رواية طبع الحياة حزن وفرح وطبع الورود شوك وزهور -10
سعود .. اسويها ..؟ انا ما قصدي ابد اضر البنت
طيب هاللي اسوية مايضرها ..؟
طيب كيف تعرف اني انا ولد ..؟
طيب راح اقول لواحد من الشباب يساعدني
اسماء : اصلا انتي انسانه حقيره
يارا : ابلعي لسانك
اسماء : ترا مريم قايله لي كل شي عنك ياحيوااانه
يارا مستغربه : أي مريم ..؟
اسماء : لا تسوين ماتعرفينها مرييييم
اللي كانت معك في المدرسه وتعرف فضآيحك يالمفضووحه
يارا : كلي تبن انا شريفه معززه مااحد يقدر يضرني بكلمه
:
:
طلال وحسام كانوا يتمشوون وسمعوا الصراخ ووقفوا
اسماء : اقول مين مريم ..؟
يارا : قولي واعلى مابخيلك اركبيه انا واثقه من نفسي
ولا انتي ولا عشره من اشكالك يقدر يهددني بحثاله مثله
الجوهره : اسمااااء يااااااااار خلاص بـــس
ندى : اسمها هالهيسه هي الغلطانه
اسماء : طيب وربي لاقوول .. مريم اللي ضيعتيها وضيعتي حياتها
علشان تقدرين تفلتين من خالد اللي بديتي تكلمينها ولا قدرتي كيف تتخلصين منه
عطيتي رقمه لمريم وبدا يكلمها ويطلع معها ليش ضيعها وضيع شرفها
يارا تبكي : انــــــاااااااااااااااا
طلال : نعم ...؟
حسام معصب من اسماء : استهد بالله وافهم قبل لا تسوي شي
طلال : ايه يصير خير
حسام : تكفى طلبتك لا تخلي الشيطان قدامك
طلال : .........
:
:
:
:
ياسر : طيب ليش انت ماتبغى تأذيها ..؟
سعود : كذا
ياسر : لا مافي شي يجي كذا لازم يكون فيه سبب
سعود : بصراحه البنت محترمه ولا هي حقت هالحركات
ياسر : طيب دام البنت كذا ليش من البدايه فتحت هالسالفه معها ..؟
سعود : لاني ارتحت لها وبصراحه اذا مر يوم ماكلمتها انجن
ياسر : طيب وش الحل انت عندك ..؟
سعود : ياخي والله ما ادري
ياسر : ايييييه .... طيب تحبها ..؟
سعود : هاه لا يارجال وش حبه
ياسر : علينااااا المهم جرب كم يوم لا تكلمها وشوف
اذااشتقت لها وتنتظر باي فرصه تكلمها
في هذي الحاله بأهنيك واقول لك انك طحت ولا احد سمى عليك
سعود : اقول ترا ماعندك سالفه
ياسر : هههههههههههه والله اتكلم جد
سعود : خلاص باسويها هههههههههههه
:
:
:
الجوهره : البنت مغمى عليها شيلها
طلال : ترا اللي فيني مكفيني وهذا الكذاب والدلع الفاضي ماعاد يمشي على طلال
يارا فاقت شوي : ااااااه
طلال وهو يسحبها من يدها : قومي بسرررعه
يارا تبكي : طلال شوف اسماء تقول ....
طلال يقاطعها بصراخ : بـــــس ولا حرف
وشلها وراح الغرفة
طلال : وش اللي صار داخل ..؟
يارا تبكي : اسماء اتهمتني تقول اني انا
طلال يقاطعها : دااااااري سمعت كل شي انا الحين ابيك تبررين لي موقفك يا انسه
يارا تبكي : والله ما سويت كل هذا وبعدين ماعمري عرفت وحده اسمها مريم
طلال بعصبيه : وعلى بالك اني مصدقك
يارا " اجل تشك فيني ياطلال واعجبك كمان ضعفي انا اوريك "
يارا : مو شرط اصلا تصدقني لاني انا اعرف نفسي واعرف انا تربية مين
طلال : لا ترفعين صوتك علي
يارا : ليش يعني تبغى اسكت عن حقي ..؟
طلال : تكلمي بأدب ولا ترفعين صوتك للمره الثانيه
ترا المره الثالثه باعطيك كف ياكلك تبن
يارا : طيب انت يش مسبب كل هالازمة ..؟
طلال : علشان اذا كنتي مسويه هالشي صدق
ماراح تجلسين معي ثانيه مو ناقص ترجع لي هالحركه في وحده من بناتي بسببك
يارا منصدمة و رجعت تبكي : اصلا راح تطلقني كذا ولا كذا
لاني ما احبك اكرهك اكرهك ومستحيل اكمل حياتي معك طلقني
طلال : اذا رجعت في الليل راح اتفاهم معك
وطلع
يارا طاحت وجلست تبكي
ليش ياقلبي حبيته ليش ضيعت حياتي معه
ليش ماصرت تقدر تفارقه ليييييييييش لييييش ..؟
:
:
:
حسام يناظر في طلال يعني وش سويت ..؟
طلال ناظر فيه وابتسم ..
حسام مبسوط : يالله ياشباب نروح نلعب كوره
الكل : يالله
بدأؤوا توزيع الافرقة وبدأؤوا اللعب
طلعوا البنات من البلكونة يتابعونهم وكل وحده في قلبها لواحد كلآم
أسيل .. مشكلتي يا ناصر ما قدرت انساك
ندى .. يا حلوك يا ياسر وربي أحبك
لمياء .. لين متى يا ماجد بتظل تعذبني ..؟
:
:
بدأ الحماس في الشوط الثاني
و فجأة وفي وسط اللعب طاح " طلال "
الكل تجمع عنده وجو الرجال
أبو محمد : يالله شيلوه وودوه المستشفى
ياسر : لا ياخوي طلبنا له الاسعاف
أبو حسين : وشوله اسعافات
سعود : الا ياعمي ماندري يمكن يوم طاح صار له شي وحنا نشيله ولا نسوي فيه شي غلط
أبو عبدالرحمن : عين العقل ماعليك استهد بالله يا ابو حسين
أبو محمد : الحريم لا يدرون فكونا من حنتهم
.
.
فارس : الو
يارا : فارس
فارس : هلا يارا
يارا : ناد لي اخويه هيثم خل يجيني غرفتي بسرعه
فارس : طيب يصير اجي انا ..؟
يارا : طيب انت وهيثم
فارس : لا انا باجيك على بال مايجي هيثم
يارا : ليش هو وينه ..؟
فارس : ينتظر الاسعاف ...........
يارا : اييييييش
فارس : لا اقصد
يارا قفلت في وجهه
وراحت على طوول لعند البنات
يارا : وش فيه ..؟
ملاك : مافيه شي
يارا : الا فيه شي برا عند الشباب
الجوري : لا حبيبتي تعالي مافيه شي
يارا تبكي : لا تكذبوون وش فيه ..؟
اسماء : اييييه فيه
ابرا : اسماء اسكتي ياحيوانه انتي مالك شغل
يارا : وش فيه ..؟
اسماء : طلال ياقلبي عليه قهرتيه وجبتي له المرض
طاح عليهم ونادوا له الاسعاف بسببك
يارا راحت لعند اسماء واعطتها كف بأقوى ماعندها .. وطلعت
البنات قاموا كلهم وتركوا اسماء لحالها مصدموومه
:
:
:
هيثم : مايصير
يارا : الا يصير انا ابغى اروح الله يخليك
ناصر : ايوه خلها تجي مافيها شي زوجها وأهلها
هيثم : بـس ...
حسين : لا بس ولا شي يالله
:
:
:
ام حسين تبكي : ياربي خير
الجده : لا تبكين ادعي ربك ومافيه ان شاء الله الا الخير
أم محمد : ان شاء الله
أم حسين : هو من زمان الدكتور مانعه يلعب كوره
لمياء : ايه صح لان عنده كتمه ومايقدر يتحمل ويركض كثير
أم عبدالرحمن : يالله الله يشفيه
:
:
:
يارا في السياره جالسه تستغفر
وصلوا المستشفى ودخلوه غرفة الكشف
جلس ربع ساعة وطلع الدكتور .. الكل وقف واتجه للدكتور
الدكتور : فين أبوه
أبو حسين : أنــا
الدكتور : ماصار قبل كذا ومنعوه من الجري كثير او لعب الكوره ..؟
أبو حسين : الا
الدكتور : عالعموم الحين صار عنده ضيق في التنفس والحمدلله
بس راح يصير عند لفتره صعوبة في التنفس
حسين : طيب فيه ضرر ..؟
الدكتور: لا ان شاء الله مثل الربو
حسين : اوكي
هيثم : دكتور نقدر نشوفه ..؟
الدكتور : ايوه
:
:
:
دخل الكل تطمن على طلال وطلع واخر شي دخلت " يــارا "
يارا دخلت وكان طلال نآيم وبآين على وجهه التعب
قربت يارا ودموعها ممليه عيونها ومسكة يد طلال وشدت عليها
يارا بصوت واطي : سلآمتك جعله فيني ولا فيك
طلال حس فيها وفآق : اااه
يارا قامت : طلال وش فيييك ..؟
طلال بصوت كله تعب : يارا
يارا سحبت يدها : انا لازم اروح
وطلعت من الغرفة
الكل رجع الاستراحة الا ماجد رافق مع طلال
.
.
.
.
عدا ها ليوم ع الكل ثقيل ومهموم
:
:
:
اليوم الثاني
رجع طلال للبيت والكل كان مبسوط
بـس يارا ماكانت عارفه لان وقتها كانت نايمة
أم حسين : ها بشرني عنك كيفك ..؟
طلال : الحمدلله يمه ما عليك
أم محمد : يالله يا ولدي روح ارتاح لين مايجي الغداء
طلال : يالله اجل انا استأذن
:
:
:
اسيل وهي تتمشى في الحديقة
جلست تفكر في ناصر .. اول لمن مسكني وش كان يبغى فيني ..؟
طيب هو كان يغازل وانا وش يدخلني فيه ..؟
ليش لمن شافني مسكني ..؟
:
:
:
طلال دخل الغرفة ويارا كانت في الحمام تاخذ شاور
طلعت يارا وشافت طلال فوق السرير كانت شوي وتطير من الفرحة
طلال قام وباين على وجهه التعب
يارا : هلا حياك
طلال : الله يسلمك
طلال : وش فيك ..؟ لا كيفك ولا كيف صحتك ولا شي ..؟ وش دعوه تراي للحين زوجك
يارا : مافيني شي ولا كل من يدخل المستشفى ينسى وش سوا قبل
طلال عصب : بس كان معي حق اعصب واكفخك ولا لا ..؟
يارا : ليش انا وش مسويه اسماء كذااابه
وبعدين حتى لو معك حق ماتتعامل كذا المفرووض تفهمني وتاخذ مني اول
طلال : طيب ومين مريم ..؟
يارا : لا اله الا انت ياربي وانا وش يدريني
طلال يصارخ : طيب وش لأسماء مصلحه علشان تتهمك ..؟
يارا : انا قلت لك انا اشرف من هالحركات تبغى تصديقني صدق ماتبغى خلك مع اسماء
هذا اللي قدرت أنزله أعذرووني وأبغى توقعاتكم للجزء 17
تحياتي
الجزء السابع عشر
طلال : يارا ترا كرهتيني في دنيتي
يارا : اصلا انا كارهتها من عرفتك
طلال : يارا وربي لاخليك تندمين على هالكلام ولا ما اكون طلال ولد عبدالله
وطلع طلال وترك يارا كالعاااده
:
:
هيثم : غيداء الله يهديك افهميني
غيداء : ماراح افهمك وراح تطلقني غصب عليك
هيثم : مو على كيفك
غيداء : اجل زواج ماراح احضر وزفه ماراح انزف كذا عناد وعباطة
هيثم : غيداء اسمعيييني
غيداء تبكي : ما ابغى ما ابغى كلكم كذابيين
هيثم ماسك غيداء من كتوفها : طيب خل افهمك السالفة
وقال هيثم لغيداء السالفه كلها
هيثم : خلاص فهمتي ..؟
غيداء : ايه بس باقي انت كذاب
هيثم عصب : عاد كيفك
غيداء راحت وتركته
هيثم : لا حول ولا قوة الا بالله مالي الا اكلم ناصر
:
:
:
مرت 5 ايام على وجودهم في الاستراحة وجا الوقت اللي يرجعون فيه
يارا : ابغى اركب مع هيثم
طلال يسحبها من يدها : مو على كيفك اووكي ..؟
يارا : ليش طيب ..؟
طلال : كذا كيفي من اليوم بأعيشك في نكد ولعانه يالله اركبي احسن لك
يارا : ترا باصارخ
طلال : لا ياشيخه صارخي وربي لاعطيك كف يغمى عليك
تركها طلال ومشى يركب الاغراض
يارا : سخاافه
رجع لها طلال وباين في عيونه الشر وقرب منها
طلال : اييش ..؟
يارا بتموت خوف : ولا شي
طلال : لا عيدي الكلمه اللي قلتيها
يارا رفعت صوتها : يوووه ماقلت شي
طلال : طيب هذي الصرخه في البيت راح اعلمك كيف توطين صوتك
يارا خايفه : آسفه
طلال : بعد ايش آسفه لالا كلن ياخذ جزاه
يارا ركبت السياره وهي تبكي
:
:
:
هيثم يتصل على جوال غيداء مقفل
وغيداء من بعد السالفة تعبت وصارت تبكي وماصارت تبغى احد
:
:
:
الجده : ندى يابنيتي شيلي شنطتي وحطيها في شنطة اخوتس بس هاه انتبهي عليها
ندى : ان شاء الله ولا يهمك يمه
:
ندى : طلال خذ حط الشنطه في سيارة ابوك
طلال : ندى انا مشغول عطي غيري يحطها
ندى : ارحمني ياوزير الخارجية
راحت ندى ولا حصلت احد عند السيارة الا يــاســر
ندى : ااااا ا ا ا ابغى احط هذا هنا
ياسر ماسك ضحكته : وشو ووين
ندى مرتبكه : هذااا هنا
ياسر : ايه تقصدين الشنطة في السيارة
ندى متفشلة : ايوه
ياسر : طيب شيختي عطيني وراح احطها
ندى مستحيه : مشكور بس تقول امي انتبه عليها
ياسر : ههههههههه اوكي على راسي
ندى راحت وتركته
اسيل وهي تشوف ناصر : وقح حقير
ناصر وهو يناظر اسيل : اه ليتك تفهميني وتفهمين وش الحكاية
:
:
اسيل لا وربي ما اركب
هيثم : اسيل اركبي مافي مكان الا في الجمس
اسيل : لا ياشيخ ومين يسوق الجمس لا مو راكبه
عبدالرحمن : عن الدلع عاد مافي معك بنات ..؟
اسيل تبكي : الا
عبدالرحمن : اجل اركبي ولا اقعدي مالك مكان الا هناك
اسيل : هيثم تكفي
هيثم : وربي مافي لك عندي مكان شوفي كيف السيارة كلها شباب
اسيل : خلاص طيب
:
:
اسيل ركبت السيارة ورا ناصر
أسماء : الناس يقولون السلام عليكم
اسيل بصوت واطي : تلايطي
أسماء : وش هالاخلاق
أسيل رفعت صوتها : يختي خلاص مالي خلق يعني افهميها وكلي تراب
ناصر : روقونا
ندى : اسوله وش فيك متكرنة ..؟
أسماء : مدري عنها هي وهالاخلاق المخيسة
اسيل شلت شنطتها ورجمت أسماء بأقوى قوتها
ناصر وقف السيارة
ناصر : وش اللي انكسر ..؟
أسماء : ياماصخة ياقليلة أدب يا مخيسه
ناصر : انكتمي يا اسماء وش صاير ..؟
اسيل تبكي : مافي شي بس عطري انكسر
ناصر : وربي لو ماتهجدوون ان انزلكم عند اقرب محطة
:
:
:
في سيارة هيثم كان فيها لؤي وسعود وحسام وماجد
وكان المسجل عندهم يردح وأنواع الرقص والاستهبال
:
:
:
في سيارة طلال
كانت يارا جالسة تفكر كيف راح تكمل حياتها مع واحد تحبه وهو مايحبها
طلال كان يفكر كيف راح يقدر يكسب يارا
:
:
:
الكل وصل لبيت أبو حسين
ابرار : اسماء ياسامجة تعالي
اسماء بصوت عالي : ابرار ترا مو فاضيه لك وبعدين مو ذنبي اذا كانت شنطتك كبر جدتي
<< سعود في مكان ثاني من سمع صوت ابرار نقز قلبه
سعود ياربي لازم اليوم اكلمها واصارحها بس اكيد راح تتركني
وانا تعلقت فيها .. لا طيب راح اسالها اول
ايوه خلاااااااااص جتني الفكره
:
:
:
دخل الكل يرتاح وابرار اخذت لاب توب لمياء
أبرار
هلا وغلا
سعود
هلآ فيك .. كيفك ..؟
أبرار
أنا بخير بشريني أنتي عنك
سعود
انا تمام يا عيوني ..
سعود
إلا برو انتوا ساكنين بالعليا ..؟
أبرار
لا ويييييين حنا في القصيم
سعود
اها حسبتك في الرياض
أبرار
لا انا في عايشه في القصيم بس الحين في الرياض
سعود
عندكم بيت في الرياض ..؟
أبرار
لا عند خالي
سعود مين خالك ..؟
أبرار
عبدالله الـ .....
سعود مصدووووم وفي نفس الوقت فرحآن لانه ماراح يخسرها
سعود
طيب أبرار ابغى اقول لك موضوع وتوعديني ماتزعلين
أبرار
خير وش فيه ..؟
سعود
اول شي أوعديني
أبرار
عبير وش فيك اقلقتيييني وعد ما ازعل ..... بس اذا كان يزعل ..؟
سعود
داري انه يزعل بـس أنــا آسف
أبرار
داري .. آسف ..؟ وش السالفه
سعود
أنا ولــد
:
:
:
طلال : شفتي هالمعامله اللي اعاملك اياها ؟؟ انتي اللي اجبرتيني اعاملك بهالطريقة
يارا : انت اللي اجبرت نفسك ولا كنت تقدر تكسبني وتحسسني اني زوجتك
طلال : اقول لا يكثر وروقيني
يارا : انت اللي بديت الموضوع ولا يكثر ..؟
طلال : يارا لا تخليني ابدا اصارخ وربي ماراح تشوفين خير
يارا تبكي : اصلا الشرهه مو عليك الشرهه عاللي يحـ بـ .....
طلال : كملي على مين الشرهه
يارا : ولا شي
:
:
لمياء : يمه افهميني مادخلت قلوبهم بس صدقيني انا مره كنت معهم وزلت السنتهم
أم حسين : مع الوقت بياخذون على بعض
لمياء : بس يمه يارا مسكينة وش ذنبها ..؟
أم حسين : اقوول خلاص انا بأشوف اذا حسيت انهم تمادوا راح اقدر اوقفهم عند حدهم
لمياء : طيب براحتك
أم حسين : بكره بيسافرون ابو محمد وابو عبدالرحمن وعيالهم
لمياء : لاااااااا
أم حسين : بس حنا بنروح لهم أبها علشان نحضر زواج محمد
لمياء : ايوه تمام وناسه
:
:
الجوري : أبرار ياعيوني وش فيك تبكين ..؟
أبرار : مافيني شي
الجوري : افاااا قولي لي وان شاء الله ماتندمين
أبرار تبكي : ما اقدر
الجوري اخذتها وودتها للحمام وغسلت وجهها ورجعتها
الجوري : يالله الحين قولي لي وش فيك ..؟
أبرار : بس ما اطيح من عينك
الجوري : بيطيحون اهل المملكة كلهم وأنتي تبقين
أبرار : فديت قلبك .. وقالت لها السالفة
الجوري : طيب وش صار ..؟
أبرار : ليش يكذب علي ..؟
الجوري : طيش شباب الله يهديك واللي يشوفك الحين يقول زوجك
أبرار : هههههههه لا مو عن زوجي بس اقصد انا بقره ليش أضفته
الجوري : كنتي تدرين انه ولد ..؟
أبرار : لا وربي واللي خلقني ما كنت اعرف
الجوري : هههههههه داريه بس ابغى اسالك علشان تقولين لا واقول خلاص دامك مادريتي
أبرار : ايه بس والله ماكنت ادري
الجوري : خلاص ماصار الا الخير
يتــــــبــع ^_ ^
اليوم الثاني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك