رواية الكفيفه -14
فيصل يضحك :هذا حرص مو بخل المهم انا بعطيكم فلوس بس انتم اشتروا انا بجلس
هيثم :اعوذ بالله منك بس خلي فلوسك بجيبك احس انك تتحسف وانت تطلعهم انا بروح اشتري واجي
في نفس الوقت هبه وساره كانوا جاين من بعيد
ساره :هبه اجلسي هنا ثواني بروح اشتري لنا شي نشربه على مايجي السواق
هبه :طيب بس لا تطولين
ساره :اوكي
وليد ((صاحب هيثم وفيصل من ايام الثانويه ))
وليد وهو يسولف مع فيصل رفع عينه وانتبه على هبه :الحق فصيل
فيصل ناظر فيه :وش فيك
وليد :الصروخ لي مقابلك
فيصل يتلفت :اي صاروخ
وليد :يا اهبل البنت الي تناظر فيك من جلست وعيونها عليك مااشالتها شكلها معجبه فيك
فيصل رفع عينه وناظر هبه وصد :بجد وقحه
وليد :بس قممر خقق عليهاا عيوون تطيح الطير من السماء شوف بس تأمل جمال مو طبيعي وربي لو انا منك والله مااطيرها من يدي
فيصل :اقول تلايط بس تدري ان مالي بهااسخافات
وليد :حرام عليك يارجال البنت عيونها ماانرفعت من عليك ياخي حس روح لها ياليتها ناظرتني انا والله كان رحت لها زحف
فيصل رفع عينه وحتقرها :شكلها مراح تحس بس انا اوريها وقام بسرعه
وليد :عااش فصووول عاااش
فيصل رح لها وقف قدامها :هي انتي
هبه حركت راسها ناحية الصوت :مين انا
فيصل :وفي غيرك هنا
هبه :نعم اخوي وش بغيت
فيصل :انتي الي وش تبين فيني ماتستحين على وجهك جد انك حقيره مو متربيه
هبه سكتت مصدومه :هااا
فيصل :صار لك ساعه من جلستي وانتي تناظرين فيني تحسبين اني بخق عليك واجي اترجاك تخذين الرقم شوفي ترا مو كل الناس مو متربين مثلك احترمي نفسك والله حتى لو جمالك يشق الارض شق واخلاقك خايسه ماالتفت عليك ومد يده بيصفعها
ساره كانت جايه من بعيد وشافته وراحت تركض ومسكت يده ودفته :خير وش عندك
فيصل :جات الصايعه الثانيه اكيد انتي بعد راسمه على خويي
ساره :احترم نفسك ولا تغلط ترا ماافي حد صايع وانت موجود
هبه وقفت :ساره يلا خلينا نشوف لنا مكان ثاني اتركيه عنك
فيصل :امووت بس على الي مسويه نفسها شريفه اقول انتي هـــي ترا مااحد جاب لي نفسه كذا غيرك جالسه تناظرين في الي رايح والي جاي ومالقيتي غيري تغزين فيه وجع بعينك ياقليلة الادب
ساره :هي انت هي احترم نفسك انت وش شايف بنفسك عشان تناظر فيك اسكت بس لا يصدقون ويحسبوك ملك جمال
فيصل :على الاقل واحد محترم مو مثلكم عيوني زاايييقه
ساره :صدق انك قليل ادب وحقير
هبه ودمعتها تسبق كلمتها:سااره خلاص الله يخليك كافي ابي ارجع البيت مابي اسمع
ساره مسكت يدها :تعالي حبيبتي لا تخافين مراح يصير فيك شي وانا معك
وليد جا يركض ومسك فيصل
فيصل :شوف دموع التماسيح مسويا فيها هي البريئه وانا الغلطان
ساره :انتبهي ياهبه ترا في درجه نازله على تحت قدامك
وليد كان يناظر ودمعة عينه :فيصل
فيصل بعصبيه :خيير وش عندك
وليد :فيصل البنت عميااه
فيصل لف عليه مفجوع:كييييف
وليد :شوف صاحبتها ماسكتها تدليها الطريق
فيصل ناظرهم ودمعة عينه وراح يركض وراهم :انتظري انتظري اختي
ساره :خير انت وش تبي فينا احنا وش سوينا لك ياخي خلاص فكنا مانبي نسمع يكفي الي سمعناه خلاص
هبه وهي تبكي:ساره الله يخليك ابي ارجع البيت
ساره حضنتها :خلاص حبيبتي السايق وصل تعالي نركب
فيصل ماكان عارف كيف يبرر نفسه ويعتذر لحقهم وهو يبكي ويضرب على السياره :الله يخليك اسمعيني بس
ساره تكلم السايق :بسرعه حرك السياره يلا بسرعه
هيثم جاا وشاف فيصل يركض ورا السياره وهو يبكي : وليد وش صاير وش وش فيك تبكي وش في فيصل
وليد كانت العبره خانقته ولا عارف ينطق
هيثم حط الاغراض بيد وليد وراح يركض ورا فيصل ومسكه
فيصل :هيثم قول لهم يوقفون وربي ماكنت قاصد
هيثم :وش السالفه وش صاير
فيصل :والله ماكنت اعرف انها عميه شفتها تناظرني قمت هزئتها وقلت لها كلام ماله داعي وفي الاخير طلعت عميه ابي اوضح لها وربي ماكنت قاصده
هيثم سحبه :تعال خلينا نرجع البيت
في المستشفى دخل يركض وبيده ثياب لي ابوه وبعيونه امل كبير اول مادخل قابل الدكتور
هاني :هلا دكتور اخبار الوالد
الدكتور :انت ولده هاني
هاني :ايه انا هاني
الدكتور :تقدر تشوف ابوك في العنايه
هاني فرح وراح يركض والارض مو شايلته من الفرحه دخل على ابوه وراح يركض ناحيته
فتحي فتح عينه بصوت تعبان: هاني
هاني حضن ابوه :اسف يبه اسف سامحني ماكنت ابي يصير فيك كذا
فتحي ناظر هاني :هاني اسمعني
هاني :يبه ارتاح انت تعبان بعدين اسمعك
فتحي :لا انت لازم تدور هبه وتلقاها وترجعها لي اهلها البنت عاشت مظلومه ياولدي اذا تبيني اكون مرتاح دورها البنت قصتها طويله وماحد يعرف قصتها غيري انا وامك اسمها الحقيقي هـ هـ ......
هاني :يباااااااااااااااااااااااااااااااااااااااااهـ كمل انا اسمعك كمل يباااااااااااه الله يخليك لا تموت صرخ وبكل صرخه كان يجسد الالم الي بقلبه دموع انهارت كلمات اختفت وصارت مكتومه بداخل القلب قام وتناثرت ثياب ابوه بالارض حط يده على صدره وقام يحركه ويصرخ على امل انه يرد عليه لكن رب العالمين كبير وبدت لعبة الدنيا المعروفه بدت حكاية النهاية فتحي سلم روحه لخالقه وانتهت حياته بالدنيا هاني وقف وانهار على الارض يبكي وتم يتذكر كل لحظه عاشها مع ابوه لين وصل لي الحظه الي مات فيها انور تذكر الاحداث وتذكر نظرت ابوه وضحكته عليه وهو يشوفه يموت وعرف ان رب العالمين كبير ويجازي كل عبد بحسب عمله وعرف ان الدنيا دواره وكما تدين تدان
اجتمعوا الممرضات وغطو وجهه فتحي بعد مااطلعت روحه وصارت بين يد خالقها
قام يركض ويبيكي :لا لاتخذونه انتظروا ابوي بيقولي قصة اختي انتظروا مابعد يكمل كلامه
ماحد اهتم له اخذوا جثت ابوه قدام عينه وهو مااقدر ينطق انشل تفكيره قام من مكانه يركض مثل المجنون وركب سيارته ولا فكر بالي قدامه مشاف نفسه غير قدام باب البيت
في السياره
ساره تهدي هبه :حبيبتي لا تهتمي له هذا شخص جاهل متخلف قليل ادب
هبه :اخر مره اطلع فيها توب مااطلع من البيت بعد الان
ساره :لا عاد تقولي كذا خلاص انسي حبيبتي لا تشيلي هم وياليته عاد يستاهل
عند الشباب
هيثم :وليد قولي السافه انا مو فاهم هذا وش فيه وش سالفة البنت واي عميه واي ساره وماادري مين
وليد :شفنا بنت جالسه بالكرسي الي مقابلنا كانت تناظر فينا فكرناها معجبه فيصل تضايق منها وقام يركض وتهاوش معها وجرحها بالكلام الا شوي جات وحده ثانيه ومسكت يده لما كان بيصفعها وقام يغلط عليها هي الثانيه قامت البنت الاولى وقالت لها تبي ترجع البيت فيصل ماقصر فيها جرحها بالكلام قامت صديقتها ومسكت يدها تمشيها ولما شفنها كذا عرفنا ان البنت عميه وان هي مااتناظرنا اصلا وقام يلاحقهم عشان يعتذر
هيثم :ياويلي فصيل انت اهبل
فيصل جالس ولا نطق باي كلمه تم يتنهد طول الوقت وسرحان بفكره في هبه :ياربي عسا ماانجرحت من كلامي لا اكيد انجرحت انا جد انسان غبي عديم احساس كيف اقول لها كذا حتى لو المفروض مااتكلم معها بهذه الطريقه
كاتبة الروايه :فديت اسمي (Ebtihal)
توقعاااتكم
ايش بتكون ردت فعل سميره لعرفة بموت زوجها .؟ وكيف بيقدر يبلقها هاني بهذا الخبر .؟
بتتكرر الصدف الي تجمع هدى بأهلها ومعقوله بتتم تجهل من يكونون .؟
بيتم هاني يجهل حقيقة هدى ولا بيعرف الحقيقه قريب .؟
البااارت ال20
كاتبة الروايه :فديت اسمي (Ebtihal)
في بيت فتحي
دخل مثل المجنون يركض ورما نفسه على الارض يبكي :يمممممممه وينك تعاالي ياامي ابيك
سميره كانت واقفه فوق راسه :هاني ابوي حبيبي قولي وش الي صار
هاني ودمعته غرقت خده جلس بين رجليها ويصرخ :امي انا خلاص مااعاد لي سند بالدنيا ابوي مات يممممه انتي تسمعيني ابوي ماات تدرين وش قالي قبل لا يموت قالي ان هبه مسكينه لازم ادورها بس ماكمل كلامه قالي انت بعد تعرفين كل شي عنها يمه تكفيين قولي لي وش قصتها
سميره واقفه مصدومه من الخبر
هاني رفع راسه وشافها ساكته وقف وهو يحركها ويصرخ :يممممممممه ردي علي حرااام عليك جااوبيني وش قصة اختي هبه وش اسمها الحقيقي هي بنت مين الله يخليك ردي علي ابوي ماتت خليه يرتاح بقبره على الاقل ذنب هبه بيتم معلق في ارقابنا طول حياتنا
سميره طاحت منهاره
هاني لما شافها جلس مفجوع :يممه يممه وش فيك ردي علي امي حرام عليك مو كفايه ابوي جالسه تعذبيني حرام عليك
سميره طاحت على الارض منهاره ولا ترد ولا تنطق وكانها ماتت
هاني جلس يحركها ويصرخ :يمممه ردي علي لا لا تمووتين بدون تفكير رفعها وطلع يركض وركبها بالسياره
دخل البيت وهو منهار ولا بعارف يتحرك وهيثم ماسك بيده
كانوا كلهم مجتمعين لما شافوه قاموا بسرعه
تركي :فيصل وش فيك هيثم وش الي صاير
هيثم :مو صاير شي بس تعب علينا شوي
فيصل :الله يخليك قول لها فهمها ياهيثم
محمد :وش يقول وش السالفه
هيثم :يبااه مافي شي الله يخليكم اخذوه مااقدر خلاص
محمد وتركي رفعوه ودخلوه غرفته
عبير تركض وراهم بدون احساس واول ماحطوه على السرير اجلست بجنبه ويدها على جبينه
فيصل كان يتنهد كثير فتح عينه يناظر في امه ورجع سكرها
عبير بلهفه :حبيبي فيصل قولي وش فيك وش تحس فيه
فيصل :امي
عبير :ايه امك يا قلب امك قوم طمني عليك
هيثم جلس بجنبه وحط يده على كتفه وهمس له :فصيل كل هذا سوته فيك هاا البنت وش لون لو حبيتها
عبير لحظت :هيثم قولي وش فيه
هيثم رفع راسه وعدل جلسته :مافي شي شي ياخالتي والله طاح فجأه علينا مااندري وش فيه
محمد كان يناظر في هيثم :ابوي هيثم تعال ابيك شوي
هيثم ناظر ابوه وقام :ان شاء الله يبه
تركي شافهم طلعوا طلع وراهم
مريم جلست بجنب عبير حضنتها :حبيبتي لا تخافين ماافيه الا العافيه
عبير : مريم ولدي ماايرد علي
مريم :حياتي فيصل تعبان يحتاج لراحه اذا ارتاح بيقوم ويرجع احسن من اول
محمد :هيثم قولي وش الي صاير
هيثم :يبه وش فيك كم مره جاوبتك على هذا السؤال قلت لك طاح فجأه
محمد :اسمع يا هيثم انت الحين تبي تقنعني انه طاح بدون سبب
هيثم :وانا وش دراني يبه ليه ماتصدقني
تركي مسك يده :اسمع يا هيثم اذا في شي صاير لا تخبي علينا وقول يمكن نقدر نتصرف
هيثم :عمي ابوي اسمعوني بقولكم السافه كلها
تركي :طيب قول نسمعك
هيثم :طلعت انا وفيصل مع وليد نتمشى واحنا نمشي وقف فيصل وقالي ان راسه يألمه ويبي يرجع البيت يرتاح سألته وش فيك قال ماافيني شي بس حاس بدوخه عاد انا مسكته وجبته البيت بس
تركي:هذا اخر كلام عندك
هيثم هز راسه
محمد:ولدي واعرفك كذاب يعني باين عليه انه مصدوم خلصنا وقول وش فيه
تركي مسك محمد :خلاص يا محمد خلاص روح ياهيثم
هيثم تركهم ورجع لغرفة فيصل
الهنوف من خوفها عل اخوها قامت تبكي
سامي واقف بجنبها :هنوو
الهنوف رفعت راسها
سامي :هنوو لا تبكين
الهنوف وهي متضايقه:سامي وش فيك هذا اخوي كيف ماتبيني اتضايق
سامي مسك يدها :هنوو اسمعيني ادري انك خايفه على اخوك حتى انا خايف عليه بس ياحبيبتي دموعك هذه مراح تنفعه راح يتعب اذا شافك كذا ومد يده ومسح دمعتها:يلا خلاص ابتسمي
الهنوف رفعت عينها وابتسمت
هيثم كان داخل وشافهم :ســامــي
سامي لف عليه :خير
هيثم يشر له :تعال شوي ابيك
سامي :طيب لحظه
هيثم :قلت لك تعال
سامي :طيب جاي وراح له
هيثم جلس يناظر فيه بقهر
سامي :خير وش عندك
هيثم :انت الي خير حد نداك
سامي :لا والله جايبني من هناك عشان تقول كذا
هيثم لف عليه :وعندك مانع
سامي :والله انك سخيف
هيثم :شكرا شهاده اعتز فيها بس خلك هنا بجنبي
سامي :هااا ليكون لا تخاف مني انا بذات اعطيك الامان
هيثم :انطم بس وربي مو رايق
سامي :الا جد وش الي صار مع فيصل ذكرني بمسلسل نمر بن عدوان
هيثم ضحك :صدق انك خايس الولد يعاني وانت تتمسخر
سامي :ليه ليكون جد هو يحب
هيثم :هاا اي حب انت وجهك لا وين بس تعبان المهم بعد هناك خليني اروح اشوفه
في المستشفى
هاني :هاا بشرني دكتور وش اخبار امي
الدكتور :والله مااعرف وش اقولك
هاني :دكتور امي فيها شي
الدكتور :امك دخلت في غيبوبه
هاني سكت من الصدمه
الدكتور حط يده على كتف :اذكر الله هذا امر الله ولا رد لقضائه
هاني سكت وتااه في حديث النفس "
السكوت طال والعقل شل تفكيره انا يتيم يادنيا يكفي مر ماعطيتينا اخذتي مني الغالي في لحظة طيش جيتي تاخذينه ودعتني روحه قبل نظرة عيونه فقدته ااااهـ بس من الاااه نفسهاا تذرف الاهااات ربي قدر وصار الي صار واخذ جزاء ظلمه في سنينه والغاليه اليوم تتبع هوا المحبوب وتعلن رحلة عناايه ومأساتي الحزينه يايممه بالامس جيتيني بشوق ولهفه دفينه ياليتني مت قبل لا يمر يوم وشوفك بهاا الحاله الحزينه عرفت ان الدنيا تدور وكل بيتجازه بعمال سنينه وربي يجازي المخطىء بقدر خطاه بسنينه استغفرك يارب طالبا عفوك فك ضيقة عبدا عاش مخنوق ...
انا انسان محروم من الفرح كل لحظه فرح ينتابني الحزن واذا في يوم يبرق بعيني امل يحترق جوفي واضلوعي الحطب بسبب حزني اتوه واحتاج لصديق فقدتها من يسمعني ويخفف عني مأساتي رفضت حضنهم في لحظه ماتوقعت انها بتكون الاخيره مستحيل شي بدنيا يكون بلا سبب والاسباب معروفه من غير تفسير فاقدت الايام والليالي الي عاشتها مع هبه بسهر وحيد دامها بعيده عني لانها اخر ما بقاا لي بحياتي ....
تفزعني الاحلام وتحرمني من النوم وهاجس التفكير في الي صار فيني طرا سبب لي تعب وحرمني من حياتي وصرت في حزني غريق بكيت لجل اطفي النار الي بقلبي وتركتكم لجل القاك شبت عيوني من الدمع وصرت في الحزن ضايع واحترقني الهب ماعاد لي امل في الحياه والي ضاق المر مثلي ماعليه عتب ...
يمه صحيني من قفوتي يمكن يكون حلم ويقارفني التعب ياليت هي مسألة ضيقه مع الوقت بتفك لكن البلا لصار الحزن يكتم بين الضلوع بسبب فرقا وواقع مألم منه قلبي تعب بعد فرقاك يابوي اليوم الاحياه ماتسوه احس بتعب تخنقني انفاسي بغيابك عني كنت احس اني عايش بدنيا ولكن بعد موتك بداخلي جسد بلا روح نهايتي مت وضل الجسد والقهر كل القهر شماتت الفرح فيني بوقت الضيق كل مااحس بضيقه بصدري ينسد بوجهي طريق تضحك الفرحه علي وتزيدني من همي تعب والقهر كل القهر اني ماعرفت السبب....
كلّ ما يلقى الفـَرَح يمِّي طريق
.................... لا لقى وجهي ..؟.. تكـدَّر وانتحَب ...!!
كن ّ ( عيني ) صارت فـ ( همّي ) بريق !
.................... وكن ّ جوفي نـــار وضلوعي حـطـَـب
لا لقينا صِدْق محتاج لـْ صديق
.................... والهــَـنا لا ذاق وعـْد ولا شرَب
ومـا يطيح الورد من ثـقل الرحيق
.................... ما تشوف الأرض تمـسك بالخشَـب ؟
بأسهر الليله بلا لـيـل ورفـيـق
.................... دام غصن التـــّوت ما طال العنــَب
إنثر اْدموعك عليّ ..( ودي أفيق ..
.................... وادري إنـــّي مت ّ ..).. طالبتـْـك طلـَب
ليتها بسْ جت على كوني يضيق
.................... البلا ضاقت عظامي يا عرَب
الحياة اليوم ما تسوى شهيـــق
.................... كنت أبحــيـا ... بس ...ربي ما كتـــَب
وكل ما ينسد ّ في وجهي طريق
.................... تضحك الفرحة عليّ .. ْ بــلا سبَب ؟!....
الدكتور :هاني هاني انت تسمعني
هاني رفع اسه ودموعه تفيض بالدمع
الدكتور :اذكر الله هذا شي مكتوب ومقدر
هاني ماحس بنفسه الا وهو طايح بالارض والممرضات حوله
في بيت نور
نور :وش فيكم بنات وش الي صاير
ساره :امي تعالي كلميها
نور :مو تفهموني اول وش الي صاير وجلست قدام هبه ومسحت دمعتها ومسكت يدها:حبيبتي وش فيك وش الي مضايقك
هبه :خالتي نور
نور :لحظه انا كم مره قلت لك لا تقولي لي خالتي
هبه :اسفه امي نور
نور :حبيبت امه ليه زعلانه
هبه رمت نفسها في حضن نور: ليه يمه الناس يعملوني كذا انا وش سويت لهم
نور احضنتها:ليه وش الي صار فهموني
ساره :امي انا اقولك السالفه
نور :قولي
ساره :في واحد شاف هبه جالسه على الكراسي بالسوق قام يتهجم عليها ويغلط بالكلام ويقول ان احنا مانستحي ومو متربيات ومن هذا الكلام
نور :كيف يعني ليه قال عنكم كذا وش مسويات انتم
ساره :يمه ماسوينا شي انا كنت رايحه اشتري شي نشربه وهبه جالسه ماسوت شي
هبه:كان يفكرني اشوفه يقولي انت قليلة ادب جالسه تناظرين في الي رايح والي جاي
نور حضنتها هبه :حبيبتي حياتي انتي لا تهتمين لكلام الناس هذا اصلا واحد متخلف جاهل ماايفهم وثاني شي احنا ماانقدر نظلمه يمكن مااكان يعرف معليش حبيبتي ادري ان ماله حق يجرحك بس انتي لا تزعلين نفسك ولا تتضايقين واني الموضوع ربك كريم وماينساء عبيده وانتي بنت متربيه قصب عنه وعن الكل مو يكفيك انك بنتي
هبه ابتسمت
نور :ايه حبيبتي ابتسمي لا تشيلي هم انتي بنتي واي واحد يقول كلمه عنك اذبحه بيدي وحضنتها ساره لما شافتهم رمت نفسها بحضن امها هي الثانيه
نور وهي حاضنتهم :الله يحفظكم لي يارب
:انا مو مقتنع بالكلام الي يقوله هيثم يا تركي ولدي وانا اعرفه
تركي :محمد انا عارف انه يكذب واادري ان في سالفه ورا طيحته هذه بس ماابي اضغط عليهم وابي اعرف الموضوع بطريقتي
محمد ابتسم : واضح اكثر
تركي :اسمعني انا ابي اتكلم معهم بس لما يصحى فيصل اتوقع بينهم اسرار وهيثم خايف يتكلم
محمد :ايه انا اتوقع ان في شي بينهم
في غرفة فيصل
منسدح بجنبه وكل ثانيه ينط ويناظر وجهه ويرجع ينسدح :فيصل يلا مو حاله قوم
فيصل فتح عينه ولف عليه :هيثم
هيثم اول ماسمع صوته نط بوجهه :فيصل صحيت
فيصل يناظر فيه
هيثم مسك وجهه ويحركه ويتبسم :فصيل وش فيك قوم ترا خرعتنا عليك
فيصل بعد يده وصد :هيثم ماني بقادر انساء شكل البنت وهي قايمه احس اني كارهه نفسي
هيثم مسك وجهه ولفه عليه :اشوف ناظرني تصدق توني ادري انك حساس كذا
فيصل بعد يده وجلس :تدري انك سخيف اقولك مو قادر انساها وانت جالس تتمسخر علي
هيثم سدح فيصل :انت وش فيك منت بصاحي ترا
فيصل جلس يناظر فيه وحط يده على صدره:وجع وش فيك ترا تألمت
هيثم : هذا عشان تصحه يااخي افهم انت ماكنت تدري انها عميه وش تسوي طيب
فيصل :ابي اعتذر منها هيثم انت ماشفت وش صار فيها لما سمعتني اسبها وهي مو عارفه تقول شي
هيثم :بالاساس انت ليه تقول لها كذا وثاني شي من حقها تزعل وبعدين احنا وين نلقاها ياخي خلاص انساء
فيصل :والله مااقدر
هيثم باس راسه :خلاص حبيبي علشاني بس انساء
فيصل يناظر فيه :طيب ماتتوقع انها اخذت بخاطرها
هيثم ضرب راسه :وش قلنا هاا
فيصل ابتسم :طيب طيب خلاص
سامي كان جالس بالصاله لف على الهنوف :انا طفشت بروح اشوف هيثم
الهنوف لما سمعت الاسم ابتسمت
سامي :هي انتي وين رحتي
الهنوف :هاا لا معك
سامي ضحك :ايه علي انا المهم انا رايح
في غرفة فيصل
طق الباب ودخل :فصوول انت صحيت
فيصل :وش في اخوك.؟
هيثم ضحك ولف على فيصل :ابتسم وماعليك منه
سامي جلس بجنب فيصل : سلامات فيصل مااتشوف شر
فيصل :ليه وانا شكيت لك
سامي :الله يسلمني ومالت عليك
هيثم ضحك :اقول فيصل مدام ان مافيك شي قوم خلينا نطلع الصاله طفشت من جلست الغرفه
فيصل :مالي خلق
هيثم مسك يده :قوم بس عن الكسل
سامي :يعني لما دخلت قلتوا بتطلعون
هيثم :لا مو كذا تعال معنا
الهنوف اول مااشافت فيصل نطت من مكانها بسرعه وراحت تركض وحضنته
فيصل حضنها:ااهـ
الهنوف رفعت راسها تناظر وجهه وتضربه على صدره:فيصل وجع خوفتني عليك
فيصل ضحك : تحبيني
الهنوف ضربت صدره ودفته بعيد عنها :سخيف اكيد احبك
فيصل باس خدها:فديتك وانا بعد اموت فيك
عبير اول ماشفافته وقفت بمكانها وقفت بجنبها مريم تشوف وش فيها
فيصل لما انتبه لي امه ترك اخته وراح لعندها وباس يدها :اسف يمه خوفتك علي
عبير حضنته :حبيبي وش الي صار فيك قولي وانا امك
فيصل :لا مافي بس كنا نتمشا وتعبت من وماحسيت بنفسي الا هنا بالبيت
مريم مسكت وجهه وتناظره :بسم الله عليك حبيبي انت اكلت شي
فيصل :لاوالله يممه لا انا ولا هيثم ميتين جووع
عبير :حبيبي عشان كذا طحت عليهم
هيثم واقف من بعيد ويناظر في الهنوف ويتبسم
الهنوف تتبسم وهي منزله راسها ومستحيه
هيثم قرب منها :اخبارك
الهنوف :بخير
هيثم :ماشتقتي لي
الهنوف لفت تناظره ونزلت راسها :هيثم اهلنا هنا اعقل ولا مايكفي الي صار
هيثم ابتسم :بس انا حبيت اسلم
الهنوف ابتسمت :طيب
هيثم قرب منها ومد يده وحطها على يدها وتركها ومشا
سامي كان منتبه لهم بس ساكت
الهنوف استغربت من حركته رفعت يدها وشافت ورقه ابتسمت وخبتها على طول
سامي لما شاف ردت فعلها ابتسم ولحق هيثم
سامي :وش عندك
هيثم لف عليه :خير وش فيك
سامي :يعني عميان احنا مانشوفك
هيثم لف بسرعه وحط يده في على شفة سامي :وجع اسكت فضحتني
سامي ضحك :يعني تحبها
هيثم سحبه وبعد عنهم :سوييييم ناوي تفضحني مااتعرف تسكت
سامي :اول قولي تحبها ولا لا
هيثم :وش راح تستفيد اذا عرفت اسكت خلاص
سامي :لا قول تحبها ولا .؟
هيثم :يؤؤ اي احبها وش عندك
سامي ضحك :عشان كذا تضايقت لما شفتها تكلمني
هيثم :هاا وش قلت انا اغار منك
سامي :والله ماقلت بس هذا الي واضح
هيثم :ماادري من زمان مااحد كفخك روح عن وجهي قبل لا يصير شي ماايرضيك
سامي يناظر بخبث :متاكد ترا هاا تندم وقول سامي ماقال
هيثم شده مم اذنه :وش قلت استأذ سامي ماسمعتك
سامي :خلاص خلاص اعتبر اني مااقلت شي خلاص بروح
هيثم فكر شوي ولف عليه بسرعه :سامي انتظر شوي
سامي :هاا غيرت رايك
هيثم :اقول كل تبن واسمع انت الحين عرفت كل شي تقريبا وبما انك عرفت ابيك تساعدني
سامي يناظر ويرفع حواجبه :اساعدك في ايش
هيثم :سموي تكفى خلك وسيط بيني وبينها انت تقدر تكلمها بس انا العين علي مااقدر اقول لها كلمه وصعبه اني اقول لفيصل يوصل لها كل شي
سامي يضحك :هاا ماقلت لك بس يلا معليش اخوي الكبير مااقدر عليه
هيثم ابتسم وباس خده : يلموني لقلت احبك
تركي جلس بجنب فيصل :سلامتك فصيل
فيصل ضحك :الله يسلمك يبه
تركي :اجل تقول انك جايع ومااكلت شي
فيصل ابتسم وناظر عيون ابوه لانه حس انه مو مصدق
تركي :فيصل قولي ولا تكذب علي وش الي صار
فيصل سند راسه على صدر ابوه :بصراحه يبه ماادري وش الي صار فجأه حسيت اني مااقدر اوقف على رجلي والدنيا من حولي تدور
تركي حضنه :طيب ليه ماتقولي الي بخاطرك
فيصل :مافي شي مهم كنت مع وليد وهيثم في السوق وتهاوشنا مع واحد وصار بينا مشاده بالكلام وصار الي صار
تركي ناظر فيه :طيب مين هذا الواحد وليه تهاوشتوا معه
فيصل :هاا لا ماانعرفه بس كان يتحرش في بنت وحاول يضربها واحنا شفناه وتدخلنا وبس
تركي :متاكد
فيصل هز راسه :طبعا
محمد لف على تركي :خلاص تركي لا تحاول مراح توصل لنتيجه
تركي : والله واكبروا اولادنا وصارت عندهم اسرار
محمد :لا تخاف طلعوا نزلوا راح تعرف عن قريب
كاتبة الروايه :فديت اسمي (Ebtihal)
توقعاااتكم
صدمت سميره بموت فتحي دخلتها بغيبوبه هاني بيقدر يتحمل المصايب الي تتوالى عليه ,.؟ وبعد هذا بيواصل بحثه عن هبه وبيعرف قصتها ولا .؟
موقف فيصل مع هدى وتفكيره فيها بيخليه يتعلق فيها ويحاول يوصل لها لجل يقدم اعتذاره ولا بيحاول يتناسا الموقف .؟
معقوله هدى تكره فيصل قبل لا تعرفه ولا بتحبه وبيكون نصيبها في يوم .؟
البااارت ال21
كاتبة الرواية :فدت اسمي (Ebtihal)
وبعد دقائق
في غرفة الهنوف
:اسف حبيبتي اني حطيتك في هذا الموقف بس وربي كنت مشتاق
وابسألك انابالنسبه لك من اكون؟)
قلت بجاوبك وتخيل بجاوبك بصدق ،
وأبين لك المكنون ، أنا مو بس احبك أنا مو بس اعشقك ، أنا فيك مجنون!
تدري لوبيدي ماتعيش في ذا الكون لو بيدي أحطك وسط العيون
لو بيدي مايطاها قدمك
لو بيدي أشيلك براحة أيديني وأوصلك مشاويرك وين ماتكون وأبني لك بيت من الحنان والضلوع واشيل عنك الهم وامسح من فوق خدك الدموع وخلي حياتك كلها سعاده وفرح وشجون،،
تدري اني احسد اللي معك يجلسون وأحسد اخوانك واهلك واحسد الملابس اللي تضمك واحسد الضحكه اللي ترتسم فوق فمك حتى بوقت الحزن احسد الدمعه لطاحت فوق خدك،،،
لااااازم كل البشر يدرون من تكون ومن اكون
لااااازم يدرون انك اجمل مافي الكون وكل مافي الكون مستواك مايوصلون حتى لويحاولون حتى لويجتمعون مايساوون شعره من العيون،،
انت امير تأمر وأنا اقولك ياعون،، انت الوحيد اللي عليه تمون اطلب القلب مني والروح والعيون كلي فداك كل شي لجلك يهون،،
أما أنا فأنا انسان مايعشق بعقل يعشق بجنون، انسان يموت فيك ويوعدك مايخون، انسان يحبك حب اطفال!! شفت الأطفال لاحبوا ويش يسوون لافارقوا اللي يحبونهم يبكون،، ولالقوا اللي يحبونهم يفرحون،، ولاتولعوا في شيء مايتنازلون عنه مهما يكون،،،
لاااااااااااااازم تدري انك حياتي وحبي وعالمي والكون،، انت بالنسبه لي نظر العيون وانا من دونك ايش اكون؟؟؟!
كانت مستنده على الباب وحاضنه الورقه وتبتسم
فتح الباب ودخل ولما شافها استغرب وراح واقف قدامها :هــي هنوف الخبله وش فيك تتبسمين
الهنوف انتبهت له :هاا فيصل من متى وانت هنا
فيصل : من الابتسامه الساحره والسرحان الي ماادري وين وصلك
الهنوف : المهم انت وش تبي خلصنا
فيصل :وش هاا الورقه الي بيدك
الهنوف :هاا لا ولا شي
فيصل سحبها منها :عطيني اشوف وتم يقراها بعدها لف وناظر فيها وشد شعرها : انتي ماتفهمين كم مره قلت لك اي شي بينك وبين هيثم تقولين لي على طول
الهنوف :ااهـ فيصل والله والله توني الحين شفتها مالحقت اقولك شي
فيصل :طيب الحين اوريه شغله
الهنوف مسكت يد فيصل :فيصل تكفى الله يخيلك لا عشاني بس
فيصل :الهنوف انتي وش فيك ترا الي تسوينه غلط انا احبك وخوفي عليك مايخليني اسكت
الهنوف :انتظر مو انت تقول انك واثق فيه وانه مستحيل يضرني اجل ليه تحسسني بالعكس ليه تخاف علي منه
فيصل :الا انا واثق فيه ولازلت على كلمتي مااغيرتها
الهنوف :اجل خلاص يافيصل لا تصير كذا
فيصل :يعني تبيني اشوفك تغلطين واسكت
الهنوف :فيصل كيف اغلط انت بتكون معي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك