رواية ياخوي ياعزوتي ياضحكتي وبكاي -3
فارس وهو يمسكها من كتفها ويقومها من الكرسي : يمه يمه شوفيني تراني مره خفت قومي بس وريني عرض كتافك بنام مالي خلق حنه ورنه
فاطمه الي شاتت الباب يوم سكره : هين يافروووووووس اوريك
اووووووف ياربي ما ابي اروح الغرفه وامي فيه خلني انزل تحت اشوف التلفزيون لين تخلص من ساره
في غرفة فاطمه ساره كانت تبي تنام لانها من جد تعبانه تحس انها متكسره وماشبعت نوم
دخلت عليها ام فارس: ساره يمه انتي نمتي؟
ساره : لا خالتي للحين مانمت سمي
ام فارس: ولا شي يا يمه بس قلت بسولف معاك شوي هالفطوم ما خلتك تقعدين معاي
ساره وهي تبتبسم وتقوم من السرير : سمي يالغالي وهذا انا قاعده قولي الي بخاطرك
ساره عارفه ان خالتها عندها شي بس ما حبت تستعجل
ام فارس: ابد يا بنيتي مافيني شي بس قلت اشوفك مبسوطه بالقعده هنا ولا تبين ترجعين
ساره: لا يا خالتي انا مبسوطه واتمنى اني اقعد معاكم زي اول
ام فارس وهي تبتسم: ايه انا قلت بنيتي سويره اعرفها ما بتقول ما ابي اقعد
ساره:....................لا تعليق مو عارفه شسالفه
ام فارس: انا قلت لهم ساره ما بترجع مع خالد وبتقعد معانا لانها مبسوطه بس كلهم قالوا انك يتروحين معاه
ساره وهي ترفع عينها بخالتها: خالد بيروح وين؟
ام فارس: خالد دقوا عليه الشغل ولازم يرجع الفجر عشان يخلص شغله انا قلت لهم يخليك هنا واحنا نرجعك بعد ما تغيرين جو
ساره مو مستوعبه ان خالد فعلا بيمشي الفجر يعني بعد اربع ساعات وهي ماتدري شسالفه وماتقدر تقول لخالتها انها تبي تروح ماتبي تقعد: سمي خالتي ان شالله وقلبها يدق بقوه توقعت ان خالتها تسمعه من كثر ما يدق
طلعت ام فارس من الغرفه وهي نازله الدرج وتشوف بنتها تقلب بالتلفزيون : انا قلت لك يا ام لسانين ان ساره مو مثلك
فاطمه بستغراب: وافقت تجلس؟
ام فارس : ايه ولا قالت شي والحين يله طسي اقعدي مع بنت خالتك وخلي التلفزيون عنك
فاطمه الي طفت كل شي: اوكي ماما مع اني مو مقتنعه وطلعت الدرج تركض لغرفتها
دخلت الغرفه وشافت ساره صاده وسرحانه
فاطمه: ساره ساره
ساره: همممم وهي تمسح دموعها
فاطمه : فيك شي ؟
ساره : لا مافيني شي
فاطمه : تكذبين على مين انتي شوفي عيونك
ساره: لا بس تذكرت امي
فاطمه : الله يرحمها يا عمري طلبي لها الرحمه ولبوك ان شالله
ساره والي سمحت لدموعها تنزل : ان شالله يارب
رن جوالها وشافت المتصل خالد : نعم وبقلبها تقول توك الحين تتصل ليش ماكلمتني من قبل لا تجي خالتي
خالد: ساره وشفيك
ساره: مافيني شي انت فيك شي
خالد: لا مافيني شي بس بغيتك تعالي المجلس
ساره: اوكي شوي واجي
قامت غسلت وجهها ولبست الايشارب ونزلت لخوها
بالمجلس وخالد قاعد يفكر ياربي شلون بقولها وشلون ياربي سهل علي انها ما ترضى تقعد واخذها معاي
سمع صوت الباب ....طق طق طق
خالد: ساره محد دخلي
ساره : وهي تدخل وخطواتها تحس فوقهم جبال
خالد: ساره فيك شي تعبانه الصداع زاد عليك؟
ساره: لا مافيني شي عادي
خالد: اجل عيونك ليش متنفخه كذا وحمرا
ساره الي نزلت دمعتها ومسحتها بسرعه وسوت روحها تتثاوب: لا ابد فيني النوم وكنت بنام ونزلت اشوف شفيك
خالد: انزين قعدي بسولف معاك شوي
ساره وهي تجلس : خير فيه شي؟
خالد: انا لازم بكره الفجر ارجع عشان عندي شغله مهمه وماتصير الا وانا موجود
ساره: اوكي مو مشكله
خالد وهو يكمل وما يطالع فيها: وتكلمت مع فارس وقال ان انا اروح وانتي تقعدين كم يوم وبعدين هم يرجعونك معاهم
نزلت دمعة ساره ومسحتها بسرعه وهو يكمل قال انه بيقول لخالتي عن الوضع وبيفهمها عشان انه شغلي وما اقدر اقعد وانك انتي بس الي بتقعدين واتوقع انه قالها الحين
خالد: ساره وين رحتي تراني اكلمك
ساره: طيب خالتي درت وتراها قالت لي
خالد: يعني انتي تدرين (وقتها عرف ان عيونها من الدموع صارت كذا)
ساره: ايه ادري قالت لي خالتي
خالد: وش قلتي لها
ساره: انا موافقه اني اقعد
خالد مندهش ما توقع انها توافق ابد: انا قلت لفارس انك ما بتوافقين ابد وبتصرين تجين معاي
ساره: لا انا موافقه اني اقعد عادي وفكره مررره حلوه (هين ياخالد اوريك ليش ماقلت لي عشان اعرف ارد على خالتي)
خالد: يعني بتقعدين
ساره: ايه بقعد وهي ترص على الكلام
خالد: وش فيك تقولينها كذا
ساره: كيفي ولا بتتحكم بكلامي (يارب ما اصيح لالالا لاتنزل دمعتي بيشوفها وبيعرف ان الكلام من ورا قلبي)
خالد بصوت مترجي: يعني بتخليني ارجع بلحالي
ساره ودور القوه بدا يتفلت منها: زي ما وافقت فارس على فكرته ووقفت عشان تطلع من الباب
وقبل لا تطلع
خالد: ساره
فاطمه الي طفشت بلحالها بالغرفه نزلت لعند امها تحت ودخلت عليها
فاطمه : ماما نمتي
ام فارس لا مانمت للحين شفيك
فاطمه : مافيني شي بقعد معاك شوي
ام فارس: روحي قعدي مع بنت خالتك انا بنام
فاطمه: يمه ساره نزلت لخالد وانا طفشت بروحي ماتبيني خلاص بروح
ام فارس وهي تمسكها: وش فيك انتي انا لو ما انا متأكده انك بنتي كان عرفت انك ما قعدتي ببطن الي جابتك تسع شهور
فاطمه وهي تنام على رجل امها: فديتك يمه والله لو الف العالم كله ما بلاقي احد يحبني زيك
ام فارس: وبعد كلام المدح هذا وشو عندها بنيتي
فاطمه : ههههههههههههههه يمه وش فيك حرام عليك والله مابي شي بس بغيت اقولك اني دخلت على ساره بعد ما نزلتي ولقيتها تصيح
ام فارس : من جدك ولا تمزحين انا لمن طلعت منها كانت تبتسم وعادي
فاطمه : يمه انا قلت لك ساره مستحيل تقعد من غير خالد وتبي تروح معاه بس استحت منك
ام فارس الي تبي تقوم لبنت اختها: وخري خلني اشوفها
فاطمه : سوير عند خالد بالمجلس مو بالغرفه
نرجع للمجلس
خالد وهو ينادي اخته قبل ما تطلع: ساره
بدون لا تلف عليه ساره: نعم
خالد: ان شالله تتونسين هنا وتنبسطين تصبحين على خير
ساره ماردت عليه طلعت بسرعه لا يشوف انها مقهوره انه بيروح وبيخليها وراحت تركض لفوق عشان محد يشوفها ودخلت الحمام الي بغرفة فاطمه وحمدت ربها ان فاطمه مو فيه وقعدت تصيح
ام فارس وهي تطق باب المجلس : يمه خالد انت نمت
خالد وهو يركض للباب عشان يفتحه: لا يالغاليه تفضلي
ام فارس: زاد فضلك يمه وين ساره فطيم تقول انها هنا عندك
خالد: تو من شوي راحت فوق قبل لا تجين بشوي
ام فارس: انت قلت لها انك بتمشي الفجر
خالد: ايه خالتي قلت لها وقالت انك قلتي لها وانها موافقه
فاطمه من وراا الباب لانها مولابسه ايشارب : خالد اختك تنصب عليك مهي موافقه والدليل انها قاعده تصيح فوق بالحمام ومو راضيه تفتح لي الباب
ام فارس: خلاص يا يمه خذ اختك معك
خالد:............. (اجل ليش تقولي موافقه وعاجبتها الفكره )
ام فارس وهي تأشر قدام وجه خالد: يمه خالد وين رحت اقولك خذ اختك معك والله لا يحرمكم من بعض
خالد: بس ياخالتي
ام فارس: لا بس ولا شي خلاص روحوا وانا والله مو زعلانه بالعكس انا كثير فرحانه الله لا يخليكم من بعض
خالد وخطرت بباله فكره يرد فيها على حركة اخته: فاطمه انتي موجوده عند الباب
فاطمه : ايه امر
خالد: امانه عليك لا تجيبين طاري لها انها بتروح معاي ورتبي انتي اغراضها بالشطنه
فاطمه: اصلا ما طلعتهم من الشنطه هي
خالد:اوكي امانه لا تبين لها على اساس اني بروح لحالي اوكي
فاطمه : اوكيييي بس كم لي
ام فارس: شوفوا الي ماتستحي
فاطمه: يمه خليني كيفي
خالد وهو يضحك على خبالها: ههههههههههههههه خليها ياخالتي اممممممممممم لك لاب توبي بخليه لك حلال زلال لاني شاريه توني وما استخدمته عدل
فاطمه : يسسسسسسسسسسسسس اوكي ابشر بالي يرضيك
ام فارس: طسي فوق لا اطلع اكفخك الحين
فاطمه وهي تركض من عند الباب: اوكي ولد خالتي ابشر ههههههههههههه
ام فارس: ياوليدي خذ جهازك ما عليك منها تراها خبله واخوها وعدها بيجيب لها لانها كانت بتشتري وقصرت فلوسها
خالد: يا خالتي فاطمه مثل ساره بالضبط عندي وخلها حلال عليها الاب توب انا اصلا ما حطيت فيه شغلي باقي على الجهاز القديم
ام فارس وهي مفتشله من بنتها: والله ياوليدي انها ماتستحي
خالد: خالتي وش ذا الكلام عادي والله وهو يبوس راسها
ام فارس: الله يحفظك ياوليدي يله اخليك تريح شوي مابقى شي على الفجر
خالد: امين يا خالتي ويحفظك انتي لنا يا روح هالبيت
في غرفة فاطمه
فاطمه: سويره ماصارت كل ذا حمام (ترص على اسنانها عشان ما تبين الضحكه
ساره: اوكي شوي واخلص قاعده اتروش تروشت عشان اذا احد سألها عن عيونها الحمر تقول دخل فيهم شامبو
طلعت من الحمام : يله هذا انا طلعت نشبتي لي على هالحمام
فاطمه: وش عيونك كذا حمر
ساره: دخل فيهم شامبو
فاطمه:..............( علي انا تكذبين هع)
ساره لبست ونشفت شعرها واتجهت للسرير وهي ما تبي تبين انها متضايقه ماتبي تخلي خالتها تضايق
فاطمه: بتنامين
ساره: ايه تعبانه بنام
فاطمه:.... (كسرتي خاطري بس اخوك امني وفيها لاب توب واعرف ان لاب توبه مو رخيص سامحيني يا سوير) خلاص انا بنزل لأمي تحت كيد ماراح تنام لانها بتسلم على خالد قبل لا يروح توها بتطلع وسمعت شهقت ساره من الصياح وهي تحت الملحف
نزلت لأمها وهي عارفه انها ما بتنام لين تسلم على عيال اختها ويروحون
فاطمه: يمه نمتي
ام فارس : لا مانمت وطسي عن وجهي يالي ماتستحين وكفختها
فاطمه وهي تمسك مكان الضربه: يمه شفيييك انا شسويت
ام فارس: تاخذين جهاز الولد وتقولين وش سويت
فاطمه: يا مامي يا حبيبتي شي ببلاش ربحه بين وبعدين انا كنت امزح ويوم شفت السالفه لاب توب سكت
ام فارس: انتي اصلا ماتستحين
فاطمه بزعل: يمه انا بنت فطوم ما استحي والله يا ماما اني استحي
ام فارس: لو تستحي ما خذتي جهاز الولد
فاطمه : هو عرضه وانا وافقت يعني لو كان محتاجه ما عرضه لي
ام فارس وهي عارفه ان بنتها مابتتنازل عن الجهاز: والحين شتبين ؟
فاطمه : بقعد مع امي فيها شي هذي
ام فارس: امك ماتبيك روحي عند بنت خالتك فوق
فاطمه : ماما بنت خالتي ماتبيني قالت بنام وتلحفت وان قعدت عندها بقول لها وانا وعدت خالد اني ما بقول
ام فارس: وش تبين قاعده عندي قومي نامي
فاطمه : تطرديني وانا بنتك الوحيده افا بس ماهي الهقوه يا نونو
ام فارس : نونو بعينك انتي متى بتستحين على وجهك وبتكبرين
فاطمه وهي تبوس بأمها : نوال شفيييييك حرام الواحد يدلع امه ولا شنو
ام فارس وهي تضحك على خبال بنتها: فطيم ووجع يوجع العدو وخري طفشتيني
فاطمه الي جا على بالها شي: ان شالله يمه وتمددت جنبها على السرير
ام فارس : قومي على فراشك يله
فاطمه : يمه بقعد معاك ادري ما بتنامين لين يروحون عيال اختك
ام فارس: وش ورا هالقعده يله انطقي تراني مو غشيمه عنك
فاطمه : فديتك يا نونو طول عمرك فاهمتني
ام فارس: ههههههههههه فطوم عقلي
فاطمه وهي تضحك: ماما تستحين اذا قلت لك نونو هههههههههههههههههه
ام فارس: مو شغلك يله اخلصي وش عندك
فاطمه الي فاجئت امها بالسؤال: ماما كيف ماتت خالتي وزوجها
ام فارس:............................. سرحت بعيد
فاطمه : ماما شفيك اسألك انا
ام فارس: ليش يا فاطمه تقلبين علي المواجع الي عمرها ما اندفنت
فاطمه بإحترام لمها : يمه يا الغاليه والله مو قصدي بس ابي اعرف الله يخليك
ام فارس: فطوم وخري عني خليني ارتاح شوي
فاطمه : يمه ادري انك ما بتنامين ولا كان خليتك الله يخليك قولي لي
ام فارس: مو نايمه ولا قايله لك لاني ما ابي ساره تجي وتقد تصيح
فاطمه: ماما والله ساره ما بتنزل لانها قالت لي بنام الحين عاد قولي لي الله يخليك
ام فارس رجعت تسرح بعيد :................................................. .....
فاطمه : يمه لا تسرحين قولي لي
ام فارس : ابد كانوا عندنا زياره كلهم ووقت ما يبيون يرجعون صاروا العيال يصيحون نبي خالتي ومتعلقين فيني بالبدايه رفض ابوهم الله يرحمه قال لا ما استغني عن عيالي ومع صياحهم راح ابوك وكلمه وقاله كيف العيال متعلقين يبون يقعدون معانا واحنا بنرجعهم بعد يومين والله هداه ووافق، ويوم جات تطلع خالتك قعدت تحبب فيهم وتحضنهم كأنها تودعهم وتوصيني عليهم وتقولي وش ياكلون وش يشربون وش يمرضهم وش الي ابعده عنهم هم صحيح بالبدايه قالوا بنقعد بس يوم شافوا امهم وابوهم طلعوا خالد كان يبي يروح معاه وساره تمسكه تقوله لالا طلعوا من عندنا وكان الوقت صباح حول 10 ونص ورجعت تسرح بعييييد كأنها تعيش الوضع الحيييييييييييييين
وش سبب موتهم وهل بتكمل ام فارس قصة موت خالتها لبنتها ولا بتضل سرحانه ؟؟؟
قرائه ممتعه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الخامس
ام فارس الي سرحت وكأنها تشوف المنظر قدامها ...........
فاطمه وهي تأشر بوجه امها: يمه يالغاليه لا تسرحين الله يخليك كملي
ام فارس وهي تمسح دمعه الي عاندتها ونزلت: كان الوقت يوم طلعو الصبح حول 10 ونص على الساعه على الساعه 1 الظهر سمعت صوت التلفون يوم رديت سمعت صوت رجال (بتكلم كأن الاحداث الحين صايره كنوع من تقمص الدور)
.....: السلام عليكم
ام فارس: وعليكم السلام ورحمة الله من معاي
.....: هذا بيت محمد الــ
ام فارس: اي نعم هذا بيته من معاي
...: ممكن اكلمه
ام فارس: هو بالشغل تبيه بشي ضروري اقدر ابلغه
....:ابيك تبلغينه اختي انه يشرفنا بالمستشفى العام ضروري
ام فارس وهي تشهق: المستشفى العام خير وش فيه
....: اذا جا راح يعرف كل شي مع السلامه
ام فارس وهي ماهي عارفه شلون تفكر ولا هي قادره تسوي شي دقت على زوجها
محمد: مرحبا
.....: البيت طالبينك
محمد(ابو فارس): ايه حول المكالمه
ام فارس وصوتها الي كله خوف: محمد
محمد: هلا يا نور عين محمد
ام فارس: الله يخليك تعال الحين البيت
محمد وهو خايف: خير نوال فيكم شي العيال فيهم شي
ام فارس: الله يخليك تعال الحين
محمد وهو ياخذ اغراضه : ان شالله اهدي انا الحين اجي
وصل محمد البيت وفكره يضرب اخماس بأسداس دخل البيت وهو خايف ان فيهم شي : خير يانوال خوفتيني
ام فارس وهي ميته من الخوف لامه عيالها مع عيال اختها: محمد دق واحد وقال لازم محمد يجي المستشفى العام
محمد : خلاص هدي اعصابك الحين اروح واطمنك
ام فارس: لا يا محمد اروح معاك الحين
محمد : يانوال وين تروحين والعيال والشغاله ماتقدر عليهم
طالعت بالعيال ياربي وين احطهم بس انا بروح يعني بروح : ما عليك بوديهم لجارتنا تنتبه لهم
محمد : يانوال استهدي بالله وقعدي معاهم
ام فارس: قلت لك لا يعني لا اروح يعني اروح
قامت بسرعه لبست الصغار جزمهم (وانتوا بكرامه)
وطلعت مع زوجها والعيال عشان تطق الباب على جارتهم
...: مين
ام فارس: انا جارتكم ام فارس
....: تفضلي
ام فارس وهي تبكي: الله يخليك انتبهي لعيالي وعيال اختي وبجي اخذهم الله يخليك لا يصير فيهم شي
....: هدي اعصابك ان شالله من عيوني لا تحاتين
ام فارس وهي طالعه: الله يعطيك العافيه الله يعطيك العافيه
راحت للسياره وركبت جنب زوجها ومشوا
محمد يبي يخفف توترها : وش قال لك اي مستشفى
ام فارس وهي تدور بعيونها كأنها مضيعه شي : المس ـــت شفى العــ ــام قالتها وصوتها يقطع من الصياح
محمد : تعوذي من الشيطان يا ام فارس ان شالله مافيه شي يخوف
ام فارس بعالم ثاني:........... ماردت عليه لكنها كانت تتكلم داخلها وتدعي يارب يارب ياكريم ما يصير لختي شي
يارب يالله مو احنا الي يبونا ان شاللله يكونون غلطانين معقوله معقوله اختي فيها شي معقوله صار لهم حادث وتعورا معقوله وجا دور الشيطان لين خلاها تجزم انهم متكسرين وبالمستشفى كل شي فكرت فيه الا انها بتفقد اختها للأبد
محمد وهو يهزها : نوال وصلنا
نزلوا وهي تمشي تحس ان الدنيا ظلما مافيها الناس الي حولها ما احد حاس بالنار الي داخلها
وقف محمد عند الاستقبال : عفوا اخوي بس اتصلوا علي قالوا لازم يحضر
الاستقبال: عفوا اسمك لو سمحت
محمد: محمد فارس الـــ
الاستقبال : تفضل معاي وكلم الي معاه عشان يقعد على الكرسي لين يرجع
كان الموضف يتقدمهم وهم وراه وترتيبهم الموضف بو محمد نوال
ام فارس كانت تمشي وعيونها تدور وتدعي ربها كانت تقرا اللوحات ياربي وين بيودينا هذا وهي تقرا طاحت عينها على مكان توها تستوعب انه ممكن يكونوا ماتوا وقفت مكانها وشهقت وصارت تبكي من غير شعور
لف محمد عليها وراح لعندها: يا نوال يا ام فارس ما يصير كذا تعوذي من بليس خلينا نشوف وش السالفه
ام فارس: محمد شوف واشرت له على اللوحه الي كان مكتوب فيها ثلاجة الموتى
محمد: يانوال ماخبرتك قليلة ايمان تعوذي من الشيطان خلينا نشوف وش السالفه ومسكها ورص على يدها كأنه يقولها لا تخافين انا معاك ما بيصير شي ان شالله
دخلهم الموضف على مكتب صغير وطلع
....: امرني
محمد: اخوي دقيتوا على البيت وطلبتوا مني الحضور
....: اسمك لو سمحت
محمد الي خلاص قلبه ولع نار حاس ان فيه شي وعيونه على مرته : محمد فارس الـــ
...: اسفين تعبناك بالحضور بس ياليت تجي معاي عشان
فاطمه الي تقاطع امها : يمه حبيبتي ما اقاطعك الا بالخير بس من اكبر انتي ولا خالتي
ام فارس وهي تمسح دموعها : أنا اكبر منها بأربع سنين كنت أعاملها زي بنتي بالضبط
فاطمه وهي حاسه بالذنب: يمه خلاص تعبتك وبكيتك الله يقطعني مو لازم اعرف
ام فارس وهي تبوس بنتها: لا يايمه عادي
فاطمه الي فرحت ان امها ماتضايقت منها عندها استعداد انها تكمل: ايه يمه وش صار
ام فارس: مشيينا وراه وانا كلي امل اني اقوى شي بشوف اختي متكسره وبحضنها وبشمها وبخليها عندي اراعيها لين تطيب ماكنت حاسه بالي حولي اشوف الدنيا ظلام الا من نور بسيط وهو نور ان اختي ما ماتت اختي عايشه ومكسره
وقفنا عند المكان الي كنت خايفه منه والي شهقت يوم مرينا من جنبه ماتحملت قعدت اصيح بصوت عالي وابوك كان يسكتني ويذكرني بالله وبجزاء الصابرين دخلنا مكان الثلاجات وانا اشوف ادراج مصفوفه بشكل مرتب
وقف جنب درج من هذي الادراج وسحبه وصار يوجه الكلام لبوك
....: تعرف صاحب هذي الجثه
محمدوهو ميت من القهر : اي نعم يا دكتور هذا عديلي زوج اخت مرتي
ام فارس بقلبها يمكن هو بس الي مات اكيد اكيد الحين بيطلعنا وبيودينا عند غرفة اختي
وبالفعل تحرك الرجال وكأنه بيطلع من الباب وحمدت ربها انها بتطلع يعني اختها عايشه ماتت زوجها بس الي مات
لكن الاقدار خليته يوقف قبل لا يوصل الباب ويفتح الدرج الي جنب الباب
.....: وهذي الجثه تعرفها
ام فارس ماتحملت تشوف وطاحت مغمى عليها
محمد وهو يمسكها عشان ماتتعور من الارض:نوااال
.....: عفوا بس تعرفها
محمد: ايه ايه اعرفها هذي اخت مرتي يا استاذ وطلع يركض بمرته عشان يسعفونها
فاطمه الي ترجع تطلع امها من خيالتها : يمه لمن توفت خالتي كم كان عمرها
ام فارس: كان تقريبا 26
فاطمه بحسره : يالله يمه صغيره
ام فارس: ايه صغيره تزوجت وعمرها 20 وبعد سنه من زواجها جابت خالد وساره
فاطمه : طيب يمه خالد وساره كيف ضلوا عندنا يعني غريبه وين اعمامهم ماخذوهم
ام فارس: ابو خالد ما عنده اخوان وامه وابوه ميتين واهله الباقين ماكنوا راضين انه يتزوج خالتك حتى لمن عرفوا بوفاته مافكروا يسألون عن عياله عشان كذا قعدوا عندي وربيتهم زي ماربيتك انتي واخوك ماكنت افرق بينكم بشي ولا كنت احسسهم ان عدم وجود امهم وابوهم بيخليهم مساكين ومو محبوبين
لين ماكبر خالد ماشالله وصار يدرس الصبح والعصر ياخذه صديق ابوه عشان يعلمه على الشغل ويدربه عشان يصير يعرف كل شي
فاطمه: يا عمريييي خالد واجد تعب
ام فارس: لا ماشالله عليه من يومه كان فطين ويعرف كان اذا رجع من المدرسه تروش وفتح دروسه وذاكر وبعدها يجي صديق ابوه وياخذه ويرجعه على الساعه 8 يتعشى ويحط راسه وينام
وقطع عليهم سوالفهم صوت اذان الفجر
ام فارس: الله اكبر من كل كبير اللع يغربل شرك يا فطيم طار الوقت
فاطمه وهي تسبل بعيونها: عشان تعرفين بس قيمة بنتك شفتي لو انك لحالك الحين كان طفشتي ويمكن لعب عليك بليس وخلاك تنامين
ام فارس:ههههههههههههههه اقول روحي لبنت خالتك شوفيها
فاطمه وهي قايمه تبوس راس امها : حاضر ماما الحين بروح اشوفها واقعدها من النوم مع اني اشك انها نامت
بالغرفه الي نايمه فيها ساره الي ماكانت نايمه اصلا وزاد بكها وهي تسمع الاذان وصارت تنتفض تحت الملحف
دخلت عليها فاطمه :ساره ياساره يله قومي اذن الفجر
يتبع ....
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك