رواية قتلهن الطيش وأحياهن الحب -26

رواية قتلهن الطيش وأحياهن الحب -26

الـجــــزء الثــالث عشــــر

مدخل

لا تلوميني فغيرتي تقتلني

وترمي بي في كل زوايا الغضب

فلتسامحيني ارجوكِ

وليد جالس بغرفته انطق الباب ودخلت امه .. السلام عليكم

وليد منسدح : وعليكم السلام ..هلا يمه

ام وليد: شلونك ؟!

وليد: ماشي ..تمام

ام وليد تجلس جنبه وهو يقوم يتربع ...ام وليد: كلمتني قبل يومين ام فهد

وليد بإهتمام : ايه ..ووش قالت ؟؟ واافقو؟!

ام وليد تبلع ريقها : لا يمه ماوافقو .. تقول ان البنت رفضت

وليد انصدم اللي في باله ان لوجين تحبه : ليش يمه رفضت ؟!

ام وليد: والله امها تقول انها ماتبي تتزوج ورافضه هالفكره وتبي تكمل دراسه واسباب ثانيه ماصرحتلي بها

وليد وباين في عيونه الزعل : بس انا ابي هالبنت

ام وليد : كل شي بهالدنيا نصيب والمدينه مليانه بنات .. انا بشوفلك احسن منها

وليد : بس انا ماابي غيرها .. سكت شوي وقال : يمه نخطبها مره ثانيه

ام وليد : لا ياوليدي خلاص واضحه .. ماله داعي يردونا مره ثانيه

وليد قام يبي يطلع من الغرفه ...

ام وليد خافت عليه : وين بتروح ؟!

وليد: لجهنم الحمرا .. وطلع

,,,,,,,,,,,,,,,,,,,,,,,,,,,,

بعد عده اسابيع في بيت ابو عبدالعزيز البيت مليان ناس واقارب وجيران .. نور بغرفتها مع لوجين و هند وعبير ..

نور جالسه على الكرسي ومرتبكه وايدينها ترجف ودقات قلبها تنسمع .. ولوجين واقفه على التسريحه : ياااربي هنوده وش اسوي

هند : لا تسوين شي .. وتناظر لوجين ونور : هيي انتم وش فيكم ؟! تقول احد بياكلكم .. افردو وجيهكم .. ماكأنكم عرايس..

طبعا اليوم كان ملكه ماجد على نور وعبدالرحمن على لوجين وخلوها بنفس الليله عشان تكون الفرحه فرحتين ..

نور ولوجين كانو لابسين مثل بعض .. فستان وردي فااااتح طويل بدون اكمام وحرده صدر مطرزه باللون الابيض على شكل وردات .. هذي جهه الصدر بعدها ينزل الفستان للأرض بنفشه بسيطه وذيل طويل الذيل عليه نفس التطريز الابيض .. نور كانت رافعه شعرها تسريحه حلوه وبسيطه وطوق الورد محليها بشكل كبير .. اما لوجين كانت رافعه شعرها والورد محطوط على جنب واحد .. وكلهم بعد نفس المكياج الوردي بدرجاته ..

عبير تكلم نور: وقفي شوي خليني اضبط لك الورد

نور وقفت على دخله سعاد ..سعاد شافتها: بسم الله ماشالله حولك وحواليك ..طالعه قمر

نور استحت : تسلمين ..

سعاد تناظر لوجين : لولو لفي علي زين ..

لفت لوجين وقالت سعاد : قماري لا اله الا الله .. حصنو انفسكم قبل الزفه سامعين ..

نور ولوجين : طيب ..

الا هذي هدى تدخل : هااا حبيبتي جهزتي ... ماشالله ماشالله ( قل اعوذ برب الفلق)

لوجين : ماما خايفه

تروح لها هدى : لا تخافين .. خليك طبيعيه...

شوي و هدى وسعاد يطلعون عشان الناس اللي تحت ..

بعد دقايق هند تنتبه لنور اللي عيونها تدمع غصب عليها .. وقفت قدامها وبيدها مناديل تمسح لها دموعها عشان المكياج : نونو حبيبتي بتخربين مكياجك ..

نور وتزيد صياح : غصب علي ..

هند: ياااربي نور خلاص بيخرب كل شي .. كلها دقايق الناس مابتاكلك

نور: مو عشان كذا

هند: اجل ؟!

نور: وين ماما في يوم مثل هذا ؟؟؟

الكل ناظرها ودمعت عيونهم ... عبير تقوم لها وتضمها: حبيبتي صدقيني خالتي معنا اللحين وفرحانه مثلنا واكثر

نور تحاول تمسك دموعها على دخله جنان وضي والهنوف ناظروهم ..جنان: عمه نول انت علوسه ( عمه نور انت عروسه )

نور تناظرها وتبتسم : ايه

ضي وقفت قدامها : ماشالله شكلك يجنن

نور: والله جد

ضي: والله .. وتناظر لوجين : ماشالله تبارك الله .. كأنكم اخوات

هند يالله ابنزل اتأكد من الشريط حق الزفه واجيكم ...

نزلت وبعد شوي طلعت ودخلت الغرفه : يالله جاهزين ؟!

نور ولوجين ماسكين ايدين بعض : ايه

هند : اجل ايلله تعالوا...

,,,,,,,,,,,,,,,,,,,,,,,,,,,,

في مجلس الرجال ماجد وعبدالرحمن جالسين على الكنب جنب بعض مرسمين ولابسين البشوت وباين انهم هم العرسان ..

عبدالرحمن يناظر ماجد: مبروووك يالنسيب

ماجد: الله يبارك فيك .. ومبروك لك بعد

فهد يوقف قدامهم : مبرووووك

عبدالرحمن : الله يبارك فيك ..عقابلك

ماجد : الله يبارك فيك .. وعقبال مااشوفك بالبشت مثلنا

فهد : ان شالله ..

سعود : يناظرهم ومبسوووط ملك ولده وبنته بنفس الليله .. الحمدلله عسى الله يوفقهم

صالح جى وقف يمه : مبروووك .. الله يطول بعمرك وتشوف أحفادك واحفاد احفادك بعد

سعود يضحك " امين

عبدالله يروح لعبدالرحمن وماجد : مبرووك ياشباب

عبدالرحمن وماجد : الله يبارك فيك

,,,,,,,,,,,,,,,,,,,,,,,,

وليد يكلم خالد: رايح انت

خالد : ايه والله مجبور اروح لزمو علي

وليد وكله قهر : اجل يالله روح مع السلامه

خالد يقفل منه : مع السلامه

وليد بسيارته يدور ودموعه بعينه لوجين اليوم تملك على واحد غيره ومن هالواحد عبدالرحمن خويه .. قهر

,,,,,,,,,,,,,,,,,,,,,,

نور ولوجين واقفين على اول الدرج والربكه واضحه على وجيههم واشتغلت الزفه وكانت الصلاه علىالرسول ( اللهم صلي وسلم على سيدنا محمد ) طول الزفه وهم واقفين اللين انتهت بعدها اجتمعوا مجموعه بنات يعوفونهم مع هند عند اسفل الدرج وبصوت واحد .. الف الصلاه والسلام عليك ياحبيب الله محمد ويغطرفون .. وحده وحده وحده ..نور احلى وحده ..واحد واحد واحد : ماجد احلى واحد ..هنا ابتسمت نور ... وحده وحده وحده ..لولو احلى وحده ...واحد واحد واحد ..دحوم احلى واحد .. ويصفقون .. نور ولوجين ضحكوا لهم ..واشتغلت اغنيه .. الليله ماهي مثل كل الليالي ..الليله فرحتنا ولا في مثلها ..كلن تجمع كلن بجد غالي ..يالله تسعد هالقلوب واهلها.. ليله جمعتنا بالفرح والمحبه ..ليله جمعت كل الحبايب معانا ..مادام جابت من نبيه ونحبه ..من مثلنا في فرحنا في لقانا ..)

مع هذي الاغنيه نزلت نور ولوجين من الدرج اللين وصلو للكوشه الصغيره والناعمه اللي مجهزينها وجلسوا عليها ... هند تناظرهم من بعيد وتبكي .. دموعها اكيد كانت دموع الفرح .. رن جوالها بيدها ..وشافت الرقم حسن : هلا والله

حسن : هااقلبي شلون الاوضاع عندكم ؟!

هند تصيح : مررره فرحاااانه لهم الله يوفقهم يارب

حسن : عقبالك يارب

هند : عقبالي ولا عقبالنا

حسن : لا عقبالك انت بس

هند سكتت وردت قالت : ان شالله

حسن : يالله مع السلامه اخليك الحين

هند : اوكي..باي وتقفل منه

,,,,,,,,,,,,,,,,,,,,,,,,,,,,

وليد مار بسيارته من عند بيت ابو عبدالعزيز وشاف السيارات والناس والانوار واصوات الاغاني طالعه للشارع وقف عنده .. فتح درج السياره وطلع عطر تعطر ونزل....

,,,,,,,,,,,,,,,,,,,,,,

هند وسعاد وهدى وضي وجنان والهنوف كلهم يرقصون وجود من بعيد تصفق لهم وتشجعهم مع قروب بنات.. وتقرب سعاد لنور ولوجين وتقومهم يرقصون معهم .. قاموا وهم مستحيين بالحيل يادوب رقصو شوي وردو جلسوا ..

نور ناظرتها : مبروك لولو

لوجين : الله يبارك فيك.. مبروك لك انت بعد

تجي لهم هند : وش يعني .. صرتوا عرايس تتكلمون بدوني

نور ضحكت لها : ياقلبي انت عقبالك يارب

لوجين : امين .. ان شالله في العرس تكون ملكتك قولي امين

هند : ان شالله ..

,,,,,,,,,,,,,,,,,,,,

عبدالرحمن يسولف مع عبدالعزيز وماجد وفهد ..الاصوت قال : مبروووك

ناظروه الشباب وتفاجئوا ... وفهد ناظره باستغراب : الله يبارك فيك

وليد : الله يتمم لكم على خير ..

عبدالرحمن : عقبالك

وليد : ان شالله .. قلت مايصير اخوياي يملكون وماابارك لهم

فهد : اصيل ...( طبعا صارت حزازيات بين الشباب ومشاكل مالها اول من تالي بعد معرفه وليد ان عبدالرحمن هو اللي بيصير زوج لوجين .. وعشان كذا ماتوقعوا جيته لهم)

لمحه خالد وهو طالع من الصالون وتفاجئ شلون جى لهم ..قام بسرعه لحقه ووقفه : وليد

وليد التفت : نعم

خالد : شلون جيت انت ؟!

وليد : بسيارتي شلون يعني

خالد : بس قلت انك مابتجي

وليد : غيرت رايي باللحظه الاخيره .. عن اذنك ... وراح

,,,,,,,,,,,,,,,,,,,,,,

بنفس اللحظه عند الحريم هند كانت طالعه من المطبخ .. الا تدخل من الباب بنت ..

ناظرت هند بس بما انها مغطيه ماعرفتها .. وراحت لها .. هلا والله

هند يوم شافت وجهها شهقت : ندى

ندى نفس رده الفعل : هنننند

هند ارتبكت واول شي خطر في بالها انها تعرف كل شي بينها وبين حسن : انت شلون جيتي

ندى ضحكت : شلون شلون جيت .. جيت عادي .. بس انت وش اللي جايبك ؟! العروس ولا العريس يصيرون لك ؟!

هند: لا .. هذي ملكه نور ولوجين .. نور عزمتك

ندى رفعت حواجبها : والله صدق .. انا الصراحه مااعرف احد هنا .. بس حسن اخوي قالي انها ملكه خوييه وقال لازم تروحين لأنه ملزم عليه

هند مصدومه : واخوك حسن برا مع الرجال

ندى : ايه ..

هند تداري صدمتها : هلا هلا والله الله يحيك .. سبحان الله يالصدف ..

ندى تضحك : والله انك صادقه .. وتدخل ... هند انتظرت اللين ضيفت ندى ..وبعدين بعدت عنها واتصلت على حسن ...

حسن رد على طول وهو يضحك لأنه عارف وش سبب هالاتصال: هلا والله قلبي

هند : حسن انت برا ..

حسن : لا

هند : شلون تجيب ندى .. والله انك موب صاحي .. وبعدين هي تقول لي انك برا

حسن : لا ماني برا بس قلت لها اني بدخل عشان تصدق ان المناسبه هذي لخويي

نزلتها ورحت

هند تضحك : والله انت عليك حركات ..

حسن : وش اسويي ودي اعيش جوكم ..قلت اجيب ندى عشان لا طلعت تقولي كل شي بالتفصيل واعرف حبيبتي وش لابسه وكيف شكلها ..

هند تضحك: واللحين انت وينك ؟!

حسن : قدام عينك

هند : ههههه طيب يالله باي خليني اروح لأخت حبيبي ..

حسن : اوكي .. باي حبي

هند : باي .. وتقفل منه وتروح لهم ....

,,,,,,,,,,,,,,,,,

بعد نص الليل وبعد ماالناس راحت ومابقى غير اهل المعاريس .. طلبوا ماجد وعبدالرحمن انهم يشوفون عرايسهم ويجلسون معهم شوي .. وطبعا محد اعترض .. كل اثنين جلسوا في صالون لحالهم ..

عبدالرحمن جالس جنب لوجين : مبرووك

لوجين تناظر الارض وبهمس : الله يبارك فيك

عبدالرحمن : ماتتخيلين وش كثر مستانس .. ماني مصدق ..مدري انا بحلم ولا علم .. لوجين اقرصيني خليني اتأكد

لوجين ابتسمت له : لا بعلم

عبدالرحمن قرب لها اكثر: فديت هالابتسامه

لوجين ارتبكت وبعدت عنه ..

عبدالرحمن : وش فيك خايفه ..خلاص انا اللحين زوجك

لوجين ساكته ...

عبدالرحمن سحب ايد لوجين وباسها: احبك ..

لوجين وميته خجل سحبت ايدها : وش تسويي انت ؟!

عبدالرحمن يبتسم لها : اشششش انا زوجك ...

,,,,,,,,,,,,,,,,

ماجد جالس هو و نور على الكنبه الطويله وكل واحد منهم في جنب بعيدين عن بعض ..انطق الباب ودخلت هند وضحكت : مبروووك

ماجد : الله يبارك فيك

هند تضحك: وش فيكم كذا واحد بشرق والثاني بغرب

ماجد : تعالي شوفيلي حل مع خويتك من اليوم اقولها تقرب موب راضيه

نور طبعا وجهها الوان من الاحراج

هند تقرب لها : نونو حبيبتي ..

نور بصوت واطي: هند اسكتي احسن والله ترى ببكي

هند هنا سطحت .. بس كتمت لما شافت عيون نور اللي بدت تدمع وقالت : خلاص خلاص .. هند تناظر ماجد : انت اصطفل معها ..انا طالعه .. وطلعت وقفلت الباب ..

ماجد قام وجلس جنبها : نور وش فيك؟1

نور ماتناظره : ولا شي

ماجد : منت فرحانه انك صرتي خطيبتي الحين

نور ماردت ..

ماجد مسك وجهها ورفع راسها وصارت عيونهم بعيون بعض .. : ماتوقعتك حلوه لهذي الدرجه .. ولا توقعت عيونك فيها كل هالجمال ..

نور نزلت عيونها بس ماجد قال : ارفعي عيونك وناظريني لا تستحين .. ناظرته .. قال لها : الحمدلله اللي حقق لي مناي .. تدرين لو ماخطبتك بهالايام كان مت .. لأن حبك صاير يزيد من حاله وانا قلبي ياالله يتحمل ..

نور انحرجت ونزلت راسها .. ضحك ماجد .. ورفعه مره ثانيه : نور

نور تناظره ..

ماجد : ردي قولي نعم .. ابي اسمع صوتك ..

نور بصوت واطي: نعم

ماجد ابتسم : اوعدك .. بحفظ الحب اللي فينا واسعدك .. واعيشك دنيا جديده تعجبك .. قرب راسها لراسه وباسها من الجبين ..

,,,,,,,,,,,,,,,,,,,,,,

بعد مده ...

ماجد : اوووووف انت ماتفهمين ..اقولك انا خلاص خاطب وبتزوج قريب

ود تصيح : يعني انت تكذب علي .. ماكنت صادق معاي ..

ماجد: كنت صادق يابنت الحلال بس النصيب ماجمعنا

ود تصرخ : كذاااااااب ...

ماجد: لا حول ولاقوه الا بالله ...

ود تصيح... ماجد: ود افهمي الله يخليك .. خلاص حنا انتهينا افهمي هالشي وحاولي تتأقلمي على فرقاي وغيابي انا من زمان قايل لك بتزوج

ود: اجل وينه الحب اللي كنت تقولي عنه ومعيشني فيه

ماجد انفعل : ياااخي طيش لعب ماكنت احبك صدق خلاص عرفتي الحين .. وقفل الخط بوجهها ... باب الغرفه تطقه هند وتدخل : مرحبااا ...لاحظت وجه ماجد احمر وباين ان فيه شي

ماجد بدون لا يناظرها : اهلين

هند: وش فيك .. ؟

ماجد : ولا شي .. وش تبين

هند : ولا شي بس كذا مريت عليك

ماجد مارد عليها ... وقفت هند شوي وبعدها لفت تبي تتطلع الا ناداها ماجد: هند

هند التفتت له: نعم

ماجد : اقفلي الباب ابيك شوي

هند قفلته : وش تبي

ماجد : ابي اقولك شي

هند: وشو

ماجد : ابيك تساعديني ... هند تسمعه ... هند انا كنت اعرف بنت قبل اخطب نور واحبها .. وهالبنت الحين موب راضيه تقتنع اني انا بتزوج وبتركها .. ولازالت تتصل كل يوم علي وتصيح ..

هند بإهتمام : طيب

ماجد : ابيك تكلمينها .. تفهمينها اني انا موب لها

هند بتردد : وش اقول لها

ماجد : قوليلها انا اخت ماجد وماجد خلاص بيتزوج والنصيب ماجمعكم ومن هالكلام خليها تصدق اني انا برتكها

هند : اوكي .. متى تبيني اكلمها ؟!

ماجد : الحين ..

هند : وش اسمها ؟ّ

ماجد : ود

,,,,,,,,,,,,,,,,,,,,,,,,,,

رن الانتر كم في بيت ابو عبدالعزيز ... فتحت الباب الخدامه ولقت كيس صغير مقفل زين ... اخذته ودخلته كانت نور بالصاله

نور: من عند الباب

الخادمه : مابي اهد بس هدا كيس ( مافي احد بي لقيت هذا الكيس) تعطيه نور وتروح

نور لفت الكيس بيدينها وناظرته لقت مكتوب عليه ( يسلم الى عبدالرحمن ) استغربت ..قامت وطلعت الغرفه لعبدالرحمن طقت الباب ودخلت ..لقته منسدح على السرير وتوه صاحي

نورتهزه : عبدالرحمن صاحي؟

عبدالرحمن :: هممم ..

نور: شوف هالكيس مدري من جابه عند الباب مكتوب عليه يسلم الى عبدالرحمن ...

عبدالرحمن كشر: وشو هالكيس

نور: ماادري مافتحته

عبدالرحمن يجلس : هاتيه اشوف

عطته نور وهي واقفه عنده ...

عبدالرحمن يفك الكيس .. وشو هذا ؟!..

,,,,,,,,,,,,,,,,,,,,,,,,

لوجين بغرفتها منسدحه نص سدحه على السرير وحاطه على وجهها خلطه للبشره .. وماسكه جوالها ارسلت لعبدالرحمن رساله ( احتميت بنور قلبك عن متاهات الليالي..وقت همي ..وقت فرحي .. صرت لي ظهري وعوني .. من يعوضني مكانك لو خذاك البعد عني..في غيابك صعب غيرك يعوضني..&اماااااانه& .. اذا باعد بيننا الزمان ..وفرقنا الوقت ..وطالت المسافات ..ومسح اسمي الموت.. من بين احبابك وخلانك .. امانه عليك تذكرني.. تذكر كلامي..وسكوتي.. تذكر.. هدوئي وضجتي ..ابتساماتي ودمعاتي..تذكر ..لهفتي عليك.. وشوقي لك .. تذكر جنوني.. حنيني..حبي..تذكر صوتي.. عبرتي..ضحكتي..تذكر اول مره كلمتك فيها .. واول لحظه عرفتك فيها..تذكر اني حبيتك حب صادق.. تذكر..تذكر..وتذكر..تدري ليه اكررها..؟!..لأنه مستحيل احد يحبك ويتمنى لك الخير مثلي..تذكر وخلني في بالك .. ولا يشغلك الناس عني..طلبتك .. دخيلك ابسمع منك كلمه اوعدك ..مستحيل انساك ..ومهما حصل ماتغير غلاك ..اوعدني ..دخيلك ..)

,,,,,,,,,,,,,,,,,,,,

هند متصله من جوال ماجد : الووو

ود: نعم .. وش تبي ؟!

هند : من معاي ..ود؟!

ود سكتت شوي وميزت الصوت الانوثي : من انت ؟!

هند : انا هند اخت ماجد .. كيفك

ود: طيبه

هند : اكيد مستغربه اني متصله عليك ..

ود: ايه

هند : ود انا ودي اقولك كلام واتمنى منك تفهمينه زين ..

ود: خير

هند : ماجد قالي كل شي بينكم .. اللي ابي اقوله ان ماجد يود على وجه زواج .. ود لو انت تحبين ماجد صدق .. ماتخربين عليه سعادته .. اللي يحب احد يتمنى له السعاده حتى لو مع شخص غيره ..

ود صارت تبيكي..

هند : ود اتمنى انك تتقبلين الواقع وتعيشينه .. والنصيب ماجمعكم .. وش بيدك يعني .. عمر الانسان مايدري عن نصيبه وين .. وان شالله ربي بيرزقك بشخص يمكن يكون احسن من اخوي .. وتعيشين معه .. وتنسين ماجد وايامه ..

ود: بس انا احب ماجد .. ومستحيل اخليه يروح من يديني بالساهل .. انت تدرين كم لنا نحب بعض .. سكتت شوي وقالت .. مو نحب بعض لأنه يقول انه ماحبني بس تعرفين ان لي سنه احبه .. وبانيه احلام على هالحب .. والحين بكل بساطه يقولي انا خطبت .. شلون تهون عليه الايام اللي بيننا ..شلون ينسى كل شي وهو اللي كان يقولي انا مستحيل انساك ..

هند تناظر ماجد ...وردت قالت لها : صدقيني ياود كل شي بأوله يكون صعب لكن مده وبتتعودين على هالشي .. انا مقدره موقفك ومقدره الحب اللي بقلبك لماجد .. بس وش بيدنا .. هذا اللي الله كاتبه لك .. وبعدين وش ذنب البنت اللي تبي تتزوجه لاتركها

ود قاطعتها : وانا وش ذنبي عشان يصير فيني كذا .. ؟!

هند: لا البنت لها ذنب ولا انت لك ذنب ..بس خلاص هذا اللي صار وما نقدر نغير شي .. على العموم ماجد طلبني اكلمك وافهمك .. ياليت تفهمين وتتركينه .. والحين تامرينا بشي ؟!

ود: لأ ..وقفلت الخط

هند حزنت على ود .. : قفلت الخط

ماجد : مع السلامه .. باللي مايردها ...

هند : ماجد البنت منهاره .. حرام عليك

ماجد: ياهند انا من اول ماحبيت نور وقررت اخطبها .. فهمتها وصارحتها عشان مااكذب عليها .. بس هي موب راضيه وش اسوي لها يعني ..

هند تنهدت : خلاص لاعادك ترد عليها .. وغير رقمك

ماد : هذا اللي يبي يصير

,,,,,,,,,,,,,,,,,,,,,

عبدالرحمن فتح الكيس ولقى فيه ساعه رجاليه .. ناظرها مستغرب ..

نور ناظرت الساعه وكشرت مار عليها شكل الساعه وانصدمت يوم تذكرت انها الساعه اللي لوجين جابتها لوليد ايام كانت تحبه ..

عبدالرحمن : وش هالساعه ..

انتبه ان وسط الكيس فيه ورقه ..

نور عرفت انها حركه نذاله من وليد ..

اخذ الورقه عبدالرحمن وفتحها .. وقرأ( هالساعه جاتني هديه من خطيبتك لوجين .. وليد) عبدالرحمن مصدوم ويرد يقراها مره ثانيه وثالثه .. وعلى طول بان في عيونه الغضب

نور : وش السالفه ... وتسحب الورقه من ايده وتقرا المكتوب وشهقت

عبدالرحمن بصراخ : الله يلعنك يالوجين

نور تحاول تهديه : عبدالرحمن لاتصدقه اكيد من قهره سوا هالحركه البايخه

عبدالرحمن : مستحيل انه يكذب علي انا خويه

نور : الحقد والغيره تخلي الانسان يسوي اكثر من كذا .. عبدالرحن تكفى لا تصدقه كذاب صدقني كذاب ...

عبدالرحمن قام من السرير

نور : وش بتسوي ؟

عبدالرحمن مايخصك ...

قام عبدالرحمن وكله قهر لبس ثوبه بدون حتى يغسل وجهه بعد النوم ونزل ركب سيارته وراح لوليد البيت ... رن الجرس ومن حظه ان وليد هو اللي فتح له ..

وليد بنظره استهزاء: اهلين

عبدالرحمن : صدق الساعه من لوجين

وليد: ايه ..

عبدالرحمن : اثبتلي

وليد : مايحتاج اثبت لك ..

عبدالرحمن : اجل كذاب بوجهك

وليد : اجل ورها الساعه وشوف رده فعلها وبترف اذا انا كذاب او لأ

عبدالرحمن ناظره بقهر وركب سيارته وتوجه للوجين ...

رن الجرس في بيت ابو فهد ..فتح له فهد .. هلااا والله بالنسيب

عبدالرحمن يسلم عليه : ممكن ادخل

فهد : اكيد ..تفضل البيت بيتك ..

داخلين للبيت ...فهد: وش فيه وجهك ؟

عبدالرحمن : سلامتك ولا شي .. بس تكفى فهد ابي اشوف لوجين الحين ضروري

فهد استغرب : خير .. صاير شي

عبدالرحمن : لا بس بغيتها ضروري الحين

فهد : لوجين عندها خبر انك جاي لها ...

عبدالرحمن : لأ

فهد يدخله المجلس ... : طيب ارتاح شوي بناديها

طلع فهد للوجين بالغرفه طق الباب ودخل ةلةجين مثل وضعها على السرير..

فهد: لوجين عبدالرحمن تحت يبي يشوفك

لوجين جلست متفاجئه : تحت ؟

فهد: أي

لوجين : ماقالي انه بيجي ... شلون بشوفه كذا ؟؟

فهد : يقول انه تحت ... بسرعه انزلي ...

لوجين تنزل من السرير ... اوكي

طلع فه ونزل له ... اما لوجين غسلت اللي بوجهها وغيرت بجامتها بسرعه وحطت كحل وقلوزونزلت ..وهي نازله قابلت امها

هدى : وش فيك طايره كذا

لوجين : عبدالرحمن تحت ...

هدى متفاجئه : تحت ؟؟

لوجين : ايه ... ولا اعطاني خبر انه بيجي وفهد يقول انه يبيني ضروري ..

هدى : وش عنده ؟؟

لوجين تنزل من الدرج : ماادري

نزلت لوجين ودخلت : السلام عليكم

فهد وعبدالرحمن .. وعليكم السلام

لوجين سلمت على عبدالرحمن مصافحه وهي مبتسمه ولاحظت وجه عبدالرحمن فيه شي ..

جلست وقال عبدالرحمن : فهد ممكن اجل معاها لحالي

فهد يمزح : خمس دقايق وارجع لكم

عبدالرحمن : لاتخاف ماباكلها .. بس اتركنا الحين

فهد : خير وش صاير ياعبدالرحمن ؟؟

عبدالرحمن : بتعرف بس ممكن تخلينا بروحنا الحين

فهد : طيب طيب وقام طلع وقفل الباب وراه ..

عبدالرحمن يناظر لوجين ...

لوجين خافت وقلبها قرصها : عبدالرحمن وش فيك؟؟

عبدالرحمن يدخل يده بجيبه ويطلع الساعه ويوريها لوجين : تعرفين هالساعه لمن؟؟

لوجين ناظرت الساعه وحست الدنيا سودت في عينها وتغير لون وجهها وتلعثمت ولا ردت عليه ...

عبدالرحمن رفع صوته : لوجين تعرفين هالساعه لمن؟؟

لوجين بارتباك : لأ.. أ أ أ انت من وين جايبها

عبدالرحمن وقف : اجل اللي وصلني صحيح ..

لوجين وقفت معاه : و و و و وش اللي وصلك

عبدالرحمن : انت طالق ...

لوجين صرخت ..وعبدالرحمن رمى الساعه لها وطلع ..

فهد جى على صرخه لوجين وقابل عبدالرحمن بوجهه وش السالفه ؟!

لوجين بكت ومشت ورى عبدالرحمن تحاول توقفه : عبدالرحمن ..وقف اسمعني الله يخليك

عبدالرحمن وقف قدام فهد : انتهى كل شي ..وراح

فهد يناظر لوجين ..وقال لها بصراخ: وش صاير تكلمي؟!

لوجين تبكي : طلقني

هدى جات .. وش صار

شافت فهد واقف ولوجين تبكي .. وش صاير تكلمو

فهد : ليش طيب

لوجين ميته صياح : ماادري

فهد يلحق عبدالرحمن ..لكن عبدالرحمن ركب سيارته ومشى..

دخل البيت ماجد وراح لهم ..لقى امه ماسكه الساعه بيدها ..

فهد : وش هالساعه

لوجين تصيح : وليد الحقير

فهد : وش سوى

هدى : ماتقولين لي وش اسوي فيك الحين .. انت بتذبحيني ولا وش ..

لوجين : والله هذا كله من زمان .. والله زمان

فهد بعصبيه : وش الساعه هذي تكلمي

لوجين : هذي جبتها لوليد ... ووليد ارسلها لعبدالرحمن .. بس والله هذا الموضوع قديم والله قديم ..

فهد: من زمان هالسالفه ولا قريب ..

لوجين صوتها رايح من الصياح : والله زمااااااااااان والله ... وطاحت على الارض

هدى صرخت : لوووووجين ...

,,,,,,,,,,,,,,,,,,,,,,

وليد بغرفته على السرير ويضحك بخبث : والله مابخليكم تتهنون والله وان ماخربت هالزواج مابكون وليد ولد ابو وليد

,,,,,,,,,,,,,,,,,,,,,,

نور تتصل على عبدالرحمن بس محد يرد عليه : يااااربي وش صار .. تتصل على هند

هند: هلا نونو

نور: هند الحقي .. صارت مصيبه

هند خافت : وش صار؟!

نور تقول لها الموضوع ... وهند : وهو وينه الحين ؟!

نور: ماادري طلع واتصل عليه مايرد .. الله يستر وش بيسوي الحين .. الله لا يوفقك ياوليد ..

هند: طيب يالله خليني اتصل على لوجين يمكن نعرف منها شي

نور: طيب وردي اتصلي علي على طول

هند: طيب

وتقفل وتتصل على لوجين بس محد رد عليها ..وترد تكلم نور وتقولها ..

اما عبدالرحمن مسك طريق جده وسافر ... وجواله بغرفته ..

,,,,,,,,,,,,,,,,

يتبع...

تابع الجزء الثالث عشر

فهد بالسياره وبالمرتبه اللي ورى امه ولوجين مغمى عليها .. وهدى تصيح : يااارب استر ...

وصلو المستشفى ودخلوها طواري ...

يتبع ,,,,

👇👇👇

تعديل المقال