رواية عشر اسباب خلتني احبك تسع منها مدري ليش -16
سبرايس مره ثانيه ....... هههههه ايوا بسوي روحي متفاجأ , تعالوا كلكم هاه ؟ كل الشباب ...... يلا مع السلامه ....... هاه شتبي ؟ (قال له المحلق , وطلال سكر بوجهه)
طلال ابتسم والتفت على الين : اتمنى انك استانستي بالطلعه ؟!
ألين و وجهها لما الحين احمر : مادري مين الي استانس انا ولا انت
طلال : ههههههههههههههههههه
ألين : ايه ايه اضحك شعليك
طلال بألم : أممم , يعني هذي اخر مره اشوفك ؟
ألين : ايوا , مابتشوفني مره ثانيه الا بالعرس بعد اسبوع
طلال : افف جد شريره , بس بتشوفين ان ماطلعت حرة الاسبوع فيك
ألين ضيعت السالفه : يلا انا بنزل سي يا
طلال : فمان الكريم
نزلت بيتهم
وهو راح بيتهم
صفحه ~
يوم جميل ومحرج
جميل : لاني قضيت امتع الاوقات بـ قربه
بـ قرب من احب
وهو طلال
ومحرج !!
لـ ذاك الموقف الذي حصل بالمجلس
أحب فارسي
توقعـآتكم !
الاتصال الي اتصل ع طلال!
رايكم بالعايله الجديده ؟
الاتصال الي اتصل ع فرراس !
مواقف اعجبتكم من البارت لوول
وبسس-_-
الفصل الثالث – الجزء الثالث
.
.
صفحه ~
تسير الحيـآة وتعمي أصحـآبها
بالهوى والمال والظلم والبنونُ
سُئلت الاسئله وعجزت أجوبتها
فما بقي سوى الكبر وسوء الظنونُ
سـكرت كـتآبهـآ ب ألم لهذي النوعيه من النآس !
يعيشون بـلآ هدف ..
وكل همهم كلمة [أكثر]
يبون مـآل اكثر .. وان اخذوا واكتفوا ! يريدون اكثر
بيوت اكبر .. عقارات اكثر ....!
ولاتنتهي كلمة أكثر .. ف جميع الناس يطمحون لهذه الكلمه
التي لا تنتهي ...... ونهايتها ؟! غير محدده !
طلب رب عائله فاحشة الثراء
من مدير الشركه ألا وهو دانيال
بأقتراحه لمصمم ديكور خبرته استمرت لسنوات
يصمم ((جزء صغير من بيته حديث البناء))
وداني على نياته قال لهم اعرف شخص تصميمه رائع
ولكن ماعنده خبره لسنين ألا وهي مصممة الديكور ألين !
وقال لها لاتحاتين قالوا لي جزء صغير توه مبني !
وبكل بساطه هذي عائلة أم وليد [الي شافت لمياء & سحر بالعرس !]
قصر في مدينة الخبـر .. طلبوا ألين مصممة الديكور !
لتصميم وهندسة وترتيب جزء جديد من بيتهم !
وبيتهم كل 3 سنين لازم تجديد وتوسعه !
ومـآ عندهم ابن غير ................ وليد !
ألين فاتحه لابتوبها : يـــآ الله كل هذا جزء صغيـــر ؟ هذا يقدر يسكن فيه 10 عوايل !
.
.
ام وليد ابتسمت بكل حنيه : وليد حبيبي .. انا شفت لك بنت حلوه تصلح لك , ونفس المواصفات الي تبيها
ام وليد الي يشوفهـآ مايصدق انها ام !
كأنها اخت وليد من اهتمامها بنفسها !
تموت بوليد وتدلله دلال ماصار ولا استوى !
وليد بغرور : هه مين بعد؟ ..
وليد عمره 27 ويشتغل مع ابوه بشركته الناجحه
بالنسبه لشخصيته هو من النووع الي يغازل ويتميلح ع البنات وطبعا شكله له دور كبير ومغرووور بشكل مو طبيعي ..
ابيض وشعره مائل للبني الغامق
جسمه رياضي وتفاصيل جسمه واضحه
ام وليد : لمياء عبدالله .. اكيد سمعت عن عبدالله ولا ؟
وليد بتطنيش : أي اعرفه ( ب برود) طيب في شوفه ؟؟
ام وليد : والله مادري ما اتوقع يرضون , خصوصا انك دائما تخطب وتفسخ الخطوبه او تشوف بالنظره الشرعيه ولا يعجبونك هذي اعراض بنات الناس ما يصيـ.......
وليد يقاطع : طيب يمه قولي لهم نبغـآ بنتكم وخلاص
التفتت ع بو وليد : وانت شرايك ؟
بو وليد يقرا بالجريده ولابس نظارته : على شنو ؟
ام وليد : نخطب لولدك
بو وليد دون مايرفع عينه عن الجريده : هذا وجهي اذا تزوج . بيضل يخطب بـ بنات الناس ويغير رايه
ام وليد : يعني اتصل ؟
بو وليد التفت عليها : بتكلمين ام عبدالمجيد ؟ توها مخلصه من عرس ولدها
ام وليد ابتسمت بغرور : انا ام وليد , اسوي الي ابي . حتى لو اخطب بنتهم بوفاة شخص عزيز عليهم مايهنمي . اهم شي الي ابيه انا . انا وبس
بو وليد متعود ع كلامها : طيب يا ام وليد , فصلي واحنا نلبس
ام وليد دورت رقم ام مجيد واتصلت .......
سحر : هــآي
ام وليد : السلام عليكم وين مدام ؟؟
سحر انصدمت : أوه مآآي قآآد , انا مو خدآمه انا سحر
ام وليد : اها سحر كيف حالك عرفتيني ؟
سحر : لأ مين انتي ؟!
ام وليد : انا ام وليد جيت عرس اخوكم ! شفيك نسيتي ؟
سحر بقلبها : اها الي عطتنا طاف !
سحر : ايوا ايوا عرفتك حيا الله ام وليد امري !
ام وليد : بغيت امك ! موجوده ؟!
سحر : اممم هي مو جنبي الحين , انا بسكر وبخليها تتصل عليك !
ام وليد : طيب شكرا
طوط طوط
ام وليد بقرف : مياعه ودلع مدري على ايش
وليد : مييين ؟ زوجتي ؟
ام وليد حست بألامل من كلمته وقالت من قلب : الله يسمع منك
رن التلفون
ام وليد : ايوا ؟
ام عبد المجيد : هلا ام وليد
ام وليد ابتسمت : هلا هلا .. اخبارك يا ام عبد المجيد ومبروك زواج ولدك
ام عبدالمجيد : الله يبارك في حياتك اخباركم واخبار وليد ؟
ام وليد مالها خلق هذره: الحمدلله تمام انا بدخل بالموضوع دون لف ودوروان
==> بسم الله
ام عبد المجيد : تفضلي ..
ام وليد : ولا اقول خلاص اجيك في البيت احسن , اجيك اليوم الساعه 7..
ام عبدالمجيد : على راحتك حياك الله..
ام وليد تبي تلمح : الموضوع يخص لمياء وان شاء الله نسبنا يشرفكم
ام عبدالمجيد فهمت : حيـــآك الله بأي وقت
ام وليد : اوكي يلا مع السلامه ..
ام عبدالمجيد : مع السلامه
.
.
بعد يوم كامل
وصل دانيال الى ارض لندن
واقف بالشارع ........
دانيال يكلم جوال : قرب ماذااااا ؟......(التفت)..... لآ اراك ؟ ........ (التفت يمين ويسار) اين اين ؟ ........... ( شاف وحده متحجبه تأشر له بيدها) نعم نعم رأيتك (وسكر منها)
راح لها !
دانيال : أهلا امي (سلم عليها وباس راسها)
الام : أهلا بك يـابني (كملت بلغه متكسره وهي تتأمله) ماشاء الله تبارك الله (كملت بلغتها) يا الهي , لقد اصبحت رجلا ياداني !
دانيال بإبتسامه حرجه : حقا ؟
الام : قطعا نعم , اني الاحظ التغييرات بتفاصيلها
حط يده ع خلفية راسه وهو مبتسم ومنحرج : حقـا ؟ (حاول يضيع السالفه ) أأأأ اين لورا ؟
الام : انها داخل المتجر مع ماندي و تشاندلر
دانيال عقد حواجبه : تشاندلر ؟ من هذا ؟
الام التفتت ع المتجر
وشافتهم وهم توهم طالعين منه
الام : هذا هو تشاندلر
كانوا بعاد عنهم شوي
ماندي : يا الهــــــي ! يالهي ! من هذا الوسيم قرب والدتك ؟ من الآن انه لي ! انه لي , اغمضي عيناك لن اسمح لك حتى برؤيته !
لورا استغربت وقالت بقلبها : طول عمرك نشبه
قربوا و وقفوا كلهم جنب بعض
ماندي ابتسمت : أهلا , اسمي ماندي هذه صديقتي لورا
دانيال خزّ قوّه بـ تشاندلر الي جا معاهم !
ماندي : لا عليك انه ....... (توهقت) انه صاحب المتجر ولا تربطني أي علاقه فيه !
دانيال التفت على امه : هل لورا تربطها علاقه مع هذا الشيء ؟
الام توهقت وناظرت الارض
ماندي استغربت ؟
اكيد لورا تعرف هالشخص لانه له حق عليها !
ماندي بصوت صغير : لورا من هذا ؟
لورا صرخت : اسمه تشاندلر , وهو افضل من المخلوقات الدخيله في حياتنا , لماذا اتيت الى هنا ؟ اذهب الى مقبرتك السوداء
دانيال ابتسم وقرب منها : والله وطلع لك لسان قدآمهم
ماندي اتفاجأت وتشاندلر بعد
مادامه يحكي عربي
يعني
هذا
اخوها
داني
ماندي : لورا ؟ هل هذا اخاك ؟
لورا توهقت : هاه ؟ لآ ....
قاطعتها ماندي : هل هذا ذا الشعر المجعد والبشره السوداء الداكنه المحروقه من حرارة جو الظهران ؟ لقد قلتي لي انه وُلد بتشوه خلقي في وجهه ؟ وايضا ذلك الحادث الذي افقده اطرافه ! لقد قلتي لي ان منتجو الافلام طلبوه في فلم رعب و .........
لورا التفتت ع ماندي : اصمتي (ناظرت داني وتكتفت ) ماذا تريد مني ؟ اوه ! او بالاحرى ماذا تريد منـآ ؟
دانيال : بعد اسبوعين سـ نعود الى الظهران , ودّعي اصدقائك و (ناظر المكان بإستحقار) هذه المدينه
الام تحاول تضيع السالفه : داني تعال اريد محادثتك قليلا
راحوا حديقه رايقه
قريبه من المكان
الام اعتنقت الدين الاسلامي
وتبي تسأله عن بعض الاشياء الي تخص الصلاه وكذا
بالصدفه شافوها ربعها فيبي وريتشل
وعلى طول يوم شافوا الولد عرفوا انه دانيال
وتعلقت عينهم فيه
الام : نغير الاتجاه ؟
دانيال : بالطبع
وظلوا يتمشون ويسولفون
في مكان اخر
ماندي : لماذا تكذبين يا لورا !
لورا : ماندي انتهى الموضوع (التفتت على تشاندلر) لماذا لم تتكلم ؟ حتى لم تدافع عني بكلمه !
تشاندلر توهق : ماذا تريدين ان اقول !
لورا بسخريه : هه أين كلمتك ؟ لورا ستبقى بـ لندن وتشاندلر سيتحفظ بـ لورا ؟ لا ارى أي حفظ ولا دفاع ولا أي شيء من هذا القبيل
تشاندلر : لاني احترمه يا لورا , انه يكبرني بعدة سنوات
لورا : عذر جميل !
تشاندلر قرب منها : صدقيني يا لورا اني لا اكذب (قرب اكثر) وانتي تعرفين اني احبك كثيرا (قرب منها بيطبع قبله على جبينها)
بس جاء دانيال وفرقهم بإيدينه
تشاندلر توهق وناظر الارض
دانيال التفت على لورا : لورا لقد قررت شيء مع امي !
لورا بتطنيش : ماذا ؟
دانيال : سـ نعود غدا الى الظهران
لورا صرخت لدرجه كل الناس التفتوا عليها : ماااااذاااااااا ؟
دانيال : اخفضي صوتك , اننا في مكان عام
لورا : ولكن ........
قاطعها دانيال : الموضوع غير قابل للنقاش , سـ نعود الى المنزل وستقومين انتي وامي بتحضير حقائبكما وسنرحل غدا
لورا : ولكن دانيـ.......
قاطعها بـ حده : الموضوع غير قابل للنقاش
لورا باللغه العربيه : لاتفشلني , كافي علي الي سويته , المفروض تكلمني بـ لغتنا عشان لا اتفشل !
دانيال راح ولا عطاها وجه
تشاندلر انسحب بهدوء
لورا لحقت داني الي عطاها ظهره ومشى
مشت وراه وتمسكت بظهره بقـوه
هو وقف من حركته واستغرب منها
لورا : تكفى تكفى ما ابي ارجع
دانيال التفت عليها ومسك وجهها بيدينه ورفعه لمستواه
وقال : لورا قوليلي فيك شي ؟
لورا دمعت عينها وهي تشوف اخوها
دانيال خاف اكثر : طيب تعالي نروح البيت
لورا هزت راسها بالايجآب وراحوا كلهم !
ــــــــــــــــــــــــــــــــــــــــــ
في البيت
ريما تتذمر بالصاله : ياررربي ياررربي , دانيال له يوم كامل ماجاء الشركه
فارس : اولا اسمه المدير دانيال , ثانيا (كمل وهو مستغرب) قلتيها يوم وآحد !
ريما التفتت عليه بقوه : حسبالك يوم واحد شوي ؟ انت اصلا ماتدري شنو نقدر نسوي باليوم الوحد , نقدر نجيب البضاعه الي طلبناها , ونتصل مع شركه للتبادل , نوظف الموظفين الجدد, ونستقبل مندوب من الشركات العالميه لانه جاء زارنا ! واشياء كثير كثير ماتقدر تتخيلها !
فارس : امممم صراحه عنوان رآئع يصلح حق مقالة اليوم !
ريما : فارس وجع , انا جالسه افضفض مو كل كلمه اقولها تروح تكتبها بالجرايد
فارس : انتي وش دخلك ؟ اصلا الكلام الي اسمعه هو رزقي , اكتبه وانشره ويعطوني فلوس !
ريما سرحت : تتوقع راح يجي بكره ؟ او يمكن يتصل علي (ابتسمت) عشان يتطمن ع المواعيد و .........
قاطعها فارس وهو يكتب بـ ورقه : رجل الاعمال دانيال تجمعه علاقه وديّه مع السكرتـ......( انلاح ع راسه علبة كلينكس ) آآآه عورتيني
ريما : من جد ما ينقالك شي ! مالت عليك وعلى جرايدك وعلى مديرك الي يوظف اشكالك !
فارس كتب مره ثانيه : سكرتيره في شركه معروفه تشتم ......
قاطعته وهي تصرخ : آآآآآآآآآآآآآآه (ضربت رجلها بالارض) انا مادري كيف تحملتك في بطن امي
ـــــــــــــــــــــــــــــــــــــــــــــ
لمياء : مااامااا ماخليتها تجي الا 7 اليوم بيجي مجوود
ام عبدالمجيد : لميااء معليش بس بتجلس شووي
لمياء : ماااماا ايّ شوي ؟؟ كأن اول مره ناس يتقدمون لي , نسيتيهم كيف طولوا الى 10
ام عبدالمجيد : بس ام وليد ماراح تخطب رسمي بس جايه تشوفك وتتكلم معي
لمياء : طيب ماما ونشوف آخرتها
سحر : hi every one ..
لمياء : اوووف مره مروقه مو فاضيه لك ..
سحر : ليه شصاير ؟
لمياء : وليد .. وليد ذاك ولد الخبر بيخطبني
سحر : وآآآآو وناسه هو كيوت ولا ؟
لمياء : ايّ كيووت ؟؟ انا ما احب هالاشكال بعدين ابي واحد اسمر نفس مجود
سحر تغمز : شالانحررراااف لمووي احد يحب اخوه
لمياء : بلا غبااااء وبعدين ... (ماعرفت شتقول وقالت الي بقلبها ) ابي واحد مثله وبس . من كثر ماكلامنـآ حيل متداخل وشخصيتنا وحده احس الي بشكله بيطلع مثله ويفهم علي
سحر : اممم صدقيني وليد راح يحبك وانتي مره حلووه
لمياء التفتت ع سحر : مين المنحرف الحين ؟
سحر : هههههههههه
فراس دخل البيت : السلام عليكم !
الكل : وعليكم السلام
لمياء بحده : وين كنت ؟؟
فراس وهو يمشي : مع ربعي , بروح غرفتي !
راح وعلى طول بدأ المكآلمه
اتصل على نفس رقم البنت ~
فراس : الو
...... : أيـــوا ؟ ؟
كـآنت كلمه قصيره (ايوا ؟) ولكن قدر يطلع الفروق المليون
بينها وبين المكالمه السابقه
صوت هالبنت مررررره نــآعم وينطق بالانوثه
فراس تمالك نفسه : بس كذا اسولف او اتعرف
... : لو سمحت مين معاي ؟
فراس حس الصوت غير وحتى الاسلوب : أأ انتي متصله على جوالي
... : اسفه اخوي يمكن بالغلط
فراس : طيب جوالك كان مع احد ؟؟
... : اخوي انت غلطــآآن
فراس سمع صوت من غرفة الي تكلمه : هــــــــــــبه سكري الموبايل امي تبغاك ضروري
فراس ابتسم: هــــــــبه
هبه : لو سمحت اخوي لا عاد تتصل ع الرقم انت غلطان مع السلامه
سكرت بوجهه
فراس حس انها تستهبل عليه
ولما الحين ماشالها من باله ~
ـــــــــــــــــــــــــــــــــ
جيت وش جابك حبيبي ؟
من بعد طول المغيبي ؟
ولآ نـآوي ياحبيبي , تغرق الغرقان [ أكـــثر ]..~
رن جوال طلال بـ نغمة الاغنيه ^
طلال راح لجواله بسررررعه
لانه مخصص هالنغمه لـ الين !
الي مصممه انهم ماينجمعون طول الاسبوع
ولا يشوفها ولايكلمها الا يوم العرس
رفع الجوال بـ كل أمل
وجـآوب دون مايشوف الاسم !
طلال بـ هيام : هـــلآ باللي سبا قلبي وخذني حسنه بقوه
ألين : .............................
طلال بصوت وهـ : وحشتيني !
ألين : .................................
طلال : الين حياتي , وينك ؟ ردي علي !
ألين بصوت رجولي غريب : خخخخخخخخخخخخ تكفى تكفى عيدها الشباب يبون يسمعون (ضغطت على شي) يـلآ حطيت سبيكر عيد الكلام خخخخخخخخ !
طلال استغرب وصار وجهه كذا :|
قال يمكن انه يتخيل من كثر الشوق
طلال يبي يتأكد : أ أ لــ ـو ؟ الين حبيبيتي ؟ شفيه صوتك صـآير ( حب يكون مؤدب بالكلام) صاير غير ؟؟
سليمآن : انا سليماااااااان يالخبل ! خخخخخخخخخ
طلال
بعّد الجوال من اذنه وشاف الشاشه
" المحشش "
طلال رجع الجوال عند اذنه
سليمان : خخخخخخخخخخخ طلوول لايفوتك الشباب متسدحين ضحك , اجل طلال بـ شحمه ولحمه يقول هالكلام خخخخ
طلال اتفشل : يلا باي باي , حسابي وياك
سليمان : وجهك يابو الشبااب
طلال : يلا باي سليمان انا مشغول
سكر وحس بـ خيبة امل
بس هو متأكد انه مخصص النغمه لـ الين
فتش بـالجوال بيتأكد
وطلعت المفاجأه ان هذي النغمه العامه لجميع الاتصالات
تحطيـــــــــم ~
ـــــــــــــــــــــــــــــــــــــــ
فهد بضحكه شيطانيه : ههههههههههههههه , ان ماخليت شركة دآنيال تقول ارحموني , ما اكون فهد ولد منعم
منال : ههههههههه طول عمرك رجّال
فهد : اييه افا عليك اعجبك , اجل رايح لندن ! ( حط يده على خده) ولا بالله شنو بيسوي بـ لندن؟ غير الهيات ؟
منال : هههههه من جد !
فهد : إلا اقولك , لما الحين ع الخطه ؟
منال : ايه افا عليك , رايحه لبيت الين اليوم ! , واوريك فيهـآ !
ــــــــــــــــــــــــــــــــــــــــــــــ
عند وصول المزمزيل =P
ام عبد المجيد : يا هلا بأم وليد , حيا الله من جانا
ام وليد : الله يحيك ,صراحه انا ابي ادخل بالموضوع على طول
ام عبد المجيد : تفضلي
لمياء دون ماتنتبه : مـــآآمآآ وين سحر (انتبهت ان ام وليد موجوده ) السلام عليكم
ام وليد بإبتساامه كبيره : وعليكم السلام ماشاء الله عليك يا لمياء سبحان من خالقك على هالحلى
لمياء بخجل : تسلمين خـآآله (التفتت على امهـآ )
ام عبد المجيد : سحر تلاقينها بره بالحديقه ..
لمياء: طيب
بعد ماراحت لمياء ..
ام وليد : انا ابي لمياء لولدي وليد ..
ام عبد المجيد : لنا الشرف يا ام وليد بس خليني اخبر ابوهـآ
ام وليد : وترى حنا مستعجلين يعني نبغا العرس حدود الشهر هذا ..
ام عبد المجيد : بس تونـآ مخلصين من عرس عبد المـ..
ام وليد ظهرت شخصيتها الي كل الحريم تتكلم عنها وقالت بحده : ام عبد المجيد , احنا شااريين بنتك واذا ع الفلوس عندنا خير والحمدلله
ام عبد المجيد تدري اذا قالت بتفارق اخوانها ماراح تتأثر .. عشان كذا جاوبت : ان شاء الله وراح اخبر ابوهـآ
طلعت ام وليد ومرت ع الحديقه وكانوا لمياء وسحر جالسين ع الكراسي واول ماشافوها وقفوا
ام وليد ابتسمت وطلعت
سحر : غررريبه طلعت مبكر
لمياء : تعالي ندخل
توهم بيدخلون الا احد يسحب شعر لمياء على خفيف من ورا
لمياء عصبت : فرااااس ..... (التفتت وشافته مجيد) مجوووووووود
سحر ناظرته بإشمئزاز كأنها تقوله خير ؟
عبدالمجيد : اخباركم ؟ مافضى البيت من دوني
لمياء : قيمتك موجوده شخبارك وشخبار العروسه ؟
عبير طلعت من ورا مجيد : هــلا
لمياء : اهلييييييييين عبير اخبارك ؟؟
عبد المجيد تغير وجهه لما شاف سحر : وانتي اخبارك؟
سحر بإستحقار : ليه تسأل ؟ اصلا مايهمك اذا انا كنت بخير ولا بـ شر , ولا تحشر نفسك بشي مايخصك
عبير استغربت ردة فعل سحر
لمياء لاحظت استغراب عبير وقالت : لاتخافين دايما كذا
عبد المجيد : بجد انا مو رايق لك ! جاي مبسوط ابي اسلم بس على اهلي
سحر عصبت : وانا بنت الجيران يعني ؟ ليه انا مو من اهلك ؟
عبد المجيد : جيناك يمين مابغيتي ! ويسار مابغيتي ! شتبيني اقولك ؟
سحر تبي تصطنع مشكله : احترم نفسك مابي افشلك قدام زوجتك
عبدالمجيد ضحك ضحكه من قلب : ههههههههههههههاااااي .. تفشليني ؟؟! منو الي لازم يفشل الثاني ؟ (قرب فمه من اذنهـآ) ماشاء الله عليك اخبارك منتشره بإستراحات الشباب (بعد عنها) والله لو ابوي يعرف !
طنشها وراح هو وزوجته ولمياء داخل
وظلوا يسولفون
وابو عبد المجيد دخل وانضم معاهم
أمـآ عن سحر . رجعت للحديقه وهي مو عارفه شنو تسوي
الا انها تقول : الله ياخذ ياسر كله منه , مالت عليه من حلاة وجهه الي كأنه قرد جد سخيف (فكرت شوي) ولا يمكن من سامي ؟ (وشهقت) او بندر (حطت يدها ع فمها) معقول يكون نواف ؟ الله يسامحك ياهنوف محد وداني للطريق هذا غيرك اوف
عند الاهـل ..
عبير تهمس : مجيد فسر لي تصرف سحر
عبدالمجيد : مراهقه ماعليك منها
عبير : هذا كلام وحده مراهقه بالله ؟
عبدالمجيد : خلاص لاتجيبين طاريها
فـرآس نزل من الطابق الثاني وسمع اصوات بالصاله
شاف اخوه راح له وسلم عليه
فرآآس بإبتساامه : هلآ والله (وقال بمزح) ليه جااي ؟
عبد المجيد : اشوفك تكابر ؟ وين الكلام الي ع الكوشه ؟
فراس يسوي روحه مايدري : أي كلام واي كوشه شكلك خرفت (همس له) مجود ابيك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك