رواية خلني داخل حدودك واجبر بخاطر زماني -8
مالك بقهر : احسن ما يذبحك بيوم خله يتأدب ......
:يالله
قمت عشان اصلي........
لمــــــــــــــــــــــار
يالله ...يالله .....يالله ........ياصعب مهمتي ...
:اممممممممممم سارونه قيسي هالفستان..
ساره بهدوئها : ليش
بلعت ريقي بتوتر :امممممممممم بنروح عزومه ...
ساره : مو لازم ..
قطعتها قبل تكمل : الا الا لازززززمين بعد..خوذي يالله بلا دلع ...
لبستها وكشختها ... احس اني اقودك لموتك بس ما باليد حيله ... حكم القوي ع الضعيف............
ساره : ما انتي طبيعيه شفيك..
: هاه..البسي عباتك الساعه عشر يالله.....
لبستها ولبست ...........مرينا على امي اللي نادت ساره وحضنتها وبكت ....
ساره : شـ فيكم !! ..
امي : ما فينا شي روحن.......
سحبت ساره وقلت لامي : يمااا احمد 11 بالكثير ينام
امي : توكلن على الله ....
طلعنا من البيت ...وصلنا ابوي ..عمارة عمر ..كبيره ...نزلنا ودخلنا ..ما نزلت عباتي ..قعدنا وساره بدت تضيق علي من الاسئلة ................الساعه تأشر ل12 ....... سمعت صوت المفاتيح ......تغطيت بسرعه ....وساره تناظرني باستغراب....
: ساره باشوفهم جو والا لسى.......
قمت ..رحت ناحية الباب...يااااه شخص مشهور قدامك .... عمر مرتبك ومالك واقف جنبه منزل راسه لجواله .........سمع صوت جوالي يعلى لاني واقفه قبالهم تقريبا بس على زاويه .......
" أسأل مها عن غزة فلربما .."
انقطعت الرنه ..وهو يرفع راسه .......حتى عمر التفت..فاتح عيونه باين الخوف والربكه ع الاثنين...تقدمت وانا اعدل العبايه على راسي لما شفت يد مالك..ممدوده ..مسكتها سحبني وطلع ....كانت خطواتي ثقيله ...ركبنا السياره ..ومشى على طول........
: كذا نذبحها يا مالك نذبحها ....
مالك لا رد
نزلو دموعي بقهر..اهم شي صديقه واخته بحريق...........
مد علي منديل من عنده : لا تبكين ..
كل ما يعرف اني ابكي تزيد شهقاتي .......زاد نواحي وصرت ابكي بصوت عالي...ما صدقت وقفت السياره ..نزلت بسرعه ..........مشى معاي لين طلعني الغرفه ...............
مالك وصوته مخنوق : ارتاحي ما لها داعي هالدموع ..
رميت عباتي ..رحت الغرفه الثانيه ...بكيت بحرقه ......اللهم اني استودعك ساره يا رب يا رب...........
عمــــــــــــــــر × ســــــــــــــــــاره #..22سنه..#
قريت المعوذات ودخلت المجلس...........
للحين على جمالك ...........برائتك ما مستحها الايام ..........بالعكس زادتها سحر...وانوثه........تنحنحت عشان تنتبه لوجودي .........
رفعت راسها وهي تضم المصحف .. وقفت وقالت وكل ذره بجسمها تنطق بالخوف : تركي
عمر ( حسيت بدمي يفور بس لو اشوف هالتركي ) : السلام عليكم ..انا عمر .. زوجك
ساره ( كانت عيوني تشوف شي وذاكرتي تفجر اشياء ..شفت هالوجه .اعرفه..ومض فكري.نفس هالشخص..كان يقول . سوسو الحلوه.مين اللي يحب عمر ..حبيبتي .يا زينها حبيبت اخوها.بسسسسسسسسس ألتغى كل شي لما نفس الوجه كان يضحك ..وانهالت علي الضرب والشتايم ..اللي قرب مني ..هذا لالا ..رددت بخوف وأنا اغمض عيوني) : لأ لأ تركي لأ ما عرفه
عمر ( مسكت ايديها وخليتها تناظرني ): ساره ساره ناظرني انا عمر ..فتحي ساره ..
فتحت وناظرته بخوف : قلت لك ما اعرفه والله العظيم ..ما كلمته ولا ركبت معاه ..خلني اصلي..
عمر ( استغربت طلبها وابتسمت لها اهديها وانا اجرها لحضني..ضميتها بشوووووووق ..بس نفورها مني خلاني ابتعد..) : لا تخافين ساره ..صدقي عيونك وش شايفه هالحين
ساره ( كانت علامات الاستفهام تجول بخاطري ..هالصوت اعرفه ..وهالوجه اعرفه .. بس وين ومين مادري..كل اللي اعرفه هاللحظه انو نفس الصوت والوجه كانو قدامي لما انضربت على راسي..وفقدت الوعي..قلت استفسر ) : من انت
( ابتسم لي ..ورد : انا عمر سعد صديق مالك ..تذكرين يا ساره ..لما كنتي طفله ياااا مااا حضنتك ولاعبتك ..انت سوسو الحلوه حبيبت اخوها
(فعلا ً هالشخص كان يقول هالكلام..ابتعدت وانا اشوف الوجه يتغير مليون مره ..مره تركي وابتسامته الشريره ومره هاللي يقول انه زوجي..سألت): شلون زوجوني
عمر ( ابتسمت بمراره ..ورديت عليها بتفهم : امممم وقعت عنك ..اناا..احبك يا ساره ومستحيل أأذيك ..شوفي وصدقي اللي تشوفه عينك..انا عمر
( كنت منقهر ..حسيت انو لي يد باللي صار لها بس كيف وليش ماني عارف..قلت لها بعد صمت وفترة تأمل طالت : امممممممم تعالي نصلي ركعتين
ساره ( ترددت بخطواتي بس قلت لان السالفه فيها صلاه ..: ما معاي جلالي
عمر ( ابتسمت لها اطمنها ومسكت يدها بس هي سحبتها بسرعه وردت على ورى ..رديت مسكت يدها ولصقتها فيني وقلت : عندي جلالك وسجادتك..وعندك قلبي تعالي
( كنت لامها واقرى بصدري بعض الايات ..حسيت رغم المسافه القصيره الا انها ارتخت وارتاحت بين ايدي..وصلنا الغرفه وطلعت لها الجلال والسجاده وفرشتهم باتجاه القبله ..ووقفت قدامها لما لبست الجلال ووقفت على السجاده..كبرت بترتيل : الله اكبر
ساره ( مااني مصدقه ..رجال قدامي اللي يصلي ..تركي يصلي..سلمنا وانا اسمع الخشوع بصوته..التفت علي وتربع ..وابتسم ..نظراتي متشتته اشوف شي والواقع شي ثاني..)
عمر ( نظرات عيونها تدور شي تصدق فيه اللي تشوفه ذاكرتها ..مسكت ايديها بس سحبتهم بسرعه وضمت نفسها ..تحمين حالك مني ..اه يالقهر بس..انشدت لها أول انشوده اخترتها وحبيتها لانها تذكرني فيها:
يوم أن كنا صغارا .. كان في القلب أمل..
كنا نلهو لا نبالي .. أينما كان الزلل..
كانت الأرض نشيدا.. فيها ألحان الصبا..
تسكب الألحان شعرا.. عبقريا لا يمل..
ياترى كانت خيالا يوم كنا نمتطي. ظهر صنوان الأماني..
أم تراها لم تزل..أم تراها لم تزل..<< الانشوده لابراهيم الغامدي
ساره( صوته ..وجهه ..هو هو نفسه ..قلت لتركي : والله ما عرفه وبحياتي ما ركبت معاه بس اسمعني
عمر ( اختفت ابتسامتي ..رددت ما اعرفه وما ركبت معاه كذاا مره ........ يعني لي علاقه ....... افففففف ...قلت لها : استعيذي بالله يا بنت الحلال ..انا عمر مو تركي ...ساره ساره..ناظريني
ساره ( ناظرته لماا ناداني ..وقلت بنفسي ..اعوذ بكلمات الله التامات من شر من خلق..اعوذ بالله من الشيطان الرجيم ...عمر عمر....قلت له أأكد لنفسي وعيني : عمر ..عمر
عمر (ابتسمت بفرحه ..وقلت : اي انا عمر عمر
ساره ( سرحت بعييييييد .. أيام أول لما كنت اقعد بحجره ويلاعبني ابتسمت)
عمر(كنت حاس بنشوه فرح عارمه مديت يدي بامسك يده بس ما قدرت فقربت منها وأنا اشوف بعيونها الخوف : رددي ربِّ اني مسني الضر وأنت أرحم الراحمين
(رددت الدعاء بصوت واطي.. حاولت معها الين نجحت اني اجلسها وارميها جلالها ..ظليت اسحب منها الكلام واهدي فيها لحد صلاه الفجر..رحت المسجد .. وبعدما رديت لقيتها متمدده على الكنبه ونايمه شلتها بحذر بس هي فتحت بسرعه :هدي هدي حبي بس كنت باحطك ع السرير
(لاحظت تنفسها السريع فحطيتها ع السرير ورحت ألبس بيجامتي )
ساره (شفته يطلع من الغرفه جلست بسرعه وانا استغفر .. دخل وابتسم وأنا احس قلبي بيطلع من صدري .. جلس جنبي وانحنى علي وباسني على خدي..تنفست بصعوبه وخوف ..مسك يدي وحضنها بايدينه الثنتين وقال لي بصوت دافي : خايفه يا بعد عمري
( ارتحت وحسيت بقشعريره بكل جسمي همست : ما راح تسوي لي زيه
(همس بتأكيد وبصوته ثقه وبعيونه الاصرار : ابدا
مــــــــــــــــــالك
جلست ع السرير بتوتر ..جمعت الخداديات الاربعه ..وضميتهم ..انسدحت بعرض السرير ..قمت ..وقفت ورجعت رميت نفسي..جمعت الخداديات مره ثانيه..واخذتهم ..رحت الكنبه ورميت حالي عليها ..حطيت ثلاث تحت راسي ورحده حضنتها ...افففففففف شسويت يا مالك رميت اختك...بس عمر ..بعد عمر اخوي ......اووووووووف ..جلست ..وانا ارمي الخداديه باتجاه السرير .. واخذت الباقي وسويت نفس الشي ...يا رب الصبر يا رب ..قمت وشفت السماا من الشباك ..ظلمه للحين اطلع يا صبح ........مسحت على وجهي ..اوووووه ...يا رب ...استغفر الله ...وينها ذي بعد ..ناظرت الساعه ..2 وشوي والاخت للحين ما شرفت ..انفتح الباب ..ودخلت لحالها ..مشت باتجاهي..وانا رجلي قادتني لها .. مسحت دموعها ..
: للحين ما اكتفيتي من هالدموع ........
شـ صااااااااااار .. تـــــــــــــدرون .. رمت نفسها علي وحضنتني ........
قالت لي: رميتها بيدي احس اني ذبحتها
ابعدتها وجلستها جنبي ع السرير .. مسحت دموعها وقلت : لا انا ولا انتي ..لنا ذنب ابوي اجبرنا ..........اااااااه
حطيت يدي على راسها وسحبتها......حضنتها ......
ثاني يوم ...
اه تكسرت من نومة الكنبه ...قمت وتغسلت ..ونزلت بسرعه قبل اشوفها ...........الساعه على عشره تقربيا واليوم خميس...
صبحت على امي ..قالت لي : يا وليدي ..توديني لبنتي
: يماا بدري هم بيجون ان شااء الله ..امممم سلام
سمعت امي تناديني : ويين
: شوي وراجع ..
طلعت بسرعه على بيت عمر ..دقيت عليه ورد من صوته مبين انه نااايم
" هلااا
: نايم
عمر : تبي تجي
: اذا ما في مانع
عمر : معك اهلك
:لأ ليه
عمر : زين تعال ...ولا تعلم احد ..عشان نروح القسم ..طيب
: طيب طيب"
سكرت ووقفت حوالي عشر دقايق قدام العماره وبعدها نزلت...دقيت الجرس..والا بسرعه فتح الباب وشدني :اشششششششش
: خير شـ بك ...
عمر : الله يبارك فيك
: نعم !!!!!!!!!!!!!!
عمر : سلم بالاول
سلمت وباركت بدون نفس ..وبعدها سألت باهتمام : شلون ساره
عمر : تعال اقول لك
جلسني بالديوانيه وقال : امممم اولا ساره بخير ..والحمدلله قدرت اسيطر على خوفها مني .....اممممممممممم ااااااااااا ثانيا ااااساره بنت
قلت بدلاخه : هاه شلون يعني ..!!!
بلع ريقه وناظرني بعتب ..فتحت عيوني ع الاخير وقلت : دخلت
هز راسه بايه ..كنت متفاجأ..لسببين ..اولاً لانه قدر يسيطر عليها..وثانياً لانها ظلت على ذمة تركي..فوق السبع شهور.......
عمر : مـــــالك
:هممممممممممممممم
ابتسم باحراج : ما اغتصبتها ..
نزلت راسي ..قلت : اروح اجيب اهلي والا نوديها ونروح
عمر : لالا انت رح البيت وانا اجيبها تسلم ونروح انا وياك ..شرايك
: تم
وصلت البيت ..ودخلت شفت امي وحمودي ..بوسته ولاعبته ..
: وين امه
امي : ما نزلت
: يوووه امس نام عندك ما غثك
امي ابتسمت : لا يماا ما غثني ..زي العسل على قلبي
انحرررررررررجت .قمت بسرعه وطلعت فوق....تذكرت ..يوم جتني لمار وقالت لي
((((((( اسمع يا مالك ..تبي تزوج ما احد مانعك لكن رجاءاً..اجلها شويا ..امي تعبت نفسيتها وما هي راضيه تتقبل العلاج..خذ..مني اللي تبي بس تأكد ان قلبي لا يمكن يغلط مرتين ويحبك..مثل ما حب اخوك..
رديت عليها بعصبيه : لماااااااار شهالكلام
قربت مني وعيونها تنطق قبل لسانها : انا لك يا مالك ..جسد بس بس
مسكتها من كتوفها : انا مو حيوان عايش البي رغبات جسمي وبس ..انا ابي مره زوجه بتفكيرها بعقلها ..بكل شي ..ابي وحده تفهم عليا وتعيش عشاني..ابي وحده تفهمني من نظرتي ..تشاركني همومي وحياتي ...بس ااااااااه ..الظاهر اني منحووووس ...وحده تطلع اختي ومو من زين حياتي معها ووحده تتصنع البرود عيني عينك..انا انا ..افففففف
ردت ببرود بصوتها والحيا وكلام كثير بملامحها : ما اقدر اكون لك ..ما عندي قلبين .. هو واحد ودفنته ...
بكت وكملت : الله يخليك ماني مستعده اخسر امي للمره الثانيه ...تكفى ... يا خذ اللي تبيه مني ..ياا استنى واصبر .........
مسحت دموعها بقل حيله وقلت : روحي يا لمار ..هي امي ومستحيل أأذيها .........))))))))))))
من هذاك اليوم وحنا قدام امي دلع وحركات ومن ندخل الغرفه .....مثل السالب والموجب .متنافرين ...طابت نفسي منها ..وهي ..مكتفيه بولدها وامي وساره..........
وصلت جناحي وفكيت الباب..دخلت الغرفه وشفتها قاعده ومسنده ظهرها للسرير وتبكي...جلست جنبها..ولميتها من كتوفها لصدري
: لمار
ابعدتني وقالت : جااي تكمل علي ... شـ سويت لك انت ..انت......
ظليت ساكت اناظر دموعها...مديت يدي بامسحهم ...بس نفضت يدي وقالت : خليتني اخونه ...هذي خوتك يا مالك..
صكيت اسناني بقهر..ومسكتها من كتوفها وخليتها تواجهني
: اذا كانت خيانتك له ..خياااانه وانتهت ..فخيانتك لي مستمره .........
عطيتها ظهري وقلت : ..ألبسي ساره بتجي..
لبست ثوب وشماغ..وتعطرت ونزلت وهي للحين على قعدتها.........مو هينه علي بس هذي جزاتها ........وصل عمر وانا قدام الباب ..حرقتني الشمس بس باشوفه شلون يتعامل معها..نزل بسرعه ..لابس ثوب ابيض وشماغ ابيض..واتجه لبابها ..فتح الباب ..ومسك يدها ..صحيح ظل حوالي الثلاث دقايق بس المهم ..ظفر ..مسك يدها ونزلها ..........ما يستحي لاصق فيها وهم بالشارع ...ناديته ..وجو دخلو من عندي .......وقف وهو يهمس باذنها ..شوي وعلى صوته ..
عمر : شوفي ساره ..ناظري هذا مالك ما هو بتركي ..شوفي صدقي اللي تشوفينه ..
اكتشفت ان ساره هي اللي لاصقه فيه ...ناظرني عمر وحرك شفايفه بدون صوت ..قلها انك مالك كذا مره..تقدمت بس هي تراجعت ..شفت الاصرار بعيون عمر ..
قلت: سارونه حبيبتي..انا مالك اخوك حبيبك ..ناظريني ساره وش شايفه ..ناظري..
كانت تناظرني بس ..باين ان تفكيرها مشتت....قربت وانا أأكد اللي تشوفه عينها : انا مالك..
ساره ترتجف : تركي لألأ
: ساره اما مب تركي انا ملوووك اخوووك حبيبك يا لعبتي
ساره تناظرني..بتركيز..كملت وانا اتقدم ..: ساره ناظريني ..انا مالك ..انا مالك
ظليت اقولها لين صرت قبالها ..مسكت ايديها وحاولت تسحبهم بس انا شديت عليها وحضنتها ..........
: اشتقت لك ..اشتقت لدلوعتي ..لعبتي..اختي..غاليتي...
عمر يضرب على يدي بخفيف : يالحبيب تراني هنا ...........(كمل باستهبال ).......... اغااااااااار
نزلو دموعي ..وشديتها لصدري : تعرفيني يا ساره ...
ساره بهمس : مالك مالك انت مالك اخوي ..اللييييي ..يقول ....دلوعتي ..بنتي اختي ..صح صح
: يا بعد روووحي ...
فكني عمر ومسح دموعي ..لاحظت عيونه اللي غرقانه دموع ......
عمر: افاااا يا مالك هذي علوم الرجال ....
كنت متمسك بايديها ..تركتها وحضنت عمر وقلت : مديوووووووون لك بعمري كله يالغالي........
فكني عمر : ملووووووووك تماسك ..بتبكيني ترى ...
رص على عيونه وقال : خذها داخل ..
مسكت يدها وانا اشوف عيونها ..تروح بيني وبين عمر ..باستغراب..لميتها من كتوفها وهمست باذنها وانا امشي :
يا شعر عطني من نزف الاحساس # وصل لها يا شوق من الشعر ترانيمه
علم غلاي اني لها حيل مشتاق # علموها انها حروف الشعر ومضامينه
ناظرتني وابتسمت ....فتحت الباب..شفت لمار جالسه بصالة الاستقبال ..لما شافتني ..فتحت عيونها للاخير ..وابتسمت .......
لمـــــــــــــــــــــار
ع قد الجرح اللي بخاطري ..الا اني فرحت من كل قلبي لما شفت ساره..لاصقه فيه ..على الرغم من ان عيونها تنطق بالخوف ..بس مكانها جنب اخوها ..يخلي كل خلايا جسمي ترقص فرح..تقدمت وسحبتها حضنتها وبادلتني ..
حضنتني بقوة وقالت : وينك
: هنا يا بعد قلبي..
قال لي مالك بصوت هااادي ولاول مره اسمعه لايف ..: سوو قهوه للرجال ..
طلع وانا وديت ساره لامي وسويت قهوه ..دقيت على مالك وعطاني مشغول ..دقيقه ودخل من الباب الخلفي ..
مالك مبتسم:همممممم
عضيت على شفتي بقوة ..ونزلت راسي : تفضل ..
مسك يدي وناظرها وهو عاقد حواجبه ..تركني واخذ القهوه وطلع .........ناظرت يدي ............ما فيها شي..........طلعت وقعدت عند ساره اللي حضنتها امي وما رضت تفكها ..افطرنا وجلسنا وساره هدوئها هو هو نفسه ...........بعد صلاة الظهر قعدنا شويات ..قمت للمطبخ وسويت الغداا ...
سمعت صوت مالك : الغداا جاهز
التفت له ويدي على صدري لانه افزعني : بسسسم الله
سوى نفس حركتي ..وقال باستهبال : بسم الله عليك يا حلوه ....(كمل وهو يغمز)....يا سلام ع الاحمر ..شفايف كرز وبلوزه كرز ......
خدودي ولعو ناااااار .........بلعت ريقي..وصديت عنه بسرعه ..بس هو كمل برواقه : حتى الخدود لالالا ذي فيها قبايل......
لفني لجهته بقوه ..وانا صرت اتلفت خايفه الشغاله تشوفنا .......:لا تخاف يا حلو صرفنا العذال..
نزلت راسي لاني لاصقه فيه ..ابي مسااافه بس ..والله لاوريه شغله ......باسني على خدودي........
: مالك اتركني ... ما ابيك ما ابيك
ابعد عني وقال وهو يرفع كتوفه : حتى انااا ......وين الغدااا
: ثواني وارجع خذه
بعد الغداا..
دخلت المجلس لقيت ساره ...جالسه بين ابوي ومالك ..جلست جنب امي ..بعد ما صبيت الشاي ..
سألت امي بهمس : عمر راح ؟؟
امي ردت بصوت واطي : اي يماا قال العصر اجيها
رفعت عيني شفت مالك يناظرني ..ابتسم .. وانا نزلت راسي ...ثووواني وسمعته يغني : دلوعتي الورد اقبلت
يا سِماا نورييي
ياا سِمااا نورييي
يا معلمه الشوف الغزل
يا خجووول العيين
يا خجوول العيين
صار يطبل على الطاوله ..وانا عيني مو قادره ارفعها ..
مُري ع دق الدفوف
واحتفاااال الطيييب
مُري ع رموش السهررر
يالغلا مُريييي
يالغلااااا مُررريييي
ابوي : يا سلااااااااااااام غزل علني هذااا..خف ع البنت شويا ..ما تشوف عيونها لاصقه بالارض.....
وقف ولدي عند رجلي .......ما قدرت اشوفه ......قمت بسرعه وطلعت ............ما تعديت المجلس الا وباب البيت ينفتح ..ناظرت الساعه تقريبا ع الثلاثه ..دخلت عمتي ام ماجد..وطبعا اذا اجتمعو بناتها لازم تمرنا ساعتين ع الاقل بمثل هالوقت ..معها نهله وبنتها عبير..وفايزه ولدها فارس والصغير فراس ..وفااااااطمه ... على كثر ماني محتقرتها على كثر ماني مشتاااقه لسواليفها الهبله..انا وهدى نعرفها زين لانها كانت ساكنه الرياض لما كانت زوجه لمالك قبل ما تتذكر قريبه ام مالك انهم اخوان بالرضاعه وشهدو معها اكثر من نص قرايبنا اللي بالرياض لان مالك اتزوج بدون طقطقه لان جدته ام مشعل أبو مالك توها متوفيه.........قربت منهم..وسلمت..ودخلتهم ..الجو صااار فلله ..خصوصا مع لجة البزران ...بعد ما رجعو ابوي ومالك من الصلاه ..كنا نتقهوى وطبعاً انا ما اناظر جهة مالك خير شر.....بس تكلمت عمتي وعيني تعلقت بتصرفاته ...
ام ماجد : يا جماعه ..فاطمه حااامل
انكب الفنجان على يده وعقد حواجبه..رفع عينه وتعلقت بعيني...بلع ريقه ونزل راسه وقام وهو يتصنع الابتسامه ..
مالك : لاه مبرووووك ان شاء الله.. الله يتمم لكم بخير ..باروح اغسل يدي..
لا تسألوني ليش بس قمت وراه ..شفته يغسل يديه ..بس انه يناظر بعيييييد ..دق جواله مرتين ولا رد...قربت منه ..وحطيت يدي على كتفه وناديته حول الخمس مرات ..
:مــــــالك
اخيرا ً التفت علي وقال : همممم
: جوالك انحرق..
مسح وجهه بيديه بعد ما جففهم ..وطلع الجوال..وهو يسحب يدي..استغربت شعنده على يدي ذااا ..سمعته يقول ..وانا منزله راسي وعيوني للارض ..
" هلاااا ...وعليكم السلام... كنت بالحمام ... اففففف زين عموور ...ابشر ...لالا عندنا اهل عمتي ...ايه ...طيب مع السلامه"
رفعت عيني..ناظرني نفس النظره اللي ما افهمها ..سحبت يدي
قلت ..: تضايقت
رد بهدوء ..: لأ ليش..
: امممم مادري لانك كنت متزوجها ثلاث سنين وهالحين بعد شهر جايين يقولون انها حااامل..
ابتسم وسحب يدي وباسها ..وقال : يا ليت قلبي لي مثل ما هو علي...
نزلت راسي ..وسمعته يقول : الله كريم
باس راسي وتعداني...ناديته احس اني خبله بس قلت لازم يتذكر
: مالك ...
التفت علي وقال : تدرين توي احس ان اسمي بهالحلاوه ..سمي
ضاعت علومي ..نزلت راسي ..وسكت ..قرب مني ورفع راسي ..قال لي : شـ عندك..
ابعدت يده وقلت : اممممم ابيك تتذكر شي.. وتنسى شي..
مالك وهو يلعب بشعري باطراف اصابعه : اللي هم..!!!
: تذكر انها اختك..وانسى زوجتك ..فاطمه اللي تزوجتها ماتت يا مالك حرام عليك ..تناظرها انها للحين طليقتك..
قرب مني وهمس باذني : الله لا يخليني منك يالغاليه...
باسني على راسي.. وطلع ..التفت ع المرايه ...يا ويلي وجهي صاير طماطه من الحمااار ...رجعت للحريم ..للحين يسولفون عن فاطمه ..فجأه لقيت السالفه انصبت علي
ام ماجد : وانتي يا ام احمد ما صار شي
رديت ببلاهه : هاه
نهله : لاه ما هي معنا مره
:وشو اللي صاار
فايزه : نسألك ما صار معك شي ..ما حملتي ..
:لالا لسى بدري عليا
نهله بدون رضااا : ولدك ما كمل سنتين ..
: ليش عبير كم عمرها ..
نهله : انا حملت ورى عبير ..بس سقطت ..والحين اعالج ...
: اها ..بس ولو لسى بدري عليا ..
امي هالمره تكلمت : لا يماا مو بدري .. اذا كنتو تمنعون بطلووو ابي اشوف عيال مالك قبل ما تغمض عيني ..
: اسم الله عليك يالغاليه ..وبعدين ليه مستعجلين الله كريم ......
دق جوالي " مالك يتصل "
رديت عليه بسرعه " هلااا
مالك : يا هلا بهالصوت ..
قلت بعتب : مـــالــك
مالك : عيوونه..
رديت وانا اتصنع البرود : نعم ..شـ تبي
مالك : اممممممممم طلعي ساره..
: ابشر .."
سكر الجوال ..
: ساره عمر برااا
بلعت ريقها وعقدت حواجبها ..
تكلمت نهله : سارونه ..دخل
فتحت عيوني للاخير ..وساره ناظرتها ..نظره بعييييده ..قربت منها وسحبتها وراي..ناديت الشغاله ..جابت لنا عبايتها..
كانت تلبس وقالت لي : لماار
: يا عيونها سمي
قربت مني وهمست باذني : دخل ..
انصدمت ..وهي كملت : خلاني اشوفه واصدق عيوني ..ضميت اخوي ..بسسسسس يوسف راح وما ضميته ...وين حمودي...
بلعت ريقي..وناظرت وجهها ..
همست : ساره..
قالت لي : احس نص عقلي رجع لي..والباقي رااااح ...
دمعت عيني ..مسحت دموعي بيدي ..قالت: بكره اجيك واقولك كل شي ..طيب......
: ان شاااء الله ..بامان الله......
وصلتها عند باب الحديقه ..طلعت خطوه لورى وخطوه لقداام ..سكرت الباب..حسيت بيد تجرني..التفت ..شفت ..مالك..: تعالي شوفي
رحت وراه ..وقفني ورى باب الملاحق الخارجي ..وشفت عمر واقف عند السياره ..ويتكلم مع ساره ..اللي حاطه ذراعها تحمي نفسها..شوي ..نزلت يدها..وشفت عمر يهز راسه..ركبها وركب...انطلقت السياره..بس انااا ..نااار ايديه على خصري...لفني..وانا منزله عيوني ..
قال لي : تروحين نتمشى
ابعدته وقلت : لا تصدق روحك يا مالك اهتمامي فيك انت تشوفه شي وانا اشوفه ولا شي فاااهم ولا شي........
مشيت وخليته............
مــــــــــــــــــالك
كسرت بخاطري بس ما عليه ...الله كريم ...طلعت من البيت كلي اصرار وتصميم على باللي اسويه .........
رجعت البيت بقايا انسان ..كنت هااادي فوووق العاده ...اخذت دش ونزلت دخلت المجلس وجاني حمودي ..جلسته بحضني ولاعبته.... كانت لمار وامي يتكلمون ... شويات وشفت كوب عصير قدامي ..رفعت عيني وشفت لمار .. ابتسمت من دون نفس واخذته ... سميت بالله وشربته ..
كنت سرحااان .. نبهني صوتها الناعم ..
: هممم
لمار : ما تبي تنام الساعه 1 وانت قاعد كذاا
: انام ..ليش انام ..عشان اصحى على هم جديد وجرح جديد
لمار : تعوذ من ابليس وقم صل ركعتين ..ريح عمرك ..من ثلاث ساعات على نفس القعده ..
قمت ..صليت ..ورحت الفراش على طووووووووووول..
ثاني يوم
كنت جالس بالمكتب اراجع اوراق الارشاد..كان الباب مفتوح..وشفت لمار..تسولف ولدها وتبوسه..ناديتهاا..ناظرتني وهي رافعه حاجب..وتقدمت..
قلت لها : اجلسي باتكلم معاك
لمار : اللي هو
:حياك تفضلي..
جلست مُكرهه..وبديت اتكلم معاها عن اوضاع الطلاب..اللي عندي..
: شوفي بالله اقري هالمشكله..
نزلت ولدها..وبدى الاهتمام يبان عليها..عقدت حواجبها وقالت : معقوووول في ناااس للحين تفرق بين اولادها..هذااا من صدقه والا يلعب..
: لا جد والله ..شـ رايك
ردت بجديه : لازم تتكلم مع ابوه حتى لو اضطريت تروح له البيت ..حررااام الولد تعقد..يا حووول
: امممم طيب..شوفي ذاا وذااا..مادري شـ اسوي معهم..
اخذت الاوراق..وانا نزلت راسي اكتب رد على احد المشاكل..
لمار : مالك ..يا ويلي من صدقهم ذولاااا شف ذااا وش كاتب..يا حرااام
رفعت راسي وقلت : من ؟؟
ردت : مو مكتوب الاسم..
مديت يدي وعطتني الورقه ..سحبت نظارة القراءه ولبستها..
لمار باستغراب : من متى عندك نظاره ؟!!!
رفعت راسي وانا عيني للآن للورقه : همممممم شـ بغيتي
لمار : من متى عندك نظارات
: بس للقراءه واحياناً ألبسها اذا طولت
لمار : اها
رفعت عيني وابتسمت وغمزت لها : حلوه علي
ابتسمت وخدودها صارو حمر : الله يخليك ويبقيك لعينن ترجيك..
: اووووو شكراً شكراً مدام مالك
لمار قوست فمها بابتسامه ورددت : مدام مالك
: اممم ليش ما تعتبرين نفسك مدامتي
لمار رفعت حواجبها وقالت بدون رضى : مجرد صوره
غمزت لها..وعضيت شفتي بابتسامه..بلعت ريقها وصدت الصوب الثاني بقوة ..وشعرها تحرك معها بشكل حلوو
قلت لها : يعجبني شعرك..لون ونعومه..ما شاء الله..حتى طريقة تعبيرك عن حياك تعجبني..
نزلت راسها ووقفت..قلت لها : وين استني بالله قاعدين نسولف
ردت : السوالف بدت تقلب
: خلص توووبه بس اقعدي .. ساعديني..بس هاه الحق ما ينزعل منه
لفت علي وقالت : اي حق !!
: اقعدي بس يا حبك للمناقر
من كثر من اندمجنا..ودت ولدها لامي..وجابت كرسي ..وجلست جنبي..كان احلى يوم بحياتي..تناقشنا باشياء كثيرره..كنا نتفق على اغلب المشاكل ..ونختلف على اشياء كثيره....حتى لما دقت امي علينا عشان العشااا..كنا نسولف وحنا نازلين من الدرج..حتى لماا رحنا ننام..نومت ولدها وتركت ووجهها لي..وانا نفس الشي..ظلينا نسولف ..لين آخر شي..
: خلاص لمووور وربي مو قادر افتح عيني من النعس
لمار تتثاوب : تصبح على خير
: وانتي من اهله يا قلبي
بعد ثلاث اسابيع
بعد صلاة العشااا
رديت البيت ..الدنياا سوداا بعيني .......عمر راح لماليزيا ..عرسه كان بس حفله للرجال ..احيوها الفرقه اللي يشتغل فيها عمر حتى عمر انشد فيها ..كنت منزل راسي ..وافكر ..صدمت بادمي ..رفعت راسي ..شفت ابوي ..
ابوي : انت تنام ما تسرح..تعال ابيك
رحت وراه ..دخلت المكتب ..جلست قباله وانا ساكت..
ابوي : اسمع ..انت تدري اني ارسلت تقارير امك للخارج ..
هزيت راسي بايه ..ابوي كمل : ردو والموعد بعد شهر تقريباً............ مالك على بلاطه ...انت لازم تترك شغلك ... وتقابل الشركه ..احتمال علاج امك يكون شهر شهرين ..الله اعلم..
وقفت وناظرت ابوي ..وهمست: يبااا ..تبي تذبحني ..
ابوي بتفهم : يا ابوك افهمني ..انااا ماقدر اخلي رزقنا كذاا..الله يرحم يوسف ..درس واشتغل معاي..
: بسسسسس انا ما درست ادارة اعمال ..ولا اعرف ..
ابوي : قلت لك معنا شهر..عشان خاطري يبااا الله يرضى عليك ... خلال يومين لازم تترك شغلك.....
طلعت ..زي الاهبل ..ضغطت ع المصعد ..ورحت فوق..دخلت المكتب ..كنت اتهرب من لمار لاني بديت اضعف..تعبت من دور المصلح بالمدرسه وبالبيت...بس انا الحين محتاج احد يوقف معاي...سكرت الباب بقوة ...جلست ورى المكتب..
دفتر التحضير واقلام السبوره..اوراق الامتحانات...حطيت يدي ع المكتب ..ورميت كل شي فوقه ........
: وينك يااا عمر.........اااه
رحت الرفوف ..شعر شعر شعر ...رميت الكتب من الرفوف ..بكل اتجاه ...........
: خلااااااااص راح كل راااااح
وقفت ورى المكتب وسحبت الادراج ورميتها ...رفست الكرسي...ورحت للرفوف..ورميت كل الكتب...
: ما في فايده كل شي راااااااح كل شي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك