رواية اعشقه وصعب أنساه لاني نسيت أنساه -28
البارت الثامن و العشرووون :
فواز سكر عيونه و بعدها عطاها نظره جاده: ايمان انتي ليش تسالين عنه؟؟؟
ايمـان: متقدم لوحده من صديقاتي.. وسالتني عنه...
فواز شربك يده قدام صدره و سالها من جديد: وهذي البنت صديقه لايمان الـ... ولا لماغي سيده الحب....
ايمـان: فوووووووواز انت لايش تبي توووصل.... اذا تعرفه قووول وخلصناااااا
فواز تافف: اسمعي يا ماغي... الرجال مالي علاقه قويه فيه بس سمعت من امن المطار انه اكثـر من مره اشتبهوا فيه بقضيه مخدرات...
جسـار و ايمـان بنفس الوقت: شنووووووووووووووووووووووو؟؟؟
فواز تنهد و كمل: لهذا السبب سالتك ان كانت هذي الصديقه قريبه ولا لا؟؟
جسـار: فواز كلامه صحيح صعب تقولين لاي احد كلام بهذا الحجم...
ايمان : بس يا جسار فواز يقول عنه تاجر مخدرات...
فـواز: ايمان في كثـير تجار مخدرات وممنوعات في العالم بس للاسف ما تقدر الشرطه وحتى الانتربول يسون شيء بسبب انهم ما يملكون دليل ضدهم ...
ايمان: و يتركونهم من غير عقاب..
جسار: ايمان الشرطه و الامن ما بيدهم حيله غير يترصدون و يكمنون لهم بس يظهر ان ابراهيم هذا من اشطر التجار..
فواز: جسار كلامه صحيح امن المطار اكدوا لي انهم في كل مره يكمنون له كانوا يتوقعون النجاح بس للاسف ابراهيم داهيه...
ايمان عقدت حواجبها و عطتهم ظهرها لما ناداها جسار بصوت عالي: ايمااااااااااااااااآآآن... انا لايمكن اسمح لك تتورطين مع واحد مثل هذا..
ايمان التفت له و بنبره جاده: اكثر شيء اكرهه لما يتوقع اللي جدامي انا شنو افكر فيه..
فواز مشى لعندها وحط يده على كتفها بحنان: مااغي حبيبتي ... انا وجسار نخاف عليك كثـير ولا نسيتي انتي شنو بالنسبه لنا!!!!! و منعنا لج بسبب هذا الحب..
ايمان : بس ان تزوجت خوله ابراهيم انا لايمكن ارتاح!!!!!!!!!!!1
جسار بعصبيه: ايشفيج يا ايمان... خوله ما تستاهل انج تخاطرين بحياتج علشانها .. ابراهيم هذا بما ان الشرطه ما مسكته لحد الحين ...واضح انه خطير...
ايمان سكتت و بعدها ابتسمت : ههه انا تقولين هذا الكلام يا جسار....... تحدي المخاطر لعبتي المفضله...........
ايمان عطت ظهرها لجسـار و فواز و طلعت من البيت على طول من غير لا تسمع اي اضافه فواز ابتسم : هذي امون من كنا صغار .. ما تغيرت...
جسـار: مستانس!! هذي راح تورط عمرها بمصيبه...
فواز بتملل: تقدر تمنعها؟؟
جسـار تافف: الله يسامحك يا يبه... دللتها لدرجه الفساد
فواز طلع المسدس المربوط بحزام راعي البقر و بدأ يلعب فيه: و لاتنسى اني وانت مثلها....
جسـار تركه و مشى لباب.: تكلم عن نفسك ... انا لحد الحين بعقلي...
فواز: والدليل انك تزوجت اخته... و صرت تتكلم مثله..
جسـار بابتسامه خبيثه: تزوج الثانيه و صير مثلي..
فواز: لا ان شاء الله.. واصير مقيد ...بعد كل هالحريه
يوسف كان جالس ينتظر رد ماغي على كلامه اللي ارسله لها بقلق لما رن موبايله برقم غريب مع انه ما كان له مزاج قرر يرد: الو؟
ايمـان: الحمد لله انك رديت ولا تجاهلتني...
يوسف استغرب الصوت و رد ببرود: من معي؟
ايمـان:خدمة الانترنت عطلانه لسبب شخصي عندي .. فكان لازم اتصل انا ماغي...
يوسف استغرب انها اتصلت و بكل جرأه مع انها كانت مأكده من البدايه انه ماتبي اي منهم يعرف عن الثاني شيء: كيف عرفتي رقمي..
ايمـان : انا اعرف اكثر من مجرد رقم يا يوسف..
يوسف: توقعت انه بما انك تعرفين الرقم لازم تعرفين الاسم بس ما تعتقدين اني من رقمك بعرف من انتي...
ايمـان: ما عاد هذا الشيء يهمني يا يوسف.. خصوصا اني اعرف انك مشغول بشيء ثاني في الوقت الحالي... واللي انا متصله بسببه..
يوسف تنهد و قال بصوت مقهور: خوله!!!
ايمـان بصوت جاد: يوسف انت لازم تمنعها تتزوج ابراهيم هذااااااااا باي طريقه فااهم..
يوسف خوفه كلامها: هذا الشيء اكيد لان....
ايمان: ابراهيم تاجر مخدرات يا يوسف..
يوسف فز من مكانه و بصدمه: ايش؟؟؟
ايمـان: يوسف لا تستعجل... الاحسن لنا انك تت.............يوووووسف... يووسف...
طوووطوطوو
يوسف سكر الخط في وجه ايمان و ركض على طول بره الشركه ولمكان محدد... ايمان اتصلت فيه مره و مرتين بس ما رد عليه: اوووووووووووووف.. ما كان لازم اقوووله... متهوووووور
السواق اللي كانت تفصل بينه و بينها شباك سالها: هل من مشكله سيدتي...
ايمـان: لااااااااا.. والافضل لك الا تنقل كلامي والا...
السواق: اوامر سيديتي
ايمان تنهدت وفتحت المذكره اللي تكتب فيها ملاحظات المنتدى و مشكلاته و فتحت صفحه يوسف و خوله واللي كان فيها اسهم بين خوله و يوسف مكتوب تحتها (علاقه متوتره+ حب دفين) و سهم من يوسف الى امه (تجاهل و بعيده) و سهم ثاني الى الشغل و الاهل ( ضغوط خارجيه) ، خوله كانت موصله مع ابراهيم( خائن لابد من التخلص منه ) و اسهم مع العائله ( كره ليـوسف)
ايمـان كتبت تحت ابراهيم ( تم ايجاد حل المشكله) و بعدها استفهام؟؟
ايمان في نفسها وهي تتنهد من جديد: المشكله هي لو ان عيبه بسيط كان قلته لخوله... بس المشكله ان علاقتنا ماهي بهذي القوه... و ان قلت لاخوانها اكيد ما راح يصدقوني بحكم انهم ما يعرفوني... بس
ايمان سحبت موبايلها من جديد طلعت نفس عميق قبل لا تضغط الرقم اللي لايمكن تنساه وهي تقول بنفسها: كان بودي اني اظل بعيده عنك .....بس ......
+++ الكـويت+++
عامر كان يعلب مع بنته في جلسه عائليه بسيطه مع امه و زوجته افراح و اخته ، ضحك و فرح و هدوء : ياا حلوج يا مسك... يوم عن يوم تحلين و تصيرين مثل امج...
افراح ضحكت و سحبتها منه بالقوه: اهم شيء لا تصيرين احلى مني مسك ولا راح اكرهك..
ام عامر: افرااااااااح الغيره ماهي زينه يمـه ... ترى رجلج بعيدين يكرهج..
عامر ضحك و كمل بصوت حنون: يمـه حبيبتي... افراح حبيبتي و اموت فيها سواء غارت علي ولا تهاوشت معي...
اخت عامر: بس الغيره الزايده مضره....
افراح بثقه: حبيبتي عامر غير... زعلي و عصبيتي و غيرتي كله عسل على قلبه .. صح عموووووووووووري...
عامر ضحك على كلامها و كان بيرد لما رن موبايله رقم غريب تجاهله و حرك عيونه على اهله : ليش سكتوا كملووا!!
افراح بعيون مستغربه: ليش ما ترد؟؟
عامر: رقم غريب!! مافي داعي ارد عليه...
افراح سكتت بس لما رن للمره الثانيه حست ان الموضوع ماهو بسيط ، ام عامر المعروفه بحنانه حركت عيونها له وبحنان: رد يا ولدي... يمكنه يبيك بموضوع مهم؟؟؟
عامر بابتسامه لامه اللي ما يقدر يردها اخذ موبايله و رد: الو؟؟؟ ( ما كان في رد) الوووووووووووووووووووووو؟؟؟
ايمـان بصعوبه تكلمت: مرحبا عامر...
عامر تغيرت ملامحه كليا و بتلعثم تعرف زوجته ان مصدره توتره: اهلا اهلا!!! شلونك
ايمـان و دموعها ما تدري شلون تجمعت في عيونها: انا بخيـر... وانت... شلونك و شلون بنتك...؟؟
عامـر: بخيــر... في شيء؟
ايمـان: عامر انا اعرف ان مالي اي حق اطلب منك شيء بعد كل اللي سويته... لكن... الظروف هي اللي اجبرتني..
عامر: شنو في؟
ايمـان: ممكن اكلم افراح؟
عامـر توتر: افراااااآح؟؟ بس..
ايمـان: الموضوع ضروري.... ارجوك عامر علشاااااني...اذا كان مازال في جزء و لو بسيط من ...
عامر طلع نفس عمييييق و استسلم حتى بس ما تكمل و تفتح جروح حاول ينساها: ان شاء الله..
التفت لزوجته الغيور واللي كان الف سؤال و سؤال على وجهها: افراح... تعالي...ايمـان تبيج بموضوع مهم؟؟؟
افراح توسعت عيونها و بغضب صرخت: ايش!!!!!!!!!!!!1
اخت عامر قامت من مكانها و بنبره مقاربه لافراح: هذي شنو تبي بعد كل اللي صار؟؟؟
ام عامر مسكت يد بنتها و سحبتها لوضعيه الجلوس من جديد: شنو فيها ايمان يا عامر...
عامر وهو يمد الموبايل لافراح من جديد: تقول ان الموضوع مهم و تبي تكلم افراح فيه ضروري... كلميها يا افراح ارجوج..
افراح سحبت الموبايل من عامر بالقوه و ردت: نعم...
ايمـان حاولت تهدي نفسها و تسال: شلونج يا افراح..
افراح: بما اني اسمع صوتك اكيد ماني بخيـر..
ايـمان: مقبوله منج..
افراح من غير نفس: عندك شي قوليه و خلصيناآآآآآآآآآآآ
ايمـان: افراح انا عارفه انج تكرهيني و ادري بعد، اني مهما سويت ما راح تسامحيني على اللي صار بس خوله صديقتج,,
افراح بخوف: خوله ايشفيها خوله!!!!
ايمـان: خوله تطلقت من يوسف زوجها..
افراح: اعرف .. اصلا خوله ما تخبي عني شيء.
ايمـان: واكيد قالت لج انها متقدم لها واحد ثاني...
افراح بصدمه: لا....
ايمـان: اجل اسمعي... اللي متقدم لخوله والعياذ بالله.. تاجر مخدرات و يوسف زوجها يموت و يرجعها ....
افراح انصدمت: نعم!!!!! انتي متاكده من هذا الكلام,,,
ايمـان: اكيد متأكده.... افراح انا لو ماني خايفه على خوله ما اتصلت عليك..
افراح: و ليش تقولين لي انا بالذااات..
ايمـان: ان قلت لها انا ما راح تصدقني .. بس انتي صديقة عمرها... و اكيد راح تصدقك..
افراح وهي معقده حواجبها: متاكده ان هذي ماهي لعبه من العابك الكريهه!!!!
ايمـان انقهرت وقررت تنهي الاتصال بس طبعا ماهو قبل لا تبرا عمرها: أفرااااااااااح ليش مانتي راضيه تنسين الماضي و اللي صار ................انا ما عدت حره حتى افكر في رجال ،، و ان فكرت راح يكون مصيره الموت...
و سكرت الخط في وجهها.... افراح حركت عيونها لعامر اللي كان كله تساؤلات: شنو تبي ايمان؟
افراح رجعت االموبايل له و بخوف و قلق طلبت منه: عامر انا لازم اروح الرياض... خوله محتاجتني جنبها..
عامر ابتسم و هز راسه بالموافقه لها: تامرين امر يا الغاليه...
افراح كان ودها تبتسم له بس ما قدرت وهي عارفه ان اتصال ايمان رجع لعامر ذكرياااااااات قديمــه.. و اشياء حتى بعد هالسنين مستحيل يكون نساها
خوله كانت على اعصابها من اخر اتصال لابراهيم... كانت عارفه انه جالس مع اخوها بدر الحيـن و الدليل ان وفاء كانت تجيبها مسجات تقراها و تبتسم منها... كانت عارفه ان بدر متحمس له خصوصا انه قريب لنهى زوجة خالد و تاجر معروف .. و اكيد سبق و تعامل معه.. الوحيده اللي كانت حاسه فيها نهى واللي كانت تحاول تخفف عنها بس ما كان بيدها حـل...
طرق بدر الباب قبل لا يدخل غرفه المجلس و لبست نهى طرحتها و غطت وجهها و دخل: السلام عليكم..
الكـل : وعليكم السلام..
بدر بابتسـامه: خوله ممكن اكلمك على انفراد..
وفاء كانت عارفه هذ الشيء من مسج ارسله لها بدر و نهى فاهمه الموضوع من زمان .. طلعوا و تركوا الاخوان لحالهم..
بدر بابتسامه: خوله انتي عارفه ان الدنيا قسمه و نصيب وكل شخص ماخذ نصيبه، وانتي كنتي متزوجه فيصل و ما انكتب لكم تكملون مع بعض، و نفس الشيء مع يوسف ، و محد فينا يعرف متى يجي نصيبه الخيـر ..
خوله وهي منزله راسها حتى تخفي المها اللي في قلبها: ماني فاهمه يا بدر..
بدر: خوله ابراهيم ولد عم نهى متقدم لك ... ايش رايك؟؟
خوله بلعت ريقها و بتوتر: انا ما ابي اتزوج يا بدر....
بدر جلس جنبها و حط يده على راسها: خوله يا اختي ... انا عارف انك حتى و ان انكرتي مازلتي محتفظه بحب دفين ليـوسف رغم كل اللي صار.. و هو
خوله: يوسف ماله دخل بقراري.. انا ما ابي اتزوج ابي اظل معكم و اربي عيالكم
بدر: وانتي؟ ما تبين عيال؟؟
خوله هزت راسها بالنفي...
بدر تنهد وكمل: تكذبين على من يا خوله... وانا اكثر واحد لاحظ تعلقك بطفلك اللي مات و باطفالي... و اشوف في عيونك الحب و مشاعر الامومه كلها...
خوله: بس انا ما ابي اتزوج ما ابي ما ابي...
بدر قرب منها وباس راسه بحنان: خوله مافي داعي تعطيني ردك الحيـن...... احنا ننتظر كم يوم بحجه نسال و انتي استخـيري و بعدها نشوف....
خوله: انا لا يمكن اغير قراري يا بدر انا........
....................: خوووووووووووووووووووووووووووووووووووووووووووووله.. ..
بدر و خوله اندهشوووا من صوت صراخ كان صادر من المجلس السفلي.. بدر ارتسم على وجهه الغضب و خوله الالم لما عرفت صاحب الصوت...
يوسف دفع الباب الداخلي للمجلس و من جديد صرخ بجنون: خووووله !!!!!! خوله تعالي لهنـاااا خووووله....
ابراهيم اللي كان جالس مع عمه في المجلس مشى لعنده و دفعه مع صدره: هي انت!!! وين قاعده... هي الوكاله من غير بواب!!!!!!!
يوسف من شاف ابراهيم ثارت جنونه .. رد له الدفعه بقوه اكبر و صرخ: اي وكاله و اي بواااااااااااااب يااا حقــــــير يا تاجر المخدرات !!!!!!!!!
ابراهيم صفر وجهه و تراجع وهو مصدوم بوغاليه انصدم و قرر يتدخل: انت عن ايش تتكلم !!!!! احترم نفسك !! ولد اخوي اطهر و اشرف منك!!!!! انت جاي تتبلى علينـااا!!!!
يوسف التفت له و نبرته مازالت عاليه: انت لو سمحت لا تتدخل، مأمن واحد مثل هذا على حلالك و بناتك و هو ماهو كفوووووو!!!
ابراهيم انفجر و دفع يوسف ناوي يضربه: اسكت...!!
يوسف مسك يد ابراهيم و دفعه بقوه الشيء اللي خلاه يطيح على الارض و في نفس اللحظه دخل بدر: يووووووووووووووسف!!!!!
يوسف التفت لبدر اللي كان دمه فاير و الغضب على وجهه: بدر!!!!!!!!!! وين خووووووووووووووله...؟؟؟
بدر رد عليه بصراخ وهو يمشي لعند ابراهيم و يساعده يوقف: ايش تبي فيهآآآآ!! خوله ما عادت حلالك فاااهم و انا لايمكن اسمح لرجال غريب ينطق اسمها...
يوسف : افااا انا الحين غريب!!!!!!!! اسمعني زين يااااااااااااا بدر... انا رجعت خوله قبل لا تسقط وهي تعرف هذا الشيء و من غير علمكم و هذا يعني اني مازالت رجلها و مافي اي قوه في العالم بتمنعني اني اخذها الحين و بالقوه...
ابراهيم انفجر: نعممممممممممم هذااا كلام جديد يااااا بدر خوله مازالت على ذمته!!!!
بدر توتر وخاف و بعدها وجه عيونه ليوسف: تكذب يااا يوووسف خوله تقول انك طلقتها !!!
يوسف: ورجعتها و تقدر تتأكد بنفسك منها!!!!
خوله كانت تسمع الكلام من على السلم وميته خوف ،، خايف ان الشجار يزيد بينهم و خايفه من اخوها بدر ان عرف انها كانت تكلمه، وخايفه تقولهم انها سقطت بسببه ....
يوسف رجع يصرخ من جديد و يناديها: خووووووووووووووووووووووووووووووله.....تعاااااااالي يااا خوله!!!!!!
بوغاليه عصـب و قام من مكانه و حط يده على كتف ابراهيم: امش يا ابراهيم ،،، ما عاد لنا قعده عندهم بعد كل هذاااااااااااااا...
ابراهيم كشر في وجهه و كان وده يستمر بس قرر يتراجع و يحسب كل شي من جد وجديد...
طلع مع عمه اللي من ركبوا السياره و هو يتذمر و يسب في يوسف، بس ابراهيم كان من جهة ثانيه مشغول باتصال دولي مع شخص اجنبي يكلمه بالمكيسكي : سيد دانتي!..... هنالك من يعرف بهويتي السـريه...
الشخص اللي اسمه دانتي: خائف إبرأأأهأأأمــيوو؟
ابراهيم : ابدآ ولكنه احد التجـار و اخشى ان ينتشر الموضوع و نخسر الشخصيه التي صنعناها اما الناس هنـا...
دانـتي بتملل: ابراهامـيوو... الموضوع سهـل جدآآآ.......تخلص منه قبل ان يخبر احد ...
أبراهـيم بابتسامه خبيثه: ان كان هذا ما تريده ... فهو لك...
يوسف كان مازال واقف ينتظر على اعصابه خوله اللي طلع بدر يناديها و بعد فتره دخل ومن وراه خوله اللي كانت مغطيه وجهها و شعرها يوسف انقهر من حركتها و بسرعه سأل: ليش الغطأ يا خوله؟؟؟
خوله ردت بصوت متالم: انا ما عدت زوجتك!! انت طلقتني!!!!
يوسف رد بعصبيه: بس رجعتك!!!!!!
خوله : انا ما اتكلم عن الطلقه الاولي ياااااااااااااااااااااا يوووووووسف!!!
يوسف للحظه حس انه خسر بس كمل بنفس القوه الاولى: الثانيه كانت في سااااااااعه غضب و انا ...
بدر قطع كلامه بسرعه: يعني تعترف انك مطلقه مرتين!!!!
يوسف: بدر لو سمحت لا تتدخل بيني وبين حرمتي!!
بدر: اي حرمه اللي تتكلم عنها!!!!!!!!!!!!! احنا من زمان واحنا ما نبيك و الحين و بعد ما طلقتها مرتين ماااااا عدنا نتحمل نتنفس الهوا نفسه معك...
يوسف التفت لخوله يتمنى منها تتكلم بس كانت ساكته: خوووووووله!!! حراآآم عليك !! تكلمي انا احبك!!!!
خوله كانت تبكي من تحت الغطاء بس حاولت انه ما يأثر على صوتها: ان كنت فعلا تحبني فاتركني اعيش بسلام.. اتزوج و اجيب عيال من شخص يحترمني و يتمنى لي الخــير... يوووسف انا تعبت،، تعبت كثــير منــك!! تحملت الاسلوب اللي عاملتني فيه اول زواجنا.. اهمالك و انشغالك باشياء تافهه على حسابي... كلامك القاسي الجارح لي وانا بروحي كنت حزينه على فراق اهلي، عاملتني اسوء من الخدم بس كنت متحمله، تحملتك في مرضك و المك و كنت لك الام و الزوجه و الصديقه، تحملت اهلك و معاملتهم تحملتك كثـــــــــــير ، سامحتك على اللي سواه ابوك فينا و رجعت لك و في النهايه ختمتها بقتل طفلي!! انت اللي ذبحته يااا يوووسف انت...
خوله انفجرت بكي و بدر حسبها لحضنه و بدأ يخفف عنها: ايش اللي تبيه بعد اللي سويته يااا يوووسف!!
يوسف حس ان الدنيا كلها صارت ضيقه عليه و انه ما عاد له اي دور في الحياه: ان كان بعدي هو الطريق لراحتك فانا راح ابعد ياآآ خوله... ما راح تشوفين وجهي بعد اليوم...
خوله من غير لا تحس : آآآآآآآآآآمييييييييييييين...
يوسف ابتسم رغم قوه الكلمه اللي قالتها له: مع السلامه يا خوله...
يوسف عطى خوله و بدر ظهره و مشى للباب خوله حست بعصره في قلبها من منظره و تملكها شعور كله خوف: يو......
بدر قاطعها قبل لا تناديه من جديد، خوله انتظرته لما اختفى عن نظرها و بعدها انفجرت بكي...
نـهى بعد ما سمعت الاصوات العاليه و المشكله اللي ثارت بين يوسف و ابراهيم و خوله و بدر خافت كــثير و تصورت ان ابوها بيتصل عليها في اي لحظه و بيحملها مسؤوليه اللي صار رغم انها ما سوت اي شيء....
رمت بنفسها على سريرها بالم وهي تتامل صوره خالد اللي كانت في موبايلها و بعد تردد كثـير قررت تتصل واللي بيصير يصير...
خـالد: هلا وغلا با الزين كله...
نـهى بصوت مبحوح: هلا حبيبي شلووونــك...
خـالد: نـهى حيااتي ايشفك؟؟؟
نـهى: وحشتنييييييييييييييي
خـالد: بس هذا الموضوع ولا في شيء ثااااااااااني؟؟؟؟؟ نـهى ارجوك!!! تكلمي..
نـهى: خـاالد انا وانت لازم نتطلق!!!
خـالد: نعم!!! ما سمعت ايش اللي تقولينه؟؟؟
نـهى: اللي سمعته ياا خـالد، ابراهيم جاء اليوم وطلب خوله... و اخوك بدر اللي ما يعرف باتفاقنا متحمس له و موافق عليه
خـالد: بس انا مفهم خوله انها ترفضه!!!!
نـهى: خوله خايفه و متردده في هذا الشيء... خايفه ان هذا القرار يأثر على زواجنا..
خـالد: نهى اسمعيني زييييييييييييين.... انا لايمكن اسمح لاي احد انه يفرقنا حتى وان كان ابوك، ومافي اصلا قانون يـاثر علينا...
نـهى: خالد الموضوع ماعاد بهذي البساطه..
خالد: ليش ايش اللي صار؟؟؟
نـهى: يووووووسف جأ هنا و تهاوش مع بدر و ابراهيم...
خالد عصب: نعم؟؟؟؟ من يكون هو حتى يتدخل في امورنا واصلا من بلغه بقرار زواج خوله!!!
نـهى: ما ادري ... بس الموضوع كبر كثـير.. و خايفه خوله توافق على ابراهيم عناد في يوسف..
خـالد بتأفف : ماهي مشكله انا اليوم ان شاء الله راجع... و بكلم خوله..
نـهى: بليـززز خااالد.. والله خايفه عليها ... ابراهيم ينخاف منه...
خـالد وهو يحاول يهديها: لا تخافين... انتي ارتاحي الحين حتى تتفرغييييييييييييييين لي بالليل...
نهى انفجر خجل و من غير تفكير سكرت الخط في وجهه..
خالد حاول يبتسم بس ما قدر لما تذكر اخته اللي كل مالها و حياتها تسوء اكثـر و اكثـر..
يوسف بعد الكلام القاسي اللي اخذه من خوله رجع للمكان الوحيد اللي يقدر يختلي فيه بنفسه... الشركه ، مكتب امـه اللي صار يجلس فيه من سافرت و تركته... كان يتالم صوره له مع خوله في شـهر عسـلهم الايام الوحيده اللي كانوا فيها مرتاحين و عاشين حياتهم بسلام.. تنهد وهو يمسح دمعه يتيمه نزلت من عينه...
يوسف في نفسه: من كنت صغير وانا اتألم و انجرح بس اتحمل ، اجلس تحت سريري او في الخزانه ابكي حتى اهدأ لكن... من رجعتي لي امي..... وانا ما عدت اقدر ابكي او اشكي لغيـريك.... سواء لما كنتي منيره ولا لما طلعت جوري....تعبااااااااااااان ... امي... تعبــاااااااااان.... محتاجك كثـــير....
هنـري اسـتأذن بالدخول ، يوسف مسح الدمعه وحاول يبين نفسه متماسك قدام الرجال العجوز: تفضل يا خـال...
دخل هنـري و جلس قدامه: جوزيف هل هنالك مشكله؟؟
يـوسف ابتسم رغم الم و هز راسه بالنفي: لا... لمـاذا..
هنري: جوزيف انت تعرف اني خال امك.. بمعنى ان خالك و واجب علي الاهتمام بك في غيابها.. و التخفيف عنك ان احسست بالم...
يـوسف: وانا سأذهب اليك عندما احتاج اما الان فانا على خيـر ما يرام...
هنـري: ارحتني يا عزيزي...
يوسف: خالي؟؟؟ هل هنالك اخبار عن امي؟؟
هنـري تأفف و هز راسـه: ما تزال هنالك... تحبس نفسها بين اربع جداران في غرفه مغلقه حتى يقتنع الدكتور جيمس بعلاجها...
يوسف: مازال يرفض علاجها!!!
هنري: العلاج فيه مخاطره كـثير و الدكتور جيمس غير مقتنع بالموضوع...
يوسف: الم تفكر بالذهاب لطبيب اخر,,
هنري: لا تستطيع.. الدكتور جيمس هو طبيبها ... و معروف في البلاد كلها و لا يوجد طبيب اخر يتجرأ على لمسها و هي تحت اشرافه...
يوسف: ليكون الله بعوننا....
هنري: اتمنى ان تعود حتى تحمل جزء من هذا الالم الذي في داخلك...
يوسف حرك عيونه عليه من جديد: مازالت مصر على اني متالم؟؟
هنري: اكيــد والا لانتبه على هاتفك الذي يرن..
يوسف حرك عيونه على موبايله و انصدم من عدد المكالمات اللي ما انرد عليها من الرقم الغريب اللي كان عارفه انه رقم ماغي... بس طبعا ما كان عنده استعداد يرد عليها...: لا بـأس .. يجب ان اعود الى البيت الان..
هنـري: بالسلامـه... وان احتجت الى شيء لا تتردد في طلبها مني...
يوسف ابتسم له و هز راسه له كتأكيد... و بعدها قرر يمشـي...
يوسف طلع من الشـركه و نزل لمواقف السـيارات وعلى وشك انه يفتح السياره لما سمع صوت من وراه.. التفتت و صار وجه بوجه بواحد طويل ضخم الجسم ضربه بسكينه في صدره....: اآآآآآآآآآآآآآآآىه...
يوسف اخذ كل قوته و دفع الرجال عنه لكنه تلقى ضربه ثانيه من وراه بعود على راسه و ثالث يضربه وجهه.. سقط على الارض من الالم و استمر الثلاثه يضربون فيه و يطعنونه بالسكاكين و العصي لدرجه يسمع منها صوت تكسر العظام...
واحد من رجال الامن لمحهم بعد فوات الاواآآآن و بدأ يصرخ و يجمع النـاس... الرجال هربوا بسـرعه على صوته و تركوا يوسف غرقان بدمه..
خوله من طلع يوسف من عندهم وهي حابسه نفسها في غرفتها كلها الم و حسـره و قهـر.. تحس نفسها ظالمه بكلامها و في نفس الوقت مظلومه بعد كل اللي شافته منها... و في النهايه الجانب الظالم هو اللي ساد عندها بما انها طيبه و تحب الخـير للكـل.. وحاسه بتأنيب الضميـر... مر الوقت و الساعات و محد مر عليها لانها كانت مصره ما تشوف احد بس في النهايه فتح الباب خالد من غير اذن و دخل عليها...
خالد: ايش الكلام اللي سمعته؟؟
خوله رفعت نفسها من السرير: خااااااااالد؟؟؟؟؟ ايش اللي سمعته؟؟
خالد كان رافع حاجبه و محاول بكل قوه انه ما ينفجر بوجهها بروحها اللي فيها كافيها: بدر يقول انك موافقه على ابراهيم...
خوله حست بغضبه خصوصا انه كان مأكد عليها ترفض ان تقدم لها ابراهيم في عدم وجودها بس كان لازم توافق حتى تفتك من يوسف: عندك مانع...
خالد: انهبلتي؟؟؟ احنا على ايش اتفقنا؟؟؟
خوله: اتفقنا كان بحكم الكلام اللي سمعناه من نهى بس انا واقفت بعد ما عرفت الرجال عن قرب اكثـر و..
خالد بصراخ: خوووووووووووووووووووووووله....... كلمه وحده ما رااااااااح اعيدها زواج من ابراهييييييييييييم مااا في.... ولا تعتبرين البعد عن يوسف سبب حتى تتزوجينه..
خوله: مالك اي حق تتدخل في حيااااااااتي فاااهم!!! انا حره!!! حره !!حره!!!
خالد رفع يده من غير لا يحس و ضربها بقوه على وجهها : اخرسي!!!
خوله حطت يدها على وجهها بعد ما طاحت على الارض و التفتت له بعيون كلها الم: تضربني يا خاااااااالد؟؟؟
خالد: واكسـر راسك ان فكرتي تدمرين حياتك اللي فضلها ابوي على كل شيء و مات وهو يوصي عليك انتي!!! انتي بالذاااات...
خالد عطاها ظهره و طلع على طول خوله انهارت تبكي و تبكي كثــــــــير ...
خالد نزل يجلس مع بدر بعد ما فجر اعصابه كلها في خوله المسكينه ما كان يبي يضربها و لا يصرخ عليها لكنها اجبرته... لما تمسكت بشخص ما يبيه ولا مستعد يزوجه اياه.. نزل وكان متوقع يلقاه بس استغرب من حرمه جالسه مع وفاء و نهى بهذا الوقت، نزل راسه سلم: السلام عليكم...
افراح اللي كانت متغطيه بس هذا ما منعها ترد عليها : وعليكم السلام... شلونك خالد؟
خالد رفع عيونه للحظه وبعدها رجعها: الحمد لله .. ما عرفتك...
افراح: انا افراح صديقة خوله نسيتني...
خالد: هلا والله فيك....
نهى ما كان عاجبها الوضع ابدا بتهور قالت: خالد بدر جالس في المجلس مع زوج الاخت.
خالد فهم قصد نهى و طلع على طول، افراح رفعت غطاها و ابتسم لنهى: غيوووره؟؟؟؟
نهى: حلالي!!
وفاء: ههههههههههههه نهى لا تعصبين... افراح حسبه وحده من خواتهم وكانت طول الوقت عند خوله قبل لا تتزوج و تنتقل لبيت زوجها في الكويت...
افراح: و لو كنت ابي خالد كان اخذته قبل لا تاخذه اللي ما تتسمى...
وفاء: الله يستر علينا وعليها....حيااا الله افراح منوره المملكه.... ايش سبب هذي الزياره المفاجأه....
افراح بصوت متافف: واصلني خبر ان خوله انخطبت من جديد...
وفاء: صح...وانتي جايه تباركين لها؟؟؟
افراح : لا...جايه امنعها ....
وفاء ونهى: نعم؟؟؟
خوله كانت بوسط ازمه الم عميقه لما جاها اتصال من اخوها بدر يطلب منها تنزل على طول... خوله ما كانت تبي تنزل بس اكد لها ان الموضوع مهم و خطير و ان في مفاجأه لها...
بعد تردد طويل قررت خوله تنزل.... و من تلاقت عيونها بافراح صديقه عمرها انهارت بكي وهي تحضنها لها بقوه: وحشتينييييييييييييييييييييييييييييني...
افراح و هي تخفف عنها : وانا بعد يااا خووووله.....
خوله: شلون عرفتي اني محتاجك...
افراح: كذاااااااااااآآآ
خوله ابتسمت رغم كل اللي كانت حاسه فيه....و بعدها سكتت لما تذكرت المها اللي مضى...صوت خالد ما كان بعيد و كانه كان واقف جنب الباب الفاصل بين مجلس الرجال و الصاله: افراح قلتي ان عندك شيء مهم و تبينا كلنا نسمعه...
افراح بلعت ريقها وقالت: صح... انا ما تعنيت و جيت للرياض الا حتى اوصل لكم رساله ..مهمه و خطيـره كثــير...
خوله وكل الموجودين توتروا: ايش هي...
افراح: خوله.... ابراهيم اللي متقدم لك لازم ترفضينه!!!!1
خوله تراجعت بعيد عنها وهي مصدومه مستحيل افراح شلون عرفت بخبر خطبتها: انتي شلون عرفتي؟؟؟؟
افراح: لاني احبك!! و ربي يحبك علشان كذا سخر اللي وصلي خبر خطبة تاجر المخدرات لك...
خوله بصدمه: نعم!!!!!!!!!!!!
بدر و خالد اللي كان في المجلس: ايش؟؟؟؟ انتي متأكده..
عامر اللي كان عندهم في المجلس هز راسه: كلامها صحيح وانا تأكدت بنفسي منه انه واحد من الكلاب التابعين للتاجر و المروج الكبيـر دانتي المكسيكي واللي مستعده الشرطه تدفع اي مكافأه لاي شخص يقدم دليل ضده.... اكيد تعرفونه
بدر بحسره: يعني يوسف كلامه كان صحيح..
خوله من جهة ثانيه تراجعت شوي بعيدوهي تقول في نفسها: يعني يوسف خاطر بحياته و جأء يحذرني من هذا الشخص الخطير...
نهى كانت حاسه بنفسها صغيره من كلامهم عن ولد عمها و تمنت الدنيا تبلعها ، تراجعت شوي و بعدها طلعت لغرفتها من غير لا يحس فيها احد...
في غرفه العنايه المركزه في المستشفى و وسط مجموعه كبيـره من الاجهزه كان يوسف موجود على سريره الابيض و عايش في دنيا ثانيه الضمادات على وجهه و راسه و جسمه و مما كان باين من جسمه الا المكان الموصوله فيها الاجهزه ، هنري كان الوحيد الموجود عنده جالس صار له كم يوم وهو على نفس الحال... يوسف المسكين ما كان له احد....
اخته العنود كانت تمر عليه لكنها ثقلت بالحمل و ما عادت تقدر تطول بالوقوف قدام الغرفه، الجود ما زارته بحكم انها طول الوقت عند الهنوف، الجوهره مرض ولدها الكبيـر فجأه و تحججت فيه بعدم الجيه وحتى امها شاركتها الشيء نفسه، فاتن عزلت نفسها تدرجيا عنه بعد ما شافت وضعه و سوء الحاله اللي وصل لها، هو اصلا فهمها انه مستحيل يتزوجها مهما صار بعد ما سقطت خوله و مهما صار بيصير معها ... وحالته السيء اللي صار فيها كان سبب جديد حتى تبعد اكثر,,
ايمـان مشـت لعند هنري بهدوء و قربت من الشباك الفاصل بينها و بينه: كيف هو اليوم.؟؟؟
هنري: كما ترين! الطبيب يقول ان حالته في سوء....الطعنات اخترقت الاجزاء الداخليه من جسمه و الضربات التي تلقاه أثرت على جهازه العصبي... و انه ان لم يستقظ بعد ثلاث ايام فانه سوف...
ايمان مدت يدها على الزجاج و نزلت دموعها: حراااااااااااااااام والله حرااااااااااااام...
هنري ما فهم كلامها و التقتت: هل هنالك شيء...
ايمان من غير تفكير تذكرت حبيبها اللي كان بنفس الحاله و نفس الوضع من قبل و ضربت راسها بالزجاج: القوه... تعطي الانسان كل ما يريده صح؟؟؟ المشاعر والاحساسات لم يعد لها اي قيمه؟
هنري : لما تسـالين هذا الشيء الان؟؟؟
ايمـان: منذ سنوات اجبرت على التخلي عن هذي المشاعر من اجل احمي حياة من احب... و بسبب هذا الحب قتلت نفسه و قتلته الف مره...و كل هذا لاني لم املك القوه في حين كانت عند من لم يتسحقها!!!
هنري: السيد يوسف يملك القوه...
ايمان هزت راسها: يوسف لايملك القوه ولو انه ملكها لاجبر خوله على البقاء معه بالقوه مثلي، جوري كانت تملك القوه وهو ما سمح لها بحمايتهم لسنوات اما الان فلا...
هنري : قابلتها...
ايمان: لم تستحق العناء اللي تحملته للذهاب لزيارتها ولكن للاسف... لم تهتم...
هنري باسي: لا اصدق هذا...
ايمان: صدق يا عم هنري... صدق...هؤلاء الاثرياء متجردون من الرحمه
في نفس الوقت في شركه ابراهيم كان في اجتماع سري بين الممول الاساسي لكل المشاريع دانتي و شركاءه الخمس و ابراهيم بس تفاجأ قطعه صوت جرس الانذار اللي مـلأ الشركه، اغلب رجال الامن ركضوا لغرفه الاجتماعات و فتحوه بالقوه ... انصدموا باللي شافوه...
دانتي و ابراهيم و الشركاء الاربعه مرمين متمددين على الطاوله و نصهم على الارض و بنص الغرفه الشخص الخامس واقف ومعه مسدس...
رئيس الحرس: ارمي مسدسك!!!!!!
الحرمه اللي كانت ملامح وجهها كله برود رمت المسدس: مافي داعي لاي تحقيق او اي ظنون... انا اللي قتلتهم ..... انا اللي قتلتهم لانهم يتسحقوون الموت انا جوري جوزيف...نفذت فيهم الحكم العادل
حبيبي أسف ازعجتك حلو صوتك قبـل لا تنـام : سمعته وانشرح صـدري وكنـي شفتـك بعينـي
حلو كـل الكـلام اللـي يجـي مـن مبسمـك أنغـام : يونسـنـي وينعشـنـي ويجـلـي كــل مــا فـيـنـي
خذاني الشوق لك ياذوق الا ما حلا ورود الشام : الا يـا متعـة ايامـي مـع شهـوري علـى سنينـي
صحيح ان العشق يذبـح الا يـا مصـدر الالهـام : وقـلـب تملـكـه دايــم عـلـى حـبــك يوصـيـنـي
احـبـك مملـكـة عـمـري وحـبـك دورة الايـــام : تمـر سنيـن بعـد سنيـن حبيبـي يـا نظـر عينـي
تبين لك وسط قلبي فيافي خضـر وبيـض خيـام : ربيـع العمـر لـك فـدوة رضـاك اليـوم يكفينـي
النهااااااااااايه
خخخخ حلووووووه صح صدقتوووا
سوووري
يتـــــبع البارت الاخـيييييييييييييييييييير اوكيه
ابي اقرأ التوقعااات الاخيـره للبارت الاخيـر
1= جوري ايش راح يكون مصيرها بعد ما مسكوها بالجرم؟
2- خوله ايش بتكون رده فعلها بعد ما نفذت جوري تهديدها و ذبحت ابراهيم
نهى هل راح تظل معهم بعد ما ذبحوا ولد عمها ...
4- هل راح يأثر اللي صار على عيال بو بدر.
5- يوسف ايش مصيره؟ و هل هو الموت؟
6
7
8
9
10
ابي ردود طووووووووووويله لو سمحتوا ولامااا في بااارت هه
السلاآآآم عليــكم
شلونكم يااا العضـوووااات الحـلوووات اسف ع التآخيـــر
كنت متردده انزل ولا انتظر اكثر ماني متقبله فكرت ان الروايه انتهت
احب اشكـر كل العضوات الحلوات اللي ردوا و توقعوا و شجعوووني... رغم اني كنت بترك الروايه كثير...
مشكوووري و ما قصرتوا فعلا ...
و هذي ما راح تكون اخر روايه الروايه القادمه راح تكون الروايه اللي دخلت فيها المسابقه في المنتدى الانلقيزي ... ان شائ الله بتعجبكم اكثر و اكثر
تحياااااتي
استلموا البارت الاخيـر
-
-
-
البارت التاسع و العشرون + و الاخيـــر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك