رواية هوى قلبي -5


رواية هوى قلبي - غرام

رواية هوى قلبي -5

بامريكا


دخل زايد وإنصدم بالشخص اللي قدامه واقف وعاقد حواجبه وصدمته الأكبرباللي وراه
زايد بصدمه:حمد
حمد:ماكان هذا العشم فيك يا زايد والله ما كان العشم فيك
زايد:وإنت إيش تسوين هنا
لوجين:حبيبي شخبارك!
زايد سحبها من شعرها وقرب من وجهها
زايد:تفووو عليك وعلى من رباك طلعي من حياتي دمرتي كل شي فيني
لوجين:اااخ شعري زايد حبيبي تعال وياي نرجع الكويت زايد والله العظيم احبك
رفع زايد يده و صفقها كف
حمد بعد زايد عن لوجين ولوجين طلعت بسرعه تركض
حمد بصراخ:كافي تمثيل يا زايد انا عرفت بكل شي إختي ماتعيش معها عشيقه وين إختي يا زايد بأي مستشفى
زايد بدت تدور الدنيا فيه اشر ل ناني الشغاله تجيب له ماي
حمد بصراخ:شجون وين يا زاااايد
زايد وهو مغمض عينه: بمستشفى ال......*بدا صوته يرتجف أكثر* حمد إيش ناوي عليه
حمد بستهزاء:ولاشي بخليها لك وبمشي
حمد بصراخ وهو حاط يده على كتف زايد ورص عليه
حمد:خل بناتك عندك وخلي عشقيتك تنفعك و إختي بتروح معاي و ورقتها بتلحقها (بصراخ) فااااهم
زايد:لاااااا لو افارق شجون اموت والله أموت

حمد طلع وهو مقهور على حال إخته هو جاي يزورهم و إستغرب وجود لوجين و ناني قالتله السالفه


نرجع للبنوتات


البندري تناظر العنود: شرايـــــــك فيني
العنود تضحك وتبكي وتبوس بالبنات والبنات مستانسين لها
الجوري: ريان دورك يالله
ريان : انا امممممممم انا احب شخصين بس مو متاكده من مشاعري لمين فيهم واحد منهم ماضي و واحد منهم أحسه يتقرب مني (انا أحب تركي لكن هو جرحني وخان حبي له بس الإحساس يتجدد فيني كل ما شفت عبدالله والله ما ادري إيش يجيني تهقووووووون أحبه؟)
الجوري: والله انا مادري بس من أمس وهو نضراته غريبه
ريان : تدرون بنات أنا إذا حبيت ما يكمل معاي الحب مع إني احس إن الطرف الثاني يتقبل الفكره بس دايم انصدم و في كثار حبوني بس كل ما ابي ابدا وأقول أكيد برتاح بس القى العذاب أكثر بالمختصر **أبحث عن الحب الضائع**
الجوري:مسلسل ههههههههه
البنات:هههههههههه

الجوري: يالله يالجود دورك
الجود: انا ((حب من طرف واحد مايحس فيني ابدا هو ولد عمكم أخوك يالعنود محمد أحبه بجنون وأموت مليون مره يوم اسمع كلام مشعل عنه طبعاً ما أقدر المح له بحبي أخاف أخسر إحترامه))
العنود:ماطلبتي غالي انا وركان نضبطلك الوضع
الجود: يوووو شدخل ركان لاتكونين بتقولين له
العنود : إي والله اخوي فاهم الحياه
المزون+البندري+ريان: إي والله راكان راعي فزعات يجنن يا حياتي عليه
الجود: خايفه
الجوري:إسكتي مالك دخل خليها على العنود وركان الحين دوري انا


_____عبدالله_____

عبدالله:مشعل روح أي مكان نرتاح فيه إنفر راسي من سواقتك ياخي إنت ثور سواقه
مشعل:هههههههههههههههههه حلفت عليك تجي تسوق
عبدالله:طيب إصفط
مشعل:طس والله ما أخليك تسوق فيني
عبدالله:إنجلع والله انا الغلطان اللي راكب معك
مشعل:هههههههههههه ولا تزعل يا بو يوسف تعال سوق
عبدالله:هههههههههه مسوي فيها ذوق يعني أصلاً إنــ..ت
*وبدا جوال عبدالله يرن وكانت البنت اللي مأذيته من رقم جديد بس هو مايبي مشعل يعرف ف قرر يقول إنها البندري*
عبدالله:ألو
البنت:صباح الزفت أبشر بموت البندري قريب
عبدالله:إنت ماتستحين إبعدي عن البندري ترى والله ثم والله إنــ
*صكت بوجهه*
مشعل بدا قلبه يدق بأسرع قوه وهو وده يبوس يد عبدالله عشان يقول له
مشعل وهو متلهف:خير إيش فيها البندري
عبدالله:روح أقرب مركز شرطه أبي ابلغ عن إزعاج وتهديد يوصلني على التلفون عشان الإتصالات تراقب الخط
مشعل:مين اللي مزعجك
عبدالله بعصبيه: مشعل واللي يرحم والديك يعني لو أعرفها بقولك روح خلني أبلغ


____عند البنوتات___

الجوري:انا اعشق واحد ماكان يطالعني لزقت بولد خالتي لانه صديقه لزقه مو صاحيه لين ما قدرت أجيب رقمه و إيميله سويت نفسي غلطانه وبدينا السالفه عادي ..تطورت صداقتنا بس انا كنت أحبه وهو كان معتبرني صديقه حليت له مشاكله أنصحه وأساعده بحبه إلى فتره قالي فيها إنه نساها وتعلق فيني ويحبني بعدها قطعت كل شي وكنت أجرحه لانه يقربني وانا بديت معاه والغلط مني و جواد طبعه كذا لو يدري إني اقربه بطيح من عينه كثر ما تهربت منه غير رقمه وإيميله ولاعاد له لا حس ولا خبر بس انا لهذا اليوم أعشق ثرى أقدامه
البندري: يا حياتي يا جوجو

الجوري:اوكي دورك يا بنو

البندري : انا كلكم تعرفون حبيبي
الجوري: نبي نسمع مره ثانيه
البندري شدت على يد ريان لانها رح تقول شي تعتبره موتها تحب تقول بداية قصتها بس تكره النهايه
ريان عينها على صديقة عمرها: بنات مو لازم تعرفون خلاص
البندري : لا بقول لكم
كنت أشوف نفسي على ناس كثار ورديت كثير حبوني . يوم بعد يوم شفت عمري أهتم بإنسان محد غيره قدر يكسر غروري أحس بالحنان معه أنسى شجاعتي وقوتي وغروري أغرق بعينه وبنظراته كنت اتجاهل حظوره بس القلب على همسه خفاق .. صرت اضعف قدام حبه و قدام كلماته كنت أموت من نظراته لي وكنت أغار وأنقهر من اشوف وحده تأشر عليه ما كان بداخلي شي غير إن قلبي يصرخ مشعل لي .. لي انا مو لحد ثاني .. كنت أشتكي لريون ليالي غرامي أخاف أقول لغيرها وأحس بضعفي إذا ردني لاني ماتعودت أني أنرد ومشعل مزيون والبنات حوله كثار ف كنت خايفه واجد إلى يوم عزمتني فيه جود ودخلت وسمعته يكلم محمد و طبعا سمعت غلط بالبدايه و سويت سالفه و بديت أبكي وحرام الجود جننتها و لين صار الليل و كنت انا لحالي و طلعت جود تجيب لنا البيبسي و البطاطس وجاني مشعل أااه يا قلبي والله موقفي كان صعب ماكنت أدري إنه وراي وكنت أغني و حسبته الجود وقلت لها أااه يالجود لا لاتقولين لي إنسيه جوود أنا أحبه وربي أعشقه إذا هو بايعني بكيفه بس انا امووت فيه جوووود وربي أعشقه والله أعشقه وطبعا سمعني مشعل وكان معصب قال لي مين حبيبك وانا كأنه يقولي أكرهك يووه وربي إحساسي كان غير وكل شي غير قلت له ماعاد لك بالقلب مكان لاني سمعتك تقول إنك تحب إختي وإني كنت أحبه و بديت أبكي قام قالي أنا اللي أعشقك وأموت فيك انا أسير حبك يالبندري أحبك والله أحبك تعبت وأنا كاتم إحساسي 4 سنين وجايه تقولين خلاص قبل ما نبتدي إنتهينا لا وماعاد لي بقلبك مكان كنت قريبه منه وعيني بعينه بس خلص كلامه لاشعورياً إرتميت بحظنه بكيت وهو يمسح على راسي كنت أحس إني ملكت كل الدنيا بيدي حسيت إني فرحانه خصوصا إني سمعت كل دقه من قلبه تتكلم عن حبي وعني و إني هوى قلبه *خنقتها عبرتها ونزلت راسها لانها مجبره تكمل و تقول كيف إفترقو*
الجوري:وناسه كملي
الجود:والله كان شكلهم روعه
مزون:كملي يالبندري
البندري وهي تكتم حرقة قلبها:أحبه وربي أحبه بس هو باعني *ونزلت دمعتها*


تحياتـــــــــــي لكم و أشكر تفاعلكـــــــــــــــــم..

أنثــــــــــــــــــــــى الخيـــــــــــــــــــــــــال


الفصل السادس


بجلسة المصارحه

البندري: كنت أموت فيه وهو يعشقني كان يكلمني بالمسنجر والجوال ويجي عند المدرسه تعرفون ايام الثانوي ههههه وكانت ريان شاهده على ليالي غرامي حلمنا بكل شي و حلفلي ما يبكيني ولاتنزل دموعي عطاني حب مابعمري حلمت فيه كان يخاف علي من الهوى الطاير
وجا يومي التعيس كنا بعزيمة ف بيت عمي عبدالعزيز وطبعا حنا كنا قاعدين بالحديقه من ورى والشباب من الجهه الثانيه صرنا نتمشى انا و ريان وشفت مشعل بسيارته ومنزل راسه مت خوف حسيت إني بموت خفت وأرسلت له حبيبي فيك شي تعبان؟
إتصل وقال
مشعل: البندري
البندري:عيون البندري وحياتها أمرني تدلل حياتي
مشعل وكان صوته مخنوق: تأكدي إني ما كنت ألعب معك وما كذبت بإحساسي معك حبيتك بجنون وانا عاشقك للموت
قاطعته البندري: إيش لزوم هالكلام أدري بحبك لي وانا اعشقك تدري مو إنت قلتلي بتطلع بتكمل دراستك بكندا وماتبي تطلع عشان ما تبعدني عن أهلي .. بقولك يامشعل جمله إفهمها حبيبي أنت كل الناس بعيني إنت أهلي وربعي وكل خلاني إنت
قاطعها مشعل: إنسي نكون لبعض
البندري بصدمه: إيش؟
مشعل مغمض عينه ويسحب الكلام سحب:لاني أحبك بطلب فرقاك وانا اقدر أعيش بدونك وإنت أتمنى لك الخير والله يسهل دربك وحياتك بس خلاص اللي بينا إنتهى
البندري تبكي: شصار ليه ؟ انا إيش سويت؟
مشعل: ماسويتي شي وإمسحي دموعك مو انت ما يهزك رجال ولا يهزك أحد أوقفي على رجلينك و ربي يرزقك باللي أحسن مني
البندري تبكي: لا يامشعل لااااا تقولها البارح كنا أجمل إثنين أمس كنت انا هوى قلبك واليوم تطلب النسيان حرام عليك يامشعل والله حرام
مشعل بقسى مصطنع: قلت الله يسهل دربك مع السلامه إنتبهي لنفسك

((سكتت البندري والبنات إنصدمو يوم شافو البندري تبكي
ريان : بنو حياتي خلاص
البندري: اشوف بعيونه حبي ليه ينكره ليه يقسى علي ليه
الجود: لانه يحبك
البندري:لانه يحبني يقولي قدام الكل بعد ماطلب الفرقى بيومين يااا مشاعل ممكن ماي ؟ نسى إسمي ولا إيش ! يحبني ويقول قدام كل الشباب قلبي ما هزته بنت ومابعمري لقيت حب حقيقي! يحبني ومايسلم علي ..يسلم على الكل وانا لاء حتى إن تنزلت وسألته شخبارك يقول بخير مستحيل يقول وإنت شخبارك
ورجعت تبكي


____عبدالله___
طلعو عبدالله و مشعل من عند الشرطه و طبعا تم الإتفاق على مراقبة رقم عبدالله
مشعل:إرتحت ألحين
عبدالله:شوي
مشعل :والله لو سوت شي للبندري انا بقتلها
عبدالله جاته الضحكه بس كتمها مشعل يكابر وهو عاشق البندري و هي تتعذب وهو يتعذب وعبدالله مابيده شي يسويه
مشعل:إيش فيك ساكت
قرر عبدالله يفاتح مشعل ويسأله إيش صاير بينهم بس كان شوي متردد
عبدالله:مشعل بغيت..انا ..كنت ..
مشعل:إيش فيك عبوددد
عبدالله ماقدر غير يقول:مرتاح بحياتك؟
مشعل:مافهمت
عبدالله:يعني إنــ .
*بدا يدق جوال عبدالله *
مشعل:هي ؟
عبدالله:لا هذا احمد
مشعل:إذا قالك مروني قوله مو فاضيين ههههههه
عبدالله:ههههههههههه الله يقطع شرك إسكت



____نعود للغرفه____

البندري: تدرون بعد ما إنتهينا بإسبوع إشتقت له وأرسلت له

**من يوم بعدك وأنا قلبي مكسور وحزين محتاره مو عارفه الدنيا ماخذتني لوين صعب على قلبي فراقك طيب إيش اسوي بداخلي حنين قولي حبك كيف أداريه... طمني عليك**

تخيلو إيش كان الرد....

أرسل لي
((اصدق دموع اشوفها دمعة فراق
من الهدب للأ رض طاحت حزينه
قبل يتفارق بالهوى اثنين عشاق
في ساحة التوديع قبل السفينه
معاد تجمعهم مراسيل واوراق
وكلن بلا خله يكمل سنينه ))

أرسلتله وأنا أبكي مسج صوتي وقلت

((دخيلك جامل الدمعه !! ترا مهما أكون أنسـان
مشاعر قلـب تحكينـي وأزود حبرهـا دمـي

تصور لو نساني الكون وصرت بعالم الحرمان
أناديلك .. واصوّت لك .. ولاحتى تلـدْ يمـي

أمانه لو جعلتني مسافر في سمـا النسيـان
أمانه جاوب صوتي لجـل مايحتـرق دمـي

ابي لو ساعه من وقتك . أنا ماقلت أبيك ازمان
أبيك العاشق المغـرم علـى قلبـي ومهتمـي

حرام تشوف دمعاتي وتنسى أني بقايا أنسـان
أحاول اجمع شتاتي وعجزت اليوم فـي لمـي

حبيبي لو تبيني ابعد واعانق دفتـر الكتمـان
تعال احضر عزا قلبي مادام الشـوف منعمـي

تصور مابقا فيني سوى باقـي رمـد بركـان
ودفتر من قصيد الأمس على جال البحر مرمي)))

ورجعت تبكي

الجوري:خلاص يا بنو لاتكملين عشان ما تبكين
البندري:هههههه خلصت السالفه *ريان تمسح دموع البنووو قالتلها بإذنها دموعك غاليه يالغاليه*
ضمتها البندري من قلبها وريان نفس الشي
البندري:أحبك
ريان:وانا بعد
البنات:هههههههههههههههه شذوذ
ريان: وجع هذا إسمه حب طبيعي


____أمريكــــــــــــا______

كانت حالته صعبه مخنوق ويحس بكتمه و تعب شجون مو بس زوجته ..شجون عشقه وحبه و جنونه يمووت فيها و يعشقها عشق هلااااك لحد الموت خايف من موقفها و خايف تتركه وهو ماله ذنب و خايف تبعد عنه
لو راحت بيموووت هو ما يعيش بدونها و هي بعد تعشقه و تموت فيه بس الوضع الأن مختلف هي مو فاهمه السالفه وهو مو قادر يثبت لها صدقه وإنه مو كذاب واللي زايد همه أكثر أخوهاا مدام أخوها جا معناتها السالفه بتنتهي نزلت من عينه دمعة فراق حس إنه مظلوم و ماردد غير جمله وحده وهي

زايد بقهر:حسبي الله عليك يالوجين الله ينتقم منك

*سمع صوت بنتينه التوأم وحده تبكي والثانيه تطق بالأشياء*

راح لغرفة البنات و شاف أشباه شجون أغلى ماعنده ناظرهم و نظرته تحكي ألف معنى راح قعد بينهم يبي يلعبهم
وهو يلعبهم صارت شهد تنادي بشي عذبه
شهد:ماما..ماما
ورغد تضحك ببرائة أطفال وتطق بالألعاب
حس بغصته ما قدر يكتم دموعه موقفه كان صعب <<وربي مو قادره أوصف الموقف>>
حمل البنتين و ضمهم لصدره و هو يحس إنهم هم الثنتين لهم إسم واحد وهو شجون


____نرجع للبنات____

الجوري:مزووون ترى ما نسيناك دورك ياحلوه
مزوون:هههه أوكي
مزون تبلع ريقها: أنا حبيت 2
الجوري: عاشووو
مزون بخوف: إوعديني يا ريان ما تكرهيني
ريان مستغربه:أوعدك
مزون:انا كنت أحس بمشاعر بسيطه لنواف اخوك يا ريان
ريان:نواااااااااااااااااف
البنوو:والله وطلعله معجبين المزيون هههههه مالت عليه
مزون:مالت عليك إنت
البنات:ههههههههههههههههههههههه
العنود:أحلى يا غيوووور
الجوري : مقدر خلاص طاح كرتي
الجود:وجع كلكم حبيتو وقفت على مزون تكلمي يالغاليه
مزون: الجود والله إنك أحسن وحده مو هذولا الغبيات,المهم انا أحب نواف وهو (بغصه) كان يحبني ويعشقني للموت
ريان: نواافووو يحب هههههه
البنو:هههههههه والله طلعله مشاعر هالمغرور
المزون: وجع ليش ما يحب ماعنده قلب بعدين لاتتكلمون عليه
البنات:هههههههههههههههه
الجود:هههههه شكلك تحفه والله
البنو:طيب هو قبل مايسافر إيش قالك ؟ لانه طول عندك وإنت نزلتي راسك
المزون : إسكتت
البنات:هههههههههههههههههههه
الجوري وقفت تمثل:مع إني ما شفت الموقف بس بقولكم (تغمض عينها وتحط يدها على قلبها) بفقدك يالمزون يا حياتي لاتبكين بكلمك كل يوم ومافي ولا بنت تنسيني أحلى وجه شفته أحبك ياأحلى بنت اموت فيك
البنات:ههههههههههههههههه
المزون:ياليت قال هالكلام
البنات سكتووو


____بسيارة مشعل____
عبدالل:هلا أحمد
أحمد:هلا عبوود وينك؟
عبدالله يناظر بمشعل و يأشره -يعني أقوله- ومشعل شوي و بيطيح أصبعه و هو يأشرله يعني لا
عبدالله:مدري
أحمد:إيش
مشعل ما قدر يمسك نفسه
مشعل:ههههههههههههههه الله يقطع بليسك ماتعرف تصرفها
عبدالله:هههههههههههههههههه ياحمار إسكت
أحمد:إنتو وين
عبدالله:طال عمرك كناا بالشرطه عشان يسمحون للإتصالات بمراقبة جوالي لان في بنت تهدد
أحمد لمعة بعينه لمعة خبث
أحمد:اها بس إذا أرسلت مسجات
عبدالله:ماعليك ربك يحلها
أحمد:يالله بااي
عبدالله:بااي

أحمد حس بقهر كبييييييييييير بس ما فقد الأمل


___نرجع للبنات___

المزون : ياليت قال هالكلام
البنات سكتووووووو
المزون:البلا مني انا انا ماعرفت كيف احبه ما أنكر إحساسي له إعترف لي بحبه وانا قلت إني بفكر بعدها بيومين حسيت إني ابيه واحبه قلتله وهوو طار من الفرح قضيت معه أحلى شهرين بس (بدت تتوتر) بعدها كنت واجد أختلط مع بيت خالتي وحسيت إن قلبي يميل ل بدر ولد خالتي اكثر من نواف ..كان نواف يدخل يبي يكلمني بالمسنجر أقوله مشغوله أو انا مش المزون انا صديقتها وداخله على إيميلها ... إلى يوم كنت ف بيت خالتي وقالي بدر إنه معجب فيني بس انا خذيت الإعجاب حب وقلتله أنا احبك بعد وإستمرينا انا وبدر سنه وبعدها قالي إنه كان معجب بس وهو الأن يدور بنت الحلال ولقاها وملكته بعد شهرين..والمشكله إن كان قلبي قاسي قلت لنواف إني ماأحبه واحب ولد خالتي بدر وإني أرتاح معه اكثر وإن نواف مجرد أخ ومشاعري لبدر ..ريان والله انا ماكان قصدي اللي قلته انا ماكنت أعرف مشاعري لمين حتى وانا مع بدر كنت أتذكر نواف وكلماته كنت أطابق بالأوصاف والكلام ودايم يفوز بقلبي نواف .. وقالي نواف قبل ما يسافر (بلعت ريقها...و رغرغت عينها بالدموع) مكتفي بمر الحقيقه بعد مايفوت الأوان قلتلك لاتندفع له قلت حبي صاينه وينه اللي صان حبك ماأشوفه يوم بان قلبك اللي هو قلبك لاتحسب إنك ظامنه
لاتعذر بحتياجك كلنا ناقص حنان كلنا طفل يتمنى أي شخص يحضنه نبني الدنيا وحنا نوقف بنفس المكان للأسف ينقص وفانا مع مرور الأزمنه
البنات:سكتوووووو
ريان وهي بداخلها متضايقه عشان أخوها: معليه يالمزون خلاص ايام وبتنسين
المزون تبكي:لالالالالالااااااااااااااااااا والله ماأنساه أحبه أعشقه ماأبي غيري يكون بقلبه تكفووون إفهموني أحبه ندمااانه والله ندماااااااااااانه
الجوري:كسرتي قلبي حبيبتي خلاص
المزون:ريان الله يخليك قوليلي هو إيش أخباره؟
ريان:بخير
المزون تبكي :والله احبه
ريان كسرت خاطرها المزون القويه تكون كذا وحالتها مبين عليها تحبه
ريان:خلاص إمسحي دموعك إنشاالله تكونون لبعض
الجود :ياحياتي يالمزون
البنو:يالجوووور فكري معي بخطه نرجعهم
العنود:فكري لعمرك إنت بعد
البنو تضايقت:لا خلاص عافه الخاطر
العنود:سوري بنوووو
الجور:لقيتهــــــــــا
التفتو البنات يبون يسمعون إيش بتقول


______ببريطانيا________

اااااااااااه يالنذل يا متعب كل هذا يطلع منك
جولينا:هاي
نواف بخاطره *أففففف إيش تبي هالزقه*
-جولينا تحب نواف حب مو طبيعي هي سوريه الاصل ومتربيه هناك بس مسويه فيها كشخه-
نواف:نعم
جولينا:ممكن تغديني ونتمشى مع بعض
نواف:لا

يتبع ,,,,
👇👇👇
أحدث أقدم