رواية ابي انام بحضنك بس دخيلك لا تصحيني -44
هنآآدي :يمممه أـنآ جيت أنآآدي غآآليوووه
أم محمد تأشر لتحت :يآآمآآل الفش الأوآآني محتآجه ترتيب ..الخدآآمآآت ألي جآآبهم
بندر مآآيدرن وين ألله حآآطهم
غآآليه بأدب :من هالخشم(أشرت لخشمهآآ)بننزل بس هذي هند بنتك قآعدتلي تسولف
عن التعصب
أم محمد تضرب أيديهآ في بعض:يآآحظي وش تعصبه الحين ..ليتك تشوفين نفسك
هالحين لاقآآبلتي بدر..
جآردينيآآ ضحكت من قلب على وجهه هند :هههههههه..حرآآم عليك خآآلتي حدهآ مستحيه
أخآآف تذوب وتختفي
أم محمد تبتسم :خليك من الهرج والله لا شوفهآ تطمر هي بندر في بلاد برآآ (لفت لسوسن
ألي كآنت ترآقب الوضع بصمت )وأنتي ورآآ مآآتقومين تشوفين فستآآنك .... بس أنتبهي على روحك والله أني عآآرفه بندر وحركآآته ...
ضحك الكل وهي ظلت سآآكته معقده حوآآجبهآآ ومسرع مآآرتسمت على شفآآتهآآ أبتسآمة بآآهته ...سكتت جآردينيآ وهي تحس أن البنت أبد مو طبيعيه ..وجهآآ مو وجه وحدة ملكتهآآ اليوم...
الهآلات السودآآ تحت عيونهآآ بشكل يخرع ووجهآآ نآآشف ... ومنعزله عن الكل بالأيآآم ألي فاتت
مع أن الكل تغيرت نفسيآآتهم من قعد يقرب العرس .... طلعآآت لسوق وجآآيآآت ...
وهي الوحيدة ألي تجلس فالبيت وبغرفتها ..قليل تتكلم ...
جآردينيآ :ذي مستحيل متأثرة بموت أبوهآآ
غآليه تلف لهآآ :سمي ..!!
جآردينيآ تطآآلع غآآليه :هآآآآ...كنت أكلم نفسي بس
طلعت أم محمد وطلعوآآ البنآآت ورآآهآآ ... نزلت سوسن من السرير ورآآحت تمشي بخطوآآت
بطيئة متوجه للكبت ..طلعت عبآآيتهآآ والنقآآب
هند مستغربه :قآآآلوآآ لك تقيسي فستآآنك
سوسن والضيآآع صآآر جزء منهآآ :بروح تحت أشووف أبوي
هند طآآرت عيونهآ :أبوووي ..!!(نزلت عيونهآآ وصآآرت متيقنه أن كلام أمهآآ صح )سوسن حرآآم عليك
تعذبين نفسك بهالطريقة ..أبوي توفى ومآآ بيدينآآ غير ندعي له ..طآآلعي شكلك من بعده
صرتي سوسن وحدة ثآآنيه ...والله مآآتحمل أشوفك بهالشكل ..
سوسن بنفسهآآ :وش قآآعدة تخربط فيه ذي ..؟
لبست عبآآيتهآ والنقآآب ع السريع ... رآآحت تمشي طآآلعة من الغرفة وهي تحس بدوخة قوية تتملكهآآ في كل خطوة تمشيهآآ ...حركت عيونهآ صوب الكنب ألي على الطآآولة ولمحت
فيروز حآطة رجل على رجل وتبرد أظآآفيرهآ ....غمضت عيونهآ ومسكت الدرآآبزين
أول مآآقعدت تشوف كل شي يتلاشى منهآآآآ
سوسن بعبرة :أنآآآ مين ...وين أهلي ...ليش عآآيشة بين نآآس مآآعرفهم ..
(ضمت شفآآيفهآآ مع بعض والدموع بدت تنزل من عيونهآ ) وين أمي ...؟
صآآرت تنزل والرؤيآآ قبآلهآآ تتلاشى ...
الكل حوآليهآ فرحآآن وريحة البخور تعج فالمكآآن ...صوت أوآآني تضرب ببعض
وخدآمآآت يطلعن وبسرعة يرجعن للمطبخ ....شبآك الصآآلة كله مفتوح وضوء النهآآر معطي شكل ثآآني للمدخل...مسكت الدرآآبزين بقوة وبآآب الصآآلة
مفتوح قبآآله والشمس قبآآلهآآ متنآآثرة حوآليها بحزن رغم أن اليوم كآآن المفروض
يكون أسعد يوم بحيآآتهآآ ...اليوم هو اليوم ألي حلمت فيه سنين وألفت عشآآنه
أجمل ألحآآن صآرت ترددهآ موسيقى عذبة تغنت بهآ مشآعرهآآ...اليوم
هو اليوم ألي رآآح تكون فيه ملك لحبيبهآآ ...بس الذآكرة خآنت أحلامهآ وتلاشت الذكريآت خلف سجون الظلام .. وقفت عدل وغمضت عيونهآ ببطء
ورجعت تفتحهم ..كملت خطوآآتهآآ وهي تسمع صرآآخ بنآآت بس مو عآآرفه مين
غآآليه :هههههههههههه...وينك يآآبندر مختفي اليوم.؟
هنآآدي :أي والله جهزي الكآآميرآآ اليوم بيكون يوم تآآريخي ...هههههههه
غآليه :لاتوصين حريص ..مبلشته من أمس ..لا ولقيته معلق ثوب الملكة
في الديوآآنيه
هنآآدي :هههههههههه..أقص يدي أذآآ مآآهو رآآيح للحلاق يضبط شكله
مدت يدهآ وحطتهآ على الجدآر وهي بخطوآتهآآ تطلع من البيت بكبره ...
سوسن بنفسهآ:أنآآ ملكتي اليوم..؟! أكيد مجآآنين
كملت هالخطوآآت متوجه لديوآآنية والمزرعة خآآليه من العمآآل والشبآآب ...أول مآآوصلت
لديوآآنية وقفت عند البآآب وهي تطآآلع المجلس محيوس بالأكيآآس ...عقدت حوآآجبهآ
ولفت تطآآلع المزرعة صوت العصآآفير يتردد فالمكآآن والمزرعة هدوئهآ غريب..
بس شهقت أول مآآنسحبت يدهآ بقوة وغصب عنهآآ
سليمآآن :وأخيرآآ شفتك يآآغآآليه ...
سوسن بخوف تنكمش على نفسهآآ:أنت ..أنت مين...؟
رفعت عيونهآآ وألتقت بشعره الأشقر وأطرآفه تلمع من ضوء الشمس عليهآآ ..معقد حوآآجبه بطريقه
غريبه وهو يسحبهآآ بقوة ...
سليمآآن بعصبيه :أنآآ زوجك وجآآي آآخذك غصبن عن أهلك وألي مو برآآضي يطق رآآسه
بالجدآآر
سوسن تبكي من الخوف :زو..زو..جي ..هم ..هم يقولون ملكتي اليوم
سليمآآن صرخ :نعم ..نعم
سوسن تتعلق عيونهآ ببشرته السمرآ وألي متلائمه مع عيونه البنيه:أن..أنآآ مآآعرف أنا ليش هينآآ مو متذكرة شي ..أنت أنت
مين ؟؟؟
سليمآآن يرفع يدهآوصآآر يهزهآآ وهي تتألم من مسكته:قدآآمي يلا ..هذي أخرتهآ يآآبدر ...
يبون يزوجونك وأنتي متزوجة ..ألا يالخسيس ...أنآآ الغلطآآن ألي مخليك مع هالبشريه
صآآر يسحبهآ وهي تحآآول تفك يدهآ عن مسكته ...طآآحت على الأرض ونوت تصآآرخ بس
هو بقوة حط يده على فمهآآ وشآلهآآ بيده الثآآنيه ..حآآولت تقآآومه
وهي ترفع رجولهآ وتضربهآ بالأرض لكن بدون أي فآآيده .. تمسكت بثوبه الأسود وصآرت تحآآول بمحآولات يآآئسه تنزلق من يده ألي محوطه رقبتهآ وسآآده فمهآآ ..وصل
لسيآآرته وبعنف فتح البآآب وحذفهآآ دآآخل السيآآرة السودآآ ..رآآح يركض
وبخفة ركب السيآآرة وتحرك مبتعد عن المزرعة....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
***تكملة البآآرت الثآآلث والأربعون ***
سوسن تشآآهق بقوة دآآخل السيآآرة ::يآآحيوآآآن نزلني ..نزلني ..
لفت له وصآآرت تضربه بقوة ... فك أيديه عن الدركسون من ضربهآآ وتمآآيلت السيآآرة فالشآآرع
ألي يحوطهآآآ المزآآآرع وصوت كفرآآت السيآآرة السريعة يتردد بقوة ...
سليمآآن بعصبيه :ألله يآآخذك ..
حرك يده ودفهآآ بقوة على بآب السيآآرة ألي جنبهآآ ...ظل مآآسك كتفهآآ يحآآول يبعدهآآ عنه ..
وباليد الثآآنية مسك الدركسون مرة ثآآنيه ...لف لهآآ وصرخ بصوت عآآلي
سليمآآن :أذآآ مآآوريتهم العين الحمرآآ مآآكون سليمآآن ... هذي أخرتهآآ ...
يبون يزوجونك وأنتي ملك لي ...
هزهآآ وطآآلع الشآآرع ألي قبآآلة بطوله الممتد وهو فآآضي ....والأشجآآر حوآآليه نآآثره
أظلالهآآ في كل مكآآن ...
سليمآآن وهو يحآآول يبلع ريقه :أنآآ وش سويت لك يآآغآآليه ... قآآعدة تحبين من ورآآي
وعآآيشه حيآآتك وأنآآ سنين سآآكت أنطر متى تنكشف الأمور ...أشوف زوجتي
بتكون ملك لغيري وتبيني أسكتتتتت ..لاآآآآآآآآآآآآ ...الأمور وصلت لحدهآآ وأذآآ أهلك
مآآيعرفون طريق المحآآكم أنآآ بعلمهم .... ع بآآلكم سليمآآن أنتهى رآآح ...!!!
ع بآآلكم خلاص ..رآآحت حيآآتي من ورآآكم ..كله منك أنتي السبب ...والله يآآغآآليه
أذآآ مآآعلمتك درس مآآكون أنآآ سليمآآن (لف لهآآ وغرز أظآآآآفيره في ذرآآعهآآ)
سآآآمعه ..
ظلت تتحرك يمين ويسآآآر وهي تحس بدوووخة بعد مآآآ ضرب رآآسهآآ البآآب ...أنحنت
بدون وعي وحطت رآآسهآآ على ركبهآآآ ... صوت أنفآآسه يوصل لمسآآمعه ...يبعثر هالضيآآع
ألي أحتوآآهآآ أكثر وأكثر ... وبنفسهآآ (أنآآ غاليه ...غآآآليه ..!!!
أجل ليش كذبوآ علي ألي كآآنوآآ
فالبيت وقآآعدين ينآآدوني بسم سوسن ... )
رفعت يدهآآ ببطء وهي تحس بيده القآآسيه تبتعد عن ذرآآعهآ وعلى طوول حطتهآآ على رآآسهآآ
وكل شي يتلاشى قبآآلهآآ ... يظل أطيآآف مآآجمعهآ غير الشتآآت ... للحين تحس
بألم فضيع مكآآن مآآنغرزت أظآآفيره في جلدهآآآ .... زآآد سليمآآن من سرعته وهي للحين
منحنيه بأنكسآآر وتبكي بقلة حيله خوف من صرآآخه ألي سكتهآ على الأخر... عقد حوآآجبه بطريقة حآآدة وحرك عيونه
صوبهآآ وهو يشوفهآآ منحنيه برآآسهآآ على ركبهآآآ ومآآينسمع غير صوت شهقآآتهآآ ...خنآآجر
من مشآآعر غريبه تنغرز في صدره من صوت بكآآهآآ ... ليه حآآول أيآآم وأيآآم يحذف نفسه
على شطأأن لقيآهآآ ومآآيلقى نفسه غير يرجع والحريق يآآكل أجمل أحلام جمعهآآ لهآآ..
ليه يتألم بهاللحظة عشآآنهآآ وهو ألي عآآش في هالدنيآآآ وملك كل شي يبيه ...ألا هي
لقآآهآآ مثل الزمآآن البعيد ..كل يوم المسآآفآآت تبعدهآآ عنه.....رفع يده وبتردد
حركهآآ لين أستقرت فوق ظهرهآآ المنحني وهو يتحرك من رجفآآتهآآآ ... بسببهآآ طآآح عمره في دروب الرحيل ... مآآتمنى يكون لقيآآهآآ في هالشكل المميت ومآآجآآ في بآآله يشوفهآآ بهالمنظر ..يآآمآآ بنى حول جدرآآنهآآ أحلامه المستحيله ...نوآ يحسسهآآ بالأمآآن
بس مسرع مآآبعد يده وحطهآآ على البوكس جنبهم وبنفسه (خلك قوي
يآآسليمآآن )
أنحنى شوي لين كتفه لامس البآآب ألي جنبه ودخل يده في جيب ثوبه حتى يطلع الجوآآل ..
رفعه وبحركة أصآآبعه السريعة دق على رقم وحط السمآآعه عند أذنه .... ومآآهي
ثوآآني وجآآه صوت رجولي خشن ..
..........:ألوووو
سليمآآن بصوت مرتفع يدل على عصبيته العميآآ : جهز لي تذكرتين سفر للألمآآنيآ هالحين
...........:ومكتبك ألي طلبت مني أفتحه ..!
سليمآآن بدون نفس :ريآآن ... أنت سكرتيري ... وخبري فيك تفهمهآآ وهي طآآيره ..أفتحه
يآآذكي ودق على الموظفين قبل شوف أذآآ بيرجعون لشغلهم أو لأ..؟
ريآآن :يآآآآآآآآآآه ...هذولا يمديهم لقوآآ شغل غير مكتبنآآ ... بس مآآعليه أذآآ مآآأحد رد بنزل
أعلان في الجريده وبقوم باللازم
سليمآآن :سوآآ ألي تبي تسويه ...والتذكرتين أبيهم اليوم تسمع ...
ريآآن بأستنكآآر ::عآآد صعبة اليوم أستآآذي .. .
سليمآآن صرخ وسوسن فزت من مكآآنهآآ وقعدت تبكي بصوت عآآلي : شوووووووف أنآآ أبي تذكرتين لأي مكآآن برآآ هالديره اليووم تسمعني ..
ريآآن بعد صمت وهو يسمع صوت صرآآخهآآ :أنت ..أنت ...
سكر سليمآآآن الخط وبقوة مسك فكهآآ من تحت وسحبهآآ له بيد وحدة ....
سليمآآن بصوت وآآطي مليآآن بلهجة غضب :أن سمعت صوووووتك لسآآنك بقصه ...
حذفهآآ ولف برآآسه صوب الشآآرع ..تكورت على نفسهآآ وهي تحس بطآآقتهآآ تتلاشى
سوسن وهي تبكي بصوت بالعآآفيه ينسمع: لاتصآآرخ ... لا..ت..ص,,,لاتصآآرخ ...
سليمآآن بقهر وعيونه معلقه بالشآآرع :قلت مآآبي أسمع شي ..تفهمين أنتي..؟!!
سوسن تبلع ريقهآآ :أنت ..أنت مين ..؟؟
سليمآآن يحآآول يتمآآلك أعصآآبه :..........................
سوسن :أنآ هنآك فالبيت (شهقت بقوة ومسرع مآآتكلمت )مآآيقولون لي غآآليه ...أنآ ..أنآ
سليمآآن صرخ بقوة :بآآآآآآآآآآآآس ...
زآآآد من سرعة سيآآرته و بعد ربع سآآعة وصل لبيت صغير ... فتح البآآب ونزل من السيآآرة بخطوآآت وآآسعة حتى يتوجه لصوب بآآبهآآ ..فتحه وصآآر يسحبهآآ وهي تحآآول تتمسك
بأي شي قبآآلهآآآ
سليمآآن بقهر :أمشي قدآآمي ...
صرخت سوسن وعبآآيتهآآ طآآيحه على كتوفهآآ والشمس بضوئهآآآ الخفيف عليهم ...طآآحت على الأرض بس مسرع مآآتمسكت بيد البآآب بكل حيل تقدر عليه
سوسن :مآآآب...(بكت)مآآآآبي أرووح معك وخر عني ..وخررررررر
سحب عبآآيتها الوآآسعة ومسرع مآآتركهآآ ومسك رآآسهآآ من ورى وباليد الثآآنيه حط
يده على يدهآ وسحبهآآآ ...توجه فيهآآ للبيت وهي للحين عندهآآآ أمل تنحآآش منه ....لف
سليمآآن أيديه بقوة حول خصرهآآ وشآآلهآآ بعد مآآحس بالتعب من مقآآومتهآآ ...
سليمآآآآن : وبعدين معك يآآحلوة ....!!! ع بآآلك بهالطريقة بتهجين عني ...ههههههههه
خلاص .... ولا زمآآن الرجعه ...أنتي هالحين ملك لسليمآآن ..ملك له وحده ..
رفعت أيديهآآآآآ وبقوة جرت شعره ورفست رجوله برجليهآآ ...طآآح سليمآآن من حصآآآه
مآآأنتبه لهآآ وعلى طول هي طآآحت معه على الأرض ...صآآرت تزحف على الترآآب ومسرع
مآآمسك سليمآآن رجولهآآ يبي يثبتهآآ زين وهو يعض على شفآآته وصوت أنفآآسه العآآليه تزيدهآآ رعب....صرخت سوسن بقوة وعلى طول
سحبت من الأرض حصآآآة كبيرة ولفت له ...ضربته بالحصآآآة بقوة حتى يطيح سليمآآن قبآآلهآآ مغمى عليه والدم يسيل من رآآسه ...فتحت عيونهآآ على الأخر أول مآآصآآر الدم
يغطي ملامح وجهه وهو يسيل بغزآآرة .... شهقت بقوة وصآآرت تزحف بعيد
عنه ..حطت يدهآآ على فمهآآ تكتم شهقآآتهآ المتتآآبعة ... قعدت تتلفت والمكآآن حولهآآآ يعمه السكون مآآغير صوت الريح ألي كأنها تأن بألم ....
قعدت تتنفس بقوة وصدرهآآ ينزل ويرتفع بشكل وآآضح ...أحتوآآهآآ الخوف والضيآآع وعيونهآآ
تتحرك بعبث في الحوش ألي مآآيحوي غير الترآآب وشجره قبآآلهآآ ذبحهآآ الموت عطش من
قطرآآت المآآي ... الجدآآر ألي يحوط هالبيت متهآآلك فيه تشققآآت بشكل وآآضح
وكأن الزمن رسم عليه لوحة من ذكريآآت كآنت حآآضر وتهآآوت خلف جدرآآن المآآضي ...
رجعت تطآآلعه وهو كأنه جثة هآآمدة بدون ولا حركة ...زحفت له وصآرت تهز كتفه بطرف أصبعهآآ الصغير
وعيونهآ غرقآآنه بالدموووع ..
سوسن :قووم ..ق..وووم ...و..و...الله مو قصدي ...ت ..ك...فى لا تموووو..(بكت بقوة)
لاتموت وأضيع من بعدك ..أنآآ ..أنآآ سوسن ولا غآآليه ...قووولي ...
أنت منوو؟!! قووولي ....
دق جهآآزه وجمدت في مكآآنهآآ ومسرع مآآبتسمت وصآآرت تفتش مخبآآته وعيونهآآ
معلقه بملامحه وشعره الأشقر ألي الهوآآآآ تحركه يمين ويسآآآر ... سحبت هوآآ بفرح أول
مآآلامست أيديهآآآ الجوآآل ...وعلى طووول سحبته وفتحت الخط .... حطته عند أذنهآآ
وصآآرت تتكلم وهي منهآآآرة على الأخر
سوسن وهي تجلس على الأرض بتعب وتتسآآند بأيديهآآ المغطآآه بالعبآآة المليآآنه غبآآر : تكفوووون ...تعآآلوآآآ ألحقوآآآ علي ...
والله بضيع معه ..أخذني من بيت مآآعرف أصحآآبه ... تعآآلوآآآ ...
جآآآه صوت كآآن مليآآن بلهجة أستغرآآآب من ألي تسمعه وكآآن هالصوت
منصدم من كلامهآآآآ
........:سوسن ..........؟!!! وش جآآب جوآآآل سليمآآن لك
سوسن تحآآول تتكلم : أنآآ أسمي سوسن ... يعني أنآآ سوسن مو بغآآليه ..هآآآآآآ
.......:بسم الله عليك ..أيه سوسن مآآعرفتيني أنآآ خآآلتك شريفة ..(وبلهجة عصبيه)ردي
علي سليمآآن وينه ...وش جآآب جوآآله عندك قطيعه
سوسن تحآآول تتمآآلك نفسهآآ :شريفة
شريفة بصوت عآآلي :أيه شريفة ...ألا يآآآمسودة الوجه ...مآآتردين علي ...جوآآل
سليمآآن وش يسوي عندك ....وبعدين اليوم زوآآج أختك ...!!!
سوسن تردد ورآآهآآآ :شريفة ....زوآآج أختي ...!!
شريفة عصبت :أنتي ورآآآآ مآآتردين علي هالحين ...
سوسن حركت عيونهآآ صوب سليمآآن المتمدد قبآآلهآآ وبخوف رجعت تبكي
والرؤيآآ تتلاشهآآ قبآلهآ: والله ..والله أنآآ مدري أنآآ وين ..مدري ... فيه وآآحد طآآيح
عندي ... ضربته ضربته بحصآآة ..ضربته وطآآح على الأرض ..
شريفة بخرعة :أنتي وش قآآعدة تقولين ..هآآآآ ..أنتي وين ..؟؟!!
عشآآن أجيك هالحين
سوسن تطآآلع البيت الصغير ورآآهآآ ورجعت تطآآلع الحوش :أنآ في بيت قديم ... وجدرآآنه
قديمة بعد ...كل شي قديم في هالبيت ... كل شي
شريفة بأنفعآآل :طيب ...قولي لي هالحين... شكل ألي طآآيح قبآآلك كيف ؟؟؟...أوصفيه لي
يآآبنت بسرررعة
سوسن بخوف والكلام بالعآآفيه يطلع منهآآ: هو ...هو أسمر و..و..شعره أشقر ...
شريفة أتسعت عيونهآآ بخرعة :هذآآ سليمآآن يآآمآآل الوجع ..وش سويتي بولد
أختي ..قولي لي ..لايكون ذبحتيه
سوسن تترجآه :تكفين تعآآآلي ..تكفييين ...(أنهآآرت على الأخر ) تعآآلي شوفيه ..تعآآلي
خوذيني عند أهلي ..
شريفة وعلى طوول عرفت وين مكآآنهآآ :أنتي في بيت أهله ألله يرحمهم ... جآآيتك
هالحين ... بشووف أنتي وش مهببه فيه ...
نزلت الجوآآآل وبسرعة عدلت رجولهآآ بعد مآآكآآنت حآآطة رجل على رجل ... ظلت عيون الجد سعد
متسعة بدهشه وهو يطآآلعهآآ يبيهآآ تتكلم ... بس مآآقدر ينطر وهو يشوفهآآ
تحط الجوآل بشنطتهآآ تبي تطلع ..
الجد سعد وهو ينحني بظهره على السرير الأبيض المتمدد عليه متعدل : شسآآلفه ...؟!
شريفة تطآآلعه وهي تهز كتوفهآآ :علمي علمك ... ع العموم خطآآك السو
الجد سعد وهو متنرفز :أنتي ... أنتي نطقتي أسم سوسن وأنتي كنتي دآآقة على
رقم سليمآآن عشآآن يجي لحد هينآآ ونتفآآهم .... وش جآآب سوسن لحد سليمآآن..؟!!
شريفة :والله علمي علمك ...دقيت على سليمآآن ردت علي سوسن ... شسآآلفة مدري
وشكل الولد طآآيح قبآآلها ,..ألله يستر أذآآ مآآهي ذآآبحته
الجد سعد بخرعة :وش قآآعدة تقولين أنتي ..؟
شريفة تبتسم بخبث :شكله جآآآ الوقت ألي برد فيه طردة هالجده المخرفة لي ..ههههههه..وعآآد
التوقيت خيآآآآآآل يآآسعد ...بعرس حفيدتها تكتشف أن وحدة من ألي ربتهم طآآلعه مع وآآحد..
لا وبعد بيوم ملكتهآآآ
الجد سعد ظل سآآكت وهو فآآتح عيونه ع الأخر ومسرع مآآحرك شفآته ببطء وهو
مو قآآدر يتخيل الشي ألي جى في بآآله :مستحيل ..مستحيل بتسويهآآ يآسليمآآن
شريفة تلوي فمهآ :وش قآآعد تقول أنت...؟
الجد سعد يرفع يده ويحطهآآ على شعر رآآسه الأبيض :ألا يآآلغبي ... لايكون ألي في بآآلي
صح ... والله لايحطنآآ في مشكلة ..لهآآ أول مآلهآآ تآآلي
شريفة تحركت بخطوتين وهي تقرب من الجد: ليه سليمآآن بيحطك في مشكلة والله
مآآتوقع فيه مشكله أكبر من ألي أنت فيهآآآ ... بعد سآآلفة ضيآآع تعبك مآآتوقع
فيه شي أكبر ...ولا نسيت وش سبب دخلتك للمستشفى
الجد سعد بدون مآآيطآآلعهآآ وهو يطآآلع بشكل مستقيم : لايكون سليمآآن أخذ سوسن على بآآله
أنهآآ غاليه ,,ألا ... مستحيل سليمآآن بيسوي هالشي وبيآآخذ وحدة غير غآآليه ...
هو ..هو كآآن يبيهآآ
شريفة رفعت حوآآجبهآ وبأستنكآآر :وسليمآآن وش له يبي يآآخذ غآآليه ....؟
الجد سعد يرفع عيونه ببطء حتى تلتقي بعيون شريفه الظآآهره من ورآآ برقعهآآ :لأن ..سليمآآن ..يكون زوج غآآليه ...
حست بأنفآسهآ تنقطع من هول ألي تسمعه وعلى طوول جلست على الكرسي وعيونهآآ
متعلقه بالجد سعد بكل دهشه ....
شريفة :نعم ...!! غآآليه تصير زوجة سليمآآن ..كيف وشلون ..لالالا.. مستحيل ألي
تقوله لي
حرك عيونه الجد سعد صوب الشبآآك ألي يطل من ورآآه أغصآآن الشجر في
حديقة الستشفى ...وظل يطآآلع أورآآق الشجر تتحرك من فوق لتحت والهوآآآ تحركهآآ
نفس مآآتهوى ...عقد حوآآجبه وكأن المآآضي أنتفض بين زوآآيآآ قلبه
حتى يتحول لشريط أسترجع هالمآآضي وكأنه صآآر أمس ...
الجد سعد يحركه شفآآته بتردد وفكه بدى يشتد بقوة بعد مآآرص على أسنآآنه يجآآهد
يقول الحقيقه : سليمآآن تزوج غآآليه وهي عمرهآآ 16سنه ...تزوجهآ مقآآبل ترآآفعة
عن قضية أختلاس أتهمت فيهآآ شركتنآآ ...وأنتي تتذكرين زين ..سليمآآن الغآآزي ولد أختك
كيف شهرته وصلت فالديرة ..وأنعرف بقدرته على كسب أي قضيه بمجرد مآآينحط أسمه
فيهآآ ..وأنآآ وذعآآر أو بالأصح ذعآآر أنغصب يوآآفق على هالشرط عشآآن مآتآآكل
الحيتآآن سمعتنآآ بالسووق
شريفة والقهر أعمى قلبهآآ بعد مآآتمنت سليمآآن زوج لبنتهآآ وهآلأمنيه تلاشت :عشآن هالشي مآآرضيت
بالطلب ألي طلبته وهو أن سليمآآن يتزوج فيروز بنتي ...هآآآ
الجدسعد للحين يطآآلع الشجر :...........................
شريفة تتكلم من ورى خشمهآآ : وش ألي خلاآآآآه ينطر كل هالسنين ...أنت عآآرف بالضبط
ولد أختي هذآآآ كم عمره ... ؟!!!
لايغرك شكله ... هذآآ صآآك الأربعين ...وينه ووين غآآليه ...؟!!
الجدسعد :نطر لأن ذعآآر شرط عليه مآآيعلن هالزوآآج لين تتخرج أخته من الجآآمعة ...!!!!
شريفة :هههههههههههه...والله حآآآله ...طيب وش دخل سوسن جعله للحول ...
ولافي وآآحد صآآحي يآآخذ وحدة مآآيعرف شكلهآآ ...والله هالولد مخه مفرمت بنفط
أبآآآر
الجدسعد بعد صمت :سليمآآن شآآف غآآليه ظنتي مره وحده بس ومن غير مآآتعرف يوم تزوجهآآ يمدي الولد حتى نسآآ شكلهآآ ...
وذيك السآآعه قآآلي بالوحدة ..مآآدققت بملامح بنتكم لازم أقآآبلهآآ وجه لوجه... ومن بعدهآآ
أختفى ولا جآآب الطآآري أبد لنآآ ...
شريفة تقوم بقهر :بقوم قبل أنجلط أشوف هالمنحوسة وش سوت بالولد ...
الجد سعد يحذف اللحآآف :أنطري بروح معآآك
شريفة :أقعد يآآرجآآل ...أحمد ربك أنه مآآجتك جلطة فالمخ من خيآآنة صآآلح لك
الجدسعد بضيق وضح بصوته:برووح معآآك ..لازم أعرف السآآلفة من سليمآآن نفسه ..!
شريفة بقهر :يآآبن الحلال الدكآآتره مآآنعينك من الطلعة ...أنآآ بتصرف بالموضووع وأرد لك
خبر
الجد سعد يهز رآآسه :أنآآ لازم أرووح ... يكفي على غآآليه ألي رآآح تسمعه ..
شريفة ترفع حوآآجبهآآ :يآآسلام... للحين عندك ذرة أحآآسيس لهآآلجآآحدين ..
الجدسعد يبي ينزل : أنآآ ... أنآ ألي ربيتهم يآآشريفة .. مآآبي .. مآآبي
شريفة تقآآطعه :أقول أستريح بس ... أنت متوقع بعد كل ألي سويته لهم بيسآآمحونك أو يذكروون هالتربيه ألي فرحآآآن فيهآآ تذكرهآآ .... والله شكل صدممة صآآآلح للحين مأثرة فيك
بدآآل مآآتخليك تنتقم قآآعد تحن لأيآآآمهم ...!!
الجد سعد بصمت :...............
شريفة تقرب منه أكثر :شووف أذآآ مآآستغلينآآ هالموقف لصآآلحنآآ مآرآآح تآآخذ حقكك أبد ...
صدقني ربي عآرف بمخططآآت هالنجس صآآلح ويبي ينصرنآآآ ...أشفيك موقآآدر تفهم ..
صآآلح والحقد بدآآ يسقي عروق الحنين بدآآخله : طيب ..طيب نآآدي لي النيرس تجي تسآآعدني
شريفة تمد يدهآآ وتمسك يده تسآآعده ينزل : هالحين الضربة بتكون قوووية ...ههههههههههههههه.... الحمدالله الحمدالله أنك بصحة وعآآفيه وقآآدر توقف على رجولك
من جديد ...
الجد سعد تلامس رجوله الأرض البآآرد .:روحي جيبي نعولي ...
شريفة تبعد عنه وبسرعة تسحب نعوله ألي جنب السرير وتحطهآآ قدآآمه :مآآعندنآآ وقت عشآآن ننآآدي أحد ...خلنآآ نلحق ع المنحوسة لا تكون سوت بالولد شي ....
وبعد مآآلبس الجد سعد نعوله ..طلعوآآ من المستشفى متوجهين للبيت ألي تذكره شريفة
وكلهآآ أمل أن يكون توقعهآآ بوجود سوسن وسليمآآن في بيت أهله صحيح ....
<<<<<<<<<<<<<<<<<<<<<<<<<<
..السآآعة 3:العصر ...
دخلت غروب من بآآب الصآآلة وهي حآآضنه التيس متوجهه فيه للمطبخ
غروب تمسح على أذآآنيه :يآآحيآآتي شكلك مزكم من الصبح مآآتطلع صوت ...
...بقول لجآآبر يشوفه...
وقفت فجأة وهي تسمع قرقرة الخدآآمآآت فالمطبخ عآآلي والبيت شبه فآآآضي ...أنحنت وهي
حآآضنه التيس بأيديهآآ الثنتين وصآآرت تمشي على أطرآآف أصآآبعهآآ...مآآلت برآآسهآآ
وأبتسمت بخبث أول مآشآآفت وحدة من الخدآآمآآت وآآقفة عند المجلى تغسل
والثآآنية جنبهآ بس تهز رآآسهآآ وهي تسولف ... ومسرع مآآمرت وحدة ثآآلثه ورآآحت للأدرآآج
بجهة اليمين وفتحتهم ... دخلت المطبخ ورآآحت لوحدة من الخدآمآآت ...صرخت بصوت عآآلي وأول مآآلفت لهآآ رفعت التيس بوجهآآ
التيس وهو يحرك رآآسه:ميييييييييييييييئ
حذفت الأوآآني ألي بيدهآآ بالهوآآ ورفعت قميصهآآ تبي تهج من الخرعة مآآتدري وش ألي طلع بوجهآآ...فتحت فمهآآآ تضحك وعلى طول رآآحن الخدآآمآآت يترآآكضن للبآآب وكل وحدة تصكع الثآآنية من الخووف ... تحركت بسرعة وهي تركض ورآآهن
غروب وهي مستآآنسة على الأخر :خبووووووووووووول ...ههههههههههههههه
وحدة من الخدآآمآآت وغبرتهآ ورآآهآآ:مآآآمآآآآآ
توجهن صوب بآآب الصآآلة المفتوح على الأخر وفجأة طلع بوجهن جآآبر وهو متكشخ على الأخر .... فتح عيونه ولصق فالبآآب متخرع .... دفته وحدة من الخدآآمآآت بدون
قصد ..تمآآيل يبي يطيح بس تمسك فالبآآب وأنحنى ..حط يده على الأرض والعقآآل طآآح
من رآآسه
جآآبر:عمى ... وش فيكن يالمهبل..
الخدآمة طآلعة من البيت تركض :بآآآبآآآ جني ...
شم ريحة غنم غريبه ومن تعدل بالوقفة شآآف غروب وآآقفه قبآآله وهي حآآضنه التيس
تقول شنطة ..
جآآبر رفع عيونه مآآيبي يعصب :ألله يآآآ...أستغفر الله
غروب بونآآسة :خبول جآآبر ...شكلهم مآآيعرفون أن ألي معي تيس ههههههههه...
ظنتي ... ظنتي والله أعلم أنهم تخرعوآآ من شكله
جآآبر يأشر بيده :غروووب أذلفي رجعي التيس لـشبك ...(صرخ بعصبيه) خبله أنتي ..؟!
غروب تمد بوزهآآ :أشفيك تصآآرخ ... أنآآ جبته لك عشآآن تشوفه ..مآآقعد اليوم يطلع صوت
جآآبر من القهر :وأنآآ وش دخلني أشوفه قآآلوآآ لك بيطري
غروب :مو دكتور... !!أعتبره أنسآآن وأفحص عليه ...يعني عآآدي لو تمدده على السرير
وتكشف عليه مآآرآآح أقول لأ
جآآبر سحبهآآ بس مسرع مآآأبعدهآآ عنه بقرف:لا يآآشيخة ...تستهبلين علي أنت ووجهك ذآآآ...
أستحي على وجهك اليوم زوآآج بنت عمك ...!!
جآآآ مهند بخطوآآته المتوآآزنه وورآآه غآآنم ألي صآآر يتبعه وين مآآيرووح ... رفع حوآآجبه
بأستنكآآر ومسرع مآآسحب الشمآآغ وغطآآ خشمه ...
مهند وصوته صآآر مكتوم من الشمآآغ:وعععع ,.. وش هالريحة
رفع غآآنم حآآجبه اليسآآر وهو يتأمل حركآآت مهند ومسرع مآآ سحب طرف من شمآآغه
وغطآآ خشمه
غآآنم : أي والله ...وعععععع
ضمت غروب شفآآيفهآآ مع بعض وصغرت عيونهآآ تطآآلع مهند بحقد ... لابس ثوب رصآآصي على غترة بيضآآ والسآآعه بنفس لون الثوب ... ومسرع مآآحركت عيونهآآ
صوب أخوهآآ ألي مطقم مع مهند بنفس اللبس ... رفعت غرووب التيس لفوق
شوي ولوت فمهآآآ
غروب :أووووخص يآآلنظيف أنت ويآآه والله أن تيسي ذآآ أنظف منكم
مهند أنفجر ضحك:ههههههههههه أقول رجعيه لا أشوتك على صح
غآآنم يصد بعيونه عنهآآ:فشلتنآآ
غروب تقرب من غآآنم بسرعة :أشقلت يالعآآقل ..ترآآ العقل بجهه وأنت بجهه ...
جآآبر مآآقدر يتحمل من الريحة :غروب ......! طسي رجعي التيس لا والله
أوريك شغلك أخليك تمشييين صح
غروب بلهجه بآآن فيهآ الخوف من تهديد جآآبر : مآآبي ..
جآآبر صرخ :يلا قدآآآمي ...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك