رواية قتلهن الطيش وأحياهن الحب -28

رواية قتلهن الطيش وأحياهن الحب -28

نور كانت بغرفتها لبست بنطلون وبلوزه ونزلت الصاله .. لقت عبدالرحمن وضي وابوها ... دخلت جلست: السلام عليكم

الكل وعليكم السلام

سعود : انت وراك مختفيه ماتنشافين .. اقوم وارد انام ولا اشوفك

نور: تعبانه شوي احس جسمي طايح هالايام

سعود : رحتي المستشفى ؟!

نور: لا مايحتاج

جات رساله على جوال نور من لوجين :: مرحبا نونو .. بغيت اسألك دحوم بالبيت ولا لأ عشان انا ابي اجي وماابيه يعرف

ردت لها برساله انه موجود

ضي قامت للمطبخ ..

عبدالرحمن : ضي جيبي لي معك مويه

ضي: طيب

رن جواله : الووو

لوجين : مرحبا دحومي

ابتسم عبدالرحمن : هلا

لوجين : كيفك

عبدالرحمن : بخير .. انت كيفك

لوجين : مشتاقه لك ..

عبدالرحمن : والله

لوجين : والله

عبدالرحمن : طيب شرايك امرك اليوم ؟!

لوجين : لا لا .. انا طالعه من البيت مع ماما .. واتصلت اقولك

عبدالرحمن : اهااا .. بتتأخرون برا

لوجين لأ .. يالله قلبي تبي شي

عبدالرحمن بصوت واطي: سلامه قلبك .. وقفل ...

,,,,,,,,,,,,,,,,,,

ماجد داير بسيارته ومن جد الدنيا ضايقه فيه .. يعني الين متى بتضل نور زعلانه منه .. كملوا اسبوعين واكثر على هالسالفه .. وهي على عنادها ... طلع جواله واتصل عليها .. وفرح يوم لقاه مو مقفل .. لكن نور شافت اسمه (نبض قلبي ) ولا ردت وخلته سايلنت .. ارسل لها رساله ( ياشوق دنيا ماصفت لي على الكيف .. من يوم غاب اللي معه كنت سالي .. محبتي له صافيه مابها زيف ..حب ومعزه والغلا قلت غالي.. اول معي واليوم جاني كما الضيف .. لا همه اخباري ولا كيف حالي ) .. قرأتها نور .. هي صدق مشتاقه له بس الزعل اللي بقلبها رادها عن ماجد وتحس انه لازم تبعد عنه ...

بعد المغرب بالفعل جوها البنات .. وطبعا عبدالرحمن كان طالع من البيت ولا يدري ان البنات بيكونون في بيتهم اليوم .. بعد ماجلسوا مده سوالف .. وضحك

لوجين : نور وش فيك انت تعبانه

نور : لا ماني تعبانه ليش؟1

لوجين : وجهك اصفر ..

هند : ايه الزعل له دور

نور: هند .. لو سمحت

هند : نور لا تسكتيني انت لك مده زعلانه وماجد ماينام الليل

لوجين تطالع : وش السالفه

نور: يعني انا اللي انام الليل .. واظن الحق معاي لما ازعل ..

هند : بس انت ماعطيتيني لا انا ولا ماجد فرصه نشرح لك و نفهمك اللي صاير

نور: تفضلي قولي .. وش تفهميني؟!

لوجين : لحظه انت وهيا .. وش السالفه فهموني ؟!

تقول لها نور السالفه بإختصار ..

لوجين : وانت ولا مره سمعت له .. ماعطيتيه فرصه ابدا

نور: لأ

لوجين : لا اجل غلطانه الواحد يسمع الكلام اللي عند الثاني والمفروض تتفاهمون .. موب كذا

نور بكت : وانا احس اني مااقدر اكلمه .. لو كلمته ببكي وانا مااحب ابكي قدام احد

هند : نور ياقلبي هذا مو احد ..

لوجين : طيب اسمعي من هند اللي عندها ..

نور تمسح دموعها : ايه بسمع يالله قولي ..

هند : اسمعيني .. والله والله يانور البنت هذي انا كلمتها وماجد اللي طلبني اكلمها .. وافهمها انه خطب وبيتزوحج قريب .. نور ماجد يحبك والله العظيم بس هذي البنت موب راضيه تتركه .. وانا قلت له يغير رقم جواله .. بس صارت السالفه قبل يتغير الرقم

نور: ايه هذا ربي بيكشفه قدامي

هند : نور هذي السالفه قبل يحبك ويخطبك .. بس هو من يوم خطبك ترك هالامور كلها .. نور افهمي .. يعني حتى هوا مثلنا كل الشباب يلعبون ويعيشون بمرحله طيش وبعدها يعقلون مثل حضرتنا ..

نور ردت بكت : بس انت سمعتيها وش تقول له .. حبيبي لا تطنشني انتظرك .. معناه ان لسه يكلمها

هند: ايه قالت صح .. بس لو ركزتي زين قالت لا تطنشني دليل ان ماجد مطنشها ولا معطيها وجه

لوجين : صح كلام هند .. حبيبتي نور ..خلاص عاد .. انت كيف قادره تعيشين بدون اللي تحبينه ..

نور : خلاص يصير خير

هند قربت منها ومسحت دموعها : يعني خلاص اقوله انك رضيتي عليه

نور: لا لا تقوليله شي انا لما اهدى اتصل عليه

ضحكت لوجين : ايه كذا ...

نور ضحكت .. وهند قالت : حركات اكشن بس .. كل شهر وحده منكم لها سالفه .. ياربي متى اتزوج وتصير لي سوالف مثلكم

البنات يضحكون .. قريب ان شالله

,,,,,,,,,,,,,,,,,,,,,

بعد العشا عبدالرحمن عند باب البيت .. جى يبي يدخل بس تذكر ان مفتاحه مو معه ناسيه واضطر يدق الانتر كم .. ردت عليه ضي : منو

عبدالرحمن : انا افتحي الباب

طالعه ضي بتفتح .. وقفتها نور: منو؟!

ضي : عبدالرحمن

نور: والله .. اجل خلاص لا تفتحين .. وتناظر لوجين : يالله قومي افتحي له

هند : حنا بنراقب من بعيد

لوجين تضحك: لا انقلعوا لا تراقبون شي ..

نور تغمز لها : ليييييش ان شالله ؟! خايفه يسوي حركه ولا شي

لوجين حمر وجهها : اقول انقلعوا يالله ماني فاتحه له .. روحي انت افتحي له

ضي تضحك: يالله اسمعوه الجرس يرن

نور ولوجين يدفونها : يالله بسرعه ...

طلعت لوجين الحوش وهي تتلفت مره تناظر طريقها ومره تناظر تشوف البنات واقفين عند الباب ولا دخلو ... البنات قفلوا الباب .. ودخلوا جلسوا ..وقررو بس يزعجونهم بالجوالات

فتحت لوجين الباب ومانتبه عبدالرحمن من اللي فتح .. اللين دخل وقفلت الباب : اهلين

عبدالرحمن ميز صوتها و ناظرها وابتسم : انت عندنا

لوجين تضحك : ايه ..

عبدالرحمن : تكذبين علي

لوجين : لااا مااكذب بس سويتها مفاجئه ..

عبدالرحمن يمسكها من خصرها ويضمها : احلى مفاجئه والله..

ويروحون يجلسون على الطاوله والكراسي ..

