رواية برد وجفا ونسمة هوى -89

رواية برد وجفا ونسمة هوى -89

يحسد نفسه لأنه عنده صديق مثل ثامر.. يهتم فيه بشكل كبيير ومفرط..ومايحس انه في فرق بينه وبين ابتسام كلهم يهتمون فيه وخايفين عليه..لكن عيبهم شي واحد..حنـــّه
يموتون اذا ماحنوا وصدعوا الراس..
وصدق المثلّ اللي يقول"الزين مايكملّ"
الوليد خلاص ياثامر..والله عرفت..ماارح اسوي مثل ذيك المره بدق عليك..والله بدق عليكّّ
ثامر اقول اوووش..شايفيني مقصه عندك..وللمليون مره اقولها لك اذا وصلت طمنيّ
الوليد قرب السماعه من فمه وقال بصوت عالي من عيوووني..بس ارحمني بتطير الطياره وانت مو مصدقني.ّ
ثامر لا مصدقـك..خلاص..

الوليد افرااج..

ثامر ابتسم افراج,.. وبعصبيه قال..انقلع.

الوليد ظحك من قلبه هههه اهون عليك..ّ

ثامر لاماتهون ياكابتن الوليد..

الوليد ان شاء الله كابتن ثامر..يالله بقفل تلفوني اللحين..!

ثامر اقولك مو يحلى لك الجلسه بالسعوديه وتنسى دراستك..

الوليد والله يمكن..توقع أي شي منــي..

ثامر انقهر اعرفك..متهوورّ..

الوليد الله يثبتني بس ويرجعنـي..ياخوفي اتعود على هالسفرات الزايده..

ثامر لاتخاف بسحبك من ايدك الطويله..

الوليد خلااااص بسكــر ..وصبح ألاثنين بتشوفني عندك..

ثامر اوكي حبيبي.. سلم على الأهل..مع السلامة..

الوليد يبلغ ..الله يسلمك..

سكر الوليد من ثامر وظل يمشي بخطوات سريعه وقلبه طاير ليوسف..

اسبوع مااشافه وهألأسبوع يحسه سنه..فرح كثير لمن سمع صوته بتلفونه الجديد..وصاروا يكلمون بعض يوميا ..وكل اخبارهم ترتكز على شي معين..يوم الخميس واللقاء اللي بيتجددّ.. ^_^وصل المدرج..وركب الطياره وكل بافكاره تنحصر على اخوه..وتذكر ثامر يوم قاله بتحلى له الجلسه بالسعوديه..!

تنهد بصوت مسموع ..

"وشلون ماتحلى لي الجلسة وإنا أشوف يوسف رجع يلم شملنا..!يارب عونـك وصبـرك

كان ينـاظر فيه نظره طويله وهو يحضر الفطور معه ومو متخيل انه الودااع قـرب وهذه عقارب الساعه بدت عدها التنازلي..!

وش هالدنيا بدون لؤي!

وكيف اصلا هي الدنيا..!

واذا كان لؤي يفكر كيف بتكون حياته بكره..فيوسف مو متخيل حياته كلها بدون صديق عمره..

صديق عمره اللي صادقه على الحلوه والمره..صديق عمره اللي انقذه من برد باريس وجفاها..صديق عمره اللي فتح له قلبه قبل مايفتح له باب بيته وهو مرمي بوسط المطر ويشكي مواجعه ومرضه..

صديق عمره اللي صدق حكايته وبكى لحاله.

صديق عمره اللي مد ايده واطعمه بعد ماشافه ميت بين ايدينه...صديق عمره اللي كان السبب في نجاته وعيشته بعد الله سبحانه..

كيف بيجازيه..كيف بيجازي لؤي اللي كان الصاحب وألأخو وألأم والأبو بغربتـه الصعيبه..

كيف بيجازي اللي انقذ حياته وكان السبب في رجوعه لأهله..

كيف ممكن يقابل ولاء لؤي وحب لؤي وعطاءه..

الله عليك يالؤي..والله على ولاءك

افـديك بعمـري يالـؤي..افديك بعمـري..

وهذاني اقولها لك وللمليون اقولها والله يسمعني وشاهد..مثل ماكنت سبب في رجعتي لأهلي..انا اللي برجعك بأيدي..ياعمري اللي حلا بوجودك..

لؤي وين يالحبيب حرقت التوست علينـا!

يوسف ابتسم له بحنيه حلاته وهو محروووق..

لؤي بصوت هادي على غير المعتاد قول والله..!

يوسف والله!

قرب منه لؤي وابتسم له ابتسامه حزينه تعبر عن الف معنى ومعنى..لكن محد بيحس بمعنى هألألم..ولا أحد ممكن يتأثر به الا اللي عاش مرارة الحرمان والغربه..!..هاللحظات كانت جدا قصيره..قصيره جدا.. لكنها متعبـه ثاقبه ببال الأثنين..مرّ جنبه بسرعه وهو يحاول يتناسى المه العمييق اللي يحس انه يدمـره كل مايفكر فيه.. وجلس على الكرسي الخشبي وحط العصير ..

وباسلوب مزوحي قال يالله عاد جيب اكلك يوعااان حدي..

يوسف كان حاس بلوعة لؤي لأنهم هم الأثنين طريقهم واحد وضياعهم واحد لكن صحيح اذا قالوا العيون تحكي قبل اللسان وتعبرّ ثواني بـس..

جلس يوسف قباله على الطاوله وابتسم بحــب كبييير لو توزع على هالبشر كان الدنيا كلها خيير احلى توست بالبيض لأحلى لؤي بالدنيا..

لؤي ويحاول يتحاشى عيونه أقولك مو كانك نسيت الجبنه..

يوسف اووه..قام بسرعه وخذ الجبنه الفرنسيه من الثلاجة وحطها فوق التوست..

يوسف اللحين صارت توست بالبيض بالجبنه الفرنسيه..وضحك ظحكه بارده؟؟

لؤي خذ له قطعه وهو يقوله لاتحاول..مافي مثل طبخي..!

يوسف زين اكلّ الله يخليك..اصلا انت بتشتاق لهالطبخه بالذات..!وبتقول وين ايامك يايوســ ــف!

سكت يوسف وعرف حجم الغلطه الي ارتكبها..هم متفقين انهم يحاولون ينسون الفراق بهاليوم..ويعيشون كل دقيقه وكل لحظه....لكن اللي يشوفه يوسف انه الفراق يدخل بكل مواضيعهم غصب..وحتى لو تناسوه وأبعدوه الفراق مكتـوب..

لؤي بسرعه رد وهو ياكل القطعه الثانيه..وبعكس اللي يحسه ماأظن..اكلك دوم محروق....انت اللي بتشتاق لريحة طباخي..

يوسف وبتلقائيه وصوته كل ماله ويختفي انا مو بس بشتاق لطباخك..انا..انـ ـا.. بشتاق للطباخ نفسـه..

بلع لؤي اللقمه اللي بحلقه بمراره..وسكت بعد هدوء يوسف..ونزل عيونه بالأرض بااستسلام..

ليش كل واحد يكذب على الثاني ويتظاهر بالفرح..

ليش هالمسرحيه اللي بدون جمهور..!

اتضح لي اني انا ويوسف فاشلين بالتمثيل..لأنه احنا مانمثل لأحد..إحنا نمثل لأنفسنــا...

احنا نكذب ونحاول نوقف هالزمن اللي عيا يوقف في يوم لصالحنـا..!

واليوم وقف هالزمن وبدت هاللحظه..

بس انا ماابيهـا..خذيهــا يادنيــا وابعديهــا..ماأبي شي عقب يوسف..لأنها ماتسوى شي بعيوني.

لؤي جهزت اغراضك..وبمراره كمل..مانسيت شي..

يوسف بهدوء وهو ماوده ينفتح هالموضوع ايه

قام يوسف من كرسيه بسرعه

لؤي رفع عينه وين..!

يوسف بروح للدكتور سمير..نص ساعه وجاي..وابعد وجهه عن لؤي ومشى بخطوات سريعه للغرفه وكانه يبي يهرب من عيون لؤي المجروحه..

لؤي كان يتبع يوسف بكل حركه تصدر منه..لمن جاء بيطلع واستوقفه

لؤي يوســف..

يوسف نعم

لؤي لاتتأخر علـي..

اشر على عيونه وابتسـم له واختفى من عيونه..

تقلبت في فراشها كثيير وهي تفكـر بجـدهـا وحاله..كانت تشوف عقارب الساعه تتحرك وهي لسه ماغمضت لها عين..ومن كثر ماكنت تفكـر وتعيد المواقف اللي حصلت اليوم نـامت بتعـب..وماصحت الا وهي مفجـوعـه من الحلم اللي شافتـه..

معقولــه..مستحيييل اللي شافته..!

سنييين طووويله ماحلمت فيه ويمكن آخر حلم لها كان معاه قبل حوالي ست سنين..لكن الحلم يعيد نفسـه اليووم.

كان نفس الحلم..هي وياه جالسين بنفس حديقة بيت جدهم..

فجر جالسه على الأرجوحه وتنتظـره كعادتهـا...ويوسف واقف بعيد ينـاظرها بعيونه الحزينه.. وماعرفت تفسـر ذيك النظـره..!

كانت تبتسم له وتبيه يرد الأبتسـامه..وفجـــأه طلعت لها صورة جدهـا يوسف.وماعرفت هل اللي شافته جدها..والا يوسـف.!

لكن اللي تأكدت منه..انه نظرة العيوون نفسها,,!والحزن اللي يكسيهم نفسـه..!

قامت من السرير وهي مو عارفه هل تفرح لأنها شافت يوسف بنومها..والا تخاف من هالمنام الغريب اللي يجمع يوسف وجدها.!؟

غسلت وجهها بسرعه وقلبها يـدق ..ليش؟؟ ماكنت تدري!يمكن من الحلــم! او يمكن لأنها كانت تفكر بجدها وجاها بالنووم..بس يوسف..!يوسف ليش حلمت فيه اليوم بالذااات!

:

كان ودها لو تصحي البنات..لكن كسروا خاطرها وهي تشوف علامات التعب بملامحهم وخصوصا لأنهم ماناموا الا بعد ماصلوا الفجر..وحتى هي ماكنت احسن منهم..لكنها تعودت تصحى الصبـح حتى لو ماشبعت نوم..

نزلت تحت وهي تتمنى لو تقابل سلطان او جدتهـا عشان تروح المستشفى معهم

وكأن الله استجاب لـ دعاءها..

فجر صباح الخيير..وجلست على الكرسي

سلطان صباح النور..وش اللي مصحيك بدري.!

فجر عشان اشوفك!وافطر معك!!

سلطان ابتسم لها صدقتك.!

فجر كفيك اليوم.!

سلطان تنهد بصوت مسموع الحمدلله..

فجر سلطان..

سلطان سمي

فجر انت بتروح لجدي صح.!

سلطان انا مريته الصبح وخذت امي معي..وتوني جاي لكني برجع بعد مايمرني اخوك ..

فجر ممكن..توديني..معااك!

سلطان فجر انا عارف انك خايفه وتحاتين..لكن روحتك ماارح تفيدك لأنهم مستحيل يدخلونك..!

فجر حاولت تقنعه ادري..بس الله يخليك سلطان ابي اشوف جدي ..حتى لو من بعييد..تكفـى!

سلطان فجـر..

فجر طلبتك ياسلطان..لاتردنـي..

سلطان ابتسم لها ماعاش من يردك يافجر العالي..

فجر ظحكت بفرح يعني مواافق..

سلطان موافق..بس على شرط..!

فجر اطلب اللي تبي.!

سلطان انك ماتجرجرين البنات وياك..!

فجر ههههههه اصلا هم نايمين..ولا راح يصحون..تو الناس عندهم..

سلطان انتوا كلكم نايمين هنا..

فجر ايه ابتسام وجمانه وراوين..

سلطان سكت شوي وكان ووضخ انه سرح..وبعدها تكلم شخبار راوين.!

فجر استغربت من سؤاله الحمدلله..ليه فيها شي!

سلطان لا..ولاشي حرام اسأل عن بنت اخوي..؟؟

فجر لا..مو حرام..

سلطان وفي شرط ثاني بعد!

فجر بدون اعتراض موافقه قبل ماتقوله..

سلطان بكل جديه فجر ماأبيك تنفعلين اذا شفتي ابوي..

الخوف بدى يتسلل قلب فجر وتذكرت على طول الحلم ليش..!لهدرجه حالته خطيره!

سلطان وهدى صوته العلم عند الله..

ابتسـم تركي وهو يتذكر شكلها وهي متفاجأه من اعترافه..

ولأول مره يحس انه وده يقول اكثر من اللي قاله لها..ولو طولوا بالكوفي اكثر ومادق عليه مبارك كان اعترف لها بحبـه لها..لكن الأيـام بينهـم واكيد بينكتب يوم وبيعترف لها عن اللي بقلبه..

دخل المبنى بخطوات ثابتـه..والقى نظره على الدور التحتي وماعجبه الوضع ابدا..الزبائن قلوا بشكل ملحوظ ..وهذا الأمر لاحظه من اول مارجع من اسبانيا..لكن انشغاله بوظيفته بالبنك وزواجه الغير متوقع غيرّ نظام حساباته..وحس انه صار مهملّ ومو قادر يوفق بينهم ويمكن لو ماباع محلاته اللي قبل مبنى جنا كان صارت حياته اكثر فوضى ..

طلع لمكتبه وهو ناوي اليوم انه على انظمـه جديده ممكن تعيد شوي من اللي خسره بهالمبنى ..دق على مبارك اللي ذبحه اتصالات من امس عشان يرجع الرياض..

واول مافتح باب مكتبه شاف مبارك بوجهه وهو مكشـر..

تركي صباح الخير..

مبارك اخير رجعت يالطيـب..

تخطاه تركي وحط شنطته على المكتب وجلس بهدوء ارجوك مبارك انا اليوم رااايق على الأخيــر..بلاش تعكر مزاجي..!

مبارك تضايق اكثر الله ياتركـي..انا اللحين اللي اعكـر مزاجك..!

تركي تنزفز وفعلا تعكر مزاجه اللهم طولك ياروح..اجلس وقولي وش عندك..!

مبارك سحب نفس كنت ابي اقولك انا الحال ماينسكت عليه..ولازم نحد من هالفوضى اللي صايره..في اكثر من موظف استقال بسبب الرواتب اللي مانزلت..وهذا الشيء مو من صالحنا..لأنه بقية الموظفين صاروا يملون ..والشغل ماصار يمشي مثل اولّ

تركي اعرف..ماجبت شي جديد .واللي مايبي يشتغل يكتب استقالته ويستلم بقية مستحقاته...وبدال الموظف عشرين..!

مبارك بس لين متى ياتركي!احنا كذا بنخسر كثيير..

تركي بدون اكتراث وهو يفتح الاب توب مايهمني..الخيير موجود..

مبارك انت شكلك نسيت انك مقدم على صفقه جديده..هذا غير القرض اللي لسه مادفعته للبنك..

يوم جاب مبارك طاري القرض تذكر بو نايف اللي كان مأسس شركه ضخمه ومحتاج قرض ثاني من البنك وتركي هو اللي وقع استلام القرض باسمـه..ولحد الآن مارجع ولافلس....وتركي طبعا ماكان احسن من بو نايف..لأنه كان يسحب اموال من البنك خلسه ويأجل مواعيد تسديدها ويعطي لنفسه تسهيلات ماله حق فيها!وهذا كله بحكم رئاسته ورتبته العاليه في البنك..

لكن النتايج كل مالها وتتدهور...ومرد الكل يعرفون بيعرفون النهب وألأحتيال اللي يصدر منه..واذا هو كبير فأكيد في احد اكبر منه..!

.لكن مع كل هذا..كان يستغرب منه نفسه كثيير..طول عمره كان يحقق انجازات الكل يحسده عليها..حتى مبارك صديقه.. ويمشي على خطط منتظمه وحاسب لها الف حساب..واللحين يوم كبرّت ممتلكاته بدت تضيع فلوسه بدون أسباب وأغلاط فادحه..

وفعلا اللي يقول مال الربـاّ ..مايدووم..ولا فيه بركـّه..

هذا غير الأسهم اللي يشتغل فيها..والرشاوي اللي بمبدأ خذ وهات..

كل هألأمور كانت اسباب بنجاح مستقبله..

بس اللي مايعرفه تركي..انه عمرّ مال الحرام ماكان سبب دائم في حياة أي شخص ..!

لكن اكثر شي كان مخوفه القرض اللي انكتب بأسمه ولسه مادفعه بو نايف..!

تأفف تركي وخذ زقاره وولعها غيرّهّّ!

مبارك اظن هذا كفايه..وقام..أنا تحت..

سكر تركي جهازه بملل وابعده عن وجهه ولف كرسيه على النافذه اللي تكشف الدور الأرضي ..وقام بسرعه لأنه مابقى شي على موعده

قـال الـوداع وتصافحنا وتوادعنا

وكل واحد منننا قلبه على الثانـي

سالت دموع الموادع من مدامعنا

والكون كله امتلا تعبير واشجاني

قال الوداع..قال الوداع

انا وحبيبي بكينا من مواجعنا

من يوم غادر حبيبي بقيت وحداني

دون اللقا مانع الأيام مانعنا

يانكبة جاتنا من صرف الأزماني

سالت دموع الموادع من مدامعنا

والكون كل امتلا تعبير واشجاني

ماأحس بالوقت وألأيام تخدعنا

ولنا تبيت شقا وهموم واحزاني

الله قادر بعد الفراق يجمعنا

ونذوق طعم اللقا من بعد حرماني

قال الوداااع قااااال الوداااااع

مررّ عيونه على الدكتور سمير والوليد وآخرهـم عذابـه.. "لـؤي"..

كان ينـاظره ويبي يشبـع من شوفته اللي بينحرم منها.. كان وده يتكلم ويعبرّ عن الألم المرير اللي بصدره..لكن وش يقول.!ماعندي يحكي يقوله..ماعنده غير ذكرى حلوه بتهون عليه فراقه..ودعوه صادقه بترتفع لأخر سماء عشان تحفظه وتخليه له..

مايدري يفرح عشان اللحظات قربت وبيحين اللقاء مع اهله..والا يحزن ويبكي عشانه مفارق اغلى احبابه!

اغلى احبابه لؤي..واسمى صداقه لؤي

اخو دنيا لؤي..القلب الكبير لؤي

حبيب عمـري لؤي..انا بدونك ولاشـي.

قرب منه لؤي ومسك كتفه يعني شلون.. لازم ننهيها بجي.!انساني شوي وفكرّ بأهلك اللي بتجابلهم.!

تنهد يوسف من قلبه وهو متحسر على لؤي آآآآآه يالؤي شكلك ماتدري بغلاك عندي..!

لؤي كان يناظر عيون يوسف اللي تلمع لا أدري..بس الله يخليك ابيك تقوى عشان انا اقوى..والا نسيت اني انا وانت وااحد..

يوسف كان يتكلم وهو خايف ان الوقت يمضي ومايقول اللي بخاطره اوعدني انك راجع..اوعدني اني اشوفك بالبحرين..هذا اللي ابيك منك اللحين..

لؤي مثل ماالله جمعنا بيوم وفرقنا..راح نلتقي مره ثانيه اذا الله كاتب!

يوسف كان مصرّ على كلامه ريحيني يالؤي.ارجووك..وقولها..!

لؤي قالها وهو منهـار ودموعه تسبق كلامه اووعــدك..وانا لؤي اللي صادقك على الحلوه والمره..اوعدك وانا لؤي اخوك بهالغربه..اوعدك وانا لؤي اللي بوجودك صارت الدنيا حلوه..

يوسف ضاع صوته وهو يقول هالكلمه بتتــ ـــذكرني..

لؤي ابتسم بين دموعه بذكرك وانا رايح للبحيره وامشي فيها معاك ونقط همومنا للبحر اللي ملّ منا..بذكرك وانا داخل مرسمك وانت ترسم وانا اعصب عليك واقولك كفايه يايوسف ماتعبت!..بذكرك وانا اشتري كيكة التوت اللي احبها..حتى الجبنه الفرنسيه اللي تموت عليها وخليتني احبها غصب بذكرها ..بذكرك وانت نايم معي بسرير واحد وانا ايي واقط نفسي عليك

يتبع ,,,,

👇👇👇

تعديل المقال