رواية عذبتني باسباب فرقاك -36

رواية عذبتني باسباب فرقاك -36

بدر خلاص يا دكتور .. هذا شغلك وانت ابخص فيه .. سوو اللي في مصلحتها .. انا مستعد اوقع على كل شي بس تطيب وترجعلي ..

هشام ان شاءالله ..

طلعوا من المكتب بدر راح الرسبشن عشان يوقع على الاوراق وكانوا اهلها واقفين هناك ينطرونه

بدر تأفأف متضايق لانهم بيسألونه وهو أعصابه تالفه ماله خلق حتى يتكلم

هاني راح له انت من صجك بتوقع وبتدخل اختي المصح ؟؟

بدر ما رد عليه اخذ الورقة من النيرس عشان يوقعها

هاني عصب وحط يده على الورقة هيييي .. انت اشلون اتدخل اختي واحنا مو موافقيين ..

بدر رفع يده بالقوه من على الورقة ووقع بس انا موافق ... انا زوجها وانا اللي اقرر ..

أم مي بصرااخ أكيد بعد اللي سويته بتسجنها هناك عشان تفتك منها ..

بدر ركز على كلامها وشنو اللي انا سويته ؟؟

أم مي حست ان لساانها فلت منهاا وبدر بدى يشك هاا .. اي .. انت اللي زعلتها ..

بدر ما اهتم لها سلم النيرس الورقة وراح لغرفة مي دخل عليها كانت نايمة ومافي ونيس معاها غير المغذي اللي يجري بعروقها

راح وقعد يمها على طرف السرير ومد يده بتردد يبي يتحسس ويهها عيونه كانت حارقته على كثر ما هلت دموع منها كانت شبه مسكره مو قادر حتى يفتحها كلها

بصوت مخنوق مي .. انا بدر .. حبيبتي .. انا ييت اشوفج واودعج يا روحي .. انا اللي وصلتج لهني .. بس والله ما كان ذنبي ..

نزلت دموعه بدون احساس ووصلت لفمه وصار يتلذذ فيها ذنبي الوحيد اني حبيتج وتعلقت فيج .. تعودت عليج يا مي .. انتي مرتي وحبيبتي وامي واختي وصديقتي .. انتي كل شي بحياتي .. اشلون ببعد عنج .. اشلون بتعدي علي الساعة بدون ما اسمع صوتج .. اشلون يمر علي يومي بدون ما اشوفج حبيبتي ..

مسك يدها يشمها آآآآآآآآآآآآه يا مي .. ليش كل هذا .. ليش انقلبت فرحتنا لحزن .. ليش حبيبتي .. أحبج يا مي .. انتي ربي عوضني فيج عن كل اللي صار لي بحيااتي .. ياريتني انا اللي هني ..

أشر على سريرها وراح صوته مكانج .. ياريت المرض فيني ولا فيج يا مي .. مي سامحيني حبيبتي .. لازم اخليج تروحين معاهم عشان ترجعين لي .. ترجعين ونتزوج يا قلبي ..

قام وباس جبينها مي .. اوعدج .. ان اللي صار ما راح يعدي على خيير .. انا لازم اعرف من اللي سوى فينا جذي واقلب حياته مثل ما قلب حياتنا .. اوعدج حبيبتي اخذ حقج وحقي منه .. على فرحتنا اللي ضيعها منا .. استودعج بالله يحمييج ويردج لي بأقرب وقت ..

طلع من الغرفة ودخلوا النيرس عشان ينقلون مي بالاسعاف

لجين دخلت وراهم تكمل اجراءات النقل لمستشفى رحيمي

هاني دخل وراها معصب انتي اشلوون تسمحين له يتصرف من راسه .. احنا اهلها واحنا اللي لازم نقرر

لجين ملت منه كل شوي طالع لها ويصرخ تركت القلم افففففففف .. انت وبعدين معااك .. تراك اذيتني .. اذا ما تبونه يكون مسؤول عنها .. ليش تزوجونها له ؟؟

هاني هذا مو شغلج .. زوجناها ما زوجناها ما يخصج .. بس مو من حقكم تعطونه أوراقها يوقع عليها احنا اهلها أولى فيها ..

لجين اهلها مسؤولين عنها قبل لا تتزوج .. اذا المريضة متزوجة زوجها هو اللي يقرر .. عن اذنك ..

سلمت الملف للنيرس وطلعت

وطلع وراها دكتوره ...

خلاص وصلت حدها دارت جسمه له اوووووهووووو .. عندي شغل لفوق راسي .. مللتني .. اذا عندك مشكلة روح لدكتور هشام وهو يفهمك كل شي .. لانه هو دكتورها المختص ..........

هاني كان ساكت ويتأملها بس لما شافها معصبة ابتسم بعذوبة انا كنت ابي اعتذر منج بس .. ازعجتج وانا ألاحقج ..

لجين ردت له الابتسامة عادي ولا يهمك .. متعوده .. هذا شغلي ..

هاني مد يده يصافحها انا هاني أمين عزيزي .. بزنز مان .. اخوو مي العود والوحيد ..

لجين مدت يدها الثانية تصافحه تشرفت فيك .. انا دكتوره لجين جمال محمود .. بنت خالة مريم رفيجة مي ..

هاني ما شاءالله دكتورة ؟؟ خريجة وين ؟؟

واستمرت السوالف بينهم ..

بدر كان قاعد ينطرهم يطلعونها عشان يروح معاهم

طلع تلفونه من جيب جاكيته ولقى فيه مسج من أمير بدر انا اضطريت ارجع مريم البيت لانها تعبت عليّ ... تعرف قلبها ضعيف ما يتحمل .. اذا صار معاك شي خبرنا ..

تنهد بضييق و راح وقف يم عمه خلاص عموا انتوا رجعوا البيت ..

ابو مي وين نرجع يا ولدي .. هذي بنتي اشلون ارجع واخليها ..

بدر عموا مي بتدخل مصح نفسي ..

دار عيونه على ام مي محتاجة سنين يالله تطيب ..

ام مي انصفقت سنييييين ؟؟؟

بدر اي سنين .. لانها فقدت كل مناعتها النفسية .. وما اظن ان في احد يبي وحده داخله مصح نفسي .. مو انتي تبيني اطلقها وتزوجينها غيري .. خلاص ارتاحي الحين انا وانتي خسرناها ..

مشى مع المسعفين تارك ام مي مصدومه انشلت كل قواها مو قادره لا تتحرك ولا تنطق

ابو مي اختنق وطلع من المستشفى كله

طلع الصبح عليه وهو نايم بالسياره على البحر وتلفونه مسكر وعلب السجاير فاضية منثره على كل مكان وبرى السياره بقايا سجاير محروقه كان شكله شكل واحد مدمر كليا كأن فاقد وعيه مو نايم سادح السيت ونايم عليه ومايل براسه برى السيت وحاط ذراعه على عيونه يبي يحجب ضوى الشمس عن عيونه والمكيف كان ثلج وهو مغطي نفسه بجاكيته يبي يدفي نفسه فيه

صحى على صوت طق الدريشة بقوه رفع يده وهو مكشر ومغمض عينه وجلس السيت

نزل الدريشة وشاف واحد كأنه يعرفه مسح بيده بقايا الدموع اللي جفت على خدوده وحمار عيونه هلا .. هلا منصور .. شتسوي هني ؟؟

منصور رفيج يوسف الروح بالروح من أيام الطفوله

منصور منزل روحه على الدريشة وهو لابس نظارته عيزت وانا ادورك .. اتصل على تلفونك مسكر .. عرفت انك هني

يوسف يفرك شعره بيدينه ويتثاوب ومن وين عرفت اني هني ؟؟

منصور ضرب على باب السياره افتح لي الباب خست من الحر ..

يوسف فتح الابواب ومنصور راح قعد يمه انا ادري انك من تختفي تيي هني .. قالتلك شي ؟؟ عرفت اللي كنت تبي تعرفه ؟؟

يوسف تذكر اللي صار البارحة في بيت اخوه وبعد ما طلع أكثر من ساعتين يلف بالشوارع ويصرخ ويضرب بقوه وغضب على الدركسيون وهو يصرخ وصرخاته ممزوجة بدموع عينه لييييش حبيبتي ؟؟؟ لييش يا ساره .. ليش .. ليييش .. انا ادري ان مو ذنبج اهلج يكونون جذي .. لكن ذنبج انج خدعتيني .. تدرين اني اموت في بعدج عني .. ما اتحمل فراقج .. علقتيني فيج.. انا اتنفسج يا ساره .. أحبج .. بس انتي كنتي خاشة حقيقتج عني خايفة اتركج .. انتي انانية نطرتيني اختنق بحبج .. نطرتي ايي الوقت اللي اكون فيه تحت يدينج وتلعبين بأعصابي .. استغليتيني يا ساره واستغليتي قلبي الهايم فيج .. انا كل اهلج ما هموني كل اللي همني جذبج علي .. انا ما سترجيت اسأل احد كنت خايف انصدم فيج .. ما توقعت انج بهالمستوى ... ما توقعت يا ساره .. لو صارحتيني من أول كنت خذيتج بحضني وعوفتج الدنيا باللي فيها مو بس امج وابوج اللي ما دروا عنج .. بس انتي استغفلتيني حبيبتي .. اي انتي حبيبتي وانا أحبج موووت يا ساااره والله احبج .. روحي بين يديج حراام علييج ..

وما لقى نفسه الا راد يم بيت اخوه اللي على البحر ويدخن سجاره ورى الثانية وكأنه يبي يموت نفسه مو قادر يتحمل ألم صدره نام والدموع جفت على ويهه وهو مو حاس على عمره

ابتسم بحزن ولف ويهه على رفيجه امها مكسيكية قطتها أول ما ولدتها على ابوها المزواج كل شهر في بلد ومتزوج ولا يدري عنهم ... قطعت قلبي على كثر ما صاحت ..

منصور مسكينة ... ابوها ليش يسوي جذي .. لهدرجة فاضي كل يوم في بلد ..

يوسف لان هذا شغله طيار .. كل يوم في بلد ..

منصور زين .. خلاص .. يعني هي مالها ذنب ..

يوسف فقد أعصابه ورفع صوته الذنب كله ذنبها .. هي اللي خشت عني .. علقتني فيها واستغلتني واستغلت حبي لها وبعد ما حست اني ما اقدر اعيش بعيد عنها .. اختنق .. قالت اخليه يتعلق فيني وبعدين اصدمه ما بيقدر يبعد عني ..

منصور ليش تفكر جذي ؟؟ يمكن البنت ما كانت تقصد ..

يوسف كل هذا وما تقصد .. خلاص انا لازم انساها ...

منصور والله ما تسوى يا خوووي شوف حالتك .. ليلة وحده هلكت عمرك وانت تدخن .. وما نسيت .. اشلون بتنساها تبي تذبح روحك عشان تنساها .. اقول من رايي عطها فرصة .. افهم اسبابها عدل .. بعدين احكم عليها .. حراام اللي تسويه بنفسك واللي تسويه فيهاا ..

يوسف خلاص يا منصور خلني على راحتي ..

منصور زين يا يوسف .. خلني اوصلك البيت ..

يوسف لا ما ابي اروح البيت .. ما ابي اشوف احد ولا اكلم احد .. خلني انا اتصرف ..

منصور يوسف انا خايف عليك .. شوف حالتك .. اخاف تسوق وتسوي حادث .. حتى عينك مو قادر تفتحها ..

يوسف ما رد اكتفى انه دار راسه عنه واشر له بيده بمعنى خلاص خلني وروح

احترم رغبته ونزل من السياره وخله يوسف بكومة احزانه نزل راسه على الدركسيون واي واحد يشوف يعرف انه حزين ..

بمكان ثاني وعلى سرير ثاني صحت بس مو قادره تقوم خايفة من اللي ياي خايفة تطلع برى هالغرفة وتشوف الناس خايفة تعيش بين الناس ودها تنهي عمرها وترتاح تعبت من حياتها وتعبت من الناس اللي حولها .. الدنيا صعبة والحياة أصعب ولما بدت دنيتها تضحك لها حظها وقف وحال بينها وبين هالضحكة

قامت بثقل ودخلت الحمام غسلت ويهها عشرات المرات حاسة نفسها بكابوس مو بس حلم وكل مره ترفع راسها تبي تشوف روحها في المنظره تشوفه هو نفسه حبيبها اللي جرحها ويردد مثل الكلمات " وانا فعلا ما يشرفني ارتبط بوحده مثلج" نزلت دموعها كالعاده مسحتها وغسلت ويهها وطلعت من الحمام

لبست ثيابها اللي يت فيهم البارحة ومشطت شعرها بأصابع يدها وطلعت نظارتها الشمسية ولبستها خلاص انا لازم انساك .. ما عندي شي غير هالكلمة اقدر اواسي نفسي فيها .. انساك يا يوسف

يتبع

لبست ثيابها اللي يت فيهم البارحة ومشطت شعرها بأصابع يدها وطلعت نظارتها الشمسية ولبستها خلاص انا لازم انساك .. ما عندي شي غير هالكلمة اقدر اواسي نفسي فيها .. انساك يا يوسف

طلعت من الغرفة اللي كانت فيها ونزلت تحت ما لقت احد مريم وأمير راقدين لانهم ما ردوا الا الصبح وهي ما تدري بشي ولا شصار في مي

لقت الهاوس كيبر واقفة وتبتسم لها Good morning miss sara

ساره ردت لها الابتسامة Hiiiiiii .. Good morning ..

الهاوس كيبر Do you want your breakfast now??

ساره ?? No thanks .. I'm not hungry .. ammmm…. Sorry what's your name

الهاوس كيبر my name is Jasmine

ساره Beautiful name .. Kinds of flower .. And I love it this flower a lot .. Because the smell perfume and color of white ..

جازمين Yes I know .. your name is very nice also

ساره وهي طالعة O.K .. bye bye

جازمين Do you want to ask the driver to take you?? because there is no car abroad

ساره بابتسامة حزينة No, thanks, I want to walk .. Just walk

طلعت ساره تمشي في الحديقة لحد ما وصلت لباب الفيلا فتحه لها السكيورتي وطلعت تمشي على البحر اللي مواجه الفيلا

وصلت وفصخت جوتيها ورفعت بانطلونها لركبهاا وصارت تمشي على الرمل وتصرخ تطلع كل اللي بقلبها آآآآآآآآآآآآآآه يا بحر .. آآآآآآآآآآآآآآآآه .. آآآآآآآآآآآآآآآه .. ومليون مره اقول آآآآآآآآآآآآآه .. تعبت من كل شي .. تعبت .. فيني حزن أكبر منك انت .. فيني جرح طاغي علي مو قادره اتحمله .. ابي ارتااح .. ابي اموت .. حياتي من اساس ما لها معنى امي ما بغتني ابوي قطاني وحبيبي تركني ليش اعيييش .. ليش .. بس عشان هذول .. دموعي .. ما ابي اصيح .. تعبت يا بحر تعبت ..

طاحت على ركبها ودخلت بنوبة بكاء

كانت سيارته واقفة بعيد لانه بعد ما مل من اللف في الشوارع اصلا رجع يم بيت اخوه ووقف على البحر .. ما قدر يمشي ويخلي قلبه داخل .. كان ينطرها تطلع لانه ما شبع من شوفتها .. قسى عليها .. والدنيا قست قبله عليها أكثر

كان يراقبها وقلبه معتصر عليها وده يروح لها وياخذها بحضنه بس غروره ما يسمح له

ساره وقفت ومسحت دموعها بظهر يدها خلاص انا بموت .. محد يبيني .. لازم اموت .. بريح العالم مني .. تعال يا بحر .. اخذني وريح الناس مني .. ما اقدر اصيح أكثر .. سامحيني يا دمعتي .. بس انا تعبت منج لازم اموت .. سامحيني فاتي .. سامحني يابدر وسامحيني يا مي ما بقدر احضر زواجكم ..

دارت ويهها على بيت مريم وانتي بعد يا مريم سامحيني .. ابي ارتاااااح ..

دخلت البحر تمشي وهي ماده يدينها على الجوانب

وصل الماي لصدرها

يوسف كان يراقبها توقع انها بتتراجع بس ماي البحر جرفها ووصل لنص ويهها يوسف نزل من سيارته يركض بأقصى سرعته وجوتيه كل واحد طار بجهة وجاكيته طاح على الارض

صرخ من كل قلبه ســـــــــــــــــــــــــــــــــــاااااااااااااا ااااااااااااااااااااااااااااره

بس ساره صارت تحت الماي ما تسمع شي تسمع لقلبها يقولها واصلي يا ساره انتي ما لج مكان بينهم

يوسف صار يخبط بريله في ماي البحر يبي يوصل لها بسرعة وبعدها رمى روحه بوسط البحر وهو بثيابه غاص تحت يدور عليها

لقاها تحاول تنزل جسمها لتحت يعني تبي تنتحر

وهذي ثاني بنت من عائلة أكبري تحاول تنتحر عشان واحد من عائلة كراشي

دفع نفسه لجهتها وضمها بقوه من خصرها ورفعها لفوق الماي يبيها تتنفس

ساره كانت شبه ميته ما تتحرك وشعرها كله نازل على ويهها ومايله براسها وهو بعد نفس الحالة شعره نازل على عيونه مو قادر حتى يرفعه لانه مركز عليها يبي يطلعها من الماي بسرعة

وبعد طول محاولات حملها لبرى الماي وركض فيها للسياره ركبها حتى بدون ما يجلس الكرسي وساره كانت مايلة براسها والماي يقطر منها وصل بيت اخوه وكان يصرخ على السكيورتي ويهرن بإزعاج عشان يفتح الباب

فتح السكيورتي الباب ودخل يوسف وقف السياره وحمل ساره لداخل البيت و قعد بنص الصاله يصرخ بصوت رجولي غالبة عليه نبرة الخوف والبكاء أميييييييييييييييير .. ألحق علي .. أمييييييييير ..

أمير قام مفزوووع ومريم وقفت على طولها شصاااااااااااير ؟؟؟

أمير لبس شورته ما أدري هذا صوت يوسف .. ما ادري شصاير .. الله يستر ..

مريم لبست روبها ونعالها ونزلت ورااه

انفجعوا بشكل ساره ممدده على الارض وثيابها مغرقين بالماي وراسها بحجر يوسف وهو يصيح عليها ساره .. ساره لا تموتين انا ما استاهل .. ساره حبيبتي .. ردي علي .. ساره ..

صار يهزها بقوه سااااره قومي .. ساره لا تخليني بروحي .. انا احبج والله احبج لا تخليني ما اقدر اعيش بدونج ..

الخدم كلهم ألتموا عليهم

أمير ركض لهم وقف يم ريل ساره شفيييها ؟؟؟

مريم نزلت بخطوات سريعة وشافت بنت عمها شهقت بصوت عالي وحطت يدينها على فمها

يوسف بمثل النبرة صراخ أليم أميييير .. أميير ساعدها يا خووووي .. ساره غرقت نفسها بالبحر .. أمير سااااااره انتحرت يا أمير .. ساره خلتني .. وراحت عني ..

مريم طاحت على الارض وراح صوتها بصوت الدموع انتحرررررررررررررت ؟؟!!

أمير شاف شكلها شوي ويوقف قلبه راح قعد يم ساره مريم حبيبتي روحي فوق ..

مد يده يتحسس نبضها الحمدلله للحين في نبض ..

مريم بصياح لا ما ابي .. ابي اشوفها .. ابي اشوفها تفتح عينها ..

يوسف أمير يعني للحين عايشة ؟؟

أمير اي الحمدلله .. بس لازم نسعفها ..

دار ويهه للهاوس كيبر .. Bring my first aid kit and a blanket wool .. Jasmine.

Jasmine right now

يوسف بخوف أمير .. بتعيش صح ؟؟

أمير بدى يضغط على صدرها براحة يدينه يحاول يضخ الماي اللي بلعته ان شاءالله ..

يت Jasmine وفرشت اللحاف الصوف وأمير سدح ساره داخله يدفيها فيه

يوسف وقف على راس أمير وعاض على قبضة يده ودموعه غرقانة بعيونه وملامحه كلها معتفسه

مريم صارت تشاهق وراحت ليوسف وبكل قوتها ضربته كف بيدها الضعفيه على خده ومالت ويهها

خلت الكل يتفاجئ من حركتها وأولهم أمير رفع راسه متفاجئ بس يوسف كان على عكسه كان متوقع اي شي منها نزل عيونه على الارض

يتبع

خلت الكل يتفاجئ من حركتها وأولهم أمير رفع راسه متفاجئ بس يوسف كان على عكسه كان متوقع اي شي منها نزل عيونه على الارض

مسكته من قميصة وصارت تهزه بقوه ارتحت الحين ؟؟ هذا اللي كنت تبيه .. تبيها تموووت .. البنت ما كانت تبي تقولك لانها ما تبي تحس بالنقص .. ما تبي تنهان أكثر .. طول عمرها عاشت متحسره على شوفة امها وحضن ابوها .. وانت ييت وقضيت عليها .. هذا اللي انتو فالحين فيه ... بالاول اخوك والحين انت .. مثل الاخلاق .. مثل القلب أسود حاقد .. ما يعرف الرحمة .. والله يا يوسف اذا ماتت ساره ذنبها برقبتك .. صدقني ما راح ارحمك ..

بهالوقت ساره صارت تسعل بقوه نتيجة لضغط أمير

مريم شافتها وراحت قعدت يمها ساره .. ساره انا مريم .. تسمعيني ..

ساره فتحت عيونها بدوخه كح ..كححححح .. مريم ؟؟

مريم مسكت يدها اي مريم .. ليش سويتي جذي يا ساره ؟؟؟

ساره بصوت متقطع مـ مـــــريم .. انـــــ ــــــــا ابي امووووت .. خلوووووني امــ مــــوووووت.......................

انقطع الصوت وسكتت ساره

أمير انصدم لان جسمها بدى ينتفخ

مددها ورفع راسها فتح عينها يفحصها وهو يصرخ طلبوووووا الاسعااااااااف بسررررعة..

مريم تصيح بخوووف أمير .. ليش سكتت ؟؟ شصاار فيها ؟؟

يوسف راح يبي يحلها خلنا احنا نوديها ..

أمير يحاول يسعفها بس ساره ما تتأثر ومتنرفز من صياح مريم ما يحب يسمعها تصيح ما نقدر نحركها تموت ما تتحمل .. مريم لا تصيحين ..

يوسف قعد يم أمير أمير شفييها ؟؟ ليش سكتت ؟؟

مريم صارت تهز أمير بقوه أمير .. قولي شصاار فيها .. لا تسكت ..

أمير حاقرهم يحاول يحافظ على تنفسها

مريم وقفت تصرخ بنت عمي شفييييها أمير؟؟ قولي ..

أمير وقف وواخذها بحضنه مريم لا تسوين بعمرج جذي .. ان شاءالله تقوم بالسلامة ..

مريم خافت من نبرة صوته اي شفييها ؟؟

أمير ساره دخلت بغيبوبة ..

مريم غيبوبة ؟؟؟؟؟ لييييييش ؟؟؟

أمير نقص الاوكسجين عن مخها وان شاءالله ما ينقطع .. والرئتين انتفخوا شوفي جسمها ...

يوسف كان قاعد على ركبته وعيونه على أمير يسمع كلامه جنه مسبه مو قادر يستوعب ان ساره في غيبوبة عيونه تتنقل بين أمير ومريم وساره قاعد يشوف الانتفاخات اللي بجسمها بس مو قادر ينطق .. مو مصدق ان ساره صارت شبه ميته وشبه حية .. حبيبته صارت تحت رحمة ربه .. كانت واقفة جدامه وتصيح ما سووى لها شي .. ما تحرك الا لما شاف ماي البحر يسحبها مع الموج

مد يده يتحسس خدودها ودموعه وصلوا لرقبته ساره .. انا آسف حبيبتي .. انا ما كنت واعي للكلام اللي قلته .. حبيبتي آسف .. كل السالفة كانت سوء فهم

رفع عينه على أمير ومريم اللي كانوا يطالعونه قولوا لها تقوم .. والله كان سوء تفاهم .. انا كنت زعلان لانها ما صارحتني من أول .. ابيها تسامحني .. والله ما اقدر اعيش بعيد عنها .. بمووت اذا ما شفتها .. أمير قولها أحبها فهمها بطريقتك انت دكتور وتعرف ..

راح صوته انا ما اعرف .. اعرف بس ازعلها وانزل دموعها ..

واستجمع كل قوة صوته وصرخ قولولها ترد لي .. قولو لها ابيهاااااااااا .. ابيها تردلي .. ابي اكلمهاااااا ..

أمير خاف على اخوه بعد عن مريم ونزل له بس يا يوسف ان شاءالله بتقوم .. لا تسوي في روحك جذي ياخوووي .. ساره الحين محتاجتك معاها .. لازم تقوي نفسك .. اذا تحبها خلك اقوى من جذي .. ما يصير تضعف وهي مالها غيرك .. اخوها يكفيه اللي فيه ..

مريم انا بروح ابدل .. اكا الاسعاف وصل ..

أمير زين حبيبتي يبي ثياب ليوسف ولي عشان نروح ورى الاسعاف ..

يوسف أصر يركب معاهم بالاسعاف ومريم وأمير وراهم

مريم مو مصدقة اللي قاعد يصير في رفيجاتها وحده بغيبوبة والثانية بصدمة نفسية كل شوي تنزل دمعتها وتمسحها بسرعة وأمير ملاحظ بس ما يبي يزعجها .. ومقدر حالتها

وصلوا المستشفى وكان تشخيص الدكاتره مطابق لتشخيص أمير ضبطوا تنفسها ودخلوها العناية يراقبون حالتها ما يقدرون يسوون لها شي لازم تصحى أول خصوصا بعد ما سحبوا الماي من على رئتها وحطوا لها الاوكسجين الصناعي عشان ما ينقطع عن مخها ويتسبب بوفاتها وأول شي سووه لها انهم منعوا عنها الزياره ما خلوه يدخل معاها ... وقف يراقبها من الزجاج وعيونه صاروا جمر وأطرافه كلها ترجف وهو مسند اصابعه على الزجاج ..

كان هذا حال ساره ومي كل وحده طايحة بجهة مروا شهرين وهم على هالحال

مي بدت تصحى بس ما تتكلم يأكلونها ويشربونها وهي فاقده حواسها دمعتها على خدها طول الوقت وصافنه.. بدر كان ممنوع عليه يزورها كان يشوفها من بعيد لما يطلعونها في الحديقة كان ينتقل بين اخته ومرته حتى ساره للحين مانعين عنها الزياره

وهو رد لشغلة يبي يبعد عنها شوي الشوق يقرص قلبه طول الوقت وهو ما يقدر يقرب منها

أمها كانت تصيح طول الوقت عليها لما تروح تشوفها ما توقعت ان بنتها تكون ضعيفة جذي وتطيح هالطيحة كانت تتصل في بدر تحاول تتقرب منه عشان خاطر بنتها بس اللي راح ما يتعوض طيحة بنتها هي كانت سببها بالاول والاخير وبهالوقت بالذات المفروض تكون بشهر العسل وفرحانة بحياتها مع اللي قلبها اختاره عنادها هو اللي وصلهم لهني

بدر للحين ما عرف من السبب في خراب حياتهم وللحين مستحلف فيه وناوي يهدم حياته راح للمهندس ما لقااه طلع مسافر وكل مره يروح يسأل عنه ما يحصله ............ يبقى سر وبينكشف بالاخير

ساره للحين طريحة الفراش ينطرون منها اي تحسن بس ما في على حالها يوسف عاف الدنيا كلها طول وقته يقضيه معاها بس من ورى الزجاج يسولف معاها وينام قريب منها .. يبي يكون معاها اذا صحت .. دمعته صارت ما تفارق عينه وهو تعود عليها بعد انهزت شخصيته بحبه لها تغلب على غروره وكبريائه

مريم وأمير حياتهم صارت جافة من بعد اللي صار ووقتهم بين المستشفى والشركة والمصح يردون بآخر الليل بيتهم

بغرفة نومهم

أمير قاعد على طرف السرير يفصخ جوتيه حبيبتي ؟؟ كلميني .. ابي اسمع صوتج اشتقتلج واشتقت لصوتج .. لا تسوين فيني جذي .. أسبوع وانتي مخاصمتني .. تراني تعبت

مريم متغطية باللحاف ومغمضة عينها وحاقرته كالعاده

أمير انسدح يمها وصار يلعب بشعرها ويشم خصلاتها

مريم تحرك راسها وتشده بمعنى اترك شعري لا تلمسه

أمير تعود على هالحركة لانها شبه يومية حط يده على خصرها وضمها من وراها ونزل شفايفه على رقبتها وباسها بنعومة وهمس لها أحبج ..

مريم ما ردت عليه كانت مغمضة عيونها ومسوية روحها نايمة

أمير متأكد انها مو نايمة لانها تحاول تبعد عنه بأي طريقة حملها وجلس قعدتها

تضايقت من حركته ودارت بويهها

أمير دار لها وباسها بسرعة وهي بعدت عنه وخر عني .. ما ابي اكلمك .. مو غصب ..

أمير مسك يدينها اي غصب .. تعرفيني ما اقدر على زعلج .. أسبوع وانا أجاريج وساكت عنج .. صبري وخلص .. ارحميني عاااد..

مريم سحبت يدينها بالقوه انت اللي ارحمني وخلني ارقد .. مو كافي هذا

أشرت على رحمها اللي جبرتني اروح ويحطون لي

أمير وهو رافع حواجبه intrauterine device ؟؟ حبيبتي هذا لولب عادي ناس وايد يستخدمونه أأمن من الحبوب .. وبعدين هذا حل مؤقت مو على طول ...

مريم دارت ويهها اففففففففف ... ملييت .. ملييت .. ملييت .. أمير انت مو حاس على شي .. صرت عصبي وكل شي تحسب له ألف حساب .. كل شهر من يقرب الموعد تفقد أعصابك .. خلني اموت احسن لي من هالعيشة ..

أمير حط يده كله على فمها لا تيبين طاري الموت على لسانج .. خلاص بعد أسبوعين نسوي فحوصات العملية وان شاءالله كل شي تمام .. نسويها ونرتاح من هذا كله ..

ضمها من وراها هااانت يا قلبي .. أنا أعرف اني غلطت لما اجبرتج .. بس ما ابيج تاخذين حبوب وايد .. انا جذي ارتاح ..

مريم بنبرة زعل بس انا مو مرتاحه .. انت صاير عصبي .. وانا كافي علي مصيبة مي وساره .. اذا على بيبي انا خلاص اقتنعت .. مو نصيبي .. واذا الله كاتب لي عمر بعيشه .. واذا كاتب لي اموت بموت ...

أمير ونعم بالله ..

مريم سالت دمعتها أمير انا أحبك .. انا عايشة عشانك .. ابيك ترد مثل ما كانت هادي وحنون .. انا ما لي غيرك .. شوف ما لي احد .. مي مصدومة وساره ما تدري عن احد وبدر لاهي بشغله ومرته واخته .. انا ما لي غيرك .. تعبت من حياتي .. لمتى بظل انسانة ناقصة .. انسانة مو طبيعية .. لمتى ؟؟؟؟؟؟؟

أمير خلاص حبيبتي أوعدج اني اتمالك نفسي واضبط اعصابي .. انا اسوي كل هذا من خوفي عليج .. اخاف يصير فيج شي واخسرج .. انتي روحي يا مريم .. داخل روحي وقلبي وعيوني .. ما ابدلج بكنوز العالم .. انتي بالاول والاخير أهم شي بدنيتي .. ما ابي ياهل ايي بيني وبينج ويتعبج وياخذج مني ..

مريم بدلع اناااااااااني ..

أمير شد ضمته اناني .. اناني راضي .. وقولي اللي تبين .. قولي غيور بعد بس احبج انتي ما احب غيرج .. ولا ابي بحياتي احد غيرج ..

مريم اابتسمت ولفت له وباسته وأنا بعد أحبك ..

أمير يغمز لها بخبث بس ؟؟ صارلج اسبوع حارمتني .. تعالي خليني آكلج ..

مريم ضاعت بحضنه أمييييييير .. هههههههههههه .. لااااا .. لاتعض .. ههههههه انا اوريك ..

أمير زين وريني ...

ومد يده وسكر اضاءه الابجوره

بعد شهرين

مريم كانت قاعده في مكتبها وتذكرت شي ناسيته من زمان كان لازم تسويه ونست

شرااااااااااايكم بالاحدااث

؟؟؟؟؟

توقعاااااتكم

شنو اللي تذكرته مريم

بتتحسن حالة مي ؟؟ ولا بتنتكس مرة ثانية بسبب بدر او امها

وساره بتصحى من غيبوبتهاا وبترجع ليوسف ؟؟ ولا بتسوء حالتهاا ويمكن ما تصحى بعد ؟؟

الجزء السادس والاربعين

بعد شهرين

مريم كانت قاعده في مكتبها وتذكرت شي ناسيته من زمان كان لازم تسويه ونست

رفعت سماعة تلفون مكتبها واتصلت عليه وبعد رنات قصيرة رد بنفس النبره المكسوره هلا مريم ..

مريم بجدية اليوم المغرب بروح بيتي .. ييب فاتييي وتعال ..

بدر ليش ؟؟ صاير شي ؟؟

مريم اذا ييت بتعرف .. خدا حافظ

بدر خدا حافظ

سكرت التلفون ودارت عيونها على الاب توب تكمل شغلها الا وصوت الباب ينطق دخلي نادية ..

نادية حامله بيدها ملف مدام مريم .. هذول الفاكسات اللي لازم ارسلهم يحتاجون توقيعج ..

مريم بدون ما ترفع راسها اوكي خليهم وتعالي بعد ربع ساعة ..

نادية اوكي .. عندج اجتماع مع مستر يوسف كراشي بعد نص ساعه ..

مريم رفعت راسها اوكي .. في شي ثاني ؟؟

نادية حست ان مزاج مريم متعكر هزت راسها بالنفي وانسحبت على طول

مريم نزلت عينها على الاب توب مو قادره تشتغل بشي حاسة نفسها معصبة ما تدري من شنو .. يمكن سفر أمير هو اللي مكدرها صارله أسبوع غايب عنها عنده مؤتمر في نيوزلندا وباقي على ردته أسبوعين ..

خذت الفاكسات ووقعتهم بملل وقامت حملت أغراضها وطلعت من المكتب انا رايحة الشركة .. اذا في شي مهم اتصلي على الخاص ..

نادية ابتسمت لها ان شاءالله ..

وراحت داخل المكتب تاخذ الفاكسات عشان ترسلهم

مريم راحت شركتها هي ويوسف لان مشروعهم قرب يخلص ولازم يوقعون عقود مع المستأجرين وصلت قبل الوقت بعشر دقايق كان قاعد ينطرها

دخلت قاعة الاجتماعات وهي للحين ما فصخت نظارتها شافت منزل راسه ومسنده على يدينه وباين عليه التعب

قعدت قباله وفتحت الملف تراجعه قبل الاجتماع

يوسف رفع راسه وشافها من يوم صار اللي صار في ساره وهي مقاطعته ما تكلمه وهو ساكت عنها علاقتهم في حدود شغلهم ومصالحهم

تنهد بضييق حاول يلطف الجو بينه وبين مرت اخوه شخبارج مريم ؟؟

مريم من غير نفس اخباري مقطوطة بالمستشفى ..

يوسف مسح ويهه بيده مريم حرام عليج ... انا تعبان .. ما عندي غيرج اشكيله ..

مريم فصخت نظارتها وصارت تأشر فيهاا بسخرية هه .. توك تحس ..

يوسف مسح ويهه بضييق انا احبها يا مريم .. والله احبها .. وربي اللي خلقني أحبهاا وما اشوف بهالدنيا غيرهاا .. انا ابيها تردلي .. ما صدقت على الله يخلوني ادخل عليها وأمسك يدها .. مريم اشتقت لها .. اشتقت لعيونها ودها اشوفها .. اشتقت لصوتهاا بموت واسمعه .. بس ابي اسمعه .. ساعديني يا مرت اخوي ..

مريم حملت أغراضها اوكي قوم معاااي ...

يوسف وهو محتاار وين نروح ؟؟ والاجتمااع ؟؟

مريم يتأجل .. لاحقين عليه ..

مريم وقف واختل توازنها مره وحده حست بدوخه مو طبيعية ورمت روحها على الكرسي مرة ثانية وغمضت عيونها وحطت يدها على جبينها

يوسف اتبهدل وراح لها مريم شفييج ؟؟ تعبااانه ؟؟

مريم ما ردت بس هزت راسها بالنفي

يوسف بخووف أوديج المستشفى ؟؟

مريم فتحت عيونها لا شوية دوخه ما يحتاج .. عادي اكيد نزل ضغطي اليوم ما تريقت الصبح ..

يتبع ,,,,,

👇👇👇

تعديل المقال