رواية لا ياخذك غيري ترى خاطري فيك -21
تنزل بغزاره ع خدهـا ...
يوسف:انا عارف يامرام انه اللي حصل غصب عنك مو برضاك وحتى اذا انه برضاك ابن ادم مو معصوم عند الخطاء.
مرام وهي تبكي بألم:اللي حصل لي استاهله وعمري ماراح اطالبك باهتمام يكفي انهم جبروك ع الزواج رغم انه انت اللي ساعدتني وقت حاجتي للمساعدهـ وانا مديونه لك بهالشي.
يوسف حط يدهـ ع فمها وقاطعها:انا سويت هالشي لرضاء رب العالمين ثم لجلك لانه مستحيل ارضى وجود اختي بين ناس معدومة الضمير وانا مانتظر منك ردة جميل اللي ابيه منك انه تخلين البساط احمدي بينا ابي ترجعين لنفس وضعك قبل.
مرام تمسح دموعها:صعب صعب يابو سعود والله صعب "ورجعت تبكي بنهيار"
يوسف:اولاً انا اسمي يوسف مو ابو هالرسميه مابيها بينا فاهمه ثانياً الصعب نقدر مع الايام نسهله بس الاهم رغبتك لهالشي وتأكدي ماارح اجبرك ع شي .
مرام:............."مافي رد"
يوسف:يالله انا بقوم انام شوي واتركك تفكرين بكلامي وابغى لاصحيت الاقي رد مقنع منك وهاه تأسفي لي من ولـــدك سعود لاني ازعجته"ركز ع قولة ولدك لجل يحسسها بقيمتها بهالبيت"
ابتسمت مرام وهي تسمع كلامه اللي ينحط ع الجرح ويبرىىا وطلع من عندها وهي ع وضعها تتأمل ملامح ولدها سعود وكلامه يتردد بأذنها.....
+
+
طق باب البيت وفتح له عبدالله وهو ينتظره وحاس بسبب زيارته اللي خلته يجي من القصيم وهو عارف انه اخته الحين ماعادت بحاجته بفضل من الله ثم بفضل قراية جابر عليها تشافت ورجعت لوضعها الطبيعي
صحيح ايام تجيها حالات غريبه مثل انعزالها وتفضيلها ع جلستها لحالها ونفسيتها اللي تكون زفت احياناً وليس دائماً
.......
دخله للمجلس وبترحيب حار:ارررحب حيااك.
جابر:البــقى الله يحيك ويبقيك..
خلال نص ساعه بعد سوالف متعددهـ وانتم اخبر بسوالف الرجال اللي تغلبها الجديه عكس سوالف الحريم اللي تسودهـ المزوح والضحك...
جابر:انا جايك اليوم وشاري نسبكم طالبن اختك زوجه لي اذا ماعندك مانع.
عبدالله ساعتها مايدري ينبسط لهالخبر لانه يشرفه واحد بصفات الاخ جابر يكون شريك اخته والا يحزن خوفاً من انه اخته ترفضه بضن منها انه خاطبها شفقهـ...
عبدالله بإبتسامهـ:قربك ياجابر شرف لي وماتمنى لااختي الا رجل يمتلك نفس صفاتكـ والله يكتب اللي فيه الخير ومن ناحيتي انا موافق
بس لزوم اسألها والله يدبر اللي فيه الخير.
جابر ابتسم له:اكييد خذ وقتك وخلها تستخير وانا شاري قربكم والخيرهـ باللي يختاره المولئ.
عبدالله:ع خير بنهاية هالاسبوع برد لك خبر...
جابر:ع خير اجل استأذن الحين وانتظر منك اتصال.
:بحول الله .
+
+
+
حنان:خببببببببببله وربي ههههههههههاي.
مشاعل:جد والله كلهم بيتزوجو يالله مو باقي غيرنا احنا يالعوانس.
حنان:عوانس الله يغربلك جد احس اننا نكسر الخاطر هههههههههاي.
مشاعل:ههههههههههاي تصدقين حنو زمان مانبسطت كذا.
حنان:ي جعله دوم يارب.
مشاعل ضربت كتفها:تدومين لحبكـ"وغمزت لها"
حنان :اممممممم قومي قومي بس خلينا نطلع برا احس الهواء معدوم هنا.
مشاعل:اكيد معدوم لانو أكسجينك مو موجود اليوم .
حنان بانحراج:بس عااد ترا بكككف.
مشاعل:اوووف البنت صايره عدوانيه .
حنان:هههههاي شسوي فيك ماتجين الا بالعين الحمراء
مشاعل:يالله امشي بس نطلع.
حنان:قـــو "ونقزت بخفه"
مشاعل:يعنني رشيقه مالت.
حنان:اطلعي من حياتي انتي بس تحطميني اليوم هههههههههاي...
"مشو سوا بيطلعون للحوش وجلست مشاعل والتفتت تناظر حنان.."
مشاعل:هيه انتي ماتستحين تجين تجلسين والا تضيفيني؟؟؟!
حنان وكأنه صوتها الداخلي امرها:اووه نسيت صبر يالله بقوم اجيب لنا وانادي رغد.
مشاعل:انتظرك.
+
+
+
دخلت بين الاشجار بتروح لجوات القصر وماحست الا بيد تمسك راحة يدها بقوه وانسحبت لجوات الشجره المطرفهـ...
بخوف من انه احد يسمع صرختها سد فمها بيدهـ وهو يهمس لها:اصــه لايسمع حسك احد..........!!!!!!!!!!!!
..........::نزلت دمعه حاره ع يدهـ ابتسم لها وبهدوء مسحها:لييه هالدموع ياغناتي؟؟؟!
ردة شهقه كانت ناتجه عن خوووف من هالشخص اللي قدامها بس بمجرد سماع صوته اعرفته وحطت يدها ع يده بتبعدهـ لجل تقدر تنحاش داخل البيت الا انه نزل يده عن فمها وتلمس خدها برقه :اشتقت لك............"
"تراقصت اغصان الشجر لقرب انفاسهـ منها وبهدوء المكان بدءت العصافير تغني بأجمل الحانها لتحكي قصة قلب نبض هكذا هي حياة بطلي ............"
+
+
+
منسدحه ع السرير ودموعها مرطبه خدهـا وكل دمعه تجر دمعه لحد مانهارت وغطت وجهها بيدها
+
+
"اكررررهك بعد عني اكرهك .............."وصارت تبكي بحرارهـ وهو واقف ومذهول ابد ماتوقع تكون ردة فعلها كذا
قرب منها وطبطب ع كتفها بحنيه وبصوت دافي:انا آسف بس ظنيته رغبه منك .
:انت خليت لي مجال اقاومك اصلاً اكرهك ياأناني طول عمركم تتبعون شهوتكم وبس وانا اللي انعميت فيك وتوقعتك رجال غير عن كل الرجال رجال تهمه مصلحتي وراحتي اثاريك كله لتشبع رغبتك ياسافل..........."سكتها كف محترم"
يوسف:سكت ع طوالة لسانك مراعاة للضروف اللي تمرين فيها لكن لهناء وكفايه يامرام الصبر له حدود .
مرام منصدمه:اكررررهكـ.....
يوسف صرخ بكبرياء رجل: عمرك لاتحبيني وانا مانتظر منك ردة فعل وانتي ....."قرب لها وحط يده ع راسها وضغط ع اسنانه"
انتي ملكي ولي حرية التصرف فيك ولاتظنين بكلماتك هذي بتبعديني عنك لانك اصلاً ماتهميني بس قربي منك اسلي عمري بالفراغ اللي تركته ام سعود الله يرحمها ............"وطلع وتركها"
انهارت بالبكي وحست انها مهانه بهالبيت رغم انه اول مره يجرحها بالحكي طول المده وهو مراعيها بس
هذا طبع الواحد عمره مايلاحظ غلطه وحطت كل اللوم عليه وانها هي المظلومهـ......
وجزاء المعروف سبع كفوف
وقــفـهـ::
"كــــــــــــل ماتخونكْ دمعتكـ تشهق بها وتردهــــآإآإ"
اقدرت تفك عمرها منه وهو ضحكته تسبق خطواتها دخلت للبيت وقلبها تنسمع دقاتهـ ولقت ام منصور بوجهها
ام منصور:بسم الله عليك يمه وش فيكـ..!
حنان كاتمه ضحكتها وتحاول تخفي ربكتها:مافيني شي...
ام منصور بشك:اها طيب وين مشاعل ؟!
حنان:برا بالحديقه وانا بطلع لها بس بأخذ لنا عصير .
ام منصور:اها خوذي رغد معاكم شكلها طفشانهـ.
حنان:ابشري بس اهيا وينها يالله عن اذنك "وراحت تركض للمطبخ وتحس شي جواتها يرقصها...
ام منصور تكلمها وهي تشوفها تركض وبصوت عالي:توها هنا بس مادري وين اختفت فيه يمكن بالمطبخ.
+
+
دق ع اخته وطلب منها تتجهز ومع ترجيها له قدرت تقنعه يجلس شوي مع منصور ع ماتمل من حنان.
دخل للبيت وهو يصوت وكانت جهة الرجال يغلبها الهدوء دليل عدم وجود احد فيها..
كمل طريقه متجه للمجلس وقبل دخوله للمجلس لمح زول وحدهـ عند المغاسل وكانت تلعب بالمويه ومنزله راسها بقوه بحيث ماوضح شي منها غير زولها"أي جسمها خخخخ" وشعرها متناثر بشكل عشوائي ع وجهها قامت تغني بصوت عالي
:جيييييت وش جابك حبيبي من بعد طول المغيبي من بعد طول المغيبي
والا ناوي ياحبيبي تغرق الغرقان اكثر تغرق الغرقان اكثثر.......واستمرت بالغناء
وهو غصب ضحك ع شين صوتها رغم ذلك فضوله خلاه يوقف ويشوف وش اخرتها معها واندمج مع صوتها ونسى انها مو محرم له تنحنح بصوت عالي لجل تنتبه لوجودهـ وتستر عمرها ....(:
التفتت برتباك لصوت الصادر من خلفها وشافته واقف بهيبته وعيونه طايره يناظر باللي قدامهـ
غورقت عيونها بالدموع وحاولت تنسحب بهدوء الا انه الابتسامه اللي رسمها ع محياه استفزتها وخلت دموعها تنزل غصب مسحت دمعتها قبل ينتبه له وبحكم انتباه خالد الشديد لاحظ مسحتها لدموعها ورفع حاجبه باستغراب ع سخافتها تبكي لانه شاب شافها..
ركضت للصاله ومانتبهت لوجود ام منصور من دموعها اللي مغطيه ع شوفها وبين عيونها الموقف اللي عقدها وشبه انه ضيع مستقبلها الا برحمة رب العالمين...........
+
+
+
دق ع مشاعل وهو يحس مابين المبسوط بالبنت اللي شافها ومابين منرفز من ضعفها اللي خلاها تبكي قدامهـ...
خالد:يالله اطلعي منصور مو فيه.
مشاعل:تكفى بجلس شوي تعال ارجع لي بعدين .
خالد:اكتشفت ماتنعطين وجه اطلعي ولا يكثر اقول.
مشاعل:خلود تكفى طفش البيت بجلس شوي.
خالد:خلاص اجلسي بس دوري من يجيبك يالله طسي"طبعاً قالها مازح لاجدي".
مشاعل:هههههههاي تعال تعال ليه معصب لهدرجه مشتاق لمنصور.
خالد بنفاذ صبر:بتطلعين؟!!!
مشاعل:لالا مابي بس ارجع خذني ع الساعه 1 بليييييييز.
خالد:يصير خير يالله مع السلامه....."وسكر بوجهها"
مشاعل:وش فيه هالخبل معصب!!!
حنان:يمكن شي مضايقه.
مشاعل:وين رغد مو قلتي بروح اناديها؟!
حنان:مالقيتها مادري وين مختفيه فيه...
مشاعل:قومي فشله خلينا ندخل عند خاالتي .
حنان:يالله..
+
+
+
+
ع الساعه 2 جاء خالد يأخذ مشاعل وكان مروق بعكس عصبيته من اليوم
مر هاليوم ع خير والكل كآن مبسوط فيه
حنان حاولت تحسن من علاقتها برغد بس ارجعت بصدها بعد ماشفاتها مخبيه عنها وش اللي يبكيها
وطبعاً كلكم عارفين انه شوفتها لخالد اللي قلبت عليها مواجع ماضيها ^^
وبعد يوم انتظظظار شرف ابوه للبيت وجلس معاهـ
وبعد عناء قدر يقنع ابوهـ وسبب عدم اقتناع ابوه قولته"البنت بتكمل دراستها وغير كذا اخوي توه متوفي وماصار ع وصيته شي ع طول ازوجك من بنت غير بنته "
ومنصور بأسلوبه قدر يقنعه ابوه وطلع ابوه من عندهـ مبتسسسم ومبسسسسسوط
بختصار الحكايييييييييييييييهـ اللي دامت يومين ع ماتم السؤال والتفكير وا وا وا الخ الخ الخ .......(:
كلم منصور ابوه وطلب يد حنان منه ووافقت حنان ع طول من غير تفكير لانو منيتها بعد عنااء طويل تقدم لها......
تمت خطبتهم ع خير وبيوم الملكه دق جوالها ردت ع الرقم الغريب ومابين فرحتها ومابين صدمتها من الصوت اللي تسمعه.....
:الله يوفقك ويسعدك وقلبي داعي لك ياحنان....
حنان:انتي وينك فييييه.....؟؟!
:انا بالدنيا الاهم حبيت ابارك لك بسماعي بخبر زواجك والله يوفقك مع منصور واتمنى مايضلمك مثل ماضلمني هذا وهو الوصي علي من بعد ابوي الله يرحمه وعمي.
حنان بصدمه:مرام انتي شتقولين وش فيه ؟!
مرام:ماعلينا سالفه عدت واخذت مجراها وربي سخر لي انسان كفو يستاهلني والله يهنيك بمنصور ..
.."وسكرت السماعه"
حنان:الوووو اللوو مرام الوو............"واكتشفت انو السماعه مسكرهـ..."
دخلت رغد عليها والضحكه شاقه وجهها:يالله تعالي وقعي بسرعهـ.
حنان بصدمه وجامعه ادينها ع بعض وحاطتههم قريب لصدرها وتفكر بكلام مرام::""""""
(خلكـ على خبري كما ريحة العود....
اذا احترق بالنار يزداد طيبهـ)
رغد اللي تتعامل مع حنان ع سجيتها وتحبها اكثر نفسها:حنوو هيه وين وصلتي قومي يالله الكل ينتظر.........
وقفت حنان ومشت من غير تفكير دخلت لصاله ولقت عمها واقف وبيده دفتر التوقيع
تأملت عمها وصوت الضمير يهمس لها(بتنظلمين مثل مانظلمت مرام بموافقتك وش حيث انه انتي مالك والي لا اب يصونك والا ام توجهك...)
قربت حنان لعمها وبهمس وهي منزله راسها:عمي.......!!!!
ابو منصور ببابتسامه:سمي يابنيتي...
حنان بصعوبه انفثت عبراتها :انا مابي اتزوج .........................
انتـــــــــــــــهىا الـــــــــبآرت .
مخـــــرج:~
تدري وش اللي حير آلناس امـره
وآلنـاس تتـسال خفوقـي عـﻵمـہ
آني آشيل بـدآخـل آلقلـب جمـره
وآعطي على ڳثر آلہموم آبتسآمـہ
عذرررراً ع التأخخخير حبايبي
والسموحه ع القصور ادري البارت قصير بس هذا اللي طلع معآي والبارت الجاي بحوله وقوته يرضيكم ناحية الطول
وارجع اقول لكم اساس استمراري ونجاحي بمتابعيني ي ي
لاعدمت توقعاتكم وتقيمككم للشخصيات ^_^
دمــتم/
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البــــــــــــــآرت السادس عشر :~
أحس فيني [ صرخه] جابت [اقصاي]
وصلت معي حد السكوت وبكيته..
,,ْ
صرخة[ ألم ]ضاعت قبل تاصل شفاي ..
أحساسها ضيع كل من [لقيته]..
,,ْ
[تدري] وش أجمل شي في أصعب أشياي..
[جمر الدموع بداخلي لا بكيته]...
.صـــــــــــــدمــــــــــــــــــــهــ
أوجه اقتلبت الوان
قلوب تضرب بقوهـ
ايادي ترجف بخوف
اسئله تخالج الاذهان
قلب يحاتي انسان الدنيا مو سايعته من الفرحه وكيف بتنقلب سوداء بمجرد سماعه للخبر...
(ومع ذلك الكل ينتظر لسان حنان ينطق بالمصيبه اللي جت فوق روسهم)
حنان برجفه:انا قررت هالقرار ياعمي واتمنى تحترمونه"وركضت لغرفتها بخوف وهي تشوف وجه عمها المقتلب
ودموعها منهمره ع وجهها"
ابو منصور بصدمه:وش تقول هذي خرَّفة قومي شوفيها ياحرمه تبي تقطع وجيهنا قدام الناس..
ام منصور:طيب طيب ارتاح انت لاتتعب نفسك ..
وركضت لغرفة حنان خوف من انه ضغط ابو منصور يرتفع وينقلب البيت عزاء بدل الفرحه اللي عامرته او بمعنى اصح كانت عامرته....
طقت عليها الباب وردت حنان بصوت مبحوح:مابي افتح بجلس لحالي.
ام منصور بترجي:الله يخليك يابنيتي افتحي لايطيح علينا عمك افتحي وعطينا سبب مقنع برفضك.
حنان:مافي سبب غير عدم ارتياحي لمنصور خلاص مابي اتزوج انااا مابي "ورجعت تبكي"
ام منصور:وش فيك يابنيتي امس وش زينك ومبسوطه وش اللي غيرك...!
حنان:مافيني شي ياخاله ابي اجلس لحالي .........
راحت وتركتها وحيرتها زادت بسبب بكااها
ابو منصور بضيقه:هاه وش قالت لك؟!
ام منصور:ماردت علي تبي تجلس لحالها.
ابو منصور:المشكله لاهي بنتي والا انا ابوهآ عشان اجبرها واسيرها ع برغبه مني
هالبنت امانه عندي وذنبها برقبتي وش السوات بهالمصيبهـ؟!
ام منصور بلطف:منصور ان شاءالله بيتفهم سو اللي عليك وخبرهم عن رفضها والباقي ربك ييسرهـ
ابو منصور بتنهد:لاحول والا قوة الا بالله اجل اقوم
اعطي الشيخ خبر واقول لمنصور عن المصيبه .
طلع من عندها وهي التفتت تناظر رغد وتنتظر جواب منها ع اللي حصل لااختها
رغد بصدمهـ وتحاول تخفف عن ام منصور:يالله ماندري وش الخيره فيه.
ام منصور وامانها بالكتبه والنصيب قوي:صدقتي قومي عندها شوفي يمكن محتاجتك بقربها.
رغد:ابشري.
+
+
انصدم منصور بالحاصل وانه منيته ارفضته وحطته بموقف محرج قدام الكل
اخذ جواله وطلع ركض برى ركب سيارته مذهول
ضل يمشي بالشوارع بلا مأوى يلجأ له وقت ضيقته بعكس العآدهـ
وقف بشارع اقرب لظلام وبعد الخمس دقايق تمر سيارهـ
رمى شماغه ع جنب وحط راسه ع الطـآرهـ
تذكر ايام ماكان يخطط يتقدم لها
وثقته التآمهـ بموافقتها
ضرب الطاره بييده ونتج خلف هالضربهـ صرخهـ من قلبه حآملهـ تساؤلات
:عمري ودنتيييتي ترفضني ليييييييش !!!!
:انا شسويت لها وش غير رايها بيوم وليلهـ !
:اناااااااااا ضعيف ومجنووون اللي سلمت هذا "طق قلبه " لككك
(قطع تساؤلاته وتناقضاته مابين قلبه وعقققلهـ رنة جوالهـ)
مد يده بتعب وشاف رقم الغاليه"امه" ظاهر عندهـ
حوله لسايلنت ورمى جواله وطاح تحت المرتبهـ
سند راسهـ ع الكرسي وبتعب مسح ع شعرهـ
تنهد واستغفر ربهـ
غمض عينه واعصابه تلفانهـ والارهاق واضضح ع وجهه
وبعد عناء من التفكير والضيقه قدر يغفى ويرمي كل شي ورى ظهرهـ
||~
||~
دقت مره ومرتين وثلاث ووصلت لاربعين مكالمهـ مع ذلك" مـآفي رد"
ماهناء لها جفن يغمض بغيبة ولدهآ المصدوم من البيت .
قلب الآم متواكل ويحاتي ضناها رغم انه شاب ناضج بتصرفآته الا انه يضضضل قلب الأم الحآنيه يلم ذلك
الطفل بعد ما شاب وبعد ما شاخ
رفعت جوالها للمره الاخيره بأمل انه يرد ..............والحاصل" مقفل "
نزلت بثقل من كثر الوقفه عند باب اختها ورفض اختها بفتح الباب.
شافتها جالسه بوسط الصاله وحاطه يدهآ ع خدهآ ودمعتها مبلله يدهآ
قربت لها وبخنقه كلمتها:خالتي شفيك .؟!
بعد ماشافتها حست خوفها ع ولدهآ جبرها تبككي قدام رغد الصغيرهـ
قربت لها رغد وحطت يدها ع كتفها وحبت راسها
:هونيها ياخاله ومنصور بوضع محرج عذره معاه لو غاب وانتي استودعيه ربي
واذا اصبحنا وهو مارجع يحق لهالدمووع تنزل .
ام منصور ببصوت مبحوح:وانا كيف بنام وبيرتاح بالي وانا مادري وين اراضيه وجواله تقفل ياخووووفي يصير فيه شي
"ورجعت تبكي بحرقهـ"
نزلت دموعها بشوفة دموع هالانسانه اللي حضنتها وعدتها بنت لها:بس ياخاله لاتتعبين عمرك يمكن خلص شحنه .
مسحت دموعها وهي تحس انه ماله داعي تبكي :يمكن طيب حنان وينها؟!
رغد بحززن ع حال بيتهم:بغررفتها رافضه تفتح لي.
ام منصور:يالله انك تيسرهآ .
رغد:امين يارب عمي وينه؟!
ام منصور:طلع لغرفته وشفته نام طلعت برا خفت ازعجه.
رغد:اهآ .
دخل نواف ويضن انه الكل نايم ,
ام منصور:تعال يمه.
التفت لجهتهم :مانمتو ؟!
ام منصور:ها يمه مالقيت منصور؟!
نواف:لا والله مالقيته ودقيت عليه اول مايرد وبعدها تقفل.
رجعت تبكي:ياويلي وينه ولدي...
نواف:يمه منصور مو صغير تلاقينه جالس بمحل لحد مايرتاح وبيرجع.
ام منصور:ان لله وان اليه راجعون .
دق جوال نواف طلع برا بسرعه ثواني ودخل ع ام منصور وطمنها انه منصور طيب.
"مايدري اللي سواهـ هو الصح اولا بس حس انه واجبه يريح ويطمن امه بخبر يريح قلبها حتى لو انه مو صادق"
ارتفع اسم الله بالسماء الدنيا واعلن بزوغ الفجر
فتح عينه بصعوبه واشعة الشمس ساطعه بعينه حط يده يخفف من الاشعه
رفع ساعة يدهـ وشافها 7 وربع
شغل سيارته بسرعه وكان البنزين ع وشك انه يفضي
وقف عند اقرب محطه وفللهآ
دور جواله ومالقاه فضل انه يوقف وينزل يدور عليه
دخل بوسط حآره من حواري الرياض
نزل واتجه للباب الثاني دوره ومالقاه وامله بالاخير انه يلقاه تحت المرتبه نزل راسه وشافه تحت المرتبه ومقلوب ع قدام
اخذه وضنه انه مفتوح وشافه متقفل عرف انه مافي بطاريه
ركب سيارته واتجه للبيت وفكره مو معااااه بل بملك حنآن
دخل لبيتهم وشاف امه ع نفس جلستهاا كل الليل ورغد نايمه ع رجلها دخل بهدوء
وهو يشوف امه مغمضه ويضن انها نايمه وهي جالسه قرب لها
وحب راسها صحت ع طول لانها بالاساس مانامت
:ليش نايمه هنا يمه؟!
:وينك يمه ليييش رحت وتركتني اول مره تنام برا البيت وتبيني انام مرتاحه؟!
اول مره تبعد عني؟!
منصور يحاول يمازحها مايبي احد يحس بضيقته:يالله عااد هذاني رجعت .
ام منصور:افطرت!
منصور وهو ماله نفس:ايه الحمدلله.
ام منصور:هني وعآفيه يارب روح نام اجل واصحيك الظهر.
منصور:طيب عن اذنك يمه "وباس راسها وطلع لغرفته"
دخل لغرفته بثقل رمى نفسه ع السرير بأمل انه يرتاح وينام شوي بس التفكير شل عيونه وماقدر يغمضها....
تعب وعانىآ تألم لذكرى فاجعتها مع ذلك قرر يسكت لحد ماتعرف بخطاها
عرف انه مو قادر ينام وقف بتعب واتجه لدورة المياه "وانتم بكرامهـ"
دخل تحت الدش والمويهـ الدافي يضرب راسه بدون رحمه مع ذلك راحته تحت ايدين هالمويهـ ,"
||~
||~
دخلت عليهااختها بعد معاناة معها عشان تفتح الباب
ناظرت بعيونها وكيف منفوخهـ واثر البكي ع محياّهآ ,
نزلت راسها بعد ماشافت نظرات العتاب بعيون اختها الصغيره
وحست انه اللي سوته غلط حست بخطاها بس بعد اييش!!!!
بعد ماشرخت جدار قلب عشيقهآ
:كيفك الحين حنان؟!
:الحمدلله.
رغد:قدرتي تنامين؟!
حنان:لا .
رغد:تدرين انك ضيعتي نفسك بقرارك وضيعتي منصور معاك !!
رفعت راسها بثقل:انتي وش قاعده تحكين !!
همك انا ياللي يقاال اني اختك والا همك منصور هاه؟!
انصدمت من الكلام اللي تسمعه ذهولها اخفااء الكلام من لسآنها....!
حنان بتهجم:لييييش تناظريني كذا لاني عرفت قدري عندك وعرفت انك تفضلين ذاك علي!!
........."ومازالت رغد ساكته والصدمه مستوطنتها".........
حنان:روحي له ادليك ع غرفته روحي له طبطبي ع كتفه دامك حنونه وطيبه كذاا حررام مايدري عن هالحنيه كلها !
وتكمل كلامه بدون حساب لخاطر اللي قدامها:
من اولهاااا يارغد وانا كاشفتك وعارفه انك ماانتي اختي والا شي مجججرد بلوى ع قلبي
الله العآلم انتي بنت ميييين !!!!!
سككككتهاااا
كككف ناتتتتج من كبرياااااء انثى كففف ناتج من عزة نفس مجروحهـ
كككف ناتتتتج من شموووخ ممشوخ
كففف ناتج خلف صصصصدمه !!
ناظرتها بحقد:اطلعي برا اططططططلعي برىى .
طلعت رغد والعبره خانقتها مع ذلك تكككابر ماتبي تبين ضعيفه قدام اللي اهانتهاا .
راحت تركض لغرفتها قبل ينتبه لها احد
دخلت غرفتها وعيون كانت تراقبها من بعيد
ضل مصدوم من اللي شافه وسمعه وعآلقه بلسانهـ"لاحول والا قوة الابالله"
رمت نفسها ع سريرها تبكي بمرارهـ تبكي من ظلم اختها لها
تذكرت ماضيها ونزلت دموعها بنهيار بعد ماكانت تتمنى اخت تساندها بمصيبتها صارت اختها ضدها
تستعمل مصارحة اختها لها ضدددهااا !
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك