رواية اشتقت لك لين صارت بي منك لمحات -3
البنات جالسين بالارض << من الحماس
وسطهم ترامس القهوة والهوت شوكلت وسلات الحلاو والشوكلاته والمعجانات والتشبسات ,<<سهرات بنات
امل : ديمو ناوليني(اعطيني) سله الشوكلاته الي عندك
ديم رفعتها وكانت ثقيلة وعلى طول طاحت : آآآآآآآي يدي
ريانه: وش فيك؟
ديم ارتبكت :مافيني شي ..بس هذا شد عضلي ..!!
رندا جالسه جنب ديم وشافت يدها من قريب..
رندا : اوبس ايش فيها يدك كذا صاير فيها بقع لونها ازرق؟
ديم تلعثمت: آآآ..مممم .. هذا وانا نايمة ضربت يدي طرف الكومادينه (الطاولة الصغيرة)
امل: سلامتك يابعد قلبي..
ديم: الله يسلمك
رندا ماعبجتها السالفه لان يدها واضح ان الضربه قويه مو سالفه كومادينه!!
امل : بنات ماتلاحظون اننا تأخرنا ؟
ريآنه : ياسخيفات انتم تونا وين تروحون لسى بدري؟
ديم: بدري في عينك طالعي الساعه كم ؟
امل شهقت : الساعه 3 الصبح ..ياويلي من امي !!!!
ريانه: وجع املوه صحيتي امي وابوي من شهقتك
امل: ياكبرها عند ربي..اللحين انا شهقتي تصحي امك وابوك
ديم : بنات الحقوني جود تقول اخواني ناموا من زمان ..مع مين ارجع؟
ريانه: نومي عندنا..
ديم: علشان تذبحني امي..انا وعدتها اني مانوم بس نسهر ...بعدين بتزعل علي
امل: طيب ليش مانرجع مع السواق...؟
رندا: صاحيه عمتنا ؟نرجع مع السواق لحالنا وبنص الليل
ديم : السواة يابنات ؟
امل :انا عدول اخوي صغير ومايركب الا مع السواق
رندا: انا عندي وانا ام هندي
ريانه: ههههههههه ام هندي حلوووة لاتتحمسن واجد
رندا تتريق: هه هه هه ماتضحكين ...
بتصل على تروكـي تلاقينه سهران العم مايرجع للبيت الا مع اذان الفجر
اتصلت عليه وكان مقفل الجهاز..
رندا: مالي الا فيصل !!
ديم:لالالالالا فيصل لا بليز
امل :ليش؟ عادي فيصل مثله مثل تركي؟
ريانه: وش عندنا ديم خانوم؟
ديم ارتبكت: لا بالعكس بس فيصل احس انه يخوف مو مثل تركي حبوب وكيوت
رندا: لا تخافين فيصل ماياكل..وبعدين فيصل يجنن حبوب وقلبه ابيض ترى بس هو كذا مسوي شخصيه قدآمكم
رندا تطالع لديم :ترى بتصل عليه
ديم: اوكي ..
..... ديم .....
يــآرب مايرد ..يارب مقفل جهازه...يآرب نايم
رندا: هلا فص فص
فيصل: اهلا اهلا رندوش
رندا: وينك فيه؟بالرياض او برى؟
فيصل: لا على حدود جيبوتي..ايش ذا السؤال اكيد بالرياض..وفي بيتنا بالتحديد
رندا:حلووو..ممكن طلب؟
فيصل: رندا غريبه تطلبين..بالعاده تامرين يادلوعتنا المهم وش بغيتي ؟
رندا: انا في بيت عمي محمد وابغى تجيبنا انا والبنات ..
فيصل:اوكي ..بس تجهزوا ترى ماحب اوقف !!
رندا: يابعد قلبي ياخوي ابشر ولايهمك جاهزين..يالله باي
ديم (ياقلبي بس انا ايش اسوي باليوم اشوفه مرتين..بس مو انا ديم الي قلبها يكسره رجال مهما كآن..هذا حب مراهقه فترة وتعدي)
امل :ديييييييييييييييييم وجع وين رحتي؟
ريانه:تفكر بفيصل خايفه ياكلها او يعضها ...
رندا : والله لو هو دراكولا
ديم تضيع السالفة: لا بس افكر بالعزيمة اليوم كانت مرررة تجنن
ريانه: اكيد تجنن مين صاحبتها ؟
امل: بليز لاتقولين انه انتي صاحبتها
ريانه وبكل شموخ: ايه انا طايحه من عينك؟
امل: للاسف ايه
ريانه وهي تمسك صندلها بتضرب امل ..
امل: امزح امزح اساسا انتي الكل في الكل بالعزيمة !!
ريانه: بزارين ماتجي الا بالعين الحمراء
البناااااااااات جلسوا يضكون على ريانه وخرابيطها
{ [ مـرتـاح ] ..!!
" أحـبـك " .. ولا علـمـت .
حتى أنت عييـت أبيـن لك...!!!
البنات لبسوا عبياتهم ..فيصل عند الباب..
من سمعتها ديم وقلبها بداء يدق بقوة ..!!
ركبت ديم وامل ورى ..رندا قدام ..
رندا: مساء الخير..
فيصل: قصدك صباح الخير
رندا:عادي كله يمشي..!!
فيصل: كيفكم بنات؟
امل: بخير ..
ديم ماردت بالها مشغول (يارب مايقولهم شي عن سالفه يدي)
رندا بخبث: ديم فيصل يقول كيفك..؟
ديم: هاه..
امل بصوت واطي بس فيصل سمعه : من قال هاه سمع
ديم بصوت واطي وعيونها في الارض: تمام
رندا: لا اليوم ديم مو طبيعيه..كل هذا علشان يدك تعورك؟
ديم: آآآآ..مممم...لا لا بس يدي عورتني الصبح اول ماقمت من النوم
فيصل كان يطالع بالطريق..ولما سمع كلام ديم عرف انها ماقالت شي ولا تبغى يعرفون
بالسالفة ..بس ضميره يأنبه اكيد تعورها بقوة لو ماتعورها ماشكت للبنات !!
فيصل :سلامات ديم..تبغين اوديك للدكتور؟
ديم رفعت راسها وطاحت عينها بعينه في المرآيه وعلى طول صدت
ديم بصعوبه يطلع منها الحكي : لا
في السيارة رندا تسولف وتضحك مع امل..
اما ديم ساكته لاتعليق..البنات يظنون انها خجلانه من فيصل ..
مايبغون يحرجونها وتتكلم..
اما فيصل كان سرحان يفكر
...... فيصل ......
ليش ديم كذبت على البنات؟...وماقالت لهم ..
هالبنت غامضة ..!!اموت على ماعرف ايش يدور في بالها
نزل فيصل امل قبل ديم وبالطريق رندا نامت بالسيارة وخصوصا بعد مانزلت امل لانه ديم
ساكته وماتحكي ورندا دايخه فيصل ساكت ..الجو بالسيارة هدوء
طلعت ديم جوالها من الشنطة وارسلت مسج لجوال جود على اساس تفتح الباب لانه ماتبغى
تضرب الجرس وتصحي اهلها !! ودخلت الجوال بالشنطة ونست تسكر الشنطة
ولما وصلوا لعند بيت ديــــم
ديم :مشكور وآسفين اذا تعبانك
فيصل: لا ماتعبتوني ولاشي
ديم فتحت الباب وتطيح شنطتها وكل الاغراض الي فيها كلهم في الشارع
الجوال ...المرآية...علبه الارواج..العطور..المشط...والبوك "الجزدان"
فيصل نزل من السيارة يساعدها يجمع الاغراض معاها وكل واحد فيهم يجمع ولما خلص حط
عينه بعينها .. البنت تعذب عيونهــا كبيرة مرة والكحل يدوخ عليها ..عيب يافيصل هالحكي هذي
بنت عمك مهما كان
فيصل وهو يشيل العطر الي تصبغت يدينه بريحته الحلوة كان عطرها (بربــري)
فيصل بكل جرأه: ليش كذبتي على البنات ؟
ديم انصدمت لجرأته بس كان ردها فيه غموض
ديم: مو كل شي يصير لازم ينقال ..!!
دخلت لبيتهم بسرعه وسكرت الباب..
فيصل اعجبه ردهــا..لانها غامضه وهو يحب الغموض !!
رجع للسياراة وهو يفكر فيهــــآ..وطول ماهو بالطريق وهو يتذكر نظاراتها وعيونها ..ورندا نايمه
ومو حاسه بشي (لانه نومها ثقيل)
وقفوا عند الاشارة فيصل رفع يدينه يشم ريحتهم ..ريحه عطرها ..عطرها يافيصل ....
: : :
ديم رجعت للبيت ودخلت غرفتها خذت شاور وجلست تفكر بكل شي صار معاها كانت
فرحــــــــــــــآنه حدها وتبغى تطير من الفرحه..انها شافت فيصل حكت فيصل ركبت مع فيصل ..!!
اول ماحطت راسها نــــــآمت ..!!والابتسامه مرسومه بفمها..!!
: : :
العصـــــــــــــــــــــــر
فيصل صحى من النوم وشعره الناعم كان طويل شوي وعلى عيونه رفع شعره و شم ريحه
يده ..ريحه عطر تذكر ديم ..تذكر امس تذكر عيونها ابتسم..اخذ شاور وتوضاء وصلى ولبس ثوبه
وشماغه وطلع............!!!
اللبناني: شو بدك نسائي ولا رجالي؟
فيصل: لا ابغى نسائي..
اللبناني:تكرم عينك..لحظة بجيب لك العطر الي طلبته
فيصل : لما شاف العطر مع اللبناني ابتسم وكآنه حصل على كنز ..
اللبناني: مابدك نغلفهم لخطيبتك او زوجتك ؟
فيصل: لامايحتاج
اخذ فيصل العطر وطلع برى المحل وركب السيارة...
فيصل عقد جواجبه وجلس يفكر بحكي اللبناني...معقوله ....
انا افكر كذا انا ايش الي خلاني اجي واشتري عطرها... اول ماصحيت على طول كانت في بالي...بنت صغيره تسوي فيني كذا ؟
لا اصحى يافيصل هذي بنت عمك عيب اتكلم كذا عنها..هذا وانا امس الي تكلمت معاها...حتى ماخذت ولا عطيت معاها...كانت ساكته طول الوقت شكلها محترمه..!!!
خلاص بنساها ...مهما كانت هي بنت عمي من لحمي ودمي ,,ومب زين افكر فيها كل هالتفكير.. وماجبتها امها الي نسرق بال فيصل ابن عبدالعزيز الرا..................
: : :
اتمنى يعجبكم البارت
واذا لقيت دعم منكم وتشجيع ماراح اتاخر
بنتظار ردودكم
فيصل: سوقي على مهلك لا تتعورني ..!!
ديم ابتسمت له من تحت النقاب
سكتت وحركت الدباب ومشت
البنــآت هنــآكـ فالينها على الاخر صراخ وضحك ..الشباب مايبغون يخربون عليهم وناستهم راحوا جلسوا عند الرجال ..البنات بعد ما مشوا الشباب راحوا رفعوا عباياتهم علشان ياخذون راحتهم .!!
وبعد ساعه ونص ورندا وامل طفشانات يبغون البنات ينزلون علشان يلعبون ..!!
: : :
{ مو آنــا يانور عيني
ترسم شموخــكـ علي ..!!
سعــود مسك يد ولد اخوهـ بدر يبغى يلعبه بس البنات مو معطينه وجهه
بالاخير راح بدر يلعب كورة مع البزارين وسعود واقف يطقطق بجواله ..
يشوف اذا فيه ارسال اولا
رندا: بنات انا ابغى دباب شوق الابيض والدباب عند سعود .. بس بليز جيبوا الدباب لي عند الحريم مقدر العب عباتي بتنفك وبتطلع رجولي قدام العيال ..
ديم : اوكي ولايهمك ..يالله بنات خلونا نروح عند الحريم
ريانه: انا بجيب الدباب الابيض من عند اخوي سعود وانتي رندا امسكي دبابي وروحوا هناك اوكي ؟
رندا: يابعد هالدنيا يارنوووشة قلبي ..اوكي !!
رآحــوا البنات لعند الحريم وهم يتسابقون رندا ..ديم ..امل !!
سعود : اتركي الدباب ابغى العب بدر فيه ..بعدين توك راكبه الدباب الاحمر وين رآح ؟
ريانه : الدباب الابيض موحقي لرندا تبيه !!
سعود من سمع طاري رندا عقد حواجبه : ياسلام ؟ والست رندا ليش ماتجي تلعب هنيا ؟ ولا على راسها ريشه ؟
ريانه فاتحه عيونها : طيب ورآك معصب ؟
سعود بعصبيه: اقول قولي لهم يجون هنا يلعبون... كلكم مو بس هي احنا مسوين هذي المساحه تلعبون فيها مو تروحون هناك
ريانه : طيب وش فيها بنروح نلعب هناك
سعود : مافيه انا قلت هنا وكلمتي ماتنثني
ريانه : طييييييييييييب ليش؟ ابغى افهم ؟
سعود : احنا مخلين السيارات حوالينكم علشان محد يمر
ولا حد يشوفكم تجون انتم تروحون هناك ..ياالله روحي ناديهم يجون
ريانه: بس رندا ماتقدر تلعب
سعود: ياسلام ماتقدر تلعب هنا وتروح تلعب هناك .
.ناديهم واذا مايبون الدباب البزارين يبون يلعبون ..
ريانه : اقولك ماتقدر تلعب افهم
سعود : لو هي بنت ابوها تجي تلعب هنا مو هناك
راحت ريانه لعند البنات وقالت لهم السالفه بالتفصيل الممل
(ريانه بطبعها تنقل السالفة بتفاصيلها )
رندا جن جنونها : نعم نعم نعم ؟ وش يقووول ؟ ايه بنت ابوي
البنات عارفين طبع رندا انه اذا عندت تخوف وتسوي الي براسها
ديم : هدي رندا ..مو لازم نلعب
امل: ايه معليش مو اللحين نلعب بعدين ..
ريانه : ايه احسن خلي سعود ينقهر اذا مالعبنا..
رندا قامت : اقول انا بروح هناك..وش قلتوا بتروحون معاي ولا لا!
ديم : رندا مايصلح خليها بعدين
رندا بصوت حاد : اقوولكم الحين بتروحون معاي ولا لا
ريانه تحب الحركات : كفو يابنت ابوها ..يالله امشي .
البنات ركبوا دباباتهم للمكان الي واقفه فيه سعود ..
ورندا تمشي برجولها لانه مامعها دباب
وكانت مولعه مقهورة ..محد يقدر يتحداها ويعاندها ...
وصلوا لعند سعود ..الي كان جالس على كبوت السيارة (مقدمه السيارة) وكان عنده فضول يبغى يشوف ايش راح يصير ..حتى ضاري جاء عنده ويسولف بس حاول يشغله عنه ويصرفه..بقى لحاله ..
سعود ماسك جواله ولما شاف البنات ابتسم ..وراح وقف عند الدباب الابيض(يبغى يعاند)
رندا بصوت قصير: شوفوا وين وقف ياااااااااربي كيف تتحملونه هذا بالبيت؟
ريانه: ماشفتي شي هو مايحب احد يعانده
ديم: ماقصرتي وهذي الخبلا رندا ماتحب احد يعاندها ويوقف بوجهها
امل: الله يستر لاتصير حفله هنا
سعود يبغى يحرهم : تلعبون هنا ..شطورات؟
رندا قربت من سعود تبغى الدباب الابيض
رندا: لو سمحت ممكن تبعد ابغى اركب الدباب
سعود: ايوه خليكي كذا تسمعين الكلام
رندا بنظرة حقد : غلطان
سعود يطالعه بنظرة تخوف : غلطان ؟؟؟؟؟
رندا: ايه .. انا مو جايه هنا خايفه منك ..!! هماك قايل لو هي بنت ابوها تجي.. جيت علشان ابين لك اني بنت ابوي وانه محد يهمني
ديم .. وامل .. ريانه ..ساكتين موقفين الدبابات ويشوفون الموقف ولا فيلم اكشن
سعود : لا بنت ابوك .. بس لاهنتي مره ثانيه لا تطولين صوتك وشوفي مين تحاكين ترى انا سعــود بن محمد الرا.........
رندا : و لاتنسى انك واقف مع رندا بنت فهد الرا.........
سعود :ترى البنت ماتصلح تكون قوية
رندا: الولد مايصلح عليه الغرور ..اقول لوسمحت ممكن تروح لانه احنا بنلعب وبنرفع عباياتنا لذلك لو سمحت خلنا براحتنا
سعود عصب بس حاول مايبين لها كأنه مايهمه : انا بترككم بس لاتطولين صوتك مرة ثانيه يابابا ..
راح سعود للرجال وكان معصب من حكيها بنت وقوية عين ..ماتقبلت الشباب الي يحاكوني كذا مو عاد بنت !!
ريانه تصفر لها: عاااااااااااااااااشت بنت ابوها والله انتس ذيبه
امل :انا ماسكه قلبي شوي وتطاقون مع بعض
رندا: هذا الي ناقص يمد يده علي..مانولد الي يمد يده علي
ديم: راح يجي اليوم الي يجي شخص ويكسر غرورك يارندا
رندا: اقول فكونا وخلونا نلعب وننبسط قبل لا يرجعون الشبــآب
: : :
نجلاء : بنات اصبروا عينوا من الله خير وراكم ماتغديتوا ؟
ام فيصل : وش فيكم الدبابات ماراح يطيرون ..تغدوا زين !!
ريانه : لا ياخالتي بنروح ننبسط الدبابات مو كل يوم عندنا
ديم : لاياخاله اللحين احنا تاركين الدبابات وتلاقين فارس وتركي ماسكينهم وربي مايعطوننا
ام عبدالعزيز:انتم ماقصرتوا ماسكينهم من الصبح خلو العيال يلعبون
عبير: أي والله حتى عيالي ياقلبي عليهم ماعطيتوهم فرصتهم
رندا: بس هم قالوا انه مفاجأه لنا احنا ..
نجلاء: طيب خلوا قلوبكم حنينه ياصبايا وعطوا عيالي انا وعبير خلوهم يلعبون
عبير: اقول نجلاء المرة الجايه راح نجيب انا وانتي دبابات وبس لعيالنا وياويل الي يركبهم هههههه
نجلاء:والله انك جبتيها خلاص المرة الجايه راح نجيب لهم ..بلا منتهم ههههههههه
العنود: ياناس وربي مررة ملل مافيهم شي يونس
شوق: مرة بايخيين الدبابات وبعدين انتم بنات كبار خلوا البزارين يلعبون
جود : توهم مراهقات احنا غير
ريانه : يابخت المراهقه فينا ..اقول بنات خلوهم تراهم محترين منا
البنات راحوا للدبابات وكان فيها بدر ومحمد وعادل وماجد <<بزارين
ريانه : يالله ياحلوين خلونا نلعب
ماجد :اقول مناك بس
ريانه:ياقليل الآدب تراني اكبر منك
ماجد :قولي قا
ريانه :ديم عقلي اخوك ..!
ديم :انتي بنت عمه وحسبه اخته عقليه انتي ,,
ريانه ماقصرت نزلتهم هي ورندا ولعبوا الصبايا بالدبابات ....
مشعل و عبدالعزيز راحوا للبنات يطلبونهم ينزلون من الدبابات علشان يلعبون بزارينهم الي راحوا اشتكوا لهم ان البنات نزلوهم ....
ريانه : مشعل شوف احنا بننزل بس على شرط كمان انت عبدالعزيز
ديم تحاكي امل ورندا:ياجرائها هالبنت
امل:هالبنت ماتهاب
مشعل: كل شروطك موافقين عليها بس انزلوا ..البزارين صجوا روسنا بصياحهم
عبدالعزيز:خلاص اعتمدي ياريانه هانم بس انزلي
ريانه : اكيييد موافقين ؟
عبدالعزيز:هاه هو لعب عيال احنا رجال اعطيناك كلمتنا
مشعل: وشهو الشرط؟
ريانه:مو بكرى جمعه؟يعني ويك اند ..ونبغاكم تغدوننا باحد المطاعم الفخمه
عبدالعزيز: يووووو وش هالشرط ..حرام عليك راح اعلن افلاسي بعدها هههه
البنات يصفقون لريانه..
مشعل: اذا كان انتم الاربعه مقدور عليكم
ريانه: من يقول انه اربع ..
عبدالعزيز:مين بعد؟ترى حريمنا مو رايحين معاكم من اللحين لاتحسبينهم
ريانه:مانبي متزوجات اساساً
مشعل:ههههههههه طيب مين تبين يام لسانين؟
ريانه: انا طبعاً وديم وامل ورندا والعنود وجود وشوق
مشعل: عز الله رحنا فيها
عبدالعزيز: ضاعت فلوسك ياصابر
بدر وخلود وحمودي يصيحون:بابا يالله نبغى نركب
مشعل: طيب خلاص انزلوا
ريانه تأشر للبنات بمعنى لحظه : بالاول قولوا تم
مشعل: تم والله تم
عبدالعزيز: تم يالجنوبيه هههههههه
نزلوا البنات وراحوا لعند الحريم يبشرون العنود وشوق وجود
عبير: وجع ريانه تبين تخسرين زوجي
نجلاء: حرام عليك يالظالمة .. انا لي اسبوع اطلبه نتغداء برى تجين انتي بخمس دقايق تخلينه يطلع فيكم
جود: تعالي ابي ابوسك ياشيخه
شوق: على قولتك رنوش والله انتس ذيبه
العنود : بعدي اختي مب ذيبه وحده الا حديقة حيوانات
البنات هنا ضحكوا على كلامهم...
: : :
الكل رجع وفي سيــــــــــــــارة فيصل ماكان معاها احد
.... فيصل ...
والله ديم حركتها قوية اليوم .. تعجبني هالبنت ..شخصيتها رهيبه ..
محترمه .. آهـ لو اعرف عنها اشياء اكثر من كذا ..صحيح هي صديقة رندا
ومثل اختها واكثر بس صعبه اسألها عنها ..غريب الوضع
انا الي مافيه بنت تهزني هذي
ام تسع طعش سنه قدرت تشغل بالي ...
من قدك ياديم قدرتي تسرقين تفكير المحامي فيــصل !!
كــآن مشغل اغنية آصـآلهـ " سوآهـــآ قلــبي "
وجلس يغني معاها ..
سواها قلبي ياحبيبي وحبك
ماطاعني وانا عن الحب ناهيه
الظاهر انه مايبي غير قربك
عاف الجميع وأول الناس راعيه
عليه مااوصيك لاصار جنبك
صبح عليه بحب وبحب مسيه
نبضه وفا والتضحية, لاء يعجبك
صافي ولكن مالقى من يصافيه
خل دروب الكل واختار دربك
داريه تكفى قد مافيك داريه
وابشر بقلب مايبي غير قربك
يموت وغير محبتك ماسكن فيه
: : :
{ قسم بالله لو تدري ..
بـ / قدرك ..
تعشـق [[ ترابـي ]] !!
..... آمــل .....
اليــوم احساسي غير.. اشواقي غير.. نفسي اطير..
نفسي اقول للعالم ..اليوم قابلت فــآرس ..
فـآرس آحــلآمي ..!! بس يافارس
ماكون امل ان ماخليتك تموت فيني مثل مانا اموت فيك
: : :
الساعــه 2 بالليل ..
بالصآله الي فوق الكل نايم في بيت ابو مشعل ماعدا ريانه ماسكه الجوآل ...!!
ريـآنه : ايه بكرى ..والله مدري بس اسمع مشعل يقول لمشاري انه هو الي راح يودينا مع ضاري ولد عمي عبد العزيز
رندا : اهم شي سعود مب هو الي يودينا
سعود كان يصعد الدرج توهـ رآجع من الاسترآحه وعلى دخلته للصاله سمع حكي ريانه .......
ريآنه: لاارتاحي سعود مو هو الي يودينا .. يا رندا خانوم
رندا: كويس..والله لو سعود معاكم بجلس بيتي مو ناقصه ناس ترفع ضغطي
ريانه: هيه هيه ترآهـ اخوي
رندا: احلفي اخوك .. بشري امك..حتى لو كان اخوكـ
ريانه: اقول غيري الموضوع ترآكـ قاهرتني انتي وياهـ
سعود هنا ابتسم نص ابتسامه ودخل غرفته وسكرها بدون ماتحس فيه ريانه لانها معطيته ظهرها ومندمجه مع السوآليـف ومانتبهت لسعود
.... سعــود ....
ماتبيني اوديهم الست هانم بس وربي ماتركك بحالكـ ..بدوس غروركـ يارندا برجولي ...طآل الزمن او قصر !!
: : :
ديم وجود مروا على رندا مع ضاري ..وراحوا للمطعم واتفقوا يكونوا هناكـ
ريآنه لابسة عباتها بالحوش هي والعنود ولما شافت سعود كاشخ عورها بطنها من الخوف (لآيكون هو الي يبغى يودينا وانا قايله لرندا انه مب رآيح )
ريآنه بقلق : سـ .. .. ــعـ .. ـود وين بتروح ؟
سعود رفع رآسه وابتسم لها ابتسامه على جنب
سعود بكل ثقه : بوديكم ..مو تبون تتغدون برى ؟
العنود على نياتها : ايه بس مشعل قال انه مب رايح وانه مشاري هو الي يبغى يودينا
سعود: انا طفشان ومشاري من الصبح رايح لعيادته..عندهـ حاله مستعجله
العنود:ياقلبي على اخوي الله يوفقه..اما مشعل الله يعينه على دفع الحساب
سعود : لآتخافين مشعل وعبدالعزيز قدها
ريآنه تغير وجهها وخآيفة من رندآ لآنها ماتواطن سعود بالمرة ..
العنود:سعود لاتنسى بنات عمتي صيته نبغى ناخذهم معانا..
سعود: طيب ورندا؟
ريآنه التفت مستغربه :لا رندا بتروح مع ضاري
سعود : احسن تخفف هههههههههه
العنود ماتدري وش السالفه: حرام من كبرها
سعود: وش فيك امزح
ريآنه ( لو بحلف انها طالعه من قلبك ياسعود )
رآحوا للمطعم وكانوا ضاري والبنات بالسيارة ينتظرون سعودي الي راح يجيب شوق وامل..!!
العنود لما شافت سيارة ضاري شهقت ماتدري انه ضاري يبغى يروح
سعود : وش فيك العنود ؟
البنات يضحكون عرفوا وش سالفة العنود
شوق: لا بس نست جوآلهــا
سعود فهمها : كل ذي الشهقه علشان جوال ترى ماحنا بالصحراء
العنود عرفت انه سعود فاهم وتفشلت وجهها احمر
نزلوا البنات من السيارة .. يمشون لبوآبة المطعم ..سعود وضاري قدامهم يسولفون والبنات وراهم .. والعنود كان ودها ترجع مستحيه بقوة ..تتحرك بطئ وهي تسحب عباتها..على عكس ضاري الي كان متلهف على شوفتها
رندا نزلت وهي ماسكة شنطتها ومعاها علبة مويا ..شافت سعود ..سعود يناظرها بكل غرور ..هي لما شافته انصدمت طيرت عيونها مو مستوعبه.. حطت حرتها بعلبه المويا الي بين يدينها عصرتها من القهر..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك