رواية بس تكفيني كلمة احبك -8
كان عبدالله شعره وايد مبلل
عايشه: حبيبي ما يصير تقعد جي بشعرك المبلل ..... بعدين تمرض
عبدالله: ودي اصير مريض وتدرين بالج علي مثل اليهاال احنا من اوول ما تزوجنا و انا ودي امرض عشاان اتدلليني بس ما مرضت
عبدالله: اسم عليك من المرض انا ادللك بدوون مرض ....... هات الفووطه انا بنشفه لك
و بعدها قعدوا يشووفون الفلم ...كان عبدالله قاعد و عايشه يمه و كانت حاطه راسه على صدره بالضبط جهة القلب لدرجه انها كانت تسمع نبضاته
عايشه: حبيبي ..... تحبني
عبدالله: هذا السؤال الوحيد اللي لازم بروحج تعرفين جوابه .....انا مو بس احبك انا اموووت فيج يا غلاي
عايشه: زين قول لي شكثر
عبدالله: كثر ما نبض قلبي من اول ما انولدت احبج و كثر ما انقالت هالكلمه في هالدنيا احبج و كثر
عايشه: بس كافي ....و الله كافي
عبدالله: انزين و انتي تحبيني
عايشه: تدري يا عبدالله ان حبك احلى شي حصل لي بحياتي كلها ...... انت غيرت حياتي ....عيشتني بجنه ...انا احبك كثر ما ترمش عيوون البشر و اكثر من حبك لي مليوون مره
عبدالله: لا انا احبج اكثر
عايشه: لا انا اكثر
عبدالله يغني : اختلفنا مين يحب الثاني اكثر و اتفقنا انت اكثر و انا اكثر
عايشه: يسلم هالصووت
عبدالله: يسلمج حياتي
و بعدها لما يوا ابو و ام عبدالله قعدوا وياه و اسهروا و ثاني يووم كانوا متيمعين على الريووق
الام: عايشه يما اكلي زين انتي الحين تاكلين لاثنين مو واحد
عبدالله: أي قولي لها يما كله تقوول مو مشتهيه
ساره: انزين يمكن ما تشتهي
عايشه: و الله يا خالتي صايره ما اشتهي آكل
ساره: بس طايحتله جالكسي و ايس كريم
الام: و لو يا يما ضغطي على رووحج عشاان ما تتعبين ترى تووج بأوول 3 شهوور بعدين بييج التعب
عايشه: انشالله خالتي
عبدالله: ها يبا لقيت لك احد يمسك الشؤون القانونيه بالشركه
الاب: لا و الله يبا .......بس في واحد تووه متخرج من امريكا و مقدم و اليووم مقابلته و انشالله يكوون خووش ريااال و نتفق
عبدالله: انشالله
و في بيت فهد
فهد: ادعولي ان شالله انقبل بهل الوظيفه
فاطمه: انشالله بس شسم الشركه الي مقدم فيها
فهد: و الله مو ذاكر انشالله اذا انقبلت اقوول لكم
الام: انشالله ربي يوفقك يا يما
و بعدها طلع فهد عشاان يرووح الشركه و بالسياره كان يقووول بقلبه : و الله هالبنت شغلت قلبي......انا عندي الرقم ادز لها مسج ......بس اخاف تقوول هذا ما يستحي ........اووه خل تقوول بس اهم شي تدري بأحساسي
و في هالوقت يه على تلفوون ساره مسج و كان مكتووب فيه
((زرعتك في شراييني وسميتك نظر عيني وهبتك كل إحساسي وقلت إنك هلي وناسي
شلوونج ساره حبيت اسلم عليج انا فهد))
ساره انصدمت و ما عرفت شنوو احساسها تفرح لانه مشتااق لها و لا تزعل لانه فهمها غلط و عباله اهي من هالبنات السهلين , حست عايشة ان ساره فيها شي فنادتها و راحوا الحديقه و قالت ساره كل شي لعايشه
عايشه: ماله داعي كل هالزعل ....... يمكن الولد صج يحبك
ساره: بس ما يصير يدز لي جي مسج
عايشه: بس المسج عادي يعني ......ما له داعي تكبرين الموضوع اكبر من حجمه ....انا متأكده انك في داخل نفسج فرحااااااااااااانه
ساره: أي احس بوناسه شووي لانه يتذكرني بس
عايشه: لا بس و لا شي .....انتي ثقلي و شووفي شيصير بيدز لج مسج ثاني و لا لا
ساره: و اذا ما دز
عايشه: يعني فهم الرساله و انج ما تبينه
ساره: بس انا ابيه
عايشه: ساره ......خليها للاياام
طبعا راح فهد المقابله و قالوا له بيردوون عليه اذا قبلووه
و كان عبدالعزيز و عبدالله طالعين
عبدالعزيز:اووف ماني مصدق متى ايي يووم الجمعه و نرووح نخطبها منعمها اوووف
عبدالله: و ليش مستعيل
عبدالعزيز: احبها عبوووود احبها
عبدالله : وطيب خير يا طير و حنا بعد حبينا بس ما سوينا سواتك
عبدالعزيز: علينا نسيت ....نسيت حب عايشه شسوا فيك و لا اذكرك
عبدالله: لا انا مستحيل انسى
عبدالعزيز: بس عيل لا تقعد تتفلسف علينا مع ويهك
عبدالله: انشالله عمي بسكت هـ( وحط ايده على فمه)
المهم مرت ثلاث اياام و ساره في حيره و فهد بعد لكنه كان كل يووم يرووح و ينطر عند نفس السوبر ماركت الي شافها فيه و صادف انه في ذاك اليووم كانت اهيه و عايشه بعد رايحين يشتروون جمن شي و هنااك قبل ما يدخلوون السوبر ماركت نادها فهد: ساره ساره لو سمحتي ابي اكلمك
لفت ساره عليه و كان لابس دشاشه و غترة و عقال و كان كشخه
ساره:نعم اخووي<<<<<<<<<<<< يا زعم ثقيله و رزينه هههههه
فهد:انا فهد ما تذكريني
ساره: امبلا
فهد: انا آسف اذا المسج الي دزيته لج زعلج و انا حاولت ادق عليج بس ما كنتي تردين
ساره: صراحه انت اذا كنت تظن اني من البنات السهلين ترى انسى انا بنت ناس و متربيه و ..
فهد: و الله انا عارف ..... بس كنت حاب ابين لج شعوري وبس و ما كنت اقصد شي ثاني و الله انا وايد آسف و اتمنى انج ما تزعلين مني
ساره: لا خلاص ما حصل الا الخير
فهد: طيب يصير .....يعني انا ....انا اقصد ....ساره بصراحه انا حاب اتقدملك .... انتي بصراحه دشيتش قلبي من اول نظره
( ساره اهني تمنت الارض تنشق و تبلعها من الحياا و ما عرفت شتقوول له)
فهد: اشرايج بالموضوع
ساره: انا ....انا
ابتسمت و تركته لكنه فهم انها راضيه
و راح و الابتسامه شاقه ويهه
و راحت ساره عند عايشه و قطت روحها عليها
عايشه: سارو .....شفيج انهبلتي احنا بمكاان عام بعدين انا حامل ليش قاطه رووحج جذي علي
و ساره كانت مفهيه و سرحاانه و لا تدري عنها
ساره: هاااااا
عايشه: شيبي منج
ساره: يبي يتقدملي
عايشه: حلفي
ساره: و الله ....
عايشه: ما شالله بهل السرعه ......
ساره: ايه ( و قعدت تبتسم )
عايشه:طيب بسج تبسم الناس قامت تطالعنا ....امشي
ساره: ااحنا اصلا شكنا نبي ناخذ
عايشه: اقوول امشي و انا اقوول لج وشنبي ناخذ
المهم بعد ما ردوا راحت عايشه دارها و كان عبدالله قاعد يشووف التلفزيون
عبدالله: هلا حياتي .... طولتي علي
عايشه: شسوي يا عمري هاي اختك هههه
عبدالله: ه سارو من زمان هلوون
عايشه: حبيبي انا رايحه اتسبح ....تبي شي
عبدالله : سلامتج يا عمري
و مرة وحده صرخت هذيج الصرخه الي تخلي القلب يفز : عبدالله
يا ترى شفيهااا عويش نطروا البارت الياي قريبا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
المهم بعد ما ردوا راحت عايشه دارها و كان عبدالله قاعد يشووف التلفزيون
عبدالله: هلا حياتي .... طولتي علي
عايشه: شسوي يا عمري هاي اختك هههه
عبدالله: هههههه ادري فيهاا سارو من زمان هلوون
عايشه: حبيبي انا رايحه اتسبح ....تبي شي
عبدالله : سلامتج يا عمري
و اهي داخله الحمام ما انتبهت ان الارض فيها ماي و زلقت و طبت جان تصرخ: عبدالله
فز عبدالله من مكاانه و راح لها يركض و شافها طايحه بالارض و الدم من حولها
عايشه و اهي تبجي : عبدالله أي الحقني بمووت أي
عبدالله: ثواني حبيبتي
طبعا دق على الاسعاف و قال لامه و اخته و نقلووها بسرعه على المستشفى و هناك كان الكل على نار......كان عبدالله يمشي عند غرفه العمليات رايح و راد و كل شوي يمسح شعره بتوتر
ساره: طيب شلوون اهي ما انتبهت
عبدالله و اهو متوتر: ما ادري ما اردي يا يا ساره
الام: يمكن ما انتبهت و اهي داخله الله يستر بس
عبدالله جنه ياهل و راح عند امه و قعد تحت ريلها و قال : يما شبيصير بعايشه ......و الله ان صار فيها شي انا اموووت
الام: اسم عليك و عليها لا تقوول جي يما ....ان شالله ما فيها شي يا يما استهدي بالله انت بس و لا تحاتي
ساره: ان شالله مافي الا الخير ......لا تحاتي عبوود
و ياهم الدكتور و قال: انت زوجها
عبدالله بنفاذه صبر: أي
الدكتور: و الله يا اخووي احنا سوينا الي علينا ...... بس
عبدالله: بس شنوو...ارجوك تكلم و الله نشف دمي
الدكتور: الجنين فقدنااه
عبدالله: مو مهم الجنين عايشه المهم ما صار فيها شي و لي يسلمك قوول لي
الدكتور: لا الحمدلله اهي الحين زينه سوينا لها عمليه تنظيف و الحين راح نوديها الجنااح و انشالله ساعه و تصحى من البنج
طبعا ام عبدالله و ساره راحوو ايبوون ملابس لعايشه و عبدالله راح لها و كانت نايمه و مغمضه عيونها مثل الملاك ..... باس عبدالله راسها و يلس يمها ليما صحت
عايشه: عبدالله حبيبي
عبدالله: آمري يا رووحي انتي ...
عايشه: سامحني ......انا السبب في اللي صار
عبدالله: اشش لا تقولين شي حبيبتي اهم شي انتي بعدين هاذي كتبه الله و الله انشالله بيعوضناا
و هني بدت عايشه تبجي
عبدالله: افا القمر يبجي ليش
عايشه: لاني حرمتك من الياهل اللي كنت طاير عليه
عبدالله: رديناا.......انا طاير عليج انتي ..... بعدين ياهل بداله ياهل ......انتي مالي بدالج احد .... انتي نوور حيااتي
عايشه: احلف مو زعلان
عبدالله: و الله مو زعلان .اهم شي عندي انتي حبيبتي ...يلا عاد لا تبجين و الله دموعج وايد غاليه علي
عايشه: حبيبي ....عسى ما انحرم منك ابد
عبدالله: و لا انا انحرم منج يا غلاي
طبعا في البيت قالت ام عبدالله لابووه
ابو عبدالله: لا مو بشااره بس عسى ما صار فيها اهيه شي
ام عبدالله: لا الحمدلله
ابو عبدالله: أي الحمدلله ياهل بداله ياهل
ساره: أي يبا و الله لو يصير فيها شي عبوود يمووت وراها بدوون أي مقدمات
ام عبدالله: أي و الله حسيت اهوو شكثر يحبها و يمووت فيهاا
طبعا فهد وافقوا يوظفونه بشركه ابوساره و اهي ما تدري و بعدها فاتح والدته و اخته بموضوع الخطبه و سألوا ليما عرفوا رقمهم عشاان يدقوون اما شيوووم فتمت الخطووبه الرسميه لها بأصرار من عايشه ان ما يتأجل شي بس قالوا بيسوون حفله العرس عقب ما تطلع عايشه من المستشفى لانها حسبه اخت شيما و شيما ما تقدر تسووي الحفله بدوونها و ملجوو بس و سوو عشا بسيط
(ام ساره كانت بالصاله يالسه و يرن تلفوون الصاله)
ام ساره: الوو
ام فهد: الو السلام عليكم
ام ساره: يا هلا و عليكم السلام من بغيتي
ام فهد: و الله يا اختي انا ابغى ام عبدالله
ام ساره: معاج يا اختي
ام فهد: هلا و الله ام عبدالله وياج ام فهد ال(......)
ام ساره:هلا و الله و النعم آمري اختي
ام فهد: بصراحه اختي انا داقه حابه اقوولج ان حنا حابين نطلب القرب منكم و ولدي فهد يبي يتقدم لبنتج ساره لانه ما راح يلقى احسن منها و من اخلاقها
ام ساره: و الله يا اختي انا اتشرف بس لازم اشاور البنت و ابووها و اخوانها و انشالله نرد عليكم و ما يصير الا الخير
و الا بنزلت ساره من الدري
ساره: هاي مام
الام: هلا
ساره: منو تكلمين
الام: هاذي وحده مرة تقوول اسمها ام فهد و داقه تخطبج لولدهاا تعرفينه
ساره: هاا...لا .....طيب اليووم بيطلعون عووش من المستشفى عسى الدار زاهبه
الام: أي مبخرة و معطره و شحلاتها بعد
( طبعا قالوا بيخلوون عايشه ترتاح بالدار اللي تحتد عشانها ما تقدر تصعد الدري و تخاف من المصاعد هههه)
وبعد شووي دخل عبدالله و عايشه البيت
ام عبدالله: هلا و الله ببنتي الغاليه عايشه ......تو ما نوور البيت بردتج
عايشه قربت من خالتها و باست راسها: النوور نورج خالتي
ساره: هلا عووش حيااتي ...... الحمدلله ع السلامه
عايشه: ربي يسلمج غلاي
عبدالله: يما انا بودي عايشه الدار عشاان ترتاح
عايشه: أي و الله احس اني تعبانه شووي
عبدالله: شفيج حيااتي
عايشه: لا لا تحاتي بس شوويه تعب
الام: رووحي يما ......انا الحين بيب لج شي تاكلينه
و دخلت عايشه الدار و راحت و انسدحت على السرير
عبدالله: عواشي حبي اشفيج
عايشه: ما فيني شي حبيبي
عبدالله: لا فيج شي قولي لي
عايشه: كنت متمنيه اني اذا نمت بالمستشفى مرة ثانيه ايي و ولدي او بنتي معاي
عبدالله: خلاص عايشه حياتي احنا شقلنا .....بس خلاص انسي اللي صار
و دشت ام عبدالله الدار و معاها حسوو ( شي ياكلوونه عقب الولاده او في النفااس)
ام عبدالله: يلا حبيبتي لازم تاكلين هذا و تخلصينه كله
عايشه: ما احبه خالتي
ام عبدالله : لا لازم تاكلينه ...... عبوود قو لك شي يما
عبدالله: يلاى حياتي عووش ......يما تدرين خليه انا بأكلها اياه كله
و مسك الملعقه و قربها من فم عايشه و قال: يلا يا عسل .....اكلي
و كلت عايشه عشانها ما تحب ترد عبدالله
و بعدها راح عبدالله لعند امه و دخلت ساروو عند عووش
ساره: عوووش عندي لج خبر بملييووون
عايشه: قولي
ساره: فهد فهد امه اليووم دقت عشاان تخطبني له
عايشه: قولي و الله
ساره: و الله
عايشه: تستاهلين حيااتي
عبدالله و امه و ابووه قاعدين بالصاله
عبدلله: طيب انا سألت عنه
ابو عبدالله: و هالولد مستشار الشؤون القانونيه اليديد اللي بالشركه
ام عبدالله: و شلوون ياته الجرأه يخطب بنت صاحب الشركه الي اهوو يشتغل فيها ......حنا لازم ما نوافق
عبدالله: ليش يما ....شفيها يعني بعدين اهوو مستشار شوؤن قانونيه و راتبه وايد زين ....و اهوو ما يشتغل فراش عندنا
ابو عبدالله: بعدين انا شفته و اهوو خووش ولد و محترم و اخلاقه عاليه وما فيه عيب
عبدالله: و انا سألت عنه ...... و الكل مدحه لي صراحه و قال انه خووش ريال تحمل مسؤليه امه و اخته من بعد وفاه ابووه مع انه كان صغير و الكل يقوول انه اخلاقه عاليه و قلبه طيب
ام عبدالله: و ساره .... ما قالت شنو رايهاا
ابو عبدالله: سأليها و شووفي
و راحت ام ساره لساره بدارها و سألتها
ساره: يما انا موافقه .... و ما اظن بلقى احسن منه
امها: خلاص يا ساره كبرتي و صرتي عرووس و بتهديني و بترووحين
ساره: يما ......
امها قعدت تيبب و بعدها قالت: الف مبرووك حياتي
ساره: الله يبارك فيج يما
و دقت ام ساره على ام قهد و قالوا لها انهم موافقين و يه وقت الخطبه الرسميه و يوو ام فهد و اخته فاطمه اللي كانت مسوويه مفاجأه لعايشه و عايشه ما كانت تدري ان فهد اخوو فاطمه .....و راح مع فهد عمه عشان يخطبوونها من ابووها
كانوا الحريم قاعدين و معاهم عايشه
عايشه: يا الكرييهه و لا قلتي لي انج اخت فهد.......امس مكلمتج و لا قلتي
فاطمه: قلت اسوويها لج مفاجأه
ام عبدالله: عايشه يما رووحي شووفي ساره و ينها تأخرت
و راحت عايشه لساره الدار و شافتها خايفه
عايشه: ساررو اشفيج
ساره: خايفه ......اخاف ان امه شريه و ما تحبني و اخته بعد
عايشه: عيل تطمني امه وايد طيبه و اخته اتحداج تلقين وحده اطيب منها .... قولي من اخته يلا توقعي من
ساره: من
عايشه: فطووم رفيجتي
ساره:كذابه...... احلفي
عايشه: اولا انا مو كذابه ثانيا و الله العظيم فطووم اخته و ثالثا يلا نزلي لا يطفشوون و يمشوون
ساره: طيب نازله نازله
و راحت و دخلت الصاله عليهم
ساره: السلام عليكم
و راحت و سلمت على ام فهد واخته فطووم
ام فهد: ما شالله قمر ....و الله عرف ولدي يختاار
فاطمه: أي و الله يا حلاتج ساره
ام ساره: تسلموووون
ساره صار ويهها احمر من الحيا و شووي وقامت عنهم وراحت
و عند الرجاال
ابو عبدالله: و الله ما راح نلقى احسن منك يا ولدي فهد و النعم فيك و الله
فهد: ينعم بحالك عمي بو عبدالله
عبدالله: بس ها تراها اختي الوحيده و اتحطها بوسط عينك
فهد: اكيد هاي ما يبيله توصيه .....بحطها بوسط عيني و على راسي بعد
ابو عبدالله: تسلم يا ولدي
طبعا بما ان خطبه ساره و فهد صارت بنفس فترهةخطبه شيما و عبدالعزيز اتفقوا شيما و ساره انهم يسووا العرس بليله وحده لان كل وحده بتتزوج و بترووح شهر العسل و ما راح يقدروون يحضروون عرووس بعض و عبدالعزيز و فهد ما يقدروون يردوون طلب لحبيباتهم و تم العرس في ليله وحده و راحوا مع بعض نفس الصالوون و هنااك
عايشه: يا حلاتكم و الله
فاطمه: الفال لي ادعوو لي كلكم تزوجتوا الا انا
منيرة: و انا بعد نسيتيني
شيما: يلا ان شالله نشووفكم عرايس
ساره: عرايس و لا شاورما هههههه
عايشه: لا و الله و تنكتين بعد
شيما: بس خفي من هالنكت عشان ما يطفش فهد من اووول يووم
فاطمه: لا لا تحاتوون تراه يمووت عليها و بيتحمل النكت البايخه عشانها
ساره: أي و الله فديته حبيبي
عايشه: طيب يلا عااد خلصوونا
شيما: عووش ما شالله فستانج وايد حلوو توني منتبهه
ساره: أي و الله .......
فاطمه: بس تراج انتي اللي محليته مو يقولون القالب غالب ههههه
عايشه: حبايبي و الله حلت دنياكم
منيره: بس عجبتني القالب غالب
طبعا عايشه كانت لابسه فستان اسوود مره ناعم كان طويل و له ذيل طويل بعد و فيه كرستال ناعم تحت الصدر و فاطمه كانت لابسه فستان احمر و كان حده فن و منيره كان فستانها ازرق ع تركوازي و قصير بس طالع رووعه عليهاا اما شيما و ساره فأكيد فساتينهم تجنن لانهم العرايس
المهم زفوا المعاريس على انغام اغنيه (احلى ليالي العمر) لانها بالفعل كانت من احلى ليالي العمر و اجملها
بعد العرس الكل رد البيت و كانوا حدهم تعبانين و اول ما افتحوا الباب تفجأوا بــــ
يا تراا منو شاافوا ؟؟
و شنوو اللي خلاهم يتفاجأووون
البارت الياااي فيه الجوااب انتظروووه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد العرس
الكل رد البيت و كانوا حدهم تعبانين و اول ما افتحوا الباب تفجأوا بــــ
عبدالله: خالد
و راح ركض على اخووه و ضمه و يووسف و امه و ابووه بعد
الام: الحمدلله ع سلامتك يا ولدي بس ما قلت لنا انك ياي
خالد: الله يسلمج يا الغاليه بس كل شي صاار بسرعه ..... انتي عايشه زوجه عبدالله
عايشه: أي و الحمدلله ع سلامتك و تو ما نورت البحرين
خالد: الله يسلمج منوورة بأهلها .......اووه عبوود ما شالله عندك ذووق مرتك وايد جميله
عبدالله: أي اكيد ذووقي حلوو من زماان ههههههه
خالد: الا وين سارو
يوسف: لو انك راد علي قبل جم يووم لما دقيت جان دريت ان اليووم عرسهاا
خالد: ساروو تزوجت
الام: أي يا يما
خالد: يا حسافه ضعيت من يدي عرس اختي الوحيده
الاب: انزين يبا شعندك و شلي يايبك هالوقت من امريكاا
خالد: يبا بصراحه انا طلقت مرتي
الام: هااا ليش يا ولدي
خالد: يما بصراحه انا طقت جبدي منها كل شي فيها غير عنا قلت يمكن بتتعود على طبعي و على اللي ابيه لكنها كانت وايد بعيده عني
الام: و الله زين سوويت عشاان على الاقل ترد و تعيش بوسطنا و انا ازووج اللي احسن منها
خالد: لا يما تكفين انا عفت الزوواج هههه
( خل اكلمكم شوي عن خالد لانه ما اخذ حيز براويتنا ........خالد شاب طمووح درس بأمريكا و هناك تعرف على وحده كانت تدرس معاه و تزوجهاا و من الناحيه الشكليه اهوو مملوح حنطاوي و خشمه طويل و عيوونه وساع و كبار و ملامحه خليجيه بحته و من الناحيه الخلقيه اهوو طيب و ع نياته و فيه هباله مع انه الولد الاكبر لكنه حبووب و يدش القلب بسرعه)
االاب: طيب يا يبا الحين انت رووح و ارتااح و بكره نتفاهم
و راح كل واحد على داره و عايشه بعد رجعت تنام بدارها مع عبدالله لان صحتها صارت اووكي
عبدالله و عايشه في دارهم و عبوود واقف اقبال عايشه و يقوول لها
عبدالله: بصراحه طالعه قمر غطيتي ع العرووستين حتى
عايشه: ادري حتى ان جمن حرمه سألتني عن اسمي و انا من بنته و كانوا يبوون يخطبوووني
عبدالله: اهاا يخطبوونج ...
عايشه: حتى انت اليووم تجنن صراحه... تراك احلى من العرساان
عبدالله: ادري ...........حتى ان البنات ما شالوا عيوونهم من علي
عايشه: اهاا ما شالوا عيوونهم من عليك ...طيب خل ينفعوونك انا نازله انام تحت
عبدالله مسكها من خصرها و لفها جهته و قربهها منه و قال: افا عووشه اهوون عليج تهديني بروحي يا رووحي انتي
عايشه قربت منه و حطت ايدها على خده و قالت: لا و الله ما تهوون علي انا برووحي ما اقدر على فراقك ....بس جي اتدلع عليك حبيبي
عبدالله: احلى دلع و الله فديتج عووشتي
عاشيه: فداك الكووون يا بعد عمري انت
اووك خلنا من غزل طيوور الحب و و خلنا نرووح حق المعاريس اليدد و نبتدي بمن؟؟؟؟ بسارو و فهوود
ساره قاعده مع فهد بس شووي بعيد
فهد: شفيج قربي تراني ما آكل بناات
ساره: لا بس اللي سمعته انا غير
فهد: وشنو اللي سمعتيه
ساره: سمعت انك تمص دمهم
فهد: ههههههه يلا عااد حيااتي يهوون عليج مخليتني جي برووحي جني قطوو
قربت ساره منه
ساره: لا و الله ما يهوون علي
فهد: ساره
ساره: آمر
فهد: ما يأمر عليج ظالم ....انا وايد احبج
ساره: و انا بعد حبيبي
فهد: شنووو قلتي
ساره : و انا بعد
فهد: لا لا اللي بعدهاا
ساره بحيا يجنن: حبيبي
فهد: اه يا قلبي اللي بيوقف من هالكلام الحلوو
ساره: بس عيل ما اقوول كلام حلوو عشااان قلبك ما يوقف
فهد:لا لا طلبتج انتي كلامج الحلوو اهوو اللي يعطيني قووه عشاان اعيش
ساره: طيب حبيبي احبك وايد وايد وايد هالكلام ليه متى بيعطيك قووه عشاان تعيش
فهد:اممم بس دقيقه ههههه
ساره:ههههههه..... يا حلاك فهوود
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك