رواية ايه احبك قلتها والصدى غطى المكان -19
تركي بجديه وهو خلاص تصرفاتهم ما قامت تعجبه بالمره : أختك لما تكلمك ترد عليها فاهمني و التفت لمحمد : جبس صح
محمد : ايه
تركي : وجع أي توجعك انت وياه كم مره قلت لكم انتبهوا وانتو تلعبون
فاطمه : تركي هدي خلاص قدر الله وما شاء فعل
جآ فيصل بيقوم و تركي رد قعده غصبن عليه : غرفتك انت وهالاثول اللي معاك تحت من اليوم سامعني
ما حد رد
تركي : سامعين ولا لا
ردوا عليه : ان شاء الله
تركي راح وهو معصب
..
مر هالاسبوعين .. بآختبآرات الثآنويه بصعوبه وخآصة ع الخريجين [ سآمي و مهآ و نآصر ] انهوآ اختبآراتهم وينتظرون النتيجه على أعصآبهم ]~
الهام بدت تجهز للعرس مع أمها ومرآت مع نوره وسآره ومنآل
..
بــالمطآر وتحديدآ بآحد المحلات
مي : آخذه يعني آخذه مو شغلي
رهف : مي ترى ابوي يتصل علي ويقول خلصوا لا نتاخر
مي : والله بخآطري
رهف : أخذي السمآوي روعه
مي : النفنوف حلو
رهف : مي اعتراضي ع اللون مو ع النفنوف
مي وبعنآد : أخذي السمآوي انتي وانا اخذ الاسود لعرس الهام تكفين رهف لا تردييييني
رهف : ياربي على هالبنت
دفعوآ الحسسسآب وطلعوآ لقآعة الانتظار متجهين لمطآر نيويوك ]~
..
تركي و فيصل بآلسيآره رادين من المستشفى وفكوا الجبس ]~
تركي : سلامات ما تشوف شر
فيصل : الله يسلمك يبآ
تركي وبجديه أكثر : فيصل
فيصل : سم
تركي : سم الله عدوك .. يبآ فيصل شفيك على أمواج
فيصل ما رد . شيقول يقول ان عبد العزيز بعد ما كان مهتم فيه التفت لأمواج و أهمله و أمواج هي اللي خذت عزوز منه ؟!
تركي : فيصل حبيبي والله البنت قلبها طيب ليه ما تعطيها فرصه انها تتكلم معاك و مهما كانت تراها اختك
فيصل : هي قالت لك شي
تركي : كل شي واضح تفشلها قدامنا كلنا ولي كلمتك تصدها
فيصل صد نآحية الدريشه وسكت
..
بيت أبو سعد [ الساعه : 10 بالليل ]
سعد دخل على مريم ولقآها منسدحه على سريرها
مريم : سعد تكفى تعبآنه ابي انآم مو نايمه عدل
سعد و برود : مريم ابوي اتصل ويقول انه بيرجع يوم الثلاثاء و ان الملجه يوم الخميس
مريم و بصدمه : أي ملجه
سعد وبعد ما تعب من محاولاته مع ابوه اللي انتهت بالفشل : انتي وناصر
مريم وبدت تفقد اعصابها وبصراخ : مو على كيفك وعلى كيف أبوي ولا على كيف عمي حيآتي وانا حره فيها سااامع
سعد : والله ادري انه مو على كيفي حاولت بابوي وسمعت منه اللي يكفيني وكله على شانج بس ما رد علي و بيمشي رايه
مريم وبدت تبجي : سعد مآآآآآآآبي
سعد و منظر مريم قطع قلبه راح وضمها : والله وصلت لابوي رفضج ما رد علي
مريم : كلم عمي تكفىىىىىى
سعد : مو حلوه بحق ابوي يا مريم
..
وصل الخبر للكل .. ومعزومين بــ بيت بو سعد يوم الخميس ]~
..
بيت آبو حمد
أم حمد : نجلاء يمآ زهبي نفسج يوم الخميس ملجت مريم
حمد أنتبه للاسم : مريم منو يمآ
أم حمد : مريم بنت بوسعد .. والله وكبرت ما شاء الله
حمد ومو قادر يستوعب : ومن السخيف اللي متقدم
أم حمد : ولد عمها ناصر
حمد وفآآر دمه : ترفضني أنا حمد وتقبل بالبز هذآآ
أم حمد : كل شي قسمه ونصيب وانت ربي بيعوضك خير
حمد : يصير خير
..
مطآر نيويورك اللي يبعد عن المنطقه اللي سآكن فيها رائد سآعتين .. أصر انه اهو اللي يستقبلهم بالمطار مدام هم عانين له بالاوراق .. وكان ينتظرهم بفرح ما يعرف سببه [ الغربه شينه وممله لما تكون بيعد عن اهلك و نآسك]
اول مآ شافهم رآح لهم وسلم على راكان وسالم بحراره شهور ما شافهم وبعدهآ التفت للبنات : شلوونكم بنآت
رهف : تمام الحمد لله
مي : كــــح غبآر ورببي .. الحمد لله بخير دامك بخير
مشششوآ مع بعض للسيآره اللي مآجرها رائد
قدآم قعد أبو سعد يم السايق و رآه رائد و رآكان وآخر شي رهف ومي ]~
مي وبصوت هادي : ضعفآن ولا يتهيألي
رهف : الا ضعفآن مسكين مكروف
رائد بما انه اقرب لهم سمعهم وابتسم بدآخله
..
بيت أبو سلطان وتحديدآ بشقة سلطان
وصلت غرفته و هو واف ع العمال و منآل معاه
سلطان يكلم منآل : ها شرايج وين يحطون الكبت
منال وآشرت لمكان فآضي : هنآك احلى
سلطآن كلم العمال يحطونه بالمكان اللي تكلمت عنه منآل
..
بيت أسل ..
أم اسيل : أسول حبيبتي يلا ماما تاخرنا
أسيل : يلا بس ايب شنطتي و أنزل
أم اسيل : ما احب اروح السوق بالليل تعرفيني الله يهديج
أسيل : تو الناس
أم اسيل : المهم بليز فكينآ من الضيج و القصير
أسيل بدلع : ماما بدينآ من الحين
ملاحظه [ اسيل غير محجبه ]
..
بيت تركي [ بالحديقه ]
الجو حلو بين نهآية برود الشتآآ وبدآية حرآرة الصيف
عزوز جآ عندهم : الله الله فديت هالجمعه الحلوه
تركي : حيآك
عزوز : ان شاء الله بقعد بس ابي فصول شوي
فيصل ببرود : هلا
عزوز : قوم ابيك
فيصل : قول اللي تبيه هني ما لي خلق اقوم
عزوز ارتفع ضغطه من اسلوب فيصل بجد تغير حيل
تركي : فيصل قوم شوف اخوك شيبي
فيصل قام احترآمآ لتركي
عزوز جر فيصل من ايده و اخذه لآخر الحديقه : تستخف دمك انت وشكلك
فيصل : ياليل شسويت لك انا
عزوز : فيصل عدل اسلوبك ما ني اصغر عيآلك
فيصل : خلصنا شتبي
عزوز وهو يحاول ما يفقد اعصابه : أمواج اذا منت متقبلها كيفك بس
قبل لا يكمل عزوز .. فيصل من سمع طاري امواج عطاه ظهره ومشى وهالحركه خلت عزوز يسحب فيصل و يعطيه كف ]~
عبد العزيز تحسف ع الحركه اللي سواها و راح بيضم فيصل بس ردته ايد فيصل و قآل : كفيت ووفيت يآ بو فيصل
هالكلمه حزت بخاطر عزوز وهو يشوف فيصل متجه لنفس المكان ببرود
فيصل رآح لمحمد اللي كآن يشوي و بمرح : يعطيهم العافيه
محمد : الله يعافيك
اليوم عيد ميلاد فيصل الكل راح عن باله الا أمواج اللي ما حبت تطوف هالشي وذكرت الكل .. ضبطت القعده برآآ و جمعتهم
عزوز وهو رآد وبيده علبه كبيره : هذا محل حلويات برآ احد طالب شي
أمواج نطت من مكانها : ايه انا بليز عزوز لاحد يفتحها .. وقالت للخدامه تعطي الهندي اللي برآ الحسآب
رآح أمواج جآبت الصحون والشوك والسكين و آجيآس مبينه عليهم آجيآس هدآيا
فتحت الكرتونه و الكل شاف الكيكه الخيآآآآل عليها صورة فيصل وهو صغير والثانيه صورته قبل شهر تقريبآ وقالت بمرح : كل عام وانت بخير يآ حلو
فيصل وما زال البرود مجمده : شكرآ
الكل : كل عام وانت بخير فصوول .. العمر كله .. عقبآل ما نشوفك معرس
فيصل : وانتو بخير
و الكل عطآه هديته و أمواج بعد باسته لاول مره وعطته هديتهآ وكانت خايفه من نظراته الهجوميه حيل ]~
رآحت أمواج تبلغ الخدم يزهبون صحون العشآآ وهي بتطلع من الصاله بترجع للحديقه طلع بوجهها فيصل ودزها لي ورى
لف ايدها وقال : حركآتج البايخه اللي مسويه فيها الاخت الحنون السنعه ما تمشي علي مشيها على عزوز والباقي اما انا لا سسامعه و حذفها ع الكرسي ومشى صوب المطبخ
قالت امواج بألم : آآآي أيدي .. ركضت لغرفتها فوق ودموعها على خدها .. توقعت ردت فعله بس مو لهالدرجه
فيصل فرغ حركة عبد العزيز فيها .. تحسف ع اللي سواه وصعد وراها
وقف عند باب غرفتها ودق الباب : امواج امواج
أمواج وصوتها المخنوق : خلاص تكفى فيصل روح والله آسفه ما اعيدها خلاص روح
فيصل متالم ومتحسف حييل وسمعها تصيح داخل : آلاء تكفييييييييييييين ردي الله يخليج تكفين محد يبيني هنييييييييي ردي ولا اخذيني معاج آلاء تسمعييييني
فيصل : آمواج افتحي الباب
أمواج فتحته بخوف : نعم
فيصل قرب منها وهي ردت ورى : أمواج انا آسف
أمواج بتعب : عادي فيصل عادي
فيصل ضمها : تكفين سامحين
أمواج وبنهيآر : جيبولي آلاء محتآجتها حييييل الله يخليكم
فيصل استغرب من حالتها [ اللي ما يعرفه فيصل ان آمواج تمر بهالحاله كثير لي ضآقت ]
و تردد الفين مره قبل يتصل بعزوز : آآآ
عزوز : خير فيصل شفيك
فيصل : قصر صوتك واصعد فوق لغرفة امواج بدون ما تحسس احد
صعد عزوز بخووف و شآف اللي توقعه كلمهآ : أمواج حبيبتي قومي معاي
أمواج قامت : خلاص عزوز بليز تعبآنه ابي انام ما فيني شي
عزوز : والله وما تنامين وانتي متاضيقه
وخذآها معاه تغسل وجهها ونزلوا تحت
تركي : هلا بالغاليه وينج يبآ
أمواج : موجوده بلغتهم يجيبون الصحون ليه ما تعشيتو
فآطمه : نقدر نتعشى وامواج مو بينآآ
..
[ بـــأمريكآ ]
سآلم : رؤؤد كم بآقي بديت انعس
رائد : ساعه
رآكآن : الله يعين ظهري انكسر من القعده
رآئد التفت ع البنات ووجه سؤال لمي : مي كم نسبتح
مي : كم تتوقع
رآئد : عاد ما يطلع منج اممم 84 او 88
مي : ليه قالوا لك رائد لا جبت 94
رآئد : الف مبرووك عقبآل ما تكون نسبة الثانويه
رآئد ما اخذ راحته الا بعد ما ناموا اللي معاه خخخخخخ
مي : يبآرك فيك
رآئد التفت لرهف < ما كو شغل : و انتي رهف بتنتقلين ولا
مي : شكل سآمي ما خلى شي
رهف : لا ما بنتقل
رآئد : عفيه الشاطره
رهف : يآ حليلك يا رائد والله وكبرت وعلى بالك الناس كلهم جهال عندك
رآئد آبتسم و رد يشغل وقته بتليفونه
..
امممممم ننهي يآ قمورات واشوفكم يوم الخميس الجآي ان الله ارآد .. ما انحرم منكم ومن متابعتكم
السموحه ع القصور
أحبـــكم = $~
البارت 38]~
السسآعه 12 ونص بالليل وتحديدآ بغرفة فيصل < كان ع اللاب ]~
دق الباب
فيصل : تفضل
عزوز دخل ومو عارف شيقول اول مره يقسي على فيصل كان له الاب والاخ من صغره : كل عام وانت بخير فيصل
فيصل بقسوه ما كانت من قلبه بس بيحسس عزوز انه اذنب التفت له وقال : سمعتها منك لمآ كنا تحت ولا على بالك الكف اثر على سمعي !
عزوز مد لفيصل هديته
فيصل بدون ما يمد له ايده : شكرآ هديتك وصلتني وكانت ثمينه كآنت غير يا اخوي
عزوز وبدى يعلي صوته : فيصل لا تنكر انك استفزيتني
فيصل : عزوز واصله معاي لي راسي اطلع وخلني بروحي
عبد العزيز حط اللي بيده ع الطاوله و طلع وسكر الباب وراه
فيصل تنهد و قرر ينآم
..
كآنت قآعده على كرسي هزآز وضآمه رجولها وسآنده راسه عليه بتعب .. مريم رفعت راسها بعد ما سمعت تليفونها يرن .. [ المتصل مهآوي ]
ردت : هلا حبيبتي
مهآ بعتب : أفآآ يا مريم صار حالي حال الكل اعرف خبر ملجتج من أمي
مريم : مهآ تكفين والله ما ني ناقصه
مهآ : مريم فيج شي
مريم : فيه غيره نآصر الغبي
مهآ : الله وأكبر الحين نآصر صار غبي
مريم : ايه غبي وعشره .. تذكرين لما خطبني حمد ورفضته واصر ابوي انه يزوجنياه ابوي رفضه بعدها و انا يا غافلين لكم الله لما قبل شهر قالي سعد انهم رفضوه وقبلو بناصر .. كلهم يدرون وانا بضيقتي حتى نآصر معاهم و متفقين ان محد يدري الا لما يتخرج كل هذا و ما تبيني ازعل .. والحين انا ما بي ناصر خل يرجع ابوي بالسلامه ويصير خير
مهآ : مريم لا تهورين انتي تقولين هالكلام لانج معصبه على تصرفهم بس والله ان رديتي ناصر محد بيندم كثرج وربي ما تلقين احد يحبج كثره و كفآيه أنه الشخص اللي كنتي تتمنينه طول عمرج
مريم : ويحددون على كيفهم وانا مثل الهبله اطالع
مها : صآر اللي صآر
مريم : في وقت نغير اللي صار
مهآ : انتي رآسج يابسسس وصدقيني بتندمين تصبحين على خير < سكر وهي معصبه من مريم وعنآدها .
مريم رآحة لسريرها وانسدحت : آآآف مسستحيل يمشوني على كيفهم !
..
عند فيصل .. قآعد يتقلب بفرآشه ومو قآدر ينآم
قآم متوجه لغرفة عزوز .. فتح الباب بهدوء و دخل شآف عزوز منسدح وقعد يمه وقال : عزوززو
عبد العزيز مآرد عليه
فيصل يدري انه مو نايم : سآمحني و الله مآ اقصد
كمل فيصل بــ أمل انه يرد عليه : ولدك ما قدر ينآم ينتظر رضآك
عزوز ما قدر يستحمل نبرة صوت فيصل اللي تاثر فيه قام وضمه : مسمووح يا غالي
..
[ بــ أمريكآ ]
حجزوآآ شقه قبآل شقه رآئد
السسســـاعه 7 صبآحا بتوقيتهم
تِـِدريّ : لوِ قققلبيُ آمرنيَ ب نسييآنڪْ
آسقققيّ عروقههِ سمِ "
و آتبرىَ منههُ ’عششآنڪِ
مي قعدت وصلت ولبست بنطرون جينزسكيني عليه قميص ابيض قصير و لبست عليه حزآم تحت الصدر لونه تويتي ولفت على رهف اللي فيها نوم وقآلت : شرآآآيج
رهف : حلو بس برد عليج ألبسي عليه بلوفر
مي : لا مو برد بآخذه معاي ان بردت لبسته .. قومي البسي
رهف : روحي انتي انا بكمل نومتي < تغطت
مي : رهف وجع قووومي
رهف : آآآآوووف بنآآم
مي : نامي .. بس قوليلي البس كعب ولا فلات
رهف : يالله انك تصبرني .. فلات اريح لج
مي غطت رهف بمرح : الحين نامي هههههههه
لبست ملفعهآ وخذت تليفونها و شنطتهآ وطلعت من الغرفه لابوها بالصاله : يلا ننزل
أبوها : و الله مالي خلق .. شوي ننزل ماعليه !
مي : يآربي
أبوها : المنطقه هاديه والكوفي قريب من هني أنزلي و أنا بنزل بعدين
مي : أوكي
مي كانت متردده تنزل لحالها وخصوصا انها اول مره تزور هالبلد بس سمت بالرحمن و تشجعت ونزلت .. مشت ولقت الكوفي المطلوب .. المكآن فآضي تقريبآ قعدت على طاوله بــآخر الكوفي ..
الغرسون : قود مورننق
مي : هآلو .. قود مورنقق .. قف مي كوفي وذ آوت شقر بليز
الغرسون : أوكي
..
وهو نآزل اتصل على أبو سعد : هلا عمي ما ودك تذوق ريوقنآآ .. هههههههه ايه انا نازل .. لا خلاص تطمن كاني وصلت .. شفتهآ خلاص .. برآحتك .. مع السلامه
..
الجو كآن مطر خفيف .. قهوتها قدآمها و حآطه ايدها على خدها و تشوف قطرآت المطر و اللي يفصل بينهم زجآج ..
حست بأحد وآقف على راسها والتفتت وشآفته
رآئد بابتسامه : صبآح الفرح
مي : هلا رائد صبآح الخير
رآئد : مسموح لنآ نقعد ولا نضآيقج
مي : لا شدعووه حيآك
رآئد نآدى الغرسون : ون كبس أوف كفي وذ ملك امممم أند أي بآك أوف سجرتس
مي بصدمه : تدخن !
رآئد : يــس .. وحب يغير الموضوع .. هنآك مكآني تقريبآ هالكوفي أزوره يوميآ هادي حيل
مي : أهآآأآأ
..
ألهآم أتصلت علي مريم .. العصر
مريم ردت : يا هلا وغلا بعروستنآ
الهام : لا حنآ مغبرين .. مبروووك يا عروستنا
مريم : الله يبآرك فيج حبيبتي
الهام : اممممم شريتي شي حق الملجه ولا للحين
مريم : لا والله للحين
الهام : أنا بطلع السوق شوي شرآيج تطلعين معاي
مريم ما حبت تردهآ : خلاص أوكي
مريم تعشق نآصر بجنون .. بس فيهآ عناد مو طبيعي بتحاول بــ أبوها لي رد تفركش الخطبه باي طريقه بــ عذر محد يفرض علي شي ]~
نسب الخريجين نزلت ع النت
مهآ : 94
نآصر : 88
سآمي : 84
..
مهآآ قآمت ركض لامها وصرخت : تخرررررررررررررررررررررجت هههههههههههههه
ضمت امها وقعدت تبجي : مآآآني مصدقه 94 94 94
أمها : الف الف الف مبرووووووووووووك ربي ما يخسر تعب تاعب
سليمآن نزل من فوق : شششسآلفه
مها بفرح : طلعت النتيجه
سليمان : بشششري كم
مهآآ : 94
سليمآن : مبررروووووك الف الف مبروووك .. يلا بهالمنآسبه قووموا البسووا نتغدى برآآآ
مهآآ : اوكي بس ببشر ابوي اول < ورآحت تتصل على ابوها
..
بيت عبد الله [ ابو سلطان ]
بآالصاله كلهم قآعدين
سلطآن : مبرووووووك سآمي
سآمي : الله يبآرك فيك
منال بترفع ضغطه : يمه يمه الحمد لله ما سقط وفشلنا
سآمي حذف عليها المخده : اقلبي وجهج عني
ورآح يتصل على رآئد يبشره
..
دق تليفون رآئد
رآئد : هلا وغلا بـــ أحلى أخوو
سسآمي : كلام ما ينفعني انا هديتك توصلني جو بر بحر
رآئد : ههههههههههههههه بشر
مي ماتت على ضحكته ]~
سآمي : نجحت الحمد لله 84
رآئد : مبروووووك الف مبروك .. وناصر ومها
سآمي : مهآ 94 و نآصر 88
رآئد : يلا الحمد لله الله يوفقكم جميعآ
سآمي : اللهم امين
..
بيت [ ابو نآصر ]
ورود : لا والله ظلـــــم مآ يصير
نآصر : منقهره خخخخخخخخخخخ
أبو ناصر : شعليج انتي تخرجي ولج السيآره اللي تعجبج
..
عند مي ورآئد
مي : امممممم أنا برجع أريح بآي
رآئد قآم : لحظه اوصلج
المطر للحين ما وقف الجو كآن رهيب
طلعوا .. و مي لبست بلوفرهآ .. رآئد فتح شمسيته اللي نصها تغطيه ونصهآ تغطي مي ومشى يمهآ]~
..
عند مريم وكآنت تقيس نفنوف فتحت الباب عشآن تآخذ رآي الهام
الهام بدهشه : يا ويل قلبي عليك يا ناصر عز الله راح فيها
مريم : الهام وجع
الهام : هههههههههههه
مريم عصبت : تدرين الشرهه مو عليج على اللي يوريج مالت < سكرت الباب عشآن تلبس ملابسها وتطلع
مريم بدآخلها : ما تدرين ان هالنفنوف لعرسج يا مدام الهام خخخخخخ
طلعوآ يكملون اكسسوارات .. بعد مآشرت مريم النفنوف و شرت الهام بعد
..
بيت أبو سعد :
أم سعد [ حصه ] : ها يا سعد مآ ودك تلحق ربعك وتزوج
سعد ابتسم لامه : تو الناس
حصه : الله يستر منك
سعد ضحك : لا تطالعيني جذي والله ما وراي شي بس ما لقيت اللي تستاهلني
..
[ بــــ أمريكآ ]
البنات بالغرفه ويزهبون شنطهم عساس بيروحون المطآر
وطيارتهم بعد ثلاث ساعات ظبط < طريق المطار يبيله ساعتين
رهف : وآآآآآه وأخيرآ بنرجع وقسم اشتقت لديرتي
مي : أي والله أول مره نطول جذي
رهف : تعالي ميوو ملجت مريوم الخميس و ما شرينا شي
مي : المطار ما يقصر يمكن نلاقي نفس ذيج المره
رهف : ههههههههههه وحنآ كل شغلنا بالمطار
..
أم سعد .. عزمت جيرانها و اهلهم بسسس و حجزت دي جي و عششآآ وخلصت كل شي
صحيح قلبهآ معورها على مريم انها توها صغيره بس تاكدت انها سلمتها لايآدي امينه
..
مريم رجعت من برآآ ونادت الخدامه : مــــيري
ميري : نعم مدآم
مريم مسكره على ضروسها : مدام بعينج .. ودي الاغراض فوق
بتصعد فوق وشآفت أمها نازله : على وين يالغاليه
أمها : رايحه أطلع بدلتي من الخيآط و أكد حجز الصالون تجين معاي
مريم : أهااا .. لا والله بطلع فوق اريح .. ايه صح قبل انسى ترى مي و ابوي راجعين بآجر
أمها : على خير ان شاء الله
صعدت مريم فوق .. وهي حآسه بفرحة الكل صوبها وخصوصا فرحة امها ما ودها تكسر فرحتهم
..
مطآر نيويورك [ البنات مــــآ عجبهم شي بالمحلات ]
رآئد ناداهم : صج بنات يا حبكم للحوسه يلا طيارتكم بعد نص ساعه عمي يبيكم
مي : اوكي يلا الحين رايحين لهم
رآئد شآفهم وهم رايحين وضحك على نفسه : هذا وحنآ متزاعلين لو رآضين جان قعدت بحضنها
"الحب"يصدر عن شعور
وأحاسيس
والبعد مايخلف من الحب
حاجة
البعد يتعبنا بكثر
الهواجيس
لكن نبي نرتاح يوم
انتواجه
إرتاح ياعمري تعوذ من
إبليس
راسي ما احد غيرك
"يكيــفمــزاجـــه"
..
بآالطيآره
مي يم أبوها
مي : بآبا غريبه رآئد مو رآجع
سالم : بيرجع قريب ان شاء الله
مي بلهفه بس ما بينت : يعني متى
سالم : يوم الاثنين الجاي
مي: جــــــد
سالم : ايه ولحد يدري لانه بيسويها مفآجأه والحين اسكتي خليني انام
..
ملجت مريم بتعدي على خير ولا بتكمل عنآدها
حمد شبيسوي ؟
شبيصير بالشآليه !
أنتظروني يوم الخميس الجاي
البآرت الجاي غـــير :$~
فديت طلتكم وحده وحده =)
البآرت 39 ]~
بمطآر الكويت
السسسآعه 9 صبآحآ يوم الثلاثاء
سعد و سليمان وآقفين ينتظرونهم
سعد يضحك : بالله سلووم شيك ع الثنتين ريه وسكينه
وقسسسم اتحداك ان ما دفعوهم لين قالوا بس
سليمان : هههههههههههههههه
سلموو عليهم بحرآره
سعد : نورت الديره
ردوآ مي و سالم مع سعد .. و رهف و راكان مع سليمان
..
بيت أبوو سعد ]~
دخل عليهم أبو سعد ومي
سلمت مي ع الكل و بعدها ابو سعد لما وصل صوب مريم
حذفت نفسها بحضنه وبجت
سالم تألم ما يحب يشوف مريم تبجي بهالطريقه
سعد كسرت خاطره بقووه
سالم قعد وقعد مريم يمه و همس بأذنها : رضآي بزواجج من ناصر شقلتي
مريم بأنكسسسآر ما توقعت ابوها يقسي عليها وقفت وقالت : أهم ما علينا رضاك .. صعدت فوق و شعورها بالحزن ما تدري ليه .. ليه مو هذا ناصر يا مريم اللي تمنيتيه يكون لج وبسس لج بروحج ملكج وحدج أيه ابيه وأحبه و أعشششقه بس مو بهالطريقه كل شي صار غصبن عني انفرض علي ناصر فرض صآر رايي ما يقدم ولا ياخر ]~
..
بغرفة نآصر : والله شكلها مو بالعتني ابد بس مستحيل اقول لابوي اني هونت ! الله يعدي كل شي على خييير
..
بيت ابو سعد بالصاله ما بقى الا مي وامها
مي : مممممم يمآ وين الاقي البومات الصور
حصه باستغراب : ليه
مي : ابي صور مريوم ونآصر .. وبدت تشرح ,, شفتي الزاويه اللي هنآك بركب شآشة عرض لصور مريوم ونصور وهم صغآر .. من الاخر فضآآآيح
حصه : هههههههههههههه حسسبي الله على عدوج .. ماله داعي
مي : لا لا له داعي تكفين وينهم
حصه : اصعدي لغرفتي فوق تلقينهم بالكبت الوسطي الدرج الاخير
وقآمت مي تطلع الصور
وأتصلت عليهآ رهف عسآس يطلعون بآجر يشترون لملجت مريم ]~
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك