رواية عذبتني باسباب فرقاك -35

رواية عذبتني باسباب فرقاك -35

ساره راحت لمريم مو خلاص يا مريم هو يبي يعرف كل شي .. انا اعلمه كل شي .. كانت تبي تبيعني .. ركز في الكلمة شوي تبي تبيعني .. حسيت فيها .. امي اللي ما تعرفني .. تبيني لاني يايبه لها سعر خيالي .. يشيلها بكبرها .. تضمن فيه باقي حياتها .. والمصيبه ابوووووووووي .. ابوووووي كان يبي يجبرني على السفر .. يبيني اروح لها ... ما يبي يشوف نظره اللوم اللي بعيون الناس .. يبيني اروح هناك وينسااني .. ويرتاح مني .. الله يحبني ان كان عندي عم مليونير .. دفع لها أضعاف المبلغ اللي كانت تبيه .. بدل النص مليون دولار دفع مليونين دولار .. ومن استلمت الفلوس قالت لعمي .. اذا تبيني انساها خلاص .. انا ناسيتها اصلا من لحظة اللي ولدتها ..

مسحت دموعها هذي انا ساره أكبري .. وهذي حقيقتي .. اللي كنت مستحية ومتفشلة اقولها .. كنت تقدر تسأل اي واحد غريب بيقولها لك ..لانها مو سر .. الناس كلها تعرفها .. بس انت كنت تبي تذلني .. تبيني اقولها واحس بنفسي مكسوره .. لا تخاف انا مو بس مكسوره انا يتيمة وماما وبابا عايشين .. يتموني والدنيا صارت تقسى علي من كل صوب .. هه ما يت عليك انت .. محد بيورط نفسه ويرتبط بوحده امها مثل امي وابوها مثل ابوي .. نسب ما يشرف ..

يوسف سحب نفس طويل وقال خلصتي ؟؟

ساره اكتفت انها نزلت راسها وخلت دموعها تنهال بغزاره وشهقاتها كانت صامته وشبه مسموعه

يوسف مسح ويهه بيده وانا فعلا ما يشرفني ارتبط بوحده مثلج ..

كانت هالكلمات مثل طلقات الرصاص بقلب ساره كتمت صرختها وصارت عيونها جمر الدموع تتطفر منها بدون احساس وعاضة على شفايفها بقوه ..

فتح الباب وطلع وصفق فيه بقوه وأمير طلع وراه ..

مريم راحت قعدت يمها وحضنتها بقوه تحاول تخفف عنها .. انجرحت من أعز الناس عليها .. ما كانت متوقعة تكون ردة فعله جذي .. انصدمت فيه .. حتى مريم انصدمت اتوقعت لما يعرف بقصة ساره بيحن عليها .. بس طلع اقسى عليها من امها وابوها

عند السياره

كان يصرخ على أمير كانت تتهرب ما تبي تقولي .. عشان لا اتركها .. الحب ما يطلع الا على بذره .. قصت علي .. خلتني اتعلق فيها واحبها وبالاخير .. صدمتني .. كنت متأكد ان وراها سر .. بس مو لهدرجة .. اذا امها وابوها اللي يابوها قطوها .. تبيني انا يوسف كراشي ابلش عمري فيها ..

أمير يوسف حراام عليك .. انت فاهم ومتعلم .. لاتسوي بالبنت جذي .. ما تخاف تسوي شي بعمرها ..

يتبع

أمير يوسف حراام عليك .. انت فاهم ومتعلم .. لاتسوي بالبنت جذي .. ما تخاف تسوي شي بعمرها ..

يوسف باللي ما يحفظها ان شاءالله .. انا ألف بنت تتمنى ترتبط فيني .. انا مستحيل اورط نفسي مع وحده ....

رمى نظره قرف ودعس على البنزين ومشى وهو معصب ..

وصلت يم البيت وفتحت المسج مره ثانية انا بدر حبيبتي ... تعالي البيت بوريج شي حلو .. ناطرج على احر من الجمر ..

باست التلفون من الفرحة وحملت شنطتها ونزلت من السياره وراحت قربت من باب الفيلا وتوها بتفتحه بالمفتاح الا والباب ينفتح هني كانت الصدمة مي كانت مبتسمه

بس الابتسامه انقلبت الى ملامح جامده مبهمه وعيون مليانة بنظرات التساؤل قلبها زادت دقاته حاسه بخفقان مو طبيعي ومغص شديد مرعوبة وخايفة تسأل .. خايفة تنصدم وتسمع شي ما تبي تسمعه صار جسمها كله يرجف ولسانها ثقل من اللي تشوفه حتى صوتها صار يرجف انتي من ؟؟؟؟؟

تجمعت الدموع بعيونها ونظراتها تتفحصها من فوق لتحت كانت لابسه قميص نوم شفاف لتحت فخذها وكل شي تحته واضح وناشره شعرها الحلزوني وتلفلف فيه بأصابع يدينها وحاطة مكياج فاقع وروج يلمع وتتعلج كانت واقفة ومايلة بجسمها وترد على نظرات مي بنظرات احتقار ..

تسندت على الباب وبصوت مااايع انتي اللي من ؟؟؟؟

مي صارت تشاهق وبدت الدموع تاخذ مجراها هذاا بيتي .. بيت ريلي .. انتي ليش هنييي ؟؟

تجتفت وزادت بمياعتها بيت ريلج ؟؟؟؟؟؟؟؟ لا هذا بيت حبيبي .. عازمني عنده جم يوم .. متملل يبيني اونسه شوي .. مسكين يمووت فيني .. ما يرتاح الا معاااي .. يموت على مساااجي .. متعود عليه ..

ولفت راسها على فوووق بـــــــــــــــــدوووووووورررررررري .. ..

مي خلاص حاسه نفسها بحلم .. هذي قاعده تنادي عليه .. يعني هو معاها بالبيت .. يعني اللي تقوله صح .. يعني بدر بينزل بعد شوي ..

شافته ما رد عليها راحت مشت لقريب الدرج ووقفت تنادي بـــــــــــــدر ..

بدر كان يتسبح وما يسمع شي طلع من الحمام وهو لاف الفوطة على خصره وللحين مو لابس ثيابه لان متعود بهالوقت يمر على مي ويطلعون مع بعض

سمع صوت حركة بطل الباب

مي تصيح انتي جذاااااابه .. بدر مو هني .. طلعي من بيتي .. انتي حرااامية .. طلعي برى

بدر اخترع لما سمع صوت مي تصيح ونزل ركض على الدرج

شهقت بدلع انا جذاااااابه ؟؟!! .. حرااااام عليييج .. الحين بينزل وبتشوفين ..

بدر وصل لنص الدرج وهو متنصنم مكانه حاس بجسمه كله انشل مو قادر لا يتقدم خطوه ولا يتراجع خطوه عيونه تتنقل بين مي اللي واقفة برى بيته وبين هذي اللي واقفة داخل بيته

مي رفعت عينها على الدرج وشافته واقف بدون شي بس الفوطة على خصره طاحت شنطتها على الارض وطاح تلفونها وتكسر قطعة قطعة

حطت يدينها الثنتين على فمها تبي تكتم صرختها

صارت تشاهق وعيونها ترف بسرعها ما تشوف اللي قدامها .. الرؤيا انعدمت بدل الصوره تشوف ثلاث أو اربع صور

بدر واخيرا تحرك ونزل من على الدرج .. قرب منها لانه شاف حالتها وخاف عليها

مي حست ان قرب منها بس ما تشوفه عدل شالت يدها من على فمها وصارت تأشر فيها تبي تتكلم مو قادره تبي تتنفس بعد مو قادره حتى يدها ثقلت ما تساعدها .. تبي تصرخ بس ما في صوت .. صارت تتمايل يمين ويسار بثقل

وطاحت من طولها مرمية على باب البيت من برى

بدر شهق وطاح على ركبه يمها مي .. مي حبيبتي .. مي انا بدر .. مي شفيييج ..حبيبتي ردي علي ابي اكلمج .. مي لا تسوين فيني جذي ..

ودار جسمه لورى ما شاف احد اختفت عن انظاره انقهر وحمل مي لداخل البيت وسدحها على الكرسي انا اوريج .. هذي اشلون دخلت بيتي .. اكيد السالفه فيها شي .. اشلون صارت داخل بيتي وبهاللبس ..

ورد يحاول يصحي مي مي .. سمعيني حبيبتي .. والله ما ادري اشلون دخلت .. لا تزعلين مني ..لاتفهميني غلط وتظلميني ..

قام وقف ودار بجسمه وعض على قبضة يده يفكر ياربي اشلون بتصدقني وبتجذب عينها .. ياااربي ساااعدني ..

اتصل على الاسعاف وركب فوق غرفته وبدل ثيابه على السريع وقبل ما ينزل دورها بكل مكان ما لقى لها أثر فص ملح وذاب

نزل وقعد يم راسها وحطاه بحجره مي .. والله ما اعرفها ... ما ادري من هذي واشلون دخلت بيتي .. مي .. حبيبتي ليش ما تفتحين .. ابي اشوفج .. كلميني يا مي .. ليش ساكته .. ليش ما صحيتي .. كل شي سويته لج ولا انتي راضيه تصحين .. مي لا تخوفيني عليج .. يااربي انا مو قد هالمصيبة .. مي والله أحبج .. حبيبتي لا تتخلين عني .. ما صدقت على الله يقرب موعد زواجنا .. مي كلميني ..

صوت الاسعاف صار عند الباب

بدر نزل راسها على الكرسي وراح فتح لهم الباب

دخلوا المسعفين وصاروا يتفحصونها خيير ..شصار فيها ؟؟

بدر عيونه متوهجه مو قادر يفتحها لانه جابر دمعته تنحصر داخلها طاحت غشياانه ..

المسعفين حطوها بالترولي لانهم حاولوا يصحونها ما صحت يالله بناخذها على المستشفى .. اركب معاها ..

بدر طاع كلامهم وقفل بيته وركب معاها بس صار داخل الاسعاف نزلت دموعه ما قدر يشوفها ممده والاسلاك حواليها والاكسجين على فمها

مسك يدها بيده اليمين ومسح دموعه بيده اليسار مي .. مي لا تخليني ما لي غيرج .. أحبج حبيبتي .. يارب اشفيها .. يارب ما لي غيرها .. لا تاخذها مني بعد ما حبيتها وتعودت عليها ..

وصلوا المستشفى ونزلوا مي على غرفة الطوارئ يحاولون يصحونها

بدر طال انتظاره طلع تلفونه يتصل على ساره

بس ساره همها قضى عليها مريم طلعتها غرفة من الغرف المفروشة وخلتها تغير ثيابها وتلبس وحده من بجاماتها وقعدت معاها لحد ما تعبت من نوبات بكائها ونامت خلتها وراحت لامير

كان قاعد ينطرها بالغرفة رقدت ؟؟

مريم بضييق اي رقدت .. مسكينه كانت بتموت وهي تشاهق حتى نفسها غاب .. حرام ساره ما تستاهل كافي عليها اللي شافته بحياتها .. ما توقعت يوسف يتخلى عنها بهالسهولة ويقسى عليها جذي ..

أمير مسك يدها وقعدها بحضنه باجر يهدئ ويراضيها .. خليها تنام الحين واحنا ورانا حساب صح ..

مريم طالعته بنظره تساؤل حساب شنو ؟؟

أمير بنظره خبث مسك ذقنها حساب هذا الروج ..

نزلها على السرير ونزل معاها .....................

وبعدها قام فجأه لانه تذكر شي مريم ؟؟ فتحي الدرج اللي يمج واخذي منه تابلت الفايتمين ..

يتبع

وبعدها قام فجأه لانه تذكر شي مريم ؟؟ فتحي الدرج اللي يمج واخذي منه تابلت الفايتمين ..

مريم مو لازم ..

أمير عصب من برودها لازم .. يالله بسرعة ..

مريم قامت جلست قعدتها ولمت شعرها بيدها على جهة وحده وفتحت الدرج زين لا تعصب ..

بطلت كرتونه الحبوب وخذت منها حبة وحده وهي تشرب الماي طارت عيونها على اسم الدوا oral contraceptive Pills

طاح كاس الماي من يدها وانكسر

أمير راح لها ومسك يدها شفييج حبيبتي ؟؟

مريم الدمعة واقفة بعينها سحبت يدها بالقوه وصارت تهز ريلها بعصبية ودارت ويهها ما تبي تكلمه

أمير للحين ما انتبه انها شافت كرتون الحبوب وقرت الاسم اللي عليه مريم ليش معصبة

مريم فتحت الدرج وطلعت الحبوب ورمتهم في ويهه من هذاااااا ؟؟ شوف ..

أشرت على الاسم وهي تصرخ في ويهه انا صج مو دكتوره .. بس مو غبية .. 3 شهور وانت تقص علي .. تجبرني اشرب مانع وانا ما ادري .. تقولي فايتمين .. شفتني أحبك ومتعلقة فيك قلت أقص عليها .. غبية ما تفهم .. ليش اورط نفسي معاها .. واييب منها ياهل ..

أمير غمض عينه لانه ما يبي هو بعد يصرخ وتكبر السالفه مريم ..

مريم بدت دموعها تنزل مريم شنووو ؟؟ هه مريم الغبية .. مريم اللي توثق بكل شي انت تعطيها اياه .. مريم اللي انت تتحكم بحياتها .. انت مو من حقك تشربني مانع بدون ما ادري .. انت انااااااااااني يا أمير انااااااااااني .. وعمرك ما حبيتني .. انت ما تحب الا نفسك ..

أمير ما قدر يكتم صرخته لازم تاخذينه ..

مريم علت صوتها أكثر لااااا .. مو لازم أخذ شي .. وانت من اليوم ورايح ما بتجبرني اخذ شي ..

أمير مسكها من ذراعها بالقوه بتاخذينه يا مريم مو برضااج .. غصبا عنج

مريم هه .. وشاللي يجبرني ..

أمير ترك يدها ودار جسمه عنها اللي يجبرج قلبج .. قلبج يا مريم ما يتحمل ..

مريم طاحت على الارض مصدومة ودموعها تنزل بصمت مو قادره تنطق بس تشاهق

أمير ما قدر يتحمل نزل لها وأخذها بحضنه ونزلت دموعه هو الثاني خلاص حبيبتي .. لا تسوين بعمرج جذي .. انا ما ابي يهال .. ابيج انتي .. حبيبتي انا مرتااح جذي ما ابي احد غيرج .. مو مستعد اصير ابو وارمل بنفس اليوم .. مريم انا أحبج انتي .. أحبج ما أحب غيرج ..

مريم للحين مو مستوعبة بس انا ابي .. حراااام عليك تحرمني .. انا .. ابي بيبي صغير منك .. لا تسوي فيني جذي أميير .. بس واحد .. ما ابي أكثر من واحد ..

أمير مريم خلاص ..

مريم رفعت روحها لا مو خلاص .. مو خلاص يا أميير ..

أمير ضمها بقوه يمسح على شعرها اصصصص .. خلاص ..

مريم مسحت دموعها وبنبرة يأس يعني ما في أمل ؟؟

أمير رفعها وابتسم ومسح دمعة يأس يديده انولدت بوسط عينها وسالت على خدها أكيد يا روحي في أمل ..

مريم ابتسمت بأمل صجججج ؟؟

أمير باس جبينها أكيد حبيبتي ..

مريم اشلوووون ؟؟

أمير نسوي العملية ..

مريم نزلت راسها بضييق بس العمليه نسبة نجاحها ضعيفة واحتمال اموت فيها .. لكن اذا يبت البيبي بموت وبخلي شي من ريحتي لك بالدنيا ..

أمير حط اصابعه على شفايفها يسكتها وضمها من وراها كل شي بيد ربج حبيبتي .. اسويلج فحوصات ونشوف نسبة نجاحها .. وان شاءالله تنجح .. ونييب عياااال واااااايد .. لين تتعبين وتقولين بس يا أمير

مريم رفعت يدينها ياااااااااارب تنجح ..

أمير نزل راسه على رقبتها وباسها حبيبتي ابيج توعديني انج تلتزمين بالمانع لبعد ما نسوي العملية ..

مريم ان شاءالله ..

أمير وقفها وقعدها على السرير وفتح الدرج اللي تحت راسه وطلع تلفونه لقى منها 76 مس كول من بدر

دار ويهه لمريم مريم .. بدر حارق تلفوني .. ما ادري شصاير

مريم نطت من فوق السرير وراحت للتسريحه فتحت الدرج لقت بلس 99 مس كول شهقت وحطت يدها على صدرها وييي .. شصاااير ..

اتصلت على تلفووون بدر

وبدر ما صدق احد رد عليه

رد بصووت مخنوووووق مريم لحقي علي .. مريم .. ما عندي غيركم .. مي بتروح من يدي ..

مريم بصراااخ مي شفييهااااا ؟؟ بدر فهمني .. رفيجتي شفيها ؟؟ شسويت بالبنت يا بدر ؟؟

بدر تعالي .. انا مو قادر حتى اتصل لاهلها انا بالطواااارئ .. عيزت وانا اتصل لسااره ما ترد ..

مريم زين .. ما قالوا شفييها ؟؟

بدر مو راضية تصحى عشان يعرفون .. هم بس يبون يصحونها .. مريم انا محتاجلج .. انا هني برووحي ..

مريم خلاص .. انا يايه ..

وسكرت التلفون ودخلت الدرسنغ روم تغير ثيابها انا اليوم واااصلة .. والمصايب تتحذف علي أولها ساره وبعدها انا والحين مي ..

أمير راح وراها شفييها ؟؟

مريم ما ادري .. يقول هو بالطوارئ وهي مو راضية تصحى .. حاولوا معاها فاقده الوعي .. انا بروح لها ..

أمير لبس جوتيه وحمل أغراضه انا بوديج يالله ..

طلعوا من البيت متوجهين للمستشفى

هناك بدر كان يراقبهم وهم يفحصونها بس محد راضي يطلعله ويطمنه بشي

رن تلفونه وشاف المتصل هااني تضايق بس كان مضطر يرد ألو ..

هاني هلا بدر .. مي معاك .. اتصل على تلفونها مسكر ؟؟ عطني بكلمها ..

بدر ما تقدر تتكلم ..

هاني ليييش ان شاءالله ؟؟ شفييها ما تقدر ترد .. العصر كلمتها ما قالت لي شي ..

بدر بضييق احنا بالمستشفى يا هاني .. مي طاحت علي غشيانه وللحين مو راضية تصحى ..

هااني مستشفـــــــــــى ؟!؟!؟!!!!.. اي مستشفى ... ليش طاحت ؟؟ من شنو ؟؟

بدر احنا بالطوارئ .. تعال وتعرف كل شي ..

هاني سكر التلفون بويه بدر وراح لامه وابوه وطيران على المستشفى

وصلوا مريم وأمير بسرعة وراحوا يدورن على بدر بالممرات ما لقووه

أمير راح الرسبشن يستفسر ومريم كانت واقفة ولمحت بدر بدر .. اكا بدر هنااك ..

راحوا له وبدر ما صدق على الله يشوفهم

مريم عور قلبها شكل ولد عمها بدر شصاار ؟؟

بدر قعد على الكرسي ونزل راسه ما يبي ينزل دموعه جدام الناس وخصوصا مريم وأمير ..

أمير انا بروح اشوف شصاار ..

مريم هزت راسها لامير وحطت يدها على يد بدر بدر قولي ؟؟ لا تسكت .. ليش مي جذي شصاار فيها ؟؟

بدر مو قادر ينطق

مريم لمحت دموعه تنزل على الارض تنهدت بضييق وتسندت على الكرسي

وصلوا اهلها وهم طايرين مرعوبين عيونهم تتلفت بكل مكان

أبو مي راح لبدر وينها بنتي يا بدر ؟؟

هاني راح له ومسك جاكيته ووقفه وهو عاض على اسنانه شسويت فيهاااا ؟؟ تحجى .. لا اخليك تتحجى غصب .. ليش مي طاحت عليك ..

أم مي بصيااح قلتلكم ما يستااااهلها .. شفتوا شسوى في بنتي .. حرااام عليكم ابي اشوفها ..

راحت لمريم مريم ماما .. بنتي بتروح مني .. شفتي ولد عمج .. اخذها غصبا عني وحرمني منها وشوفيها الحين .. بتروح من يدينا كلنا ..

مريم حضنت أم مي تهديها خلاص خالتو .. مي ان شاءالله ما فيها شي .. نطري الحين يطلع أمير ويقول لنا ..

أمير طلع ومعاه لجين والكل وقف وألتم عليهم

أمير كانت عيونه على بدر تنهد بضييق وهز راسه

أبو مي بشررنا يا دكتور ؟؟ قولي بنتي .. مي بنتي شفييها .. صحت ولا لاء ..

لجين نزلت راسها مو قادره تقولهم الخبر

هاني مسك يدها بالقوه اختي شصاار فيها ؟؟ تحجي ..

أمير مد يده على يد هاني ورفعها التعدي على طبيب أثناء مناوبته فيها سجن .. اترك يد البنت ..

هاااني بنفاذ صبر زين شلت يدي .. قولوا شفييها مي ..

أمير وعيونه على بدر انا بقولكم ..................

الجزء الخامس والاربعين

أبو مي بشررنا يا دكتور ؟؟ قولي بنتي .. مي بنتي شفييها .. صحت ولا لاء ..

لجين نزلت راسها مو قادره تقولهم الخبر

هاني مسك يدها بالقوه اختي شصاار فيها ؟؟ تحجي ..

أمير مد يده على يد هاني ورفعها التعدي على طبيب أثناء مناوبته فيها سجن .. اترك يد البنت ..

هاااني بنفاذ صبر زين شلت يدي .. قولوا شفييها مي ..

أمير وعيونه على بدر انا بقولكم .. مي تعرضت لصدمة نفسية سببت لها انهيار عصبي شديد من الدرجة الاولى .. عشان جذي مو راضية تصحى .. لازم ايي الطبيب النفسي ويفحصها لان الدكتور اللي كان هني خلصت مناوبته ..

بدر حط يدينه على راسه مو قادر يتحمل ولا قادر يسمع أكثر .. انقلبت حياتهم في هالنص ساعة اللي دخل فيها الحمام ياخذ شاور عشان يروح لها .. كان يعد الايام يبي الوقت يمر بسرعة ويتزوجون وتعيش معااه طول العمر .. بس كل شي تغير بدل ما يمر عليها ويطلعون مع بعض ركب معاها بالاسعاف ..

أم مي قامت تصرخ بنتي .. يماا بنتي راحت من يديني .. كله منك يا بدر .. جانك بتخسرني بنتي ..

أبو مي مصدوم ومو قادر حتى ياخذ نفس رمى بثقل جسمه على الكرسي ووسع التاي بيده اليمين وفصخ نظارته الطبية بيده اليسار

هاني استلم لجين بالاسئلة يعني ما بتصحى ؟؟

لجين الحين بيي الدكتور .. وهو يقول كل شي .. عن اذنك هذا مو تخصصي

هاني مسكها من ذراعها ادري انه مو تخصصج .. بس ابي افهم ..

لجين نزلت عينها على يده وسحبت يدها انطر ايي الدكتور ويفهمك كل شي ..

مشت عنه وهو ظل واقف مكانه

أمير راح وقعد يم بدر ومريم كانت بالجهة الثانية يعني بدر بالوسط

بدر للحين منزل راسه وحاط يدينه فوق شعره

أمير حط يده على جتف بدر وعيونه على مريم بدر .. تحجى .. قول .. ليش صار جذي في مي .. لازم تقول عشان الدكتور يعرف يعالجها ..

بس بدر ساكت ما يرد على احد

مريم بدر اذا تحبها تحجى .. لازم الدكتور يعرف السبب .. عشان تخف ..

بدر رفع راسه ومريم انصدمت أول مره تشوف بدر جذي مهزوز وضعيف ولون عيونه مثل الدم والدموع تقطر منها بدون احساس هز راسه بالنفي وحرك شفايفه بدون صوت شتبوني اقول ؟؟

مريم بدت تخاف عليه بدر انت اخوي ومي أختي .. ما ابي اشوفكم بهالحالة .. قول اي شي .. انت زعلتها .. قلت لها شي كدر خاطرها .. ريحني وريح نفسك وريح اهلها .. شوف حالتهم بيموتون خوف عليها .. بس لا تسكت جذي ..

بدر سند راسه على الجدار بقوة وغمض عينه وسالت الدموع على خده وسكت ما قدر يقول شي .. ما عنده شي يقوله

مريم بدت تدمع عيونها على حال بدر .. ودها تساعده بس هو اللي مو راضي وبنفس الوقت خايفه على صديقة عمرها اللي مدده داخل والدكاتره رايحين يايين عليها ..

أمير يأس منه وراح قعد يم زوجته يهديها ويمسح دموعها خلاص حبيبتي .. ان شاءالله تقوم بالسلامة ..

وبنفسه ياريت ما طعتج ورديت يا مريم .. 3 شهور ما شفت دموع عينج واليوم مرتين ورى بعض .. حبيبة قلبي .. ما ودي هالدموع الغالية تنزل بس مو بيدي .. مو بيدي اخليج لي بروحي تنسين اهلج وناسج لان مشاكلهم مشاكلج .. ومشاكلج مشاكلهم .. الله يصبرج يا مريم .. بلاج ما تعرفين شي عن مي واللي ينطرها ..

بعد نص ساعة

وصل الدكتور النفسي وشاف أمير قاعد ومريم بحضنه راح وقف قباله محمد أمير كراشي ؟؟؟!!!!!!

أمير شافه ابتسم وبعد مريم عنه ووقف صافحه هشام رحيمي ؟؟ وينك صارلي سنين ما شفتك ؟؟

هشام شسوي فيك .. قلتلك لا تتخصص قلب وجراحة داخلية انت ما طعتني ..

أمير وعيونه على مريم نصيبي وداني هناك

هشام كان يطالع مريم

أمير شافه وابتسم ومسك يد مريم وقفها أعرفك مريم أكبري .. زوجتي .. دكتور هشام رحيمي .. دكتور أمراض نفسية .. زميلي بالجامعة ..

مريم مدت يدها وابتسمت هاااي .. تشرفنا ..

هو ما شال عينه من عليها صافن فيها هــ هـاااي .. انا اللي اتشرف ..

أمير حس ان هشام طول وهو يصافح مريم وبدت الغيره تلعب فيه وانت بشر تزوجت ولا للحين عيونك على البنات ..

مريم فهمت قصد امير وسحبت يدها وانسحبت وقعدت مكانها يم بدر

هشام تزوجت ؟؟؟!!! .. الا قول جم مره طلقت .. صرت خبره الحين ..

أمير هه .. بعد .. طلقت ..

هشام اي مرتين .. وعندي بنتين بعد إيمان وسيرين ..

أمير الله يخليهم لك .. لا انا توني معرس يديد

هشام مسك ذراع أمير وقرب منه أكثر يبي يساسره (يهمس له )عشان مريم ما تسمع ما عندها اخت ؟؟ اتزوجها ..

أمير ضحك وهز راسه بالنفي وحيده امها وابوها ..

هشام غمض عينه متحسف افااا ما في نصيب .. تعال خذتني السوالف ونسيت اسألك .. عسى ما شر ..

أمير زين اللي تذكرت بعد .. احنا اهل المريضة اللي حضرتك توك متفرغ تيي تفحصها .. رفيجة زوجتي ومرت ولد عمها ..

هشام صج والله .. سامحوني والله بناتي كانوا عندي عبال ما وصلتهم لامهم وييت .. يالله دقايق وراجع لكم ..

دخل هشام على مي وفتح ملفها يقرى اللي فيه

وأمير قعد يم مريم

بعد ربع ساعة طلع هشام من غرفة مي والكل وقف أولهم بدر

هشام بجدية من آخر واحد كان معاها ؟؟

بدر بخنقة انا ..

هشام وانت شتقرب لها ؟؟

بدر زوجتي ..

مريم كانت قبل في بيتنا ..

هشام تعال وراي مكتبي .. وانت بعد يا أمير تعال وييب زوجتك لانها قريبة منها ..

أم مي انا امها ابي اعرف بنتي شفييها ..

هشام خاله .. بنتج حاشها انهيار عصبي .. وهم آخر ناس كانوا معاها .. ابي افهم منهم

مشى هشام ومشوا وراه بدر وامير ومريم وصل المكتب وقعد وهم قعدوا قباله

هشام يالله من يبدأ فيكم ؟؟ ابي اعرف شسويتوا لها ؟؟ مستحيل كل هذا بدون سبب ..

مريم كانت قاعده عادي .. فجأه قامت تبي تطلع من البيت ..

هشام وطلعت ؟؟

مريم اي طلعت مستعيله .. وبس ..

هشام وبعدين وين راحت ؟؟

وعيونه على بدر وكأن يقوله تكلم وقول شصاار

بس بدر كان منزل راسه وساكت

هشام شوف انا بشرحلك حالة مرتك بالتفصيل وانت قرر .. مي تعرضت لصدمة كبيرة أدت لفقدانها مناعتها النفسية كلياً .. كل انسان طبيعي يمتلك مناعة نفسية تقاوم كل الضغوط والصدمات اللي تحيط فيه .. مي شافت شي خلاها تفقد توازنها النفسي .. وكل واحد مناعته تعتمد على درجة معينة .. يعني مناعة مي كانت ضعيفة ومستحيل تتقبل الشي اللي شافته .. مي الحين تحتاج رعاية كاملة يعني بتصير مثل الطفله ما تقدر تاكل بروحها ما تعرف تلبس ما تقدر حتى تدخل الحمام بروحها .. مشي ما تعرف تمشي .. أبسط الروتينات والشغلات العادية البسيطة ما بتقدر تسويها فقدت حواسها كامل .. ما عندها قدره حتى تمسك الاشياء الخفيفة .. كلام مستحيل تتكلم .. انصابت بفقد نطق .......

مريم ما قدرت تتحمل وقفت ودموعها على خدها يعني شنووو ؟؟؟ بتصير معاااقه .. لييييييش .. ليش كل هذااا ؟؟ أمير قوله مي كانت قاعده معانا .. انا وانت وساره .. كانت فرحانة وتقول فستانها باجر بيوصل على الشحن وعرسها الخميس .. وخايفة تتوهق ..

هشام لازم اعرف السالفه عشان اعرف اعالجها .. علاجها بيطول ..

بدر شكثر بيطول ..

هشام هه .. من سنة لسنتين ..

أمير سنتين ؟؟ وااايد ؟؟

هشام اذا مو أكثر .. انا عطيتكم اياها من الاخر يمكن تنتكس حالتها .. ولازم اعرف سبب طيحتها عشان ابدأ العلاج من الحين .. ما تدرون يمكن بسرعة تشفى .. يعني ما تطول حسب نوع الصدمة ..

مريم راحت لبدر وصارت تهزه بقوه بدر هذي مي .. تعرف يعني شنو مي ؟؟ مي رفيجتي من 17 سنة .. حرام عليك تحرمني منها .. قول .. تحجى شسويت فيها ؟؟ لا تسكت اذا تحبها قول .. عشان خاطري قوول ..

بدر غلب على صوته نبره حزن ممزوجه بكاء اذا قلتلكم بتصدقوني ؟؟ اذا انا مو مصدق اللي صار .. ودي احس ان حلم وابي اصحى منه ..

أمير قول انت وما عليك اذا صدقناك ولا لاء ..

بدر بخنقه كبيرة انا من رجعنا من شيراز وانا متعود كل ليلة امرها ونطلع مع بعض .. يوم نختار الاثاث .. ويوم تشتري جهازها .. ويوم نروح السينما ويوم البحر .. كان كل يوم عندنا مشوار .. نطلع لنا مشوار بس عشان نشوف بعض .. بس اليوم قلت لها مهندس الديكور بييني عشان يعلق اللوحات ومن يخلص اتسبح وامر عليها .. هي نص ساعة .. بس نص ساعة طلع المهندس من صوب وانا دخلت الحمام من صوب وبس ..

هشام وبس شنو ؟؟؟

بدر تنهد طلعت بعد هالنص ساعة انا لاف الفوطه علي وسمعت حركة برى فتحت باب غرفتي الا وانا اسمع مي تصيح .. نزلت على الدرج لقيتها واقفة على الباب .. ومن شافتني طاح تلفونها وشنطتها من يدها ..

مريم هه .. شنو يعني بس شافتك صار فيها جذي ؟؟ !!

بدر لا يا مريم .. هني المصيبة .. كانت وحده واقفة على الباب وهي اللي فتحت لمي الباب .. كانت شبه عاريه .. ومي عبالها انها كانت معااي ..

هشام وهذي اشلون دخلت بيتك ؟؟

بدر حط يده على راسه ما ادري .. ما ادري .. انا قفلت الباب بعد ما طلع المهندس .. حتى انا مستغرب اشلون دخلت بيتي .. اكيد عندها مفتاح بس ما ادري من وين يابته ..

أمير وانت ما تعرفها ؟؟ ما شفتها من قبل في مكان ..

بدر هز راسه بالنفي لا .. اول مره اشوفها .. باين عليها رخيصه ..

مريم بدر .. اللي قلته صج ؟؟ يعني انت ما كنت معاها ..

بدر منزل راسه وحاط يده على راسه احلف لج بشنو . اني ما كنت معاها .. ولا اعرفها حتى .. انا انصدمت فيها .. خفت على مي لما شفت حالتها نزلت لها .. بس كانت مو قادره لا تتكلم ولا تشوف ولا شي .. كانت تلوح بيدها .. ولما ييت احاول امسكها طاحت على الارض .. كانت ما تتحرك حملتها لداخل البيت حاولت اصحيها ما صحت .. لما شفت حالة مي .. نسيت هذي اللي كانت واقفة .. نسيتها .. كان همي بس اشوف عيون مي تفتح .. اسمع صوتها .. احس بأنفاسها تتحرك .. بعدها اتصلت على الاسعاف وتذكرتها قمت ادور عليها بكل مكان ما لقيتها .. اختفت .. يمكن طلعت وانا ما حسيت فيها .. كان همي في زوجتي .. لبست ثيابي وقعدت انطر الاسعاف لحد ما وصلوا ويابونا هني .. هذا كل اللي صار ..

زفر بحراره هذا كل اللي صار .. ..

هشام بدر .. انا محتاج تكون صادق معاااي .. هذي صدمة نفسية .. متأكد انك ما تعرفها ؟؟

بدر ولا عمري شفتها ..

أمير بس هي دخلت بمفتاح بيتك .. اشلووون ؟؟

بدر هذا اللي محيرني .. كان باقي على زواجي أيام .. والحين كل شي راح وانهد فوق راسي .. مو مهم الزواج .. ابي اشوفها وأكلمها .. ابي افهمها .. ابيها تسمعني ..

هشام مستحييل ... انت آخر واحد ممكن تشوفه او تكلمه ..

بدر وقف مصدوم ليييييييييش ؟؟؟؟؟

هشام لانك انت السبب بأزمتها .. لازم نعزلها عنكم كلكم .. لين تسترد مناعتها تدريجيا ..

مريم نزلت دموعها ووقفت مو مصدقة يعني ما بشوفها كلش .. والله حرااام .. 3 شهور وانا بعيده عنهم واليوم وصلت وكل هذا يصير لهم ..

طلعت من المكتب وأمير طلع وراها يهديها

هشام وقف لازم توقع على اوراق ادخالها المصح النفسي .. عشان ينقلونها الحين ..

بدر اي مصح ؟؟

هشام مستشفى رحيمي النفسي ..

بدر بضييق زين ما بتصحى .. ابي اشوفها لو من بعيد ..

هشام لا ما بتصحى .. انا عطيتها جرعات منومة لفترات طويلة وقبل ما تصحى نعطيها الجرعة الثانية .. لازم تنام اسبوع كامل . احتياجاتها بتكون كلها وهي نايمة . تهدأ فيها اعصابها وتستعد للأنتي بيوتك الخاص بحالتها .. وهذا يحتاج لهدوء تام .. انا اوعدك اسوي كل اللي يطلع بيدي .. عشان اطلعها من حالتها .. وبالنسبة لشوفتها تقدر الحين تشوفها قبل ما ياخذونها .. لاني بمنع عنها الزياره لحد ما تتحسن حالتها شوي ...

يتبع

بدر خلاص يا دكتور .. هذا شغلك وانت ابخص فيه .. سوو اللي في مصلحتها .. انا مستعد اوقع على كل شي بس تطيب وترجعلي ..

هشام ان شاءالله ..

طلعوا من المكتب بدر راح الرسبشن عشان يوقع على الاوراق وكانوا اهلها واقفين هناك ينطرونه

بدر تأفأف متضايق لانهم بيسألونه وهو أعصابه تالفه ماله خلق حتى يتكلم

يتبع ,,,,

👇👇👇

تعديل المقال