رواية هروب من الواقع -4
طويل ونحيف...عنده واحد معه صغير يمكن عمره 9 سنوات... يمكن يكون اخو هاو ولده وقعدوا يساعدوننا...وبعد ماطفت السياره عشان الحراره
الرجال الأسمر: (بصوت عالي)روح ياولد جيب المويه من السطل
الولد : طيب..وراح يركض وجاب سطل مويه واعطاه اياه
كبوا المويه فوق الكبوت بس باقي مابردت.....
(اللـــــــــــّــــــه أكبــــر ..اللــــــــــــــّـــــه أكبر...أشهد أن لا إله إلا الله...
أشهد أن محمدا رسول الله...حي على الصلاه حي على الفلاح ...)
أذن الظهر...الساعه 12 ونص...وحنا باقي...قفلوا المحلات...ومكتب العقار الصغير ماعدا البوفيه... الحمدلله الرجال
الطيبين معنا...صاحب المكتب..وصاحب البوفيه اللي خلاها فاتحه عشان يمد لنا (لَـــــــــــــــــــــــــي المويه)
ورشوا الكبوت...رجعت الحراره طبيعيه...
الرجال الأسمر :شوف أنا بيتي قريب من هنا أحسن حل أجيبها هنا ونسحب سيارتك لورى سحب...
ناصر:وهو (متفشل) معليش تعبناك معنا ياخوي...:graaam (222):
الرجال:لا وانا اخوك مو مشكله عادي الناس للناس والكل بالله...
توجّه ناصر للسياره..وركب...آمال منتهيه خلاااااص من الحر...:graaam (53):
آمال:بتعب...وخوف من أبوه...بصوت مُعاق...هاه وش صار؟
ناصر قال لآمال السالفه كلها
آمال:الله يوفقهم يارب والله ماأنساه لهم لين أموت...
جا الرجال وسحب السياره وطلعنا....خذينا سماح ومشينا...وحنا ماشين بشويش السياره خربت ودفونا اثنين شباب صغار
بالعمر يعني تقريبا 22 سنه أعمارهم وكان معهم جيب...والحمدلله مشينا وكملنا لين وصلنا...
آمال:وش أقول ألحين...وكيف أدخل بهالاغراض هذي...وكيف اتعذر عن جوالي اللي مارد عليه يارب...
سماح:الجوال قولي المشرفات مسكوه وخلوه معهم لين أطلع من الكليه...والاغراض والشنطه خلوها هنا بالسياره
ناصر اقول انزلوا بسرعه خلونا نمسح قزاز السياره بسرعه (ترى القزاز على فكره يكشف)
نزلنا ومسح القزاز ناصر بسرعه ومسح الغبار من السياره ...وبدينا نرقى للدور الثاني بالبيت
...آمال وهي ترقى (أعوذ بالله من الشيطان الرجيم ( ((اللّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ
كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيم((
أول مادخلوا ...واجههم أخوهم (فهد)اللي عيونه طالعه من الزعل..يبي ياكل ناصر .....
الأب:وينك انتي ياملعونة الجدف...؟
آمال بخوف:بالكليه..عشان الوثيقه..
الأب:ألحين انتي بالكليه تلعبين انتي وخوياتك ومخليه الولد عند الباب بهالشموس....صاحيه انتي ولا خبله
كان يوم شفتي انك مطوله أرسلتي اخوك للبيت وقلتي له لا طلعت اقولك...
حمار انتي حمار ...بقره خبله...الوحده بس تمشي بدون عقل..كبيره نقول ووتخرجت والعقل باقي فاضي...
آمال ساكته :graaam (266):...سماح تعدت (الأخت ماله دخل بالموضوع)..دخلت للغرفه..
الأب:أدخلي امشي...والله لولا خوفي من الله لا الحين انعن والديك يالبقره...
آمال دخلت الغرفه وباقي العتاب لفهد اللي يبي يكفخ ناصر...
فهد:أنا أدري انكم قاعدين تتمشون ..ويعنني تطلعون أنفسكم..أنا ماني خبل يانااااااااااااااصر
الحين عرسي الاسبوع الجاي وانتم للحين تمشون!!! وش هذا...!!كأنه مو عرس أخوكم..
ناصر:طيب من صدق كنا عند الكليه
فهد:بنظره قويه طيب
طلع ناصر من عند فهد بعد(محاضرة فهد الطويله) وراح للغرفة اللي آمال كانت قاعده به بعد الحوسه والخناق...دخل الغرفه وكانت آمال منسدحه
على السرير..ويوم دخل ناصر قعدت..وتستنى ناصر يتكلم
ناصر:ألحين شلون أقول لأبوي عن الخراب اللي بالسياره؟؟
آمال :مدري والله..بس أحسن شي انك يوم توديني للمعهد(حق الحاسب اللي كانت تروح يمه آمال الساعه 7 المغرب)
وقله انها ارتفعت حرارتها و وقفت...وهو يوم يوديها للورشه يشوف الخراب...
ناصر:والله اني خايف مدري شلون
آمال:أصلا مابه حل غيره يالخبل...وانا تراني ابي اموت من النعاس:graaam (151):(مانمنا من امس )
ناصر:الله يستر
جت خالتي تهاني عندنا وطلبت ناصر يوديها العصر للسوق ...تبي تتقضى...عشان عرس فهد...وجت الحبكه بروسنا
أحسن شي ...اننا نخلي حرارتها ترتفع واذا قربنا من البيت ومعنا خالتي نوقف ونقول انها ارتفعت الحراره وهي ماراح
تشتغل...(الجمس اذا ارتفعت حرارته عادي يمشي بس لاطفيناه خلاص ماعاد يشتغل لين تبرد الحراره)واستغنمنا الفرصه...وسويناه وحنا
قريبين من البيت وراجعين...وأرسل أبوي السواق لنا..وهو ابتلش وحنا رحنا للبيت....جلست السياره بالورشه زمن طويل
وكلفت الأب اكثر من 20ألف ريال
طلع الخراب كبير والراس حق الجمس خربان وهو مكلف هذا غير القير واشياء مااعرفها
...بس تستاهل الرحله هذي أكثر من كذا..
مو بس عشان طحنا الحب اللي بروسنا ...بس لأني تعلمت منها أشياء كثيره
***مدري ليه وقفنا هالوقفه...ليه خربت السياره بشكل مو متوقع...كل هالأحداث ...أكيد لحكمه
من الله سبحانه ...أتوقع عشان ضميرنا يصحى....ويمكن عشان أغير فكرتي بالناس أو فكرتنا كلنا
(بأنه الناس بالدنيا هذي تغيروا لدرجة محد يتوقعها وانه مابه احد يساعد احد )...بالعكس الطيبين باقي موجودين ولآخر يوم بالحياه كلها...هذا اللي حسيت به أنا وقتها****
حبيت الناس أكثر ...وعرفت انه كل انسان به خير بس متى ما حنا شلنا هالفكره من روسنا...(لا احد يفكر انه بس هو
الطيب وانه لازم يشيل هالطيبه من قلبه بالعكس هذا شي يُفتخر به كثير وكذب انه الناس مايحبون ولايبون
الطيب...بالعكس ..وجربوا وراح تلقون الخير بكل دنياكم وانا عند كلمتي)
بعد ماصاركل شي تمام....بدينا الحين عاد نستعد للزواج حق
فهد....وتونا نشتري الملابس...ماكنا متحمسين بالحيل
لهالعرس بس انه شي لابد منه..يمكن الأغلبيه يسألون ليه
بس هو سبب أتوقع انه مقنع نوعا ما للعائله ككل...
والسبب هو ان فهد من يوم هو صغير عاش على حب بنت
اسمها ندى تصير بنت عمتي..وكانوا يحبون بعض بالحيل:graaam (213):
وبعد هالعمر كله افترقوا..ومو بس كذا بعد ماتمت الخطبه
والموافقه من اهل ندى فجأه انهى ولد عمها اللي خطبها كل شي...فهد تحطم نهائيا..وصار يبي يتزوج من أي بنت
...وأهلي رحموه خصوصا بعد ماطاح شعره ورموشه
ولحيته وشاربه..ونحف..وصار كاره الدنيا..زوجوه من بنت
حلال مايعيبها شي ...بس (الحب قدر مايمحيه الزمن وان
طال)وهذا اللي عرفته بفهد
...اللي أول شي حطه بشقته
الجديده وبغرفة نومه...الشنطه اللي كان حاط فيها كل ذكرى
للحبيبه الأولى..:graaam (23):
رحت معه وشفت دموعه بعيونه وهو يفتح الشنطه ويويريني
أشعار كتبها بندى:graaam (269):...ورسايل وأشياء قديـــــمه لها سنين..
ما أنسى يوم قال (أنا ماني مصدق انه بكره زواجي على
فلانه ماهي ندى):graaam (121):
ندى اللي تزوجت الصيفيه اللي فاتت من ولد عمها باقي
عايشه بقلب فهد....
و بتاريخ 15 8 1429هـ...يوم السبت...وتمت مراسيم
العرس:graaam (172): اللي أقدر أقول انه بارد بمعنى الكلمه...
حتى فهد ما كأنه عرسه نهائي..):.والكل شاف الأسيّه بعيون
فهد...اللي نصيبه منعه من فرحة عمره...
&&&&&&&&&&&&&&&&&&&&&&&
بعد العرس اتفقوا العيلتين عايلة أبو أحمد وعايلة أبو محمد
انهم يسافرون سوى لمدينة جده..
وقبل السفر بيوم ...طلعنا نحشه لبيت خالتي نوره...على
الساعه 12 بالليل...الأهل نايمين طلعوا آمال وسماح الشي
الجديد معهم (العنصر الانحرافي القادم حنين.:graaam (279):.ههههههههه)
دخلنا عندهم ومثل العاده نكب البسكوت كله على الارض
ونجيب القهوه ونتقهوى...
أماني:يالله سمااااح علميني الدبكه..
أماني:جيبي طيب شريط وخلينا نرقص..
أشواق:ناصر واقف عند الباب؟:graaam (113):؟
آمال :ايه...
حنين هاديه وقاعده جنبهم بكل (صمت مذهل)...
ومع الجزء الرابع شوفوا آخر تطورات العيله المرجوجه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الرابع
(انت محبوبي)...
لاخرلحظة من عمري اقلك أااااانت محبوبي
وحبك في دمي بيجري وطيفك نور في دروبي
ياااااريت العمر يتوقف على حالة هناا جنبك
نعيش فيهاا ولانخفف من الشوق الى مايوصف
ونتهادى ورود الحب ونروي فيهاا نشوة حب
واقلك انت محبوبي
حبيبي تعبت الايام تنادينا نسايرهاا
تعبنا وصحت الأحلام وفرصتنا في حاظرهاا
احبك يارشيق القد
احبك في اللقى والصد
احبك والدموع الخد
احبك مهما كان الرد
وانا في حالتي معذور بربك لاتلوم مجبور
انت مناياا مطلوبي
يارتني املك الافراح واتصرف بها وحدي
واعرف كم بقالي جراح وكم ساعة هنا عندي,
أخلي فرحنا دايم و أخلي عمرنا نايم
وأقول لشوق من انت توكل روح ياظالم
ونتهادى ورود الحب ونروي فيها نشوة قلب واقولك
أنت محبوبي
اغنية الفنان محمد عبده
منيره :ركضت بسرعه داخل وجت لابسه ثوب أسود حق
أخوها خالد وشماغه ولابسه بعد السروال الابيض اللي ينلبس
تحت الثوب.....وتضحك وآمال وأماني وأشواق وسماح
وحنين ميتين من الضحك عليها...ترقص بين أماني وسماح
وهم يدبكون(وييييييييييي ويييييييي)
وتشوف وتتأمل وجهها بالمرايه...(ههههههههههههههههههه)
خبله قااااضيه..
على مودك
على مودك انت وبس
لاسهر واتنق والبس
على مود عيونك باقي
اضحك من كل اعماقي
تنتنا تن تن نانانا (اييييييييوه ترت را تررارا......
وبعمرك آنا اتنفس
على مودك انت وبس
والله بوجودك يمي ..>>>أيوه
ينزال تعبي وهمي ..>>أيوه
انت الباقي من اغلى الناس
انت الحب وانت الاحساس
ياليرة ذهب والماس
على مودك انت وبس
انت الافراح بروحي
وانت ال تطيب جروحي
هييييييييييييييييي ايوه ايوه هلا هلااااااا
انت قلبك مثل الماس
انت اجمل كل الناس
وايدك محلية المحباس
على مودك انت وبس
أماني :ههههههههههاي يااااه عرفت ادبك والله سهله
وتدبك....(شوي شوي يا أماني مو كذا تنزلين بالحيل عاد)
ولك راد القلب عاف البشر كلها
ولك راد مشى وسافر وتذكرك وذكرك
عرب ماطيبوا عندي عرب ماطيبوا عندي
ولك راد دوا انت يهل بعيد عن ديرتي
سماح فرحانه وتدبك...
أشواق وده تصير معهم..بس قاعده تفكر بالطلعه...
آمال :هيه روحوا
شوفوا خالد نام ولا لا ترى ناصر طفش..
أشواق:منيره طسي شوفي خالد بسرعه نام ولا لا
منيره:وليه ما تنقلعين انتي تشوفينه..وليه تقولين لي انا...خير..قومي طسي انتي
أشواق :اقول تقلعي بسرعه
آمال :ياشيخه طسي بسرعه يامل العلّه
راحت منيره..وقعدوا أماني وسماح بعد (مجهود الدبكات)
دخلت منيره وبقوه فتحت الباب(بوووووووم)
منيره:خالد قاعد ياكل اندومي...وخلاص به النوم
استنينا خالد ينام بس ماش مانام وأخيرا تبرعت لنا أماني اننا
نطلع مع ناصر قبل يزهق بالحيل عاد
...ولا إنها تأكدت من
نوم العيله كلها تدق علينا...
وطلعنا مع ناصر وشرينا من
(الكوفي إن) المعتاد واللي صار رفيقنا الدائم...مشينا بوسط
المزارع بالسياره...وكان ظلمه بالحيل...
الاشجار تحاوطنا
من اليمين واليسار....طريق ضيق...وسكه طويله مستقيمه
وكنا قاعدين على الشبابيك
...ومع الأغاني أبو الفله...و نسمات هوى الليل تجنن ....بعد نص ساعه تقريبا دقت
أماني:يالله ترى فهد نام ارجعوا خوذونن
.. ورجعنا
خذيناو...وكملنا التمشيه للصبح...
هالمره كنا سارقين
(الجيب) ناصر سرق مفتاحه من أبوه..
فاضطرينا نرجع
بدري..لأن أبوي لازم الصبح مثل العاده يتفقد الرعيه و
يويق (يطل)من الشباك يشوف أخواني به أحد طالع ولا
لا...تناقشنا نروح نودي البنات لبيتهم ونقعد شوين عندهم ولا
نروح على طول لبيتنا...مرينا على سوبر ماركت قريب من البيت وخذينا أندومي..(فطووووور !!!)
على الساعه 8..ونزلنا بشويش...وكل واحد ينبّه الثاني انه
مايطلع صوت للبيبان حقت السياره
ناصر:انتن الحين يالخبلات خليني أسمع لكم صوت وقفلن
الباب بشوييييش....
..وبسرعه ركضنا كلنا ...بسرعه ويوم دخلنا الحوش
ونضحك ههههههههههههههه...
أشواق:ياويلنا من أمي كانها صحيت الحين ومالقتنا
آمال:لا ماشاالله علينا ومخلين الوغدان(الأطفال) ببيت خالتي
نوره نومناهم وحنا طلعنا نتمشى..
تسدّحنا بالصاله بعبياتنا كلنا....كل وحده بجهه..
طلعوا أماني وسماح ومنيره وحنين فوق..يسوون لنا الأندومي...ناصر كان مزكووووم راح نام..
أشواق:تهقين صدق نبي نطلع مع بعض سَفره...؟
آمال:يااااااارب...هم كل يوم يقولون شي...بس هالمره احسها
صدق...
أشواق :اما لو نروح لجده مع بعض ام الفله..وتقوم قاعده..
اقول لو اننا نروح لـــ(مكان النحشه ههههههه) المهم مع
بعضنا...
آمال: آآآآآه بس جده غييييييييييييير...أم الفله
أشواق:يووووه وش نعمل عاد؟؟
دق جوال أشواق...كان محطوط على الطاوله الصغيره اللي
بنص الصاله...
قمزت(نطّت) أشواق ...آمال تقامز وتسبق أشواق على
الجوال...
وتخطف الجوال
أشواق:مين ؟؟وش مكتوب؟؟
آمال وهي تقامز: المـــــامااااااااااااااااا
أشواق :يووووه وش أقول؟؟؟ياربي؟؟؟هاتي ؟؟
أعطتها آمال الجوال...
أشواق:طيب وش أقول؟؟؟
وأخيرا ضغطت أشواق على الزر الأخضر....
خالتي منيره:ويـــــــنكم انتم ويــــــــنكم هاه...وين
طالعاااااااات..
أشواق:ههههههههههههههههههههههههههههههههههههههههاي يلعن هالوجه يلعن هالوجيه
(طلعوا سماح وأماني ماسكين جوال أشواق ومغيرين اسم سماح وحاطينه باسم الماما عشان ننهبل حنا)
أماني وسماح:هههههههههههههههههههههههههههاي هههههههههههههههاي كيف الخرعه؟؟
أشواق:الله يقلع هالوجيه...
آمال:وجع يوجعكن..بوطننا مغصتنا....
أماني:يالله بس طسن نبي نسوي الأندومي..
أماني:تقلعوا يالله...يالله
قعدوا كلهم يضحكون....جت منيره تستعرض كالعاده عند المرايه وترقص برازيلي...(بس ترى والله رقصها يهبل
بالبرازيلي) ورقصتها بعرس فهد....وتفتح جوال آمال على أغنية ...(شامبو صانسيلك) دالي دوم دالي...
Dale, Don, dale
Pa' que se muevan la yales
Pa' activar los anormales
Y al que se resbale
Boster dale, dale
Dale, Don, dale..
عاشوا ايوه....وتتأمل بخصرها بالمرايه...وآمال وأشواق يضحكون...
منيره: مالكن دخل ...هههههههههههههههههههاي
آمال:الحمدلله والشكر هههههههههههههههههه
أشواق:هذيلن وش يعملن؟؟؟الحمدلله
آمال تقولين يسوون ذبيحه...مت من الجوع...
دخلوا أماني وسماح وجيبات الأندومي معهن...والكل (هجوم على المنزل)....كل وحده خذت لها صحن وفتحنا التلفزيون
نتفرج....
دق جوال أحلام...وكان الجوال مع آمال...
كانت اللي تتصل ..(أم نواف)>>>>هذي أخت أشواق الكبيره متزوجه وعايشه بديره ثانيه ودايما نتصل فيها نقهرها
بجمعاتنا ونحشاتنا...وتنقهر ياحوووول...أم نواف...قمه بالطيبه....معلمة انجليزي...بس طفله ...رهيييييبه...عسل
حقت وناسه وفله..على نياتها بالحيييييييييييييييل.....
آمال :خليني أنا أرد...
أشواق:ردي ردي...(كان الكل بالصاله....ونبي كلنا نقهر نشميه ام نواف..) والكل مستعد للتقهير..
نشميه:سلام
آمال:هلا وعليكم السلام
نشميه:مين ؟؟؟أشواق؟؟؟
الكل يضحك ههههههههههههههههههههههههه
نشميه:هيه وين أشواق؟؟؟
آمال:ماني معطيتك اياه...وش تبين؟؟
أماني:بسرعه وش تبين؟؟
آمال :بسرعه قولي يالله
نشميه :أممممممممممممممممم بهم فاجأه عندي لكم....
أشواق:وشي مفاجأته....اخلصي
سماح:يالله خلصينا
نشميه:ويني أنا؟؟؟قولوا ويني؟؟
أشواق بتعجب كبير:ويـــــــــــــــــــــنك؟؟؟
نشميه: انا عندكـــــــــــــــــــــــــم بالبيت هههههههههههههههههههاي
أماني تعض اصابعها: كذاااااااااااااااابه عز الله كشفتنا امي...
نشميه::وانتن وين داجات؟؟؟هاه
أشواق:نشميه عساك صحيتي أمي
نشميه بقمة البرود:ايه امي عندي....
أشواق:والله مو وقتك يانشميه جيتك غلط...
نشميه:أصلا كنا جايين من الديره أنا وزوجي على اساس نروح للبحر وتخانقنا بالطريق وقلت له يحطني عندكم وهو
رجع...هههههههههههههههههههه...تبون تروحون لجده من دوني هاه.....
أشواق:طسي يالله تقلعي الحين حنا جاينن...ولا قالت امي وين البنات قولي اننا رحنا نجيبلك فطور مع البنات...فهمتي
نشميه:طيب >>>(باين عاد هالخبله نشميه ماتعرف تصرّف ابد)
أشواق :يالله قولوا لناصر ....يودينا..
ركضت اشواق بسرعه فوق...ودخلت لغرفة ناصر اللي رايح فيها ونيم ومزكوم وحالته حاله...
آمال:ناصر ناصر يالله ....(وتسحب الغطى منه)
ناصر:طيييييييييييب الحين أقوم
آمال:بسرعه ياشيخ امهن تبي تعجنهن تلعن ابو جدفهن...
ناصر بسرعه قام....ووراحت آمال مع ناصر وودوا البنات....بس الحمدلله ...مع الخناق اللي سوته نشميه مع زوجها
عشان تسوي لها عذر وتروح معنا...ابتلشت خالتي نوره ببنتها نشميه اللي مصرقعه ونست تخانق اللي منحاشات....
الحمدلله ياربي....
العصر ...خالد الجني (الشخصيه القويه) ولد خالتي نوره....قطع الاشاره وحطوه بالتوقيف...وراح ابو احمد طلعه من
التوقيف....وقرر خالد من الحيا من ابو احمد وافق بدون تردد انهم يروحون معهم لجده.....
تمت الموافقه ولله الحمد...بدينا نطلع الشنط من المخازن...بدينا
نرتب أغراضنا...ملابسنا...جنز وبلوزه لبسنا...جهزنا الشامبو
وحطيناه... والمناشف وصفطناه ..جبنا الكيس الصغير وعبيناه
أدويه(علاجات)
...(مضاد حيوي) بنادول...وهنا الصابون والكريمات....البكلات بدون
الاكسسوارات...وش نبي بالاكسسوارات...؟؟
وحطينا الشراريب...اخترنا الأبوات(وانتم بكرامه)اللي مناسبه
للتطعيس للهبال ...كأننا نبي نحفر الأرض..
قفلنا سست (سحابات )الشنط..ووقفناهن وسحبناهن وعند باب
الشارع جهزناهن...رتبنا الأكياس (اللي ياما أبونا يبي يكفخنا
عشانهن لأنه مايحب يشوف الأكياس بالسياره يبي كل شي ينحط
بالشناط )مايبي ولا كيس...
جهزنا سلّــــة الشاهي والقهوه...حطينا الفناجيل
والكاسات...والترمس الأزرق حق المويه...سوينا
(قشـــــــــده)>>>(تمر مع لبن وطحين أسمر ينعمل على النار)
عشان نتسلى بالطريق...
لا لا خلاص...الأفامي تبي تشقق من الفرحه...(النوم ماجانا..ماعاد
به احساس الا بالضحك والوناسه...مو عشان جده ...بس جده مع
جمعت البنات غيييييييييييييييييييير)
اتفقنا كلنا وطلعنا العصر كلنا من ديرتنا...الساعه كانت 3,5 تماما
أول العصر...اتفقنا نتقابل عند المحطه..
أحمد متزوج بنت خاله اسمها الجوهره...
سيارتهم (بي إم)...عيلة أبو أحمد معهم (جيب)...خالتي نوره معها
مع سعود اللي هو طبعا له قصه معنا بهالرحله تتعرفون منها على
شخصيته...سعود اصغر من فهد بسنه... ماهو متزوج موظف...
بس مو متزوج...ومعه (كامري)
محمد ولد خالتي نوره معه بعد (كامري) وخالد معه (هايلوكس)...
أكيد تبون تسألون عن ابو محمد وينه...أبو محمد مسافر للديره..
ماراح معنا..
وقفنا عند المحطه...والسيارات متقابله..الحسره بكبودنا ...نبي
نكون حنا البنات بسياره وحده...نتغامز...نتصل على بعض..
سماح نزلت مثل العاده للسوبر ماركت حق المحطه..هي اللي
تشتري لنا العصاير وبقية (البلع)...
آمال دقت على أشواق: أشواق انتي ووجهك تعالي..
أشواق:مدري اخاف محمد يعيي...
آمال:بسرعه يا اشواق..بلا هبال عاد...ترى هالسفره ماهي متكرره
مرتين
أشواق: طيب ...طيب...الحين الحيييين
آمال :بسرعـــــــــــــــــــــــــــــــــــــــــه
أشواق :طيـــــــــــــــب...
وتفتح الباب بسرعه وتنزل من الكامري ... (ولا كأن معها أحد)
وتفتح باب الجيب
آمال وهي تزحف وترجع الشنط الصغيره ورى: هههههههههه
هههههههههه يالله يالله اركبي
أشواق:ههههههههههههه...يعنني مستحيه..
أبو أحمد: منهي هذي ..أشواق
أشواق :بحيا ايه ...هههههههههههه
حنين دقت على أماني اللي كانت راكبه الهايلوكس ع خالد وحابسها
ياحرام ماهي قادره تنزل...
سماح خذت جوال حنين ودقت على أماني:ياحووووووووووول يا
أماني...خوذي خوذي...وتاخذ أشواق الجوال
أشواق: ياحرام يا اماني
أماني :والله لأجي يمكم مالي دخل
وتنزل أماني من السياره( مطنشه خالد واللي جابوه)
وميته ضحك ..ونفتح لها الباب وتركب ورى..هههههههههههههاي
هههههههههههههههههههاي ..من الخبال جت عناد وخلت منيره
ياحراااام قاعده لحالها....ومنقهرررررررررررررررره
مشينا بالطريق بكل انواع الوناسه...مسجل مفتوح طول الطريق
رقص وخبال وحنا قاعدين...فهد يمر من جنبنا بأول السفره..
يضرب (بوري) على باله للحين بزفه...وحنا نضحك عليه
...منيره المنقهره ياحرام شوين وتصيح...الركض عند المحطه
بهالبر نستهبل...شيخه الصغيره بنت نشميه تشوش طول الطريق
بشعره وتررقص (باقي صغيره مادخلت المدرسه) تهبل ماشاالله
الطريق الطويل مع الوناسه ماحسينا به...قمة السعاده عشناها اليوم
نسينا كل حزن دخل قلوبنا...نسينا كل هم بيوم من الايام لبسنا..
نسينا الكدر انك انه بيوم سكن بنا....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك