رواية قلبن عطاك الحب ما قال هاتيه -2
سالم بعصبيه :بطوفها هالمره لاكن ان عدتيها ماتلومين الانفسج وسمعي الي بقوله لج ونفذيه باحرف الواحد فاهمه
شيخه لفت عنه للجهه الثانيه بمعنى مابي اسمع منك شي
جاها ركض وجرها من يدها ولفها صوبه قال:لما اكلمج لاتصدين
عقدت شيخه حواجبها من الم وشد سالم على مسكته ونزلت اعيونها بالارض دليل على الاستسلام ونزلت منها دمعه شتت تفكير سالم حس بشعور غريب تخلله هدها بسرعه وقال بصراخ:سمعي ياشيخه لاتحسبين نفسج بيت ابوج وعندج من يخدمج لا اصحي انتي عند هنيه خدامه سمعتي ولا اعيد
شيخه بصراخ :لاسمعت لاتعيد بس شنو المطلوب مني عشان اسويه
هل بترضى شيخه تكون خدامه لسالم وامه ؟
هل بيتزوج سالم غاده ؟
غاده بتوافق عليه؟
تســـــــــلمـــــــووووووون لي على الردود التشجيعيه
والحيـــــــــــــــن اخليـــــــــــتكم مع البارت اليديد وان شالله
يعجـــــــــــــــــــــــــــبـــــكم
تغدى سالم مع امه وصعد لشيخه يوصل لها رسالة امه وهو في خاطره كان مشتاق لها لان لها اسبوع ماتفارق غرفتها
طق الباب
شيخه كانت منسدحه عبالها ماري قالت:دخلي ماري
دخل سالم واول ماشافته انتفضت وعدلت جلستها قالت بخوف:انت
سالم بستهزاء :حدقالج ان مالي اسم
ناظرت فيه بحتقارقالت :لا بس مايشرفني انطق اسمك
سالم بعصبيه :شنو شقلتي
شيخه ماهتمت وقالت :ماقلت شي ليش جاي هنيه
سالم بعصبيه :بطوفها هالمره لاكن ان عدتيها ماتلومين الانفسج وسمعي الي بقوله لج ونفذيه باحرف الواحد فاهمه
شيخه لفت عنه للجهه الثانيه بمعنى مابي اسمع منك شي
جاها ركض وجرها من يدها ولفها صوبه قال:لما اكلمج لاتصدين
عقدت شيخه حواجبها من الم وشد سالم على مسكته ونزلت اعيونها بالارض دليل على الاستسلام ونزلت منها دمعه شتت تفكير سالم حس بشعور غريب تخلله هدها بسرعه وقال بصراخ:سمعي ياشيخه لاتحسبين نفسج بيت ابوج وعندج من يخدمج لا اصحي انتي عند هنيه خدامه سمعتي ولا اعيد
(الجزاء الثاني)
سالم طالعها وقال :اولا عادة الأكل بالغرفه خليها ومن العشاء بتاكلين معانا تحت
قاطعته شيخه:مو تقول خدامه بس الخدم ماياكلون مع اسيادهم ولوت فمها
مسكها من كتوفها وشد عليهن وقرب من وجهها:اعتبـــــــــــري نفسج خدامه بس لها معزه خاصه عند اسيادها عشان جذي تاكل معاهم
حست شيخه انه يتطنز بكلمة معزه هي وين والمعزه وين مع هالمعامله ماقدرت ترد
سالم(وهو يكمل):ثانيا من تقومين الصبح تساعدين ماري البيت كبير وماتقدر عليه كنت بجيب وحده ثانيه فالحمدالله جتنا خدامه وبلاش بعد
ناظرت فيه وعيونها فيها الف سؤال كل هالكره والقسوة عشان فلوس لاراحت ولاجت اخذها ابوها قالت بقلبها صح ضعيف نفس بس لا انا لازم اقوله اني بشتغل عندكم عشان اوفي الدين الي على ابوي لكم رديت عليه:لاياسالم مو بلاش
فتح اعيونه على كبرها وقال بتعجب:شقصدج
شيخه(طالعت فيه)وقالت:انك تعتبر الدين الي اخذه ابوي منكم هو حقي وصلني وتأكد ياسالم اني مراح اقصر بشغلي بشي
(استغرب سالم من كلامها هو وده انها تخدمه هوبس)قال:يعني بتوفين دين ابوج
شيخه(بحزن):ياليت اقدراوفيه لو اشتغلت لك ولامك خدامه بس عشان لما يطلع ابوي ايكون ماتطلبونه شي
كره سالم نفسه بعد كلامها وقال:وكرامتي اشلون بتوفين حقي فيها لمافشلني قدام ربعي وقال بزوجك بنتي
نزلت شيخه راسها بأسى وقالت بصوت واطي:سالم شوف الي يريحك وتعتبره رد لكرامتك سوه فيني مهما كان لانه ابوي بضحي عشانه حتى لواذنب بحقي بظل احبه لان مالي غيره في هالدنيا بعدالله
حس سالم برجفه من كلامها ماتوقعها انها ترضى بالذل والمهانه عشان ابو مايستاهل انها تكون بنته ماقدر يرد عليها وطلع متاثر بالي قالته بعد ماطلع عنها
كانت جالسه على سريرها كان ودها تصيح بس اوقفت وقالت لالا تبجين كفايه ياشيخه بجي لازم اتضحين عشان ابوج ومن اليوم بعد وتحملي ياشيخه دعت ربها يصبرها وانه يساعدها خذت لها شاور والبست برمودا ورديه ارفعت شعرها نزلت تبدا شغلها كخدامه من اليوم عند سالم وامه
(في الشغل عند سالم )
كان جالس مع حمد
حمد بتعجب : من صجك ياسالم
سالم بجديه :ايه من صجي خل اختك تفصلها لان مراح اخليها تروح الجامعه بعد اليوم ماصارت وهي تحط لها اعذار لان البنت ماعاد هي دارسه فاهم
حمد بترجي :سالم البنت متفوقه والكل يسال عنها واختي لما درت انك تصير لها قالت لي اقولك الانها تعزها وتبي مصلحتها سالم لاتخلي قلبك قاسي وتكون انت والزمن عليها
سالم بعصبيه :قول لاختك مشكورة لاتعب نفسها تفصلها احسن لها
سكت حمد بعد كلام سالم الي ماعجبه قام وطلع عنه
(في بيت سالم )
بعد مانزلت ماحصلتهم في البيت قالت في قلبها فكه
نزلت ووقفت على الدرج نادت ماري
اسمعت ماري صوتها وراحت لها ماري بابتسامه:يس مدام
شيخه ردت لها الابتسامه قالت:وينج فيه
ماري :في متبخ سوي عشا ابتسمت وكملت مدام انتي اليوم واجد زين حمدالله
شيخه في خاطرها أي زين وانا حالي حالج خدامه عالاقل انتي جايه برضاج موغصب واذ اذوج في مكتب ياخذ حقج منهم لكن انا من لي بعد الله غير ابوي وبالسجن اسرحت وماحست الاماري تقول لها
ماري :مدام يبي اكل عشا الحين عشان انا مايقدر يودي فوق ماما جنجان
شيخه تذكرت كلام سالم لها تنهدت وقالت :لاماري انا باكل تحت معاهم بس ابيج تعلميني ياماري الطبخ وشغل البيت اوكي ارسمت بوجهها بتسامة باهته
ماري بضحكه: ليش يبي يشتغل تباخه مدام كلا بنات هني مايدخل متبخ
شيخه شقول ياماري هذاك اول لما كنت بيت ابوي الله يرجعه لي بس الحين وانا عند سالم مو بس طباخه إلاخدامه بعد قلت:ماري انا احب اتعلم الطبخ والشغل بس ابوي مايرضى والحين بشتغل وطبخ براحتي
اضحكت ماري على جذبتي وفرحت لما شفت ضحكتها لانها اول من ضحك بوجهي بهالبيت
ساعدت ماري بالشغل وعلى الساعه ثمان خلصنا
جلست بالصاله وقعدت اتامل في بيتهم صج فخم وحلو بس كيب مثل اهله كان ودي اشغل التلفزيون بس خف يجون يهاوشوني لان مومن حق الخدم تطالع التلفزيون اسمعت الباب يفتح اوقفت
سالم دخل وشافها اقباله وقف فتره يتاملها قال بخاطره(ياويلي من الوردي) قال:سلام
شيخه بخوف:وعليكم السلام
سالم ببرود:وين امي
شيخه وانا شدراني عن امك:مادري
سالم :اشلون ماتدرين من متى طالعه
شيخه برود:مادري من نزلت ماشفتها وبعدين ترى انا خدامه هنيه مو مسجله لطلعات امك
ماحست الاوالطراق بوجهها طاحت من قوة على الكنبه جرها من شعرها وقال:احترمي نفسج ولسانج هاذا قصيه لقصه لج فاهمه
شيخه اكرهت نفسها على كلمتها قالت وهي ترجف خوف:اسفه ماكان قصدي
هد شعرها الي تمنى لويتحسسه بدون عنف جلس يطالعها وهي تقاوم ادموعها الي بتنزل حطت يدها على خدها وقامت وقبل تروح قالت:احط عشاك ولابتنطرامك
سالم خانقته العبره ليش ياربي اضرب هالخدود زين جذي شوهت وجهها قلت:ايه حطيه وامي اعتقد بتعشا برادامها ماجت للحين
راحت للمطبخ تقاوم صياحها شافتها ماري وماسالتها عن شي
حطت العشا وخدها شاب ضو من قو الضربه نادت سالم له وجت بتروح لاكن وقفها صوته لما قال :وين رايحه ماتبين عشا موقلت ماكوعشا فوق
شيخه وين اقدر اكل عقب هالطراق الله ينتقم منك قلت:لافوق ولاتحت لاني ماشتهي اكل
سالم عصب لانها بتنام بدون عشا:والي يقول بتاكلين غصب ياشيخه
شيخه ابوي ماقدر يوكلني غصب بتجي انت تغصبني ياسالم:مافيه اكل بالغصب
سالم ادري اشلون بتاكلين وخدج مولع بس شسوي مابيها اتروح انا ماصدقت تنزل قلت:الا فيه تحبي تجربي
شيخه لاشكلي باخذ اطراق ثاني عشان اكل خل اقصر الشر واقعد احسن لي اجلست وهي منزله عيونها بالطاوله ماتبيه يشوف ضعفها وخوفها
سالم فرحت لما جلست حسيت اني شبعان وانا ماكليت شي قلت:ياحلوج لما تصيرين مطيعه جلس ياكل وعيونه مافارقتها لحظه
شيخه خافت انه يشوفها ماكلت قامت تغصب نفسها بس تسكته
بعد ماخلصت قامت وراحت للمطبخ انطرته لين يخلص عشان تساعد ماري
بعدماخلصت اصعدت فوق خذت لهاشاور اطلعت شافت شنطة الكتب الي قالت لماري لاتفتحها راحت لها افتحتها اجلست اطالع بكتبها اشتاقت للجامعه قالت اكيد افصلوني صارلي عشر ايام غايبه شافت لها مذكره كانت مزخرفتها عشان تكتب فيها الاشعار والخواطر الي تعجبها ابتسمت وقالت شكل هالمذكره بتكون فيها احداثي عقب الي صار الابوي مولاشعار
تنهدت بحزن صارلها عشر ايام ماتدري عن ابوها شي شافت تليفونها واخذته افتحته لانها اغلقته من جت هنيه لقت فيه عشرين مكالمه من رقم ماتعرفه شافت الساعه حدش قالت بكره ادق وشوف منو
(في بيت حمد )
كان عنده اخته دلال(هي اخصائيه اجتماعيه في الجامعه وكانت من اشد المعجبين بشيخه وحزنت لما درت بالي صار لها عمرها 26سنه ملجه على ولدعمها الي يدرس برى طب شيخه كانت تعتبرها مثل اختها تحب تجلس معاها حيل)
حمدبحزن :هذا الي قاله ويبيني اوصله لج
دلال بضيق:مايخاف ربه ليش يحمل هالمسكينه ذنب ابوها الله يصبرها بس
حمد :امين
دلال:تصدق ياحمد طول عمرها مسالمه وماتحب المشاكل لدرجة مره في بنت حاقده عليها وماسكه النوته مالها ومشققته ولماسالتها اذ تشك بحد قالت لا معني متاكده انها تعرف
حمد باهتمام:لهدرجه شخصيتها ضعيفه اجل مراح تعارض سالم باي شي يسويه فيها
دلال :موضعيفه هي باسلوبها هاذا اقدرت تكسب صداقة عدوتها واكدت لي هالشي
حمد بتنهد :اجل بتكسب قلب سالم
دلال بعصبيه:شبح هالاشكال لها قلب الاتعال هو ماخذ تلفونها صارلي مده ادق مغلق
حمد :ماعاد استغرب على سالم شي كل شي ممكن يسويه
دلال:لاترافق هالاشكال ياحمد وانا بحط لشيخه وقف قيد لين القى لها حل
حمد يتلفت قال:الا وين شهد والعيال ماشوفهم(زوجة حمد شهد وعياله عبدالله وعبدالرحمن)
دلال :يوه نسيت اقولك اخذتني السوالف عن شيخه شهد راحت الاهلها خالتها جايه من السعوديه وقالت لي اقولك الانها دقت عليك ولقت جهازك مغلق
حمد :يوه شكلي انا بعد خذتني السوالف ونسيت احط تلفوني على الشاحن الانه فصل علي وقام وراح عنها وهي للحين تفكر اشلون تساعد شيخه
(عند شيخه )
كانت منسدحه على سريرها وتحوس بتلفونها وتفكر بجامعتها هل بتروح لها او بتنحرم منها جلست اتفكر لين غلبها النوم ونامت
صعد سالم بعد ماجلس مع امه عقب جت وهو صاعد شاف ليت غرفتها مبطل استغرب قال معقوله مو نايمه هي صاعده من زمان خل اشوفها
اول مادخل لقاها نايمه وهي متكوره على نفسها مثل الجهال وبدون غطى خاف لاتبرد قال بغطيها جا صوب سريرها وقف يطالع فيها كره نفسه لما شاف اثار يده طابعه على خدها الناعم رفع الغطى وغطاها بس هي حست فيه وقامت مفزوعه وطاح التلفون منها
شيخه بخوف:شتبي ليش تدخل علي وانا نايمه
سالم ماهتم لكلامها مد يده واخذ التلفون قال :شنو هاذا
شيخه مالت لهدرجه حجري ومايعرف ان في اختراع اسمه تلفون قلت:تلفون
سالم بعصبيه :من كنتي تكلمين ردي
شيخه برود :ماكنت اكلم احد
سالم خذا التلفون وجا بيطلع قال:تلفونج هاذا انسيه زين
شيخه صج بواق قلت وانا ارد شعري لوراى:مو مشكله بنساه مثل مانسيت اشيا واجد بحياتي
سالم يتامل حركاتها باعجاب :تعجبيني لما تصيرين مطيعه يابنت عمي
شيخه مالت عباله راضيه مايدري انه غصب علي سكت ومارديت
سالم طلع وهي طفت اليت وردت نامت
(بعد مرورخمس اشهور)
من الاحداث
شيخه مثل ماهي عايشه حياة ذل وقهر كانت تحاول تشغل نفسها بشغل البيت وتتحاشا سالم الي يطربها بكلامه الجارح هو وامه كانت تحس بالعجز وقلة الحيله لانها ماتعرف شصار على ابوها ومحاكمته وسالم مافكر يقولها أي شي اويطمنها عنه حتى
سالم شاغله التفكير بشيخه ومستغرب من قدرة تحملها كان يحاول يبعد الشعور الي يتملكه من يشوفها
(على الغدا عند سالم)
كان جالس يتغدى وعيونه ماتفارق الي جالسه معهم تاكل انتبه قطع سرحانه صوت امه
ام سالم باهتمام:سالم ترى طولنا على خالتك متى بتخطب بنتها رسمي ان شالله
سالم طالع بشيخه تمنى يشوف منها أي ردة فعل بس انقهر لما شافها مو مهتمه بشي قال بنرفزه:متى ماتبين انا جاهز يمه
امه بضيق :اتوقع خالتك بتوافق عقب عملة عمك السوده
شيخه حست بالارتباك من كلام ام سالم عن ابوها ونزلت عيونها بالاكل
سالم حس بتوترها وانقهر ليش ما توترت من طاري زواجه قال:كيفها وافقت ولاماوافقت قولي لها انا في كل الحالتين بتزوج سوا بنتها او غيرها
طالع بشيخه وزاد اقهره قامت تشيل الصحون بدون أي اهتمام جت بتاخذ الصحن الي قباله دزها بقوة وقال بعصبيه :شفتيني خلصت عشان تشيلين
شيخه الي طاحت من دزته وانكسر صحن بيدها وجرحها ردت عليه باسى :اسفه عبالي خلصت
سالم تضايق من فعلته وقام لها مسك يدها بيشوف الجرح بس ماسرع مادزته وشالت اصحونها وراحت للمطبخ
ام سالم تعجبت من تصرف ولدها قالت:اشفيك شهالتصرف البايخ عشان اكل
سالم ليش سويت جذي لاوابيها تغار لتزوجت مصدق عمرك ياسالم لاوامي عبالها عشان الاكل حس بتانيب الضمير وراح يشوفها
اول مادخلت المطبخ نظفت جرحها كان بسيط لفته بشاش تسندت على الطاوله اسالت نفسها ليش سوا جذي حرام والله حرام اسمعت صوته امسحت بسرعه ادموعها
سالم تضايق من شكلها قال:تعورتي اشوف ايدج
شيخه بعصبيه :لاماتعورت واذ في خاطرك انتقام ثاني انا جاهزه بس عشان ترد كرامتك الي هدرها ابوي
سالم مارد عليها وسحب يدها وفتح الشاش وسط اصياحها ومقاومتها له جرها وحضنها من الخلف وعرقل حركة يدها بقو مسكته وضعف جسمها كان شاد على خصرها فك الشاش وشاف الجرح كان يتامل اناملها وصغرهن بين يده تمنى انه هو المجروح معن الجرح بسيط رد يلفه بالشاش
شيخه كانت تصيح وتقاومه تحس بقشعريره من قربه :وخر عني اكرهك اكرهك ياحقير
انصدم سالم من تهجمها وحس انه طول وهو حاضنها ماكان دوده يوخر هدها وقبل لايترك يدها طبع عليها بوسه وقال :اسف وطلع عنها
شيخه كانت شبهه منهاره ووقفت خلايا جسمها من بوسيه ليدها راحت ركض وحطت يدها تحت المغسله وفكت الماي عليها تغسلها اعتبرتها نجاسه ولو بيدها اصلخت مكان بوسته
ادخلت عليها ماري وتخرعت من شكل شيخه قالت:مدام في شي
شيخه بعصبيه :مافيني شي وين كنتي كل هاذا غدا مع كومار(السايق زوج ماري)
ماري :هههههههههههههههههه
شيخه برفزه :ماري خلي الضحك وخلينا نخلص عشان بروح ارتاح
ماري باهتمام:مدام اذا تعبان روح نوم لايشتغل
شيخه عشان يذبحني الوحش وامه صج ماجذبت يوم لقبته الوحش بمذكرتي :لا ماري بساعدج
في غرفة سالم
من دخل غرفته حاول ينام بس ماقدر والسبب انه يحس بنجذابه لها كل مره يزيد قال معقوله لاني مازلت عزابي وهاذي اول بنت تمر في حياتي الاكيد انا لازم استعجل بزواجي عشان اقدر انساها من باجر بروح اخطب غاده
(بعد مرور شهر)
خطب سالم غاده وينتظر ردهم لانهم طولو بالتفكير
شيخه عايشه حياتها مابين كتابة يومياتها مع هالعايله عشان يكون دليل لابوها على عمايلهم ويخلصها منهم بس يطلع تمنت تعرف متى يطلع كانت تدعي له بالفرج العاجل وبين شغلها في البيت الي يادوب تخليها ماري تمسك شي حبت ماري من قلبها الانها الوحيده الي تواسيها وتشوف طلباتها كانت أي شي تحتاجه توصي ماري فيه الان هي ممنوع عليها الخروج كانت تصرف من حسابها الي تنزل فيه افلوس اجار بيت خوالها الانها الوريثه الوحيده له وسالم مافكر يصرف عليها باي شي عباله لتوفر الماكل والمشرب وفى
ام سالم باهتمام: ترى انا شرحت لخالتك الموضوع وهي وافقت بشرط
سالم :شرط شنو
امه :اتقول تخلي شيخه ترد للجامعه
سالم بعصبيه :هي شكو بجامعة شيخه لايكون شيخوه شاكيه لها
امه :تخسي تفتح فمها بس تعرف اختي قلبها ارهيف ودايم تسال ليش خلت دراستها قلت لها انك رافض ازعلت وحطته شرط لزواجك من غاده
سالم :وغاده موافقه ولالا
امه بفرحه :رايها من راي امها وتزيد عليه انك اتطلق بنت عمك اول مايطلع ابوها عاد انا قلت لها في هاذي تطمني الان هو ناوي يطلق بعد
سالم عصب اشلون يسمحون لنفسهم يتحكمون بمصيرها انا بس الي اتحكم الانها لي سكت لك اشلون لك وانت تبي تنساها ياسالم قال:يصير خير السنه الجايه بخليها تدرس لان الحين بتخلص السنه
>>>>>ماقلت ماحبكولاقلت مابيك
الحب مالي عيوني وانت تسواها
لوتدري شكثر تعنيلي تعرف انك
اخر امل في حياتي واول مناها<<<<<<
طلع فوق يرتاح سمع صوت ضحكتها من غرفتهااجذبه الصوت وراح بيشوف اول مادخل انصدم من الي شافه
(في بيت ام غاده)
ام غاده بفرح :ايه وافق على شروطنا
غاده :الحمد الله بس يمه احس شرطج ماله داعي شكو احنا بجامعتها
امها :حرام عليج يرضيج باجر لطلقها من وين بتصرف هي وابوها وتفككم
غاده :أي والله تصدقين مافكرت فيها
امها :الانج ماتفكرين الا بسعادتج والباقي لا اتركتها وراحت تدق على دلال تبشرها بموافقت سالم على شرطها الان دلال بنت اعز صديقاتها وهي الي قالت الام غاده تتوسط لشيخه
(في غرفتة شيخه)
كان منبهر بالي يشوفه كانت لابسه شورت ابيض لي نص فخوذها وتيشيرت نفس الون ورافعه شعرها فوق كانت تسوي سبورت هي متعوده تسوي برنامجها الرياضي اول ماتقوم من النوم بس اليوم حبت تعلم ماري الانها تبي تضعف
كانو مندمجين وماحسوا بالي يطالعهم وقف متنح منبهر في جسمها وخصرها الي كان باين من قصر التي شيرت كان سرحان ماحس الا وصراخها:انت ماتستحي تدخل علينا بدون ماتطق الباب
سالم مارد وطالع بماري واشرلها تطلع
ماري خافت وفضلت انها تطلع
شيخه بعصبيه:اكلمك ماتسمع صج ماتستحي
سالم وهو مازال مبحلق :وانتي ماتستحين لابسه قدام الخدامه جذي
شيخه صج حمار يعل اعيونه البطاربكني بنظراته:زين ممكن تفارق وياليت تعطيني مفتاح لغرفتي الان ماقدر اخذ راحتي وانت كل شوي ناط بوجهي
سالم مجنون اعطيج مفتاح واحرم نفسي منج:لاتحاولين مافيه مفتاح وبعدين تستحين مني ولا تستحين من الخدامه علاقل انا حلال اشوف لكن هي حرام ولاشوفج لابسه قدامها جذي فاهمه وطلع وهو ماوده يطلع الان لو قعد بيخربها وهو لازم ينساها
شيخه وقف شعر جسمها من كلامه شيقصد بحلال يشوف ياويلي انا لازم اقول لماري تجيب لي مفتاح بديت اخاف من هالادمي
والحيــــــــــــن اخليكم مع التوقعات شنو راح يكون بعد هالبارت؟؟؟
ابــــــــــــــــي توقعاتـــــــــــــــــكم؟؟؟؟
(الجزء الثالث)
ملجة سالم وغاده
ام سالم موسايعتها الدنيا من الفرحه بزواج سالم وغاده كانوا مسوين حفلة الملجه بيت اهل غاده والكل متجهز يفرح بهاليوم حتى شيخه فرحت بزواج سالم لان الزواج بيشغل سالم عن تعذيبها وكانت تدعي ربها ان زوجة سالم تكون طيبه
سالم مو حاس بالفرحه لزواجه من غاده حاول يبعد عن شيخه قدر الامستطاع اخذ له اجازه اسبوع وراح للعمره عشان يرتاح من كثر التفكير وقبل الملجه بيوم رد ولا التقى فيها
ام سالم :ياماري وين الي قلت لج عليه
ماري :كلا جاهز مدام انا ودي سياره
ام سالم :زين روحي جيبي الحلويات وعطيها كوماريوديها بعد
ماري: اوكي
دخل سالم عليهم :سلام عليكم
امه:وعليكم السلام هلاوالله بالمعرس
سالم شاق الحلج ويتلفت يدور اعيون غاب عنها اسبوع ومشتاق لها موت:معرس الله يهداج يمه خل املج اول
امه :بتملج ان شالله
سالم بضحكه :ان شالله يمه نادى ماري
جت له ماري
سالم باهتمام :جهزتي ثوبي وشماغي
ماري :لا بابا الحين مدام شيخه يجهز انا في شغل واجد مع ماما
سالم بضيق لاليش هي بالذات علاقل ترفض وتحسسني بهتمامها لوبشي بسيط مو تجهزثوبي كانها ماصدقت فرقاي راح سالم ودخل جناحه لقاها تكوي ثوبه وقف يطالعها لهدرجه رخيص عندها ياسالم ياليتني ماوافقت على طلب عمي ولاشفتج ياشيخه قال(بستهزاء):عفيه هذي المره السنعه الي تجهز ثوب زوجها الي بيتزوج عليها مو مثل حريم هالوقت ذابحتهن الغيره
قال هالكلام يبي يغيضها باي شي
شيخه فزت من سمعت صوته لانها ماحست فيه يوم دخل قالت بخاطرها مالت عليه من زوج عباله بغار عليه لانه تزوج اشلون بغار وانا اكرهك كره العمى ياسالم قلت برود:اكيد بجهز ثوبك وبفرح لزواجك بعد لان اذا مافرحت لزواج ولد عمي (وشدت على ولد عمي)بفرح لمنو انا الله مازرقني بخوان فجاني اخوعلى كبر ابتسمت ابتسامه اقهرته وكانت تقول بقلبها امحق اخوياشيخه
سالم الي تمنى يكفخها بكف على كلامها عشان تحس قال وهو ممتلي غيض :دريتي عن شرط خالتي عشان يتم زواجي من بنتها هي ماكانت تدري عن الشرط وهو ماقال لها
شيخه الله يستر قالت بستغراب :لا مادريت
سالم وهو يمثل دور الفرحان :اشرطت شرطين هي وغاده الي بتكون زوجتي الشرط الاول اني اخليج تكملين بالجامعه معني كنت رافض بس عشان خاطر غاده بوافق والثاني اني وسكت ماحب يقولها عن الشرط الثاني
شيخه والفرحته غامرتهامن كلامه حست بسعاده ماتنوصف ردت عليه بفرح :صج والله طيب الثاني شنو
سالم حس بفرحتها من هالخبر وقال :مو لازم تعرفين الثاني بس شكلج فرحتي بموافقتي على انج تكملين الجامعه
شيخه ياربي اذقلت فرحانه بيهون اعرفه خسيس ونذل بس الله يجزا خالته خير صج عكسه هو وامه قلت :ادري اذ قلت لك فرحانه بتهون بس ترى بتخسر حبيبتك غاده برفضك لشرطهم
سالم بجد تقهر اذبحها وافتك منها هي وين وانا وين بس ياليت غاده تقدر تنسينياها عشان اقدر اطلقها لما يطلع ابوها سرح يطالعها وهي تكوي
شيخه ارتبكت من نظراته وقامت ترجف الكوايه بيدها وبغت تحرق ثوب سالم اصرخت
سالم فز من صراخها خاف لا تكون احترقت قال بخوف :اشفيج تصارخين
قالت بخوف: بغى يحترق ثوبك
سالم بقلبه يعله فدوى بس لقاه عذر لكلامها الي قهره قبل اشوي فمسك الكوايه بيد ومسكها من رقبتها بيد وقرب الكوايه من وجهها وقال:عشان احرق وجهك بتخربين فرحتي انتي
شيخه انتفضت من حركته معقوله بيشو وجهي قالت بخوف :اسفه سالم
سالم شافها اشلون تنتفض من الخوف تمنى يضمها ويقول اضحك مو لهدرجه عشان ثوب تركها ونزل الكوايه بعد ماتركها راحت لغرفتها ركض ودخلت بفراشها هو ملجاها عقب الله وتحاول تهدي روعها ياربي ساعدني وخلصني من سالم كانت تشاهق وعيونها غارت بالدموع من الخوف جلس فتره يناظر بالفراغ الي تركته وراح وراها دخل لقاها بفراشها ترجف سالم معقوله بتنام العصر جلس جنبها ومسك كتفها يهديها فزت لما مسكها وقامت وبعدت عنه وهي مازالت ترجف شاف اعيونها عوره قلبه من شكلها مسح ادموعها بيده وقال لها:شيخه اسف ماكان قصدي بس قاطعتهه:لاتأسف ياسالم سبق وقلت لك الطريقه الي تعجبك لرد كرامتك سوها بدون اعتذار
سالم(بأسى):لاياشيخه مو
شيخه قاطعته وصرخت:مابي اسمع شي اطلع بره ارجوك خلني بروحي حرام والله حرام
انسدحت وتغطت بفراشها وهي تصيح سالم كره عمره على اسلوبه البايخ حس بقلبه يتقطع على شكلها طلع وخلاها لانها مراح تسمعه جلست تصيح لحد مانامت
ودي ابكي لين ما يبقى دموع
ودي اشكي لين ما يبقى كلام
من جروح صارت بقلبي تلوع
ومن هموم احرمت عيني المنام
انطفت في دنيتي كل الشموع
والهنا ما يوم في دنياي دام
ان شكيت الحال محدن لي سموع
وان سكت ..الناس زادوني ملام
بعد المغرب:
لبس وكشخ من غير نفس عقب الي صار طلع مر على غرفتها لقاها نايمه وراح وصى ماري تقعدها
احبـــــــــــــــــــــــــــك
نـــعـــم احـــبـــــــــــك
لا تتـــعــجـــب ولاتـــنــدهـــــــش
لا نــي احـــبـــــــك
انت يامن زلزلت كيـــــــــــانـــي...
وبعــثت الحيـــاة في جســـــــــدي...
انت يامن هيــضت مشـــــاعـــري...
وانرت دربـــــــــــي...
انت قمـــر ليــلي الحالك...
وشمس عمـــري اليــــافع...
احــــــبــــــــــــــــــــــــــكـ...
بعد ماقعدتها ماري اجلست تشغل نفسها طلعت كتب الجامعه من سكنت عند سالم ماشافتهم حنت للجامعه ولصديقاتها تذكرت كلام سالم انه بيخليها تكمل افتحت مذكرتها الي حطتها من اول يوم لها في هالبيت عشان تكون شاهد على فعايلهم اكتبت
((طفولة ضائعه))
ليتك ياطفولتي تعودين...
ابحث عنك بين ساعات النهار
ونجوم الليل...اهمس بخيالي شعرا
يناجي باطن عقلي لأحلم بك...
دخلت ماري
ماري:مدام تلفون يبي
شيخه(بخوف):منــــو؟؟؟
ماري:مادري هي يقول ابي شيخه
نــزلت شيـخه وردت على التلفون
شيخه(بخوف):الوو
المــتصله:سلام عليج اشلونج شيخه
شيخـه(بتعجب):عفوا ماعرفتج منـــو؟؟؟
المتــصله:افا انا دلال الأخصائيه في الجامعه
شيخه:عفوا سامحيني تعرفين صار لي ست شهور من تركت الجامعه
دلال:وهذا الي انا داقه عشانه ليش تركتي
شيخه ماحبت تجرح سالم مهما كان ولد عمها ولازم اسرار عايلتها ماتطلع فقالت:
تزوجت وزوجي مو راضي اكمل
دلال بجديه:تقصدين سالم الي ملكته اليوم على بنت خالته شيخه ترى انا اعرف السالفه كلها وانا قلت لخالته توسط لج تكملين لان تصرف ولد عمج مايرضي الله ولارسوله تصوري يقول لحمد اخوي قول لاختك لاتعب نفسها وخل تفصلها وبلى ماتحط اعذار مراح اخليها تداوم
شيخه(خنقتها العبره من كلام دلال وجلست تبجي حظها الي قطها بيدين سالم)
دلال(بحزن):حبيبتي لاتبجين قطعتي قلبي انا استغليت انشغالهم بالملكه وقلت بتطمن عليج انصدمنا بسالم انا وحمد ماتوقعناه بهالنذاله
شيخه(وهي تشاهق):مونذاله دين ورد اعتبار على الي سواه ابوي
دلال:انتي شكو بدين ابوج وبعدين ليش يوافق يتزوجج اذا مايبيج ولاعشان يرفع خشمه بين ربعه انه ماخلى بنت عمه
شيخه:تزوجني ينتقم من ابوي اني اشتغل عنده خدامه هو قال لي لين يطلع ابوج بتكونين وفيتي دينه
دلال بعصبيه :نذل وخسيس شوفي ماعندج تلفون عشان اقدر اكلمج
شيخه باسى :لا خذاه مني
دلال:خلاص بس اتاكد من طلعته هو وامه دق عليج والجامعه بتكملين على بداية السنه ان شالله وبلتقي معاج اهناك واي شي تحتاجينه قولي لي لاتستحين
شيخه حست بغصه وكانت بتبجي لانها اول وحده تهتم فيها :مشكوره ماقصرتي
دلال :ياحياتي ماسويت الا الواجب يلا اخليج مع السلامه
شيخه :مع السلامه
راحت تعشت واكلت براحتها لاول مره من غير مراقبات سالم وطنازة امه بعد ماتعشت اصعدت لغرفتها وافتحت الالبوم مال صورها اخذت لها صوره تجمعها هي وابوها وامها لما كان عمرها اشهر احضنت الصوره ونامت وهي حاضنتها تستمد منها الحنان والامان
سالم ملج على غاده وكان الكل فرحان وتحدد العرس بعد شهرين وهوجالس معاهم بالجسد بس قلبه مع شيخه اول مارجع صعد على طول يتطمن عليها دخل غرفتها لقاها نايمه وليت مولع (شيخه تتعمد ماتطفي اليت لانها تخاف)وقف عندها شافها حاضنه لها صوره التفت لقى الالبوم والكتب مبعثره خذا الالبوم وطفى اليت وطلع عنها
بعد مابدل ملابسه وانسدح على سريره جلس يطالع الالبوم كان فيه صورها من ولادتها لين تخرجها من الثانويه كانت حركاتها تدل على برئتها وطيبتها شد انتباهه صوره شكلها جديده كانت لابسه نفنوف وردي قصير وعلاق وفاله شعرها شكله عيد ميلادها العشرين لانه لما ملجت عليها كان توها داخله العشرين لها شهر جد اعجبه شكلها كانت احلى من غاده بكثير تمنى لو هي مكان غاده باس الصوره وراح يرد الالبوم عشان ماتشك
(بعد شهر ونص باقي على عرس سالم اسبوعين)
سالم جهز جناحه واليوم بتوصل غرفته النوم اول ماراحوا العمال بعد ماجابو الغرفه لقى امه وشيخه واقفين
ام سالم ترفع صوتها عشان تحر شيخه :بالمبارك يمه ماشالله تستاهل بنت اختي بنت الاصل عقبال ماشوف اعيالكم ياربي
سالم ونظراته على شيخه هو ماتكلم معها عقب الي صار كان يشغل نفسه بتجهيز العرس او زيارة غاده قال:ان شالله يمه بتشوفين اعيالي
امه اتزيد من الضغط عشان تقهر شيخه:عاد اعيالك باجر بيفخرون فيك كونك ضابط وبيفخرون بخوالهم اعيال بو صالح (زوج اختها)المدرس والمحامي ويكفي ان جدهم معروف بالبلد بسمعته الطيبه
سالم عرف قصد امه انها بتحر شيخه لكن اقهرته شيخه مبتسمه ولااهتمت قال:يمه مو جنج زودتي المدح على اعيال اختج
امه انحرجت واسكتت
شيخه الي اذن من طين واذن من عجين وماهز كلام ام سالم فيها شعره قالت بفرح:مبروك سالم الله يسعدك ان شالله
سالم لاهذي عن جد مو صاحيه تبارك اه يالقهر انا اذا صابني جنون فمنها قلت من غير نفس:الله يبارك فيج
(في المطبخ)
شيخه بترجي :ماري ساعديني ابي اروح السوق اشتري للعرس تكفين
ماري :شنو سوي مايقدر روح الحين بابا فيه
شيخه :بنقول بروح للطبيب
ماري بجديه :بعدين بابا يقول انا ودي
شيخه باسى:زين متى
ماري:باجر بابا روح دوام صبح انا قول لماما شيخه تعبان بودي طبيب زين بعدين روح سوق
شيخه بفرح :مشكوره ياماري تصدقين انتي الوحيده الي حبيتها في هالبيت ولاراح انساها
سالم كان جاي للمطبخ يشرب ماي وسمع كلمتها الاخيره عصب وخزها بعيونه وقال:كفوج ياشيخه وقدرج بعد شرب ماي وطلع وهوواصل حده لدرجة انه حسدماري الخدامه
ماري باستغراب:شنو فيه بابا ليش جنجان
شيخه ليش هو يعرف يبتسم اصلا:انا من جيت عندكم وهو جذي كلا معصب
ماري لا بابا قبل زين بس الحين لا ممكن مايبي سوي عروس ثاني
شيخه حست بحراج شقصدها بعروس ثاني هو في اولى :منو عروس اول ياماري
ماري :انتي مدام ليش يخلي بابا ياخذ واحد ثاني بابا يحب انتي والله انا يعرف عيون قول جذي
شيخه بعدم تصديق:ايه يموت فيني ياقارئة العيون
ماري بتوضح لها:انا يشوف بابا قبل نوم لازم يشوف انتي في غرفه
شيخه بعصبيه:شنو يدخل علي وانا نايمه
ماري بجديه :كل يوم مدام
شيخه هين ياسالم ان ماوقفتك عند حدك ماكون شيخه قلت:ماري جيبي لي المفتاح الاحتياطي
ماري:ليش
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك