رواية اشتقت لك لين صارت بي منك لمحات -5
العنود:شوق ..هالبزراين يغثون صح؟
جود:وجع انتي وياها تراني كبركم مو بزر
شوق: بس انتي لسى مانخبطتي
جود: ومن قالكم اني مو مخطوبه
البنات بصوت واحد شهقوا؟
مخطوووووووووووووبة؟؟؟كيف؟ ومتى؟وليش؟
ديم: وجع جودوه ورى ماقلتي لي انا اختك
امل بذكاء: أي صح تراها مخطوبه
ريانه وقفت على الكرسي من الحماس: ومتى العرس ومين راح تجيبين يطقطق لنا بالزواج
ديم:تكلمي وجع نشفتي ريقنا
امل:ترى جود ماراح تعيش بالسعودية ..برى
جود ضحكت: والله انتس ذيبه على قولة ريانه..فهمتيني امولتي
امل: ولو !!
العنود:طيب من هو؟
جود: فز11111111111111ع
ريآنه:ماااااااالت عليك بس..اقول طيري
ديم: اقسم بالله كنت بصبخ راسك بشنطتي لو كانت الدعوى صدق
العنود:ههههههههههه خلوها الاحلام اليقظة لاعبه فيهااا
شوق:ههههههههههههههه
ريآنه انا بطلع لعند العيال اقولهم طلباتكم اوكي ؟
جود: اللحين يتحطم اخوي
ريآنه: من زينه يحصل له
العنود: عيب عليك انتي
ديم:ههههه ترى انا وجود واختك كلنا ندافع عنه
امل:ههههه مافيه فكه
طلعت رندا وضاري كان يتسكب ويتضبط على باله العنود..
وفيصل وسعود واقفين عند الكاشير يسولفون
فيصل: حشى والله لو بتروح لعرس
ضاري: انطم بالله خلنا نشوف العنود..رح بعيد فيصل
فيصل: ههههه طيب انا بروح اشرب القهوة هناك بشوف اخرتها معاك ياروميو
مشاري: وانا ؟
ضاري: ياليت لو تروح معاه
مشاري:هههههههه تراك لسى ماتزوجتها ..وحرام توقف معاها بلحالك
ضآري: اقول لاتخليني اتهور واروح اجيب الي يملك علينا اللحين
مشاري: وين بستار بكس ؟ههههههههه
ضاري: ايه علشان شركة ستار بكس يعطوننا هدية نصير كل يوم نشرب كوفي هنيا
مشآري: ايا البخيــل..
ريــآنه: هآآآي
مشاري: ههههههههههه ريآنه وش جابك
ضاري متحطم شوي ويبكي من القهر : لا عاااد تكفين ارجعي
مشاري ميت من الضحك :هههههههههه
ريآنه: يحصلكم انت وياه اوقف معكم..اساساً العنود مستحيه منك انت وخشتك وانت جالس تميلح
مشاري ماقدر يسكت :هههههههههههه
ضاري: هيه ريآنه ورب البيت لو مو انتي اخت العنود الا انحرك مثل الخروف
ريآنه: اقووول خذ هالورقة وهذي طلباتنا ..
مشت ريآنه بعدين تذكرت شي ورجعت لهم ..
ضاري: وش تبين بعد؟<<حآقد عليها
ريآنه: هذا جزاتي بقولك شي مهم
ضاري: وشو ؟
ريآنه : ترى الورقة الي معاك خط العنود..والورقة من دفترها ..هههههههههههه
ضاري مسك الورقة ودخلها بمحفتظة وكل شوي يطلعها ويتألمها ..كأنها صورة العنوود ..!!
فيصل: ريانه تعالي جابك الله
ريآنه:هاه
فيصل: عيب تقولين هاه ..قولي هلا
ريانه: طيب ولا يهمك ..هلا
فيصل:هههه ايش تحب رندا ؟
ريانه: ياحظك يارندا والله انك خوش اخو بالله علم مشاري وسعود السنع
فيصل:هههههههه لابس حرام هي ماراحت معاكم ولازم اجيب لها شي ولابتزعل
ريانه: والله مدري عنها وش تحب..بس ديم تعرف وش تحب بروح ادعيها لك خمس دقايق
فيصل كان شوي ويحب راس ريانه من الوناسة
ريانه قالت لديم انه فيصل يبيك تختارين لرندا ايش تحب؟ ديم ترددت قبل لاتروح..خافت ترفض والبنات يستلمونها سين وجيم ..قررت طلعت لفيصل
فيصل: هلآ ديم
ديم: هلا بك..ماتعرف ايش تحب رندا؟
فيصل بابتسامته الجذابه :للاسف لا
ديم: تحب اكسبريسو..
فيصل: شكراً..واسف طلعتك من البنات
ديم ابتسمت له مشت
فيصل: دييم
(فيصل يبغى يطول شوي مع ديم مب عارف كيف وهي ذكية بسرعه راحت)
ديم: بغيت شي؟
فيصل: ايه
ديم قلبها يدق خافت ..فيصل لاحظ القلق الي في ديم
فيصل ابتسم يبغى يطمنها..من شافت ابتسامته ارتاحت جزئياً
فيصل: ابغى اتعبك معاي..
ديم:لا عادي ..خذ راحتك
فيصل: اخذ راحتي اكيد؟
ديم ابتسمت له..
فيصل: طيب رندا أي نوع تشيز كيك تحبه؟
ديم: اممم هي تحب تشيز كيك بالستروبري
فيصل: ممكن دقايق توقفين هنا
فيصل اشترى شوكلآته ويفر حقت ستار بكس..واعطها ديم
فيصل: ممكن تاخذينهم
ديم: ليش؟
فيصل: على شاني تعبتك
ديم: لا ايش دعوى
فيصل: ترديني؟
ديم خذته ومشت ..ديم على طول دخلته الشنطة علشان مايشوفونه البنات
..فيصل انتبه لحركتها انبسط لما شافها..ديم ماكنت تدري انه فيصل يراقب حركاتها
ام عبد العزيز بالمطبخ تشرف على الخدآمات ..
ضآري: يممه يمه
ام عبدالعزيز طلعت من المطبخ ..
ام عبدالعزيز: وش تبي يمه؟ وبعدين ليش مارحت للدوآم؟
ضآري باس رآسها ..:صبحها الله بالخير
ام عبدالعزيز: يصبحك بالنور والسرور ياوليدي
ضآري: وش فيك واقفه اجلسي يمه
ام عبدالعزيز: ضاري مايترك شغله الا وراها سالفه..هذا انا جلست
ضآري: هههه تفهميني يمه من يوم كنت صغير..
ام عبد العزيز: اكيد ياولدي انت خبز يديني
ضآري: يمه ابي اتكلم معاك بموضوعي ..
ام عبدالعزيز: وشو يايمه ..تكلم ..!!
ضآري: يمه انا ابي املك على بنت عمي العنود ..وابي اتزوج بسرعه ..ومو يقولون خير البر عاجله
ام عبدالعزيز:هذي الساعه المباركة ياولدي ..وانا والله من زمان كان ودي تملك عليها وتصير العنود كنتي ..بس انت ماتكلمت وانا وابوك مانبي نضغط عليك
ضآري: يعني خلاص اكييد الليله
ام عبدالعزيز: اصبر ...وش فيك مطيور؟
ضآري: ماورى يمه كم لي وانا صابر..
ام عبدالعزيز: لا ولدي مستعجل بالحيل ههههه
ضاري: هههههه
ام عبدالعزيز : خلآص انا ابي اقول لآبوكـ ... اليوم وبشوف ايش يقول
ضآري: يمه يابعد قلبي انتي !!خلآص انا بروح للدوآم واذا رجعت ابغى القى جوآب
ام عبدالعزيز: ابشر ..يالله ابي اروح اجيب لك فطور
ضآري: أي والله اليوم مبسوط وشهيتي مفتوحه
ام عبدالعزيز: صحه وعافيه وعساك على طول مبسوط يايمه
: : :
اتمنى اشوف ردودكــم ..!!
وتعليقاتكم وتوقعـــآتكم للبآرت الجاي
واذا شفت ردود كثير ماراح أتأخر بالبارت الجاي
..... غرور الهــلآل .....
بسم الله الرحمن الرحيم
: : :
ديــم وأمــل ورندا والعنود وجود كلهم يدرسون بالجآمعه نفسها ماعدا شوق الي تدرس في كلية طب الاسنان وريآنه ثانوية عــآمة ..
ديم : امل لك يومين ساحبه على محاظرة الدكتورة عزيزة وش عندك؟
امل: وععع ياثقل دمها ياناس ..اساسا انا ماطيقها وماخذه دروس خصوصيه بمادتها فــا ليش احضر ؟
جود : الاخت بايعتها
امل :هههههه بقوة ...والله لو تدري شوق الا تذبحني اهم شي عندهــآ المحاظرات
العنود:يالبى قليبها شوق والله ناقصتنا بالجلسه
هيفاء: ياحبي لها ذيك البنت بالله اموله سلمي لي عليها
امل: يوصل ان شاء الله
رندا : وانتي غاده كمان ساحبه على المحاظرات ؟
[ غادة صديقة العنود وجود ..ومعاهم في الشله هيفاء و بسمه والبندري صديقات البنات ..وشلتهم مرة كبيرة وملفته للأنتباه بالجامعه لانهم مرة حلوآت وشياكة وكمان وفرفوشات ]
غاده : والله يارندا ترى زهقنا كل يوم نحضر ومانستفيد الدكتورة كأنها تشرح على نفسها قلت ناخذ بريك نوسع صدورنا
البندري: اقول ترى جعت ابغى فطور ..من شوي استناكم تتكلمون وكل شوي فاتحين لي سالفه ..ماصارت
بسمه :ههههههه المشكلة اكثر من ياكل انتي وانحف وحده انتي
البندري: بسموه اذكري ربك وجع توجعك بتنظليني
ديم : أي والله انا لو بشرب كوب مويا متنت وانتي ياحظك جسمك حلو ..!!
البندري: هيه انتي وياها انا آكل من حسابكم ؟ فوق روسكم؟ اذكرو ربكم ترى اذا رسبت بالمادة منكم
جود:هههههههههههه وش دخل الرسوب
هيفاء: لانها واثقه انها بترسب قالت خليني احطها حجه عليهم هههههههههه
العنود: ههههه ديم بسمه اذكروا الله ريحوا البنيه
بسمه + ديم:ماشاء الله
امل: يالله غاده اليوم علي انا وانتي الفطور قومي للكفتيريا
غادة :يالله قومي ..
رندا: اقول ترى ابو مطلق واقف عند باب الكفتيريا انتبهوا...هههههه
[ ابو مطلق..هذي بنت "بويه" يعني مسترجله..طبعاً كثرت هذي الظاهره بالجامعات وبالمدارس وتسمى شذوذ الله يعافينا ..وهذي تلقب نفسها بالجآمعه ابو مطلق ...ومسويه رعب لانها تحاول تأذي البنات بتصرفاتها ]
امل جلست: لا انا ماراح اروح انتي روحي لحالك
غاده: ياسلام بايعه عمري اوقف جنبها ..تذكرين الاربعاء يوم سألتني الساعه كم؟ وقف قلبي وكل بنات الجامعه يطالعوني يحسبوني اعرفها..!!
البندري: وبنجلس نستناكم انتي وياها اقول قوموا بس ترى مابقى شي على البريك ويخلص
رندا: ماتتجراء تسوي لكم شي لانكم بمكان عام..وبعدين هي واقفه مع البنات الي معاها الله لايبلانا وفاتحه كشرتها...
جود: صادقه رندا اتحداها تسوي فيكم شي
هيفاء: اذا سوت لكم شي بس دقوا بيجر ونجيكم نسعفكم هههههههه
البنات يضحكون..
بسمه: بنات تعآلوا اسمعوا ذي القصيده للشاعر عبدالله البكر الي يلقبونه بشاعر المليون ( شاعر الرومانسيه ) تعرفونه صح؟
ديم: ايه اعرفه... معاك؟
جود: ايه مرررة خطير ذاك الشاعر
البندري: مايعجبني مرة ..
العنود: بس القائه مرة حلو
رندا: يالله بسومه نبي نسمع
امل: اسكتوا علشان تسمعون
بسمه يالله بشغل لكم ايها اسمعوهـــآ
أحيان .. أحس إني وسط خافقك / ذبت /وأحيان .. أجي بالبال لا صرت فاضي !
يا صاحبي .. ليه أكره الناس لا غبت !
وأقول خذ / قلبي / معك .. منت راضي
ديم: طيييييييب كمليها حدهــآآ رهيبه..
رندا: مسكته والله..دايما اقراها بس مدري لمين؟
بسمه: هذا الي معاي
جود: تجنن مرررررررة و تخقق كلماتها
غاده: جونان ..يالبيه بس.ياما صوتت له راح رصيدي علشانه..
هيفاء : طيب دامكم فتحتوا موال الشعر مين عندها قصيدة...
ديم: انا امس منزلة قصيده في جوالي لبدر بن عبد المحسن..
رندا: وهـ ياحبي له ..
جود: محد عنده فزاع؟
البندر: اقول تلايطي..ديم شغليها بنسمع البدر
امل: اي تكفين
ديم: يالله بليز..اسكتوا لانه القصيده صوتها واطي.....
البندري:اششششش
امل: خرفان عندك هههههههه
بسمه:ههههههههههه
رندا: بليز بنات بنسمع ...
ديم: اوكي بشغلها
وين ابلقاك ياشهد الحروف...لين يرضى علي عذب اللما
جيت للشعر واتعبي الوقوف...عند بابه وبي جوع وضما
ماذبح لي مصابيح وطيوف...ولاسقاني الكواكب في السما
أن سألني حبيبي والكفوف...تضرب الغيم والأشعار ما
عن قصيدي تذكرت الظروف...قلت شعري نسيته انما
ليتني قبل اشوفك ماأشوف...وليت قلبي قبل حبك عما
العنود:ااخ ياقلبي يجنن
بسمه: ابداااااااااع ..ياحبي له
جود:ترى خطيب اختي
امل: وانتم كل الشعراء شبكتوهم انتي واختك
ديم:ههههه ايه انا لي البدر وهي لها فزاع
جود:هههههههههههههه
رندا: بنات عمي مايلعبون هههههههههه
البندري: اقووول قوموا امل انتي وغاده جوعتونا ياعلكم للي مو قايله
امل: يالله يالله ..غاده قومي بس قبل لاتجينا دعوهـ !!
رآحوا امل وغادة للكفتيريا بعد الحاح البندري المزعج ..!!
جود: الا صح بكرى على مين؟
العنود تحرك حواجبها: عليك انتي وبسمه
جود: ما مدنا قبل كم يوم علينا صح بسمه
بسمه: أي صح
رندا: فشلوتنا اللحين يقولون وش هالبخل فيكم ..
غاده:هههههههههه
بسمه:ههههههه لا بس والله مامدها
البندري: ياكبرها عند الله ..السبت الي طاف عليكم اقول لايكثر وبكرى عليكم
جود:سمعاً وطاعه انسة البندري ههههههههه
: : :
تركي :الوو هلا فارس
فارس: هلا بك هاه عندك محاضرات؟
تركي: لاتوني طالع عندي بريك ساعتين
فارس: حلو انا عند الجامعه ابي امرك..اطلع لي
تركي :اوكي دقايق واجيك ..
تركي ركب مع فارس وراحوا لمقهى ..!!
تركي: شكل الدعوى قوية فارس طالع من مكتبه و جاي عندي ولا بعد عازمني تبي تمطر اليوم؟
فارس: تركي اقول لايكثر..ابي اقول على شي شاغلني
تركي : اكيد ناوي تشتري سيارة جديده..
فارس: ياربي انت وتفكيرك مو كذا
تركي: بس اجل تبي تسافر وتبغاني معاك ..ترى ماعندي مانع بسافر وياك
فارس: تركي تكفى ركز معاي واسكت خلني اتكلم
تركي : تفضل كلي اذان صاغيه
فارس: تسلم..اسمع يا تركي انا شكلي بديت احب
تركي كان يشرب قهوة واول ماسمع الخبر شرق بالقهوة وجلس يضحك ضحك هستيري ..لدرجه انه كل الي بالمقهى يطالعون له..
فارس: اسكت انت فضحتنا قدآم الناس..وبعدين قولي ايش يضحكك؟ انا قلت شي غلط؟
تركي: لا بس انت لعّـاب ..يعني ماتركت بنت بالرياض مالعبت عليها وكلمتها..واللحين جاي تقولي (يقلد صوته) بديت احب ياتركي
فارس: لا ياتركي هذي غير..وربي غير..دخلت قلبي تخيل افكر فيها بكل وقت..قبل لانام ..وانا بالمكتب..وبالسيارة شاغلتني والله شاغلتني..
تركي: لاتكون من الي تكلمهم بالجوآل ..او معاك بالماسنجر..حذرك من اللحين..
فارس: لا لا يروح تفكيرك بعدي..انا احب وحده تقرب لنا
تركي: من هي؟
فارس: بنت عمتي صيته
تركي شهق: لا يكووون شوق
فارس : ياخبل كيف احب وحده ولد عمي ناويها
تركي: امل؟
فارس: آآآآهـ ايه ايه..!!من جد مو عارف كيف شدتني لها تخيل ماتكلمت معاها بس كذا حبيتها دخلت قلبي ياولد افهمني..
تركي: والله فاهمكـ..... والله وطحنا بالحب يافروس..
فارس: احر ماعندي ابرد ماعندك..ياخي تكلم قول لك كلمة..
تركي:وش تبيني اقول..الا تعال انت كيف حبيتها بذي السرعه؟..
فارس:تدري توي اصدق الي يقولون انه فيه حب من اول نظرة..
تركي: وانت شلون حبيتها؟ هع هع من ورى النقاب ؟..
فارس : ياخي مالك شغل المهم اني حبيتها..
(فارس مايبغى يقول انه شافها .. حتى لو هو اعز الناس عنده صديقه وتؤم روحه تركي .. مايبغى احد يتكلم على امل لو هو اقرب قريب لها )
تركي:اقول لا تتسرع وفكر زين ..ترى هذي مو أي بنت هذي بنت خالي عبدالرحمن وبنت عمتنا يعني مو من البنات الي نلعب عليهم انا وانت..
فارس: وانا من بعد مارجعنا من البر وهي شاغله بالي..تخيل اني اقول لديم وجود تعالوا اوديكم لبيت عمتي صيته وهم يرفضون
تركي:ههههههههههههه
فارس: بس قولي ياتركي وش السواة؟
تركي: مالك الا تتقدم لها وتريح بالك
فارس: بس شوق اختها قبلها وانت تعرف عمتي صيته ماتحب تزوج نباتها الصغار قبل الكبار...!!
تركي: مشاري راح ياخذ شوق وتشوف انت..بس
انت تحرك ولا راح تطير البنت من يدك..تعرف البنت معروفة وحلوة والكل يتمناها..
فارس: وانت الصادق ابي اروح اكلم امي بالموضوع ويخطبونها لي ..على الاقل ارتاح ان البنت راح تكون لي مو لغيري..
تركي: زين تسوي..المهم قوم وصلني للجامعه ترى البريك قرب يخلص
فارس: مو توك قايل عندك ساعتين؟
تركي:شوف ساعتك زين..مابقى وقت..س شكل المحروسه شاغلتك وقمت تخربط وماتعرف تناظر الساعه ههههههههه
فارس: ههههههه يالله مشينا
: : :
{ أحسه حلم يصعب مع مرور الوقت تفسيره..
وأحسه شي لا يمكن يصير و صار بـ أعماقي ...
على طـآولة الغـداء..!!
ام مشعل تناظر لابو مشعل..وابو مشعل يهز برآسه
ريـآنه: اقول وش عندكم يالغالين كل شوي تطالعون ببعض؟
مشآري: انتي وش دخلك يانص نصيص ..كملي اكلك وانتي ساكته
ريآنه: ياربي انت وش جابك طول يومك بعيادتك واللحين اذا فضيت صرت تحط نقرك من نقري
سعود: لاتطولين صوتك على اخوك الكبير
العنود عيونها على صحنها وهي تاكل :ريآنه رندا وديم وامل يسلمون عليك..
سعود رفع رآسه من صحنه وابتسم لما سمع اسم رندا..تذكر تهديدها له ..
ريآنه: وجود وبسمه وغاده وهيفاء والبندري ليش مايسلمون علي؟
ام مشعل:ههههههههه كل هذولي تبينهم يسلمون عليك..
ريآنه:ايه الي مثلي شخصيه بارزه بالمجتمع والكل يتمنى يسلم عليها..
سعود : اعصابك لاتطيحين ههههههه..
مشاري: ههههههههههههههه..
ابو مشعل: صادقه بنيتي ماقالت شي غلط الكل يتمنى يسلم عليها وانا اولهم..
ريآنه قامت من كرسيها وراحت باست رآس ابوها: ياجعلني افديك بعمري يابو مشعل..
ام مشعل: يالله كملي اكلك..
مشاري: هاه غارت الوآلده..
ابو مشعل:هههههههههه
سعود:ايه يبه انبسط وش عليك ناس تحترق بمكانها من الغيره ..
ريانه: وجع انتم ترى انا بنتها مو ضرتها كيف تغار مني ..
ام مشعل: جاوبتكم ريونتي..
العنود :هههههههههههه
ابو مشعل: اسمعوا ياعيالي دامكم مجتمعين معاي..ابي اقولكم كلمتين
الجميع: سم يبه ..
ابو مشعل: اليوم اتصل علي اخوي ابو عبدالعزيز وقال انهم يبون يملكون على العنود يوم الخميس..و تعرفون نبي نسوي حفله عائلية..!!
العنود طاحت ملعقتها بالارض ..وخدوها صارت حمرااااااااا..
قامت من على الطآولة وراحــت لغرفتها وهي خجلآنه حدها..واهلها يضحكون عليهــآ.....!!
العنــود دخلت غرفتها طآحت على سريرهــآ وضمت دبدوبهـــآ..وتفكر بضــآري ..وهي تسمع اغنية رآشد المـآجد ..
من يقول اني لغيرك انا لك ماني لغيرك
انا متعلق مصيري يا حبيبي في مصيركـ ...!!
......... العنود .......
خــلآص ياضاري.. تحقق حلمي بكون لكـ وتكون لـي ..
يالله ايش قد انا فرحااانه اليوم..ضاري نصيبي واحلى قدر بحياتي... يآرب توفقنـــي بحيــآتي الجديدهـ ..!!
: : :
{ ضحكتــك .. ما تشبه إلا ..
صوت قطـرات المطـر !
كل ما إنتي كبرتي ..
قدرك بـ عمري .. كبر !
عبير: حبيــبي ..يالله اصحى بلا كسل..
مشعل: اتركيني ماشبعت نوم..
عبير: تأخرت على الشركه ..يالله اللحين الساعه 4 ونص..
مشعل: بس شوي ..
عبير: بتنام بالليل اذا رجعت..
مشعل: لا بالليل ماراح انوم..
عبير: ايش الي يخليك ماتنوم؟
مشعل: عندي عبيـــر وانوم بالليل ..صآحي انا ..!!
عبير : ههههه ترى استحي
مشعل: يالبى قليب الي يستحي ..انا اقولك شلون ماتستحين تعالي عندي
عبير: لا لا بايعه عمري ههههههههه..
مشعل: طيب مو جآيه انا الي ابي اجيك..
عبير نزلت من السرير ورآحت تركض بالغرفه ومشعل ورآهــا..الين مامسكها
عبير تحاكيه وكنه بزر: حبيبي انت..ياقلبي انت .. ابعد عني ..
مشعل: انتي زوجتي صح؟
عبير بصوتها المليان نعومه: لاحلى زوج بالدنيا..
مشعل يدف عبير الين ما لصق ظهرها بالجدآر وهو واقف قدامها وقريب منها..
عبير: مشعل بعد عني ..اخاف يدخلون علينا..
مشعل: ماراح ابعد الين ماخذ حصتي..
عبير: وش حصته..
مشعل: مو تبيني ابعد؟
عبير بحماس: ايييه
مشعل: اعطني شي يسوى علشان ابعــد عنك..
عبير قربت من عندهـ وبآستــه ..وهمست بأذنه بصوته المخملي ..
عبير بكل عذوبه : أحــبكـ ..
مشعل: شكلي بتهور واطنش الدوآم..الدوآم مو طآير لاحقين عليه..
عبير: هههههههه لا ياقلبي لازم تروح ولا ترى بزعل..
مشعل يقرب لها: يعني ماتبيني؟
عبير: كيف مابيك وانت تسوى عيوني..
مشعل: عبير خلاص ترى ماستحمل انا..
عبير:ههههه انا بروح عند خالتي شكلهم محتاسين مع حفلة الملكه..
مشعل: اوكي ..بحآول اخلص شغلي بسرعه واجيك..ترى مافيه فكه مني ..اللحين ورآي دوآم بس اذا رجعت مافيه شي..
عبير بتقهره : لكل حادث حديث باي..
مشعل يضحك: مين بيفكك مني لآرجعت !!
مشت عبير وسكرت باب غرفتهم ..ورآحت لبسبت كآدي بنتها واخذتها معاها ...!!
: : :
جود دخلت على ديم بغرفتهــآ ماسكه الريشة وترسم وهي حاطه سماعات الـ mp3 على اذانها
جود: ياهوووه ياتاكسي
ديم تستهبل:يالتاكسي خذني لها يالتاكسي وبسكتك خلنا نمر ناخذ عطر رومانسي..مشتاقه حبيبتي مشتاقه.......
قطعتها جود..
جود: هيه من زين ذي الاغنية علشان تغنيها
ديم: ههههههه وينك و وين هذي الاغنية طايحين فيها هاليومين..وريآنه طيحتنا كلنا فيها
جود: هالريانه ماتطيحكم الا على الي مثل وجهها.. اللحين بتكسب اثمكم كلكم ...
ديم: شكلك بتلقين محاظرة المهم وش بغيتي؟
جود: ابي شنطتك البنيه كريستيان ديور ..
ديم: تلاقينها على الكنبه..بس با الاول طلعي اغراضي منها ..
ديم كملت رسمها..
جود:واااااااااو ابيه خلاص ترى صار لي..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك