رواية عذبتني باسباب فرقاك -63 البارت الاخير

رواية عذبتني باسباب فرقاك -63

بعد خمس شهور

في بيت مريم وأمير

دخلت الغرفة وهي حاملة بيدها جيس صغير .. ما كانت تدري انه موجود بالغرفة وأول ما شاافته ارتبكت وخشت الجيس داخل شنطتهاا ..

هو كان ساادح جسمه على الصوفا يحاول يسترخي فتح ذرااعينه كالعاده تعاالي حبيبتي .. اشتقتلج ..

مريم ابتسمت كعادتهاا وراحت رمت روحها في حضنه وهو قعد يمسح على شعرهاا تأخرتي حبيبتي .. وين رحتي ؟؟

مريم توهقت هاا ... اي .. طولت بالشركة شوي .. تعرف بااجر جمعة واجازه وعندي شوية اشغاال لااازم اخلصهاا اول ..

أمير بااس راسهاا وهي قاامت عنه البناات وين ؟؟

مريم وهي راايحة جهة الدرسنغ روم وحاملة شنطتها معاها بغرفتهم مريت عليهم من شوي قااعدين يرسمون .. يبونك تروح تعزف لهم ..

أمير وهو متوجه لجهة الباب زين حبيبتي لا تتأخرين بالحمام الحين بيوصلون الشباب نبي نتغدى ..

مريم وهي ترااقبه بخوف وتنطره يطلع بسرعة اوكي حبيبي ... بس خلهم يغنون عربي عشاان مرياام تتعلم شوي ..

أمير وهو طالع اوكي ولا يهمج ..

مريم بصوت عالي امووور كل مره تقول جذي وما ادخل عليكم الا انت تحاجي الثنتين انجليزي .. حتى ليلاااه صاارت نادرا تتكلم عربي نص حجيها انجليزي وعجمي ..

أمير وهو يحك شعره باحراج ان شاءالله حبيبتي ..

مريم سمعت صوت الباب دخلت الحمام وحامله معاهاا الجيس الصغير وقفت قبال المغسله وهي تطالع صورتهاا العاكسة في المنظره ان شااءالله ما في .. ان شاءالله ما في حمل .. مريم انتي مو حااامل ..

سوت الاختبار ويدهاا ترجف بقوه وماسكة قلبهاا من الخوف ان شاءالله مو حااامل ..

كلها ثواني وطلعت النتيجة لااااااااااااا ..

حملت الجهاز بيدها وقعدت على طرف الحوض ياااربي شسوي .. ما ابي اخسر حبيبي مرة ثاانية .. ما ابي .. ما اقدر .. ما ابي اضحي بحبي .. ياااربي سااعدني اناا ما اقدر احمل .. ليش حملت .. ليش .. اناا مريضة ..

وقفت مرة ثانية قبال المنظرة ومسحت دموعها بظهر كفهاا وسحبت نفس ما عندي استعداد اخسرك أمير .. ما اقدر اخسرك حبيبي .. اناا لااازم اقوله .. اي بقوله وهو يسوي اللي يبيه كيفه .. انا ما اقدر اخسره .. ما لي احد غيره وغير حبه اللي بقلبي ..

طلعت من الحماام وراحت غرفة البناات فتحتهاا لقت أمير قااعد بالنص ومريم وليلاااه على الجهتين ويغنون أغاني أطفال اجنبية كالعاده .. رااحت وقفت قبالهم وهي تبتسم بضييق ..

أمير شاافها ابتسم لهاا وقام راح لهاا تعاالي حبيبتي قعدي معاانا ..

مريم وعيونهاا على البناات لااا بروح اغير ثياابي ..

طلعت بسرعة ما قدرت تطالع في عيونه أكثر ..

أمير حس عليها وطلع وراها ..

مريم دخلت غرفتهم وحاولت تنحااش عنه في الدرسنغ روم ..

هو ما لحقها قعد على طرف السرير ينطرهاا تبدل ثياابها ..

مريم غيرت ثيابها ولبست جلااابية عنابية دزاين فلسطيني راقي ووقفت تناظر وهي في الدرسنغ روم اقوله ولا ما اقوله .. ياااربي سااعدني مو عاارفة اتصرف .. شسوي ؟؟ افففففف شسوي ؟؟

أمير حس انهاا تأخرت عليه واايد مريووووووووووم وينج يالله اكا وصلو يوسف وبدر ..

مريم طلعت من الدرسنغ روم وهي ضاامة يدينهاا بقوه وتمشي بخطوات بطيئة ومتردده راحت وقفت قباله وهو قااعد على السرير امــ ـــييير .. انــ ـــ ـــاا ..

أمير رفع حاجب وااحد مستغرب تصرفااتها شفيج حبيبتي ؟؟

مريم سكتت للحظات وعيونهاا في عيونه .. وهو لاااحظ لمعتهاا واشلون الدمعة حاايره فيهاا مريم شفييج حبيبتي ؟؟

مريم بلعت ريقها بصعوبة انــ ـــااا ؟؟

أمير نغزه قلبه انتي شنوو ؟؟

مريم تجمعت الدموع بعيونهاا انــ ــــــااا ..

سكتت مو قاادره تكمل ونزلت راسهاا ..

أمير حط يدينه على خصرهاا وقربهاا أكثر وبااس بطنهاا .. رفع راسه وابتسم انتي حااامل حبيبتي ؟؟

مريم شهقت من صدمتهاا اشلون عرفت ؟؟

أمير ضحك بخفة شفت النظرة مثلهاا اللي شفتهاا قبل خمس سنين .. نظرة الفرحة الملياانة خووف ..

مريم نزلت رااسهاا مرتاحة من هدوئه ..

هو شااف سكوتهاا اخذها وقعدهاا بحضنه ليش سااكته حبيبتي ؟؟

مريم دارت ويهه في ويهه ما اتوقعت تكون ردة فعلك جذي ؟؟

أمير بااسها على شفتهاا توقعتي اعصب ؟؟

مريم هزت رااسها بالايجااب ..

أمير ضمهاا لصدره لااا حبيبتي ما بعصب عليج .. اناا اللي كنت ابي هالشي .. اناا اللي ابيج تحملين ..

رفعهاا من فوق صدره شفتيني طلبت منج تاخذين مانع ؟؟

مريم هزت رااسها بالنفي

أمير ابتسم لهاا لاني اناا اللي ابيج تحملين وتيبين لي عياال واايد .. وبهذي الطريقة اقدر اثبت لج انج طبيعية وتقدرين تماارسين حيااتج مثل بااقي الحريم .. تحملين عاادي وتولدين طبيعي بعد ..

رفع يده وصاار يمسح على شعرهاا ههه واناا اللي بولدج بنفسي بعد ..

مريم فتحت عينهاا انت ؟؟!!!!!

أمير رفع حااجب وااحد طبعاا اناا .. ليش انتي تبين غيري يولدج ؟؟

مريم ابتسمت له بحب وحضنته بقوه اكيد لااا حبيبي .. واناا يحصل لي اصلا ..

أمير باس شعرهاا عياالي ما ينولدون الا على يدي ..

مريم بفرح مو قاادره اصدق .. مو قاادره .. اناا بييب لك بيبي .. وانت فرحاان فيه ..

أمير رفعهاا وقفهاا وقف معاها صدقي حبيبتي .. اناا ابيج تييبين لي عياال واايد قلبج صاار اقوى من قلبي ويتحمل .. والحين يالله خليناا ننزل تحت الكل قااعد ينطرناا .. ما بغيتي تيين وتقولين لي عن النتيجة صار لي اسبوع انطر ..

مريم فتحت عينهاا متعجبة منه ليش انت كنت تعرف ؟؟

أمير وهو يمشيهاا لبرى غرفتهم طبعاا .. مو كل مرة بتقدرين تخشين عني ..

مريم ما علقت ضمت ذراعة ونزلوا من المصعد ..

مي وساره مقاابلين بعض وكل وحده تشكي لثاانية ..

سااره وهي تااكل في المكسراات كل ما اكل ما اشبع .. ما ادري شفيني ..

مي وهي تاكل في الفواكه وانتي كلماا ما شاافج اخوج جنج بلاااعة كل شي تاكلينه عطاني محااضرة طويلة عريضة .. بتذبحين ولدي .. انتي ما تاكلين .. انتي ماتشربين حليب .. وانتي ما ترقدين عدل .. ما يفكر فيني قد ما يفكر بالبيبي ..

ساره وعيونهاا على يوسف نفس الحال .. عااد يوسف بيموت كل ليلة ياخذ صور السوناار ويبوس فيهم .. مو صااحي ريلي يقعد يسولف مع الصوره ويقول لهاا قصة بعد ..

مي تطالع سااره تاكل ليمون فوقه بهارات وانتي شوي تاكلين حلاوه وشي تاكلين حامض .. سااارو شكلج فيج ولد مو بنت .. يمكن الدكتور قص عليكم ..

ساره غضت بالمخلل كح .. كححح .. فااال الله ولا فااالج .. تبين يوسف يوقف قلبه .. هو حالف اذا ما يبت له بنت شهرين وبيحملني مرة ثانية .. وانا ما عندي شغله غير اييب عيال كل سنة ..

مي انا اشوى قالوا لي ولد وبدر يبي ولد ومستاانس .. وانتي خلج ان شاءالله تيبين ولد وكل سنة تحملين ..

ساره حمقت عليهاا وصاارت تقطط التكياات على مرت اخوهاا بشكل عشواائي وبدر يصرخ على اخته خايف على مرته والبيبي اللي في بطنهاا ويوسف ميت عليهم من الضحك ..

مريم دخلت عليهم وهي تبتسم اناا حامل ..

الكل سكت وتم ينااظر في الثااني ولا شعورياا عيونهم رااحت على امير ..

أمير حس بخوفهم حضن مريم من خصرهاا وباس خدها مريومتي بتييب لي بيبي .. اناا بعد بنطر مثلكم ..

مريم وسااره للحين مو مصدقين .. مريم كانت تشوف دهشتهم رااحت لهم ما تبون تباركون لي ؟؟

مي حست على عمرهاا وحضنت رفيجتهاا بقوه وسااره حضنتهم هم الثنتين .. وبدر وأمير ويوسف قعدوا يصارخون عليهم يبونهم يفجون عن بعض خاايفين عليهم وعلى اللي في بطونهم .. بس البنات ما كانوا يسمعون مو مصدقين ان مريم صاارت طبيعية مثلهم وتقدر تحمل وحاامل معااهم بعد ..

بعد خمس سنواات

طلعت الحديقة تناادي سلماان ؟؟ سلماااني ؟؟ يالله تعاال حبيبي .. يالله عشاان تاكل .. ييب علوي وميار معاك ..

سلماان وهو ينطط اوكي ماااااااااامي ..

دخلوا ثلاثتهم وكل وااحد رااح نط على ابوه ..

بدر من شااف ولده اللي يركض بالبطيئ رااح شاله علاااوي ؟؟ لا تركض جذي حبيبي ..

علي شوي ويصيح آآآي وونت تو بي فاااست .. كله يغلبني سلمااني ..

مي شاافتهم رااحت لهم مو بس سلمان حتى ميار ..

بدر خزر فيهاا لا ولدي شااطر بيغلبهم كلهم المره اليااية صح حبيبي ..

وقعد يطالع سلمان وميار اصلااا هذول الكرااشيه مو فاالحين الا بالركض ..

يوسف رفع حاجب وااحد احناا مو فاالحين الا بالركض هاا ..

أمير قعد وقعد سلمان في حضنه خله مقهور .. يبي الثااني ايي بسرعة .. قااعد على وااحد بس ..

مي وهي حاطة يدها على دبتهاا ياااي .. ماا بقى شي ..

ساره قعدت صوبهاا وهي الثاانية حاطة يدها ورى ظهرهاا وتغمز ليوسف اي بس ما بتوصلون للكراشيه .. احناا بنييب الثالث ..

مريم وقف لهاا أمير وقعدهاا لانهاا مو قاادره تتحرك من الثقل يمكن انتي تيبين الراابع ..

مي بضحكة اي انتي ما تعرفين الا تيبين بالاثنين ..

سااره وهي فااتحة عينهاا وييييه بسم الله علي ..

يوسف فتح عينه اكثر منهاا ليش ان شاءالله .. انااا ابي ذرية .. زين مني ما ابي اتعبج كل حمله باثنين ..

ساره وقفت بصعوبة كل هذاا وما تعبتني .. انت اصلااا ما يبين بعيوك شي .. يبتلك البنت والولد بس انت جذي ما تحب الا نفسك ..

يتبع

يوسف انفعل ما يبين بعيوني شي ولا انتي اللي خاايفة على جسمج يخترب ..

سااره جسمي ؟؟ شدخل جسمي ؟؟ انت تعرف ان جسمي ما يتغير .. بس انت تبيني كل سنة اييب لك واقعد البيت وانت تروح تعيش حياتك على كيفك ..

يوسف حس ان صوتها بدى يتغير بس ما يقدر يمسك نفسه موته يعصبهاا ويتهاوش معاهاا راح لهاا وضمها من بطنهاا وبااسها في خدهاا شفيها ام عياالي ..

ساره دفعته وراحت الصالة الثانية وهو رااح وراها يراضيهاا ..

أمير وهو يضحك على حالهم ما ادري متى بيملون ..

مريم وهي تحت جتوفه زادت حالتهم من تزوجوا ..

بدر وهو يرتب ثياب ولده اصلا بدون هوااش ما يقدرون يعيشون ..

سمعوا صوت ضحكهم .. مي ابتسمت سمعوا .. اكاا رااضااهاا ..

أمير وهو يشوف ولده وولد اخوه ياكلون علاااوي عموا روح اتغدى معاهم ..

علي نزل من حضن ابوه وراح يركض بالبطيئ كالعاده ..

أمير وهو يبتسم على شكلهم واشلون كل وااحد يتبااهى على الثااني ..

سلماان وهو ناافخ صدره يوو دونت نوو .. اناا اعرف بابا علمي ..

ميار وقف منفعل اصلااا انا اعرف احس منك .. بابا يسبح احسن من عموا أمير ..

سلمان وقف فوق الكرسي هيييييييي انت لا تقعد تجذب .. ترى اللي يجذب يروح الناار ..

علي ياكل ومطنش هوااشهم ..

بدر رااح لهم تدورن انتوا يالكرااشيه ما فيكم الا صوتكم العالي .. أحسنكم ولدي مطنش ويااكل وانتواا تااركين الاكل وقاعدين تتهاوشون

سلماان منفعل مياارو كله يجذب ..

أمير رااح قعد ولده على الكرسي لااا تخاف بابا واارثهااا مو ماخذهاا من احد غريب ..

يوسف سمعهم وراح لهم مو جنه الحش فيني ؟؟

بدر بحاجب وااحد والله اللي على راسه بطحة يتحسسها ..

طنشهم وراح قعد يم ولده ما عليك منهم بابا مقهورين مني ومنك .. يالله خلناا ناكل .. وين اختك ؟؟

ميار يوو مين ميراا ؟؟

يوسف ضحك على سؤال ولده دوو يو هااف آنذر سستر ؟؟

ميار ضحك بفشيلة وبانوا ضروسه الصغار نوو ..

يوسف ضرب ولد بخفة على جبينه لا تشمت العدواان فيناا ..

الكل ضحك على شكلهم ..

أمير وهو يبتسم لمريم وين البناات ؟؟

مريم قعدت على الكرسي الحين بنزلون قااعدين فوق وميرا معاهم يلعبون فيهاا .. اللي تمشطهاا واللي تمكيجهاا ..

أمير وعيونه على اخوه وهو يهمس لهاا باذنهاا سكتي لا يسمعج ويسوي لناا سالفه مثل اخر مره .. تعرفين كل شي ولا الاميره ميراا ..

مريم ضحكت بهدوء هههههه .. لا تذكرني .. اخوك بيمووت على اليهاال ..

أمير حط يده على بطن حبيبته شخباار ولدي اليوم ؟؟

مريم بدلع ما تحرك ينطرك تحط يدك .. اكاا شووف قاام يرفس ..

أمير وهو راافع حااجب وااحد ويبتسم على رفساات البيبي اي والله .. اكيد فقدني اليوم ما صبحت عليه ..

مريم وهي عااضة على شفتهاا ادري كنت تبيه يكون بنت ...

أمير مسك يدهاا وباسها عندي بنتين .. ابي يكون عندي ولدين ..

مي طفشت على كثر ما اكلهاا بدر يالله حبيبتي .. اكلي ابي ولدي ياكل ..

مي وهي نافخه ويهها بس لاعت جبدي الحين برجع ..

بدر باصرار ما بترجعين .. اكلي بكبرج ضعفاانه ..

مي فتحت عينهاا صرت مثل الفيل وتقول ضعفاانه .. بدر والله اكلت .. شبعت حبيبي ..

بدر مو عااطنهاا فرصة حتى تتحلطم من تفتح فمهاا حط الاكل فيه غصب ..

يوسف للحين ينااحس في سااره قلتلج بساافر وقبل لا تولدين اناا هني عندج ..

ساره وهي معصبة اي انت تروح وتساافر وتتونس واناا هني برووحي .. لكن ان شاءالله تسافر يوم ويوم الثااني اولد وما تحضر ولادة بنتك .. اكاا بدر استقاال من شغله اللي تعب عليه عشاان يظل يم مي على طول .. وانت تبي تساافر واناا على ويه ولاده ..

يووسف ضحك بصوت عاالي يبي يعصبهاا أكثر ههههههاااااايييي حبيبتي ما تبي تيي قبل لا ارجع .. وبعدين انتي بااقي على ولادتج 20 يوم .. توى النااس .. لاااتحاولين .. بساافر يعني بساافر ..

ساره من كثر ما احترق دمهاا صرخت آآآآآآآآآآآآآآآآآه ..

الكل انتبه لهاا .. ويوسف للحين يضحك على شكل حبيبته واشلون اعتفست ملامحهاا لااا تحاولين .. بساافر يعني بساافر ..

سااره صرخت بصوت اعلى يووووسسسسسسسسسف اناا بولد .. آآآآآآآآآآآآه .. ألحق علي ..

يوسف ياكل ولا مهتم اكلي اكلي بسج تمثيل قلتلج باجر الصبح رحلتي ..

سااره نزلت دموعهاا ويهها كله عرق وهي عااضة على اسناانهاا انت ما تفهم .. أقولك بولد .. آآآآآآآآآآآآه .. آآآآآآآآآآآآآآآآآه بمووووت ..

أمير صرخ على يوسف مرتك بتولد اتحرك ..

يوسف توى منتبه لهاا هااا بتولد ؟؟ زين .. يالله ..

حملهاا وصاار يركض فيهاا لبرى ساااره حبيبتي مو توى النااس ؟؟

سااره بصيااح قلتلك بولد بأي وقت .. بسرعة يووووسف بموووت .. خلاااص الحين يمديك تحضر الولاده وتساافر بااجر ..

يوسف فتح باب السياره وقعدهاا انا اساافر .. وين اروح ؟؟ انتي كل شي بدنيتي .. انتي عاالمي وين ما ارووح ما اقدر اعيش من غيرج حبيبتي .. انتي وعياالي كل شي بحيااتي .. تحملي شوي حبيبتي ..

أمير وهو حاضن مريم من خصرهاا وماسكها من يدهاا الثاانية يسااعدها حبيبتي روحي ارتااحي اناا بروح ورى يوسف ..

مريم غمضت عينهاا زين بس مو قاادره امشي .. حااسة بثقل مو طبيعي ..

أمير حملهاا خلاااص اناا بوديج فووق ..

مريم صااحت آآآآآآآآآآآآآآي ..

أمير فتح عينه بخوف شفييج مريومي ؟؟

مريم وهي عاابسة عواااااااار .. يعورني بطني .. احس بدفع قوي .. أمير قااعده اولد ..

أمير غير وجهته لجهة البااب خلاااص حبيبتي الحين نروح المستشفى .. بكلمهم يجهزون غرفة الولاده ..

مريم بصيااح اناا خايفة بااقي على الموعد شهر .. اخااف صاار شي في ولدي ..

أمير فتح بااب السياره وقعدهاا اهم شي انتي حبيبتي .. لااا تحاتين البيبي ما بصير فيه شي ..

بدر حمل ولده يالله حبيبتي .. خليني اوصلج بيت اهلج واروح لهم ..

مي قااعده على الكرسي ومنزله رااسها ..

راح لهاا ونزل ولده ونزل لهاا ميووون ما تسمعيني حبيبتي ؟؟ يالله قووومي ..

مسحت ويهها بيدهاا ورفعته وهو انصدم من شكلهاا عيونهاا مثل الجمر وييهاا احمر شفييج حبيبتي ؟؟

مي حاولت توقف ما قدرت مــ ــاا فيني شي ..

مسكهاا من خصرهاا ووقفهاا لا فيج .. وين يعورج .. اكيد بطنج .. اففففففف كله مني غصبتج تاكلين وااايد ..

مي ارتفع صوتهاا بدر سااعدني مو قاادره اوقف ..

بدر حملهاا خلاص حبيبتي بوديج البيت تريحين شوي ..

مي بصيااح لا ودني المستشفى بولد .. اناا قااعده اولد ..

بدر نسى ولده وركض بحبيبته تولدين ؟؟ لاااا حبيبتي توى النااس .. موعدج نص الشهر اليااي ..

مي صاارت تتنفس بصوت عاالي لا موعدي هذاا الاسبووع .. بدر سرع بموووت ..

قعدهاا بالسياره ومشى فيهاا شفيكم ؟؟ انتو الثلاااث بتولدون بيوم واحد ..

مي صارت تصرخ بصوت عااالي وهو اتبهدل اكثر زين حبيبتي .. مسكي نفسج ما بقى شي ونوصل المستشفى .. بتصل بفااتي تيي وتقعد مع اليهاال عشاان ما يظلون مع الخدم بروحهم ..

بعد مرور سنة

اليوم سبت قاعدين في بيت مريم القديم كالعااده .. هناك يجتمعون ثلاث العواائل مع عياالهم ..

ليلاااه نازله ركض من فوق الدرج بــــــــــــــــااابـــــــــــــــااا ؟؟؟؟؟

أمير وعيونه على الدرج الله يستر .. ما تصرخ جذي الا وتبي شي خطير ..

مريم عاارفه بنتهاا شتبي ما عليك منهاا .. اصلا انت اللي مدلعهاا ..

ليلاااه نزلت ورمت روحهاا بحضن ابوهاا بابا بلييييييز .. بلييييييييز .. سااي يس .. بلييييييز قوول اي ..

أمير ضمها من وراها وباس خدهاا شتبين ؟؟ قولي قبل لا اكلج ..

ليلاااه وهي تتدلع بشعرهاا على ابوهاا لانها تعرفه يموت عليه انت قوول اي ..

أمير عرف لهاا ما اقول الا اذاا قلتي انتي اول ..

ليلاااه وعيونها على امهاا اناا ابي اساافر حق مريوم .. صار لهاا واايد هنااك مليت بدونهاا ..

ليلاااه تنااظر امهاا بترجي ومريم تهز رااسها بالنفي ..

دارت ويهها لابوهاا باابي بلللللللللليز .. بللللللييييييييييز ..

مريم وهي تأفأف الحين ما بتسكت ..

أمير غمز لهاا مااماا قاالت لااا .. واناا ما اخليج تساافرين بروحج بعدج صغيره ..

ليلاااه فتحت عيونهاا آم تن ييز نااو .. اناا مو يااهل اقدر اساافر برووحي .. مااااااااامي بليييييييز ..

أمير ما قدر ضعيف تحت ترجياات بنته خلاااص اوكي ..

مريم فتحت عينهاا وهو ابتسم لهاا نساافر كلناا .. نرد مريوم اجازتهاا قربت تخلص ..

مريم هزت رااسها ما منك فاايده اللي تبيه تسويه لهاا .. كلااامها اوامر ..

ليلاااه باست ابوهاا وضحكت بنصر وراحت تركض فوق وهو اخذ حبيبته وضماها من جتوفها شسوي مو بيدي تعرفيني ضعيف جدامج وجدام عيالج ..

غمز لهاا يبي يحمقهاا اعترفي تغاارين منهاا صح ؟؟

مريم فتحت عينهاا وتوهاا بتصرخ بس هو تلحقهاا وبااسهاا نظراتج تذبحني وانتي معصبة ..

ابتسمت وحطت رااسها على جتفه تدري زين ان بنساافر مع اليهاال كل مره نخليهم ونساافر عنهم مع مؤتمرااتك اللي ما تخلص من حصلت الدكتوراه واحنا كل شهر نسافر ..

أمير وهو يلعب في شعرهاا اي حبيبتي .. بناخذهم ثلاثتهم حتى عماار بعد .. من ولدتيه ما طلعنااه برى البحرين للحين جوازه يديد ..

مريم قاامت من حضنه بروح اييبه حبيبي اليوم ما شفته ..

أمير ابتسم لهاا اي والله اناا من ادخل ليلاااه وسلمااني يتلقووني من البااب ..

مريم ابتسمت له الله يخليك لناا كلنا عزنا وسندنا بالدنياا ..

بادلهاا الابتساامة وهي رااحت تييب له عمووري الصغير ..

يوسف وبدر وصلوا ونزلوا عيالهم من السيارات .. دخلوا داخل لقوا أمير قااعد يلعب مع عموري ..

يوسف وهو حامل فروحه جهز الغدى ؟؟ ترااني يوووعان ما تريقت ..

ساره ماسكه ميرا وميار بيدينهاا لانك توك قااعد من نص سااعة اكيد ما بيمديك تتريق ..

يوسف قعد يم اخوه بنتج تخليني ارقد النااس ناايمه وهي تضحك نص الليل تخليني غصب اقوم لهاا ..

بدر وهو حاامل أحمد الصغير بيد ومااسك علي باليد الثاانية وعيونه على اخته لا تبدين انتي وريلج تسندرونا من الحين .. خلونه نتغدى اول بعدين تناجروا على كيفكم ..

مي راحت لمريم وقعدوا يسولفون على السفر وساره من شاافتهم انضمت لهم ..

الساعة 6:30 المغرب

اليهاال في الحديقة يلعبون كلهم مع الخدم والمربياات

ابطاالنا ملتمين على بعض ضحك وسواالف وذكرياات ..

يوسف وهو ميت ضحك ويتذكر طفولتهم هو واخوه ومراهقتهم مع بعض هههههههههههههههااااااااااااااااايييي .. مريوم لو اقولج ما بتصدقين .. تدرين ان ريلج يته فتره ما يعرف يتكلم عربي كلش .. نزل البحرين عقب سنه من سفره برتش .. تصدقين ههههههه ان احنا نكلمه عربي ويرد علينا انجليزي .. لحد ما طفش بابا الله يرحمه ووصاانه ما نتكلم في البيت الا عربي وخصوصا جدامه ..

مريم مستاانسه وهي تسمع عن ذكرياات حبيبهاا لاااااا .. لهدرجة واناا اقول ليلي على من طاالعة ما ترضى تتكلم عربي .. اثااريهاا طالعة على البابا ..

أمير يبتسم وهو يسمع وفرحان يشوف ونااسة حبيبته ..

يوسف وهو يكمل عااد انتي لو تشوفينه اذا نكلمه عربي يهز رااسه مثل الهنود ما يعرف يرد علينا ..

أمير قااطعه بسرعة ما يبيه يحرجه اكثر اتكلم ولا اسكت احسن ..

ساره فرحت تبي جناازه وتشبع فيهاا لطم قول .. قول ما عليك منه .. خل نتشمت شوي ..

يوسف يبي يسكته بس ما قدر لان الكل هجم على امير يبيه يقول ..

أمير كان يبي يردهاا له ههههههههههههههههه .. لما كان بالثاانوي .. انا كنت سنة ثاانية جامعة وبابا كان يااي يزورني في لندن .. قااعدين نتريق الصبح الا وتلفون من البحرين .. من ؟؟ رقم مدرسة المهندس يوسف كرااشي .. رد عليهم ابوي .. انت ابو يوسف سلمان .. قالهم اي انا ابوه .. قالوا له ولدك أكثر من اسبوعين ما داوم في المدرسة .. ابوي وقف على طوله مو مصدق .. قالهم اشلون واناا بنفسي اوصله كل يوم الصبح وايي اخذه الظهر .. قالوا له والله ما ندري اذاا ما ييت وكلمت المدير بنفسك بنضطر نفصله .. بابا كان شوي ويوقف قلبه كل شي عنده ولا الدراسه .. قالهم انا باجر عندكم من الصبح والمسكين كان واصل في الليل بس رقد معااي وسافر العصر ..

كمل لهم وهو كااتم ضحكته تتوقعون وين كاان يروح كل هالفتره ..

ساره بحمااس زاايد عن الكل ومو مهتمة لنظراات يوسف وين قول .. اكيد كان يروح مكاان مشبووه ..

يوسف منبطة جبده مشبووه بعينج انتي بعد ..

أمير فرحاان لانه عصب اخوه مأجر له شقه ..

ساره وقفت على طولها من هول الصدمه شقه ؟؟؟!!!!!!!!!!!!!

أمير هههه .. مو شقه حق اللي في بالج لااا .. شقه عشاان يعزف ويغني هو وربعه ولا متكفل بكل المصااريف بعد .. يسحب من ابوي فلوس ويمول مشروعه ..

مريم وعيونها على شكل يوسف زين بابا سلمان شسوى ؟؟

أمير حضن حبيبته من خصرهاا ولا شي .. رااح الشقه واخذ الالات اللي فيهاا وفتح له الملحق اللي بالفيلا وخلاااه يقعد هناك تحت عيونه .. طبعاا بالويكند بس ..

ابتسم على ذكرى ابوه كان الله يرحمه يحكم عقله بكل شي .. مستحيل كان يحرمنا من شي احنا نبيه حتى لو كان غلط ما كان يبينا نتعلق فيه اكثر ونسوي شي من وراه .. كان يخلينا على رااحتنا لحد ما نمل من السالفه ونتركنا منا ومن نفسناا ..

مريم بااسته في خده الله يرحمه ..

الكل الله يرحمه ويرحم اموات المسلمين ..

ساره شافت حبيبهاا للحين متنرفز حطت راسهاا على صدره وضمته من خصره الله يرحمه حبيبي ..

يوسف هدأ وابتسم حط يده على شعرها وصار يمسح عليه ..

ساره وهي للحين على صدر حبيبهاا ترى مو بس أمير حتى بدر اول مره نزل البحرين ما كان يعرف يتكلم عربي كلش بس يفهم علينا صح مريووم ؟؟

مريم ضحكت اي صح وانتو اللي علمتوه ..

مي وعيونها على حبيبهاا اشلون راافع حاجب واحد ويطالعهم بقهر وانا بعد اتذكر اول مره كلمتني كان بالعجمي واناا رديت عليك بالعربي ابي اضيعك ..

مريم اي وانتي عبالج ما يفهم عربي وقعدتي تتغزلين فيه ..

مي حطت يدها فوق خدودها من فشلتهاا سكتي لا تذكريني ..

بدر ضمها بقوه يخفف من احرااجها كان احلى يوم بحيااتي .. مستحيل انسى نظرااتج كانت عيونج بعيوني وكلامج طالع من قلبج ..

مي بادلته ضمته الله لا يحرمني منك حبيبي ..

بدر رفعهاا وباس جبينهاا ولا منج يا ام علي ..

استمروا بالضحك والسوالف لحد ما سمعوا الجرس ومريم نادت على الخدامة تفتح الباب

مريم وعيونهاا على البااب شفيهاا هذي .. آتنك ؟؟

الخداامة واقفة وتتكلم من الشخص اللي ورى الباب .. مريم رااحت لهاا وانصدمت من اللي واقف جدامهاا عمواا احمد ؟؟ !!!!!

أبو بدر ابتسم لمريم ما بتقولين لعمج تفضل ..

مريم للحين منصدمة من شكل عمهاا ضعيف وهزيل ومو قاادر حتى يمشي هاا .. هه .. اي تفضل عموا البيت بيتك ..

دخلت ودخل ورااها عمها .. ساره وبدر من شافوا ابوهم كأنه احد صاافعهم على ويههم .. ساره صارت تهز راسها بالنفي مو مصدقه يوسف حس فيها وراح حضنهاا من جتوفهاا ..

بدر كان يبي يمشي بس امير وقفه حيااك عمي البيت بيتك ..

بدر بحدة خلني امشي أمير .. ياالله مي .. ناادي اليهاال خلينا نمشي ..

مي خافت من صراخ بدر راحت اخذت عيالهاا وراحت وقفت معااه عشاان يمشون بس هو من شااف احفااده ما قدر .. نزل لعلي وضمااه بقوه وقعد يصيح بصوت عالي أكيد هذا علي ..

مسح دموعه ووقف اخذ أحمد من مي وصاار يبوس فيه وهذا حموودي الصغير ..

بدر كان يبي يسحب عيااله ويمشي بس ما يدري شنو اللي منعه سكت شوي بعدين ضحك بسخرية هه .. شتبي بعيااالي .. ابوهم قطيته ولا سألت عنه .. شتبي فيهم ولا ما حبيت تلعب هالمره دور الابو قلت ألعب دور الجد الحنون ..

ابو بدر ما رد على ولده رااح لسااره وحضنهاا بقوه اشتقتلكم .. اشتقتلكم كلكم .. انا ييت عشاان اشوفكم .. اناا مريض .. اعيش اخر اياامي ..

ساره مسحت دمعتهاا مريض ؟؟ شفييك بابا ؟؟

ابو بدر ابتسم من امرااض هالدنياا .. لا تخاافين ما يعدي .. سااره ابي اشوف عيالج بابا ..

يوسف ما نطرها ترد راح يااب عياله وعرفهم على جدهم ..

طلع كاميرا من شنطته وعطاها مريم ممكن تصوريني مريم مع عياالي وعيالهم ..

بدر سكت وراح وقف ورى ابوه ومي يمه وحاملين عيالهم معاهم وساره وقفت يمهم مع يوسف وعياالهم .. أمير حطت الكاميرا على الطااوله وسحب مريم ووقفوا معاهم بالصوره مع عيالهم ..

ألتقطوا لبعض أكثر من صورة تلقائية تجمعهم كلهم ابطاالنا وعيالهم وابو بدر..

أبو بدر اخذ كاميرته ودار ظهره لجهة البااب ..

بدر بجدية وين راايح ؟

أبو بدر دار جسمه وابتسم انا ساكن بشقة .. صارلي أكثر من 6 سنين عاايش هني معااكم قريب منكم .. اشوفكم بس ما عندي جرأه اقرب منكم .. لكن اليوم عزمت وييت .. انا من الظهر وانا قاعد برى .. متعود كل يوم سبت ايي واشوفكم .. اشوف عياالكم .. ما اروح الا اذا انتو مشيتوا ..

ساره راحت حضنت ابوهاا بابا لا تروح .. بابا فاااتي تزوجت والحين حاامل ..

ابو بدر ادري بابا .. فااتي كانت تيي تزورني واكثر من مره طلبت مني انهاا تقولكم بس انا ما رضيت .. ما كنت ابي ازعجكم ..

ساره مصدومة كانت تعرف ولا قالت لي .. حتى لو انت طلبت منهاا المفروض تقول لي .. بابا انا محتاجتك لا تروح .. حتى لو اشوفك ثلاث مرات بالسنة بس محتاجتك يمي .. حتى بدر محتاجك اقعد معانا احنا بنهتم فيك ..

أبو بدر لا حبيبتي اناا ما ييت عشاان اضاايقكم بوجودي ييت اتصور معااكم والحمدلله صااروا صور احفادي عندي .. انتوا عيشوا حياتكم بعيد عني .. انا خربت حيااتكم كلهاا من يبتكم على هالدنياا وانا قاطكم ما اتحملت مسؤوليتكم .. ما كنت اعرف الا نفسي ما اهتميت الا بنفسي .. والحين اناا استااهل كل اللي صاار فيني ..

مشى لجهة البااب ودار جسمه ابتسم واشر عليهم ودار ويهه مره ثاانية بيمشي ..

بدر صرخ بابا لا تروح .. رحت واايد بس اليوم ما بخليك تروح .. اناا ابيك تقعد معااي ااناا وعياالي .. محتااجينك .. مساامحك على كل اللي صاار على كل السنين اللي رحت فيهاا وحرمتناا منك .. بس اليووم لا ترووح .. لاااا تروح ..

راح له وضمااه بقوه وابوه ما صدق على الله قعد يصيح بصوت عااالي بس اناا ما استااهلكم ..

ساره رااحت حضنتهم بابا خلااااص لا تقول هالحجي .. اكا بدر وساامحك واناا بعد ساامحتك خلاااص .. بس لااا تروح .. خلك معاانا احناا بنهتم فيك وبندير بالناا على صحتك ..

ابو بدر مسح دموعه وضحك زين خلاااص بس هاا انا بقعد اسبوع عندج واسبوع عند بدر ..

بدر ضحك بين دموعه اللي تشووفه .. واللي انت تبيه احنا رااضين فيه اهم شي حسك بالدنياا ..

سااره للحين تصيح خلاااص بابا أهم شي صحتك ...

مريم مسحت دموعهاا وراحت لعمهاا باست راسه تعاال عموا .. انت اللي بقيت من اهلي واناا ما بفرط فيك ..

ابو بدر حضنهاا الله لا يخليني منكم .. شلتوني بكبري .. انتي بنت اخوي الوحيد اللي لم عياالي وربااهم وكبرهم ..

مريم وهي تمشيه زين دام انا بنت اخوك الوحيد انا بعد اطالبك بأسبوع عندي ..

ابو بدر وهو يضحك من قلبه خلااص الشهر اربع اسابيع .. اسبوع عندج واسبوع عند ساره واسبوع عند بدر والاسبوع الراابع هني .. بقعد هني انطركم كل يوم سبت تيوني اشوفكم والعب مع عيالكم ..

ارتفعت صوت ضحكااتهم .. الكل فرح بردة ابو بدر .. خصوصا عياله ..

عااشوا مع بعض احلى اياام عمرهم .. وكل يوم سبت يجتمعون في بيت مريم مع عمهاا اللي عااش بوسطهم أكثر من عمره اللي كان محسوب له ..

انتهت معاناة ابطالنا .. عييّلو وصاروا عيالهم كل حيااتهم .. الخوف من الفرااق تلاااشى .. العذااب انتهى .. المستقبل يضحك لهم وهم يشوفون عيالهم اشلوون يكبرون مع بعض ..

أمير للحين مواصل دراساته وبحوثه وفتح مستشفى خاص فيه .. كل دنيته مريم وعياله ما يشوف أحد غيرهم .. يحااول دائما ينسي مريم سنين العذااب ودموع الحزن والقهر اللي ذرفتهاا في غياابه .. ما يقدر يرفض لعيااله طلب ولا يقول لا وهالشي متعب مريم بس هو دائما يحاول يسوي اللي يشوفه صح ويتبع سياسة ابوه في تربيته لهم

مريم كانت تدير أعمالهاا بنفسهاا ووسعت أعمالهاا .. فتحت شركة قاابضة مع عياال عمهاا .. كانت تحاول تسعد امير بكل شي .. ما تفاارقه بكل سفرااته .. تروح معااه وين ما يروح .. لانه وقت الفرااق خلص ومستحيل تضيع حبهاا بعد اللي صاار

يوسف فتح شركة هندسة كبيرة ووسع اعماله بأكثر من دوله خليجية وحيااته البناات يبي سااره تيييب له بنات واايد .. ما يقدر يعيش بدونهاا .. ولا يقدر ينام بدون ما يناحسهاا كل ليلة على الفراش قبل ما يرقدون ولا يقدر ينام قبل ما يراضيها ..

ساره وقتهاا مقسم بين الشركة مع اخوها وبنت عمها وبين بيتهاا وعيالهاا .. الحياه في بيتهم صرااخ ونزاعات طول الوقت وعياالهم الحكم بالنص .. واغلب الموواقف تكون ضدهاا الشي اللي يخلي دموعهاا تنزل بسرعة وحبيبهاا يتلحقهم .. همهاا ترضيه وتسعده وتسوي كل اللي يبيه ..

بدر من حملت مي بعلي قرر يستقيل ويعتزل مهنة الطيران .. ما كان يبي يبتعد عنهاا .. ما قدر يتحمل يسافر عنها ويتركهاا .. سافر مره وحده وكان شوي ويستخف عليهاا على كثر ما كان يحاتيهاا وأول ما رجع قدم استقالته وفرغ وقته كله لهاا ولنصيبه في ورثه من عمه .. مي صارت كل حياته ويموت على شي اسمه صبيان عكس يوسف .. يحب عيااله ويبالغ بخوفه عليهم وصاار يهتم بأبوه وياخذه بنفسه لزيارات الطبيب ..

مي كل همهاا في الدنياا حبيبهاا وابو عياالها .. علاقتها بأمها تحسنت واايد بس مستحيل تقدر تسامحهاا على سنين الفرااق اللي ذاقتهاا بسبها .. تحاول تسعد بدر بكل شي .. تسافر معااه لاهله بايران ويقعدون هناك شهور .. اهم شي عندها قرب حبيبهاا ..

هذي نهااية قصتناا .. حياة ابطالناا استقرت .. اسبااب الفرااق انتهت والعذااب انتهى .. ومحد قاالها للثاني .. ابطالناا الثلاثة وبطلااتنا الثلاااث .. محد قال للثاني .. عذبتني بأسبااب فرقااك .. هالجمله تبعثرت وانمسحت من قااموس حبهم .. حبهم صاار كتاب مفتوح أساسه العياال اللي بينهم .. ثمراات الحب اللي جنوهاا مع بعض ..

خلصت روايتي وياارب ما اكون ضاايقت احد مني .. انا كنت متقبلة كل شي والحمدلله ما شفت انتقاادات منكم .. روايتي كانت متحرره واايد وخياااليه وانا تعمدت اخذكم للخيال اكثر عشاان تعيشون معااي بالاحدااث .. هالقصة اخذت جزء كبير من حياااتي وصدقوني لو ما كنتوا معااي من الاول وشجعتوني ما كنت وااصلت للاخير ..

بصراحة تعبت فيهاا وما انكر واشتغلت فيهاا أكثر من سبع شهور شغلتني عن حيااتي ودراستي .. كنت احاول اطول الاجزاء على قد ما اقدر .. عشاان ارضيكم طبعا .. في بعض الشخصيات طلعت مع الاحداث مثل يوسف ما كان موجود .. طلع وصارت شخصيته حلوه وبطل من ابطااال الرواية .. معظم احداث ارتجالية وانا اكتب تطلع معااي .. حاولت اوصف على قدما اقدر عشاان اخذكم للموقع وللحدث نفسه .. وياارب اكون توفقت في روايتي الثاانية .. وما عندي مشكلة بنقلهاا أهم شي يتم النقل بأمانه ..

عندي طلب أخير

ابي راايكم في رواايتي كااامل وبكل صرااحة وأبي اعرف اي شخصية عجبتكم أكثر

تم بعون الله تعاالى

تحياااتي لكم دائما .. أختكم .. أميرة القصر العالي ..

تجميع زهور حسين

منتديات غرام | أقلام لا تتوقف عن الإبداع

تعديل المقال