بداية

رواية فاطمة -10

رواية فاطمة - غرام

رواية فاطمة -10

فاطمه: خلاص خلاص اسفه بس لاتكنسل البعثه
سامي: لا ماني مكنسل البعثه بس مين بيروح معك مرافق
فاطمه: ما ادري يمكن كريم
سامي: لا
في مرافق ثاني بيروح غيره
فاطمه: ومن هو ؟
سامي: انا
فاطمه: نعم وشو انت طبعا لا
احنا ما تزوجنا شلون تبي تروح معي
عيب وش يقولون الناس عنا
سامي: انا مو قاعد اشاورك
انا قاعد ابلغك
واصلا خلاص جهزت اوراقك ووديتها من اول وخلاص
بعد اسبوعين بنسافر انا وانتي عشان ما بقى شي وتبدا الدراسه
والناس ما لهم شغل فينا
انا بروح معاك واحنا مو متزوجين عادي
واذا رجعنا في الصيف ان شاء الله نتزوج
فاطمه: بس انا ما ابيك معي
سامي: اقول انزلي تحت واتعشي
واكلي لك شي واشربي حرام اللي تسوينه بنفسك
فاطمه: ان شاء الله عمي تامر شي ثاني
سامي: هههه والا اقول انزلي تحت بطلع انا وياك
فاطمه: نعم الحين انت صاحي؟!
لو احد يشوفني وش يقولون عني طالعه نص الليل
سامي: ايه صاحي
بس يلا انزلي اصلا انا من اول عند باب بيتكم
فاطمه : بس ما ابي اطلع
سامي: اقول يلا انزلي انا اما اشاورك
فاطمه: طيب
ولبست ونزلت له تحت وركبت جنبه وهي مو متغطيه
فاطمه: السلام عليكم
سامي: وعليكم السلام
فاطمه: والله اخاف اهلي يصحون وما يلقوني بالبيت
سامي: لا عادي وحتى لو صحوا يدقون عليك ويلقونك معي
فاطمه: طيب
سامي: طيب تغطي
فاطمه :عارفه بس احنا عند باب بيتنا يعني محد يشوفني امش اول
سامي: طيب من عيوني
وتغطت على طول ومشوا
فاطمه بعد شوي: وين رايحين ؟
سامي: الحين تشوفين
فاطمه: طيب لا تروح مكان بعيد
الحين ابوي يقوم للصلاة وما يلقاني لمن يجي يصحيني عشان اصلي
سامي:: ههههههه اخيرا قلتي ابوي
فاطمه: وش اسوي كلهم يقولون كذا وما ادري سقطت سهوا
سامي: طيب طيب دايما الله يعافيك خليها تسقط سهوا
فاطمه: لا ان شاء الله
ومشوا وراحوا حديقه قريبه
ونزلوا فيها وقعدوا يمشون
سامي قطف ورده حمراء حق فاطمه
سامي: تفضلي هذه الورده تعبير عن حبي لك
فاطمه: مشكور واخذت الورده
سامي: بس مشكور ما في يا حبيبي
فاطمه :لا
سامي: افا طيب ما ابي اقول ك شي عشان ما خرب الجو الرومانسي هذا
وجلسوا بالحديقه يتمشون ويضحكون
واذن الفجر وصلوا وشوي الا دق جوال فاطمه كانت المتصله امها
فاطمه : اهلي يدقون الحين وش اقول لهم
سامي: عادي قولي لهم انك طلعتي معي
فاطمه: الو هلا ماما
فاطمه: طي .... طيب اسمعي
فاطمه: انا مع سعود برا
فاطمه: طيب كلميه عشان تصدقين
سامي: هلا خالتي
سامي: والله اعذريني كلمتها واخذتها حتى هي رفضت
وانا قلت على مسؤليتي
سامي: ان شاء الله شوي واحنا جايين ان شاء الله مع السلامه
سامي: ههههههههه
فاطمه: لا والله تضحك وانا اللي اتهزاء
سامي: ليش وش قالت لك
فاطمه: مو شغلك اسرار عائليه
سامي مسكها من كتفها وقربها منه مره: وليش انا مو من العيله
فاطمه نزلت راسها استحت منه
رفع راسها له: ها ردي


فاطمه: الا ولد خالتي بس مو كل شي لازم تعرفه وفكني
فكها سامي: وزوجك بعد
فاطمه: ايه طيب
سامي: يالله امشي نرجع عشان امك قالت لا تطولون ارجعوا الحين
فاطمه جلست على العشب اللي بالارض
فاطمه: لا ماني راجعه انا انبسطت هنا وابي اشوف النور وهو يطلع روعه
سامي: انتي اللي روعه وانبسطتي اكيد عشانك معي
بعد ساعه رجعوا للبيت
نزلت فاطمه من السياره بدون ما تقول له شي
مشت خطوه ووقفت بمكانها حست نفسها غلطانه مفروض تشكره
وسامي كا ن واقف يتظرها ترجع للبيت بس استغرب وقفتها
فاطمه دقت عليه نافذة السياره وفتحها
سامي: ها وش بغيتي حبيبتي ؟
فاطمه ابتسمت له: مشكور سامي تعبتك
فرح سامي من فاطمه : لا شكر على واجب وتعبك راحه
فاطمه: طيب سلام
سامي: مع السلامه
مشت فاطمه قربت من باب البيت وبتدخل الا ناداها سامي
سامي: فاطمه
فاطمه التفتت له وراحت عنده: هلا بغيت شي
سامي: ايه خذي ذي اوراق البعثه عندك
لاتنسين بعد اسبوعين بنسافر باي
فاطمه: ان شاء الله ما تبي تنزل معي عشان نتهاوش مع بعض
سامي: ههههههه لا مشكور راسي مو رايق للمهاوشات
فاطمه: طيب يعني انا عادي اتهاوش وانت لا
سامي: طيب عشان خاطر عيونك بنزل واقول لهم ما يهاوشونك
فاطمه: لا امزح اجلس
سامي: من جد
فاطمه: ايه من جد
باي
ودخلت البيت ولقت امها بالصاله جالسه هي وابوها
فاطمه: السلام عليكم
الجميع: وعليكم السلام
أم فاطمه/ ماشاء الله عليك
طلعتي بدون ما تقولين لي خوفتيني عليك
فاطمه ارتاحت عشان ما هاوشوها
فاطمه: عاد وش اسوي سامي قال على ضمانتي
ام فاطمه: ما شاء الله اشوف القلوب صافيه
فاطمه ما ودها ترد وتبي تضيع السالفه: بابا خلاص سامي سوا اوراق البعثه
ابو فاطمه: ما شاء الله طيب من بيسافر معك
فاطمه وهي مكشره : يقول انه هو بيجي
ابو فاطمه: ايه اشوا
يعني بتتزوجون خلال هالأسبوعين قبل لا تسافرون
فاطمه : لا يبه
هو يقول بنروح على اساس احنا مخطوبين
وفي الصيف اذا رجعنا السعوديه نتزوج ونرجع هناك
ابو فاطمه : براحتكم
بس اهم شي انتبهي لحالك فاهمتني
فاطمه " ان شاء الله يبه لا توصيني


وطلعت غرفتها وشالت العبايه
شوي الا يدق الجوال لقته سامي قامت تضحك عليه
فاطمه: هلا
سامي: ها بشري
فاطمه: هههههههه لا لا تخاف ما قالو لي شي بالعكس
بس قالوا خوفتينا
سامي: ايه اشوا اجل طمنتيني عليك
تصبحين على خير يا حبي
فاطمه: وانت من اهله يا بعلي ههههه
سامي :ههههههههههه
وسكرت السماعه وقعدت تضحك
لانها تحب سامي بس كانت تكابر
بس تذكرت كلمته وهو يقول بتندمين
من جد كان يتكلم والا بس يمزح
وسكتت نفسها ونامت لان اليوم هذا كان مجهد من كثر الصياح
وطول هذي الاسبوعين وهي تتجهز للسفر
وشرت لبس واغراض هي وامل يروحون مع بعض وسامي
احيانا يوديهم واحيانا كريم
عاد بهذي الاسبوعين صارت فاطمه تتهاوش كثير مع سامي
على اسباب تافهه
المهم دخلوا محل ملابس الرجال وقال سامي لها
تشتري له لبس حلو له ونقت له بلوزه سوده


وبنطلون اسود مع حلو
سامي: يا ساتر اسود باسود
فاطمه: مو عاجبك لاتشتريه
سامي: لا عاجبني بس ليش التشائم هذا كله
فاطمه: مو تشائم بس انا يعجبني الولد اللي يلبس اسود باسود يطلع شكله جنان
سامي: حتى انا
فاطمه: قلت الاولاد كلهم ههههه
عاد راعي المحل طول هذا الحوار كان يضحك
سامي: انت ليش تضحك ؟
راعي المحل: ها لا ولا شي خذ اللبس اللي طلبته والمقاس
سامي: ايه شكرا
ودفع الفلوس وطلعوا من المحل
سامي: عاد الحين دوري انا بنقي لك لبس
فاطمه: لا ما طلبت منك
سامي: وانتي ليش تنقين لي اجل
فاطمه: انت طلبت وطفشتني لين وافقت ونقيت لك
سامي: اجل حتى الحين بغصبك وبشتري لك لبس وبعد على حسابي
فاطمه :لا مشكور عندي فلوس تكفيني وزياده
سامي: معليش انا زوجك
يعني مفروض ماتاخذين من ابوك
شي أي شي تبينه تقولين لي انا
فاطمه: ان شاء الله
ومشت ودخلوا محل ملابس واختار سامي ملابس
سامي: وش رايك باللبس هذا؟
التفتت فاطمه بس عيونها طارت يعني من جد ذووووووووق روعه
فاطمه: ايه حلو بس ما ابيه
سامي: مو كيفك كم مقاسك
فاطمه: ما ادري
سامي: خلاص انا اعرف مقاسك وباخذه لك
فاطمه كانت تتمنى ان سامي ياخذه لانه حلو
واخذه سامي وحاسب
بعد ما خلصوا من السوق
راحوا مطعم بيتعشون
سامي: ها وش تبون ؟
امل: انا ابي صحن مشويات مع بيبسي
سامي: وانتي يا فاطمه
فاطمه: امممممممم ما ادري
سامي: وشو ما تدرين يالله قولي
فاطمه: طيب جيب لي سندويتش سناك
واثنين سندويتش كباب وصحن تبوله وصحن ستيك
وزياده صحن حمص
سامي: اووووف كل هذا بتاكلينه
فاطمه: الله اكبر عليك ترا شوي هذا
ايه نسيت اطلب لي السندويتش بدون مخلل
سامي: من عيوني اوامر عمتي
فاطمه :سلامتك بس بسرعه
وراح سامي واشترى لهم وركبوا السياره
وبعدها حنان نزلت في بيتهم
وامل وسامي رجعوا بيتهم
في اليوم الثاني
فاطمه بدأت تجهز اغراضها لأنها بعد يومين بتسافر
وفي يوم السفر
الكل حزين و يصيح
حتى ام سامي وابو سامي
طبعا كل العيله موجوده وصاحبات فاطمه وامل موجودات بعد
ام فاطمه: خلاص يا بنتي بتروحين
والله ما اصبر على فراقك
فاطمه ان شاء الله يمه برجع لك
بس ما برجع الا وانا رافعه راسكم ان شاء الله بشهادتي
ام فاطمه: والله بتوحشيني
فاطمه: وانتي اكثر
وحضنوا بعضهم وظلوا يصيحون
ابو فاطمه : خلاص استهدي بالله يا ام فاطمه
وخليهم يروحون
سامي: يلا فطوم بنروح تأخرنا
سلموا عليهم كلهم وركبوا السياره ووصلهم كريم
********************
في المطار
فاطمه حضنت كريم وهي تصيح
كريم: اقول فشلتينا عيب مو قدام الناس
فاطمه وهي تصيح: ماخوي وبتوحشني
كريم : وانتي بعد بتوحشيني بس عيب مو قدام الناس
فاطمه : طيب
سامي : يلا كريم مع السلامه
كريم: الله يسلمك
عاد ما اوصيك انتبه لاختي وحطها بعيونك
سامي: لاتوصي حريص
وبعدها سلموا عليه وراحوا

شنووو راح يصير بأوضاع فاطمه وسامي؟!!
حنان هل بتتغير معاملتها مع سامي للأحسن ؟!!
سامي بيطلق فاطمه ؟!!
وشنوو كان يقصد بتهديده لها ؟!!
الفصل الحادي عشر
بعد اقلاع الطائره بثلاث ساعات
سامي: ها فطوم مرتاحه ؟!!
فاطمه : ايه مرتاحه
طول ماهم بالطياره وسامي يكلم فاطمه
والا يساله اوهي ترد بكلمه واحيانا ماترد
و تكتفي بهز راسها
فاطمه بينها وبين نفسها
"انا ليش صرت اكرهه كذا"
" خلاص مفروض اني احبه"
" احاول بس مو قادره"
" عاد لازم تحاولين حرام هو مايستاهل"
"انا ما اكرهه وبنفس الوقت مااحبه"
"يارب تهديني واغير معاملتي له "
وصلوا لفرنساو نزلوا من الطياره ولقوا سياره تستناهم ووصلتهم للشقه
اللي حجزها سامي لهم
دخلوها وانبهروا منها كانت منتهى الروعه والفخامه
غرفتين وصاله ومطبخ مفتوح على الصاله بس كان ستايل الشقه حلو
ويبعث على الدفء والراحه والاطمئنان
دخلت فاطمه بغرفه وقفلت الباب وسامي بالغرفه الثانيه
طلعوا بالليل يتعشون برا وكانت جلستهم بارده مره
سامي: فاطمه ممكن اطلب منك طلب
فاطمه: تفضل
سامي: عامليني على إني ولد خالتك
على الاقل مو تعامليني كأني عدوك
فاطمه انصدمت من كلامه: ان شاء الله
سامي: اكيد وعد


فاطمه ابتسمت له: ان شاء الله من عيوني
يلا يا ولد خالتي امش نتمشى برا
سامي: الله من اول ابغاك تكلميني كذا
اقل شي
يعني مو كأنك تكرهيني
فاطمه: ايه انا اعاملك على انك ولد خالتي وبس
سامي: وهذا اللي ابيه ولو هدي الفتره على الأقل
فاطمه: طيب يلا نطلع
وطلعوا من المطعم وصاروا يتمشون بالشارع ورجعوا للبيت
فاطمه: يلا تصبح على خير انا نعسانه ابي انام
سامي: وانا بعد تعبت من السفر
وراحوا ناموا وقاموا الفجر يصلون ورجعوا ناموا
قامت فاطمه الساعه 10 الصبح وقعدت عند الشباك تتفرج على الشارع
وكان الجو حلو
شوي الا يقوم سامي ويشوفها
وظل يتأملها كان شكلها طفولي حلو خصوصاً
انها كانت لابسه بجامه عاديه لونها وردي
وفاتحه شعرها وحاطه لها ورده ناعمه على جنب
انتبهت له فاطمه
فاطمه: وش تبي تطالع فيني كذا؟
سامي: ها ..لا و لا شي
فاطمه: طيب تبي نفطر
سامي: ليش ما فطرتي ؟
فاطمه: لا كنت انتظرك
سامي: تسلمين
يلا ننزل نفطر
فاطمه: لالالالالالالا انا سويت لك
سامي: الله يعين بطني
انتي ما عمرك طبختي اليوم تقولين انا سويت
فاطمه: هههههههههه ومن قالك اني طبخت
سامي: اجل وشو الفطور
فاطمه : توست وجبن ومربى وحليب
سامي: ههههههههههه لالالا تحت اجل ارحم من فطورك
فاطمه: افااا
سامي: لالالا بس ما ابي اتعبك
فاطمه: اممممممم
طيب خلاص بلبس وننزل ونفطر تحت وبعدين بنروح للبحر
سامي: اوكي مع اني ما انصحك ببحرهم
فاطمه: ليش عادي ترا انا دايم اسافر وش فيك انت
سامي: طيب بس فرنسا غير وانتي بتشوفينهم
فاطمه: اوكي مو مشكله
راحت لبست ونزلوا تحت وفطروا وطلعوا
وركبوا تاكسي وراحوا مول بالاول يشترون اغراض ويتسوقون
ويتمشون
ورجعوا للشقه ارتاحوا شوي وتغدوا
وبعدين راحوا على البحر
كان منظر البحر جميل لكن فاطمه تضايقت من تعري بناتهم
فاطمه: اقول سامي وش رايك نرجع الشقه احسن
سامي: ليش الجو حلو اليوم
فاطمه: لا بس مو مرتاحه
سامي: ههههههههه قايل لك من اول بس ما تسمعين
فاطمه: يالله بتذلني عاد
سامي: طيب طيب من عيوني
وراحوا ورجعوا للفندق دخلوا واخذت فاطمه شور
طلعت فاطمه من الحمام مالقت سامي موجود
قالت اكيد نايم والا طلع برا
جلست عند التلفزيون شوي الا يطلع سامي من الحمام
سامي: هلا فطوم
فاطمه تبتسم له: اهلين
سامي: اقول فطوم وش رايك بالعيشه هنا؟
فاطمه: ما ادري تونا ما صار لنا اسبوع
سامي: امممم بس للحين
فاطمه: عادي
سامي: طيب نامي بكره بنروح للجامعه نخلص اوراقك
فاطمه: ان شاء الله حتى انت نام بدري
سامي: ليش ؟؟
فاطمه: ليش انت مو رايح معي ؟
سامي: الا اكيد
فاطمه: اجل ليش تقول ليش انام بدري
سامي: لا ولا شي يلا ادخلي نامي بنروح بدري
فاطمه: طيب اصبر شوي
سامي بينرفزها: ليش ودك تقعدين معي "ويغمز"
فاطمه تطلع لسانها: لا طبعا " وقامت للغرفه تبي تنام"
فاطمه: باي يا استاذ سامي
سامي: هههههه وانتي من اهله يا آنسه فاطمه
اليوم الثاني راحوا للجامعه وخلصوا اوراق فاطمه
وبعدها
طلعوا يتمشون شوي ورجعوا للبيت


جلسوا على هذه الحاله تقريبا سنه


لين جات اجازة الصيف ورجعوا السعوديه


سامي: طيب فاطمه انا بنزلك بيت اهلك
وبروح بيت اهلي وبجي اخذك بالليل اوكي
فاطمه: لا والله ما ابي اجي عندك
ابي اقعد عند ماما وبابا
سامي: يعني ما بتسلمين على اهلي ؟
فاطمه: بكره
سامي: طيب على راحتك
فاطمه وهي تنزل من السياره: باااااي
سامي: باي انتبهي على نفسك
فاطمه: لا تخاف محد بياكلني هذا بيت اهلي
سامي: طيب طيب باي
ونزلت فاطمه وراح سامي لبيتهم
دخلت فاطمه البيت وهي طايره من الفرح تبي تشوف اهلها
فاطمه: اهليييييييييييييييييييييين انا جيت
ام فاطمه: فاااااااطمه بنتي
هلا هلا والله ببنيتي ليش ما علمتونا بجيتكم
فاطمه وهي تضم امها وتصيح : عشان نسويها مفاجاه
ام فاطمه :واحلى مفاجأه تعالي اجلسي بجنبي
فاطمه: وين بابا وخواتي ؟
ام فاطمه: الحين ابوك يجي من المسجد وخواتك فوق
فاطمه: والله وحشتوني مرررررررررره
ام فاطمه: وانتي اكثر ما شاء الله صرتي دبدوبه
فاطمه: ايه بس اكل ونوم
ام فاطمه: هههههههه شكله سامي مدلعك مره
فاطمه تبي تغير السالفه: بروح انادي خواتي
ام فاطمه: لا الحين ينزلون
شوي الا ينزلون خواتها
ليالي : فطوم حبيبتي
فاطمه تضم اختها: هلا والله بالدبه
ليالي: انا مو دبه
فاطمه: ههههههههههههه
ريم: وخري شوي خليني اسلم عليها
فاطمه تضم ريم: هلا والله انتي اكثر وحده وحشتيني
ليالي: اكثر مني ؟
فاطمه: لا كلكم قد بعض
ريم: هههههههه يالغيوره
ليالي: وش جبتي لنا هدايا
ام فاطمه: عيب انتي متى تعقلين
فاطمه: ماما وش فيها عادي
تراني اختها
ام فاطمه: لا بس توك واصله تعبانه وهذي فاضيه
فاطمه: لا عادي
ولا تخافين جبت لكم هدايا بس بسياره سامي
ليالي: طيب وينه ؟
فاطمه: راح بيت خالتي يسلم عليهم
ليالي: طيب دقي عليه قولي له يجيب الهدايا
فاطمه: ههههه لا عيب بكره ان شاء الله



يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -