رواية خلني داخل حدودك واجبر بخاطر زماني -14
الدكتوره تقلب بالاوراق ..ابتدت تشرح لي انو واضح كان في نزيف.. وانو الحمل من اول بدايته ضعيف .. والعلاجاات والفيتامينات و و و الخ
طلعت من الدكتوره متطمنه على حالتي.. قلت لبندر اني مرشحه خصوصاً وصوتي متغير من الوجع و البكى .. اخذت العلاجات وقلت لبندر يوديني قسم جدتي ..رحنا لهم .. تكسرت من المشي ...فـ اول ما دخلت سلمت على عمتي وجلست على اول كرسي وزفرت بتعب...
ابوي باستغراب : مو انتو بالسوق مادري وين..
: لا يبا انا كنت عند الطبيبه .. مزكمه حدي وتعبانه..اووووووف.. شلوون جدتي الحينا..
عمتي : ااااه يا بنيتي ..ادعي ربي ان كان بحياتها عافيه والا يريحها ربي من هالعنا..
: لا اله الا الله .. اذكري الله يا عمه ..
عم المكان صمت .. اخترقته خطواتي لجدتي .. بستها على راسها .. ريحة المسك فايحه .. الله يرحمك برحمته يا جده ..
: يللا بندر ..
ابوي قام : وين يللا انا اوديكم ماله دااعي التكاسي ..يللا امشووو.. توصين على شي يا عواطف ناقصك شي .. جوالك به شحن..
ابتسمت عمتي : وانت كل ما تطلع تردد هالديباجه.. اذا بغيت شي باقولك.. يللا توكل بنتك تعبانه وولدها بالبيت يللا..
رددنا وحنا نطلع : مع السلامه ..
يوم
ورى
يوم
ورى
يوم
جلست على اقرب كنبه ..وهمست بصدمه : "ليه يماا كذاا
امي : انتي تعالي ما كفاك ثلاث ايام عند اهلك..
: يماا الله يخليك ما عليه بسسس انا ابظل عند اهلي اسبوع كمان ..
امي : يا بنيتي ..مالك لا ليله ليل و لانهاره نهار .. فاقدكم بالحيل
حوطت بطني بذراعي وتكلمت باسى : ما عليه يماا اذا يبينا الرياض مو بعيد بارتاح كم يوم بس وخصوصا اني مواعده غدير اروح مجلس الامهات اخر الاسبوع..
امي : الله يهدي سركم ..
: يمااااا اممممممم تذكرين حلمك والهديه ..
امي : عسى ما انتو زعلانين من بعض وهذا تفسيره
: لالالا مو كذاا اممممم بس كنت باقولك انه تحقق .. وان شااء الله ان ما نسيت بس اشوفك اقولك .. يالله يماا تأمرين على شي.
امي : سلامتك مع السلامه
: مع السلامه "
طلعت من المجلس اشوف بندروه .. فتحت الباب بشويش وصرخت
: بـــــنــــــــدر يالزفت قلت لك ما لك شغل فيه .. هاته
بندر : حرام عليك حمودي صغير ...
سحبت حمودي من حضنه ونزلته ع الارض..وقلت : احذرك يا بندر والله لاتندم فاااهم ..
مشيت مع حمودي وحطيته بالسرير .. تمددت جنبه الين رجع ناام .. تسحبت بهدووء .. خففت الاضاءه وانا طالعه ..رحت لغدير ..نايمه بستها على راسها وعدلت الغطاا.. رجعت اشوف بندر ..فتحت الباب .. شفته قاعد متكتف ومبوز.. جلست جنبه ..
قال بدون نفس : لو سمحتي اطلعي ابي انااام..
:بندر حبيبي والله اسفه بس انت تستفزني بتصرفاتك انا باعود ولدي ينام لحاله خلاص صار رجال ما يصير يظل ينام بحضني حبيبي لا تزعل بكره ان شفته صار رجال بمعنى الكلمه تعرف اختك شلون ربت ..
بندر : يعني كذاا تربينه .. للحينه صغير كم عمره
: امممممم عمره سنتين وشهرين تقريبا
بندر : شفتي صغييييييير ..
: بندر عااد لا تصير زعول .. وبعدين هذي شغلات كبار ما راح تفهمها .. نام حبيبي
بندر : انا كبير صرت باول متوسط الحينا ...
: طيب يا ابو متوسط نام وما عليك مننا .. ما راح اعذبه انا امه مو مرت ابوه يللا اشووف نام وارتاح ما عليك...
بندر : نشووف يا لمار ..
: يللا بلا دلع ..
طفيت الانوار وانا طالعه .. نزلت للحديقه .. جلست على الارض .. حطيت راسي على ركبتي ..حسيت بيد على كتفي وسمعت
...: لمار
رفعت راسي وابتسمت لابوي : هلا يباا سم..
نزل ابوي لمستواي : فيك شي يباا..
: لا .. بسسس احس اني شوي متضايقه .. يباا نبي ملاهي .. حديقه .. اي شي براا البيت..
ابوي : خلاص بكره نزور جدتك ونروح الحكير زين كذاا ..
: مشكووووووور يالغالي..
ابوي يمسح على راسي..هالحركه ذكرتني فيه..دااايم يقول شعرك يعجيني لون ونعومه..داايم يغمر وجهه فيه ويستنشقه..داايم يقول لي لا استحيتي اذوووب.. بس خرب كل شي..
سمعت ابوي : يباا شفييييك خرعتيني يوجعك شي ..
مسحت دموعي وقلت : لالالا يباا ما في شي بسسس قلت لك متضايقه .. روح ارتاح شويا ادخل انااا..
تنهد ابوي وهو يقوم : اقري قران والا صلي لك ركعتين .. ولا تطولين بالتفكير ...
: ان شااء الله ...
قمت معه .. لمني من كتفي .. تنهدت كل شي يذكرني فيه .. حطيت راسي على كتف ابوي .. لو كان هو الحين راسي على صدره ..
قال ابوي : ندمانه ..
: ايش..!!
ابوي : ندمانه يباا..
بست يدده وبكيت ..ما مسح دموعي.. اكيد مو كل الرجال مالك ...مسحت دمعتي.. وقلت
: يباا انت رااضي عليا ..
ابوي : الله يرضى عليك ويهدي سركم يا رب..روحي صلي ركعتين ونامي ..
: ان شااء الله..
جلست على السرير .. راااحه اجتاحت اطرافي بعد هالركعتين .. رفعت الغطاا بانسدح بسس .. طاحت عيني ع اللاب توب .. اتجهت له .. جوالي ..رفعته كالعاده مكالمه ورساله ..فتحت الرساله
"""اذا غبت احس اني
وحيد دون هالعالم
احس الناس تظلمني
احس اني غريب اوطان
احس الخوف يسكني
احس ان الزمن ظالم
احس بقسوة اقداري
احس اني انا الغلطان
اشوف الدمع بعيوني
اناجي الليل ابد ما انام
اقابل طيفك الغالي واقول :
اجلس ترى ولهان
ابتكلم ....
ابتحدث ...
عن اللي صار
ابحكيلك...
عن همومي
عن الغربه
عن القسوه
عن الآهااات مع الحيران..
ابحكيلك..
عن حلمي وتحقيقه
مع الاحلام
ابحكيلك
عن صدودك
عن ظنونك
عن االهجران
انا ما اتحمل الغيبه
دقيقه كنها اعوام
ترى الايام تستعجل على هونك تراي
انسااااااااااااان """
حطيت الجوال ع الطاوله وفتحت ع المنتدى .. شفته مسجل دخول .. رحت المكان اللي يحط فيه اشعاره ..بدون ما اسجل دخول .. فتحت كذااا علامة تبويب .. رحت اشوف القصص ... منتدى الفرفشه .. نزف الخواطر .. كنت اتفرج واسكر .. لين اخر شي بقى لي .. منتدى مالكـ الاحساسـ.. شكيت أنه مالك من نظراته أول كانت دايم تذكرني بالشاعر المتلثم ..اه اتذكر مره كنا نتكلم عنه أنا وساره ونمدح فيه وهو ذاك اليوم ابتسم بقوة وقال بعفويه وناسه ضحكت عليه ساره لين قالت امين وهو قام يصرف منها تأكد احساسي بانه هو نفسه.. طراا علي شي.. رحت بسرعه المتواجدون الان .. اففف لازم اسجل دخول .. يا الله السالفه مغامره ..سجلت دخولي بتردد ..
اهلا وسهلا يا ماء الذهب ..
فتحت لي الصفحه المطلوبه .. وينه وينه .. لقيته ..مالكـ الاحساسـ يحرر مشاركه .. سجلت خروج على طوول .. ورحت منتداه .. حول الربع ساعه .. وطلع لي ..
[ ..الوداع .. ]
أنت بتسافر حبيبي نعم سافر وغيب
بس تكفي سم بالله على عقلي لا ماع
لأن ماني قادر اوادعك وأنت قريب
كيف وأنت بعيد تبغاني أقول الوداع
بس لحظة قبل لأنسى لاتنسى ياللبيب
كل ما تملكه من مغريات ومن متاع
إني احبك واحبك واحبك لين أشيب
يعني لين أموت وأنا احبك للنخاع
أحشمك بالحيل وأغليك والشي الغريب
إني اكره كل فكرة تقودك للانصياع
كان ماللمشكلة وتوصلنا للحل عيب
كب حبي لك وسمّه متاهات وخداع
لأني أطهر من بيخسر على الدنيا حبيب
ولأنك أنقى من وطت بطن رجله ظهر قاع
كثر مايدعوني أهل الهوى ولاأستجيب
كثر ما صفّط على بعدك ذراع وذراع
آآه لا وقفت من بين بتصيب وتخيب
بيني وبين المواليف وأفواه السباع
وآآه لامني ذكرت كلاً له نصيب
وآآه لامنّي ذكرت إن على وجهك قناع
اشعر إنه منخلق من عسل ورد وحليب
واشعر إني كل ماأذكره مجموعة جياع
ليت ما لك في حياتك خوي ولا طليب
كان أبخشّك وسط قلبي وأقول ضاع
أمحق الله ساع ولف الهيام وقطع صيب
من يبكّي مقلتين الشجاع ابن الشجاع<< سعد علووش
العذر والسموحه على اللخبطه .. بس و ربي تعبااااان ...
التوقيع
احبـــــــــahmad ــــــ
l & m
حديث أبى هريرة رضى الله عنه أن رسول الله صلى الله عليه وسلم قال :
<< ليس الشديد بالصرعه انما الشديد الذي يملك نفسه عند الغضب >>
حطيت يدي على وجهي وتركيت على الطاوله .. تعباااااااان .. ليه تعبان ...ظليت فاتحه الصفحه .. هالمره قريت توقيعه اكثر من شعره ..شوي وبدى تتحمل الصفحه يعني في ردود .. قريت الرد من بنت كالعاده ..
كاتبه ..>> ماااااااالك ..زماااااان ما جيتنا ويوم تجي تعباااااان سلامتك يالغالي .. صح لسانك على هالابداع ..منو احمد ومن l ..
رد من ولد ..>> صح لسانك .. شاعرنا .. سلامات ما تشوف شر ..
بدت الردود تتفاوت من حيث الكلام والخطابه .... قفلت اللاب توب .. رحت لولدي .. ناايم .. رجعت الغرفه .. ونمت بصعوبه ...
فتحت عيوني على صلاة الفجر.. قعدت بندر وغدير وابوي قبل الاقامه بشوي طلع .. طليت على ولدي .. بسته على راسه وخده .. سبحان من صورهم ..مالك صغير ..نفس الملامح .. احسه نفس الشخصيه ..
رجعت نمت ع السبعه وصحيت على صلاة الظهر .. سويت الغدااا .. وانتظرت الين جاا بندر وغدير من المدرسه ..
بعدما رحنا الزياره.. طلعنا نمتشى بالحكير .. اجوواااء راائعه .. وقفت مع ابوي عند بوابه سيارات التصادم نراقب العيال وهم يلعبون دق جوالي .. طلعته " مالك يتصل " اففففف شيبي ذاا .. رميت الجوال بالشنطه ..
ابوي : ردي ..
: هاا لا مابي يباا ..
ابوي : الله يرضى عليك يباا ردي شكل المتصل يبي شي ضروري والا ما تستمر الرنه كذاا..
: زين زين ..
طلعت الجوال .. وعطيته ابوي ..ناظرني مستغرب ..قلت بتلعثم
: يباا رد وقله بعدين يكلم استحي ارد بالزحمه ..
ابوي كنه اقتنع ..اخذ الجوال ورد
" هلااا .. وعليكم السلام .. الحمدلله .. لا والله يا ولدي حنا بالملاهي ............. انت معي ............ هلا بك مع السلامه "
عطاني الجوال .. وانا قفلته مره وحده .. رحنا بعدها لبيت هدوو ... وقعدنا لبعد العشاا .. بعدها ردينا البيت .. نامو البزران كالعاده .. ابوي بالزياره .. وانا طلعت الحديقه ..تمشييييييت لين طاحو رجولي ... قعدت على الارض مثل كل مره.. حضنت رجولي لصدري واسندت فكي على ركبي .. ليه احسه حولي وين ما اروح .. حسيت بيد على كتفي ..
ألتفت ..
شهقت..
مـــــــــــــالك
: بسم الله عليك..
ناظرتني بخوف .. ابتسمت اهديها .. مسكت كتفها .. بس قامت ..وقفت وراها .. مسكت يدها ...
: ام احمد .. الله يخليك اسمعيني ..
لمار : احمد نايم وابوي مو هنا ..
: ماني جااي لااا لاحمد ولااا لابوك ..
التفت ..هالمره شرار عيونها مو غيره .. احسها حاقده علي حقد .. تنهدت بعمممممممق.........
لمار : بـ ارجع .. بس لاني مابي ولدي ينحرم من كونك ابوه .. بس بس فاااهم .. لا تحاول حتى محاوله تحتك فيني ..
: طيب ليش كل هالحقد ..
لمار : هه حلوووو عرفت اني حاقده .. فـ فضلاً لا امراً .. جوالي لا تدق عليه .. ومنك مابي شي مابي شي..
كملت ودموعها تنزل : احلى شي بيننا رميته .. لو انك مستني يوم واحد .. كان ما اضطريت تغتصبني .. وتحرمنا ....
مديت يدي بامسح دموعها .. بس بعدت عني ..وهي تشاهق شهقات مكتومه .. حتى صوتها اختفى ..
: دموعك تحرقني .. لا تبكين بسببي يالغاليه..
لفت بسرعه و هرولت على دااخل ..اااااااااه يا رب...
جلست بالملحق.. نفسي اعرف ليه عمي بارد معي من شافني قال لمار تطلع تتمشى بالحديقه بعد ما ينامون العيال كنه يدري انها ما بتطلع لي ..ظليت قاعد ..استنى الصبح يطلع ..سمعت اذان الفجر .. طلعت اتوضى واصلي .. رجعت من المسجد مع ابوها واخوها .. حلف علي الا اتغدى بس انا تعذرت بابوي والشركه ... ورجعت الدمام ......
الدماااااااااام ... وااااااسعه .... ليش احسها صندوق مظلم ........ غطست رجولي بالموياااا ..... سمعت همسات بنات ... ابتسمت على ذكراها ... لو كانت هنا بتحضن كفوفها كفوفي ...... بتطلق عليهن عيونها الحور الحاده ... بتحميني من نفسي ومنهن ........
|~|~|~|~|~|بعد اسبوووووووع|~|~|~|~|~|
ياقو قلبك على الصّـده ويـا صُــــــبـرك
وياوسع صدري على صدك ويا صُبري
وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري
ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري
تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري<< محمد ابن فطيس
..............
ثبت النظاره على عيوني .. ورجعت اقرى البند للمره الخامسه .. احسه غلط بس مو قادر اركز..قمت من مكتبي ورحت مكتب ابوي..قالي ابوي انه مضبوط وانه الورقه اللي معي قديمه مره .. انفشلت من حالي.. اعتذرت من ابوي وطلعت البيت .. حركت السياره .. دق جوالي .. شفت المتصل وضغطت بريك فجأه .. خبطتني السياره اللي وراي.. بس تجاهلتها بسرعه رديت وانا احاول اصفط على جنب ... رديت بلهفه..
" هلاااااااا
جاني صوت احبه : بابا ايييينك...
حسيت بخيبه بس لازمتها فرحه وفزة خفوق : عيووون بابا حبيبي.. انت وينك..
حمودي : نيا اااا عد بدّر و ادير << هنا عند بندر وغدير ..
: يا قلبي عليك .. وين ماما ..
حمودي : بابا تعااا نياا..
: حمودي..يوووه لمار اذا كنتي تسمعيني شوي وارجع اكلمه .."
نزلت للرجال اللي اعتذرت له والحمدلله ما صار للسيارات شي.. سلمنا على بعض وراح.. رجعت دقيت وردت بسرعه ..بس سمعت صوتها
" كلم حمود هذاا بابا..
قلت بعتب : السلام يا ام احمد ..
حمودي : باااااااباااااااا ايييييينك
: اممم انا بالدمام عند بابا وماما ونانا..
حمودي : ناااناااا..بابا تعى نيا ..
: يا حبي لك يا ابوي انتا .. عطني ماما ..
حمودي : هأأأ...
: ليييييه
حمودي : بابا انااااا انااااااا
: يا قلبي يا قلبي اموووووواه احبك ..
سمعت حمودي يبكي ولمار تهمس :خلاص ماما ..
حمودي : ااااااااااااء بابا بابا ..
: بابا حبيبي يللا باااااي
حمودي بخيبه واضحه : بااااي بابا لامه ..<< مع السلامه..
: هههههههه مع السلامه ..
حمودي : لامه بابا..
: مع السلامه يللا سكر حبيبي شاااطر ..
حمودي يكلم امه : ماما بابا رااااح لامه ...
ظليت حاط الجوال على اذني شوي وسكرت وانا اسمع صوت خرفشه وصوت حمودي بس ...دسيت الجوال بجيبي .. رحت البيت ..
الغرفه مظلمه وكئيبه .. وحشتي حتى جدرانها .. قعدت على السرير بمكانها .. اللي تهنى بوجودها .. غمرت وجهي بالمخده واستنشقت بقايا عطرها .. قلتي بترجعين بس متى .......جبت اللاب توب والطاوله الصغيره .. جلست واسندت ظهري للسرير .. سجلت دخول .. هالمره ما تفقدت ولا شفت الرسايل الخاصه .. رحت على طوول منتداي الخاااص ..من زمان ما نزلت قصايد بصوتي .. كنت احاول احافظ على نبره هاااديه ومميزه .. بس الحين مالي خلق حتى حالي .. قناة فواصل اتصلت علي من كم يوم واتعذرت لها ... بدت افكاري تهل علي بكثره من تركتني .. او بالاحرى من دخلت حياتي ...
اقسمـ قسمـ بالله.......انيـ لكـ اشتقتـ
اقسم قسم بالله اني لك اشتقــــــــت \\ واقسم قسم بالله ماني بـ رايــــق
ياللي معك حسيت في قيمة الوقــــت \\ غيبّتك حلم وذكرياتك حقــــــايق
ان قلتلك ماشي انا جد ما ضقـــــت \\ اكذب على نفسي عشانك تضايــق
كم ليلةٍ في ضوح وجهك تعلقـــــــت \\ يوم الليـالي تستبيـــــــــح الدقايق
شاعرّك لا مره خيالك و دنقـــــــت \\ روح ٍ تمـازج بين غــــــــافي وفايق
تحسّبني انسى والذي يوم عانقـــت \\ اسمه ذكرتــك من جميع الخــلايق
من وين ماهبتّ هبوبك و فارقــــت \\ يقتلني النسـيان لا هب عايــــــــق
كل شي اطيقه بس غيبّتك ما طقت \\ عجزت اشوف انـك على البـعد لايق
وياللي عن احبابك من ايام شرقّت \\ بردك دفا و جروح وقـتك حــــــرايق
والبارحه يوم انحنيت ولك اشتقت \\ صوت لك صدري من الـبعد ضايــــق << سلطان اسيمر ...
رجعت تصفحت المنتدى .. اشرفت على بعض القصايد ..رديت على البعض .. رحت المتواجدون الآن ... شفتهم قليلين مره .. يبي له دعايه .. سجلت خروج ..حطيت اللاب توب بالارض .. تمددت بمكانها .. انقلبت على بطني .. شميت ريحتها .. ضميت مخدة حمودي .. اقسم بالله اشتقت لكم ...
وعيت على صوت الجوال .. " ابوي يتصل " ..رديت
: " هلاااا يمااا
امي : صلاة العصر خلصت وانت ما نزلت ...
فزيت بسرعه : بالله راحت علي نومه يللا سلاااام "
لمــــــــــــــار
جلست بمكاني ... شهقت من كل قلبي .. مو مصدقه عيوووني... حطيت يدي على فمي .. اكتم شهقاتي العاليه ... بعدها ما استحملت غطيت عيوني بكفوفي وبكييييييييت .........
...: لمار ..لمار ردي عليا .. لمار اسم الله عليك لو دريت ما سويت كذاااا .. لمار ردي عليا .. خذ حمودي خذه ..
حسيت بدفى يحاصرني .. ماني قادره استوعب ..
سمعت صوته : من جابها ...
....: الحين حنا بمن جابها والا بحالتها ذي ..
حسيت بيدين حنونه تمسك كتوفي .. تقومني .. وقفت مستنده على جسمه .. بس بلحظاات بس وطرت لحضنها .. ضميتها بكل قوتي ...
...: بسم الله عليييك .. بسم الله ........ لا بالله خووووش مفاجأه .. خليتها مفاجعه ..
: يمااااااااا يماااااااا
امي بصوت مخنوق : عيون امك يالغاليه .. لا تبكين خلاص..
مسكتها من ذراعها وناظرتها ..قلت : يمااااا .. مو قادره اصدق .. انتي متى .. ليش .. شلوون .. يماا يماا ..
رجعت اضمها بكل قوتي .. امي وهي تمسح على راسي : اهدي يا بنيتي اهدي .. تعالي معاي..
جلست على اقرب كنبه ومازلت متمسكه فيها .. سمعنا اصوات متداخله عند الباب .. قدرت اميز صوت ساره وبكى حمودي .. كنت اناظر وجه امي ودموعي ينزلن بهدووء..
: يماا قولي لي .. ليه ما علمتوني .. هذي يبيلها ذبيحه ...
مسحت على راسي بحنان : ان شاااااااااااء الله على هاللي صااااار لك انتي مو لي انااا ..
حطيت راسي على صدرها وهي ظلت تمسح على راسي .. دخلت ساره وقالت بدلعها اللي نموووت عليه ..: يا سلااااااام مكاني ذااا..
امي بضحكه : خلاص يماا هذا مكان لمار وعيالها ..
وقفت وسلمت عليها ... مسحت دموعي بنفس طريقة مالك ... ابتسمت نفس الابتسامه .. ابتسمت لها .. جلست جنبي وناولتني منديل .. صرت امسح عيوني وخشمي .. لين حسيت بحراره مكان المسح .. يعني التهب جلدي..فصرت امسح دموعي بطرف اصبعي ..
: حمودي وين ..
ساره : اخذه مالك .. عياا يجيني الدب ..
ابتسمت لها : وين ابوي..
امي بضحكه : اي ابو فيهم ..
: ابوي اللي هناا ..
ساره : ابوك وابوك عند بعض .. ..اممممممم جبتي غدير وبندر والا لأ ...
: لا والله عليهم مدرسه وابوي بيرد لهم على طوول .. مع اني قلت له يقعد ع الاقل يتعشى ..
امي مسكت كتفي وقالت : عفيه على الغاليه .. هذي بنتي اللي تعرف السنع ..
ساره بزعل مرشرش بدلع : يؤ يؤ يمااا للحين ماسكتها علي تدرين لمووو رجلك الدب جاانا بوقت عشاا وعيا لا يقعد و راجع البيت وقايل لامي ما عشوني وحتى ما سألوني ومسوي سالفه...
امي : هه الحين قولي لي وين رجلك قلتي له يقعد ..
ساره : يماااااا لا تستلميني .. عنده تسجيل ...
: يماا ..
امي : هلا يماا
: اممممممم قولي لي شلوووووووون ومتىىىى...
امي : انا من اول ما طلع لي موعد براا .. وانا موب مرتاحه .. المهم اني قبلها بكم شهر .. صارو يسوون لي علاج طبيعي وصرت اوقف لحالي بدون مساندة الحديد ..ووو من الخوف والرقيه المستمره صرت اشد على نفسي ليييييين وقفت.. صرت بس بغرفتي اتدرب .. وووو وقبل اسبوع صادرت الكرسي ..
: يعني لو داريه من زمان رايحه اهلي اسبوع ونص ...
امي : لاااااه بعيده عنك ذي .. تروحين تنامين عندهم رجلي على رجلك .. يماا البيت بدون مو شي ..موحش تحسينه كهف..
انحرررررررجت: لا يماا مو لهدرجه عااد..
امي : روحي يماا بدلي وارتاحي .. وتعالي عقبها ..
: اي والله ....... اممممم سوسو تعالي معاي..
مسكت يدي .. وطلعنا مع بعض... ناديت الشغاله .. خليتها تطلع اغراضي لغرفة ساره .. جلست مع ساره بغرفة القعده تبع غرفتها ...
: سووسوو ابيك تسمعيني للاخير ... ووو يا ريت هالكلام يضل سر بيننا ..
ابتسمت وقالت : حفرت الحفره ...
تنهدت وقلت : تمام ارمي فيها الآتي ..
تأكدت انو ما في احد وقفلت الباب بالمفتاح ...جلست جنبها وفضفضت .........
الجزء العاشر
{.. انكســــــــــــــــار ..}
مــــــــــــــالك
دخلت البيت متأخر..كانت خطواتي متردده..وصلت جناحي ومسكت قبضة الباب..لمحت بطرف عيني..غرفة ساره منوره..دعيت من ربي ما يكون اللي ببالي..فتحت باب جناحي بسرعه .. بسرعه توجهت للغرفه .. مظلمه وبارده .. فتحت النور .. ياالقهر ... طلعت لغرفة ساره .. مسكت مقبض الباب بشويش .. وفتح معاي ..اشششششششوى .... دخلت بتردد .. سمعت صوتها بغرفة مكتب ساره .. مشيت بخوووف .. فتحت الباب .. شفتها منسدحه جنب ولدها على فراش ممدوود ع الارض ..
تسولف عليه : يللا نام ..
رفعت عينها وقوست شفايفها كدليل انها مو راضيه على وقفتي .. شوي وبطل حمودي حركه .. وهي عدلت غطاه و قامت بشويش ...طرا علي الف طاري بقومتها .. ليه منومته لحاله .. وش ناويه عليه .. طلعت وهي تحط يدها على صدري تبعدني عن الباب.. ويدها الثانيه ع مفاتيح اللمبات .. خففت منهم ..وانا والله قلبي بركبي من القلق .. سكرت الباب بشويييييييييييش ..
: ام احمد ..
قاطعتني وهي تناظر الباب ..: اشششش باللهي عليك توه نااام..
: طيب باكلمك شلووون ..
ناظرتني بزعل..ناظرت عيونها وبشرتها اللي صارو باصفى وانقى حالتهم .. شعرها الاسود المتبعثر على اكتافها ويوصل لنص ظهرها .. لمعانه سواده اشياااء تدفعني دااايم اغمر خشمي فيه واشمه وامرر يدي عليه استمتع بنعومته ..مسكت خصله من شعرها وقربت منها..
: اشتقت لك ..
ابعدت بجفاا وقالت وهي تتحرك وتطلع من الجناح : بس انا ما اشتقت لك ولا ابيك
لحقتها .. شفتها جالسه بالصاله المقابله للدرج .. او الموزع للغرف مثل ما نسميه.. جلست جنبها ومسكت يدها
سبقتني بالكلام وهي تسحب يدها : مالك من هاللحظه ما .. لك .. خص فيني ...
وقفت وصارت قبالي : قبل لا تفحمني بفلسفة الدراسات النفسيه عن الطلاق العاطفي وغيره .. احمد وصار ينام لحاله .. وانا نفسي عافتك ..
انا للحين ماسك اعصابي : ليه كذاا تكبرين السالفه يا ام احمد .. استهدي بالكريم وخلينا نتفاهم بهدوووء ..
قربت مني ودنقت علي وهي تركي يديها على ذراع الكنبه وقالت : انت .. انهيت .. كلللللللل .. شي بيننا ...... رميته رميته .........
انفلتت معي فـ مسكتها من عضدها ولفيتها بقوة لين قعدتها .. يديها متكتفات .. وشعرها على وجهها ..لصقت فيها ..قلت بغييييييييض
: ما كااان بيننا شي .. انتي تبين تجننيني..لا تقولين لي اغتصبتني انتي مو بنت بنوت ..
قالت وصوتها ونبرتها تحكي الوثوق : سوها سوها مره ثاااانيه الحين ما عندي شي اخسره ..
: انا مابي منك شي .. ابي زوجه .. بـ ذا ..( اشرت على راسها باصبعي ونقلته لصدرها باتجاه قلبها )..وذاااا
صرخت : بس انا ما ابيك ما ابيك ....
انقهررررررررت منها ... قلت : انتي تفكيرك غبي .. ووو يا الله يا الله نفسي اعرف ليش تتوه عندك حروفي ...
فكيتها وقمت .............دخلت الغرفه ............ طاحت عيني على عطوراتي .. تحبين عطري هاه ... مسكت العلبه اللي كلما تنتهي اشتري منها .. عطر اسمه رويلتي..شميته .. تذكرت لما نامت بحضني.. لما شفتها تحضن ثوبي بسببه .. ابيها تحبني انااااا اناااا.. رميت العطر على الجدار ... ما تأثر صقع بالجدار ونزل ع الارض.....ليه ما انكسرت ....... لييييييييه .......كنت اتنفس بعصبيه ........ضرت الجدار بقبضتي ....... زفرت بقوة ...ااااااااااااااااااااااااااااه يا رب .......صكيت على اسناني بقهر .. اخذت معي المنشفه .. وطلعت .. شفتها على قعدتها ... تعلقت عيني بعينها...شوفي عيني .. افهميني..
انكسرت من الفراق و شوف عينـــي = شوف عيني وانت تدري بـ انكسـاري
كــل ما مديت لوصالك يمينــــــــي = رحت تتجاهل يمينــي مع يســـاري
حتى صرت اشوف جرحك في يديني = في يديني لجور صداتك مـــــــــواري
حس فيها لا بلاها حـــــــس فيني = لا تعبـــرها لكـــن رد اعتبــــــــاري
ويـــن مقفي جــعل منت بـمنتويني = بالجفـــا والخــوف وانــواع العـزاري
يا هلي يا نصف ربعي يا خــــديني = يا مــــواني غــــــربتي يا روح داري
يا شموخي يا انكشــافي يا دفينـــي = يا علــــوي يا بقــائـي يا انحـــداري
يا بداياتي يا مــــائي يا اكسجيني = يا اندثاري يا اعتــــــدالي يا ازدهاري
يا بـــلادت حسي و قـــمة حنيني = يا اختيـــاري لا يا عـشـــواء اختياري
من عرفتك وانت ثـــــالث والديني = واللــجوء اليـــك يعني لك فــــــراري
{ضمني}خل الضــــرر بينك و بيني = الضـــــــرر من ضمتك شي اضطـراري
خل يدينــــــك من الجور تحميني = من جمودي عيشني لين انصهــــــاري
كل ما ضاقت بعينـــــي يا معينـي = ابتسمـــــــت و صار لي ليلي نهـاري
لا حكيت احس بـ اشيـــا تعتريني = ويخشع قلــــــبي و تطرياي طــواري
اعشق حكيك و احفظه يا ضنينــي = حــفــظ ابن تيميه لحكي البخــــاري
لين شيطاني تلفظ كلمتينــــــــــي = ورحت مني ماتبي سمع اعتــــــذاري
لا تبكينــــي و تفرح عاذلــــــيني = لاتخســـــرني بعد كبــــــر انتـصاري
لا تخليني بعد فيضه كنينــــــــي = وانت خابرني على الوصـــل انتـحاري
لا تروح بروحتــــك كــــلٍ يجيني = ماني مكـــابر ولا حتى مــــــــداري
انكسرت من الفراق و شوف عيني = شوف عيني و انت تدري بـ انكساري << سعد علوووش
نزلت عينها وقامت لغرفة ساره .. نزلت بسرعه بسرعه رميت ثوبي ورميت حالي بالمويااا ... اخخخ يا ناار جوووفي من بيطفيك ... حركت يديني بقوة افرغ شحنات قهري ....
لمــــــــــار
طلعت من الغرفه بعدما تأكدت انه نزل .. جلست بالصاله الزجاجيه اراقب تحركاته .. يحرك يديه بسرعه .. الله يستر الجو مقبل على الشتا وهو هذاا حاله .. غطس بالمويااا .. ظل حوال الثلاث دقايق ... شفت هالمنظر .. بس قبل تأثرت فيه خفت عليه .. كان هذاك الوقت ولده يبي حنانه .. حطيت يدي على بطني .. بكيته .. بكيت ولدي .. ولدي اللي طااح بسبة ابوه .. شفته يطلع من المسبح .. فـ رجعت بسرعه رميت حالي ع السرير.. سمعت صوت ولدي .. قمت بسرعه .. رحت له .. نومته مره ثانيه .. المكان تغير عليه واكيد بيظل يفزع .. رجعت الغرفه ونمت بعد ما صليت الفجر...
صحيت كالعاده على اذان الظهر ..صليت .. بدلت ..نزلت .. ولدي يقعد وينزل لحاله ..فاضطر انزله وارد البسه .. طلعت الدرج وانا منزله راسي اهاوش حمود .. واجره غصب .. بالاخير مشى وهو مقوس شفايفه ...
: اخخخ ..
عقدت حواجبي .. ناظرت مالك اللي طالع بيده ملفين تبعثرو اوراقهم على الدرج ...شكله هو الثاني كان مدنق .. ناظرني بسرعه لفيت عنه .. نزلت ألم اوراقه ..
: اسفه ما انتبهت ..
اخذ الاوراق بدون ما يرد .. ما تهمني ردة فعله .. مشيت وانا اسحب حمودي : يللا ماما ..
حمودي تنح وتعلق بمالك : هأأأ بابا ..
: تعال ألبس ورح للي تبيه ..
حمودي : بابا
مالك نزل لمستواه : حبيبي شاااطر يللا روح مع ماما .. يللا حبيبي ..لاااامه..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك