رواية أشكي للي بين ضلوعي -10
غادة:يعني انا غاثتكي بس تبين الاخبار...جوري:حرام عليكي اصلا الغثيث..الاخبار منه ترفع الضغط...
غادة:مدري ليش احسها طنازة...
جوري:بسرعة اول خبر...
غادة:اممممم..كم تعطيني؟
جوري:اللي تبين..بس اصبري خليني اقفل الباب عشان ناخذ راحتنا...
غادة:أي والله ليتك تقفلينه...
وقامت جوري تقفل الباب وسحبت علبة المناديل وتحفة صغيرة تحط فيها اللبان(العلك)
غادة:ما شاء الله جبتي العدة كاملة..
جوري:تعرفين المناديل اذا في خبر حزين..والعلك حق الوناسة...
غادة:وشو علك عجايز..
جوري:لا لبان حريم..
غادة+جوري:ههههه
غادة:يالله بسرعة للاخبار...
جوري اتعدلت هي وغادة بقعدتهم وصاروا قبال بعض....
غادة:اول شئ تذكرين قريبة مرة عمي اللي دايم احكي لك عنها...
جوري:اللي ولدها مريض..
غادة:أي بالضبط.. مسكينة ولدها مرة تعبت نفسيته وصاير تعبان مرة..ودوه المستشفى ويقعد فترة عندهم ويخرجونه بس الله يعين امه..يكون مو بوعيه..
جوري:شلون يعني..
غادة:تخيلي مرة جابت له امه حليب عشان يشرب بالليل وامه تعرفينها كبيرة بالسن وجالسة عنده وهي مرة فيها نوم..وكل ما نعست صفقها كف..
جوري:اعووووووووذ بالله..
غادة:والله مقطعه قلبي المسيكينة..ويقولها لا تنامين والا ذبحتك...
جوري:يا لطيف ...لا حول ولاقوة الا بالله..طيب ليش ما يخلوه بالمستشفى خلاص ما يخرج...
غادة:والله مدري عنهم..والله انها كاسرة خاطري مرة..الله يصبرها على مصيبتها...
جوري:أي والله اللهم آمين..طيب هو من ايش جته الحالة؟نسيت القصة..
غادة:عــيــن جته..كان كل سنة يطلع الأول ومرة ممتاز..وسبحان الله جته عين ومن عقبها تعب واللحين تعب زيادة...
جوري:يا لطيف..الله يكفينا شر العين...
غادة:آميــن.. عاد امه هي اللي قايمة بالبيت ما عندها الا هو واخوه الكبير..واخوه ما رضي يتزوج عشان امه..ومسكينة هي اللي قايمة بالبيت.. وهالحرمة جاها شلل نصفي..
جوري:الله يكون بعونها..ودمعت عيونها واخذت منديل وصارت تمسح..
غادة:ما امدانا نكمل كلامنا...
جوري ابتسمت وقالت:لا والله هالحرمة مرة احزن عليها..يعني ما يطلبون من الناس ولا يرضون ياخذون صدقات وحالتهم حالة..وولدها بعد مريض من جد ودي اقدم لها أي شئ..
غادة:تصدقين عاد اعرف بعض الناس يرمون ببيتهم اغراض ويمشون والا يحطون عند الباب ويدقون الباب ويمشون عشان ياخذونها من دون لايدرون من صاحبها...
جوري:ويا خذون الاغراض..
غادة:أي اللي عرفته من بدر انهم ياخذونها....
جوري:من جد الله يكون بعونهم والله احنا بنعمه لا نحسد عليها ولا حنا حاسيين بشئ...
غادة:الآية وش تقول((وقليل من عبادي الشكور)) الله يجعلنا من هالقليل..
جوري:آمين..يارب لك الحمد كما ينبغي لجلال وجهك وعظيم سلطانك...
غادة:والبقية مافي اخبار جديدة..ما شاء الله بنات عمي كلهم ملكوا حتى اللي اصغر مني الا انا قاعدة يا حول..
جوري:هههههههههههه
غادة:وصديقاتي اعرسوا..ووحده منهم بعد جتها بنت..
جوري:أي يا حول كل الناس اعرسوا الا احنا...
غادة:قصدك الا انا..
جوري:وانا بعد....
غادة:حركات حريم اول بطليها..
جوري:لا تعلقيين ببلعومي مثل فيصل ما صار شئ الى الان...
غادة:جوري قومي بس طلعي لي شئ من جهازك...
جوري:والله ما صار شئ..
غادة:لا تحلفين بلا نصب امي ذاك اليوم تدق تبارك...
جوري:يمكن على الخطوبة..
غادة:هههههههههههههههههههههههههههه
جوري:وش فيكي...
غادة:والخطوبة وشي عندنا؟
جوري:خطوبة
غادة:لا يا عمري اذا اعلنت الخطوبة معناها تمت الموافقة...
جوري:بس انا ما قلت شئ ولا اعطيتهم أي جواب...
غادة:شلون يعني؟
جوري:انا قلت بعد ثالث ثانوي
غادة:اوكي فهموها هم ملكة وزواج...
جوري:لالالالالا لا تقوليين انا ما قلت لهم ولا شئ بس قلت انا ثالث ثانوي وما ابي شئ يشغلني عن ثالث...
غادة:غريبة من جد غريبة...
جوري:ليش؟
غادة:اللي وصل لنا انكم موافقيين وان الملكة باول الاجازة والزواج تحددونه اذا جت الاجازة...
جوري:لا عاد حرااااااااااام لا يكونون فهموها موافقة...
غادة تناظر بجوري:ليش ما تبينه؟
جوري توها تستوعب السالفة وان الكلام اللي من اول مو مزح كالعادة بينها وبين غادة: مدري..
غادة:شلون ما تدرين؟
جوري:بصراحة...........(وقالت لها كل شئ)
غادة:ياربي طيب اللي فهمتوه انكم عطيتوهم كلمة..
جوري:ما ادري وش اللي يصير بي..
غادة:يا عمري سلطان انسيه..اصلا ما يستحق انه يجي ببالك...
جوري بذهول:ليش؟
غادة:لانه مو كويّس..
جوري:غادة الرجال التزم وصديق فيصل الروح بالروح..
غادة:قلت لك انسيه ووافقي على منصور..والله لو اني منك ما افوت واحد مثل منصور.. يا بنت سمعته ما شاء الله زي الفل..
جوري:بس مغرووووووور..
غادة:يحق له الغرور..انسان ناجح بكل المقاييس وله كلمته وين ما راح ووين ما جا وهو شاب وحصل على كل هالميزات قبل لا يصير شايب..وش تبين ازين من كذ1؟
جوري:ما شاء الله يحق له الغرور..انا اكره الغرور ..الكبر اكرهه..مرررررررررة...
غادة:منتي صاحية لو ما وافقتي عليه ..ما راح يجيك واحد احسن منه...
جوري:وسلطان؟
غادة:خليه ينقلع
جوري:شلون يعني!!
غادة:شوفي انتي تجبريني اقول كلام ما ابي اقوله...
جوري:قولي طلعي اللي بخاطرك...
غادة:بس ما تنصدمين تتكدرين.. وهذي السالفة قديمة..
جوري:يمّه خوفتيني..قولي طلعي اللي داسته عني..
غادة:طيب اول شئ اللي قلتيه عن سلطان كله خرطي..وما عنده سالفة.. واشوى انك قلتي لي السالفة والا كان رحتي فيها على هالنصاب..
(جوري تسمع بانصات وماهي مصدقة اللي تسمعه)
غادة:شوفي انا سمعت من امي السالفة وهي درت من عندكم وبالموت قالت لي وش اللي صار....
جوري:قولي بسرعة وش صار...
غادة:اول شئ ابوكِ زمان..زمان مرة قبل ما ياخذ امك..كان هو وابو سلطان مرة مع بعض واصدقاء وشئ ووناسة..وعلى قولهم عاشوا عالحلوة والمرة..وحتى انهم اتزوجوا خوات..المهم ان ابو سلطان صارت له سفرات برى كثيرة وانشغلوا عن بعض.. وابو محمد..
جوري:منهو ابو محمد؟
غادة:لا تضيعين هو ابو سلطان..
جوري:أي بس عشان قلتي بالاول ابو سلطان..
غادة:عشان السالفة عن سلطان... المهم..
جوري وجميع حواسها متحمسيين معها بالسالفة:نبي اللي بعد المهم...
غادة:شوي شوي على اعصابك ما جاكي شئ..المهم ابتعدوا عن بعض شوي وانشغلوا مرة عن بعض..بعدين ابو محمد وابوكِ قرروا انهم يسكنوا ببيت واحد..طبعا كانوا متسانسيين عل الاخر..
جوري:احلفي عاد ويني انا..
غادة:ما جيتي انتي
جوري:أي حسبالي بعد مدري عن عيشتي..
غادة ومنهمكة بالسالفة:لا تقاطعيني خلاص ابقول السالفة متواصلة عشان ما اضيع..
جوري:اوكي وحطت يدها على فمها..
غادة:أي كذا تعجبيني..
جت جوري تبي ترد على غادة وتخانقها بس بدت بالسالفة غادة وسكتت جوري..
غادة:ويا قلبي سكنتوا انتو مع بعض ببيت واحد ابو سلطان وابو فيصل وقعدتوا خمس سنيين مع بعض وكانوا مرة مبسوطيين..وكل الناس تحسدهم على راحتهم اللي هم فيها لانهم بيت ملك وما في أي هواش او خصام... جا اخو ابو سلطان بيتزوج واقترح على اخوه انه يسكن بالبيت وابو سلطان وافق..اما ابوكِ ما وافق لأنه ما يظمن الراحة اللي كنتوا فيها وقال اننا كذا مرتاحيين..وخاف من المستقبل انكم ما ترتاحون..اخو ابو سلطان اللي هو( حاتم) مرة زعل وقلب الدنيا فوق تحت..وانا احنا اخوان وهذا بيتدخل فينا ومن هالكلام وصارت هوشة كبيرة بين ابوكِ وحاتم اللي هو اخو ابو سلطان..وزعل صدق وخناق.. يعني المفروض حاتم ما يكبر الدنيا لانهم احرار..والبيت كان( فيفتي ان ففتي)..يعني50% بين ابوكِ وابو سلطان عشان لو حصل شئ من هنا والا هنا او مات احد لا قدّر الله يكون المبلغ بالتساوي.. بعد الخناق اللي صار..ابو سلطان كلّم ابوكِ..بس ابوكِ كان رافض خصوصا بعد الهوشة الكبيرة اللي صارت وقال :هذي بدايتها..المهم ان ابو سلطان حاول فيه بس ابوكِ رافض مرّة..قال ابو سلطان لابوكِ: طيب تخرج وادفع لك..
وابوكِ: رافض وزعل من كلمته مرة..الحاصل ان ابوكِ بالاخير وافق بس يكون له باب مستقل عنهم ومن ورى مو من قدّام..وطبعا الحوش يصير لكم ولابو سلطان وهو ما يكون معكم بالحوش بس اللي قوّم الدنيا فوق تحت ان السطح يكون لكم جميعا..الصراحة حاتم ما يعجبني وعقله صغير
جوري:لا تحشين بياخذ حسناتك
غادة:استغفر الله العظيم بس يقهر المشاكل كلها من راسه..
جوري:يا غادة تكفين ما نبي حش...
غادة:استغفر الله..استغفر الله... أي عاد ابوكِ ما كان يكلمه كان دايم يكلم ابو سلطان هو اللي يكلمه.. المهم طنشوه على حكاية السطوح وابو سلطان ما يشوف اللي يسويه حاتم غلط يحسه عادي تعرفين اخوه واكيد بيتغاضى عنهم.. جا لكل واحد منهم بزاريين وتعرفين ان المشاكل ما تجي الا من راس البزاريين بس لو الكبار ما يتدخلون فيها كان ما في مشاكل.. كبر فيصل وكبر محمد وسلطان وهو جته بنت وسمّاها فاطمة..طبعا بنته دلوعة ترفع الضغط ومؤذية بس تبي كل شئ لها وبس تشتكي ابوها على أي شئ وطبعا حاتم ما يقصر يضرب محمد وسلطان وفيصل...
طبعا بتقولين ليش السالفة الطويلة..بس هذي هي الاساس..انا باختصر لك السالفة.. هالبنت أذّت البزران وحاتم بس يضرب من دون اهتمام هل هي صادقة او لا ومن دون مراعاة لمشاعر اخوه.. المهم ان ابوكِ ضاق خلقه على الاخر وحتى ابو سلطان مستحي منه مرّة..ابوكِ ما قدر يتحمل وكلمه وقال انا اللي باشتري البيت واعطيك نصيبك واعطي اخوك نصيبه وانتو عيشوا مع بعض.. ابو سلطان مرة مو راضي وقال انت اللي تخرج وانا اعطيك نصيبك..المهم عقب الهوشة الطويلة..وافق ابو سلطان وطبعا حاتم ما كان راضي بس غصبن عنه.... طبعا الوقت ذاك ما كان عندهم فلوس مثل اللحين..والفلوس تلعب بايدينا لعب..والمبلغ اللي طلبه حاتم وابو سلطان كان مرة كثير.. الحاصل ان ابوكي قال ان حضرتكِ وسموكِ الكريم تكونيين عروسه لولدهم بدون أي مقابل منهم وغير كذا المبلغ قل شوي...
جوري:هـ ـ ـ ـا!!!
غادة:اصبري يجيك العلم....
جمع ابوك المبلغ وعطاهم اياه وخلاص الولد كبر وتزوج..
جوري:سلطان تزوج!!!!
غادة:لا وش فيك محمد اللي تزوج وصار زعل كبير بين ابوكِ وابو سلطان..لانه محمد ولا على باله راح تزوج اللي يبيها وابوكِ حس بالقهر على اللي سواه..
جوري:وسلطان!!
غادة:سلطان ولا شئ..
جوري:شلون ما فهمت؟
غادة:اقصد ان ابو سلطان كلّمه على سلطان بس ابوكِ مرة زعل وما صدق اللي صار له لان ين ابوكِ وابو سلطان كلمة ان محمد يصير زوج لك ومحمد ولا على باله.. ورجع ابو سلطان يكلك ابوكِ عشان يصلّح غلطة ولده محمد وبيكي لولده سلطان..بس ابوكِ رفض وقال ارجع لك المبلغ..بس امك كانت مرة ودها بسلطان واقنعت ابوك فيه..والظاهر جاكي وكلمكي..ومع انه سلطان كان لك الا ان ابوكي رجع المبلغ اللي كان ناقصه..
جوري بذهول:أي اذكر وانا بثاني متوسط جاني وقال لي على سلطان وانا سكت ما رديت عليه..
غادة:ابوكِ وابو سلطان ما رجعوا مثل الأول وهذا البيت اصلا خرجتوا منه وسكنتوا بمكان ثاني وسواه فلة..
جوري:أي هذي اعرفها بس توقعت ان البيت ما كان كويس...
غادة:يوم خرجتوا منه رحتوا للديرة وسكنتوا فيها اربع سنوات..
جوري:أي قالت لي امي بس قالت ان امها تعبانة..واننا بنعدل بيتنا..
غادة:المهم انكم خرجتوا من البيت وعاد بنائه ابوكِ ورجعتوا له..وسكتت غادة ولا قدرت تكمل السالفة...
جوري:أي سالفة البيت وعرفناها بس وش اللي بعده...
غادة:ولا شئ قضت السالفة..
جوري:احلفي عاد..كملي وش سالفة سلطان؟
غادة:بس هدي اعصابك ولا تنفعلين
جوري:اقووووول كملي...
غادة:اكيد تعرفين ان سلطان التزم..
جوري:أي اعرف..
غادة:هو الصراحة ايجابي وسلبي
جوري:وشو اللي ايجابي وسلبي
غادة:يعني هو اول ما التزم قال ما ابي الجوهرة
جوري:وشــ ـ ـ ـ ـو؟
غادة:قال حرام اظلم البنت بسالفة قديمة ومدري وشو؟والخطبة تصير رسمي..هذا يوم انتي بثاني ثانوي يعني العام....وابوكِ وابو سلطان عقبها انقطعوا عن بعض وابوكي كان معطيه المبلغ له سنة ومنصور خطبكِ...
جوري:شوي شوي عليّ...
غادة:بس سلطان ومحمد ما وافقوا على هالخطوبة وابوكِ زعل مرة..وعشان كذا اقولك لك منصور وبس..والباقي خس...
جوري:بس شلون؟ماني قادرة اصدق انا لعبة عندهم...بعدين هو...
غادة:أي كملي...
وقامت تصيح جوري ما تحملت الصدمة..وان عيال خالتها اللي تدافع عنهم وكانت تكره ابوها بسببهم طلعوا هم اللي ما يبونها وان ابوها صادق بكرههم...وحكت لها كل شئ عن سلطان واخر شئ عنه سالفة الماسنجر ويوم اتكلموا عن الخطوبة...
غادة:من جد تكلم عن الخطوبة؟
جوري:اصبري باجمع اللي عندي واقولك...
اللحين امي يوم سمعت اتصالاها مع ذيك الحرمة كانت تقول: بيطلع مثل عمه اللي التزم اكيد وبيكون معقد..شكله عمه حاتم..استغفر الله حرام يشوه سمعة الملتزمين..
ثاني شئ:التزم بالترم الثاني وانا كلمته بالترم الاول..
يعني الترم الثاني التزم سلطان وقال الكلام اللي اول وانا احسب ابوي ما يبيه عشانه التزم... ونزلت راسها وتمسح عيونها من الدموع...
غادة :يا عمري والله اني خبلة يوم قلت لك السالفة..
جوري وهي تسمح عيونها:بالعكس اشوى انك قلتي لي..تدرين جتني فترة كرهت فيها ابوي احسبه يكره خوالي ومتكبر عليهم وعشان كذا كرهت منصور لانه مع ابوي دايم بعدين حاسبت نفسي ومشاري الله يسعده قالي مستحيل ابوكِ يكون فيه هالشئ...
غادة:يا قلبي..تدرين اصلا جيتنا ذي كلها عشانك...
جوري:من جد
غادة:أي ابوكِ قال اقنعوها..
جوري:يا ربي وكلهم داريين عن السالفة وما يقولون لي...
غادة:لا شوفي ترى ما يدري بها الا انتو وابو سلطان وامي وانا مثل ما قلت لك بالغلط دريت... وانا اللحين جايه بشحمي ولحمي اقولك وااااااااااافقي على منصور ازين من النذل سلطان...
جوري:حرام عليكِ..هو صادق المفروض يتركون هالعادات السخيفة واكيد هو كان يبيني اتزوج مثل خلق الله...
غادة:يا عمري ما قال هالكلام الا بعد دفع ابوكِ يعني مهر فيه فيه مهو على كيفه بس هو ما يبي.. من زينه والا من زين خشته واخلاقه...
جوري:اللي سواه هو الصح.. المفروض خطبة مثل الناس والعالم..بس انا مقهورة من نفسي اللحين كل اللي صار من ابوي لصالحي وانا احسبه ضدي...قسم بالله قهر...
غادة:يعني سالفة سلطان عادي...
جوري:اكون منافقة ان قلت لك عادي..صعبة تعيشيين وانتي ببالك واحد وعقب يصير كله اوهام واحلام..انا خمس سنيين وانا ببالي ان انا وسلطان مخطوبيين..هذا عمر مو شهريين والا ثلاثة.. تخيلي يعني من ثاني متوسط الى ثاني ثانوي اربع سنوات بعديين قالي ابوي بالاجازة على منصور وحاطه براسي اني ابرفضه وصارت ثالث ثانوي بعد وانا ببالي سلطان يعني خمس سنوات.. والله صعبة...
غادة:من جد والله صعبة بس ربي عوضكِ بشاب وسيم خلوق من عائلة كريمة يقدر الحياة الزوجية ويرجوا من جوري الموافقة...
جوري:وانا موافقة..
غادة:اححححححححححححلفي...
جوري:مايبيلها حلف...
غادة:يعني عن اقتناع ومن دون أي ضغوط..بالعربي مووووووووواااااااااافقه...
جوري:اصلا انا ما لقيت أي عذر وكنت باقول لامي واللحين بقوة اقولها موافقة..
غادة:لا عاد عيديها مرة ثانية...
جوري:اقول ولا منصور ما سواها...
غادة:اححححلى يا الحب من اللحين...
جوري: غـــــــــــادة
غادة:نعم..هلا..سمي..آمري..تدللي..
جوري:بس تكفين..
غادة:يا عيني..يا عييييييييييييييني....خليني ابشر امي وامك وخالي...
جوري:لا عييييييييب...بعديين نقولهم...
غادة:اصلا انتي ما تشوفينهم ما نادونا للعشا يعني داريين خليني ابلغهم...
جوري:روحي انتي انا باقعد هنا..
غادة:مو على كيفك بلا دلع..
جوري:ام منصور فيه عيب..
غادة:يالله بس..
غادة قامت من السرير وسحبت جوري من يدها وقومتها ونزلوا تحت....
اول ما جو عند الدرج ويسمعون اصوات مرتفعه وشكله فيه شئ صاير...
غادة:ناظري ام خالد تبكي وعهود وخلود موجوديين...
جوري:من متى موجوديين؟وش اللي صار بسرعة خل ننزل لهم....
ونزلو جوري وغادة للصالة وحضنت عهود غادة وصارت تبكي..وراحت خلود لجوري وحضنتها وصارت هي الثانية بعد تصيح...
وسكتت غادة عن الموافقة وما اتكلمت ولا كلمة...
جلسوا عهود وخلود وقالوا كل اللي صار لهم من جلستهم بالبيت الى ابوهم يوم اخذهم بس ما جابوا طاري منصور لانهم ما يعرفون وش فيه اصلا وخالد ما بلغهم ولا قالهم ولا شئ...
ام خالد تظن ان منصور مع خالد يكملون الاجراءات اللي البيت واكيد عند الرجال...
قامت ام فيصل تهديهم وجات لهم العصير والتهوا شوي السوالف وحلفت عليهم انهم كلهم ينامون عندهم والرجال اكيد يجون عندنا ويعلمونا اللي صار...
غادة وجوري وعهود وخلود كلهم ناموا بغرفة وحدة....
وام خالد راحت تنام مع العمة موضي...
بس ام خالد ما جاها النوم الين جا خالد وقالها وش اللي صار..وان منصور بس تعبان تعب عادي ما فيه أي شئ وابو خالد راح ينام مع ابو فيصل..وخالد وفيصل وبدر ناموا بغرفة وحدة... الجزء السادس عشر
لولو:يمة يمة باركي لي فاااااااااااااااااز الهلال..
ام محمد:الله يخلف على العقل...
محمد:ما شاء الله شكلي باخذ اخبار الكورة منك..
لولو:افا عليك اخوي انا بالخدمة...
محمد:ههههههههههههههههههههههه..منتي صاحية..
لولو:من ناحية مني صاحية فهذي ما فيها كلام..
ام محمد:والله انك رجة..
لولو:مشكورة هذا شرف لي..
محمد:اقول لولو وش رايك تعطينا مقفاكي..
لولو:عيب اعطيكم مقفاي..
محمد:ههههههههههه..لا سامحين لك بس روحي...
لولو:طيب وش رايكم انا اقعد عندكم..
ام محمد:اقول يا كثر هرجك يالله روحي..
لولو:طيب يمكن..
محمد اشر على المركة اللي جمبه بيرميها عليها...
لولو قامت بسرعة تجري:اتوب والله اتوب...
وخرجت لولو من عندهم....
ام محمد:أي يا محمد ونهايتكم..
محمد:ملزمة يمه نتكلم بهالسالفة..
ام محمد:اللحين بيصير لكم 3شهور وانت تقول نأجل السالفة..يعني بافهم لمتى بتبقون كذا.. لاهي مطلقة ولاهي معك..ولا انت مرتاح ولا شئ..
محمد:الله المستعان..
ام محمد:ما ابي الله المستعان..
محمد بابتسامة وعرف ان امه موصل حدها:الا يمة الله المستعان...
ام محمد:اقصد نبي نتكلم اللحين..وتقرر اللحين....
محمد:يمة لا تضغطين عليّ..
ام محمد:3شهور لمتى قولي بس
محمد:يمّه انا وهي اللحين نحاول نحل مشكلتنا بنفسنا واتفقنا ان محد يتدخل بالمشكله..
ام محمد:بس انا امك ولازم اعرف وش اللي يصير؟
محمد:يمّه هذا اتفاق بيننا وان شاء الله نحلها ويرجع كل شئ مثل ما هو..
ام محمد:اللحين ثلاث شهور وتقول لي بنحلها ما يصير يا ولدي لازم تستشير بالمشكله..
محمد:بس؟!!
ام محمد:لا بس ولا شئ لازم تتكلم باعرف وش اللي صاير؟والله اني خايفه عليكم.. كل واحد ببيته وكل واحد موب راضي يعلم وش سالفتكم وصار لكم ثلاث شهور ولا اتحرك شئ..
محمد:خلاص يمه اوعدك ان مشكلتنا بتنحل..
ام محمد:يعني ما راح تعلمني؟
محمد:لا يمه موب القصد كذا بس.. ما يصير خاطرك الا طيب وكل شئ بينحل..
ام محمد:والله اني خايفه من هالبنت ومدري وش تاليها معك
محمد:لا يمه والله انها طيبه وبتحبينها..
ام محمد:نشوف..قايله من زمان وارجع اعيدها بنت قبيلتك هي اللي تحفظك..
محمد:بدينا بالتعصب القبلي..النبي صلى الله عليه وسلم
ام محمد:عليه الصلاة والسلام
محمد:وصّى بالاخلاق والدين وقال((اظفر بذات الدين تربت يداك))
ام محمد:اللهم صلي على محمد..وقال((تخيروا نطفكم فإن العرق دسّاس))
محمد ابتسم وعرف ان امه ما ينضحك عليها بكم كلمه وقال:الله يصلح الحال..
ام محمد:آمين..اللحين ابترك بس مرة ثانية مو على كيفك وباعرف كل شئ..وترى حالتك مره مهيب عاجبتني..
محمد:ابشري يمّه..ما يصير الا اللي يرضيكِ..
وخرجت ام محمد عن محمد وقعد بالمجلس ورفع راسه يناظر بأثاث المجلس ويلف بنظره يمين ويسار.. نزل راسه محمد واخذ تنهيدة رجعت له لثلاث شهور ببيته هو ونهى..ورجع له الموقف اللي صار بينهم...
محمد بعصبية بالغة:والنهاية؟
نهى بضعف وانكسار:طلقني وافتك مني..
محمد نزل ايدها بقوة:وانتي كل ما صار شئ جبتي طاري الطلاق..هذا هو الحل اللي عنك..
نهى نزلت راسها:محمد انا ما ابيك تتعذب معاي..
محمد:انتي اللي تجيبيين العذاب والا هو مو موجود..
نهى بدت تنزل دموعها وتحاول تقاوم:محمد انا قلتها لك من البداية.. انت عارف وضعي وهذا شئ مو بيدي وانا ما ابي اخسرك وبنفس الوقت اذا كان الطلاق هو الحل وهو اللي بيفرقنا عن بعض واحنا متراضيين ليش ما يصير؟
محمد هدت اعصابه شوي:طلاق انسيه لازم نلاقي حل..
نهى:محمد انت قبل ما تاخذني قلت انك راضي بي بكل عيوبي وانا متمسكة فيك على الاخر بس اذا حالتي هي اللي بتخلينا نتزاعل هذا الشئ ما يصير وانا كنت عايفه الزواج كله عشان ما انذل ولا احد يدعس على كرامتي..اهم شئ عندي كرامتي...
محمد:ليش انا عمري هنتك او هنت اهلك او حاولت بس...
نهى:ما اقصد انا زي كذا..
محمد:لا تقصدين..
نهى:والله ما اقصد..ولا عمرك سويتها وعشان كذا اقولك قبل ما يصير أي شئ ما يخلينا راضيين عن بعض نتطلق افضل شئ...
محمد:رجعنا لسالفة الطلاق...
نهى:طيب اقعد وارتاح وخلنا نهدى...
محمد:وهذي قعده وش عندك...
نهى نزلت راسها وقعدت تبكي..وسحبت منديل وقعدت تمسح وما حطت عينها بعين محمد..
محمد:ترى البكاء ما هو حل..
نهى:بالنسبة لي هذا هو الحل..
محمد:يا نهى انا ما ابي بكاء ابي حلول...
نهى:طيب وش تبي مني؟
محمد:ابي اشياء كثيره مو شئ واحد...
نهى بلعت لعابها وهي خايفه:طيب قول اللي عندك..
محمد:شوفي انا مو غشيم ينقص عليّ بكم كلمه وش سالفة اهلك ما تبين تروحين عندهم يوم جمعتهم وتروحين يوم ثاني...
نهى سكتت ونزلت راسها ومسحت الدموع اللي نزلت وتكلمت:محمد انا باريحك واجاوبك عن كل شئ بس ما تتطنز علي وتراي صادقه بكل كلامي وسنة وشوي وانا ساكته عن الكل ما قلت ولا لاحد بس اللحين باقولك بكل شئ...
محمد:يالله وانا اسمعك وعمري ما قلت لك اني ما ابيك تتكلمين..
نهى:انا داريه وعشان كذا(ما قاومت وصارت تصيح)
محمد سكت وتركها على راحتها ما صدق انها تبي تسولف وتطلع اللي بقلبها لانها غامضه وما تتكلم وفرح انها تبي تتكلم وبيعرف اسرار كثيرة منها...
نهى صارت تنحنح بتبعد الصيحه وهي خايفة من ردة فعل محمد...
نهى:يا محمد انا ما احب اهلي واكرههم كره مو طبيعي..
محمد:ليـــــــــش؟؟؟؟؟
نهى:لانهم ما يحبوني..
محمد حس ان اللي قدامه من جد طفله يوم بدت تتكلم لانها دوم كتومه..وصار يعاملها معاملة الطفل..
محمد:وشلون عرفتي انهم ما يحبونك؟
نهى صارت تصيح..ومحمد ما يطالع فيها عشان تكمل كلامها...
نهى:كلهم يتطنزون بي بالجمعات وحتى بزرانهم وانا ما اقدر ارد عليهم..وصرت اقعد بغرفتي وصاروا يجون عندي بغرفتي لانهم مهم حاطين قفل للباب..
محمد:قلة حيا..وليش ان شاء الله..
نهى:يقولون ما يصير البنت تقفل باب غرفتها..هذا خطر للبنت...
محمد:الحمدلله على نعمة العقل...
نهى:انا ما قلت ولا شئ على قراراتهم لان خواتي كلهم عادي بس انا ما يتركوني الحالي ولا يعطوني قفل لبابي ولا شئ.. قلت يمكن عشاني(ونزلت راسها زيادة ونزلت منها دموع)عشاني مريضة ويخافون عليّ...
محمد ساكت وما يرد عليها...
نهى:وزادتهم اذيتهم لي خصوصا بيت عمي مره ما يحبوني ويشيلون عيالهم من قدامي وانا اصيح واطلع لغرفتي..وصرت ما اقابلهم..بعدين...
وصارت تصيح من كل قلبها ومحمد خاف لا يصير فيها شئ من هالصياح...
محمد:نهى كملي والله انا معك واسمعك...
نهى:يا محمد قالوا عني مجنونه واهلي يخافون على عيال الناس مني.. وتحسب هالخبر بس بيننا..لا طلع هالخبر للجيران وللناس كلها وحتى المدرسه..حتى المدرسه اللي هي كل وناستي فيها طلعت هالاشاعه..فصلت من الدراسه ودخلت بتحفيظ بعيده عن بيتنا وحفظت عشره اجزاء من المصحف باربع شهور واختبرت فيه وطلعت نسبتي97
محمد:ما شاء الله ولا تقولي ها.. خايفه احسدك (وابتسم)
ابتسمت نهى وسط دموعها وسكتت ما تعرف تكمل والا لا....
محمد لا حظ سكوتها ويعرف انها من الاستحالة انها تكمل الحالها...
محمد:أي يا نهى كملي..
نهى:يكفي ابتسمت ليش اضايقك...
محمد انصدم من كلامها..وعرف ان نهى امنيتها الوحيدة انها تشوفني مبتسم بس ما رضي لنفسه هالشئ ويبي يطلع نهى من مشكلتها...
محمد:وانا اهم شئ عندي ان نهى زوجتي تصير مبسوطه وتطلع كل اللي بقلبها لزوجها وبس والا ما تبين...
نهى:لا شلون ما ابي بس...
محمد:بس كملي...
نزلت راسها نهى وكملت:دخلت دوره شهرين اعداد معلمات وتخرجت وخلوني مدرسة بالتحفيظ مرة استانست على قرارهم وحسيت بقيمتي وحسيت اني ممكن اخدم البنات وما علمت اهلي باني مدرسة وعلى بالهم اني طالبة واراجع حفظي بالتحفيظ...
محمد:وليش ما تعلمينهم بالعكس اكيد بيفرحون؟
نهى:ما عندهم بنات يشتغلون ويعتبرونها منقصة للرجال
محمد:منقصة للرجال؟!!
نهى:أي..بنت وتشتغل... هذا اكبر عيب عندهم يعني الرجال ما يفلحون..
محمد:أي وش صار معك يا ابله..
نهى:وفي يوم بالتحفيظ انحرقت ثلاجتهم اللي بالمقصف وطلع حريق ودخان (نهى بكل براءة تحكي اللي بقلبها)واغمي علي وبعدها عرفت من وحدة ان حالة الخوف جتني وشافوني الطالبات والاداره يعني مو اغمي علي ..لا جاني اللي خايف منه...وفصلت من التحفيظ...
محمد:الله يصلحكِ..طيب وبعدين..
نهى:التهيت بشغل البيت وسمعت من احد من اخواني يقول انه بيعرس واني بكون مصدر..
وصارت تصيح...
محمد تدارك الموقف:وش صار؟
نهى:يقول بيوديني مستشفى المجانين(ورجعت تصيح)
محمد:اعوذ بالله اكيد انهبل..
نهى:وردت حالتي الاولية وتعبت مرة وابوي اكّد لي انه بس يهذر..
محمد:طيب؟
نهى:وبس!!
محمد:رجعنا للصامت..نهى هذي فرصتنا اللي كل واحد يتكلم فيها والله مي حاله بس نسكت ومثل ما وعدتك محد راح يعرف باللي صار بيننا ولا لهم احقية انهم يعرفون..
نهى:محمد انا ما اثق الا فيك..انت بس اللي فتحت له قلبي واتكلمت لا ابوي وامي ولا احد من اخواني واخاف يصير بي شئ اذا انت صرت مثلهم...
محمد:لا ان شاء الله يا نهى انا نهى وانتي محمد ..هذا سر بيني وبين نفسي...
نهى:يارب لا تحرمني منك...
محمد:آمين بس كملي بعدك ما خلصتي..
نهى خرجت منها تنهيدة خوف وحزن على اللي فيها ولانها اول مرة تحكي اللي بها صارت خايفه مرة من النتايج....وكملت..
نهى:يعني حسيت بكل بساطه اني شخص غير مرغوب بالعائلة.. ابوي كل ما شافني احس بعيونه شايل همي.وامي تخاف اني افشلها بالمناسبات وبكل مكان وارتاحت يوم صرت ما احضر اجتماعاتهم.. اخواتي يعتبروني مثل الطفل عندهم واخواني ما يكلموني الا نادرا.. علمت نفسي الوحده واني اتعامل مع اللاشئ..لا كلام مع احد الا اذا اضطريت ولا اجلس معاهم..وما لقيت لي ونيس الا شيئين..الكتب وشغل البيت.. وصاروا هم همي الوحيد..
سكتت نهى ورفعت خصل شعرها اللي طاحت ومسحت دموعها.. والتمت شفايفها وعرفت انها راح تروح بدوامة صياح فقاومت هالصياح وعضت على شفايفها..وقدرت تقاوم...
محمد ما نزل عينه من نهى وهو يشوفها وهي تتكلم يحس بشئ يقطع قلبه..معقوله نهى يصير فيها كل هذا ولا احد يحس بها ولا عمرها بيّنت انها مرت بصعوبات وصار يسمع بانصات وكل تفكيره بها وبمشكلتها...
نهى:مرت سنة على اللي انا فيه..وانا احاول اتماشى مع الوضع اللي فرضته على نفسي...بس ما في فايده..لان وضعي الصحي تدهور وانا ما اعرف ان هالشئ بيتعبني..تفاجأت بابوي ذاك اليوم ينادي ويبيني اقعد وهو معصب مره من اخواني وانا ما دريت انه عصب على اهلي وهاوشهم لانهم تاركيني الحالي واشوفهم كلهم معصبين..ورجعت لوضعي السابق وبما ان ابوي برى البيت غالبا فما حس باللي يصير له...
محمد:لاحول ولا قوة الا بالله....كملي يا نهى والله معك...
نهى:اخر الترم اللي يوم جيتنا فيها عند اخوي..تعبت مره بسبب العزله والباقي تعرفه..
محمد رجع تذكر الموقف الي صار له بالبيت... قاعد بالملحق مع صاحبه عمر وقام عمر عنه وهو قعد ينتظره وسمع صوت قوي وصراخ قوي وصوت الصراخ عجيب وغريب وخرج ولقى بنت طايحه بالحوش وتصرخ وحالتها عجيبه..طلعت له بنت متحجبه وقالت له:الله يخليك بسرعه خلينا نوديها للمستشفى..بس صورة البنت ما فارقت عن باله وحده صغيره وتكون بهالحاله الصعبه..
محمد:انا ما اعرف اللي اني وديتك المستشفى...
نهى:وديتني هناك واخذوني اخواني وردوني البيت وقعدت اسبوع وانا مرة تعبانة..ولا كأن صار شئ..
وسكتت نهى وهي ميتة من الفشيلة بتقعد تتكلم عن حالتها الصعبة....
محمد تدارك الموقف وقال بسرعه: بس يوم كنت عندك...قال الدكتور انك انتي اللي اهملتي روحك وعطاك نصايح وبعدين...
نهى:وهذاك علمي فيه..اخواني فكروا انهم يودوني مستشفى الصحه النفسيه على طول لاني بنظرهم فشيلة بكل مكان.. بس ابوي رافض مره...
محمد:وامك وينها عن اخوانك؟
نهى:امي ماتت؟
محمد:شلون ماتت؟وخالتي ام عمر؟
نهى:هذي مرة ابوي؟
محمد:وليش محد قالي ولا انتي ما قلت لي؟
نهى:مدري عنهم هم سكتوا وانا سكت
محمد:شلون يعني؟
نهى:مدري!!!!
محمد:شلون ما تدرين؟
نهى:كل اللي اعرفه اني انا من الحرمه الثانية وما جابت الا انا وكلهم ما يحبوني...
محمد:اهــــــا!!!!
نهى:وبس!!!
محمد:شلون وبس؟كملي..
نهى:تعبت مره واضطروا انهم ينقلوني للمستشفى...ومن مستشفى لمستشفى وبما اني اهملت روحي او بالاصح ما اداوم على المراجعات واذا تعبت رحت للمستشفى ..فازدادت المشكلة وقال ما في امل من العلاج...
محمد:شلون يعني؟
نهى وهي ترفع صوتها:يعني مريضه على طول والحبوب باستمرا آكلها والا بانهار واتعب اكثر..
محمد:طيب ما صار شئ...اللحين اول شئ وعرفت قصة تعبك الله ياخذ اللي كان السبب
نهى:لا تدعي عليهم حرام..
محمد:حرام..حرام ندعي عليهم وهم سببوا لك كل هالألم وما تبين ادعي عليهم..الله لا يوفقهم ولا يسامحهم هذي حياة انسان..بس عشان منتي اختهم من امهم سوو لك كذا..حسبي الله على الظالم..
نهى:حرام عليك لا تدعي اخاف انا..
محمد:قلعه تقلعهم خليني ادعي عليهم عشان يعرفون الظلم وش عقابه.
نهى:اخاف يا محمد والله اخاف....
محمد:اقـــــول... وانتبه لنهى... عيون حمره مرة ووجها بعد صار احمر وصارت ايدينها تتنافض...وبدت دموعها تنزل باستمرار؟وتناظر بمحمد وساكته ما تتكلم ولا كلمه...مسكها محمد من ايدها واول ما مسكها صرخت صرخة قوية..وعلى طول تركها محمد وخاف لا تجمع الجيران مثل المرة الماضية..
تركها ومحمد وصار منزل راسه لين هدت وسكتت من حالها وحمد ربه انها اهدى من المره الماضيه ولا صارت الحاله قوية مره...
نهى:محمد والله مو بكيفي...
اشر لها محمد على فمها وقال:ماله داعي هالكلام ...
قام محمد وراح للمطبخ وجاب لها حبة وكاس ماء...
شربت نهى وهي منزله عيونها بالارض ما تبي تحط عينها بعين محمد عشان ما تتفشل..
محمد:عرفنا اول شئ عن اهلك... باقي جيرانكم اللي ما تطيقونهم ولا تدانيين سيرتهم...
نهى ابتسمت ابتسامه صفراء خاليه من أي تعبير عن اللي بداخلها:أي جيراننا
محمد:ايه جيرانكم..
نهى:أي جيراننا
محمد سكت وناظر بنهى ولاحظ انها ترمش عينها بسرعه وسكت ولا اتكلم ينتظر تعليق من نهى..
نهى ما زالت ترمش عينها واتنفضت ايدها وطاح الكوب منها وسكتت وناظرت بمحمد وضحكت..
محمد رد لها الابتسامه ويقول بنفسه:الله يستر...
نهى:انت وش جايبك هنا؟
محمد منهبل:ابد باقعد عن نهى زوجتي..
نهى:وشو زوجتي ما زوجتي اطلع برى ولا اشوفك عجيب والله ما في احد الا انت...
محمد:أي ما في الا اناوانتي..
نهى:واذا قتلتك عادي ما تعلم عليّ...
محمد:انت وش تخربطين؟
نهى:مافي خرابيط ولا شئ انا حاده السكين من امس واليوم ناويه عليك اذبحك...
محمد:نهى انا محمد...انا زوجك احبك...
نهى:لا تقص علي بكم كلمه اعرفكم انتو يالرجال خونه..
محمد وهو صدق خايف:من اللي خانك؟
نهى:كل الرجال خانوني؟
وقفت نهى تبي تروح المطبخ بس وقفها محمد وما خلاها تمشي...
محمد:نهى !!!!
نهى:لا تناديني بنهى تراه اسم غثيث غيّر بدّل بالاسماء..
محمد:آمري تدللي وش تبين من الاسماء...
نهى:عندك مثلا ذيب او ذياب او صقر او نمر اشياء كذا متوحشه...
محمد:بس هاذي اسماء عيال؟
نهى:ومن قالك اني مني ولد.. ها(وبدت تعصب)
محمد:نهى
نهى:لا تناديني نهى لا شويتك بعد ما اقتلك...
محمد مسك نهى من ايدينها وقعدها بالصالة غصبا عنها...
نهى:والله انك اذكى مني بتقتلني قبل ما اقتلك...
محمد:وشو اقتلك ما اقتلك؟نهى اهدي يا نهى....
ومسكها من ايدينها وقاعد يقري عليها آية الكرسي والفاتحه وما خلى اية متذكرها الا وقراها....بالبداية نهى ما كانت تستجيب لمحمد بس هدت وسكتت ونامت....
انقلب محمد على الجهه الثانيه ويحاول يمحي كل المواقف اللي صارت له مع نهى وما يبي يتذكرها..بس غصبا عنه ما يقدر ينام من كثر التفكير خصوصا اليوم يوم امه لزمت عليها الا انها تعرف..قام محمد وسكر نور الغرفه وحاول يرقد...ويتقلب يمين وشمال بس مره ما جاه نوم.. يحاول يبعد عنه صورة نهى والموقف الاخير اللي صار معاه..بس ما قدر ورجع له الموقف كأنه صار له تو موب قبل ثلاث شهور...
عقب ما افاقت من النوبه العصبيه اللي صارت لها...
محمد:ها نهى ان شاء الله مرتاحه..
نهى:انا وين؟
محمد:انتي بالصالة شكلك رايحه فيها من النوم(وابتسم)
نهى:انا نمت!!
محمد:أي نهى نمتي..وشبعتي نوم..
نهى:بسم الله..(وصارت تلتفت يمين ويسار)
محمد:بس انا موجود..
نهى صارت ساكته..اما محمد اللي كان مقهور منها ومليان حقد على الشئ اللي صار منها وكان متفاجأ منها..راح كل شئ كعادتها اول ما تصحى من حالتها ينسى محمد اللي صار بينهم بس اللي صار بينهم هالمرة كان قوي مرة..
محمد:بتكملين نوم والا؟
نهى:لا ما ابي انام وكيف تخليني انام؟
محمد:اجل اذا جاك النوم اقولك اصحي لا تنامين..
نهى:لا اخاف اسويها..
محمد ابتسم وقال:وش اللي تسوينه ترى الحمّام قريب..
نهى:شلون!!!
محمد:مدري عنك قلت يمكن ضيّعت مكان الحمّام؟
نهى:الله يعزّك..
محمد تسدح عن هالكلمه يموت بالاحترام والتقدير واللي ما لقاه الا من نهى..لانها بقوه تحترمه..
محمد:ويعزّك يارب..
نهى:محمد
محمد:عيون محمد
نهى استحت وسكتت..
محمد:رجعنا للصامت تكلمي..
نهى ابتسمت ببرود:انا بس تكلمت والا جبت شئ..
محمد:اللحين ليش ترجعين للسالفة..
نهى:يا محمد ضروري تقولي...
محمد:ضروري..
نهى تتكلم بجدية:أي والله ضروري مرّه..
محمد:لا بس كان كلام ما صار ولا شئ...
نهى:طـلقـني
محمد:لا حوووول....انتي كل ساعه والثانيه تجيبين طاري الطلاق...
نهى:يا محمد باختصار انا خطر عليك...
محمد:شلون يعني؟
نهى:بما اني جبت سالفة الــــ(وسكتت عجزت تتكلم من الخوف وخايفه انها ترجع لها الحاله مرة ثانية وبنفس الوقت لازم تتكلم تخاف على محمد اكثر منها)...
محمد:ما يحتاج تكملين...
نهى:يا محمد الدكتور قالي اذا وصلتي لدرجة احب الناس لك بتقتلينه يعني وصلتي لاخطر حالاتي..
محمد:يخربط الدكتور...
نهى:لا ما يخربط ما هو على كيفك..انا صدق اتمنى لك الخير والسعاده بس والله اني ما راح اجيب لك الا الفضايح والهم والنكد...
محمد:بلا خربطه انتي بتتعالجين وانتهينا....
نهى :علاج ايش؟
محمد:من اللي فيك... تتعالجين وانتهينا...
نهى:لو اول ممكن بس اللحين من ااستحالة من الاستحاااااااااالة..انت ما تفهم...
محمد:الا افهم بس احنا ما كلمنا الدكتور وجربنا...
نهى:انا مجنونه خلاص اللحين وصلت لمرحلة تخوف وابعد عنك وعن اهلك ازين لي وازين لك...
محمد:يا نهى انا ما ابغى اتخلى عنك مثل ما اهلك تخلوا عنك..احنا عندنا املين..اول امل وهو الاول والاخير...بالله..الله كبير وعظيم وهو اللي نطلب منه كشف الضر..وثاني امل وهو الدكتور نروح له ونساله ونشوف اذا ما في أي حل ...الشئ اللي تبينه بيصير...
نهى:يعني ملزّم على الدكتور...
محمد:ملزّم وبقوه بعد...
نهى:خلاص اروح مع تاكسي...
محمد:وتروحين مع تاكسي ليش؟وانا وش وظيفتي...
نهى:انا ما ابغاك تتفشل..افرض ان احد من المراجعين والا الدكاتره يعرفك...
سكت ومحمد واقتنع بالكلام اللي قاعده تقوله نهى....
محمد:خلاص اللي تبينه بيصير...
محمد:بس انا اللي باصير تاكسي...
نهى:شلون؟؟!!!
محمد:يعني انا بامثل اني تاكسي وانتي تركبين ورى واوصلك..تعرفين اني ما احب التكاسي...
نهى قالت:اوكي..
اخذ تنهيدة محمد ووجع قلبه بقية الموقف لانه قهره وخلاه ما يقدر ينام..تقلب يمين وشمال وما جاه النوم..زهق من هالسدحه اللي لاهو نايم ولا قايم..شغل راديو الجوال وحط السماعه باذنه وحاول يتجاهل السالفة...
بالصالة..جاي سلطان ومستانس على الاخر..
سلطان:يا هوووووووووووووووووووووووووووووووو
يتبع ,,
👇
اللهم لك الحمد حتى ترضى وإذا رضيت وبعد الرضى ,,, اضف تعليقك