,,,,,,,,,,,,,,,,,,,,,,,

في الليل نور بغرفتها وعجبها شغل التغلي .. خلت جوالها مفتوح بس ماتبي تتصل على ماجد .. وقالت لو اتصل ارد عليه.. طبعا هند ماقالت لماجد شي مثل ماوصتها نور.. بعد نص ساعه تقريبا جوال نور يرن برقم غريب .. ناظرته وطنشت .. وضل يتصل ويتصل اللين ملت وردت : نعم

ماسمعت رد من احد بس سمعت اغنيه ( مرتاح ولا يتصنع قلبك الراحه .. شايل بخاطرك ولا البال متهني.. مجروح ولا شفى قلبك من جراحه .. زعلان للحين ولا راضي عني ... شخبار قلبك عسى مافارق افراحه .. ادري جرحتك وشلت بخاطرك مني.. خسران بعدك وقلبي ضاعت ارباحه .. غلطان ادري وابي منك تسامحني.. تدري عيوني بغيابك ماهي مرتاحه .. تبكي على فراق طيفك وانت ذابحني .. ياللي ذبحني غلا شكرا على رماحه .. اللي طعني بها مايوم ريحني .. جيتك من الشوق والاشواق ذباحه .. اسأل عيونك عسى للحين تذكرني.. راضي بجرحك وانا مااتصنع الراحه .. تكفى عشاني ابي ترجع وتسمعني) ..نور سمعت الاغنيه وحست انها من ماجد .. بعد ماخلصت الاغنيه نور سكتت

ماجد : حبيبتي ... هذا انا

نور تستهبل : من انت ؟!

ماجد : انا قلبك .. وروحك .. وعمرك

نور: الظاهر غلطان ..

ماجد : اغلط بكل الناس ولا اغلط فيك انت ..

نور: اهاا .. صح صادق ..

ماجد : نور ياقلبي اسمعيني ..

نور: وش تبي ؟!

ماجد : انا اسف ..

نور: بعد ايش ..

ماجد : نور حرام عليك .. لي اكثر من اسبوعين مانمت الليل

نور: وانا لي اكثر من اسبوعين ماجفت عيوني من البكا .. لي اكثر من اسبوعين .. مااكلت شي.. لي اكثر من اسبوعين وانا افكر باللي صار .. واذكر صوت البنت ..

قاطعها ماجد : والله اسف .. وش تبين اراضيك فيه ..

نور: لا تراضيني بشي ..

ماجد : طيب اشتقتيلي ..

نور: لأ

ماجد : وانا ذبحني الشوق ..

نور ابتسمت : ليش متصل من رقم غريب ؟!

ماجد : غيرت رقمي عشان ماتتصل علي البنت وتتضايقين ..

نور: صدق ؟

ماجد : ايه .. اجل تحسبين ان زعلك يهون علي ..

نور: ماجد

ماجد : ياعيون ماجد وقلبه وروحه وكله ..

نور: تحبني ؟!

ماجد : انت تسألين هذا السؤال .. المفروض ماتسأليه لأنك تعرفين الاجابه عليه .. انا مو احبك .. انا امووت اموت اموت اموت في حبك ..

نور: اجل انتبه .. تجرح شعوري بأي شي .. قلبي تراه مثل القزاز مايحتمل شطبه قلم ..

ماجد : يااااحياتي .. اوعدك مازعلك مني ابد ... نوري

نور: عيونها

ماجد : ابي اشوفك ..

نور تضحك : لازم ؟َ

ماجد : ايه لازم .. حددي مكان في بيتكم ولا في بيتنا ولا برا

نور: المكان اللي تحبه

ماجد : اجل بكره اتصل عليك واقولك وين .. خلاص ياقلبي

نور: اوكي ...

قفلوا من بعض وجى اليوم الثاني بس ماجد ماكلمها ولا قالها أي شي عن مقابلتهم ..

نور كانت جالسه بغرفتها وينطق الباب ..

نور: منوو؟!

عبير تدخل : انا ..

نور تقوم لها : هلا والله متى جيتوا ؟!

عبير: تونا مالنا زمان .. شخبارك ؟!

نور: طيبه الحمدلله .. انت اخبارك ؟!

عبير: الحمدلله ..

نور : وين جنان ..

عبير : تحت .. قالت لي تبي الحمام .. وضي ودتها .. اشوفك جالسه لحالك .. صرتي مثل العشاق كله يجلسون لحالهم يفكرون بالحبايب

نور انحرجت : لا والله موب كذا .. بس تعرفيني من يوم يومي وانا بغرفتي

قطع كلامهم دخول ضي .. عبير الحقي

عبير تلف لها : ايش

ضي: جنان دخلت الحمام بس تركتها دقايق ورجعت لها لقيتها قافله الباب بالمفتاح وميب عارفه تفتحه

نزلوا ركض لتحت ..

جنان تطق الباب وتصيح : ماما

عبير : ياماما افتحي الباب لفي المفتاح لفيه عشان يفتح لك الباب

جنان تبكي وتحاول تحركه بس بالاتجاه الغلط وقفل قفله ثانيه

نور: ياااربي .. دنونه حبيبي لفيه لفيه على الجهه الثانيه

عبير : ماتفهم والله .. جنان طلعي المفتاح ..طلعيه من الباب عطيني اياه من تحت

ضي موطيه للأرض وتدخل لها عصى صغير عشان تعرف جنان بس مافي امل..

عبير: نور مافي مفتاح اضافي

نور: لا والله مافي ...

عبير: طيب خلينا نجرب مفاتيخ الابواب الثانيه يمكن يفتح

نور: نجرب بس كل مفتاح غير انا عارفه ..

عبير تقطع قلبها على جنان اللي تصيح بالحمام وخايفه عليها تنلمس بسم الله ..

واتصلت على عبدالعزيز وجى لهم بسرعه .. حاول يفتح الباب بس ماقدر

عبدالعزيز: وانت تتركين البنت ولا تدرين عنها

عبير: ماتركتها

قاطعها عبدالعزيز: خلاص اسكتي ...

نور جيبي لي أي شي مفك ساطور اللي يكون خليني احاول

نور طيب وتروح بسرعه

سعود طلع من الغرفه وشاف الدنيا مخطبطه وعرف ان جنان بالحمام مقفل عليها ..

سعود : يبه عزيز اكسر الباب

عبدالعزيز يحاول ... والله موب باب هذا حديد .. موب راضي

جنان لازالت تصيح جوا

نور جاته بالدرل : ينفع هذا ؟!

عبدالعزيز: هاتيه نجرب ويشبكونه ويبدى يحاول ... وصوت الدرل عالي وجنان يعلى صوتها ... وعبير وضي يسمون عليها

عبدالعزيز : حبيبي جنان لا تبكين .. اسكتي اسكتي الحين نفتح لك ..جنان تسمع صوت الدرل ولا وقف قالت بابا

عبدالعزيز: نعم

جنان : وثو هذا ؟( وشو هذا )

عبدالعزيز: ولا شي اسكتي حبيبي ..

دخل عبدالرحمن البيت وتفاجئ وش فيهم ...

لبست عبير على راسها شيله ..

وصار لعبدالرحمن وعبدالعزيزساعه كامله وهم يحاولون بس مافي امل ..

اختفى صوت جنان ..

عبير: جنان حبيبي

عبدالعزيز يبعدها من عند الباب .. ابعدي يابنت الحلال خلينا نخلص

عبير صارت تبكي ... مالها صوت

عبدالعزيز : جنان

جنان ماترد ...

عبدالرحمن : عمو جنان .. جنان ...

الكل خاف

نور بأنفعال : اتصلوا على الدفاع المدني اكيد بيعرفون يفكونه

عبدالرحمن : وانت الصادقه ...

اتصلوا عليهم ... اقل من ربع ساعه والدفاع المدني واقف عند البيت ...

دخلوا البنات داخل ... ورجال الدفاع دخلوا البيت وصاروا يفكون ..واحد منهم قال : كم لها داخل ؟!

عبدالعزيز يمكن ساعه ونص

رد عليه : ياشيخ حرام عليكم .. كان اتصلتوا من اول

.. وصاروا يحاولون اللي انفتح الباب ... لقوا جنان بزاويه الحمام جالسه ووجهها احمر من كثر الصياح .. طلعواها وناولها لعبدالعزيز : الحمدلله على السلامه ياحلوه

جنان تروح لأبوها تضمه من رقبته

عبدالعزيز يلمها : حبيبتي خلاص .. وش صار لك جوا

جنان تطالع رجال الدفاع وهم يلمون اغراضهم : بابا هدا مين الرذال( بابا هذا مين الرجال)

يوقف واحد معهم ويحبها : لا عاد تقفلين الباب عليك ياشاطره خلاص

جنان تهز راسها بمعنى ايه ...

بعد ماراحوا الدفاع ..طلعوا البنات وركضت جنان لأمها ..

عبير: وش سويتي يادنونه .. كل يوم مسويه لك مصيبه .. توقفين قلوبنا فيها

جنان: انا لحت الحمام ودفلت الباب عثان محد يثوفني( انا رحت الحمام وقفلته بالمفتاح عشان محد يشوفني)

سعود : نور ارفعوا كل المفاتيح من البيت .. سامعتني يابنتي

نور: حاضر

عبدالرحمن ياخذ جنان من امها : لاعاد تقفلينه سامعه

جنان : تيب .. بث عيب تثوفوني ماما تدول تدا ( طيب بس عيب تشوفوني ماما تقول كذا )

الكل يضحك ...عبدالرحمن: محد بيشوفك

ضب : تعالي جنان تبين الحمام ؟؟

جنان : لا مابي اثخ ( لا ماابي اشخ )

ماتو ضحك عليها

,,,,,,,,,,,,,,,,,,,,,,,,,,,,,,,,,,,,,

سعاد تسولف مع ماجد وصالح موجود : ماحددت متى تبي العرس

ماجد : ابيه نهايه الاجازه

سعاد : موب بدري

ماجد : لا مافيني صبر

صالح يضحك: ابد ما فيك تصبر

ماجد يضحك: لاوالله

صالح : تهقى عبدالرحمن بيوافق تكونون بنفس الليله

ماجد : ايه مااظنه يرفض .. وبالنسبه لي مافي أي اشكاليه نكون بنفس اليوم

سعاد: اجل كلم نور وشوف عبدالرحمن

ماجد: ان شالله

هند بغرفتها تكلم حسن ... : حسن متى بتتقدم وتخطبني

حسن سكت شوي وقال : هند تزعلين مني لو اقول لك ماابي اتزوجك

هند انصدمت من كلامه : وش قلت

حسن : اللي سمعتيه

هند : يعني ماتبي تتزوجني ؟؟

حسن : هند ودي اقولك شي

هند: ايش

حسن : قبل مده امي كانت تسولف معاي .. تقول انها تبي تخطب لي بنت خالتي

.. وتدرين انا مااقدر ازعل امي .. قلت لها انا ماابيها وزعلت علي بالحيل

هند دمعت عينها : يعني وخلاصه الكلام هذا

حسن بتردد : ا ا ا انا مابقدر اتزوجك ياهند

هند مصدومه وساكته ..

حسن : هند

هند ماترد عليه

حسن : هند حبيبتي

هند بان بصوتها انها بكت : نعم

حسن : وش فيك .. زعلتي صح

هند: مافيني شي .. يالله مع السلامه

حسن : لا مابقفل .. وش فيك تبكين

هند : بعد اللي قلته وتسألني وش فيني ابكي .. اظن انك عارف وش اللي بكاني

حسن : هنوده .. انت تحبيني صح

هند: ايه

حسن : اجل لا تبكين الله يخليك .. وتمني لي الخير .. لأن والله مابيدي شي اسويه انت تدرين وش كثر احبك بس امي بتزعل علي لو مااخذت البنت اللي تبيها هي ...

هند وراح صوتها : الله يوفقك .. رح وتزوج البنت اللي امك تبيها

حسن : هند الله يخليك لا تبكين والله مااتحمل اسمع صوتك كذا .. هند والله انا احبك .. انت ترضين امي تزعل علي وانا مايهمني شي كثر رضاها علي ..

هند : خلاص لا تقول شي اكثر .. لأني انا اللي مااتحمل اسمع اللي تقوله

حسن : هند واللي يخليك لأهلك .. هند انا احبك والله

هند علا صوتها اكثر : خلاااااااااص .. خليني اللحين

حسن : لا مابخليك بهالحاله .. حاولي تفهميني الله يخليك

هند : الله يخليك انت تخليني خلاص مع السلامه

حسن سكت شوي ....وقال: هنودتي

هند: نعم وش تبي بعد

حسن : بتعذريني وتسامحيني .. انا مابخليك وانت زعلانه علي .. ابي اتركك وانت راضيه علي وتذكريني بالخير

هند ماصارت تشوف شي من البكى : راضيه عليك .. خلاص روح .. لأني احبك بتمنى لك السعاده حتى مع غيري

حسن : احبك ... قوليها لي لأخر مره

هند: احبك .. ورح ابقى احبك طول عمري .. بس اعرف شي واحد ان ماتزوجتك مارح ارضى اتزوج غيرك

حسن :لا يا هند لاجاك نصيبك لا توقفينه وتزوجي وعيشي حياتك

هند : مستحيل هالشي يصير

حسن : لا عشاني ياقلبي لاتوقفين حياتك عشان واحد راح من يدينك

هند انهارت وماتحملت كلامه وقفلت الخط بوجهه ... وصارت تبكي من قلبها خلاص حسن الحين انتهى وجات اللحظه اللي تفارقه فيها .. اللحظه اللي ماتخيلت في يوم انها تعيشها .. ضلت تبكي وقت طويل .. بعدها اخذت جوالها واتصلت على نور .. نور كانت بالمطبخ بتاخذ الشاهي وتتطلع لأبوها واخوها ومرته .. طلعت جوالها وعلى بالها ماجد بس لقته رقم هند: هلا هنو

هند : نور .. انا محتاجتك

نور خافت : وش فيك هنوده تبكين

هند : حسن

نور: وش فيه

هند تقول لها كل السالفه ...

نور حزنت على هند : ياقلبي انت

هند تصيح : وش اسويي الحين ..؟! نورر انا تعبانه بالحيل

نور : خلاص ياقلبي لا تبكين انا بجيك اذا راح عبدالعزيز

هند : طيب ....

قفلت منها نور و طلعت الشاهي برا ... صبت الشاهي وضي باشرته على الموجودين وراحت نور جلست جنب عبدالرحمن وقالت له : دحوم

عبدالرحمن : نعم

نور: اذا راح عبدالعزيز وعبير ابيك توصلني عند هند

عبدالرحمن: ليش

نور: بس كذا

عبدالرحمن يبتسم : عند هند ولا ماجد

نور تدقه من كتفه : بلا ملاقه .. والله لهند

عبدالرحمن طيب

جات جنان : وث تدولون ثر( وش تقولون سر)

نور ترفعها تجلسها على حجرها : انت وش دخلك الحين

جنان : الباب ,,, وتضحك

نور تناظر عبدالرحمن : شفت وش تقول

عبدالرحمن يضحك : ايه ... وياخذها من نور ويسدحها على الكنب ويعضها بالخفيف : الباب هاه .. الباب

وجنان ماتت ضحك بين يدينه .. : بااااباااا

عبدالعزيز: ياشيخ اتركها

عبدالرحمن : ارتركها .. ماني بتراكها ..ويكمل عض

نور تاخذها منه وتطلع فيها فوق الغرفه : اجلسي هنا على السرير ياويلك تلعبين بشي

جنان : تيب

نور تفتح دولابها تتطلع لها لبس عشان لو راحت عند هند تلبسه ..

جنان: عمه

نور تحط بنطلون وبولوزه على السرير: نعم

جنان تمسك البلوزه بيدها: حلو اللبث حدت ( حلو اللبس حقك )

نور: والله

جنان: ايه .. انا عنتي ذيو( ايه .. انا عندي زيه )

نور: ياويلك الكذاب ربي يدخله النار

جنان : النال( النار؟)

نور: ايه

جنان: انا ماتدبت ( انا ماكذبت )

نور تضحك : الا كيف تقولين عندك زي ملابسي

جنان: مو ذيها بث تثبها ( مو زيها بس تشبها )

,,,,,,,,,,,,,,,,

بعد ماراحوا من عندهم راحت نور لهند وجالسين بالغرفه .. وهند طبعا تبكي ..

نور: ياقلبي طيب موب احسن انه يعترف لك عشان ماتعيشين بالاحلام اكثر من كذا

هند : انا مو زعلانه انه قالي .. انا ماني متخيله انه بيتركني

نور: هذا الشي موب يده .. هذي امه ياهند

هند : طيب وانا

نور: انت بتلاقين اللي احسن منه

هند : ماابي احسن منه ابيه هو

نور تقرب لها وتضمها : ياقلبي انت .. معليش كل شي نصيب وحسن موب نصيبك .. وبعدين مو يمكن يكون احسن لك ماتتزوجينه

هند : شلون احسن لي .. وانا مااقدر اعيش بلاه

نور: مو انت كنت تقولين لولو ان الزواج بعد الحب ماينجح .. واكيد يفشل

هند : ايه .. بس انا مااتخيل نفسي اتزوج انسان غيره

نور: ايه هذا الشي بس الحين .. لكن ان صار جد .. بتتعودين

هند تزيد صياح : والله مابتزوج غيره لو تقدموا لي ملايين

,,,,,,,,,,,,,,,,,,,,,

يتبع..

تابع الجزء الرابع عشر

بعد ايام اتصلت هند على نور ..

نور: هلا هنو

هند : اسمعي .. بروح مطعم بالليل تجين معي ؟!

نور: مطعم ايش

هند : مطعم كرم ( من افخم المطاعم بالمدينه المنوره)

نور: والله ماادري بشوف وارد عليك

هند : لازم تروحين طيب

نور: ليش وش فيه

هند : ولا شي

نور: ان شالله .. هند كلمك حسن

هند : لأ

نور: اهااا .. طيب بس بغيت اعرف

هند : بس اكشخي قد ماتقدرين

نور: ليش

هند : بس .. انا طفشانه ونبي نغير و ..

نور: لولو بتروح

هند ايه بكلمها

نور : اوكي

هند : اوكي .. يالله باي

نور: باي .. ونزلت تقول لأبوها ولا قال لها شي وافق ..

على الساعه عشر بالليل مرت هند مع السواق على نور واخذتها وصلوا للمطعم ..ونزلوا

نور: وين لولو مابتجي

هند : لأ .. ماقدرت تجي

نور: اهاا ..

طلعوا جلسوا على طاوله ...

نور : غريبه فاضي

هند : ايه غريبه .. اسمعي بروح الحمام وارجع لك

نور : اوكي

قامت هند .. وضلت نور جالسه ... شوي الا تشوف ماجد داخل المطعم ومرسم وكاشخ .. قرب للطاوله : مساءالخير

نور متلثمه طبعا ناظرته وابتسمت : ماجد

ماجد: ممكن اجلس

نور تضحك : اكيد.. شالسالفه انت وهند متفقين صح

ماجد يجلس وهو يضحك : ايه

نور ضحكت من قلبها ...

ماجد : مبسوطه ؟!

نور: فوق ماتتصور

ماجد : اكشفي عن وجهك .. مافي احد بيجلس هنا غيرنا

نور تناظره مستغربه : ليش؟!

ماجد : انا فضيته لنا اليوم

نور تضحك : مجنوووون والله مجنوووون

ماجد : لعيون نوري اصير مجنون

نور استحت وفكت لثامها : وين هند

ماجد : راحت البيت خلاص ..

نور خافت : والله

ماجد يضحك : ايه والله

نور: ياويلي وانا كيف برجع معك ؟!

ماجد : لا بتمر هند ترجعك للبيت لا تخافين

نور: ايه زين

ماجد يسحب أيد نور ويبوسها : احبك

نور وجهها راح ألوان : وانا بعد

ماجد : وانت ايش ؟!

نور تناظر ايدينه : احبك

ضحك ماجد : واخيرا قتيها .. عييديها مره ثانيه تكفين .. ابي اسمعها مره ثانيه

نور تناظره : احبك

ماجد : وانا اموت فيك ..

دخل قرسون : اكسكيوزمي

نور لفت لثامها ..

ماجد : تفضل

دخل حط لهم تورته صغيره على الطاوله وولع لهم الشمع اللي عليها وطلع

نور ردت فكت اللثام ..

ماجد : شرايك بالمفاجئه عجبتك ؟!

نور تبتسم : تجنن ..

ماجد : مسامحتني ياقلبي .. هذي رضاوه لك

نور: ياقلبي راضيه عليك من يوم كلمتني ذاك اليوم

ماجد : الله لا يحرمني هالضحكه

نور: امين .. ولا يحرمني اياك

ماجد : عطيني يدك وغمضي عيونك

نور ضحكت : ليش

ماجد : من غير ليش .. انا أأمرك وانت بس تنفذين

نور تضحك : الشغله امر .. خلاص ماني مغمضه

ماجد : بتغمضين ولا اقوم اشوف شغلي

نور : وش بتسويي يعني ؟

ماجد يقوم من الكرسي : بتشوفين اللحين

نور : لا لا خلاص بغمض ..

ماجد يرجع يجلس : ايه كذا اسمعي الكلام

نور غمضت وهي مبتسمه ... وقام ماجد جى من وراها .. فتحت نور عيونها : وش بتسوي

ماجد : بلف شيلتك على عيونك عشان اتأكد انك ماتفتحين عينك

نور تضحك وهو يسحب شيلتها من حول رقبتها قبل لا يغطي عيونها شمها وتنهدت وبعدها ربط عينها ..ورجع لمكانه وطلع كيس صغير طلع منه علبه صغيره فتحها وطلع منها سحبه يد وقال لها : هاتي يدك

مدت له نور يدها ... مسك ايدها ولبسها السحبه وباسها .. : يالله فكي عن عيونك

فكت نور وناظرت ايدها : اللللللله رووووعه ... تسلم لي

ماجد : الله يسلمك يانووووري .... وكملوا جلستهم وتعشوا اللين رجعت لها هند وردتها للبيت .. وطبعا ماقصرت نور بتهزيء هند على الحركه الحلوه هذي..

,,,,,,,,,,,,,,,,,

بعد مرور اسابيع .. تطلع سعاد لغرفه هند تطق الباب وتدخل لقت هند منسدحه على سريرها وكانت تفكر وش كثر فاقده حسن وحاااسه بفراغ كبير ..

سعاد: سلام

تجلس هند: هلا ماما

سعاد : في ناس بيجونا ابيك تطلعين لهم سامعه مو مثل كل مره

هند : منهم

سعا د : خطااب

هند انصدمت : وشو ... خطاب ؟؟

سعاد : ايه

هند: اسفه ماما

سعاد : وش يعني اسفه

هند : يعني مابطلع ولا ابي اتزوج اصلا

يتبع ,,,,

👇👇👇

تعديل المقال