رواية قل لها المجنون وصاني وهو يعنيك -23
حمداان: ماحب احجي عن نفسي وايد خلي الايام تحجي عني امممم يلا استودعج الله بسير عند اخوج لايجي وياكلني
واول ماطلع البنات ماليات المجلس
خلود: يااااااااااااااااااهوه والله اخذتي هالمتعصم رحنا وطي
ربى وجهها ذايب من الحياء
شوق: وي وي ربى بتسيرين للامارات وبتحجين مثلهم يابنت عمتيه
شيخه: حقوق اللهجه محفوظه لنا لاتشوهينها
شوق: ههههههههه احس اني بنقاليه كلامي مكسر وانا احكي اماراتي
الكل ضحك على شوق
ريما: ان شاء الله الاسبوع الجاي نفرح مثل هالفرح
روان: امييييييييييييين
ريوف: ياهبله تقصدك
ريما : لالا انا اقصد خلود مرت اخوي عادل
خلود: هههه طاحت على راسك
روان: لالا على روسكم ثنيناتكم اللي سمعته ان ملكة ياسر وعادل بيوم واحد كونهم اخذين خوات
شوق: هههههههههه حلووووووووووه طاحت عليكم كلكم
بدور: هههههآآآآي ياكثر اللي بتطيح على روسهم
شوق: احم احم ناوي لك على نيه بس انت اصبر شويه
ريوف: من اللي انتي ناويه عليه
ريهام: اكيد علاوي
شوق: علاوي الله يفرج عنه
روان: وشوووو
بدور: اي صح بقولكم اليله شيخاني بتودع السعوديه بنسهر معاها سهر محترمه
شيخه: هيه صاجه بدور نبيها سهره وداعيه
ساميه: انا اعذروني تعبانه لازم اروح
هيام": بناااااااات ابشركم بصير عمه
روان: وشو ساميه حامل مبروووووووووووك سوما ليه وماقلتي لي
ساميه خجلانه: اممم ماجاء فرصه
روان: ماعلينا المهم مبروك ياقلبي
ساميه: الله يبارك فيك
خلود: على وين لولو
لولو: لالا بس معي تليفون بطلع ارد وجايه
خلود: اها
لولو: منو شيخه .. ياخي بكره بيروحون ليه ماتقدمت لها ابوها هنا وامها .. يوه منك اي تهبل .. ياليل مطولك عيسى كلم حمدان وشوف وش يقولك .. اي اي خلاص انا بكلم شيخه وبرد لك خبر .. اي خلاص في امان الله
ولفت وجهها بتمشي والجو بارد وهي لابسه صيفي شاافت بدر واقف ينتظر ساميه ويناظر فيها بنظرات غريبه
تجمدت لولوه مكانها
ابتسم بدر: ياليل مطولك
انقهرت لولوه منه وراحت ركض داخل
اليوم الثاني
قبل رحلت حمدان واهله
ابو ماجد حاكى ابوحمدان على عيسى وشيخه ووافق
وقرروا يروحون هناك بالامارات خطبتهم
الليل تقدم تركي واهله لاهل بدور رسمي
ابو تركي:والله يشرفنا يا ابو ناصر انت وابو خالد اني اطلب يد اختكم بدور وللمره الثالثه نقول لكم إحنا شارينها وتركي ولدكم ورابي بينكم وانتم اعرف بأخلاقه
ابو ناصر :والله يا اخوي احنا
علي طلع براء واتصل على ابوه
ابوناصر لحظه معي إتصال
ابو ناصر: هلا
علي من رقم غريب: يبه انا علي لا ترفض تركي يبه اوعدهم خير
ابوناصر: بس
علي: يبه انا اقولك السبب اذا راحوا وراح تشكرني يلا مابي اطول عندك رجال
ابوناصر: طيب طيب يلا في امان الله... ويلف وجهه لبو تركي
ابو خالد: عسى هالاتصال خير
ابوناصر: الخير كله ان شاء الله
ابو تركي : مارديت علينا
ابو ناصر: اوعدكم كل خير ان شاء الله انتظر علي يومين كذا ويجيك ردي
ابو خالد: ابو نااااصر
ابو ناصر يطالع في ابو خالد وبلغه صارمه: امهلوني يومين
علي وهو داخل مستانس وغمز لتركي وناظر فيه نظرة رضى وتركي موفاهم شيء رن جوال تركي وكان المستشفى
تركي: وشو حادث الدكتور معااااذ خلاااااااص انا جاي الحين لالا لاتسوين شي كلها 5دقايق وانا عندكم
طالع فيهم: اسمحوا لي هذا صاحبي مسوي حادث فمظطر اروح له
ابو ناصر: اذنك معك .. وانت يابو تركي عشاك عندنا
طلع تركي مستعجل واول ماطلع سمع صوت صراخ ممزوج بضحك التفت يدور الضحك مافي شيء ذكر معاذ راح يركض وبعد شويات حس بحركه وراء بيت الشعر بس مافي احد ركب سيارته وحرك واول ماحرك شاف وحده منسدحه على الاشجار وكان جنبها احد
عــــــــــــــــــــــــــــــــــــــــرفها بدور
وكانت هي ورنيم تهاوشها على الدبدوب
شاف شكلها بريئه كأنها طفله قد رنيم ابتسم وحرك وقبل مايحرك طلع كاسيت للمبدع سلوم االسلوم القوس قوسك فرماه عليها وحرك
طبعا بدور لفت نظرها وشافته هو ابتسم ودق تحيه ومشى
واول ماحرك شافت الكاست ماتدري ايش هو راحت ركض وشغلته
ريهام: ايش ذا
علي توه داخل: ايش بك كأن احد يلاحقك
بدور: لالا بس بشوفه
رنيم: هذا واحد رماه من السـ
بدور تمسك فم رنيم ووجهها راح سبعين لون
علي وهو فاهم السالفه: اممم اجل مايهم من وين جاء نبي نسمع ممكن
بدور: هااه اي عاتي
وحطت الكاسيت بالمسجل وعلى طول كانت القوس قوسك
القوس قوسك والسهام سهام سهامك
مالي على رمش المسله قوه
انا اسيرك واقفن قدامك
واللي تبي تسويه فيّه سويه
ضحك علي وقرب منها: القوس قوسك هاااااه
بدور وتسوي كأن مافي شيء : وش تقصد
علي: ههههههه ولا شيء ياعمتو بس بقوولك وقفتي معي وقفه هذاني بجازف بعمري لاجل اسوي في بالي وفي امان الرحمن
طلع علي وهو نازل مع الدرج صوت ابوه ينادي
علي : هلا يبه
ابوناصر: ممكن تفهمني ليه قلت لي اقولهم امهلوني
علي: اممم يبه انتم تبون عمتي تتزوج وتنستر وبس صح
ابو ناصر: صح بس لا تنسى ان ابو مساعد كلمنا فيها وبعد بكره وعدنا معه
علي وهو مرتبك: يبه بدور ماتبي مساعد وانا بحاول بطريقتي انها ماتطوف تركي
ابوناصر: هه ومن متى راي بدور يهمني بدور بزر ولا تعرف مصلحتها
علي: يبه تركي دكتور وانا اعرفه رجال مافي منه
ابوناصر: ومساعد ضابط
علي: بس بدور ماتبي مساعد
ابو ناصر: شوف ياعلي انت خليتني اكسر بكلمتي وعقابا لك ملكة بدور على مساعد يوم الخميس
علي وصوته بداء يعلى: يبه هاليوم لو صار افتح باب عزاء لي لاني راح اذبح نفسي
البنات وام ناصر وقفوا على الدرج
ابو ناصر: وش هالبزرنه ذي اذبح نفسي
علي: يبه انت ماعندك احساااااااس حرام عليكم مو كافي ريهام واحمد والحين بتذبحون بدور
طرااااااااااااااااااااااااخ كف قوي على خد علي
علي وهو يمسك خده : تذبحني وانا رجال بهالعمر يبه
ابوناصر: واكسر رقبتك بعد لو تفكر تكسر كلمتي
علي: الدعوه مو كسر كلام يايبه الدعوه كسر قلوب
ابو ناصر: قفل الموضوع ملكة عمتك يوم الخميس ومن مساعد
علي: على جثتي ان شاء الله
ابو ناصر: علــــــــــــــــــــــــــــــــي
بدور تنزل مع الدرج: لاتغضب ابوك ياعلي
علي: ولا كلمه وانتي منتي بزر تقدرين ترفضين بالقانون
ابوناصر: افى ياعلي بتدخل المحاكم بينا
بدور وهي شبه منهاره وتبكي: اتركه يااااااااااااااعلي خله يجوزني اللي يبي بس لاتغضبه
علي : لا لا مراح تتزوجين الا اللي تبينه
اندق الباب اللي كان فاتح مطرف واصواتهم عاليه
علي : من عند الباب
احمد: انا احمد
علي: اطلعن يابنات فوق وخليكي يابدور هناوادخل يااحمد
ابوناصر: ماشاء الله جاي فزعه
احمد": لا حشى ياعمي انا تو جاي و اصواتكم طالعه وحبيت اشووف ايش يصير
بدور: مافي شي يا احمد انتهى الموضوع
علي : من قال انه انتهى انا اشوفه تو بداء
ابو ناصر: علي اسكت مالك ومال العلوم
احمد: ايش السالفه
علي: بدور مراح تتزوج الا تركي
احمد: تركي منو
علي: الدكتور صاحبك ومساعد بدور ماتبيه وانتهى وقت العصر الحجري اللي نغصب البنات فيه
ابو ناصر : مابقي غيره والله انت ياعلي تفرض كلمتك علي
احمد: ياعمي كلش ولا الاجبار انا كنت احد ضحاياه لما كنتوا ناوين تجبرون بنتكم
ابوناصر: بسسس انتهى الموضوع وحياكم على ملكة بدور يوم الخميس على مساعد
بدور مكوكه على نفسها في طرف الصاله ضامه رسها على رجولها رفعت راسها وهي تبكي وبين شهقاتها: الله يرحمك يابو محمد مت وتركتني لعبه بيد عيالك
ابو ناصر الجبل أثرت فيه هالكلام
احمد وعلي وقفوا مصدومين من كلام بدور
بدور وقفت ومسحت دموعها وكأنها تداري دموعها وتوقف شهقاتها مو قادره
ابو ناصر : افى يابدور حنا ماقصرنا بحقك
بدور تلف وجهها له : آآآه وينك يابوي مت وانا صغيره مت ماعرفت قلبك وطيبته مت وتركتني اذوق المر من صغري وانا اتعذب محد حاس فيني وانت يا ابو ناصر ويش عطيتني اصلا فلوس ترسلها كل شهر انت واخوك الله يعافي ابو تركي وخالي يوسف هم اللي كانو دايرين بالهم علينا والا انت لاهي بشركاتك توك تذكر ان عندك اخت وجاي تزوجها بالقوه لو هي وحده من بناتك راعية مشاعرها والا انا عشاني يتيمه لي الله وبسسس
ابوناصر نزل راسه
علي : قلت يابدور غير تركي مراح تاخذين لو على موووووووتي وبحارب كل الكون عشان تاخذين اللي تبين
احمد: وانا معك ياعلي
بدور بدت تمشي بتطلع فوق غااااااااااااااااااااااب عنها كل شيء ماحاست الا بظلام دامس
احمد: بـــــــــــــــــــــــــــــدووووووووووووووووووو وووووووووووووووووووووور
علي واقف مذهووووووول
احمد: انت واقف تعال شلها معي بنلحق عليها
علي: الله يسامحك يبه شف جبروتك لوين وصلها
احمد راح ركض على الدرج : بنات نزلوا لي عبايه بسرعه
حذفت ريهام عليه العبايه : احمد
احمد: لبيه
ريهام: بليز طمنا ترى بالي مشغول
احمد: ابشري
لبسوها العبايه وشالوها وراحوا بها للمستشفى
الدكتور موسى: دكتور تركي ايش بلاك
تركي: هااه لا ولاشيء
موسى: تركي انت ايش قاعد تسوى احنا خلصنا
تركي: ها اي صح مشى وطلع وجلس عند باب الغرفه ونزل الكمام وحط يده على راسه
موسى: خلاص ياتركي ندري إنا طلعناك من خطبتك بس بجد نعرف علاقتك بمعاذ
تركي: لابجد لو ماقلتو لي بزعل
موسى: طيب انت تطمن انه بخير بس تحت تأثير المخدر
تركي : صح
موسى: تركي ايش بلاك انت مو طبيعي
تركي: وربك ما ادري ايش السالفه
موسى : تــــــركي
تركي: معك حق تستغرب بس مدري احس في شيء صاير بس مدري وش هو
موسى: هد ياتركي ان شاء الله ماصاير الا كل خير تركي قل لا إله الا الله
تركي: لا إله الا الله محمد رسول الله
موسى: يلا هيا نصلي لنا ركعتين شكر لله ونتحمد الله على سلامة معاذ
تركي: صدقت والله يلا مشينا
علي : دكتور طمنا
الدكتور: تطمنوا هي بخير بس هي فيها انهيار عصبي وباين انها مرهقه
علي: الله يعافيها طيب يادكتور مايصير ندخل لها
الدكتور : لا للاسف هي تعبانه بكره ان شاء الله من بدري نفتح باب الزياره
احمد : يلا ياعلي هيا للبيت
علي: ما ابي اروح لبيتنا اممم خلاص بروح لعبدالرحمن صاحبي ولا يهمك
احمد: ياعلي ابوك يبي له مسايس اسلوبك اولا غلط
علي: اقول ابوي هذا وانا اعرف فيه كلش ولايفرق بين حبيبين
احمد: حبيبين!!!!!!!!!!!!!!
علي: هااااه لالا ما اقصد يلا مشينا
احمد يفكر بدور وتركي وقصة حب اها وانا اقول ذاك اليوم ايش بلاه يوم قلت بتتملك
علي: يلا مشينا وانت روح لجدتي هذي هي في بيتنا ولاحد يوضح لها قولوا انها عند شوق وانا بروح بتاكسي
احمد: اوك بس انتبه لنفسك
علي : اوك لا توصي حريص
على الساعه 12 ونص
تركي:يلا موسى انا طالع
موسى:يلا وانا كمان طالع نتقابل بكره
تركي: على خير ان شاء الله
وراحوا تركي موسى
وفي صباح اليوم الثاني
احمد: ماشاء الله علاوي مصبح
علي: افى عليـك هذي بدووور الغالـيهـ
احمد:اي وانت الصادق يلا مشينا لها
بدور ماسكها شعرها فوق ومنزله خصله على وجهها وجالسه على السرير
إندق الباب عليها
بدور: منوووو
علي: انا واحمد
بدور: ادخلو حيـاكم
علي: لالا باين انك تمام حمدلله على سلامتك
بدور: الله يسلمك
احمد: ماتشوفين شر يالغلا
بدور: الشر مايجيك
علي: ها ايش قال الدكتور
بدور: اممم سمعت بيكتبون لي خروج
علي: اليوم؟!!
بدور: اي عدت على خيـر حمدلله
علي: حمدلله يلا نا بروح أشوف سالفة الخروج
احمد: يلا اطلعي بتنورين بيتنا يالغلا
بدور: بيتكم منور بأهله بو ابراهيم
احمد تنهد من قلب: آآه
بدور تقرب منه وتربت بيدها على ظهره: ايش بك يالغـالي
احمد: ما ابي اتعبك كافي اللي فيك
بدور: مافيني شيء قول اللي فيك
احمد منزل راسه
بدور: احمد ممكن يكون خيره طلاقكم
احمد يطالع فيها : وريـهام
بدور تطالع فيه بنظرات شك : ريهام لازلت تفكر فيها
علي جاي وسمع اسم ريهام ووقف عند الباب
احمد: آه.. ياعمه ريهام وانا من متى مافكرت فيها بس خوفي لآتقدمت لها بترفضني بحجة اني مطلق
بدور: لا ان شاء الله ماترفضك
احمد: لو رفضتني مدري ايش بيصير لي وقتها
احــــم احـــــم يلا ولله هالمستشفى شكلهم مو طايقينك من يوم جيتهم قالوا بدور من بدري كتبين لها خروج ( قالها علي وهو يضحك)
بدور: لا نا اللي ميته عليهم
احمد : لا عاد تحاولين شيلي قشك وبرا ههههه
بدور": ياويلي كأنكم حارميني من فندق خمسه نجوم
علي: شب شب هذا المستشفى قضيت فيه احلى لحظات عمري
بدور قامت وراحت تلبس عبايتها
علي: احمد ودها بيتكم واخذ جدتي وجبها لبيتكم
احمد بستغراب : ليه
علي يوطي صوته: ما ابي ابوي يستفرد فيها
احمد بتفهم : ولا يهمك ويلتفت على بدور ها خلصتي
بدور تسوي نقابها : اي خلاص لفت الغطايه على عينها ومشت وهم قدامها
تركي يوقف عند باب المستشفى ويطالع في ساعته 11 ونص اخيرا وصلت والله راحت علي نومه
شاف احمد وعلي ومعهم بنت شابه واضح شكلها من العبايه ركبت مع احمد وعلي وقف له تاكسي وراح لبيت عبدالرحمن صاحبه
تركي في نفسه : من ذي اللي معهم ممكن تكون اخت احمد والا لايكون بدور مدري ليه قلبي نغزني لازم اروح اشوف السالفه
نزل تركي وراح للكاونتر وسأل وبعد شوي عرف انها بدور وإنها من البارح منومه عندهم
تركي: ياهالعنيـده لايكون ماتبيني تضايق على الاخر
يـــــوم الخميس
في بيت ابو ناصر وعياله ابو مساعد وابوتركي متقابلين ابو خالد وعياله
علي دخال وباس راس ابوه وابو خالد وقاموا له كلهم وسلمو عليه
ابو ناصر": والله انا اوعدتكم كلكم بخير بس بعد التشاور عرفنا ان كلكم ماتنعابون
سكت ابو ناصر
علي: والبنت صلت استخاره وهذا رايها وإحنا مالنا يد فيه( وفعلا بدور مصليه استخاره وعلي عنده خبر)
تركي خلاااااااص شوي يموت اكثر من مساعد اللي يبي يتزوج وبس
ابو ناصر اعجبه كلام علي : ومثل ماقال علي ووالخيره فيما كتبه الله
ابو خالد : والمعنى؟؟؟!
ابو ناصر: مبروك عليك ياتركي
تركي من الصدمه جلس ماتحرك
علي راح له : مبــــــــــروك
تركي تو يستوعب وفز من مكانه : الله يبارك فيك
وقام الكل وبارك له حتى مساعد
وطبعا تحددت الملكه بعد يومين يوم الاحد
طلع علي من عندهم وراح يبارك لعمته
واتجه لبيت ابو خالد ونسى سالفة شوق وانهم مخبي عنها انه طالع من السجن وصل لحد بيت عمه وقف السياره واتجه لحد الباب المطرف ولقى ام محمد وبدور وام خالد وعبود وشوق يتعشون
راح علي ومسك عيونها
بدور: خالد
عبود: إجابه خاطئه
بدور: احمد
عبود: ايضا اجابه خاطئه ولاتقولين فروس
بدور: اممم اجل من
عبود: حاولي
شوق": انا اسهلها عليك واحد دخل السجن وطلع والكل عرف الا زوجته يحسبها مغفله طبعا هذا بأمر منه هو وعمته
علي تو يحس بوجودها فك يده
بدور : لحظه شوق
مشت شوق ولا عبرتهم
علي يعض على شفايفه
بدور: هونها ان شاء الله انا بتفاهم معها
علي: ياليت المهم مبروك ياعمتوو
عبود : صح بشر
علي: كل شيء تمام
ام محمد: من زوج ابوك ياعلي عمتك
علي: تركي ياجدتي
بدور استحت الكل بارك لها
علي : يلا انا طالع
طلع علي وهو يفكر في شوق وشلون كان مغفل هو وفكرته اللي تو يعتبرها سخيفه رن جواله ناظر بالمتصل ثم تغيرت معالم وجهه لشيء مبهم لاي احد يطالع من فوق الشبابيك ويطالع فيه
وكانت شوق في هاللحظات تطالع فيه من الدور الثاني وكانت تحس انه مو منتبه لها عكس الواقع انتبه لها علي ونزل راسها تحت كأنه يبحث عن شيء وشوق على نياتها طلعت طرف راسها من الشباكـ،ـ ومسك بيده حصاه (حجره) ورماها على غرفة شوق هنا شوق ذابت من الحياء وانقهرت
علي : هههههههههههه
فواز اللي كان على الخط: لالا باين منت بمعي انا اتكلم عن تجهيزات الزواج
علي: لا بالعكس معك بس شفت شي ضحكني بطريق
فواز: اها طيب انا رحت على المطبعه وكل شي تمام وشفت نسخه من البطاقات وهذي هي معي ابيك تشوفها
علي: اوك فواز انا جايك مع الطريق ونتكلم وجها لوجه احسن
فواز: اي احسن اوك انا انتظرك
علي: اوك في امان الكريم
روان: سامي هد الموضوع مايستاهل
سامي: قسسسسسم مقهووور منه
روان: صحيح الحركه تقهر بس اهم شي راحت خالتي بدور وبدور ماتبي مساعد وممكن خيره لها
سامي: بس حركه ابو ناصر في مساعد وابوه تتقهر
روان:" ما الومك بس خلاص احسن مافي الموضوع ان مساعد متفهم واخذ الموضوع بعقلانيه
سامي: بس هذا هو الشي اللي مهون الموضوع علي
راح يمشي على اطراف اصابعه وفتح ذاك الصندوق الذهبي اللي محد يتجرى يفتحه واخذ الغرض المقصود وقفل الصندوق ومسك شماغه ودخل اللي بيده فيه وتطمن ان اللي في باله نجح
سلوى: فوآآآآآآآز وش تسوي
فواز: الله يرجك كنت ابي امي وماحصلتها
سلوى وبنظرات شك : اكيد
فواز بكل ثقه: ليه عندك شك
سلوى: هاه لالا بس مدري فجعتني لما خفت اول مادخلت
فواز: دايم شكاكه يلا انا طالع يمدي علي وصل
يوم الاحد
كانت بقمة اناقتها بفستانها الاصفر ومسكتها الموف جالسه على طرف السرير
شوق: وااااااااااااااو عمتو تهبلين قسم خبال
بدور: يسلمووو حتى انتي تهبلين انتي وهالسماوي
اندق الباب كانوا فارس وعبود وخالد
خالد : مبروووووووك ياسيدة الحسن كله
بدور بحياء: الله يبارك فيك
فارس: لا والله بيتعبن الامهات اللي يبون لأولادهم وحده تشبه لك
بدور: بلا مبالغة يادب
اندق الباب
احمد: ماشاء الله ماشاءالله وش هالزين يالغلامبروك
بدور: الله يبارك فيك وعقبالك
احمد: عمتي تعرفين من ذي
بدور: لاوالله اول مره اشوفها
شوق : يي ياحلوها وياحلو براءتها ايش اسمك ياحلوه
انا اسمي بدور
بدور: اسمك بدور
بدور الصغنونه: اي وين خاله بدور
بدور: حشى طلعت خالتك قربي مني هالملامح تذكرني بأحد غالي على قلبي
شوق: بمين تذكرك
بدور: خل اتأكد بألاول انا بدور ياحلوه ايش تبغين
بدور الصغنونه وهي تمد باقة الورد : هذي هديه مني مبروك
بدور: يالبى انتي والله
ام خالد وهي داخله : اطلعوا ياشباب المعازيم وصلوا انزلوا مع هالباب لان الصاله فيها حريم وبيطلعون مع الدرج
خالد: امرك يا ام خالد قدامي الى الامام سر
ضحكوا اخوانه وطلعوا
دخلت وحده نزعت غطايتها
بدور: مووووووووقلت انا حاسه من تكون هالبدور
شوق : وهي تطالع في ندى هلا والله
ندى: انا ندى ام بدور والا ماعرفتيني يابدور
بدور: افى انسى روحي ولا انساكـ .. وسلمت عليها سلام حآآر
بدور: سميتيها بدور
ندى: قسسم ماطرى في بالي الا هالاسم بس مو انا اللي سميتها
بدور: اجل من سماها
ندى: تركي هو اللي اصر ان ماتسمى الا بدور
بدور: فديتــ وحست على نفسها وسكتت
شوق : كح كح فديتـ احم
ندى : لا يحق لها تتفداه هو زوجها ولا نسيتي اليوم الملكه والنظره الشرعيه
تغيرت ملامح بدور
ندى: بدور وش فيك
بدور: مافيني شي
ندى : افى بدور ياقلبي على بالك انا ما احس فيك ايش فيك كذا مرتبكه
بدور: خايفه
ندى: شي طبيعي تخافي قوي قلبك كلها دقايق وتنزفين
شوق : هدي عمتي
ندى : شوق انتي تمريض
شوق: اي وخلاص قربت اخلص
ندى : مراح تتحملين التمريض
شوق: لابالعكس بتحمل انا احبه ودخلته رغبه فيه
ندى : انا اقصد بعدين لما تتزوجي
شوق: لاياشيخه مستحيل اترك التمريض انا موتي ولا اتركه
ماحسوا الا بدخول مجموعة بنات
ريوف: مبروووووووووك عمتووو
ساميه: على البركه بدور
خلود: خالتي والله متغيره مرررره
روان: بدور ملكة جمال وهي ماحطت شي فمابالك بهالزينه
رُبى: اي والله صادقه روان
شوق:اذكروا لله و صلوا على النبي بنات لا تنضلون بدور
البنات:ماشاء الله اللهم صلي على محمد
بدور: بنات انا فاقده وحده
ندى : مين؟
بدور: ريهام
ريوف: مدري اولا كانت معنا
ريهام تمشي وتكلم نفسها ياربي وش هالظلام حاولت تمشي حتى يدها ماتشوفها فتحت شنطتها وطلعت جوالها واتصلت بماهر
ماهر : الو
ريهام وهي تبكي : ماهر الحقني
ماهر: انتي ريهام والا
ريهام: اي اي
طووووووط
ريهام : الله ياخذه من جوال خربان كل مره وهو طافي قسم ماعاد اقدر اتحمله وجلسة وضمة رجولها تبكي فجاءه قامت ودقت الباب بقوووه لكن لاحياة لمن تنادي
ماهر قام ركض وكانوا الشباب واقفين عند الباب
خالد بنظرات مبهمه: ماهر وش فيك
ماهر: هاه مافيني شي وطلع ركض مايدري وين يروح اتصل على ريهام كذا مره وكل مره مقفل
خالد يطالع في الشباب ": شكله مايطمن
ناصر : حتى انا كذا حسيت بس ماهر مستحيل يقول
علي: عبدالله تعاااااال
عبدالله : هلا علي وش بغيت
علي: اممم انت كنت جالس جنبه انا شفته لمى كلم ماتدري من كلم
احمد: الله يهداك وش هالسؤال
علي: ماتعرفون ماهر كثري ماهر عنيد لو تموتون مراح يقول
ياسر: استهدوا بالله الموضوع مايستاهل
علي: المهم عبود سمعت شي
عبدالله: اي
علي: وش سمعت
خالد : ياشباب المعازيم وصلوا
علي يخفض صوته : وش سمعت قلبي مو متطمن
عبدالله : مقدر اقول لك الا ان ريهام هي اللي كلمته بس وش قالت مدري لان قفل الخط بسرعه
علي : ريهااااااااااااااام
احمد: انت متأكد
عبدالله: اي وسمعته يقول انتي ريهام والا لا
علي: اانا طالع
احمد : وانا معك
علي بنظرات غريبه : بصفتك وش
احمد: بصفة ان ريهام غير
خالد: بس روحوا وفكونا بلا مشاكل
طلع احمد وعلي وكل واحد بسيارته
ريهام تحاول تشغل جوالها واشتغل طلعت رقم ماهر واتصلت وطفى من فوق وجلست تبكي من جديد
ماهر مقهور اتصل بهيام
ماهر: هيام وين ريهام
هيام: مدري ماشفتها من اليوم
ماهر: وشوو كيف يعني ماشفتيها
هيام: والله هي نزلت معنا من السياره وانا وريوف استعجلنا ودخلنا داخل ماشفناها تصدق حتى بدور سألتنا عنها
ماهر: وش تبيني افهم من هالكلام
هيام: مدري بس وين بتروح بروح اسأل عنها
علي اتصل على ريهام ولقى جوالها مقفل وماهر يرفضه كل مره وزاد بقلبه الخوف
احمد قلقان مايدري وين يروح اخيرا قرر يتصل بشوق ممكن تقول له
احمد: الو
شوق: هلا
احمد: شوق روحي بعيد عن المسجل ابيك بموضوع خاص
شوق: اوك ثواني ... وبعد ثواني.. هلا احمد وش بغيت
احمد : ريهام ..وبعدين سكت وفي نفسه ياربي وش اسأل
شوق ابتسمت بنفسها: وش فيها ريهام
احمد : مدري والله بس
شوق بتفهم : ماجات الحفله وغريب صرااحه
احمد يعرف حب ريهام لبدور شلون ماتجي لحفلتها: وشوووووووو
شوق: مدري والله بس ماشفتها
احمد:شوق اسألي خواتها حاولي تفهمين ليش ماجات
شوق :ابشر طيب بقفل وشوي اتصل عليك
احمد: اوك بس لاتطولي ترى بالي مشغول
وقفت شوق بعد ماقفلت الجوال : ياربي يحبها وقلقان عليها الله يسعده يارب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك