رواية عذبتني باسباب فرقاك -41
وصل لجناح الولاده وحط كرته على الجهاز يسويله سكان وثواني وانفتح الباب
عبس بملامحه ما يحب يدخل هالجناح ويسمع هالصريخ والصيااح ومشى بخطوات سريعة الدكتورة انتبهت له وراحت تركض والممرضة معاها دكتور .. سوري ازعجتك .. بس المريضة مو راضية تسوي عملية .. ولونها انقلب ازرق .. وانا اكثر من مرة سألتها اذا عندها مشاكل بالقلب بس هي ما ردت كانت بس تصرخ وتصييح خايفة على جنينها ..
أمير بجديته المعتاده لكن هالمره غالب عليه فكره مشغول فيها في مريم في حبيبته اللي وضعها يمكن اصعب من وضع المريضة بالغرفة هاا .. اي زين .. تتنفس عدل ؟؟
الدكتورة وهي تمشي معااه متجهين للغرفة لا .. تنفسها صعب حتى الاكسجين مو مسوي نتيجة .. ولونها أزرق .. بصراحة ما اظن انها تقدر تدفع وهي خلاص قربت تولد ..
أمير وفكره مو معااه مشغول في مريم بس زين ليش ما تبي العملية ؟؟
الدكتورة مو راضية .. عيزت منها .. وانت تعرف القوانين ما يصير نجبر المريض على شي اذا هو مو راضي ... لازم موافقتها وتوقيعها او توقيع احد من اهلهاا وهي ماو معاها احد .. يايه بروحهاا
كان تلفونه كل شوي يرن ويسكره
أمير ما رد عليها دخل الغرفة وعيونه على الملف غطوها ..
وقعد يكتب فيه شوية ملاحظات الا وسمع الدكتورة تصرخ دكتور بيّن الراس خلاص بتولد
كانت تشاهق وعيونها على فوق دموعها سايلة على جوانبها بس مو قادره تصرخ بس تون بصوت شبه مسموع وتحاول تدفع ..
أمير صرخ على الدكتوره لا .. لااااااا .. خلها تمسك نفسها ..
الدكتوره تصرخ على مريم اخذي نفس على فوق .. على فوق ..
مريم رفعت راسها وصرخت باللي بقى عندها من صوت ما أقـــــــــــــــــدررررر .. أحس بشي ينزل مني ..
وخذت نفس تحاول تدفع
أمير واقف متصنم حاس نفسه بحلم عيونه عليها مو مصدق اللي يشووفه حتى القلم اللي كان بيده طاح على الارض بصوب والملف بصوب ثاني دموعه صاروا ينزلون ورى بعض مو حاس لشي جسمه كله يرجف ما يسمع لاحد ولا حتى لصراخ الدكتورة دكتور .. بسرعة المريضة ياها الدفع تبي تدفع ..
أمير حس بشي تهز يده وعته من صدمته كان تلفونه يرن بجيب جاكيته طلعه ببرود ومو قادر يثبته على اذنه لانها ترجف بقوه ألـــ ألــــ ــــ ــــو
يوسف يالله تأخرنا يا أمير ما خلصت ؟؟؟
أمير غمض عيونه واعتصرت منها الدموع غصب وبخنقة يـــ ـــ ـــوسف الحـــالة هي مريم .. مريم اللي قاعده تمووت ..
وطاح التلفون من يده على الارض وبدون ما يحس فيه حتى
انتبه لروحه ومسح دموعه بيده وراح يم راس مريم مدد يده بتردد يتحسس جمال بشرتها حـــ حـــ ــ ـبيبي .. انتي هني وانا قالب عليج الدنيا برى ؟؟
مريم سمعت صوته فتحت عينها بتعب أميييييير ..
أمير نزل لها مره وحده وكأنه توى صاحي من صدمته يا روووووووووح أمييير ..
مريم تحاول تتحمل الالم وضامة شفايفها بقوه حبيبي .. انا بييب لك بيبي ..
أمير حط اصابعه وهم يرجفون على فمها اشصصص .. لا تتكلمين .. ما ابيج تتعبين نفسج أكثر .. حبيبي لازم تدخلين العمليات وتسوين قيصيرية ..
مريم صوتها بدى يغيب لا ما ابي .. ابي اشوف البيبي وهو يطلع مني .. ما ابي اسوي عملية .. ما ابي ..
أمير بصوت باكي لا حبيبتي .. قلبج ما يتحمل .. ما تقدرين تولدين طبيعي .. انا ما ابي اخسرج .. اذا تبين تشوفين البيبي خلااااص اخليهم يعطونج بنج موضعي .. بس طبيعي لاااا .. قلبج بيوقف ..
مريم صار صوتها قريب للهمس وشفايفها نشفت وابيضت وجبينها معرق ما ابي ..
رفعت راسها تحاول تدفع
أمير جن جنونه يشوفها جذي قاعده تموت جدامه عينه وهو مو قادر يسوي شي .. يحاول يرجع راسها على المخده ويمسح على شعرها بخوف لا مريم .. لااااا حبيبتي .. انا ما بسمحلج تولدين جذي .. ما بسمحلج تموتين .. امسكي نفسج .. امسكي نفسج شوي عشااان خااطري ..
ودار ويهه على الدكتوره وصرخ جهزوا العمليات بسرعة ...
الدكتورة مو فاهمة شي دكتور المريضة تقرب لك ؟؟
أمير فتح عينه الخضرة وصرخ بأعلى صوت عنده زوجتيييييييييي ..
الدكتوره نقزت وخافت من صرخته خلاص عيل نجهزها للعملية ..
الممرضة صرخت دكتورة الراس بدى يطلع محتاجة لدفعتين بس ..
أمير عصب عليهاا وقفوااا الولاده .. زوجتي عايشة على شرياان واحد .. انتوا ما تفهمووووون ..
مريم كانت تسمعهم بس مو قادره تمسك نفسها رفعت راسها تبي تدفع وأمير تمسك بيدها مريم .. لا حبيبتي لا تدفعين .. مريم يا ااا قلبي عشان حبنا لا تسوين فيني جذي .. لا تدفعين .. لاااا
بس مريم كانت تدفع وهي ضاغطة على نفسها ولونها تغير صار ازرق غامج أمير كان يشوفها ويصرخ وقفواا ااااا الـــــــولاااااده ..
ولف عيونه عليها وأعصابه خلااااص فلتت منه وقوته كلهاا انهدت من شااف حبيبته تموت جداام عيونه مرييييييييييييييييم .. لا تسوين فيني جذي .. والله ما اتحمل .. مريم لاتدفعين .. الله يخليج حبيبتي لا تدفعين .. اخذي نفس .. حاااولي حبيبتي .. حااااااوليييي ...
بس مريم مو قادره تتحمل أكثر صارت أنفاسها ضعيفة وتشاهق بدون صوت وعيونها مثل الجمر وهي متمسكة فيه بيدينهاا الثنتين وتحاول تضغط على نفسها
أمير بترجي أكثر وهو ضام يدينها مريم قلبج بيوقف .. حرااام علييج ... الشريان ما يتحمل الحين بينفجر .. حبيبة قلبي .. ارحميييييييييني .. لا تسوين جذي ما اقدر اعيش من غيرج يا مريم .. ما ااااا اقدر .. لا تحرميني منج .. حرااااام عليج .. والله حراااام ..
مريم شهقت شهقة قوية بصوت مبحوح ودفعت بكل قوتها ورمت براسها على المخده بقوه واختفى صوتها ويدينهاا للحين في يدين أمير
الدكتورة سحبت البيبي ورفعته من ريله مبروووووك دكتور يتك بنوتة حلوه .. حمدلله على سلامتها ..
أمير كان يطالع بنته بحقد وكأنه قرفان منها وعيونه تتنقل بينها وبين أمها
حط اصابعه على رقبة مريم يتحسس نبضها لقاه معدوووم ينبض مره ويسكت خمس مرات تقريبا
حط يدينه على خدودها وصار يحركم بقوه مـــريمـــ .. مــــــريــــــمـــ ... هذاااا اللي كنتي تبينه .. تبين تموتين وتخليني .. مريمــ لا تسوين فيني جذي .. قلتلج ما ابي ياااهل .. ما ابي غيرج بحيااااتي .. مريمي اصحي حبيبتي .. انا احبج والله احبج .. لا تروحين وتخليني .. مريمي .. أناا أمير ردي علي .. جاااااااوبيني .. طمني قلبي .. مـــــــــــريـــــــــــــــــمـ .. قووومي يا مريمـ قومييييي ..
بس مريم ما كانت تستجيب لمحاولات أميير
الدكتورة صرخت على أمير دكتووووور .. القلب وقـــفـــــ .. دكتووووور قاااااعدين نفقد المريضة .. دكتوووور فقدنا المريضة ..
أمير في حالة هذيان مريمـ راااحت .. مريمـ قلبها وقف .. مريمـ ماتت .. مااااااااااتت ...
ما ابي اسألكم عن شي
ابي اشوووف رااايكم
وتوقعاااتكم
الجزء التاسع والاربعين
الدكتورة سحبت البيبي ورفعته من ريله مبروووووك دكتور ياتك بنوتة حلوه .. حمدلله على سلامتها ..
أمير كان يطالع بنته بحقد وكأنه قرفان منها وعيونه تتنقل بينها وبين أمها
حط اصابعه على رقبة مريم يتحسس نبضها لقاه معدوووم ينبض مره ويسكت خمس مرات تقريبا
حط يدينه على خدودها وصار يحركهم بقوه مريمـــ .. هذاااا اللي كنتي تبينه .. تبين تموتين وتخليني .. مريـــمـــ ــ ــ لا تسوين فيني جذي .. مرـــيمي اصحي حبيبتي .. انا احبج والله احبج .. لا تروحين وتخليني .. مريمي .. أناا أميييييير ردي علي .. جاوبيني .. طمني قلبي .. مـــــــــــريـــــــــــــــــم .. قووومــــي يا مريم قومييييييي ..
بس مريم ما كانت تستجيب لمحاولات أميير
الدكتورة صرخت على أمير دكتووووور القلبـــــ وقف .. دكتووووور قاااااعدين نفقد المريضة .. دكتوووور فقدنا المريضة ..
أمير في حالة هذيان مريمـــ راااحت .. مريمــ قلبها وقف .. مريمــــ ماااااتت .. مااااااااااااااااااتت ..
الدكتورة وهي جارة جهاز الصدمات الكهربائية لجهة مريم نيرس حطي الجيل على صدرها بسرعة ..
أمير للحين واقف ومتمسك بيدها البارده ومو حاس على اللي حوله ملامحه كانت جامده مو قادر يستوعب انه خسرها ..
الدكتورة حطت الجيل على الطارتين ومدتهم على أمير وهي تصرخ تبيه يصحى من اللي هو فيه ألحقهاااااا يا دكتوووور .. بسررررعة ..
أمير يشوف الطارتين بويهه ترك يدها بهدوء وسحبهم ببروود رفع عينه لفوق وسحب نفس طويل وهو مغمض عينه
نزل راسه ودموعه وصلت لشفايفه وهو للحين مغمض عينه
قرب الطارتين واحد قريب من وريدها والثاني بجهة قلبها وصرخ عليهم وخروا عنها .. وون .. توو .. ثريييي
انتفض جسمها كله بمفعول الصدمة الكهربائية وأمير دار ويهه بسرعة على المونيتر يبي يشوف دقات قلبها يبي يشوف نبضاتها بس ما في شي الخط كان مستقيم وصوت الرنين في مستوى واحد
صارت الدموع تتجمع بعيونه أكثر ما عنده وقت حتى يمسحهم رفع الطارتين على فوق وبلع ريقه بصعوبه
الدكتورة تنادي عليه يالله دكتور .. حاااول .. بنضاعف البااور ..
أمير كان حاس بوجع في قلبه عمره ما كان يتخيل انه بيي يوم ومريم بتكون بين يدينه شبه ميته وهو طبيبها اللي لازم ينقذ حياتها ما كان يتصور انه بيأذي جسمها بجهاز الصدمات الكهربائية ابتلت شفايفها بدموعه ونزل الطارتين مره ثانيه ويدينه ترجف ..
وهني كانت الصدمة جسم مريم ما قاعد يستجيب صار يشاهق حس ان خلاص خسرها ولازم يعلن ساعة وفاتها
صار يهز راسه بهستيريا مو قادر يصدق ان مريم خلاص راحت منه .. مريم ماتت .. تركته وتركت له الدنيا كلها باللي فيها .. حتى بنتها راحت وخلتها ..
دموعه تهل بحراره وقلبه رافض هالشي لا .. مستحيل تروحين وتخليني يا مريم .. لاااا .. مستحيل ..
صرخ على الموجودين كان يحاولون يفكون الجهاز من عليها وخروووووووووو عنها .. يالله يا مريم .. لا تخذليني .. انتي قوية واقوى من جذي بعد .. يالله نحاول انا وانتي .. قوووومي حبيبتي ... عشااان خاااطري .. مالي عيشة من غيرج ..
غمض عينه ونزل الطارتين للمره الثالثة وجسمه صار يرجف ويدينه مو قاادر يثبتهاا مو راضي يصدق انها راحت ماتت خلااااص يااااااااارب رجعها لي يااااارب .. انقذها يارب .. ووون .. تووو .. ثرررري ....
أمير للحين مغمض عيونه خاايف يفتحه ويطلبون منه إعلان الوفاه صار يون بخوف يبي يبلع ريقه مو قادر صار عقله مشوش ما يسمع اللي حوله الاصوات وايد حوله وصاخبه ومزعجة وهو مو قاادر لا يفتح عينه ولا يسمع كلااام احد ..
الدكتوره مسكت يده عشاان يحس دكتور .. دكتور محمد أمير ..
أمير نقز مره وحده و فتح عينه وهي متوهجه وكأن توى حاس توى يستوعب اللي صار دار عيونه على المونيتر والطارتين للحين في يدينه وتنهد بنفس طويل من داخل قلبه الـــــحــــمــــدلله ..
الدكتورة وهي تشيل الجهاز حمدلله على سلامتها ..
أمير ابتسم ابتسامة شكر للدكتوره و مسك يد مريم ورفعها وشمها بنفس طويل شكرا حبيبتي .. شكرا لانج ما خليتيني .. أحمدك وأشكرك ياااااارب
دار ويهه على الدكتورة جهزوا العمليات ..
الدكتورة الحين دكتور ؟؟
أمير مو قادر يشيل عينه من عليهاا واشلون ممده على السرير وهي مو في وعيها اي الحين ما ابي يضعف قلبها أكثر .. وانا محرك نبضاته بالــ Electric shock ..
الدكتورة خلاص الحين نتصل بالجناح يجهزون الغرفة .. دكتور بنتك بالحضانة ...
أمير ولا كأنه يسمع راح لمريم ونزيل باس جبينها وصار يمسح على شعرها بحنان وبنفسه أحبج يا مريم ... الله لا يحرمني منج .. أحبج مووووت حبيبة قلبي ..
رفع عينه على المونيتر يطالع نبضاتها صج ضعيفة بس على الاقل تنبض ابتسم بحزن ومسح ويهه بيده وطلع من غرفتها عشان يروح يتجهز للعملية
ومريم بعد طلعوها بالترولي على جناح العمليات
برى في قاعة الانتظار
ساره بهستيريا يعني شنو ؟؟ لمتى بيردون علينا كسرت الجرس وانا أطقه .. ولدت ولا لاء ..
يوسف راح سحبها من يدها سوسو حبيبي نطري شوي ..
بدر كان ساكت عيونه تلاحقها وهي الثانية بعد ساكته تحاول تتجنب نظراته
ساره تعرفني ما اقدر أصبر .. اففففف
يوسف اذا انتي مو قادره تصبرين عيل أمير شبيسوي .. المسكين كان يقولي وانا حاس انه جامد مكانه .. اشلون مريم هي نفسها الحالة اللي كان ياي يفحصها ...
ساره بحزن حرااام اللي سوته مريوم فيها وفي ريلها .. بس البيبي يستاهل ..
غمزت له ولا انتوا عيال كراشي ما تحبون اليهال ..
يوسف عض على شفايفه خلني اتزوجج وانا اوريج .. شوفي بطنج هذا شلون مشدود اللي فرحانة فيه .. والله ما اخليه يفضى على طول منفوخ .. تقول ما احب اليهال .. انا من حبيبتي كل شي احبه .. مو بس اليهااال ..
ساره كانت عيونها في عيونه استحت من كلامه ونزلتها في الارض
يوسف وهو كاتم ضحكته فديت قلبهم اللي يستحووون ..
ساره بدلع يوووووسف يووز عني ..
يوسف ضحك وراح شبك يدينه بيدينها ههههههههه .. زين امشي نروح نقعد معاهم .. شوفيهم كل واحد بصوب ما جنهم ريال ومرته ..
بالهوقت طلع أمير بخطوات سريعة من الجناح والكل راح له
ساااره بشر ولدت ؟؟
أمير طالعها بنظرات ساره ما فهمت منها شي كان غاص بريقه ومو قادر يتكلم وانتي هذاا اللي هامج ؟؟
الكل انصدم من كلام أمير
مي بخوف يعني شنوو ؟؟
أمير ضااق نفسه أكثر وزاد حماار عيونه مريم وقف قلبها ..
ساره شهقت بصوت عالي وحطت يدها على فمها تمسك صرختها
ويوسف ضماها من جتوفها يهديها
مي عكس ساره ما تتحمل ارتفع صوت صيحتها ماااااااااااتت ؟؟؟
أمير عيونه على صديقاتها كل وحده منهاره على طريقتها دار ظهره ومشى عنهم ما يبي يتأثر بدموعهم وتنزل دموعه
يوسف ترك ساره وهي رمت روحها بحضن أخوها وراح ورى أخوه أميييير .. أمييير ..
أمير سحب نفس وتلحق دموعه ووقف
يوسف راح وقف في ويهه ما رديت علينا ؟؟ مريم ...............
قاطعه بصرااااخ لااااااا .. مااااا ماااااتت .. الله ستر وما ماتت .. اضطريت احط عليها الصدمات الكهربائية عشان تعيش وينبض قلبها .. أنا شفت حبيبتي وجسمها كله ينفض .. ما اتحملت الكهربا .. يوسف خلوني في حالي ..
أمير حاول يمشي ويتعدى اخوه بس يوسف وقف بويهه والحين هي بخيير ؟؟
أمير هه .. أي خيير .. أقولك قلبها وقف وعايشة على شحنات الكهرباء اللي اسعفتها فيه ..
يوسف زين والحين شبتسوي ؟؟؟ بتخليها جذي ؟؟
أمير بضييق لانه تذكر حالتها لا طبعا .. دخلوها العمليات ..
غمض عيونه بسوي لها عملية اضطرارية زراعة وتجميل في قلبها ..
يوسف مسك ذراعه لا يا خوي .. لا تسويها .. شوف حالتك ..
أمير حط يده على يد أخوه وشالها ببرود انا اللي بسويها .. وبحط مهنتي رهان العملية .. اذا فقدت مريم بعتزل الطب .. ما ابي انقذ حياة الناس وانا اعز ناااسي ما قدرت انقذهم ..
مشى عن أخوه ويوسف للحين مصدوم من كلام أخوه .. بيترك مهنته بكل سهولة وبينسى الطب اللي عاش سنين طويلة من عمره يدرسه ويحقق رغبة أبوه اذا فقد مريم ..
اختفى أمير عن انظاره ودار ويهه لقى أهلها يصيحون عليها بمراره
بدر كان واقف بعيد عنهم لان مي طاحت بحضن ساره وهو ما حب يزعجها
راح نزل لمستواهم ساره حبيبتي لا تصيحين جذي ..
ساره وهي تشاهق اشلون ما اصيح اذا مريم راحت ..
يوسف مد ابهامه اليمين ومسح دمعتها اليمين وسبابته اليسار ومسح دمعتها اليسار وابتسم لها حبيبي مريم ما ماتت .. أمير انعشها .. قلبها رجع للحياه .. رجع ينبض ..
ساره و مي صاروا يطالعون بعض ويضحكون من بين دموعهم
ساره مو مصدقة صج حبيبي ؟؟؟؟!!!!
يوسف هز راسه بالايجاب اي حبيبي ..
مي للحين بنبرة بكائية بحسها لكن أمير قالــ .......
يوسف قال قلبها وقف بس ما قال ماتت .. انعشها بالكهربا .. والحين دخلوها العمليات ..
بدر سمعهم وراح وقف ورى يوسف لييييش ؟؟؟
يوسف عملية اضطرارية .. لازم يسويها لها ..
بدر بس يا يوسف انت ما شفت حالته .. أخافــ ....
يوسف تذكر كلام أخوه ابتسم بخفة أمير راهن بمهنته .. اذا صار في مريم شي بيعتزل الطب .. لا تخاف محد بيكون حريص على حياتها أكثر منه .. لان حياته متعلقة بحيااتها ..
البنات كانوا مصدومين من كلام يوسف
مي زين والبيبي ؟؟
يوسف ما عطاني فرصة أسأله .. قوموا نروح قسم الاطفال ونسألهم ..
طلع من مكتبه وهو لابس لبس العمليات السكرب الاخضر بدون الاب كوت الابيض وفوق راسه حااط غطى أخضر مثل الرومال رابطة على ورى متوجهه لغرفة العمليات
دخل جناح العمليات وكان في دكتورة مساعده ودكتور التخدير بالاضافة الى دكتور قلب متخصص اكبر منه
شافهم ابتسم ابتسامة باهته سلام عليكم
الجميع وعليكم السلام
الدكتور المختص متأكد يا دكتور ..انك تقدر تسوي العملية لزوجتك بنفسك ..
أمير هز راسه بثقة ان شاءالله أقدر .. انا متأكد ..
الدكتور المختص ربت على جتفه يقوي من عزيمته الله يوفقك .. ويردها لك بالسلامة .. ومباارك عليك ما يااك .. تربى بعزك ودلاالك ان شاءالله ..
أمير ابتسم ابتسامة شكر ودخل الغرفة التحضيرية ودخلو ورااه المساعدين
يتبع
أمير ابتسم ابتسامة شكر ودخل الغرفة التحضيرية ودخلو ورااه المساعدين
كانوا النيرس ينطرونه وبيدهم صابون التعقيم والمنشفة الصغيره شافهم مد يده كالعاده وحطت له صابون وهو كل مره يقولهم بس ويوقفون بس هالمرة لا كان شارد فيها .. في حبيبته .. يبي ينقذها وينقذ حياته اللي متعلقة فيها تنهد من بين أنفاسه وحس على الصابون فاض من يده صررخ على النيرس it's too much
الممرضة تبهدلت ورفعت الصابون بسرعة I'm so sorry doctor
أمير رفع يدينه وصار يفرك المعقم لزنوده بقوه وبين اصابعه لحد ما امتلت يدينه بالرغوه نزلهم للماي وغسلهم عدل من الصابون ورفعهم لقى الممرضة الثانية عاطته المنشفة سحبها بهدوء ونشف يدينه عدل وبعدها يت الممرضة الثالثة وبيدها غطى أخضر طويل وبأكمام طويلة ينلبس بالعكس ساعدته بلبسه وربطت خيوطة ورى ظهره ورقبته وفوق لبس مثله بس نايلون شفاف وحط غطى فوق راسه بس شفاف فوق الرومال ولبس قفازات بيض وربط الكمامة ورى شعره ودخل بخطوات سريعة عليها الغرفة كانوا ينطرونه
وصل لقريب منها بس ما كان يشوف ويهها لانهم حاطين ستار أخضر بينه وبينها وقف في مكانه الطبيعي كدكتور ورى الستار واخذ المشرط من النيرس سحب نفس طويل وغمض عينه
اللي معااه كانوا يشوفونه عرفوا انه يكلم نفسه
أمير كان ماسك الدمعة غصب وبنفسه يااااااارب .. انا حطيت مهنتي ومستقبلي بيدك .. يااااارب ردها لي .. وانا مستعد اسوي كل اللي اقدر عليه .. مهنتي ما تسوى شي تحت حبيبتي .. اذا خسرتها بخسر معاها دوري كطبيب .. وانا ما ابي لا اخسرها ولا اخسر شغلي .. يارب انقذها .. يارب احفظها لي .. مريم حبيبتي انا ما قاعد اشوفج .. بس ابيج تعرفين اني بسوي كل اللي اقدر عليه عشان انقذج ..
نزل المشرط وهو يحاول يثبت يده وبدى يشق منطقة القلب .. كان يحاول يلهي نفسه ويكلم مساعدينه .. ما يبي يحس ان هذي المريضة اللي بين يديه هي روحه وحياته مريم .. قلبه اللي ينبض بداخله .. عمره اللي راح واللي ياي ..
بعد ما فتح على قلبها ما قدر يمسك دمعته نزلت غصبا عنه .. من شاف ضعف قلبها وضعف عضلاته وبرود نبضاته وصلت دمعته لشفته وصار يستطعم فيها وبنفسه بس هذا قلبج يا مريم .. عايشة على هالقلب الصغير .. اشلووون حبيبتي .. ياااارب احميها لي .. ياااارب ارجع اشوووف عيونها وضحكتها .. ياااااااااني مشتاق لهم يا قلبي .. لو تآمرين على قلبي يفداج يالغالية ..
اللي حواليه كانوا يشوفونه وعارفين بصعوبة موقفه ويحاولون يساعدووونه بس أميير كان رافض
في جناح الاطفال
يوسف يطق الجرس عشان يفتحون لهم الباب بس محد يرد عليهم دار ويهه على بدر شفييهم هذوول .. محد يرد ..
بدر عيونه على الباب أكا كأن نيرس يايه من داخل ..
طلعت الممرضه أنتوا اللي كنتوا تطقون الجرس ؟؟؟
مي ما حست على عمرها اي .. اي .. احنا .. مريم ولدت ولا لاء ؟؟
الممرضة أي مريم ؟؟
ساره مريم أكبري اللي نقلوها من شوي على العمليات ..
الممرضة اي صح .. قصدج زوجة الدكتور محمد أمير كراشي ..
الممرضة ابتسمت اي ولدت من زمان .. عشان جذي تعبت ونقلوها العمليات .. ليش انتوا ما دريتوا ؟؟
يوسف لا محد قال لنا ..
الممرضة دكتور محمد أمير يته بنت مثل القمر تينن ما شاءالله .. حمدلله على سلامتها ..
مي وساره داروا يطالعون في بعض والفرحة مو شايلتهم بـــــــــــنــــــــــــت !!!!!!!!!!!!!!
الممرضة هزت راسها بالايجاب وبسمة كبيرة شاقة حلقها اي بنت .. والحمدلله كل شي فيها تمام .. فحصها دكتور الاطفال وكتب التقرير ..
يوسف بلهفه زين ممكن نشوفها ؟؟؟
الممرضة انت شتقرب لها ؟؟
يوسف مسك يده ساره ولمعت عيونه بالفرحة وصارت أنفاسه تتسارع عـــــــ عــــــــ ـــــ ــمهاااا
ساره كانت فرحانة لفرحة يوسف اي هو عمها .. وانا وهذا اخوي عيال عم امها وهذي مرت اخوي
مي وبدر تلاقت عيونهم في بعض بس مسرع ما تلاشت هالنظرات
الممرضة ما يصير تدخلون كلكم تشوفونها .. بس الام والابو اللي مسموح لهم .. لكن بحالتكم بطلعها لكم دقايق .. تعالوا وراي ..
دخلوا الاربعة وراها ويوسف يضحك بصوت عالي وساره شابكة أصابع يدينه وتضحك معاه متحمسين لشوفة المولوده
مي كانت عيونها على الارض لانها عارفه ان عيونه عليها
وصلوا عند باب الغرفة
دخلت الممرضة تطلع البنت لهم
ساره اتوقعها تشبه مريوم ..
يوسف انا احسها تشبه اخوي ..
ساره انا اقول مريووم ..
يوسف وانا أقول أمير ..
مي بس .. بس ..أكا يابتها بنشوف تشبه من .. مو يمكن تشبهني انا ..
بدر بعفوية راح تكون أحلى بنت في العالم ..
مي ابتسمت بخجل ودارت عينها على الباب ..
ساره ويوسف ما علقوا ارتاحوا لما حسوا ان صار حديث بينهم حتى لو كان قصير
طلعت الممرضة وهي جاره سرير البيبي يالله خمس دقايق وأدخلها مرة ثانية ..
مي شهقت تيييييييييييييييينن .. ساره شوفيها حلوه ..
ساره مدت يدها تمسك أصابع البنت حبيبي شوف أصابعها صغيره .. ياااا عـــــــــــــــمري تهبللللل .. جنها لعبة ..
رفعت عينها على يوسف حلللللوه .. شوف شعرها واااااايد وأسود مثل مريوم ..
يوسف تقدم على ساره ومد يده بتردد يتحسس بشرتها الحمره خااطري اشوف عيونها .. يااريت لو تفتح ..
الممرضة ابتسمت له شيلها ..
يوسف انصدم اناااا .. انا .. اشيلهااا ؟؟؟
الممرضة اي شيلها مو انت عمها ؟؟ شيلها ..
يوسف بخوف لااا .. لاا .. اخاف اطيحها وااايد صغييرة .. ما اعرف ..
الممرضة شالتها وعطتها ساره
ساره ما صدقت على الله فتحت عينها مو مصدقة واخذتها ضمتها لصدرها وباست جبينها
يوسف كان واقف وراها وساره دارت جسمها له وحطتها على ذراعه يوسف بدى يتأقلم شوي على الوضع وصار فرحان فيها نزل خشمه على رقبتها وشمها بنفس طويل ياللللللللله .. ريحتها جنان .. دوختني ..
ساره خذتها منه وعطتها مي وهي الثانية كانت بتموت من الخوف لكن ما ردتها ابتسمت وخذتها وضمتها وصارت تطالعها بنظرات مليانه حنان
بدر وقف وراها وفرح لفرحتها ابتسم وهمس بإذنها عقبالنا ..
مي دارت عيونها عليه وتجمعت فيها الدموع ابتسمت بضييق ودارتها مره ثانية رجعت البنت على الممرضة وتلحقت دموعها
يوسف كانت عيونه على بنت أخوه بدت تتمغط وكأنها بتفتح عينها راح ونزل جسمه ينطر يشوف عيونها
ساره كانت واقفة وراه وحاطة يدينها على جتوفه شهقت لما صارت البنت تفتح شوي شوي وكأنها منزعجة من الاضاءه القوية اللي على عيونها أكا فتحت .. يوسف شوف عيونها ..
يوسف ضحك ضحكة نصر هههه .. مو قلتلج تشبه اخوي .. شووفي عيونها مثل عيونه ....
ساره اي حبيبي .. ماشاءالله تبارك الرحمن .. قمر .. تشبه امها وابوها ..
الممرضة غطتها عدل عشان ما تبرد ابوها للحين ما شافها ..
مي بصدمة ليش مو كان معاهم بالولادة ..
الممرضة اي كان معاهم .. بس الممرضات اللي هناك قالوا ما رضى حتى يشوفها ..
بدر ان شاءالله بس يخلص عملية زوجته بيي يشوفها ..
داخل غرفة العملياات
الدكتورة المساعده دكتور سررع .. الضغط قاعد ينخفض .. نبضات القلب ضعفت عن قبل ..
أمير ما كان يسمع كان مركز على قلبها وبدى صوته يطلع مو قادر يتحكم بخوفه عليها ياااربي خذيت مني أبووي وبنفس المكان لا تاخذ قلبي مني .. والله أمووت .. مريم خلج معاااي .. ما بقى شي ونخلص .. مريم حبيبي .. قاومي شوي .. بس شووي ..
الدكتورة بصرااخ دكتور انخفض الضغط أكثر سرررع ..
أمير بدى يختنق والممرضة واقفه يمه وكل شوي تمسح العرق اللي على جبينه مريم انتي واصلتي الحمل من ورااي وابتعدتي عني .. مريم لاااا تسوين فيني جذي .. مريم تعرفيني اموت من غييرج .. مريم شوي بس حبيبي ..
رفع عينه على الدكتورة جم وصل ؟؟
الدكتورة 80 على 45 .. والنبضات نزلوا الى 32 ..
أمير بدت يده ترجف طاح الملقط الطبي من يده ونزلت عينه على الارض مصدووم أول مره تصير بحياته المهنية شهق وبنفسه الظاهر خلاص .. هذي أول اشاره اني بخسر فيها مهنتي يا مريم .. مريم مهنتي متوقفة على حياتج .. اذا تبيني أترك الطب واعوف شغلي مووتي وخليني أموووت ورااج ..
الدكتورة راحت مسكت يدينه وبعدته غصب عن مريم دكتور .. ريح أعصابك شوي .. اذا ما بتموت انت اللي بتموتها ..
أمير رفع يدينه والقفازات مليانه بدم مريم شاف دمها ما قدر يتحمل قرب منها مره ثانية وخروا .. انا بكمل شغلي بسرعة ..
الدكتورة بإلحاح دكتور .. قلبها بيوقف .. دكتور قاعدين نفقد المريضة .. نبضاتها تنزل أكثر ..
أمير غمض عينه يبي يهدأ ومد يده وسحب الستاره بقوه شافها مغمضة عيونها وكأنها نايمة بسلام والاكسجين الاسود الخاص بالعمليات على فمها اعتصرت دمعته وسحب الملقط الثاني ونزل عيونه على قلبها يبي يخلص بسرعة
رفع عينه مره ثانية على الدكتورة جم وصل ؟؟
الدكتورة تنهدت بضييق ..........
في قاعة الانتظار
يوسف كان بعيد عنهم ألو .. ماما ..
أم أمير كانت نايمة لانها ما تصحى الا الظهر هلا .. هلا يوسف .. ليش متصل هالحزه
رفعت الساعة اللي يمها اوووو .. ماما توها الساعة 8 تعرفني ما اقعد هالوقت ..
يوسف ماما .. احنا بالمستشفى ..
أم أمير نقزت مره وحده مخترعة مستشفى ؟؟؟؟؟؟؟؟!!!!!!!!!؟؟؟؟؟؟؟؟؟؟؟
يوسف اي ماما احنا بالمستشفى .. تعالي بسرعة ..
أم أمير لييييش شصاااير .. انت فيك شي ؟؟ أخوك فيه شي ؟؟؟
يوسف عيونه على باب العمليات لاااا .. ما فيني شي ولا أمير فيه شي .. مريم .. ماما مريم ولدت ..
يتبع
يوسف عيونه على باب العمليات لاااا .. ما فيني شي ولا أمير فيه شي .. مريم .. ماما مريم ولدت ..
أم أمير مو فاهمة شي أي مريم ؟؟!!!؟؟؟
يوسف مريم مرت أمير .. ولدت الفجر ..
أم أمير مو قادره تستوعب مريم مرت ولدي أمييييير ؟؟
يوسف يضحك على صدمة امه للحين مو مستوعبة اي ماما .. مريم مرت أمير ولدج ..
أم أمير متى حملت عشان تولد .. مو هي مسافره لامها صارلها اكثر من شهرين ؟؟
يوسف ماما .. تعالي الحين عشان تشوفين أول حفيده بعائلة سلمان كراشي .. مريم يابت بنت تينن .. وهي الحمدلله بخير .. بس .........
أم أمير بصرااخ بس شنو ؟؟ قول لا توقف قلبي ..
وتغيرت نبرة صوته مريم في العمليات وأمير اللي يسوي العملية صارلهم أكثر من 6 ساعات داخل وللحين ما طلعوا ..
أم أمير ما تدري بمرض مريم عمليااات شنووو ؟؟ وليييييييش ؟؟
يوسف ما كان يدري ان امه ماتدري ماما شفييج ما تدرين ان مريم مريضة قلبها ضعيف .. وقف بالولادة وكانت بتموت لو ما الله ستر .. وأمير انعشها .. والحين هو معاها داخل بالعمليات ..
أم أمير مصدومة كأنه أحد راشها بمااي بارد انتوو بأي مستشفى ..
يوسف بالحكومي ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك