رواية عذبتني باسباب فرقاك -44

رواية عذبتني باسباب فرقاك -44

زوج غيره ما ابي حبيب غيره .. بنطره لاخر يوم بعمري ..

ساره ابتسمت لها ان شاءالله حبيبتي .. بيعرف الصج وبيرجعلج ..

مي بترجي سااره .. الله يخلييج لا تخلينه بروحه .. شوفيه .. كلمييه .. اسألي عنه ..

سااره بضييق بدر ساافر يا مي .. طرش مسج وقال مساافر .. بس يفتح تلفونه اوعدج اكلمه .. والحين نزلي بروح ليوسف يبيني ..

نزلت مي وكانت مريم واقفة على الباب تنطرهم حضنتها ودخلتها البيت الحمدلله .. انا كنت متوقعة انه بس يبي بدر يشوفج جذي .. خلاااااص حاولي تناامين شوي .. وربج بيفرجها عليج وعلي وعلى هالبنت المسكينة ..

مي طارت عيونها على البنت راحت وشالتها وضمتها بقوه وقعدت تصييح تصدقين مريوم ... احس ان بنتج هدية الله رزقنا فيها انا وانتي .. شووفي حالتنا انا صرت مطلقة وانتي معلقة .. وما عندنا غير هالبنت تملي علينا حياتنا ..

مريم قعدت وراها وضمتهم والبنت في حضنها اي صح .. انا وانتي صرنا وحيدات ما لنا غير هالبنت ..

مي لفت ويهها على مريم تصدقين احلى شي .. ان احنا بنتم نشكيلها وهي تسمعنا وما تفهم شنقول .. شوفيها مريم اكا فتحت عينها حبيبي تينن .. كأني اشوف أمير ..

مريم ابتسمت بضييق وبنفسها وينك يا أميير .. من اول يوم وانا اشتقت لك الله يصبرني على هالفرااق ياارب ..

نزلت واستقبلها يوسف من الباب حط يده على خصرها وباسها في خدها هلا حبيبي .. تأخرتي

سااره كانت منحرجة من روحتها هناك لا تسألني عن شي .. بدر طلق مي .. واحنا معتفسين .. البارحة مريم واليوم مي ..

يوسف فتح عينه افــــــــــــااا .. لييييش ؟؟

ساره صاارت بنص الصالة بعدين اقولك .. يوسف اخاف امك ما تبي تشوفني ..

يوسف شبك أصابع يدها لا حبيبي .. انتي بمكان جنتها بهالوقت ومحتاجتلج .. قعدي هني وانا بروح اناديها ..

سااره ما اعترضت ابتسمت وهزت راسها بالموافقة وراحت قعدت على كرسي من الكراااسي

ويوسف ركب فوق يناادي امه

سااره كانت تبتسم صور أمير ويوسف ونور بكل مكان تتأملهم وتصفن في صور يوسف وقفت عند صورة كبيرة ليوسف كان متجتف فيها ومايل براسه ويضحك ضحكته الشريرة اللي اشتااقت لها من شهور ما شافتها صارت تتحسس الصورة وتضحك بخفة

بس مسرع ما تلاشت ضحكتها لما سمعت صوت الصرااخ من فوق هووو ما في بناااات غيير بناااات أكبري ؟؟ ولا شنوو .. مو كافي علينا بنت عمها .. اخذت بنتنا وراحت فيها وحرمتنا من شوفتها وحرمتني من ولدي .. .. والحين يايب لي الثانية عشان تخرب حياتك انت بعد .. لا يا يوووسف ما ابي اشوووفها .. مو كفاااية امها كااافرة وقاطتها ولا تدري عنها .. انت ما تخااف على عيالك .. ما تخااف تييب يهاااال يدتهم كافرة ماندري قرعة ابوها من وين .. ولا ابوهاا اللي ما يدري عنهاا .. لا يا يوووسف اذا ما طلعتها من بيتي انا اللي بنزل وبطردها بنفسي ..

يوسف بس ماما خلااااااص .. قصري صوتج .. البنت واقفة تحت .. ما ابيها تزعل وهي ياية عشاانج ..

أم أمير علت صوتهاا أكثر عشان تسمع سااره خلهاا تسمع .. يمكن اذا سمعت تستحي على ويهها وتفارج .. انا ما ابيهاا .. بنت عمهااا بعد ارحم منها على الاقل امها وابوها معروفيين مو مثلها .. وحده ما يندرى عنها بنت حلال ولا حراام .. بصرااحة اشك .. وانا مستحيل اخليك ترتبط بوحده مثل هالاشكال .. امها من بلد وابوها من بلد مشكلة .. هذي لقيطة .. صدقني يا ماما بنت حرااام .. خلها تولي ..

يوسف بصراااخ خلااااص .. لا تشوفينها .. بس سكتي ..

يوسف ترك امه ونزل بسررعة لسااره .. بس ما لقاااها والخدامة قالت لها انها قامت تصييح وطلعت بسرعة

طلع من باب الفيلا لقاها مشت بسياارتها ركب سيارته يبي يلحق عليها .. بس ساااره اخذت طريج ثااني ما يخطر على بال يوسف دخلت بين الحدائق اللي حوالين الفيلا لانها متأكده انه بيطلع على الشارع العام يدورها سكرت تلفونها وقعدت تصييح بصوت عاليي ..

وصلت بسرعة جنونية لبيت البنااات وأول ما دخلت عليهم اختبصوا من شكلها

مي ساااره .. ساااره شفييج ؟؟؟

سااره قعدت على الكرسي ورفعت ريلها وقعدت تصيح بهدوء

مريم قعدت يمها واخذت راسها وضمته لصدره بهدوء خلاص .. لا تصيحين .. تعودنا على الصدماات .. قوللي شصاار ؟؟ من مزعلج ؟؟

سااره قاامت وقفت ومسحت دموعها انا بساافر

مريم ومي يطالعون بعض مو مصدقين هالقراار المفاجئ تسااااااافريييييييييين ؟؟؟!!!!!!!!!

ساره بنفس طويل بروح لجيسيكا .. بروح لها هي مو خربت حيااتي ودمرتها يوم صاارت امي .. خلاص بروح لها خلها صج تخربها .. بصرااحة حرااام .. كل اللي يشوفني يقول هذي بنت المكسيكية هذي بنت المزوااج .. لمتى بطنش .. اروح لها عشان احس انها امي والكلام اللي يقطون في ويههي ما يجرحني وينزل دموعي .. اذا تبي تبيعني خلها تبيعني .. عااادي ما يهمنييي .. انا اصلا ابي ابيع نفسي .. لانها بصمة عاار بتظل ملاحقتني طوول عمري .. هي وذاك اللي ما شفته من سنة ما يدري اذا عايشة ولا ميتة .. خلني اخترب خلاص ما عاد يهمني شي ..

مريم ويوسف يا سااره ؟؟

سااره مسحت دموعها يوسف انتهى من حيااتي .. انا يا مريم ما اشرفه ولا اشرف اهله .. امه تقول عني لقيطة وبنت حراام .. خلاص انا ما عاااد اهتم لاحد .. بسااافر وبعيش حيااتي على كيفي ..

مي بس انتي يا سااره قلتيلي انها تحاول تتصل فيج لانها عرفت بورثج .. واكيد تبي فلوس ..

ساااره هه .. ما عااد يهمني فلوس ولا حب ولا شي .. بروح ما برجع .. ما ابي ارجع .. ابي انسى يوسف .. وانسى الكلام اللي امه اهانتني فيه ..

مريم بس يا سااره .. والله حراام علييج .. لا تروحين وتخليني .. انا ما لي غيرج .. أمير سافر وبدر سافر وانتي بتسافرين .. انا من لي .. مي اهلها معاها .. مردها بتردلهم وانا بظل برووحي مع هالبنت ..

مي صاحت لما تذكرت امها اي اهل يا مريم .. انا ما عندي احد غيركم .. امي اللي فرقتني عن بدر .. امي اللي خربت حيااتي وهدمت بيتي .. ابووي ضعييف جدامها واخووي لاهي بحيااته بعد ما تزوج طلع من البيت وقمت ما اشوفه الا اذا رحت زرته .. انا ما لي غيرج حتى سااره بتساافر ..

مريم راحت لسااره زين يا سااره .. قعدي هني لا تروحين . . وابعدي عن يوسف ..

سااره خلااااص انا ييت اودعكم طيارتي بعد ساعتين ..

مي بصياااح وهي متمسكة بسااره سااااره لا تسااافرين والله محد يستاااهل .. أم أمير سوت بمريوم جذي .. مو صح مريوم ..

مريم هزت راسها بالايجااب

وسااره سحبت يدها عن مي اللي سوته بمريم نقطة في بحر من اللي سوته فيني .. انا ما اصلح لشي .. ما اصلح

شافت البنت نايمة بلفتها على الكرسي راحت وباست جبينها مريوووم هالبنت أمانه عندج .. ديري بالج عليهاا ترااها مو بنتج بروحج بنتي انا بعد وبنت مي .. ابيج تدزين صورها على طول ابي اشوفها اشلون تكبر .. كل يوم .. كل يوم بكلمكم .. انا ما بنسااكم .. وانتوا بعد لا تنسووني .. من اوصل بكلمكم .. انتبهوا على نفسكم .. انتي يا مريم صبري أكيد أمير بيرجع انتبهي لنفسج ولبنتنا وانتي يا مي بعد صبري بيي اليوم اللي يعرف بدر الصج وترجعون لبعض ويلتم شملكم مره ثانية .. بس انا خلاص اذا التقيتوا بيوسف في يوم من الاياام .. قولوله ساااره ساافرت تبيع نفسها .. هذي وحده رخيصة ما تستاهلك .. انساهاا وشوف وحدة غيرها تلييق فيكم وتشرفكم بين الناس اهلها معروفين بكل مكاان ..

قامت ومشت لجهة الباب مسحت دموعها وابتسمت انا ما احب الوداع .. أحبكم .. أحبكم واااايد ..

طلعت وصفقت بالباب وركضت ركبت بالتاكسي اللي حجزته عشاان يوصلهاا المطاار ..

مي ومريم حضنوا بعض وقعدواا يصيحوون على فراق رفيجتهم .. الظهر كانت شحلاتها وتضحك مسرع ما انقلب كل شي لدموع وحزن

يوسف دار عليها كل مكان .. حتى لما رااح بيت مريم قالو له انها يت واخذت شوية اغراض وطلعت بسرعة ما قدر يروح بيتها الثااني لانه ما يعرفه .. ما توقع انها ممكن تتركه وتساافر عنه .. رد بيتهم عشان يريح وينطر لبااجر يمكن تكون هدأت شوي ..

دخل جناحه يبي يبدل ثياابه الا وتلفونه يرن ألو .. هلا مي .. شفييج .. ليييش تصيحووون ؟؟ ساااره فيها شي .. قوولي ..

مي وهي تشااهق يووووسف ساااره رااحت .. ساافرت لامها خلاص مو راجعة .. قالت لي أقولك انساها هي راحت تبيع نفسها وهي ما تستاهلك .. شووف وحده غيرها تلييق بمقامك ..

يوسف من صدمته طااح التلفون من يده وتكسر على الرخاام ودموعه غرقت عيونه

طلع من غرفته يصرخ الحيييين ارتحتي .. الحين .. ساااااره راحت وخلتني .. ساافرت .. ما بترجع خلاااااااص .. كله منج .. ومني انا .. انا الحمااار اللي اجبرتها تيي وتقعد معااج تخفف علييج .. بس انتي شسويتي ..

طاح على ركبه وحاط يدينه على راسه انتي اهنتيها .. وطردتيها .. انتي امي .. امي اللي لازم تتمنين لي السعاده .. امي اللي لازم تفرحين لفرحي ..

وقف وأشر على امه لكن الحين مو بس أمير اللي ساافر .. يوووسف بعد بيروح وما برد .. انا بعد مسااافر .. وما راح تشوفيني ..

تتوقعون تكون هذي النهاااية

؟؟؟؟؟؟؟

ولا في أمل كل شي يتصلح ويلتم شمل أبطااالنا من جديد

؟؟؟؟

أدري ان الباارت حزين ويضيق الخلق .. بس والله مو بيدي الاحدااث تتطلب

............

الجزء الواحد والخمسين

بعد ثلاث سنوات وسبع شهور

الساعة 7 الصبح

كانت طالعة كعادتها على البايك سيكل وبنتها يمها يسوون رياضتهم المعتاده من الصبح ليلااااه .. خلاص آآم تااايريد .. خلينا نرد البيت .. الحين مي بتصحى ما بتلاقينا ..

حاطة المايك بإذنها ولا تسمع

مريم لفت ويهها عليها وصرخت ليلاااااااه ..

سحبت المايك من اذنها مريووووم وبعدين معااج .. ما تشوفيني قااعده اسمع .. آآآم بيزي ..

مريم زين يالله .. خلينا ندخل البيت ..

ليلاه حطت الماايك مرة ثاانية ما ابي توى الناس ..

مريم غمزت لها خلاص .. انتي خلج هني .. وانا بروح اسوي شوبنغ وذ أوت يوو ..

ليلاه تغيرت ملامح ويهها ووقفت البايك ورفعت نظارتها الشمسية وطالعت امها بنظرات ترجي ريي للللي .. مريمي من صجج .. تسوينها يعني ؟؟ هذااا وانا بنتج .. آآآآآم يوور دووتر ..

مريم وقفت معاها أكيد من صجي .. بروح الحين البيت باخذ شاور ماي باارد .. بعدين بتريق انا ومي وبعدها بشغل السياره وبروح الشركة وبعدين بطلع بروح المول بسوي شوبنغ واااايد .. وبشتري ثيااب .. ادرس .. شوووز .. ميك اب .. اكسسريز .. امممم بعد شنو .. شنو ياااربي .. ذكريني ليلي ..

ليلاه شوي وتموت ماااااميييي .. دونت دوو لايك ذس .. لا تسوين جذي .. حرااام علييج ..

مريم هزت راسها يا يالمصلحجية .. حق الشوبنغ مااامييي .. واذا ما تبين شي مريوم ...

وقفت البايك مالها وراحت لبايك بنتها وقعدتها عليه وضبطت خوذتها على ذقنها وراحت رفعت بايكها مره ثانية وقعدت فوقه اوكي لتس قوو ..

دخلوا البيت من الباب الحديد الكبير ................. تذكرونه صح بيت مريم القديم اللي بدأت فيه قصتنا .. مريم رجعت بيتها بعد ما كملت بنتها شهرين

دخلوو البيت ومي كانت نازلة من فوق الدرج بالروب

ليلاه ركضت لها ميوووو .. قوود مورنغ ..

مي حملتها وبوستها قود مورنغ سويتي .. هااو آر يو ..

ليلاه آآم فااين .. وت أبوت يوو .. آآر يوو اوكي ؟؟

مي نزلتها ام أولسوو فاين .. يالله قووو .. روحي اخذي شااو ..

راحت ليلاه مع المربية عشان تحممها

ومي نزلت تحت لمريم كانت تفتح الشوز والسفتي اللي على ركبتها انتي بنتج متى بتحترمني .. للحين تقولي ميوو .. عنبوا رفيجتها مو امها الثانية ..

مريم وقفت وفتحت شعرها مو خلها تحترمني انا أول عشاان تحترمج انتي بعدين .. يالله باخذ شااور خليهم يجهزون الريوق ..

مي اوكي رايحة المطبخ ..

مريم دخلت غرفتها القديمة ما غيرت فيها ولا شي مثل ما هي دخلت الحمام اخذت شاور على السريع وطلعت وهي لافه الفوطة على جسمها ورافعة شعرها بالفوطة .. قعدت على كرسيها الطويل تدهن جسمها بالبدي اويل وهي تدندن أغانيها القديمة

بعدها خلصت وراحت طلعت لها شورت جينز ازرق وفوق لبسته قميص كت مزكرش بورد زهري وازرق وفوق صخمة جينز مخصرة على خصرها الرشيق سحبت الفوطة من فوق شعرها ونزل شعرها مثل الخيوط الحرير على ظهرها وواصل لنهايته صارت تفركه بيدينه عشان ينشف بروحه

حطت ميك اب ناعم وخفيف ولبست اكسسريز روتيني وشوز جينز ازرف شبه بوت وخيوطه زهرية تعطرت ونزلت تحت

شافت مي لابسة بدلتها الرسمية وقاعده تنطرهم كعادتها على طاولة الاكل ..

راحت قعدت يمها بتروحين الشركة ؟؟

مي تأشر على الخدامة بعيونها تصب لها الحليب اي .. بابا تعب ومحتاجني اساعده شوي .. تعرفين هااني ما يعتمد عليه من ولدت لجين ويابت له أمون الصغير وهو ما يفارج البيت ..

مريم ابتسمت يستااهل هااني .. اكيد لجون طايره بالبيبي .. مسكينة بنتي ..

مي حست ان رفيجتها بدت عليها غمامة الحزن المعتادة ماحبت تخرب عليها يومها امج اتصلت وانتي فووق تبيج تتصلين فيها ..

مريم وهي تشرب العصير زين اخلص ريوقي واتصل .. ساروو ما كلمتج ؟؟

مي هزت راسها بالنفي لانها مشغولة بالاكل ..

مريم مدت يدها على صحن الخبز غريبة .. يومين ما اتصلت .. الله يستر .. فطوم ما قعدت ؟؟

مي لا فطوم عند امها .. تعرفين هي راحت عند امها من ما سافروا ساره و.......

سكتت ما قدر تكمل .. ما تقدر حتى تلفظ اسمه

مريم حطت يدها على يد مي بدر يا مي .. بدر .. قولي اسمه ترااه مو صعب لهدرجة ..

مي ابتسمت بحزن وقاامت انا شبعت الحمدلله .. قووومي اتصلي لامج .. اكيد تنطر ..

مريم اخذت تلفونها واتصلت وما لحق رن وامها ردت مريوووم .. ماما وينج ؟؟

مريم ضحكت على اسلوب امها هههههه .. ماما كاني بس كنت اتسبح .. خيير صااير شي ؟؟

أم مريم لا حبيبتي بس البارحة حلمت فيج .. اشتقتلج ماما .. متى بتيين تزوريني ..

مريم تنهدت بضييق ماما اشلون اييج وبنتي وين اوديهاا ..

تغيرت نبرة صوتها ماما ليلاااه ما عندها لا جواز ولا هوية اشلون اساافر فيها ما اقدر .. تدرين أمير سافر ولا سجلها .. وانا ما اقدر اخليها واساافر .. بنتي صغييره .. تعالي انتي ..

أم مريم الله يهديه بس لمتى بيخلي البنت بدون أوراق .. وانا بعد ما عندي أوراق .. ما اقدر اييج حبيبتي .. خلاااص ما بطول علييج .. تحملي بروحج وببنتج ..

مريم مسحت دمعته بسرعة زين ماما .. تآمرين على شي ؟؟

أم مريم ابي سلامة عمرج حبيبتي .. خدا حافظ

مريم خدا حافظ ماما ...

سكرت مريم وبنتها كانت نازلة من فوق الدرج يالله مريمي انا جاهزه ..

مريم ابتسمت لبنتها كانت لابسة مثل لبسها بالضبط بس الاحجاام تختلف يالله ماما .. قعدي تريقي ..

ليلااه خبطت بريلها على الارض بقووه أم نوت هانقري .. ما ابي اكل .. مو يوعاانه ..

مريم مدت يدها واشرت على الطاولة بجدية بسرعة .. ما ابي اسمع شي ..

ليلااه أكيد .. أكيد مو يوعانة ..

مريم رمت روحها على الكرسي خلاص .. عيل نقعد في البيت ..

ليلااه ركضت لطاولة الاكل وجرت الكرسي بصعوبة والمربية ساعدتها وقعدت خلاص .. آم ايتنغ نوو .. لا تهونين عن الطلعة ..

مريم قامت وراحت من ورى بنتها نزلت على خدها وباستها بقوووه فديتهم اللي يسمعون الحجي ..

ليلااه من غيضها حطت أصابعها الصغاار على ويهها ومسحت البوسه بسرعة

مريم ضحكت على بنتها وتصنعت العصبية بنـــت .. لا تمسحين بوستي ..

ليلااه ضمت شفايفها وقعدت تاكل بحمق

خلصت أكلها ولبست شنطتها الظهر اللي مثل امها جينز بعد وركبوا بسيارة مريم البنتلي طبعا ليلاه ما سكتت طول الطريج وهي تسولف ومريم فرحاانه فيهاا كانت كلما تشوف عيونها تشوف ابوها فيهم عيونها خضره غامقة رمادية مثل ابوها حتى رسمة حواجبها كثيفة وسوده مثل ابوها مرفوعين على فوق مثل جناحين طير وشبك تقريبا خشمها ناعم وصغيير مثل امها حتى شفايفها صغار ومليانه مثلها وفيها غمازات كبيرة في خدينها وشعرها جنان مثل امها وابوها مزيج حريري لمااع لنص ظهرها .. مريم كانت تتعمد تطولها وتعتني فيه عشان تصير بنتها تشبهها فيما عدا العينين لان عين مريم بنية فااتحة عدل قريبة للعسلي وبنتها زيتية ..

وصلوا الشركة وليلاه تستانس اذا تروح هناك تلف على مكاتب الموظفين وتتأمر عليهم مسويه فيها مديرة وهم يفرحون عليها واللي يعطيها جوكليت واللي يعطيها حلاوه ..

مريم كان عندها اجتمااع خاص بشركتها .. اخذت فيه ساعة ونص .. طلعت مع الموظفيين الاداريين لقت بنتها عافسة مكتب السكرتيرة قاعده على الطاولة وماكلة الجو على الكل .. لان الموظفين يعرفون ان مريم تاخذ معاها بنتها يوم السبت عادتاً تحضر شوي ويطلعون بعدها على طول ..

ليلاااه مندمجة في السالفة اي .. بعد ما رحت انا ورفيجااتي مريوم وميوو .. شفنااا صبي

وقفت على طولها تأشر على روحها أكبر مني .. هـــــاااااكبير .. لا لا أكبر شووي .. كان واقف يم الباب الكبييير .. ويصييح .. مثل اليهاااال ..

السكرتيرة نادية مندمجة معاها بالسالفة انزين .. وبعدين شصااار .. ليييش قااعد يصيح ..

ليلااه وهي تهز جتوفها وتأشر بيدها مثل الاطفال بمعني ما ادري آي دونت نوو .. بس يقوول ابي بابا .. ابي بابا

نطت على السكرتيره ندوي .. يعني شنوو بابا ؟؟

مريم تداركت الموضوع وصرخت على بنتها ليلااااه .. يالله ماما بنمشي ..

ليلاااه نست موضوع السؤال ونزلت من فوق المكتب على الكرسي وبعدها نطت على الارض بخفه اوكي لتس قوو مريمي ..

مريم طالعت بسكرتيرتها والموظفين الملتمين عليهاا بالمكتب يالله .. كل واحد يروح يشوف شغله ..

ومسكت يد بنتها وطلعوا من الشركة متجهين للمول المتعودين يقضون حاجات وتسوقهم منه كل يوم سبت

في مكاان غيير وفي قاارة غير .. أمير كان قااعد في مكتبه اللي بالجامعة كالعاده يجهز لمحاضراته

رن تلفونه .. مكالمة من البحرين ابتسم ورد سلااااام ماما ..

أم أمير هلا حبيبي .. هلا أمي .. شلونك ... وشلوون أحوالك .. ان شاءالله مرتااح ..

أمير تنهد كالعاده وغمض عينه الـــحـــمـــدلله على كل حال .. ماما طمنيني عنكم .. شمسوين ؟؟ شخبار نور بالجامعة .. انتظمت ولا للحين يوم تدوام وعشره راقده .. يوسف اشلووونه ؟؟ من زماان ما كلمته ..

أم أمير نور .. نور مشيبة راسي هالبنت مو مالت دراسة مالت رقااد وخماار بالفرااش .. ما بتنفع عمرها بشي .. حتى حق زواج ما تصلح .. من يبي وحده تنام 16 ساااعة باليوم ..

صرخت عليها من فووق الدرج ماما .. ترى حرااام تحشين فيني وانا بنتج .. تشتكين علي عند ولدج .. ترى انا مو مثلهم عبقرية واحد اخذ الماستر والثاني يحضر لدكتورااه .. عنبواا ما يملون من الدرااسة .. يااكلون الكتب اكال .. انا زين مني اذا خذيت البي اس

لفت ويهها وردت راحت غرفتها

أمير ضحك على أخته هالبنت ما ادري متى بتكبر .. زين .. يوسف شخبااره ؟؟

يتبع

أمير ضحك على أخته هالبنت ما ادري متى بتكبر .. زين .. يوسف شخبااره ؟؟

أم أمير بحزن يووسف .. وين يوسف وين اراضييه .. صاير كأنه سندباد .. كل يومين في بلد .. ايي هني آخر الاسبووع .. يطوف علينا ما جنه يشوفنا سلام وهو صاعد جناحه .. وين راح ولدي اللي محد يسلم من شره وشر لساانه .. ضحكته اللي ما تفاارق ويهه .. الدنيا عنده ضحك وطنااز بس .. تعال شوفه يمه حالته حالة .. حتى ما يسأل عني .. ولا يكلمني ..

أمير تنهد مره ثاانية ماما .. انتي السبب .. نحشتي حبيبته من البيت وفشلتيه جدامها وهو كان يبيها تقعد معااج وتاخذ بخااطرج وانتي .......

أم أمير عاارفة اني السبب .. بس وربي من خووفي عليكم .. خفت تلعب عليه وتخليه ياخذها .. ما ظنيت انها بتشيل عمرها وبتهاجر وهو بيتعب ويتمرض عليها كل هالسنين .. قلت بيسوي مثلك وبيروح يدور عليها وبيلقااها وبيتزوجها وبرتااح من شوفه نظرته اللوم اللي بعيونه .. بس ولدي كرهني يا أمير خلاص .. كرهني ..

أمير لا يالغالية ما كرهج .. انا اعرف يوسف عدل .. صبري عليه بااجر تتعدل نفسيته ويرد أحسن من اول ..

أم أمير رفعت عيونها لفوق الله يسمع منك .. زين حبيبي متى نااوي تيي ولهت عليك ماما .. خااطري اشووفك .. اخااف اموت بحسرتي ..

أمير سكر الكتاب اللي بيده وزفر بحراره ماما .. باقي على موعد مناقشة رسالتي عشرة أياام .. بس اخلص بضبط اموري وبنزل يومين اشووفكم ..

أم أمير تهلهلت ملامحها وبانت الفرحة بعيونها صج والله ؟؟ بشرتني الله يبشرك بالخير .. الحمدلله بتيي وبتييب لي بنتك اشووفها .. يااني بموت على شوفتها ..

أمير حمل أغراضه وطلع من المكتب وهو للحين يكلم أمه انا بيي اشوفكم انتو بس .. زين انتوا بس ..

أم أمير بصيااح واحنا نبي نشووف بنتك بعد ماما ..

أمير روحي شوفيهاا من مانعج .. بس انا ما عندي بنت .. تبيني اقولهاا جم مرة .. انا ما عندي بنت .. مـــــا اااا عندي ..

أم أمير بصوت بااكي انا ما ابي اروح اشوفها وانت ما شفتها .. حرمت روحي كل هالسنين عشاان ما اتعلق فيها وايي يوم تعرف ان ابوها ما يبيها ..

أمير تضاايق من صيااح امه ماما انتي ما تملين من هالسالفة .. كل ما اتصل تفتحينها ..

أم أمير غصبا عني .. والله مو قاادره اتحمل فراقكم أكثر ..

أمير وعيونه على باب السكشن والطلاب كلهم دخلو ما بقى غيره وهو الدكتور المحااضر ماما .. انا بسكر .. عندي محاضرة ..

أم أمير أبووك ربااك جذي يا أميير تقط بنتك سنين وما تسأل عنها .. انت حتى اسمك ما عطيتها ..

أمير تضاايق من كلام أمه ماما .. انا بسكر وانتي بعد ريحي راسج من التفكير .. لانج مهما سويتي ببقى اقولج اني ماعندي بنت .. سلام ..

سكر ودخل محاضرته بسرعة ما يبي يفكر بهالموضوع يبي ينسى بس اهله بكل مره يتصلون فيه يذكرونه

وبمكاان ثااني بعد بعييد عن الوطن كانت قااعده تجهز أغراضها عشان تطلع وهي تتكلم بالتلفون زين بدر انت متى ياي ؟؟؟

بدر يتكلم من المطار وصلت .. انا في المطاار .. الصبح عندي رحلة ثانية .. ساارة لا تطلعيين قبل ما ايي ..

سااره زين كاااني انطرك مو طالعة .. بدر ؟؟

بدر هلا ..

ساره بتردد تـــ تــزوجت بنت خالتك ؟؟

بدر اذا ييت افهمج كل شي ...

ساره اوكي .. باي ..

سكرت ورمت التلفون على الكرسي وزفرت مسكينة مي والله ما تستاهليين .. لكن هذا نصيبج .. ونصيب مريم تييب بنتها ابوها ما يبيها ورافضها يتركهم ويسافر ونصيبي .. آآآآآآه يا نصيبي .. اشتقتله .. ولريحته .. اشتقت لصرااخه وعصبيته وشره .. اشتقت للمناجر معااه .. يااااااريت ترد السنين لورى ونرد لهواشنا مره ثانية ..

حطت يدها على دمعتها حبيبي .. ياترى انت بعد اشتقت لي .. ولا نسيتني وشفت حياااتك .. ياااترى شقاااعد تسوي الحين ؟؟؟

دخل المحل اللي دلته عليه اخته يشتري لها منه ساعة ألماس عدستها على شكل ستاار صغيير بس مو لاقي الماركة اللي هي طالبتها زين ياا نوور هلكتيني درت كل المحلات .. الساعة لازم اوردر ما فيه جاهزه .. تعالي انتي وهم يصممونها على ذوقج .. زهقتيني يعني يوم اللي ايي البحرين ابي اريح تطلعين لي بطلباات ما تخلص ..

سكت ما يسمع اخته شتقول حاط التلفون على اذنه وصاافن مروا من جداام عيونه استوعب انه وقفته طالت لما يوا زباين يبون يدخلون المحل وهو معترض طريجهم

تلحقهم بخطوات سريعة وصار يمشي وراهم

ليلاااه ماسكة اصابع امها وتجرها واااااااااااااااو .. مريمي .. لوك آت ذس ..

مريم راحت وقفت يمها برى المحل شفييه .. عااادي .. مو كلش ..

ليلاااه تطالع امها بصدمه واااااااااااااي مريوم كلشي ما يعجبج .. آآآي وونت ات .. اشتري لي .. بليييز ماااامي .. بليييييييز

مريم نزلت لمستوى بنتها وقرصت خدودها الحين صرت مامي .. توج تقولين مريوم ..

غمزت لامها وصارت تحرك راسها يمين ويسار وشعرها يتطاير معاها عاادي حبيبتي .. مو احنا رفيجات ؟؟

مريم باست بنتها ومسكت يدها ههههه زين .. افحمتيني .. امشي بااخذه لج .. وامري لله .. بس هااا تاخذين فلات .. كعب نووو ويه فاااهمة ..

ليلاااه رفعت يدها فرحاانه يــــــــــــــسس ..

يوسف كان واقف وراهم ويشوف بنت اخووه اشلون أكبرت وحلوت وصار تشبهه امها وابوها لمعت عينه ودخل المحل ورااهم كانت عيونه عليها واشلون تلم بالاغرااض كل شي عاجبها وكل شي تبيه ... كان يمشي ويبتسم على حركاتها واشلون ميننة امها ..

حامله بيدها علبة ميك اب وماده البرطم مااامي بلليييييييييييز .. آي وونت ات .. ابيها .. بليييييييييز

مريم سحبت العلبة من يدها غصب ميك اب لاااااا .. جم مره قلتلج ميك اب لاااا .. ما اشتررري ...

خبطت بريلها على الارض معترضة وتخصرت مريوم .. أكا انتي تشترين لج .. آآآر يوو بااتر ذاان مي .. انا بعد ابي ..

مريم مسكتها من يدها تبي تمشيهاا بس ليلااه بطبعها عنيده اخذت العلبة وقطتها بقوه على الارض كسرتها وكسرت اللي فيها

مريم شهقت من حركة بنتها وعصبت عليها ومن بين اسناانهاا زين .. انا أوريج ..

جرت بنتها من ذراعها وراحت لعند الكاشير طلعت الكردت كارت ودفعت قيمة الدمج اللي تسببت فيه بنتها ورجعت كل الاغراض اللي اختارتهم عشاان تعاقبها

وردت جرتها مرة ثانية وطلعتها من المحل وهي تصرخ عليهاا انا اللي ما عرفت اربيج .. جدااامي ..

بس ليلاااه عاندتها وقفت ما رضت تمشي

مريم عصبت أكثر مسكت يدها وجرتها غصب وهي عاندت وسحبت يدها روووووحي ما ابيييج .. ما احبج .. آى هيت يووو ..

مريم وقفت تطالع بنتها مو مستوعبة الكلام اللي قالته راحت قربت منها ونزلت لمستوااها تكرهيني ليلااه ؟؟

ليلااه هزت راسها بالايجاب وصاحت انتي ما تحبيني .. انا ما احبج .. ما أحبج .. هــــئأأأأأأأهاهااهائئئ

مريم اشرت على نفسها بخووف انــــاااا ؟؟؟؟؟

وبنفسها لو تدرين شسويت عشاانج .. لو تدرين بمصيبتي سنين وانا ميته ..عاايشة عشاانج .. عشااانج انتي بس .. وبالاخير تقولين ما تحبيني ..

لمعت عينها بالدمعة واخذت بنتها في حضنها وراح صوتها لاااااا . . . انا أحبج ما اكرهج ماما .. انتي بنتي .. بنتي اناا

وبنفسها انتي بنت الغالي .. بنت حبيبي ..

ليلااه بطبعها حقوده ما ترضى بسرعة ولا كأن امها حاضنتها كانت مريم مقابله المحل وليلااه مقابله عمها كان يشوف هالمشهد .. وكأن يشوف أمير صغير مثل الاخلاق مثل النظرات مثل الهدوء ومثل العصبية .. حتى العناد اللي شافه قبل شوي نسخة من أمير ..

مريم حملت بنتها ومشت فيها زين خلاااص حبيبتي .. اللي تبينه بشتريه .. بس لا تصيحين ..

ليلاااه مسحت دموعها وهي تشااهق ما ابي منج شي .. خلااااص .. آآي دونت وونت اني ثنك فروم يوو ..

مريم باستها في خدها زين شراايج نرد المحل واشتريلج علبة الميك اب ..

ليلااه بعنااد ما ابي ..

مريم احتاارت معاها مو عارفة اشلوون ترضيهاا زين .. تروحين الالعاب ؟؟ آآآي وونت تو بلااي وذ يوو .. تعاالي نلعب مع بعض انا وانتي ..

ليلاااه مو هذاا اللي تبيه لاااا ما ابي ..

يوسف للحين يمشي وراهم ويسمع الحديث اللي يدور بينهم

مريم نزلتها زين .. قوووولي شتبين وانا حااضره ؟؟ بسوي اللي تبيه بس لا تصيحين ماما قطعتي قلبي ..

وبنفسهاا كااافي عليه اللي فيه ..

ليلاااه أشرت بيدها على شي ورى امها .. مريم استغربت ووقفت تبي تشووف شللي يرضي بنتها شنوو ماما ؟؟ ما في شي ؟؟

ليلاااه أشرت أكثر ووقفت على اطرااف أصابع ريلهاا ابي مثل هذاا .. لووك .. لوووك آآت ذس ..

مريم تتلفت ماما شنوو ؟؟ انا ما اشووف شي .. آآي دونت سي أني ثنك .. مااامي ووات ديوو وونت ..

ليلاااه شووفي ذاك الولد اللي تمشي معااه مامته .. معاهم واحد ولد كبير .. ابي مثله يمشي معانا .. اشتريلي واحد كبير يمشي معانا مثلهم .. ابي جذيي

مريم سالت دمعتها منصدمة من طلب بنتها نزلت لها وحملتها مره ثاانية ومشت فيها وهي تتوجع من داخلها ليتني أقدر اشتريه لج حبيبتي .. لو احط كل فلوسي وثروتي ما اقدر اشتريلج واحد مثله .. آآآآآآآآآآآه يا أمير شوف شسويت فيني .. شوف بنتك تبيني اشتري لها ابو .. أمير ارحمني حبيبي وارجع .. البنت أكبرت وصارت تشوف وتسأل .. يااارب ارحمني برحمتك .. يااارب افرجها من عندك .. تعبت والله تعبت ..

يوسف دمعت عينه من شاف طلب بنت اخووه بس قلبه ما طااعه يخليهم مشى ورى مريم لقاها مركبه بنتها السياره وراكبه يمها .. راح سيارته واستعد عشان يبي يلحقها ويعرف مكان سكنها ..

طلع وراها مريم كانت طول الطريج وعيونها تدمع مو قادر تمسكها وبنتها على كثر ما صاحت نامت وهي حتى مو حاسة عليها وصلت البيت ودخلت من الباب الحديد ..

يوسف تنهد براحة لانه عرف مكان سكنهم رجع على نفس الطريج رايح بيتهم

فتح بمفتاحه ودخل لقاها قاعده بالصالة تقلب في قنوات التلفزيون قامت نطت عليه وحضنته حمدلله على السلامه ..

ابتسم وبادلها الحضنه الله يسلمج .. تصدقين من كثر ما لفيت هالعالم وسافرت .. صرت ما احس ان لهالكلمة معنى .. صارت عادية ..

ابتسمت وجرته قعدته على احد الكراسي زين ..بعد حظك جذي لفيت العالم .. احد يحصله ويقول لا .. زين بدور متى ناوي تنزل البحرين ؟؟

بدر ما عجبته السالفة وقف مره ثانية عشاان هالموضوع خليتيني اييج هني ؟؟

ساره وقفت له وطالعته بدر حبيبي لمتى ؟؟ صارلك أكثر من ثلاث سنين .. مي راحت في حالها وانت بعد بتتزوج .. رد ديرتك وعيش مع اهلك ..

بدر زفر بحراره ايران بعد اهلي يا ساره .. وانا عندي هنااك بيوت وأملاااك ..

ساره وفطووم ما لها غيرك انت اخوها الوحيد .. امها متزوجة ومو حلوه في حقنا نخليها تعيش مع ريل امها واخوانها موجودين ...

بدر هه .. زين انتي ردي ..

سااره انا على الاقل انزل مرة كل 3 او اربع شهور .. بس انت ما تنزل كلش .. هالمرة طولت لاني اصفي حساباتي .. تعرف ماما قبل لا تموت كتبت لي كل ممتلكاتها ..

بدر ضحك وقعد مرة ثانية هه .. كل اللي جمعته بهالسنين راح لج ..

ساره مرت عليها ذكرى امها عاشت معاها شهرين لانها كانت تعاني من اللوكيميا حاولت تعوضها لو بجزء صغير انها تورثها كل ممتلكاتها انا والله ما ابي فلوس .. الفلوس شمسوية لنا .. حارمتنا من السعادة .. شوف حالتي وحالتك وحالة مي وأمير ويوسف كلنا عندنا فلوس بس

يتبع ,,,,

👇👇👇

تعديل المقال