رواية همس الموت - Whisper Death ™ - 32

رواية همس الموت - Whisper Death ™ - 32

وقفت وانا انتفض من الغضب..

بقتله..

مب هو بس..

وبقتل ابراهيم...وكلل المنظمة..

بيجووفون..

.

مشيت بروح شقتي..

بس تفاجات بشهرزاد فـ ويهي..

وقفت اطالعها بصمت...

ارتمت فـ حضني ودموعها تنزل..

مسكت ويهي بايدها....كانت تتكلم..

بس ما اسمعها..

واقفة شرات الصنم واطالعها..

جفتها تهزني وهي منهآآآرة وتصييييييييييح...!

عقبها بعّدوها...وراحت وهي تطالعني بحزززن..

الشباب تجمعوا حوولي...

طالعتهم كلهم بحقد..

و تركتهم...

مشيت وانا اسحب ريولي...

ومطنشه الكل..

الشي الوحيد اللي حواسي مرتبطه فيه " الانتقآآم "

،

ماعرف كيف وصلت شقتي..

ارتميت ع الارض..

تاملت ايدي...ويت جدآمي الايد المحروقة اللي جفتها..

غمضت عيني ابعد هالصورة..

جسمي تعرض لحروق واايد..

بس ليش ما مت..؟!

.

حضنت نفسي بالم..

لما ردت لي الحقيقة المرة...

علي رااح للابد..!

//

شهــــــــرزآآآد

،

كنت منهآآآآآآآآآآآآآآرة من منظر فجر...

و انصدممت مع اللي صآآر لعلــــي..

بكييت بالم لمّا جفته...

محروووق...متفحم....جثة هآآمدة...!!

الله يرحمه...!

كان انسآآن نآآآدر...!

.

غطيت ويهي بايدي..

و دموعي تنزل بغزآآرة..

الاكييد ان المنظمة هي اللي قتلته..

اكيد كشفوووه...!

يتني رجفة قووية..

مات بسببنا ...

لانه حاول يسآآعدنا ويحميينا..!

.

حزنت اكثر لما تذكرت فجر..

اكييد تخبللت..!!

خآآيفة يستوي بها شي..!

واللي صدمني قبل....ان البنية الصغيرة اللي جفتها في المنظمة..

كانت عند فجر..!

آآه يالقهههر...!! طفلة صغييرة يخطفوونها...ليييش..! شو ذنبها...؟!!!

.

وقفت ومسحت دموعي..وانا احاول اكون قوييه..

الانذآآل الحقييرين..

الله يآآآآخذهم...

مشيت متوجهه للسياارة..

فتحت الباب السيارة...

بس تفاجأت بحصى تنفر عند ريولي..

وقفت ...طالعت يمين ويسار..

انفررت الحصى مرة ثانية..

جفت واحد يأشر لي من بين الاشجار..

لحظة...!

هذا مب المقنع..؟

بندت الباب بسرعه..

ورحت عنده بدون حد ينتبه..

اول ما قربت صوبه..

مسكني من ايدي وشدني بسرعه بين الاشجار..

حط اصبعه ع حلجه لما مرّ حد عدالنا : اششششش...

سكت..

لين ما ابتعدوا عن المكان..

قال بحزن وااضح بصووته : علـــي مآآت..!

هزيت راسي بالم وانا احاول احبس دموعي..

قلت بصوت متحشرج : قتلووه...! قتلو شخص برىء...! وذنبه..؟ انه يبا يساعدنا..

حطّ ايده ع كتفي يواسيني..

قلت قبل ما تنزل دموعي: اسمع....ابيك تبتعد عنّي..." كان بيقاطعني بس كملت باصرار " الله يخلييييك....اسمع كلامي...ابتعد عني...انا مب نآآقصة افقد حد بعد...ارجووك...والله مستحييل اتحممل...." شهقت " يكفي علي مآآت...!

تفآجات لما شدني وحضني بقووووة...

غمضت عيني وبكيييت بالم..

همس لي : مستحييل اخليييج....انا من البداية قلت بوقف معآآج..

هزيت راسي بلاا و صيااحي يزيد : ارجوو.....

همس بحنان : ششش....قلت بوقف ويااج للنهاااية..

بعدت عن حضنه وانا اطالعه بياس...

مصيره اكيد بيكون شرات علي...

مسح دموعي بايده..

وو

انصدمت لمّا جفته يشل القناع عن ويهه..

تأملت ويهه متفاجاة اول مرة اجووفه..!

قال بابتساامة حزن : بكمّل مشوآآر علي...وبسآآعدج...بسس انتي لا تفقدين الامل..

قلت بيأس : بس انت ما تعرف شي..المنظمة قووووية...محد يقدر علييها...

قال بتصميم : ما بخلّي تعب علي يرووووح...

قلت : هم يقتلون ويخطفون بدون حد يعرف عنهم شي...! جووف فجر...اكبر مثآل..! انت متخيّل شو مسوين فيها.؟

قال بحزن : هيه ادري.....تتوقعين تقدر تكمل معهم..؟!

دمعت عيني مرة ثانية : خآآيفة عليها...جفتها...! كانت مصدوومة بالقووو..مادري شو بيصير لها..

هز راسه باسف عليها : لازم اساعدها بعد..

قلت وانا اتذكر التوائم والبنية الصغيرة بدر البدور : الشرطة لها شهور وهي تدور توأم مفقودين....ولما رحت المنظمة..!! انصدمت لما جفتهم خاطفينهم..!!

قال وهو عاقد حواجبه : في بنات بعد مخطوفآآت..!!!

هزيت راسي بالم : مادري اذا تعرف بعد البنية اللي كانت ويا فجر..؟ اسمها بدر البدور..

هز راسه بهيه..

كمّلت : بعد خآآطفيينها..!

قال بصدمة : خطفووها...!! ما قالي علي..!

قلت : هيه...قال يمكن اللي يابها عند فجر...يا وخذها...

قال : انزيين وشو صار لها.؟

قلت : لمّا رحت..ما كان حد منتبه لها...شكلها شردت منهم....فـ قدرت اهربها...وتركتها ويا التوأم..

حطّ ايده تحت ذقنه بحيره : زين سويتي...! الحين لازم نخطط كيف نقدر نظهرهم من المنظمة..

قلت بسرعه : مستحييل...!!! كيف بتقدر تظهرهم...؟!! اصلن كيف بتعرف موقع المنظمة..؟!

قال وهو يطمني : ماا علييج....اكيد بحصّل طريقة..!

ردّ القنآآع ويه...

: الحين لازم نفترق...!

سكت وانا اطاالعه..

مادري اخليه يتورط معااي..؟ ولا امنعه.؟

حطّ ايده ع كتفي : خلييج قويه..! ولا تفقديين الامل..

ابتعد وو اشّر بايده مع السلامة..

وو

نقز من فوق السور..

واختفـــى..!

تنهدت بعمق...وتوجهت للسيارة وانا مضطربة..

//

مريــــــــــم

،

لما خلصت المباراة وحطّوا مقابلة مع فجر...

تفاجأنا بالبنية الصغييرة تصييييح وبشكل فظيييع...!!

وتأشر ع التلفزيوون..؟

شفييها...توها كانت تضحك مع ريمووو....

ريم بحيرة : ليش تصييح.؟

قلت وانا محتارة : مادري..؟ يمكن خاايفة..

ريم وهي تحول تضحكها : يلااااا حبيبتي يلاااا نلعب...تعاالي بنكفخ مريوووم..

يت ريموو صوبي بتكفخني..

هاي من صدقها..؟

: فآآآآآلس.....فآآآآلس.....

وتمت تصاارخ بهالاسم..

ريم وقفت وصدت ع التلفزيون بسرعه : مريووووووم...لايكوووووووووووون هذا........

شهقت : فآآآآآآآآرس اللي تقصده..!!!

مسكتها ريموو : حبيبتي....تبيييين فآآرس..؟

هزت راسها بهيه بسسرعه...

ريم : انزين ويينه...؟

اشّرت ع التلفزيون : هدااااا...فآآآلس....

طالعتها بتوتر كيف جي.؟ كيف وصلت هنيي.؟

قلت لريم : لو هي تقصد فجر...ليش ما عرفتها شهرزاد.؟

ريم : مآآدري..بس كييف يت..؟ ومنو خطفها..؟

هو هذا اللي محيرني...

مسكتها ريم و يلستها فـ حضنها : خلاااااص حبييبتي....جووفي فآآلس...يضحك..بعدين بنروح له..انزين..؟

زاد صيآآحها ..تبا تروح له الحين...

وتمّت جي...لين ما تعبت من الصياح.. سكتت بس صوت شهقاتها اللي يطلع..

تمينا نطالع التلفزيون بهدوء..

لين خلّص الاحتفال...

وعقبها يا برنامج وتمت ريموو تطالعه باندمآآج...

،

قلت بملل : ريمووو غيري القنآآة..

قالت وهي مندمجه ع الاخر : همممم........لا ..عآآيبني البرنآآمج..

قلت : يلااا عآآد..غيري يمكن في شي حلوو..

طنشتني...

شوي وانقطع البرنآآمج...وظهر شريط احمر : خبر عآآآجل : حريق مستودع في نآدي الصقور...

وحطّوا لنا صوورة من المروحية لمكآآن الحريق..

.

ريم : نادي الصقووور.؟ مب كأنه اللي فيه فجر..

قلت متفآجاة : هييه....!!

شويه ويحطون صوورة فجر..والناس ماسكينها..تبا تدخل.............

شهقنا بقووة...!

يلست وانا اطاالع بذهوووول...

شو الساالفة...؟؟؟؟؟؟؟؟

صرخت لمّا جفت فجر تدخل..

: لاااااااااا.....!!! شوووو تسوين....ردّي....لا تدخليييييييييييييييين...

جفت فريق الاطفااء ياا...و يحاولون يطفون الناار...

قربّوا الصورة على.....

ريم : هذا مب كأنه مدربها...؟

قلت : هييه...يووووسف..!!

جفته دخل يلحقها...؟؟!!

مسكت قلبي بخوووووف...

شو تباا تسوي....لايكون تباا تنتحررر...

لا اا....الله يخلييج فجر....ظهري..يلااااا...

دقآآت قلبي تزييد اكثر واكثر...والنيران ترتفع اكثر..

والكل مترقب فجر تطلع ..

،

دقآآيق....وتطلع مع يووسف..

دمعت عيووني : الحمــــــــــــــــدالله...الحمدالله...!!!!!!!!!!!!

ريم ماسكه قلبها : الحمدالله ما صار لها شي...!!!!!!!!!

شويه....وحطّوا الصوورة ع اثنينه من الاطفااء شالين حمّاله..وفوقها شخص مغطينه بشرشف..

قلت وانا عاقدة حواجبي : منوووو هذا...!!!؟

ريم : اظن فجر دخلت المستودع عشاانه.....جوفييها منهآآرة هنآآآآك..

انصدمت من شكل فجر....!!

ليش جي شكلها..!! منووو هذاا.....؟؟

انتفضت لما سمعت صوت الانفجارات..

ويوسف يسحب فجر بعيد عن المستوودع..

ما نتبهنا لبدوور اللي من الصبح تصيييح من الخووف...

مسكتها ريموو...ودفنت راسها فـ حضنها..تمنعها انها تجووف..

دقآآيق وكتبوا اسم الشخص اللي مآآت...

لاااعب فريق الصقور : علي سعيد.....الـــ...

منو هذا اللي خلاّا فجر تدخل المستودع عشانه...؟

تأمّلت فجر وهي تروح عنده..

بعّدت الشرشف عنه...

يتني قشعريرة لمّا لمحته..مع انه مب وااضح وآيد..!!

عيل كيف شعورها وهي تجووفه محرووق جداامها...!

تأملت يوسف وهو يبعّدها عنه..

خآآطري اعرف شو سالفته هذا...!!!

هو السبب اللي هي فيه..

انزين ليش يعااملها جي...؟!!!!

،

نقلو لنا صورة الشخص الاصلية...

ريم منصدمة : اووو هذاا...!!!!

تأملته...شكله مألووووف...دووم كنا نجوفه انا واخواني يلعب فـ التلفزيون...

تألّمت عشاانه...

الله يرحمه..

ريم بحزن : شكله واايد ويا فجر..

شهقت وانا اتذكر : لا يكون اللي قالتلنا عنه شهرزآآآآآآآآآآآآآآد..

ريم حطت ايدها ع حلجها : اللي...اللي قالت انه يساعدها...؟

رديت راسي ببطى وانا اتنفس بسسرعه...

اكييد هووو....!!

انتبهت لمّا حطوا الصوورة ع شهرزآآد..!!!!

وهي تحضن فجر وتصيييح...!

قلت بصوت مرتجف: اكييد هووو نفسسه.....!!!

ريم بخووف : قتلووووه....!!!

غمضت عيني : اكيد اكتشفووووه..!!!!

//

~| نهآية الهمسة الرابعــــــة عشرون |~

~| الهمســــة الخامســــــــة والعشريـــــــــن |~

//

فجــر

،

مر يوم كامل وانا بس منسدحة ع السرير...و للحين ما غمضت عيني او رقدت..

افكر فـ علي..

مستحيل مآآت..

صدييت الصوب الثاني ابعد صورته اللي طلعت جدامي وهو محرووق..

لا هذا مب علي..

غمضت عيني....احاول اروح للعالم الثاني..

ماريد احس بشي...مابي افكر بـ ولا شي..

فتحت عيني..

جفت ظل حد جدامي..

ما هتميت..

علّقت نظري فوق بدون ما اعطيه اي اهتمام..

لمحته يفتح الستارة..

ودخل ضوء الشمس للغرفة..

غمضت عيني..

وفتحتها ببطىء..

الصبح..؟

لمحته...!

الحقير يوووسف...

له ويه ايي ....! شو يبا الحين..؟ ع باله بضعف.؟ بستسلم...!

مايدري اني بذبحه...و بقطعه بايدي..

يلس مجابلي..

طالعته بنظرة كلها كره وحقد وانتقام..!

جفته يحرك شفايفه..

يكلمني..!

بس ما سمعت شو يقول....لاني مابي اسمممع..

تأملت ملامحه ...!

الرحمة..؟ البراءة...؟

ابدن...هذي كلها اقنعة مزيفة..

انت عندك مليون ويه تقدر تتنكر فيه..

جفته مسك ايدي...

لااااااااااا تلمسني....!!!

؟؟

اقوووووولك لا تلمسسسسني..

؟؟؟؟؟؟؟؟؟

لحظة...!

صوتي.؟ وينه...! ليش ما يطلع..؟

بعّد..عني يالحقييييييييير..

صووتي ماا يطلع...!!!! لييش....

ابا اسحب ايدي منه بس ماقدر...مافيني حيييل...!!

عقد حواجبه..وحرك شفايفه مرة ثانية...

جفت ذراعي المحروقة..

شليت منها ومن ريولي الشاش..

كل ما اجوفها اتذكر علي ....وهو يحترق..!

.

غمضت عيني بقوووة...ونفضت رااسي...مآآبي افكر فـ شي...!

.

لمّا حسيتا يده رخت....سحبت ايدي منه بهدوء...

تأملني لفترة..

عقبها رفع كيس وظهر منه اكل..

صديت الصوب الثاني....

شدّ على ايدي...

آآه....اقوولك لا تلمسسسني....!!!!

مسك ويهي بايده...وخلااني اصد اطالعه..

ومن نظرتي القوية له..وواضح اني اقزز من قربه..

طالعني بانكسار..

وقف وحطّ الاكل ع الطاولة وظهر..

عضيت ع شفايفي بقهرر..

حقيييييييييييير...اكررررررررررهك..!!!

،

مادري كم من الوقت اللي مرّ..

بس ما حسيت ا لا بالشبااب موجودين عندي..

سلمّوا عليّ وانا شرات الميته ما تحركت..

طالعتهم ببرود..

حتى هذيلاا خونه...

ليش يااييين.؟

تكلم سالم : عظم الله اجرك فآرس..

وردد الشباب كلمات التعازي لي..

تاملتهم واحد واحد...سالم....خليفة....ناصر...سيف..

اما الباقي ما يوو..

خليفة بحزن : ماعليه فآرس...خليك اقوى عن جي...ادعييله..!

مسك ايدي وشدّ عليها..

اقترب سالم وقعد قريب مني..

سالم بصبر : اسمعني..اكيد موته صدمك..وصدمنا بعد..علي ربيعي من نحن صغآآر..وموته سبب لي ألم...بس مع هذا صبرت..قوي قلبك..!

تاملته لثوآآني...وو

صديت عنه...لاني ما اتخيّل يكون سالم خااين..!.

علي وااايد يثق فيه...وانا بعد...

ادري انه مستحييل يسوي الغلط..

بس مادري...انا متشتته..ماعرف اثق فـ منوو..!!

كمّل بحزن : جوف اهله مسااكين...ما عندهم غيره..لازم نوقف معاهم..." سكت كانه تذكر شي.." وو صح نسيت اقوول... الشرطة للحين تحقق فـ موت علي....احتمال يكون مقصوود..

التفت اطالعه..

سالم بحيره : الطبيب الشرعي فحصه وقال مافيه اي شي...وقالوا يمكن كان تواجده فـ مكان الحريق صدفه....

صرخت بانفعاال...صدفه...!! ماافيه شي....!!!

كييف...!! اناا جفته مقتوووووووووووووول...

طالعتهم مصدوومة...

حطيت ايدي ع رقبتي اتحسسها..

صووتي ما يطلع..

آآآآآ....ححححح..

ماافيييه...!! للحين ما طلع...لايكون ...........

خليفة اقترب مني وهو عاقد حواجبه : فاااارس انت تسمعنا..؟

حاولت اقعد بصعوبة...وهو ساعدني...

هزيت راسي بهييه...

قال : اذا تسمعني قول شي...تكلم..

هزيت راسي بلاا...يعني ماقدر اتكلم..

ناصر بحيرة : ما يبا يتكلم..؟

حاولت اطلع صووت...بس ما طلع...

سالم هز كتووفي بخوف : ما تقدر تتكلم..!!!!!!

حاولت فـ صوتي ما طللعع..

سيف بقلق : يمكن ....من الصدمة..؟!

كلهم التفتوا له...

كمّل : لاني اللي جافه مب شوي....واكيد الصدمة اثررت عليه وااايد...

صديت عنهم..

احسسن...اصلن منوو قال اني ابا اتكلم...!

بس لحظظظة...

كيف بيعرفوون ان علي ماات مقتووول...

اكيد ابرااهيم ويوسف غطّوا ع الموضوع..!

عضيت ع شفايفي بغيض..

لازم اوقفهم عند حدهم وافضحهم...

لازم اروح ...واتكلم ويا حد....

الدلييل وااااضح...لازم اخليهم يشرحّون جثة علي مرة ثاانية...

بس انصدمت لما تكلم خليفة..

خليفة : الشرطة شااكّه فـ عمر..

طالعته باستغراب...

كمّل : من يوم الحآآدث وهو مختفي...ويحتمل انه هو مفتعل الحريق..

عمر ما غييييره...!!!!!

عمر الطيب...!!

بديت اتنفس بسسرعه....

معقوولة هو اللي متعاااون ويا يوسف..؟ هو اللي حرق المستودع..!

لييش ياا عمر...لييييييش....!! هو من اللي كانوا يتعاطون..؟!

مسكت راسي...صدآآآآآآآآع قووي هاجمني...

اقتربوا مني الشباب...

بعدتهم....لازم اروح....لازم اكشف لهم الحقيقة...

قبل ما تتصرف المنظمة...

نزلت ريولي..

ييت بوقف بس طحت ع السرير ويتني دووخه قوية..

مسكوني خليفة وسالم..

سالم بقلق : شكلك واايد تعباااان..وما كلت شي صح..؟

مارديت عليه...

خليفة وهو يردني ع ورا عسب انسدح : ارتااح ..الساعة الحينة 10 الليل..باجر بتيي ويانا..يمكن تكون جنازة علي .." سكت شوي ".بسير اييب لك العشاا..

صديت عنه..

كمّل : لا.لآ....تراا اذا ما اكلت واهتميت فـ صحتك ما بتقدر تطلع ويانا.." قال للشباب " يلا شبااب...بنخلييه يرتاح وباجر بنمر له..." رد يطالع فيني " برد وبييبلك العشاا..لا ترقد

ظهروا الشباب...عقبها ردّ خليفة..وياب لي العشاا...وبعد ضرابة وياه...اكلت..

تمّ يسولف وياي..ويحاول يغيّر نفسيتي..لكن بالي طول الوقت مب ويااه..

عقبها رااح..

بآآجر...بكتشف منو الصديق ومنوو العدو...!

//

موقع التحقيق..

،

ابرآهيم للضابط : نفس ما قلتلك...انت مشي الموضوع عليهم...ولا تخلي السالفة تكبر..

قال وعلى شفتيه ابتسامة ثقة : ولا يهمك...

قطع حديثهما دخول المفتش..

يتبع ,,,,

👇👇👇

تعديل المقال