ابو مشعل: ليش ياولدي
مشاري: اللحين اشوف شوق قدآمي ومقدر اكلمها واحاكيها
ابو عادل: يعني وش تبي نسوي تبي تملك عليها اللحين
مشاري: تكفى ياخالي طالبك اياه طلبه
ابوعبدالعزيز:ومن وين لنا شيخ يملك عليك
فيصل: المأذون يسمى عندهم
ضاري: مساكين الي ماملكوا
تركي: يكسرون الخآطر
ابو فيصل: احسن من الي ماخطب ولا ملك ولا سوى شي
مشاري:ههههههههه وانا اشهد ياعمي
: : :
فآرس فتح شنطتة يبغى يلبس ملابسه وشاف الدبدوب مسكه وشمه كآنت ريحة عطر امل عرف آنها من امل ابتسم
اخذ ورقة وبخط يدهـ كتب لأمل
كنت أشوفك شخص عادي زي باقي الناس حالك
وكنت أجاوب ماشي حالي يوم تسال كيـف حـالك
لين ما شفـت اهـتـمـامـك وارتـبـاكـك في كـلامـك
وقـتـهـا حسـيـت عـيـنـي دوم تـشـتـاق لـوصـالـك
بعد ما شـفـت الـحـقـيـقـه في عـيـونـك يا عـيـوني
صار إحسـاسي وغـرامـي في غـيـابك يـسـألـوني
لـيـه نـشـتـاق فـغـيـابـه ولـيــه نـرتـاح لـعــذابـه
واكتشفت إني "احبــــك " دون مدري يا جنوني
آخذ الورقة وماعرف كيف يعطيها امل ..طلع من السويت وشاف العآمل حق اللأندري ..مآسك الملآبس
فارس: لو سمحت هذا لمين ؟
العآمل: لروم 205
فآرس: ممكن اطلب منك طلب
العآمل: تفضل
فآرس:هذي الملآبس والعبايات حقات اختي واسمها امل اذا رحت هناك اطلبها بتطلع لك خذ الورقة هذي واعطها وقلها من فارس
العآمل: تكرم عينك
فارس : مشكور
: : :
العامل طق الباب
شوق: نعم؟
العآمل: مدموزيل آمل..هيدول التياب
شوق :آمل شوفي حق المغسلة جايب ملابسك
امل فتحت الباب
العآمل: هيدي الورقة من استاز فارس
امل ترددت: فارس ..اوكي شكرآ
امــل مسكت الورقة وقرتهآ ضمتهآ لصدرهآ ودخلتهآ بجزدآنهآ علشان محد يقرآها..
: : :
ديم: ريآنه انتي مو طبيعيه فيك شي؟
ريآنه:ديم خلينا ننزل للحديقة الي تحت
ديم وريآنه بالليل نزلوا للحديقة والجو بارد شوي
ديم: ليش ماطلعتي اليوم؟
ريآنه: ديم بقولك على شي انا عارفة اني الي سويته حركات مراهقه بس مدري ليش ذليت نفسي ورحت له
ديم: مين هو؟
ريآنه نزلت دموعها: ديم انا كنت احب تركي ورحت له وصارحته تخيلي ايش قال لي قال انتي صغيرة وانتي مثل اختي وركزي بدروسك واتركي الحب عنك ..
ديم: انتي تحبين؟
ريآنه :ليش كذا تعاملوني انا انسانه لي احاسيس من حقي احب
حطت رآسها على رجول ديم وجلست تبكي
ديم: حبيبتي ياريانه الناس تعودت عليك فرفوشه..اسمعيني انتي حاولي تنسين تركي يعني شيليه من بالك وبتشوفين اذا مارجع لكـ
ريآنه:انا مابيه والله لو يرجع لي ويبوس رجولي ويقولي انه يحبني مستحيل احبه انا اكرهه خلاص عفته كرهته كل شي انقلب
رندا:هاي
ديم:هلا وغلا
ريانه: وش فيك رندا مو على بعضك
رندا بخفة دم: اخوك السخيف اليوم طقني
ريانه: وشو؟ من هو
رندا: وش يسمى هذا سعود
ديم:من جد تتكلمين
رندا: هههههههه ايه
ديم: وتضكين؟
ريآنه: عسى ماشر
رندا: ايه عادي وسعي صدرك
ديم: ممكن تفهميني الموضوع
ريآنه: ايه تكفين احس مخي منلحس
رندآ : ابد جوا شباب خليجين يتحرشون فينا ..كعآدتي انا رديت عليهم ومسحت فيهم الارض جاء قرانديزر زمآنه حضرة الضابط سعود ويجي ويعطيني كف ههههههههههههه
ديم: رندا قومي نامي شكلك مب صاحيه صرتي تقطين خيط وخيط
رندا: والله اتكلم من جد
ريآنه: سعود كذا طبعه لاتشرهين يارندا
رندا: عاااادي بس لو كررها مرة ثانية راح اعطيه بوكس مب كف
ديم: احلى ياقوية
ريآنه:هههههههههههههه
جــآء فيصل للبنآت ...ديم فز قلبهآ ..ابتسم لهم
فيصل: مساء الخير
البنآت:مساء النور
رندا: او تقدر تقول صباح الخير لانه الحين دخلنا 12
فيصل: كله واحد ولاتزعلين صباحك ورد وفل
رندا: وصباحك خيو
فيصل: شخبار رنوش؟
ريآنه: ازقح
فيصل: حلوة ازقح والله كنك واحد من الربع
ريآنه: واحد ولا وحده
فيصل: وحده هههههههه انا فيصل ترى مب تركي
ريانه دنقت راسها بالارض
فيصل: كيفك ديم؟
ديم بصوت مخنوق:تمام
رندا:فص فص ماعندك شي
فيصل: لا بروح انوم اللحين تبين شي؟
رندا:ماودك تتمشى فينا او تعزمنا على شي بارد
فيصل ابتسم: اكيد حياكم ياسنيورات
{ لاتناظرني كذا..!
تتعب..
وأتعب أنا من حر نظراتك
تقول:
"وش غير أوضاعك
ملامح صورتك
نبضك
غرورك
رقة أطباعك..!"
لاتجرح الصمت، وسكوني
خلني كذا..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك