رواية تدري انا وياك قصتنا مثل شمس وقمر -3
فتحت ريما دفترها وكتبت ( هذا آخر ماوصلنا له بعد ماكان كل الناس تحسدنا على الود اللي حنا عايشينه .. انت في دنيا غريبه وانا تااااايه وسط غابه من مشاعر تلهب القلب وتبيده من وريده لـ وريده ورغم هذا عايشين تحت سقف البيت لكن ضااااااااااااااايعين بهالمدينه )
وسكرت الدفتر ونامت ..
......................
الصبح الساعه 10 قامت ريما وطلعت لقت امها منيره وعمتها ونايف
ريما : صباح الخير
الكل : صباح النور
الجده : يمه ريما تووك ما نمنا الا متأخر
ريما : بس الحمد لله النوم الكثير مو زين << وتبتسم
العمه : اجل النوامات منال وحنان مايقومن اللحين!!!!!!
نايف : ولا بالاحلام هههههههههههههههههه
الجده : يمه ريما ارسلي رشيده تقومهن
ريما : والله حرام مانمنا الا متأخر بعدين انا بطلع اللحين ؟؟
الجده : وين من الصبح
ريما : نادين داقه علي تقول تعالي مدري وش صاير بالمشغل ؟؟
الجده : عسااه مو شي كايد ؟؟!
ريما : لا ان شاء الله بروح اشوف
الجده : يمه مستعجله
ريما : ايه بروح اللحين تآمرين على شي
الجده : بس انا ارسلت محمد يجيب لي اغراض
ريما : امي كم مره قلت لك اللي تبينه انا اجيبه لك
الجده : ماحبيت اقومك
ريما : عاادي الله يخليك مره ثانيه قولي لي
الجده : الله يسعدك ويوفقك ياوليدي
العمه : طيب اذا مستعجله خلي نايف يوديك
ريما : لااااااا << وسكتت من الاحراج
الجده : مافيها شي نايف يمه فاضي ؟؟؟؟؟؟!
نايف : ايييه << وهو مبسووووووط حييل
ريما : خلاص انتظر محمد
العمه : وشغلك ؟؟؟
ريما : يتأجل
نايف : طيب قومي حنان وواوصلك انتي وإياها
العمه : ايه قوميها وروحي
ريما : طيب
ريما : اللجين تنزل حنان ونطلع
نايف : طيب انا انتظركم بالسياره وطلع
نزلت حنان وسلمت على خالتها ام فيصل وامها منيره وطلعت
حنان " ركبت قدام " وريما ورى ......
نايف : خلاص امشي
حنان : ايه ............. لا لا اصبر جواااالي نسيته ونزلت ركض تجيبه
وريما احترقت من حنان وهي ونايف بالسياره لحالهم
رن جوال ريما ( عسى ربي يخليك لعيوني .......... )
<< عبدالله اللي كان متصل رفعته ريما " وبهمس " : هلا
عبدالله : صباح الخير
ريما : صباح النور
[ نايف يبي يسمع اي شي بس صوت ريما واااطي ]
عبدالله : عسى منتي نايمه !؟؟؟
ريما : لا بطلع للمشغل
عبدالله : مع محمد ؟؟؟؟؟
ريما : لا والله محمد طالع يجيب اغراض لامي منيره وبروح مع نايف انا وحنان
عبدالله : صح وينك يالدبه امس ادق بشوف وش صار وماتردين
ريما : اسفه والله نمت من التعب
( على دخلة حنان السياره )
عبدالله : اوكي يله مابي اطول عليك لاوصلتي بدق عليك واللحين بكلم نايف
ريما : طيب باااي
..........................................
البارت السابع طووويل الله يعينكم (*_^)
" الجزء السابع "
ودق جوال نايف ورد : ياهلااااا والله
عبدالله : هلابك اكثر .. اسمع من اولها انتبه على ريوم ياويلك يصير لها شي
نايف ويناظر ريما مع المرايه : افااا عليك بالعيووون
ريما : نزلت راسها وهي مولعه من الخجل
عبدالله : طيب يالحبيب تراني عازمك اليوم
نايف : اوخس وش عندك
عبدالله : كاسر خاطري
نايف : اجل ظف وجهك
عبدالله : هههههههههههه لاوالله جد
نايف : اممم على حسب اذا فضيت لك
عبدالله : اصلا ماتحصل لك مره ثانيه
نايف : خلص اجل على الوعد
عبدالله : اوكي فمان الله
نايف : فمان الله
............................
حنان : اي وعد ؟؟؟؟؟
نايف : وانتي قاطه معنا
حنان : لاوالله صدق
عبدالله: متواعدين انا وعبدالله عندك شي
حنان : لابس تخبر ما احب اخلي شي بنفسي وبعدين لازم اتطمن عليك
ريما : ههههههههههه << وبصوووووت وااااطي
نايف : احلفي بس
حنان : والله
ناظرها نايف وسكت (^_^)
وشغل نايف اغنية مكانه الخالي وناظر ريما مع المرايه
( مكانه الخالي محدن ملاه اشووفه بعيني واسرح معاه .. جااالس اناظر هالمكان يمكن يرجع لي الحنان ( وناظرها نظرة عتب ) وتضايقت ريما من نظرته
وكملت الاغنيه للاخير )
....................................
حنان : اقوول ريوم بتطولين ؟!
ريما : مدري على حسب
نايف : انتو لاخلصتوا دقوا علي اجيكم بأي وقت
ريما : لا ادق على محمد
نايف : انا فااضي
ريما : معليش لاني مدري متى اخلص !!
نايف " ماحب يضغط عليها " : براحتك
.......................................
نزلهم نايف وخلصت شغلها عالعصر رجعت ريما البيت : السلام عليكم وباست راس امها منيره
الجده : هلا يمه وعليكم السلام وش صار معك
ريما : الحمد لله مافيه شي كايد
حنان : تصدقين يمه مره وحده رحت وصدعت من الازعاج وشلون ريما الله يعينك
ريما " تبتسم " : .....
الجده : ريما قدها وقدوووووود
ريما : تسلمين يالغاليه
حنان : افاااا احترق كرتي
ريما والجده : هههههههههههههه
حنان : الا وين منال لاتكون نايمه للحين ؟!
الجده : ايه مارضت تقوم
حنان : اللحين اروح اقومها
ريما : ما اوصيك هههههههههههههههه
حنان : لاتوصين حريص " وهي ناويتها على منال " هههههههههههههههه
دخلت ريما غرفتها خذت شور ولبست بجامه وانسدحت تريح شوي
................
حنان : منوووووووول وولت االلمبه وقعدت تطبل عالباب
منال وفيها النوم : حنانووه ووجع انقلعي برا
حنان : مااااااااااااااااااااااابي
منال : طنشتها وكملت نوم
حنان طلعت ورجعت معها كاسة مويه باارد وكبتها على منال
منال شهقت : هيييييييييييي وقامت مفزوعه : تعالي يالخايسه وتلحق حنان
نزلت حنان تركض وميته ضحك الا على دخلة نايف وتخبت وراه : تكفى منووول ناويتها علي
نايف : وش فيه وش مسويه لها
حنان : قومتها من النوم
نايف " يعرف حركات حنان " : وشلوووون ؟؟!
حنان : بس شووية مويه
نايف : مويه اكييييد / بارده اكيدين / بس شويه ما اضمن لك
حنان : علييك لمبه
منال : هيييييه والله لاعضك
حنان : اسفه والله اسفه بس الا العض
منال : مالي شغل والله لاعضك
على طلعة الجده : وش هالصراخ
حنان : منال تبي تعضني
الجده : هااه ليييييه
حنان : مدري ؟؟؟؟؟؟؟؟
نايف " طارت عيونه " : ماتدرين؟!؟؟؟؟؟!
منال : يمه حنان كبت علي مويه وانا نايمه
الجده : احسن عشان تقومين
حنان " باست راس امها منيره : يسلم رساك ياشيخه
منال : نايف شوف هالبطه اختك
نايف : مالي شغل انا
منال : مالي الا ريوم حبيبتي هي اللي بتاخذ حقي
منال " تطق الباب على ريما "
ريما فتحت : هلا منوله خير
منال ضمت ريما تعالي شوفيهم حنانوه ونيوف وامي منيره اجتمعوا علي
ريما : وش فيه وتناظر الكل ؟!
نايف : نط وقال السالفه
ريما : حنان مالك حق مويه عاد
حنان : وش اسوي ابها تقوم
ريما : طيب ليكون بارده
حنان : افاااااا عليييك
ريما : كان زدتيها ثلج بعد احسن
منال " طارت عيونها "
الكل : ههههههههههههههههههههههههههههه
منال : هين " وطلعت فوووق "
ريما : حنوون روحي شوفيها حرام عليك
حنان : خليها توولي مدري متى تبطل نوم وخذت نايف وجلست بالصاله
ريما : والله انك نذله ههههههههههههه
نايف : ههههههههههههههه
ورجعت الجده غرفتها تريح وتصلي العصر
وجت ريما بتدخل غرفتها
حنان : وين ؟؟؟
ريما : وش تبين؟؟؟
حنان : تعالي اجلسي معانا
ريما : بناااام
حنان : وشووو ؟؟؟؟
ريما : والله من ااالصبح وانا احوووس ومصدعه ومالي خلق
حنان : ايه ترا بكب عليك ثلج
ريما : ماني منال اسكت لك
نايف : هههههههههههههههههههههههه ايه هذي الناس الي تفهم لك
حنان : بوزت وطلعت فووق
ريما : دخلت غرفتها وجلس نايف بالصاله وطلع جواله وارسل لريما رساله
( مشكله لاصرت تجهل في حياتك وش تبي ومشكله لاصرت تدري بس صعععب توصله )
نزلت جلالها ريما ولبست البجامه واسندحت عالكنب وسمعت الجوال بنغمة رساله فتحتها وقرتها وبعد تردد كبير ارسل له
( نــاوي تـرجـــع حبــيبـــي تعـــتـذر عــن كـــل شــــي
بــس أنـــا خــايـــف تجـــينـي مــاتــلاقــــي فـينـــي شـــي
لا إديـــن تمـسـهـــا ولا دمــــوع تحـسـهـــا
لا تـحـــاول يـاحبـيبـــي عـنــدي كــل شـــي إنتـهــــى
إنســــى إنــي كـــنت أحــــبك
وكــل حـاجـــه بالمـحــــبه وكــل لـحــــظه عـشـتهـــا
كـــنت فـرحـــه بــس راحــــت
ولــك أنـــا قـدمـــت روحــــي وإنــت رحـــت وخـنتـهــــا
لا تـفــــكر إنــي بـجــيــك أعـــتـــذر لــك مــا أبيــــك
شـــوف نفـســــك يــاحبـيبـــي إنــت مــن كـرهــــني فـــــيك )
نايف كان مرجع راسه عالكنب ويفكر وش ردة فعل ريما من الرساله وجآت رساله له فتح الجوالل بـ ملل ونقز من غير عقل يوم شاف الاسم كان مسميها ( حلآ هالكون )
وقرى الرساله وارسل لها ( , جيت المكان . .
اللي بدأ ( حبنا ) فيه !
وأمطرته عيوني بدمع / الحنيني ,
وشكيت له قسوتك ..
. . . . . . ~ وإنكار مافيه
يوم العهد , و ايديك تحضن يديني
تعتب على معذور / بس الزعل ليه !
وأنا أعترفت بـ غلطتي لك
. . . . . . . . . . ,/ بحيني . .
لو قبلك أحد قال حبيت . قلت : ايه
شف كيف (( حبك )) ..
. . . . . . قادر يسوي فيني !
هذا الدليل / الساطع اللي لك ابديه ,
إنك تحكم القلب , حكمٍ متيني . .
إلى متى ناوي فؤادي تعنيه !
تحرم عيوني منك .. ياشوف عيني !
عمري بلا قربك ..
, وشوفتك ( مابيه ) !
من دونك الدنيا .. ملل ياضنيني ؟! )
.........................
وصلت لريما وقرتها وبكت ليييين شبعت اما نايف كان ينتظر منها رد بس مل الانتظار وطلع مع عبدالله ..
................................
بعد المغــــــــــــــــــــــــــرب ..
الجده : ريما حبيبتي يكفي نوم فاتتك صلاة المغرب
ريما : هلا يمه ابشري اللحين اقوم
الجده : يله يمه الليله العشاء عند عمتك
ريما : ايه نسيت اللحين بقوم
طلعت الجده وارسلت رشيده تشوف البنات خلصن
قامت ريما خذت شور ودق عليها عبدالله : هلا خالي
عبدالله : هلابك وشلونك
ريما : تمام انت بشرنا عنك
عبدالله :اخباري عندك
ريما : هههههه طيب فاضي اللحين
عبدالله : افضى لعيونك
ريما : لعيون حنون مو لعيوني
عبدالله : كشفتيني ههههههههههههههههه
وقالت له كل اللي صار مع حنان
عبدالله : يعني ما اعطتك كلمه
ريما : لآ
عبدالله : يمكن تحب احد
ريما : لابس هي خجلانه ماشفت وشلون صارت وللللعت اعوذ بالله
عبدالله : ههههههههههههههههههه ياحبي لها
ريما : والله انك قليل ادب
عبدالله : اقول بس عشان هالخبريه بمرك اللحين وامشيك
ريما : أجلها
عبدالله : لييييش؟
ريما : اجل مو العشاء عند ابو فيصل
عبدالله : تصدقين نسيت
ريما : هههههههههه الله يثبت علينا العقل
عبدالله : اقول بس يله فمان الله
ريما : فمانه
..................................
جهزت ريما ولبست فستان قصير فوشي وفضي وحطت مكياج خفيف والروج فوشي صارخ وطالعه جنان لبست صندلها وخذت الشنطه والعبايه دقت على حنان : الوو
حنان : هلا حبيبتي
ريما : حنونه ياعمري تدرين اذا نايف موجود ولا طالع
حنان : لاطالع تعالي
ريما : اوووكي
فتحت ريما باب جناحها ولاحطت جلال لان نايف طالع
الا على طلعة نايف من جناحه
[ ووقفت الدنيا ..
ريما نست حالها كان كاشخ بالثوب والغتره وناسفها على ورا وطاااالع جنااااااااان انهبلت عليه ريما ..
اما نايف ذااااااااب من نعومتها وبخاطره آآآآه ياقلبي
انتبهت ريما على حالها ودخلت الجناح بسرعه
ونايف ضحك ومشى
سمعته ريما وابتسمت وقررت تنتظر حنان ومنال ينزلون لها
.................................................. ........
طلعت الجده كاشخه وريحة العود وشافت نايف يفتح الباب بيطلع : ناايف
نايف : هلا امي منيره شهاللزين لا بصراحه اخاف تنخطبين اليوم وتروحين وتخليني
الجده ياللي ماتستحي وجت بتضربه بالعصا
نايف باسها على راسها بسرعه : والله تهبلين اليوم
الجده : عن الكلام الفاضي وبعدين وين رايح ماقلت لك ابيك توصلنا بدال محمد
نايف : تآمرين امر بس كنت بطلع للحديقه وانتظركم
الجده : زين برووح استعجل البنات واجيك
ارسلت رشيده للبنات فوق ..
ودخلت عند ريما : يالله يمه نايف ينتظرنا لاتبطين
ريما : ابشري يالغاليه انا جاهزه البس عباتي واجي
...........................................
بالحديـــــــقه //
البنات: السلام عليكم
الجده ونايف : وعليكم السلام
نايف : خلصتوا ؟؟؟
منال بلشانه بحلقها وحنان تزين طرحتها
ريما : ايه خلاص
نايف : طيب يله
ركبت الجده قدام وريما ورا نايف وبجنبها حنان ومنال
حرك نايف وشغل اغنية ( احبيني )
وناظر ريما وكانت مغطيه عيونها ..
( احبيني بلا عقد وضيعي في خطوط يدي احبيتي لاسبوع لايام لساعات فلست انا اللذ ي اهتم بالابدي احبيني احبيتي احبيتي احبيتي احبيتي احبيتي احبيتي احبيتي .................... )
الجده منيره تصقع المسجل : وشو اللي يصارخ
البنات ماتوا من الضحك
نايف : الله يهداك امي منيره كاشخ ومشغل لكم كاظم وش فيك ؟؟؟
الجده : مو حلو ماعندك هجيني ولا سامري
نايف : هاااااااااه
منال : امي منيره طبها الزار
الجده : منالوه وووججججع
البنات متسدحين من الضحك
نايف : كم عندي منور اللحين احط لك سامري
الجده : لاماشاء الله تمون وشو منور اصغر عيالك انا
نايف : حقك علينا امي منيره تآمرين امر
وحط سامري بعد معاناة بحث << خخخخخ
.................................................. ....
وصلوا ودخلن البنات وسلموا عالكل ..
..................................
عند البنات //
غلا : بنات ترا الاشبوع الجاي انا عازمتكم عندي
ريما : والمناسبه ؟؟
منال : ياعمري ادري عشاني بس لاتكلفين على حالك
غلا : من زين وجهك عشانك " وتلتفت لـ حنان " : اقول هذي لاتجيبونها معاكم
منال : اصلا من قال بجي؟؟؟
ريما: بس اعوذ بالله ماتصدقين على الله
غلا : المهم والله بس كذا حابه نجتمع ونستهبل
رهف : بس بنات
غلا : ايه بس حنا
منال : قلنا بنات مو حريم
رهف: وش قصدك ؟
منال : اللي على راسه بطحى يحسس عليها
رهف: "جت بتقوم وجلستها سالي "
سالي : ريوم ياعمري خذي هالخبله
منال : ههههههههههههههه والله اني خطييييره
ريما : تعالي بس نروح الحريم
..............................
[ طبعا منال تحب تنرفز البنات بس حبووبه وما احد يزعل منها والقعده ماتحلى بدونها ]
...............
جاء فهد ولد رهف : خالتي حنان تكفين بلعب مراجيح تعالي وديني
حنان: ياعيون خالتي تعال معي
وطلعت للحديقه تلعبه ألآ على طلعة عبدالله جته مكالمه شده الصوت وطل عالحديقه اللي فيها الالعاب شاف بنت وجذبته بنعومتها وحلاها كانت حنان لابسه بلوزه برتقالي وتنوره ميدي بني وطالعه كيوووت
بس عبدالله مايدري من هذي
فهد: خالتي حنان دفيني بقوووه
عبدالله : انبسسسسط حنان ياويييل حالي حليانه آخ بس تبي تذحني ذي ناقص عمر انا
حنان : فهوووودي حبيبي ندخل جوا يله اللحين ماما تزعل قالت بس شوي يله لانتأخر " وشالته "
فهد : خالتي قربي
حنان : شفيك " وقربت "
فهد " باسها " : شكرا انتي احسن من اختك منال
حنان : ياااويلي حتى انت ماسلمت من شرها ههههههههه
عبدالله: فديت هالضحكه
ودخلت جوا وماكانت تدري ان عبدالله ذااايب فيها
..............................
رجعوا للبيت تعبانيين من السهره //
دخلت الجده غرفتها وطلعن البنات فووق
ونايف جلس بالصاله
طلعت ريما من غرفتها تبي تروح لامها منيره
نايف " حس بحركه وهو مغمض " : حنان تكفين ابي بنادول عندك راسي مصدددع
ريما " ارتبكت يحسبها حنان " : آ..آ.آآحنان فوق بغيت شي ؟؟!
نايف " التفت عليها وهي منزله راسها وعليها جلالها ": لاسلامتك احسبك حنان
ريما : سلامات وش فيك؟؟
نايف : الله يسلمك بس مصدع
ريما : ماتشوف شر " وراحت غرفتها وطلعت بنادول من الدرج وطلعت لنايف وحطت البادول عالطاوله " : تفضل
نايف : يزيد فضلك
""ونادت رشيده تجيب مويه""
وراحت لامها منيره ..
كان جوالها بغرفتها والغرفه مفتوح بابها شوي مر نايف بيروح لجناحه الا ويسمع نغمة جوالها ( يعني خلاص من دي الوئتي لانتا حبيبي ولا انا حبيبك يعني خلاص من دي الوئتي لانتا نصيبي ولا انا نصيبك قولي ازاي تشوفك عيني وماتحبك قولي ازاي ألمس ايدك وما حسك قولي ازاي ياحبيبي ازاااي تبقى ئصادي ليل ونهار وانتا عايزني انساااك ازاااااااي )
نايف " يالله لهالدرجه متحسره على فراقنا يعني هي تحبني للحين وللحين تبيني "
طلعت ريما من عند امها وراحت غرفتها لقت مكالمه من ساره
سولفت شوي وعزمتها ساره بكرا هي ومنال وحنان
.................................................. ......................
ريما " تتقلب وقلقانه على نايف مدري شلونه اللحين / ارسل له رساله لأ لأ / بس ابي اتطمن عليه والبنات نايمات / مالي الا ارسل "
ارسلت ( شلونك اللحين ان شاء الله اشوى )
نايف مصدع ومتضايق ويفكر بالنغمه وفتح الرساله " من هالمزعج للي يراسل بالليل / فزززز من النوم وهو يقرأ الرساله / انبسط تفكر فيني وارسل لها حب يحرجها .
وصلت الرساله لـ ريما ( ليش بلشانه نامي ولا لهالدرجه اهمك ؟؟ )
استغربت ريما من رده وماردت له شي !!
طفش نايف من الانتظار ودري انها متعجبه مومستغربه من رده وارسل لها ( ياعيووون نايف الحمد لله خف الصداع شوي )
قرتها واتطمنت وناامت
.................................................. ................
عالساعه 5 الفجر قامت شبعانه نووم
طلعت ببجامتها بعد ماتأكدت ان الكل ناايم
صلت الفجر وطلعت للصاله
[ نايف ماكان نايم يحس راسه بينفجر من الصداع ]
قامت تسوي لها فطور ودخلت المطبخ تحوس فيه
طلع نايف عالصوت وطل بالمطبخ وشافها معطيته ظهرها وشكلها نعووم لابسه بجامه برمودا وفتحتها من فوق وسيعه وكتوفها طالعه وشعرها مرفوع شنيون بشكل عشوائي
" وتحوووس وتغني "
"ظل نايف يناظرها بس بدون ماتحس "
وحطت الفطور عالطاوله وجلست تآكل
راح نايف لغرفته خاف تحس عليه
طلعت للصاله بعد الفطور ومعها دفتر وألبوم صور
فتحت دفترها وكتبت شوي وبعدين الالبوم تتفرج عالصور ..
فيه صوره تجمع كل عائلتها وهم مسافرين
وقعدت تناظر كل واحد منهم وهي تبكي بصمت
( نايف يناظرها وهو متقطع ووده لو يضمها ينسيها الهم وسنينه )
ريما : يمه / يبه انا زعلانه منكم ليش تروحون وتخلوني بروح معاكم .. طيب كان جلس واحد منكم مو كلكم والله اني اشتقت لكم تدرون بطلت ادرس واللحين انا جاليه بالبيت ايه صح يبه انا كملت البيت وسكنت فيه انا وامي منيره
ورفعت صورة سلمان وهلا وعبدالعزيز ومها : تدرون نفسي اجي عندكم هلويه لهالدرجه هنت عليك !! مهاوي عندي كلام كثييير بقوله لك !! سلوم وينك ماتبي تكمل وانت عزوزي ما اشتقت لي
ورفعت الصوره اللي تجمعهم : بعد بكرا بكمل 19 سنه اول سنه اكون لحالي !!!!!!!!
وبين الصور كانت فيه صوره لـ نايف خذتها من حنان بدون ماتدري رفعتها وقالت : نيوف كلهم راحوا وخلوني انت بتروووح ؟؟؟؟؟!
[ نايف مستغرب ومنصدم شلون وصلت لها الصوره ]
ريما : كل اللي احبهم راحوا وهم يحبوني راحوا / وانت بعد بتخليني تكفى لاتخليني من بعدهم مابقى لي الا انت !
لآتروح وقعدت تبكي < آآآآآآآآآآه
نايف " متضايق ريما تبيني تبي احد جنبها يواسيها وانا عندها ولا اقدر اقرب منها آآآآآآه بس يارب رحمتك
بكى على حاله وعلى ريما : يااااارب متى تجمعني بـ ريما !!!!!!!!!
ونام وهو متضاااايق حدددددده
.................................................. ............
تابع البارت السابع
فتحت ريما الاب توب ولقت ساره سولفت معها شوي تخفف عن نفسها وقفلت منها
عالساعه 10 طلعت الجده وشافت ريما عالاب توب
الجده : ريما لاتقولين انك سهرانه !!!!
ريما : هاااه هلا امي منيره من يقول اصلا انا ما اسهر !!
الجده : ايه زين طيب افطرتي يمه
ريما : لا انتظرك !
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك