رواية من أعماق أحضان مجنونة -47
ابو احمد بتنهيدة عاد امسحها بوجهي ياولدي ياجراح..
جراح بسرعة تمون ياعمي ولو....مو لهدرجة تتحمل غلاطات عيالك؟بس انا بحاسبه عليها علشان يتاْدب...
دق جوال ابو احمد واستئذن ودخل...
وقالت ام وليد بسرعة جراح؟انت مو من صدقك يمه؟
جراح بحدة وهو ياءشر على رقبته اقولك جاي يذبحني؟لو مارفعت يدي باخر لحظات كان الضربة برقبتي مو بيدي؟
ام وليد بذهول زين ليش؟وليد يحبك ومايطريك الا بالخير؟
ضحك جراح بشماتة وقال لاوالله؟
ام وليد أي والله يمه...
جراح وهو يكمل لعبته طيب انتي يااروى شرايك؟
سكتت اروى وقالت بزعل الله ياخذه كان انه نوى يضرك؟
جراح شفتي شلون اخوك يبي يفرقنا...هذا واحنا تونا فاتحين صفحات جديدة وبنبدي حياة ثانية مع بعض؟يبي يفرقنا قبل يلتم شملنا صح؟
اروى بحدة وليد غبي وفاشل وجاهل وتوقع منه كل شي سيء..
ام وليد ماعليه ياجراح انا بتحاسب اياه وبعلمه..
جراح قاطعها لالالا ياعمتي الرجال تتفاهم مع بعضها البعض ولاشرايك يااروى؟
اروى بتاْييد طبعا..
جراح وهو مكمل شماتة بين اروى وامها الحريم عند جراح مالهم الا الراحة والمشاكل يتحملونها الرجال وبس!!!!
قالها وقام عنهم بعد مادق جواله وراح يكلم بعيد....
دخل الشقة وهو يتنهد...
هو معاهد نفسه المشاكل اللي برى تظل برى وهو وريم يعيشون جوهم بللي فيه...
كان متاْزم على نفسية ابوه...هذا وهو وهالة اتفقوا يقولون له بس عن ضربة جراح ومايقولون له عن سالفة علي لايصير فيه شي...
دخل ومالقى ريم.....
اكيد جالسة بالغرفة..
دخل الغرفة وماكان فيها غير الشموع مشغلة..
سكر الباب وراح الصالة والا هي طالعة من المطبخ....
ابتسم لها وجته تركض ووقفها بصرخة منه شوي شوي...
وقفت مكانها وقال بحدة علامك انتي!!ناسية انك شايلة بيبي في بطنك جاية تركضين؟
ريم بتبرير مااخذت بالي..
احمد بعمق ريم انتبهي لحركاتك لاتعورين البيبي وتعورين نفسك..
ريم بشوية تاْثر طيب...
تقربت منه وجلسوا مع بعض وقالت له متى تخلص اجازتك؟
احمد وهو يمغط يدينه باقي تسعة ايام؟
ريم ماتحس انها مشت بسرعة؟
احمد بخبث لاوالله...وش سوينا فيها احنا؟
ريم بدلع نمنا وقعدنا واكلنا ورجعنا نمنا وقعدنا واكلنا وردينا رقدنا وهاذي شغلتنا...
احمد يالله عندك تسعة ايام وش تبي تسوين فيها؟
ريم بدلع ابي اظل قربك حبيبي..
احمد حط رجل على الثانية وقال بغرور مصطنع امممممم..وكم تدفعين..
قامت من مكانها وجلست بحضنه وقالت وهي تلعب بثوبه نص عمري....
احمد مسكها من يدها وحطها على رقبته وحوط هو خصرها بيدينه وقال بهمس بس نص عمرك؟طيب والنص الثاني ليه شايلته؟
ريم بنفس الدلع شايلته لحضنك طبعا...
احمد اممم..
ظلت يده تمر بجسمها شوي شوي ونظراتهم هايمة في بعض وفجاْة شال يده وقال بنرفزة ريم...
قالت بخوف وش فيك...
قومها من حضنه ووقفها قباله وقال بعتب وهو يناظرها ماتلاحظين ان الثوب ضيق؟
ريم وهي تناظر بالثوب لا..
احمد بعتب اكبر الا ضيق شوفي شلون ماتتحركين منه بسرعة؟
ريم بس انا مرتاحة فيه؟
احمد بلهجة ماتقبل النقاش مافي مرتاحة مو مرتاحة...ها الاشياء الضيقة انسيها خلاص..
ريم بملل احمد توني بالثاني وبعدين جسمي ماتغير لاصرت بالتاسع و
احمد خلاص قلنا لايعني لا..بكرة برنامجنا نطلع السوق وتغيرين ثيابك كلها وتاخذين لك ثياب حمل واسعة..
ريم بضحكة اوووف لاتمزح معي احمد..
احمد بجدية أي والله...
ريم ناظرته وهي تبتسم..
احمد يالله روحي بدلي.....
ريم لا...
احمد وشو لا...
ريم احمد انا مرتاحة فيه شفيك مو مصدقني؟
احمد علشاني...
جرته من خده وقالت بحلطمة علشانك بس ولا انا مو مقتنعة...
في غرفة البنات,,,
عايشة بفرح بكرة ابوي بيضرب ناس...
شيخة كملت ليش انهم مايسمعون الكلام...
عايشة وقال لو تروح لعمي جراح لو عمتي بشاير مايفيدها؟
فاطمة بخوف وهي تبكي تحت الفراش انا نسيت..
شيخة أي خليك دايم كذا تنسين علشان تتعاقبين؟
فاطمة ببكي زين دقوا على امي بروح لها..
شيخة مافي..اول تتعاقبين بعدين تروحين لاامي...
فاطمة ارتفع صوتها من تحت السرير تبكي بخوف..
عايشة وش رايك انتي ياشيخة بشنو ابوي بيطقها؟
عايشة والله مدري.....
شيخة وش رايك احنا نختار لاابوي الشي اللي يضربها فيه؟
عايشة اممم انتي وش تقترحين؟
شيخة امممممممممم وش رايك بعقاله؟
فاطمة بصرخة لا
عايشة انا اقول بالتوصيلة حقت التلفون لانها اضعف تجيب الضربة اقوى؟
فاطمة ماتت بكي لالالا لاتكفون...
عايشة خلاص اجل خل ننام ونفكر بشنو لازم تنضرب
شيخة أي..لاتنسين ان ورانا قومة بدري علشان نذكر ابوي لاينسى ويروح المعارض وهو مابعد ضربها....
سووا روحهم نايمين وهي تحت السرسر ماتت من الخوف والبكي للي ينتظرها من تخطيطهم الشاروني الارهابي....
في قسم ام وليد...
جلست على الكرسي منهارة.....
ام وليد ياربي وش اللي صاير...وش سويت انا علشان تسوون فيني كذا بس؟
اروى بانفعال ولدك غبي واللي سواه يسود الوجه ..اللحين مالقى الا جراح؟
جراح عاد؟زين كان راح ضرب مطلق علشان يعقله لاياخذ بنت العراقية مو جراح؟
ام وليد اوووف منك ياوليد....والغبي ماهو راضي يرد على اتصالاتي؟
اروى يدري فيك دريتي ومايبي يكلمك لاتعاتبينه؟ها الفاشل...اووف منه بس....والله لو اعرف عنه خبر وينه فيه رحت قلت لجراح عنه؟
ام وليد اوووف منك يااوليدوه....هذا وانا للحين مااخذت شي من ابوه...بعده ساكت وقاعد هناك.....
كذا ياوليدوه..تخلي الناس تقارن بينك وبين ولد العراقية؟
اروى اه...شفتي يمه جراح شقال...قاعد يلمح الى لم الشمل وان ولدك يبي يفرقنا؟
ام وليد انتي لازم تديرين بالك على جراح زين لايطير من يدنا مثل ماطار مشاري....
الا على طاري مشاري وينها مريم؟
اروى طلعت؟
ام وليد طلعت وين راحت؟
اروى بلامبالاة سمعتها تقول بتروح لمشاري تغسل شراعه؟
ام وليد بصدمة شنو؟وانتي شلون تركتيها تطلع؟وليه ماقلتيلي ؟ياربي على ها البنية وش بتسوي؟الله يستر لايدري ابوك بيدفنا الليلة كلنا؟
هالة وهي جنب ابوها ناولته كاس عصير وقالت له اشرب وروق اعصابك....
ابو احمد وش اروق بس ياهالة...ها الوليد ماترك فيني اعصاب اصلا!!!
دارين يبى لاتكدر خاطرك علشان وليد تراه مايستاهل...بالدنيا عندنا صحتك يالغالي؟
تنهد ابو احمد وقال مانا قادر افهم ليه ضرب جراح بالذات؟
تنهدت هالة...لانها واحمد نقلوا لاابوهم السالفة ناقصة وماجابوا سيرة علي ابدا...كانت فكرة احمد ان ابوهم مايدري عن علي لين هو يكلمه ويتفاهم معه بس الشره على وليد بكل حال؟
ابو احمد وانا اللي اقول بكرفه بالشغل ليل نهار علشان يصير رجال؟والله لاامسكه بيدي ارميه بالحبس غصب حتى لو يتنازل جراح؟خله يعفن ويفهم وش معنى كلمة رجولة؟حتى جراح يعايريني ويقول ليه وليد مو مثل احمد؟
دارين ضحكت هذا لان الام تفرق...
ابو احمد بتنهيدة ياليت امك عايشة يادارين كان والله اخليها تربي عيال ام وليد من جد وجديد ...
هالة بحزن الله يرحمها....انا من الناس اللي كثير محتاجتها بها الوقت؟
قالتها بها اللحظة وعيونها بالارض وعيون ابو احمد ودارين عليها..
دارين طاري امها زعلها وشافت ضيق هالة ودمعت عيونها
شافها ابوها وقال بعتب دارين علامك...
دارين وهي تمسح دمعتها ولاشي..
حست ان عيونها حارقتها وان الدموع معاندينها الا يبون ينزلون...
راحت عند هالة اللي بعدها منزلة راسها وحطت يدها عليها والتفت لها هالة وانتبهت من سرحانها...
يوم شافت دمعت دارين مسحتها بااصبعها وقالت طلبي لها الرحمة ...
دارين بغصة الله يرحمها...
تقربت منها هالة وضمتها بصدرها وقامت تبكي....
قالت بحزن انا ماشفت امي كثير..احس اني افتقدتها بدري....الله يرحمها....
ابو احمد ضم بناته ثنتينهم عنده وقال كلنا رايحين من ها الدنيا ..محد باقي ومعمر فيها....وين اللي كانوا قبل؟ ها الطريق كلنا ماشيينه يابنات....
اللي ابيه منكم كل وحدة تدير بالها على الثانية وتكون قلوبكم على بعض...انا متطمن من ناحية اخوانكم انهم بعد عيني مابيتركوكم...بس بعد ابيكم انتوا توعدوني ظلوا مع بعض ولاتتفارقون ولاتفارقكم ها الدنيا على أي شي..ترى مافي احلى من شمل العيلة ولمتهم؟
هالة لك طولة العمر يبى..
دارين بدموع يبى لاتقول ها الحكي..
ابو احمد محد يدري متى يومه...وابيكم تضلون مثل ماانتوا اللي رافعين راسي دوم...حتى بعد مااندفن تحت التراب....
في بيت بو مشاري...
الشغالة بابا مشاري مدام مريم تحت...
فتح عيونه على وسعها ورمى الجريدة على جنب وقال بصدمة شنو؟
الشغالة هي يقول يبغى مدام زينة وانا اقول نايمة بس مايسمع كلامي بيركب اللحين...
قام بسرعة ونزل على الدرج بسرعة وهي كانت راكبة...
التقت نظراتهم في بعض وقالت له بحدة وغضب حقير؟
مشاري بحدة احترمي حالك...
مريم بغرور انا محترمة اكثر منك ومن اختك المايعة...
مشاري بحدة سيرة اختي لاتقربين منها لو سمحتي لان بالاساس مافي مجال للمقارنة بينكم؟
مريم بصوت عالي وينها خرابة البيوت وينها؟مسوية روحها نايمة لاتواجهني؟وين بتروح مني والله لااطيحها طيحة ماتقوم منها واسم بدنها مثل ماسمتني ها العقربة؟
مشاري بنرفزة انتي شتبين؟قلنا لك اللي بينا انتهى خلاص ماتفهمين ان كل شي قسمة ونصيب؟
مريم ادري مو منك منها هي ولا انت مامنك مرجلة وش ماقالوا لك ابوك واختك سويت؟
تقدم منها ومسكها من عباتيها بغضب وقال بتهديد انا لاني رجال صبرت على بلاك وعليك؟ولا لو واحد غيري يوم مايقعد معك؟انتي على وشو شايفة حالك اصلا؟؟الحمدلله لامنطق..لااسلوب..لاكلام..لاتفكير ولاشي عندك يخلي أي رجال يتمسك فيك؟بذمتك عقلك فيه غير العرس ووين بيكون وشلون بيكون شكله؟
مريم انت احقر انسان شفته بحياتي؟
مشاري بظل محترمك للنهاية وبقولك طلعي برى باادب واحترام ولا ترى نعرف نطرد بالقوة....
مريم بغضب اترك يدي احسن لك....بنشوف يامشاري بنشوف اذا ماتجي بالغصب مااطلع انا مريم...بخليك تبوس رجلي علشان ارضى عنك؟
ضحك بشماتة وقال لاوالله....
مريم انا طالعة بس بروح لاابوك بالشركة تدري شبقوله...بقوله بحق الصحبة اللي بينك وبين ابوي بعلمك بشي محد يعرفه غيري وغير مشاري...ترى ولدك دخل علي وانا مو عارف شقول لااهلي...انت اكيد ماترضاها لاابوي ياعمي بو مشاري؟
قالتها ونزلت الدرج بسرعة وعيون مشاري انفتحت كلها على وسعها وظل جامد مكانه مو قاوي يتحرك من اللي سمعه منها,,,,
من بعد ماقال لها بدلي وصرخ عليها بدون قصد ومن كثر خوفه على اللي في بطنها..
دخلت الغرفة وماطلعت منها...
ظل منتظرها اكثر من عشر دقايق ومابينت...مو معقولة كل هذا تبدل...زعلت منه اكيد....
قام يراضي حبيبته اللي مايقدر يجلس مرتاح وهي شايلة بخاطرها عليه ولو بدون قصده...
راح لها غرفة النوم ولقاها بالفراش تبسم وتقرب بهدوء منها وتمدد جنبها وانحنى عليها وصار شبه حاضنها من ورى..
قال بهمس يعني على ها العناد كله ولابدلت ولابااذنها مويه بعد مثل مايقولون..
كانت تبتسم وهي مغمضة عيونها بس بعدين شالت ابتسامتها وهي لسه مغمضة..
احمد بهمس حبي..
ريم مسوية زعلانة توك مصارخ علي وش تبي؟
احمد افا يالغالي...انا اصارخ عليك..
ريم يوم انك تبي تتزوج وحدة علشان تصارخ عليها كان كتبته شرط من شروط الزواج علشان اعرف انا شلون بعيش معك؟
حضنها بقوة وقال بهمس لاتكبرينها عاد؟تدرين انها من ورى قلبي؟
ريم ماكانت الاولى يااحمد...كم مرة صرخت علي قبل شوي...
احمد بصدق والله من خوفي عليك وعلى اللي في بطنك..
ريم لفت له وصارت بحضنه رسمي وقالت بزعل ماابيك تخاف عليه؟اصلا اذا بتقعد تصارخ علي علشانه فاانا ماابيه!!
قال وهو يبوس فيها ماتبين هديتي وماتبين تحافظين عليها؟يبى هذا هديتي وتاركه امانة عندك ماتبين تنتبهين عليه؟
ريم بزعل هامس وهي فرحانةبحضنه تونا بااول الطريق واذا كل يوم والثاني صارخت علي علشانه شلون بتصير حياتنا بالله بالسبعة شهور الجاية؟
احمد بحب اصلا بالايام الجاية ماراح اتركك تمشي على الارض وبشيلك شيل وبحملك بنفسي ومابخليك توطين الارض؟
ريم بغيرة وهي حاطة يدها على رقبته علشان اللي في بطني مو علشاني طبعا!!
احمد بحب يبى انتي عندي كل شي....انتي اعز شي واعز حتى من اللي في بطنك....
ياحلوتي مافيه مثلك يساويك...ماحد يساوي في عيوني مكانك
اشبهك في نور عيني واداريك..كلي عشانك ياحياتي عشانك
ازعل ترى روحي على شان ارضيك..واشيل همي لاتعكر زمانك
من كل قلبي يابعد روحي اعطيك..وارتاح لامنه تبسم حنانك
ياحلوتي يكفي احبك واناديك...كني بكياني مرتبط مع كيانك..
حبك غطا..عيني وكل الحلا فيك..ماحد شبيهك صار قلبي مكانك..
اليوم الثاني..
الصباح وفي الحوش وتحديدا عند المطبخ الخارجي لقسم عيال العراقية اللي يكون بااخر البيت..
كانت دارين جالسة تشرب قهوتها وهي شاردة بافكارها وانتبهت على احد بهز عبايتها ويوم لفت كانت فطوم تبكي..
قالت بسرعة وش فيك؟
فاطمة بخوف وين اختك؟
دارين هالة..
فاطمة بخوف أي..
دارين هالة نايمة...
فاطمة ببكي ياويلي..
دارين بخوف من شكل فاطمة وش فيك..
فاطمة ببراْة ابيها تخبيني عندها....
دارين وليه تخبيك عندها؟
فاطمة علشان مايشوفني البابا ويضربني اذا طلع اللحين...
دارين ليه وش مسوية انتي علشان يضربك...اللي اعرفه ان البابا مايضربكم!!
فاطمة وهي تمسح دموعها انا سويت شي غلط وعواش وشيوخ بيقولون له وبيخلونه يضربني..اصلا هم اليوم قاعدين من بدري وجالسين على راسه وهو يفطر علشان يضربني وبعدين يروح المعرض وانا خايفة وابي اخت غسان تخبيني عندها..
دارين بتشفق ياحرام...اشرار هذولا خواتك يبون يضربونك من الصباح!!زين ينتظرون العصر تكونين شوي هديتي مو من صبح الله...
فاطمة لفت يوم سمعت صوت عايشة اللي شافتها وراحت تركض تجيب ابوها وفاطمة انفجرت بالبكي وزاد تعلقها بدارين..
دارين حملتها وحطتها بحضنها وتعلقت فيها فاطمة بقوة..
دارين بهمس طيب انتي وش مسوية؟
فاطمة ببكي مو مسوع سويت شي غلط...كلمت غسان ومااستئذنت؟
دارين وهي تضحك اوووف....طيب انا بساعدك بس توعديني ماتغلطين مرة ثانية....
فاطمة بخضوع أي..
دارين خلاص لاتبكي...
وقف قلب دارين يوم جتها ريحة العطر شوي شوي واقتربت منها...
هاذي ريحة عطره لامجال للشك فيها...
تنهدت بقوة رغم انها عاطية اللي جاي من ورى ظهرها بس حست انها ذابت بكرسيها...
قررت تقوم وتمنع عينها من شوفته رغم اشتياقها الكبير له بس ماقدرت لان فطوم كانت ماسكتها بقوة..
شيخة تقربت وقالت كاهي يبى متخبية هنا...عند عيال العراقية؟
لفت دارين لمطلق بحدة وناظرته بنظرات ثايرة..
وقال مطلق بتاْنيب لشيخة عيب..
شيخة انتوا تقولون عيال العراقية؟
مطلق طيب روحي انا شفت فطوم...
شيخة بابا مو تلعب عليك وتسامحها..
مطلق لابجيبها عندكم وبعاقبها معكم لاتخافين مابعاقبها بروحها علشان تتاْدب...
بانت لذة الانتصار عند شيخة اللي مشت مشية الطاوؤس بفرح وابتعدت عنهم...
فاطمة بهمس يالله ساعديني!!
كانت نظرات دارين غرقانة بنظرات مطلق اللي كلها عتب وزعل...
تقرب وقال بهمس ياعنيد....تعرف شقد انت متعبني من حرمتني صوتك؟احس اني مو انا؟احس اني اعاني حييل وانت السبب؟
دارين نزلت راسها بالارض وتنهدت....
ورفعت فاطمة راسها لاابوها...
وقال بصيغة امر تعالي...
دارين وهي تناظر بفطوم انا الحق علي لانها قالت لي ونسيت اقولك...لاتضربها هي مو قصدها....
ظل الجو صمت ومطلق اصلا عجبته السالفة لانه اشتاق لها ولا فطوم كان بيصرخ عليها صرختين وبيمشي....
تنهدت دارين بقوة لان نظرات مطلق كانت خانقتها....
تقرب بيشيل فاطمة من حضنها وهمس لها باذنها وحشتيني موووت..
غمضت عيونها وتنهدت بقوة وخوف وقالت بهمس خفيف مرة يادوب سمعه روح....
ظل متقرب منها وقال بلهفة حرام عليك اللي تسوينه فيني والله حرام....اقسم لك لو ماسالفة مريم الامس كنا معزمين نكلم ابوك بس ماكان الوقت ابدا ملائم...
دارين بتنفس صعب من قربه مطلق روح....
تقرب اكثر من اذنها وقال بهمس ودي ابوسك...
فتحت عيونها بسرعة ومدت يدها لفطوم اللي كان وجهها مدفون بصدر دارين علشان تشيلها وتعطيها اياه وتقوم من ها المكان بكبره...
امتدت هو بعد يده علشان يشيل فطوم واصابعه تدور على اصابعها بلهفة وشوق حاررين ونظراته قاتلتها....
وبس صارت يده على بنته شالها بسرعة وسط بكيها...
بس دارين وقفت وعطتهم ظهرها وقالت لفطوم وهي تتنفس بقوة مابيضربك هو وعدني...انا قلت له انك استئذنتي مني..وانتي وعدتيني صح؟
قالتها بدون ماتلف علشان لاتلتقي عيونه بعيونها وقال بخيبة امل غلطان قلبك اذا ظل زعلان وشايل علي لان انا اللي زعلان منك؟
انـا زعـلان منـك حيـل وشايـل لـك بقلـبـي عـتـاب
واتـمـنـى تحمـلـنـي مـثــل مـــا اتـحـمـل عـتـابــك
ترى بعض الصراحة جرح وثقل ونرفزه واعصاب
ابـي تسمـع كلامـي زيـن وتمسـك زيـن اعصـابـك
تعاهـدنـا انــا وانـتـه عـلـى إنـــا نـكــون احـبــاب
واحبـابـك هــم احـبـابـي واحـبـابـي هـــم احـبـابـك
وش الــي غـيـرك فجـأه تكـلـم واذكــر الأسـبــاب
انـا بسمـع كـلامـك زيــن وبسـمـع زيــن اسبـابـك
رغـم كـل الخطـاء منـك فوجهـك مـا قفـلـت الـبـاب
ويـوم اخطيـت فـي حقـك قفـلـت فوجـهـي ابـوابـك
رخصـت الغالـي لعيونـك حنيـت لخـاطـرك ارقــاب
رظـيــت احنـيـهـا ارقـابــي ولا تحنـيـهـا ارقـابــك
كفايـه تمتحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك
ولا تفكر في يـوم انسـاك او يشغلنـي عنـك غيـاب
انــا اتنفـسـك اهـــواك وفـيــك امـــوت واحـيـابـك
انـا مـا شـوف احـد غيـرك جمـيـل بفتنـتـه جــذاب
انـا إعجابـي فيـك اعمـى يفـوق اعجـاب اعجـابـك
انـا مهـمـا قـسـى قلـبـي بكلـمـه مـنـك احـسـه ذاب
انا من زود عشقـي لـك عشقـت العطـر فـي ثيابـك
انـا ياليـت مـغـرم فـيـك انــا كـلـي فغـرامـك شــاب
احـسـك جــزء مــن روحــي ولا اتـحـمـل غـيـابـك
علي بصدمة شنو؟
الموظف طال عمرك توه الخبر وصلنا قبل شوي؟
علي بصدمة انت متاْكد....
الموظف أي...كلمونا قبل شوي من المخازن ويقولون كل البضاعة احترقت واحنا اصلا مو ماْمنين عليها ياطويل العمر لانك عارف شلون مدخلينها البلد؟
علي ظل جامد بمكانه وقال بدون وعي راحت الفلوس كلها....
الموظف بااسف اكبر مدامك سمعت الخبر السيء اسمع اللي اسوا منه ياطويل العمر..
علي بنفاذ صبر اسؤا من ها الخبر؟
الموظف بتنهيدة المشروع اللي كنا ماسكينه علشان احياء الشوارع المهجورة سحبته منا الحكومة بدعوى رفعها ضدنا جراح محمد...واستلمت شركته المشروع واحنا مطالبين ان احنا ندفع للحكومة عشرين بالمية للنفقات اللي ماسوينها بالمشروع؟
فتح عيونه على وسعها يوم سمع اسم جراح وكفاه عن سماع باقي الخبر..وعرف من وين جت مصايبه....
ام وليد مابتقولين وش سويتي؟
مريم بلامبالاة رحت اعطي ذيك العلة كلمتين بس ماشفتها؟
ام وليد ليش رحتي وذليتي نفسك يامريم؟
مريم بغرور انا ماذليت نفسي هو بيجيني ذليل؟
ام وليد تنهدت وقالت وهي جنب مريم يمه ماهو نصيبك بيجيك اللي احسن منه؟
مريم بغضب ماابي غيره؟ابيه هو يعني ابيه هو...كل صاحباتي حسدوني عليه يوم عرفوا انه خاطبني..اللحين شقولهم...تركني؟
تنهدت ام وليد وسكتت..
مريم بس وين بتروح يامشاري وراك وراك لين ترجع...
قامت من مريم اللي عنادها ماتقدر عليه وشافت اروى بطريقها...
اروى يمه...
ام وليد لاتقولين ماكلمتي وليد سمعتك تحاكينه قبل شوي..
ام وليد تنهدت سكتي لايسمعك ابوك..
اروى ابوي ماهو هنا طلع..
ام وليد شتبين انتي!!
اروى شلونه؟
ام وليد شبيكون لونه يعني...مسكين مو عارف شيسوي...
اروى طيب وينه فيه؟
ام وليد بالجبيل....
اروى راح الشاليه؟
ام وليد أي....
اروى امممممم(وفي نفسها تقول...يالله معلومة حلوة لعيونك وبترضيك ياجراح)
بعد ماتاْكد من ان ابوها طلع ودارين راحت الجامعة وهي بروحها واللي بتفتح له الباب تقدم بخطوات سريعة ومرتبكة وحايرة....
دق الباب وانتظر ورجع دقه مرة ومرتين وبالثالثة جاه صوتها اللي يطيب جروحه يساْل منو..
قال بلهفة انا ...انا جراح ياهالة...
يقسم انه سمع تنهيدتها اللي ذبحته...ماتبين تسمعين صوتي ولاتشوفيني؟ولاشالسالفة بس ياهالة..
ظلت ثواني قبل لاتفتح الباب وعطى نفسه اجابة تاْخيرها انها تلبس عبايتها..
فتحت الباب مو كله وظلت واقفة وهي ماسكته...
جراح يوم شافها تنهد..
قالت بهدوء سلامات ماتشوف شر...
جراح بلهفة الشر مايجيك..
هالة وهي تناظر بيده عسى بس الجرح موعميق...
جراح شفتيه امس...وش كانت نظرتك له؟
رفعت راسها له وتنهدت وقالت جراح...
جراح بلهفة اصلا انتي من حطيتي يدك عليه طاب وماكان فيه أي شي..
بحدة قالت جراح..مابظل اقولك الزم حدودك معي!!!
جراح بتنهيدة كل اللي كنت جاي اقولك اياه ان علي استلم هديته مني وباقي وليد..بس لاتخافين ماراح يفلت مني ومن اللي ناويله عليه؟
هالة بصدمة شسويت؟
جراح وكاءنه تبدل قال بثورة أي احد يفكر يضرك ولايضر شعرة وحدة منك مابيسلم وراسي يشم الهوى؟
هالة بعصبية جراح تعقل..لاتسوي شي مجنون تندم عليه...
جراح هز كتوفه وقال ابتدوا بظلمك والبادي اظلم !!
تنهدت وقالت وهي تناظر بالارض جراح...انت يمكن تكون متوهم شي ولاحاط في بالك شي....انت ماتعنيلي أي شي....
جراح بالم مو مهم..اهم شي انا شنو شعوري ناحيتك؟انا احبك وابيك على سنة الله ورسوله؟
قاطعته بحدة وعصبية وقالت انا مافيني اتزوج خلاص؟عشت كزوجة مرة وماراح اعيدها...شلت فكرة الزواج من بالي ياجراح وياليت تظل متذكر دايم اني مااجيب عيال؟قالتها بحرقة
وقال بلهفة ابيك انتي وماابي شي ثاني..
هالة بحدة خلت دموعه تتجمع بعيونه بس انا اكرهك....يكفيك ها الشي علشان تنسحب من حياتي...
عيونه وبس هم اللي جاوبوها...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك