رواية عندما تضئ الشموع بيد الحزن -15
الجزء الثلاثون
دخل و كل خطوة تسبق الثانيه لجل يشوفها و يطمئن عليها قلبه مقبوض من يومين بعد ما تأكد إنها ما تبي تكلمه و كل ما أتصل على عمته تتحجج بإنها نائمه الكل يقوله بخير لكن هو كيف يرتاح قبل يشوفها بنفسه
تقدمته و فتحة له الباب أم أريج هلا يمه حياك
دخل الغرفه و شافها كيف متمدده على السرير و الشاش الأبيض يغطئ نص رأسها و طالع الفراغ تناسى وجود عمته و أنحنى عليها ضمها و بأسها فوق الجرح مشعل سلامات يا روحي
أريج إنخنقت بعبره و طالعة أمها الي أبتسمت لها و طلعة و سكرت عليهم الباب
مشعل أريج
أريج طالعت فيه بصمت و دمعة عيونها الجرح الي كان بقلبها ينزف أكثر من رأسها
مشعل و هو يلمس رأسها يعورك ؟
أريج لا
مشعل شلون طاح عليك ما أنتبهتي ؟
أريج لا كنت أدور الفرشه و ما أنتبهت
مشعل عض شفايفه بلؤم الفرشه الزرقاء ؟
أريج إيه
مشعل أنا أخذتها
أريج ليش ؟
مشعل ما كنت أبيك تهلكين نفسك بالرسم
أريج من داخلها كانت تصرخ معاد فيها تتحمل منه كل هـ الكذب قفلت عيونها بسقوط دمعه مؤلمه و راها جيش من الدموع
مد يده لعيونها يبي يمسحها لكنه تفاجاء بيدها تبعد يده بقسوة أريج لا تلمسني
مشعل بهت فيها ليش شو فيه ؟
أريج مو شئ يستاهل
مشعل أريج ترى والله أسف بجد كنت مقهور من الخط الي أنفتح و تقفل أعذريني نفسيتي بعد الدخان عدم
أريج شوف الجوال بنفسك ما وصلني شئ
مشعل اوكيه أنسي خلاص بس لا تبكي كذا ما يستاهل دموعك
أريج ماتبي تعرف من رد عليك و مسح السجل ؟
مشعل ما يهمني
أريج صرخة بصوت مبحوح بس أنا يهمني تعرف
مشعل كان مستغرب من عصبيتها زين قولي الي تبين بس بدون ما تصارخين بهدوء
أريج بصراخ مها عارف منو مها
مشعل بضيق اللهم طولك يا روح شلي جاب جوالك لمها
أريج قلت لك كنت عند عمي في المجلس
مشعل تقوم تفتح جوالك شل وقاحه ذي
أريج بقهر على غيره ليش ما قلت إنها تحبك ليش أتزوجتني و البنت كانت لك ليش تركتها
مشعل بعصبيه من قالك هـ الخرابيط أنتِ من حشى مخك أي حب و أي هباب
أريج و هي خلاص مجروحه طبعا شو هو الحب عندكم و لا شئ أصلا حتى ما تعرفوه تظن فلوسك أسفارك تغني بس مشاعر الناس شئ ما يهم
مشعل أسمعيني عاد من الأخير لو تبين أروح أسحب لك مها من بيتهم لين عندك عشان تفهمين إنها ما تعنيلي شئ سويتها هي تعرف إني ما أبيها و لا فكرة فيها يوم أمي الله يهديها هي الي أوهمتها إنها لي و إلا أنا ما أبيها
أريج بس خلاص هي حبتك و حلمت فيك سنين
مشعل بنرفزة و ذنبي أنا وش هو فهمتها بدل المره ألف إني ما أشوفها إلا زي مرام و ريم ما تفهم أقطع نفسي عشانها و إلا أروح أتزوجها و أنا ما أبيها
أريج إنفجرت مره وحده تبكي قهر و ألم تحبه تبي تصرخ في وجهه و تعترف بحبها الي ما يدري عنه لكنها قدام شخص ما يؤمن بالحب قلبها صار ضعيف بدونه هو مصدر قوتها ما كان قدامها إلا ترتمي بحضنه و تبكي و بصوت متقطع مشـ عــل أ...نا أحـ..... و أختنق باقي الإحساس
مشعل كان يضمها أكثر و بداخله يصرخ كمليها يا أريج تكفين تعبت أقراها بعيونك و الله تعبت خلاص لا تقولين شئ الحين أرتاحي....
**************
دخلت عليها بعد ما طلع مشعل من عندها و هي مستغربه سبب صراخهم الي كان عالي و مستغربه أكثر إنها ما رجعت معه البيت
أم أريج أريج يمه وين راح رجلك ؟
أريج البيت
أم أريج و ليش وجهك كذا متؤرم ؟
أريج بضيق تعبانه رأسي مصدع
أم أريج شلي صاير بينكم أنتم صوتكم كان عالي ؟
أريج ما فيه شئ هو زعل عشان الي صار لي
أم أريج و هي ما هي راضيه تصدقها و يزعل عشانك يقوم يصارخ عليك ؟
أريج يمه هو مواصل و تارك التدخين يعني كيف تبين نفسيته تكون أكيد عدم
أم أريج و راح البيت بدونك ؟
أريج بكذبه أنا قلت له يروح ينام بعدين أنا أروح المغرب الحين شمس ما أقدر أطلع......
**************
رمة الجوال بغيض بعد ما كلمها مشعل صدق تنرفزة و ما توقعت مها تكون كذا و تملك الجرأه ترد على جوال أريج و هي متأكدة إنه مشعل
ريم بغيض غريبه بنت خالتك هذي يعني تعرف إن مشعل ما يبيها و كمان ترمي نفسها عليه
مرام بواقعيه هي مالها ذنب كبرت و أمي تقولها أنتِ لمشعل البنت تعلقة فيه
ريم حتى لو خلاص أتزوج هو ليش تبي تخرب عليه ؟
مرام الله يهديها
ريم المشكلة الأن أريج شكلها ما تبي ترجع البيت
مرام معقول هي وش عرفها ؟
ريم مدري لا تستبعدين مها قايله لها شئ
مرام طيب هي شو دخلها بالماضي ؟
ريم أنتِ ما تعرفين أريج حساسه أكيد تفكر إنها جرحة مها بزواجها
مرام أصلا عمي مربي بناته أنهم ما يعيشون على سعادة أحد
ريم قلتيها بنفسك
مرام طيب ما أظن مشعل بيتركها أكيد بيرتاح و بعدين يرجع لها و يتفاهمون
ريم مدري والله وش رأيك أدق عليها ؟
مرام لا خليهم يتفاهمون لوحدهم لا تتدخلين بينهم.......
بعد جدال و صراع نفسي عميق قررت ترجع البيت بكل هدوء هي قالت لمشعل تبي ترتاح عند أمها لين يخف الألم لكن قلبها و راحتها عنده أكيد هو لسى نائم و إلا كان رجع لها او أتصل فيها ( أنا الي طلبته يترك التدخين يعني لازم أستحمل عصبيته و إلا بيرجع له مره ثانيه ) بداخلها كانت تصرخ [ لا تخربين حياتك بيدك يا أريج عشان وهم مها ]
أريج ناني رتبي ملابس يالله بنروح
فجر وين رايحه ؟
أريج البيت مشعل من الظهر و هو هناك لوحده
فجر بغرابه بس هو قال لأمي أنك بتبقين عندنا لين يخف جرحك
أريج بهتت يعني أمي تسألني و هو قايل لها و أنا مكذبه عليها هو قلنا كذا بس الحين أنا أحس أني بخير هي أمي وين ؟
فجر راحة مع أبوي لسوبر ماركت
أريج طيب سلمي عليها و إن شاء الله أكلمها قبل أنام
فجر أنتِ متأكدة أنك بخير ؟
أريج إيه
فجر طيب لو أحتجتي شئ دقي علي أي وقت
أريج اوكيه يالله فمأن الله......
****************
صايرة تتحاشئ الجلوس معها في أي مكان و تكره نغزاتها الي تسبب لها ضيق
أم مشعل على وين ؟
ريم بروح لفجر
أم مشعل و من متى هـ الصحبه ؟
ريم بضيع وقتي عندها و بشوف أريج
أم مشعل إيه بس أنتبهي لا تكون متعرفتلها على وأحد و ترجع لك الحنين
ريم بضيق بنات عمي عندهم أم ماليه حياتهم بالحب و الإهتمام ما يفكرون يدورون من برى
أم مشعل و أريج ليش ما رجعت البيت مع أخوك و إلا عجبتها الجلسه عند أهلها
ريم حبة تغيضها مشعل فديته قالها ما تطلعين من عند أهلك إلا بعد ما يألتم جرحك
أم مشعل إيه وش هـ الحنيه
ريم تستأهل أريج أكثر معوضه مشعل عن كل شئ....
*******************
دخلت الغرفه بهدوء بدون ما تزعجه شافته نائم بملابسه مكانها أبتسمت و قربت منه غطته زين و جلسة تتأمل ملامح التعب بوجهه و السواد حول عيونه ( و الله بسبتك صرت أعاني حتى الإبتسامه بالحسرة يا مشعل يا خوفي بعد ما تعلقت فيك تتركني و تروح صرت بين نارك و نار أمك الي كل يوم أتاكد إنها ما تبيني لك و إلا نار مها أكيد الحين الغيرة بتعمي قلبها لين تخرب علي حياتي ) إنتبهت للفرشاء الي كان ماسكها بيده و النوم مسيطر عليه سحبتها بحذر حطتها فوق رجولها و طلعت للمرسم..
**************
سالتها بتردد و خوف إنها تفهمها غلط لكن فجر الأن بس فهمت صحيت أريج الفجر و النرفزة الي ملازمتها من ذلك اليوم
فجر أجل خذيها مني أريج سمعتنا لما كنى في المطبخ و سالتك عن مها
ريم و إحنا ما أنتبهنى لوجودها
فجر يالله بس الحين فهمت هـ البنت
ريم أخاف تقول لمشعل
فجر لا ما تقوله بتكتم بقلبها أعرفها
ريم هي متى راحة البيت ؟
فجر من نص ساعة
ريم مشعل قالي بتبقى عندكم
فجر قال لأمي كذا كمان و قبل نص ساعة إلا هي داقه لسواق و رايحه مدري عنها بس أخوك لما جاء كان معصب و صوته طالع
ريم الله يهديهم مشعل لعصب ما يتفاهم
فجر خاطري أدق عليها
ريم على قول مرام خليهم يتفاهمون لوحدهم.....
*****************
بتكاسل رفع رأسه عن المخده و طالع الساعة الـ 09:50 مساء فز بسرعه و أخذ جواله الي كان ضابطه على 06:30 مساء ( افف لي وقت طويل نائم كيف ما صحاني المنبه الحين كيف أرجع لأريج بتقول تأخر الوقت و خل بكره كمان و لا ترضى تجئ معي ) على السريع أتوضاء و صلى فروضه رمى شماغه على كتفه و طلع مستعجل لنص الدرج و أنتبه لباب المرسم الي كان مفتوح و هومتأكد أنه سكره بنفسه قبل ينام خطئ قلبه قادته لجهته و أبتسم براحه و فرح لمنظرها و الفرشاه بيدها ترسم ضرب على جبينه [ الفرشاه نمت و هي بيدي كيف ما أنتبهت لها يوم تأخذها ] قرب منها بهدوء و ضمها من الخلف أريج شهقت بخوف لإنها كانت مندمجه بالرسم و لا حست بدخوله.......
***************
بالفندق دخل و أتمدد بسريره و ضم يده لصدره بدت تستجيب للعلاج و يخف الألم لكنه لازم يكمل فترة العلاج شهرين كاملة لجل يتلاشئ التشنج تماما طلع جواله أتصل في مشعل يتطمئن على وصوله
مشعل هلا والله
سلطان لا تكون نائم ؟
مشعل لا توي صاحي لسى بدري الساعة 11 ترى
سلطان ملان يا أخي
مشعل أنت من الفندق للمستشفى و من المستشفى للفندق روح أطلع أي مكان غير جوك
سلطان لوحدي نفس الشئ ملل
مشعل الحين صيفيه بتلقى عرب كثير بعدين مو أخر الأسبوع أخوك فهد جأيك
سلطان لسى اليوم السبت ترى وش رأيك تطلع أنت طيارة و تجئ ؟
مشعل و هو يطالع أريج بحذر و بصوت منخفض توبه أسافر قبل ما أكون متطمئن على السلامه من الأوضاع التخريبيه
سلطان بغرابه أي أوضاع ؟
مشعل بضحكة بطل لقافه
سلطان روح عاد تتكلم الغاز و تقول لقافه
مشعل إيه هذي الأوضاع ما يفهمونها غير المتزوجين بدري على العزاب الي مثلك يحلمون في العسل
سلطان فهم إن قصده المشاكل الزوجيه فضحك من قلبه مو بدري عليكم ؟
مشعل المحشي أكله في كل المواسم
سلطان ههههههه الله يقطع أبليسك و من الي قاعد يحشي من وراك ؟
مشعل مدري بس طعمه مو حلو مر و ربي......
*****************
من وقت رجعت البيت و هي تحس بالنوم طول وقت جلوسها عند أهلها و نومها خفيف و متقطع لكن وين تنام و مشعل توه صاحي و باين ما فيه نوم تحس من الصداع رأسها بينفجر غمضة عيونها بتعب و كان منتبه لها
مشعل فيك شئ حبيبي .؟
أريج بتعب لا ما فيني شئ
مشعل الجرح يعورك ؟
أريج شوي
مشعل متى بتفتحي الشاش عنه خلاص ؟
أريج بكرة عندي موعد لو ألتام أفتحها
مشعل الساعة كم ؟
أريج عادي تغيير أي وقت
مشعل خلاص العصر أوديك أنا
أريج طيب
مشعل طيب قومي نامي عشان تصحين مرتاحه بكره
أريج بكذبه لا عادي ما فيه نوم الحين
مشعل قام من على الكنبه و شالها من كرسيها لسرير عيونك مخدره فيها نوم
غمضة عيونها من قربه أنفاسه تحرقها تزيد نبض قلبها و تدفع الدم لوجهها نص جسمها ملامس السرير و الجزء الأخر لسى بين ذراعين مشعل .. ملامحها البرئيه نظرة الحب الي صار يقراها بعيونها تحرك مشاعرة نحوها بإندفاع حب و رغبه مشعل بهمس أريج
فتحة عيونها و كل إحاسيسها مخدره طالعت ملامحه القريبه منها بحب و نفس يتصاعد رفعت أصابعها و خللتها في شعره و تعانقة القلوب لحظتها.....
كم كنت أخشاك أيها الحب
تلك الحكايا التي فطرة القلوب
ضننتني فهمت الدرس منها و لن أعود....!!
***************
الجزء الحادي و الثلاثون
تنفسة براحه بعد ما تخلصة من لفات الشاش الي كانت تغطئ رأسها و مثقلته بألم رفعت يدها تتحس مكان الجرح لسى واضح و فيه بقايا ألم خفيف
مشعل و هو يطالع فيه و حب يخوفها مره عميق الجرح أكيد بينزف بدون شاش
أريج بس ألتأم الحين ما ينزف
مشعل لونه كمان داكن موف و أخضر و أحمر
أريج طبيعي من الضربه
مشعل كم غرزة خيطوك ؟
أريج سبعه
مشعل و هو مبتسم لإنه خلف أريج و ما تشوف ملامحه لو نزل شوي كان وصل عينك و راحة فيها و يمكن صرتي تشوفين بعين وحده
أريج و هي تلف الشيله سلامات يقولون بتهون علي مو تزيد عليه
ما سمعت له رد و ألتفتت شافة ملامحه الي كانت كاتمه الضحكة أريج تخوفني يعني ؟
مشعل هههههههههاااي
أريج بحزن ما أني جبانه شفة جروح و ألم أكبر منه تعودت......
********************
قلب الورقة الصغيرة في يده بنشوة فرح شيطانيه أخير حصل على عنوانها و لازم يشوفها في شغلات كثير لازم يحلها معها معاد يعنيه مشعل في شئ أهم نقطه صارت نفسه هو مشاعره الي أنجرحة بقسوة بس لمجرد إنه أقل من مستوى مشعل مادياً من يومها ما فيه شغله إلا عملها أخذ قروض دخل مشاريع بس لجل يرفع من مستواه الإجتماعي و يؤازي الي هم أعلا منه صعب على الرجل إنه ينرفض عشان الفلوس الي صارت تحكم العلاقات حتى الزوجيه...!!!!
****************
في السيارة تأملها و هي شارده تطالع الناس في الشارع لمس يدها عشان تنتبه له لكنه تفاجاء إنها شدت عليه بيدها بدون ما تلتفت
مشعل أريج
أريج و هي على نفس وضعيتها هلا
مشعل تبين أنزلك عند أهلك ؟
أريج ليش أنت تبي تروح مكان ,؟
مشعل بروح الإستراحة عند الشباب شوي زمان عنهم
أريج لا نزلني البيت أحسن ما فيه أروح و أرجع
مشعل و هو يشد على يدها تعبانه أنتِ حبيبي ؟
أريج لا مجرد إرهاق و يروح
مشعل طيب دقي على فجر تجئ عندك لين أرجع
أريج فجر عند ريم اليوم
مشعل طيب تبين أكل أشتري لك ؟
أريج بيتزاء
مشعل لا أنتِ ما تغديتي خذي شئ يشبع مو بيتزاء
أريج بدلع مشعل والله مشتهيتها تكفى...
**************
نزلت مع الدرج و الشغالة وراها شايله لها العباية و الشنطه طالعت الصالة بدون نفس و مرت عليهم بعد ما سمعت صوت ضحكهم المرتفع
أم مشعل بغرور بعد ما جلست بينهم شخبار أمك يا فجر زمان عنها ما تطلع ولا تنشاف ؟
فجر الحمد لله ما عليها هي ترتاح في البيت
أم مشعل بس عاد الواحد يطلع يغير جوه يقابل الناس
فجر تنقهر منها و تحب تسكتها دوم أمي ما تحب سوالف الحش في خلق الله و جمعات الحريم متعوده تطلع مع أبوي يعيدون شبابهم على طول بفرح الله يسعدهم
رمة شيلتها بقهر صدق هـ البنت طالعه لجدتها مستقويه أم مشعل إيه الله يهنيها يالله أنا طالعه تبون شئ يا بنات ؟
مرام لا
أم مشعل بخلي السواق يجيب لكم مها دامكم مجتمعات
ريم بقهر يمكن بنروح لبيت مشعل
أم مشعل خذوها معكم
ريم و إذا مشعل فيه ؟
فجر بثقه أصلا أريج و مشعل طالعين ما أظن يرجعون البيت بدري.....
*********************
شافها جالسة بالصالة و حاطة يدها على خدها سرحانه و تفكيرها بعيد جلس جمبها و مسك يدها
أبو أريج هدى
أم أريج هلا
أبو أريج وش أنتِ سرحانه فيه ؟
أم أريج أريج يا عبدالرحمن ما هي عاجبتني هـ البنت إحساسي يقول إنها ما هي مرتاحه مع ولد أخوك
أبو أريج تعوذي من أبليس وش هـ الكلام هذي هي في بيته معززه مكرمه ما هو ناقصها شئ
أم أريج بنتي مخبيه عني ضيقتها
أبو أريج زين هي شكت لك شئ منه ؟
أم أريج أريج ما تشكي بس عيونها فاضحتها كلامه أمس لي شئ و فعلتها شئ
أبو أريج الله يهديك بس يمكن هي قايله له بترتاح عندنا و يوم حست أنها بخير ما شافت لجلستها داعي و رجعت بيتها لا تكبرينها
أم أريج أنا أم إحساسي ما يخيب
أبو أريج الله يهديك بس البنت لو فيها شئ جأت قالت لك لا تؤهمين نفسك...
**************
بقهر شربة من عصير الليمون الي جهزته لها أختها رشفه و نزلت الكوب على الطاولة و هي تهز رجلها بغيض
أم مها طولي بالك
أم مشعل و هي تكبرها معاد فيها طولت بال يا ليلى فجر الي في عمر أصغر عيالي تقولي أنا حقة حش في خلق الله
أم مها جاهلة وش عليك من كلامها
أم مشعل إلا والله محدن مربيها عدل
أم مها خلاص أشربي عصيرك و ما عليك من أحد
أم مشعل لا و ريم كل يوم و الثاني يا رايحة لها يا جأيبتها عندها البيت
أم مها زين ليش ما تقولين لمشعل أخة زوجك تتكلم عليه
أم مشعل مشعل و هو وينه فيه هذا زين كان لسى متذكر أن عنده أم على وجه الدنيا من شهر لا شفته و لا زارني كله مطيح عند هـ الأريج
أم مها بمكر هي لسى ما حملت ؟
أم مشعل بكره ما أدري عنها حتى لو ما تحمل
أم مها و الله الي مثلها و تزوجن بشهرها حملن.....
****************
من كم يوم و هي الضيقه خانقتها و جاثمه على صدرها مثل حمل ثقيل حياتها من بعد الحادث عناء و تعب و في قرارت نفسها بدت تجزم إن تعبها زاد بعد ما دخل مشعل حياتها الحب لما يكون صامت يعذب و يقطع القلوب الي ما تقدر تنكر حبها و لا تعبر عنه ملت تفريغ لمشاعرها في الكتابه في الرسم حتى بإنشغالها بالبيت كل الي تتمناه إنها تحط عينها بعيون مشعل و تعترف له بكل صدق بحبها .. تنهدت بتعب و أخذة المصحف تقراء لها كم أيه تتغشى قلبها بالطمأنينة و السكينه,,,
،
،
،
،
طالع مع الدرج و كان ضيقة العالم كلها صبت عليه رامي شماغه على كتفه بإهمال و أزارير ثوبه العلويه مفتوحه و يتنفس بغضب لين وصل عند باب الغرفه و سمع صوتها العذب ترتل القران و إرتخت كل عضلاته ( القران يا مشعل متى أخر مرة قريته من رمضان لرمضان معقول أنا وأحد ميت لهـ الدرجة كله من هـ الإستراحة هي السبب في كل شئ لازم أبيعها و ريح رأسي من الي قاعد يصير فيها ) دخل بكل هدوء و هو شبه مغمض عيونه رمى شماغه و تمدد قريب من أريج و حط رأسه على رجولها.
أريج حاولت تتماسك من منظرة الي عور قلبها و كملت الأية على عجل لكن صوته سبقها مشعل كملي أبي أسمعك
كملت أريج قرأتها بنفس الخشوع و بدت تتناسئ وجوده لين غصة بدموعها و إختفى صوتها وسط صدمة الي تشوفه عيونها [ الخيانه صعبه على أي آنثى و في حالة أريج تكون أقسى لإنها تحسسها بالنقص ] غطة فمها بيدها تكتم شهقاتها الي بدت ترتفع و مقاومتها للغثيان و هي تشوف بقايا روج نسائي على كتف مشعل الي أبد ما كان في عالمها و لا حس ببكاءها و رجفتها
تكلم و كأنه متناسي كينونة أريج الإنثويه مشعل ما فيه بنت تستاهل إن أهلها يعطونها الثقه صايرات بدون حياء تطلع مع هذا و ترتمي على ذاك تبؤس و تضم وين أهلهم وين خوفهم من ربي قالبين لي الإستراحة مزبلة بنات..مشعل و بصوت مرتجف من الغضب أرتمت علي بكل وقاحة عبالها إني واحد من طينتها بسلم لها نفسي ما أخاف من ربي ما عندي زوجة تنتظرني
أريج أرتجف قلبها بس لمجرد إن وحده لمسة مشعل حست باللؤم لمجرد إنها شكت إنه يخون تمنت إنها منعته يروح الإستراحة حاولت تنطق أي كلمة لكن صوتها غاب وسط الظلمة....
*******************
بالمستشفى كان ضام يدها الصغيرة بين أصابعه و يتأمل ملامحها بصمت مستغرب كلام الدكتور له من دقائق ( صحتها الجسدية تمام و ما في أي سبب للإغماة لكن ممكن يكون السبب نفسي )
شد على يدها بعد ما شاف جفونها تتحرك و بهمس مشعل أريج
أريج بتعب فتحة عيونها و طالعت المكان أنا وين ؟
مشعل معاي حبيبي
أريج المستشفى ؟
مشعل إيه
أريج و بصوت يرتجف ليش جبتني هنا ؟
مشعل مسح على رأسها بحنان حبيبي بس يخلص المغذي نرجع البيت
أريج برجاء لا تخليني هنا مشعل
مشعل لا يا قلبي أنا معك ما راح أخليك
أريج و لا تقول لأمي شئ تكفى
مشعل من عيوني
أريج لفت بوجها عنه و نزلت دموعها أسفه مشعل.....
**************
قفلت الخط و هي مبتسمه على الي سمعته هذي فرصتها لجل تحقق حلم بنتها لازم توفر لها راحة و سعادة أكثر منها حتى لو على حساب تعاسة أريج الي ما تعني لها شئ إلا مجرد وجه سلب فرحتهم و دمر أحلامهم الي بنوها على وجود مشعل كـ زوج لمها يعوضها عن فقد الأب و عن كل حرمان شافته أو دمعه نزلت من عينها نسجة خطتها و هي متناسية تماما كم الألم الي عاشته أريج و لازالت تتجرع بسببهم أكثر,..
لازال وجه الألم لم يُفصح عن باقي ملامحه القبيحة حتى الأن.
****************
مددها بالسرير بحذر و كل همه يريحها نفسياُ من وهم حب مها له الي بداء يسيطر عليها
مشعل أريج أبيك تسمعيني للأخير بدون ما تقاطعين
أريج طيب
مشعل و هو ماسك يدها أنا عمري ما فكرت أتزوج من مها البنت ما يعيبها شئ والله يشهد و أتمنى إنها تتزوج واحد يكون أحسن مني لكن أنا ما أشوفها إلا مثل أخواتي كبرت و هي قدامي ما أبي أسي لها لكنها دائما تطلع لي بدون شيلة و كأنها ما هي منتبهه لوجودي ما حبيت حركاتها معي و كأنها ضامنه مصيرها لي قلت لها بصريح العبارة أنا ما أبيك و لا تبنين أحلامك علي لا تقولين حبتك و مشاعرها و هـ الكلام خالتي بنت أحلام بنتها من صغرها على الفلوس على مشعل الي بيعوضها حرمان أبوها بالهدايا و السفر و المركز مها لو أتزوجتها كان صارت صورة طبق الأصل من أمي كل أهتمامها السفر و الأسواق التباهئ بالي عندها يعني أنا بكون و لا شئ بحياتها مجرد ممول ماالي و بس..
أريج من أعماقها كانت تشعر بالسعادة لإعترافه لكنها حاولت تتأكد أكثر و تريح بالها أنت تقول طول عمرها قدامك معقول ما ملت لها لو يوم ؟
مشعل لا و بكل ثقه أقولها كل شئ نقدر نتحكم فيه إلا القلوب يا أريج ريحي بالك من هـ التفكير الي بيتعبك
أريج لو كنت أقدر أتحكم ما كان طحت في هواك ما أبي سعادة حياتي تكون بتعاسة غيري
مشعل أبتسم و باسها على جبينها يكفيه إنها تحس بالسعادة معه لو كنت مأملها بشئ لك حق لكن أنا ما أملتها يوم بزواج
أريج تنفست براحه و طوقته بيدينها يكفيها أعترافه أنه ما يبيها و لا يميل لها يكفيها إنه اليوم ترك الإستراحة و البنات السويات بس عشانها رجع و أعترف لها بالي شافة و أنه تركها بس خوف من ربه و لإنها تنتظرة..
************
الجزء الثاني و الثلاثون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك