رواية عذبتني باسباب فرقاك -46
يوسف ابتسم وبااس راس امه هذاا اذا لقيتهاا .. انا ادري سااره ما بترد الا اذا انا تزوجت .. تبي تتطمن اني اخذ وحده بنت نااس وبنت حلااال مو مثلهاا ..
أم أمير خلاااص دام جذي تزوج ..
يوسف فتح عينه على الاخر مصدوووم شنووو ؟؟؟
أم أمير ضحكت على شكل ولدهاا ومسكت يدها وقعدته اقعد وانا أفهمك ..
ساااره وقفت مصدوومة يعني تزوج خلااااص ..
مريم عيونها على مي اي تزوج من أربع شهور وتوه راد من أسبوع
مي سحبت يدهاا وقعدتهاا مو هذاا اللي تبينه .. خلاااص سارووو لا تساافرين .. قعدي معانا ..
مريم كاتمة ضحكتهاا على شكل ساره للحين مصدومة بس عيونها بدت تلمع اي خلاااص .. سفر ما في .. احنا محتاجينج .. اصلا هو قالي احتمال تكون زوجته حااامل بعد .. تعرفين يوسف يمووت على اليهاال ..
ساره خلاص طاحت دموعهااا بس مسرع ما مسحتهم وابتسمت فرحتووني والله .. الحمدلله .. زين انه قدر ينسااني ويشوف حيااته ..
وبنفسهاا قصة عذاابي انتهت من هاللحظة ما عااد أحلم بالرجووع .. صرت لغيري وانا لازم ما انسى هالشي حبيبي ..
وقفت عشان تمشي عنهم ..
مي وقفت لها سااره وين راايحه ؟؟
سااره ابتسمت بضييق برووح ارتااح .. اشوفكم بالليل ..
مي ومريم لاحقوهاا بعيونهم لحد ما صاارت بالدور الثااني
مي تحاول توطي صوتهاا قد ما تقدر مو كأن بالغتي .. حراام كانت شوي وتنهاار .. انتي الله يهدااج حملتي زوجته بعد ..
مريم عبالج بترضى تقعد .. انا ما صدقت تيي .. لازم نسوي جذي .. نصدق على الجذبة حبيبتي ..
مي بتردد مريوم اخاف تعرف وتزعل ..
مريم اخذت تلفونها خلها تزعل ..
مي بتكلمين من ؟؟
مريم وقفت وراحت بخطوات سريعة الصالة الثااانية بعدين أقولج ..
اتصلت ورد عليهاا بعد رنات قصيرة هلا مريم ..
مريم تتلفت براسها يمين ويساار خايفة احد يسمعها يوسف الليلة انت فااضي ؟؟
يوسف استغرب سؤالها اي ما عندي شي .. خيير ؟؟
مريم ابيك بسالفة ..
يوسف كان واقف في الحديقه لمح جنااح أمير ضوت اضائته ابتسم اوكي .. اييج البيت ..
مريم شهقت لاااااا .. لا تيي البيت خلنا نلتقي برى ..
يوسف بنفسه يت والله يابها ..
تنهد بدون صوت خلااااص .. الليلة نروح الملاهي .. انا وانتي وليلاااه ..
مريم عجبتهاا الفكره اي والله مسكينة بنوتتي من زمان ما اخذتها الملاهي .. خلاااص نيي انا ومي وفاااتي ..
يوسف فتح عينه لاااا .. تعالي انتي وليلاااه بس .. ابي اخذ راحتي مع بنت اخووي .. ابي اونسهاا وتعرفين مي مالها خلق .. وفااتي تقدر تروح مع ربعها ...
مريم ما حبت تلح عليه خلاااص مو مشكلة نيي انا وليلاااه بس .. اشوفك هناك الساعة ثمان ..
مريم سكرت ودارت عيونها على الصالة لقتها فااضية شالت أغراضها وطلعت غرفتها عشان ترتاح ... مرت على غرفة سااره ما سمعت صوتها فتحت الباب تبي تتطمن عليهاا لقتها نايمة على الارض ودمعتها جافة على خدهاا وضامة صورة يوسف بقووه وتلفونها مقطوط يمها ..
أخذت مريم التلفون عشان تسكر وضغطت على الزر بالغلط واشتغلت المكالمة
ساااره هههههههههههه .. أنا .. لا انا ما احبك ..
يووسف وانا ما احبج .. انا أعشقج ..
سااره هدأت ضحكتها وبصوت أثيري وانا اتنفسك .. حبيبي ؟؟
يوسف روحي انتي .. آمري ..
سااره غنيلي ...
يووسف امممممممم .. شتبيني اغني ؟؟
سااره الاغنية اللي غنيتها بعرس مريم .. مو قلت انت مغنيها لي .. خااطري اسمعها مرة ثاانية ..
يوسف والله حبيبي نسيت الكلماات .
سااره تغيير صوتهاا وكأنها زعلت امممم ..
يوسف حس فيها سوسو .. شفييج ؟؟ ليش سكتي ؟؟
سااره ما فيني شي .. عااادي .. بس جذي ..
قاطعها بإحساسه وصوته الحنون وبدى يغنيلها ألحانه العذبة مثل الاغنية اللي غناها لها بعرس أخووه مثل كلماتها ومثل الاحساس
ساره كانت تضحك بصوت واطي وهي تسمع وباين عليهاا الفرحة
غنى مقطع قصيير وسكت وسااره كانت مندمجة معااه وهو يغني لكن من سكت ليييش سكتت ؟؟ حبيبي كمل ..
يوسف خلاااص ما اكمل .. ابي اسمع بوستي .. اليوم ما سمعتهاا
سااره .. هههههههههههه .. زين .. هههه
يوسف طال انتظااره يــــــــااااالــــــــــلـــــــــــــــه .. قاااعد انطر ..
ساره سكتت شوي منحرجة وبنفس طويل وانفاسها على مسامع يوسف اموااااااااااااااه .. ههههههههه .. زين جذي ..
يوسف يالله مقبولة .. مع انها توها واصلة اذني ما امداها توصل لشفايفي ..
ساااره يوســـــــــــييييي .. يووز عني .. ترى بسكر ..
يووسف هههههههه .. زين .. ما نقول شي الا استحيتي .. بس تصيرين في بيتي انا اعلمج اشلون تستحين مني ..
سااره اذا صرت في بيتك سوو اللي تبيه وعلمني اللي تبيه .. والحين كمل الاغنية .. ما غنيتها كلهاا ..
يوسف كمل الاغنية وسااره تضحك بهدوء
مريم طالعت بنت عمها اشلون متمسكة بصورته كسرت خااطرها وبنفسهاا انا سويت جذي عشاانج يا سااره .. انتي الوحيده اللي فينا لازم ترجعلج حيااتج .. على الاقل اذا شفناج سعيدة مع اللي قلبج اختااره احنا بعد بنفرح لج وبنحس معااج بالسعااده ..
حطت يدهاا على شعرها بالوقت اللي اشتغلت المكالمة مره ثانية ساااره .. سااره .. قوومي حبيبتي ..
يتبع
حطت يدهاا على شعرها بالوقت اللي اشتغلت المكالمة مره ثانية ساااره .. سااره .. قوومي حبيبتي ..
سااره نقزت مخترعة وسمعت المكالمة انحرجت من مريم سحبت التلفون وسكرت الصوت وصارت تمسح ويهها بيدها
مريم مسكت يدها وقومتها رفعت فراشها وقعدتها على سريرها .. ما حبت تكلمها بشي وتحرجها ابتسمت لها ناامي حبيبتي ..
ساره رمت براسها بقوه على المخده وغطت ويهها بالفرااش تعيد معاناتها على حبها الضاايع
مريم سكرت النور وطلعت من غرفتها مرت على بنتها لقتها نايمة بحضن مي ابتسمت وراحت ترتااح ..
نزل كاشخ كالعاده لابس جنز ازرق سكني لوو ويست وقميص اسود ماسك وشوز أسود سبورت ماركة كوتشي وشعره نازل على جبينه لانه تاركه على طبيعته شاف امه واخته قاعدين يشربون شاي
ابتسم وقعد معاهم وأشر على الخدامة تصب له استكانه شاي بالزعفران
نور راحت قعدت يمه وحضنته من جتووفه وباسته بقووه في خده أمووت وأعرف شنو سر هالجسم الحلو وهالوساامة .. الناس لين عدت الثلاثين شعرها يشيب ويهها يجعد تطلع لها كرش .. بس انت كل مالك تصغر وتحلو .. خبري الطب يشيب مو يصغر .. اذا بييني ريل مثلك جذي عنده قرنتي ما يكبر اتزوجه بسرعة قبل لا يطير منيي ..
أم أمير صرخت على بنتها عيب علييج تقولين هالحجي جدام أخووج العوود .. شهالبنات يا ربي ما بقى فيهم نقطة حياا .. الله يجيرنا يااربي ..
أمير كان يسمعهم وهو يرتشف الشاي ويضحك بهدوء ..
نور تحب تشوف اخوها هادي جذي أمووووررررري ..
أمير فز قلبه تذكرها .. مرت على باله .. يحب يسمعها تناديه بهالاسم ابتسم ودار عيونه على اخته شتبين ؟؟
نور تغمز له وين راييح بكل هالكشخة ؟؟ الظهر واصل والحين كاااشخ .. ريحة عطرك معبية المكان .. اقول .. ليكوون رايح تدور لك عروس من ورانا ..
أمير انزعج من كلامها وقام طلع من البيت كله قعد ينطر اخوه بالسيااره هه .. عروس ؟؟ انا ما عندي الا عروس وحده .. بتبقى بعيوني عروسي طول عمري .. لكن وينهاا.. عروسي رااحت مني .. نستني من زماان .. نستني عشاان بنتهاا ..
يوسف نزل يدور أمير ما لقااه وينه أمير ؟؟
أم أمير قوول لاختك .. ما تعرف تقول كلمة عدلة .. روح ماما شوفه طلع برى ..
يوسف طلع برى لقااه قااعد ينطره بالسيااره فتح الباب وقعد تأخرت عليك ؟؟
أمير عيونه على الدريشة لاا .. وين بنرووح ..
يووسف مكاان حلوو بس نوصل تعرف ..
أمير ما علق تنهد بنفس طويل وسند راسه على السييت ..
مريم وقفت سيارتها في الباركات ونزلت ونزّلت بنتها معاهاا كانوا لابسين مثل اللبس جينز أسود سكني وقميص لنص الذراع أبيض وبالنص حزاام عريض أسود وشوز فلات أسود ورافعين جزء صغير من شعرهم والباقي منشوور وطبعا شنطة الظهر .. مريم صارت أغلب شناطاتها على الظهر لازم تلبس مثل بنتها بس الاحجام تختلف ..
ليلاااه كانت طاايره من الفرحة تراكض وامها تركض ورااها ما حست على الوقت وهي تلعب مع بنتهاا ..
يوسف وقف السياارة في الباركات وبندها
أمير مو مصدق ان ياي هالمكان يوسف انت من صجك ؟؟ انا آخر مره رحت فيها الملاهي يمكن لما كنت بالاربع تعش بابا يابني هني قبل لا اسافر بريتش ..
يوسف فتح باب السيااره واليووم ييت .. شفيهاا .. انزل يالله ..
أمير نزل ما ابي ادخل ... روح انت انا بنطرك هني في السياره .
يوسف قفل السيااره بالرموت يالله .. مو مطولين .. نص سااعة بالكثيير ..
أمير هز راسه بإستياء افففففففففففف .. بشووف آخرتها معااك ..
دخلوا صالة الالعااب الخاصة بالاطفال .. يوسف كان متفق مع مريم يلتقي معاها هناك .. دور عليهاا ما لقااها .. أمير اندمج وهو يطالع اليهاال اشلوون يلعبون كل واحد متمسك بيد امه أو ابوه
يوسف كان يراقب شكله بعد عنه شوي ورفع تلفونه واتصل على تلفونها وينج مريم ؟؟
مريم انا بالفود كورنر .. اشتري ماي حق ليلاااه عطشاانه ..
يوسف ليلاااه وينهاا ؟؟
مريم بصالة الالعاب تلعب مع اليهااال .. الحين بروح لها ..
يوسف حس انها الفرصة اللي كان يبيها لاتيين هني نطريني الحين بييج ..
مريم بتردد بس ليلاااه بروحهااا ..
يوسف عيونه على أمير لا تخاافين عليهاا .. بوصي السكيورتي عليهاا .. وبنتج ينخاف منها ما ينخااف عليهاا ..
مريم هههههه .. زين انا انطرك هني ..
يوسف تسحب وطلع وخلى أمير وااقف يتلفت ويدور عليه لحد ما لمح بنت صغيره قااعد تصرخ على ثلاث صبياان ابتسم على شكلها ودار ويهه يدور على اخووه
يوسف وصل الفود كورنر وشاف مريم تأشر له وتبتسم راح وسحب كرسي وقعد معاها تأخرت علييج ؟؟
مريم ما حسيت بالوقت قعدت ألعب مع ليلاااه ..
يوسف ابتسم زين .. قوليلي .. شعندج ؟؟
مريم مدت يدها تبي تصاافحه يوسف استغرب حركتهاا وصافحها ابتسمت له مبروووك ...
يوسف رفع حاجب واحد مستغرب الله يباارك فيج .. بس على شنوو ؟؟
مريم ضحكت بخفة على زواااجك طبعاا ..
يوسف فتح عينه زواااجي ؟؟!!!!!!!
مريم اي زواجك .. انا زوجتك امس .. واحتماال تصير ابوو بعد ..
يوسف مو فااهم شي مريم انتي صااحية ولا انهبلتيي .. شقااعده تقولين .. اي زواج واي ابوو اللي قااعدة تتحجين عنه ..
مريم ضحكت على شكله هههههه اكيد صااحية .. انت تزوجت من اربع شهوور ..
يوسف عصب ووقف مريم .. انا ماااشي .. عبالي عندج ساالفة ..
مريم قعدته غصب أكيد عندي ساااالفة .. مو تبي سااره ترد لك ..
يوسف تهلهلت ملامحه وبانت أسنانه وضحك قلبه قبل شفاايفه ساااااااااااااره ؟؟!!! اي اكيد ابيها ترد لي .. اشتقت لها ..
مريم خلاص اقعد وانا أفهمك على كل شي ..
يوسف لمعت عينه بالفرحة قعد ومريم بدت تفهمه خطتها بالتفصيييل
كان قااعد يتصل على تلفون أخوه بس يوسف تعمد يخليه ساايلنت عشان ما يرد عليه
ما حس الا بيد تنفض يده بس بخفه رفع التلفون من على اذنه ونزل عينه عليها وهو رافع حاجبه بس ما نطق ظل يتأمل عيونها ثوااني طويله حس احساس غريب نزل بجسمه لهاا وحط يدينه على جتفهاا تبين شي ؟؟
ببرائتها المعتاده فتحت يدها ومدتهاا عليه وهي معصبة جف مي مااي كارت .. عطني بطااقتي .. أبي ألعب ..
أمير شهق يوور كارت ؟؟ !!! آم سوو سوري .. آي دونت هااف يور كاارت .. از ات لووست ؟؟
ضمت شفااايفهاا وهزت راسها بالنفي والايجااب بوقت وااحد بقوه لدرجة ان شعرهاا صاار يتطااير على ويهها ولفح ويهه
أمير غمض عيونه لانها خصلاتها الحريرية صارت عليهم ..
مد يده وبعد خصلاتها ورى ظهرهاا .. وصار يتحسس خصلاتها ويرفعهم وبنفسه ما شاءالله .. شعرهاا حلو .. يشبه شعر حبيبتي ..
ابتسم وباس جبينها ووقف روحي حبيبتي لبابا ..
اتخصرت ومالت براسها ومال شعرها معاها بابا .. بابا يعني شنوو بابا ؟؟ وااتز ذاا مينغ اف بابا ؟؟
أمير انصدم هااا ؟؟
ليلاااه صاارت تخبط بريلهاا الثنتين حمقاانه وتصرخ ابي كارتي .. وير از مااي كاارت ..
أمير بنفسه شهالبلشة ياااربي .. زين حبيبتي وين ماما ؟؟
ليلاااه هزت جتوفها الصغاار بمعنى ما أدري آي دونت نوو ..
أمير مسك يدهاا زين تعالي انا بشتريلج آناذر كارت ..
مشااها للكونتر واشترى لهاا بطاقة ألعااب يديده .. نزل لها وعطاها الكاارت .. وهي من فرحتها ضمته من رقبتها بيدينها الصغااار وباسته في خده بقووه وركضت جهة الالعااب مره ثاانية ..
أمير للحين متكي على ريله وحاط يده على خده مكان البوسه مستغرب
انتبه على روحه ووقف وبنفسه ما تعرفني .. تاخذ مني بطااقة وتبوسني بعد .. هذي وين اهلها عنهاا ..
ضحك بخفه ما شاءالله عليهاا حلوه ولساانها حلوو .. بس اشلوون ما تعرف يعني شنوو بابا .. ليييش وين ابوهاا ...
رااح وقف يتأملها اشلون تلعب بالالعااب وشعرها يتطااير معاها وتضحك بصوت عااالي وتأشر على النااس ومحد سالم من شرهاا .. تذكر يوم تصرخ على الصبياان ما كان منتبه لهاا
ابتسم مرة ثاانية أكيد كبرت بنتج يا مريم الحيين .. ما ادري ليش مو خااطري اشووفها .. ابي اشوفج انتي بس حبيبتي .. اشتقتلج ..
وظل واقف على حاله ويتأملها ما يدري لييش مو قاادر يبعد عنهاا .. يبي يشوف احد من اهلها معاها عشاان يتركها .. ما يدري من وين يااه هالاحساس فجأه .. خااايف يخليها بروحها ..
يوسف ابتسم لمريم وأشر لها انها تمهله دقيقة يسوي تلفوون واتصل على تلفون اخووه
أمير انتبه للتلفون ورد بسرعة هلا .. هلا يوسف ..
يوسف حس ان اخوه مشغوول ومو فااضي له لانه كان مجهز لكل شي من قبل ومتفق مع السكيورتي ياخذ بطاقة ليلااه ويقولها انها مع أمير عشاان تروح له انا خلصت .. اطلع للسيااره ..
أمير عيونه على بنته بــــس ....
وسكت مو عاارف شيقوول
يوسف ضحك بخبث بس شنوو ؟؟ يازت لك القعده مع اليهاال ..
أمير رجع لجديته لااا .. كااني طلعت ..
مشى وعيونه كل شوي تتلفت عليهاا وللحين ما يه احد خذااها ..
يوسف سكر ورجع لمريم طلعت عندي شغله ضرورية لازم اخلصها الحين .. شراايج تااخذين ليلاااه وتروحون فودركرز .. بييكم هنااك ..
يوسف للحين مستمر بخططه
مريم رفعت يدها على السااعة بس الحين عشر .. ليلاااه ترقد من وقت ..
يوسف غمز لهاا اليوم اجاازه .. يالله اخذيها وروحي هناك انا ربع سااعة واخلص .. واييكم ..
مريم ابتسمت اوكي .. ومثل ما وصيتك هاا ..
يوسف تذكر اتفاقهم هه ههههه .. عمري ما بنسى معروفج يا مريم .. وان شاءالله اردها لج انا بعد ..
وبنفسه يومين بالكثير يا مريم وتنتهي معاناتج .. انتي وبنتج ..
مريم وقفت وحملت المااي زين انا برووح اشوف بنتي أكيد الحين قالبة علي المكاان .. ومتحكمة باليهاال اللي معاها بالالعااب ..
يوسف حمل أغراضه وابتسم زين .. بس اشتري ماي غيره صاار حار ما ينشرب
مريم قولبت غراش المااي اي والله .. الحين ما بترضى تشربه ..
طلع يوسف لقى أمير واقف على باب السيااره هذا اللي تنطرني ..
يوسف حك شعره بطرف صبعه شسوي يا خووي كلما امشي قعدني واحد من الشباب .. يالله انا عاازمك على العشى ..
أمير فتح باب السيااره وقعد وين ان شاءالله .. بجسميز ولا ما كدونالدز ولا كنتااكي .. خب صااير شغلك الليلة كله بمحلات اليهاال ..
يوسف حرك السيااره عورك رااسك يعني ؟؟
أمير حقره وطنش سؤاله ودار عيونه على الشاارع
يوسف يبي يمهد الموضوع لاخوه أمير ؟؟
أمير بدون ما يلف ويهه همممممم ..
يوسف بتردد ما تبي تشووف مريم ؟؟؟
أمير حط يده على عيونه أي مريم ؟؟
يوسف انصدم اي مريم ؟؟؟ مريم زوجتك .. ولا نسيتهاا ؟؟
أمير دار عيونه وطالع اخوه بنظرة حادة اي نسيتهاا .. مريم طلعت من حيااتي .. كرهتهاا .. تبي تسمع أكثر ..
يوسف للحين مصدووم وحس انه تسرع شوي لما فتح موضوع مريم زين .. خلاااص .. طلقهاا دامك نسيتهاا ..
أمير صاار يرمش عيونه بسرعة مو مستوعب كلمة أخوه شـــ .. شـــ نوووووو ؟؟ شــــ قللللت ؟؟؟؟
يوسف عيونه على الشاارع مو عاطي نظرات اخوه اهتمام سمعتني يا أمير .. اترك البنت .. حررها من هالزوااج .. خلهاا تشووف حيااتهاا .. خلهاا تدور على ابو لبنتهاا ...
أمير صار يتنفس بصعوبة من كلااام اخوه حط يده على صدره وصرخ من قلبه هووو بكيفك ولا بكيفها .. انا طلاااق ما اطلق .. وخلهاا جذي معلقة .. خل بنتهاا تنفعهاا .. واذا تبيني اطلقها خلها هي اللي تطلب مني ..
يوسف خااف من عصبية اخووه وغير اتجاهه ووصل لاقرب بحر ووقف السيااره يبي يهدأ اخووه أمير حراام البنت مالها احد يتيمة وامها مو يمها .. لازم تشوف حيااتها .. توك تقول نسيتها والحين مو رااضي تنفصل عنهاا .. ما يصير طال الزمن ولا قصر مردها بتمل من الانتظار وبتطلب الطلاق .. تقدر تروح المحكمة وترفع عليك قضية ويطلقونها منك بكل سهولة انت صارلك أكثر من ثلاث سنين ونص تاركها وتارك بنتك بدون اسم ولا هوية من يرضاااها .. من يتحمل وينطر .. مريم لو ما روحها فيك ما كانت نطرتك كل هالسنين .. لو ما كانت تحبك ما كانت خاطرت بحياتها ويابت لك بنتك .. بنتك يا أمير اللي مو رااضي تعترف فيهاا .. مريم تقدر ترفع عليك قضية اثباات نسب وتخليك تعترف فيهاا غصب .. بس والله ما تسوى يا خووي ننفضح جداام الناااس .. شتبي يقولون عنا قاطين بنتهم .. وجنتهم رااحت اشتكت عليهم ..
أمير كان حابس الدمعة غصب يوسف مالك شغل بحيااااتي .. خلك في حالك وخلني في حالي .. واذا كانت صج تبي تتطلق انا مستعد اطلقها وخلها تشوف حيااتها مع غيري ..
يووسف مو هذاا اللي يبيه انصدم ان اخوو راضي ينفصل عن مريم لا يا أمير .. مريم أكيد ما تبي تنفصل عنك .. مريم تبيك انت .. تحبك انت .. انت يا أمير أبو بنتهاا ..
أمير بصراااخ انا مو ابوو احد .. بلييييييز يوسف .. اذا ما تبيني باجر ارد من مكاان ما ييت لا تفتح معااي هالسالفة مره ثاانية ..
يوسف حس ان ما في فااايده الحجي ضاايع معااه حرك السيااره خلاااص .. اوعدك اني ما افتحهاا .. بس انت لا تعصب .. يالله خلنا نرووح نتعشى الحين ..
أمير ما كان له خلق حتى يرد على اخووه مسح ويهه بضييق وسند راسه على السيت ودار عيونه على الشاارع
مريم ملت من الانتظار عشت بنتها وعيونها على الساعة وبنفسها هذااا وين رااح .. البنت الحين بترقد .. احسن شي اقووم امشي لا ترقد مكانها
لفت على بنتهاا كانت منزلة رااسها على الطاوله ليلاااه حبيبتي ... بروح اغسل يدي وبيي .. لاتكلميين احد .. ولا تردين على احد ..
نزلوا يوسف وأمير من السيااره
يتبع
نزلوا يوسف وأمير من السيااره
أمير كان طول الدرب شاارد في البنت اللي بالملاااهي .. مستغرب منهاا ومن اسلووبها .. حاااس ان في شي فيهاا يشبهه غير لون عيونهاا بس ما حط فرصة ولا واحد بالمئة ان احتمال هالبنت تكون نفسهاا بنته
يوسف لمح سياارة مريم واقفة .. ابتسم لاخووه أمير جدم بسوي تلفون وبييك ..
أمير كان مستغرب تصرفاات اخووه الليلة ... هز راسه بطولة باال ودخل المطعم
يوسف اتصل على تلفوون مريم وهي للحين في الحمام تضبط مكيااجها يوسف وينك .. البنت شوي وترقد ..
عشيتهاا خلاااص .. انا بالحمام وهي برى تنطرني ..
يوسف ابتسم لما عرف ان أمير دخل المطعم بيشووف بنته ومريم مشغولة في الحمام تعمد يمااطل بالسواالف معاها ..
أمير من دخل صار يتلفت يبي يقعد على طاوله فااضيه لمحها منزلة راسها على الطاولة وشعرها منشور على الطاولة وتلعب بأصابع يدينها وتغني بهدوء بااين عليهاا انها متخدرة وتعباانة
استغرب انه يشووفها هني بعد وبروحهاا قرب منها سمعها تدندن A B C D وتطق باصابعها على الطاولة وصوتها كله نووم .. نزل لمستواها متكي على ريله وصار يمسح على شعرهاا بحنان ..
ليلاااه انتبهت له رفعت راسهاا وشاافته وعيونها نص مفتووحه وردت نزلت راسهاا تكمل نشيدتهاا
ما يدري ليش هالطفلة جاذبته مو قاادر يقووم ويخليها وين الماما ؟؟
ليلااااه .................
أمير دار ويهه يتلفت يدور احد من اهلها انتي ياايه برووحج ؟؟ يو آر ألوون هير ؟؟
ليلاااه زادت صوتهاا بالنووم نوو وذ ماميي .. روح ابي اناام ..
رفعت راسها وكانت دايخة وتتمايل برااسها قوو .. ماميييي تووولد مي ذات .. ما أكلم أحد ولا أرد على أحد ..
أمير يقوم شوي ويرد ينزل مو عاارف يتحرك ليش وينها امج .. ما ادري شهالاهل ياااربي .. اشلوون يقطون عيالهم جذي ..
يقول الحجي بدون تفكير ما جنه ينطبق عليه هو أول واحد صار يمسح على شعرهاا لحد ما داخت أكثر وغمضت عينها
وقف طل بويهها لانها دايرته عنها الجهة الثاانية شاافها نامت ابتسم وباس شعرها وراح لموظف المطعم Where is her mother ??
الموظف صاار يدور بعيونه I don't know sir .. It was with her shortly before .. Maybe she went to the WC
أمير تنهد بضييق بعد ما يدري ليش Are you sure that her mother with her .. Because the child slept on the table..
الموظف هز راسه بالايجاب Yes Sir, I'm sure
أمير رد دار ويهه عليهاا ابتسم على شكلها وراح لجهة حمام الرجال
يوسف كان يراقبه من برى الباب الزجاجي ومن شاافه دخل الحمام ابتسم لمريم زين مريوم .. عطتلج عن بنتج .. والله كنت ابيي ايي بس الريال عزمني وما قدرت ..
مريم وهي طالعة من باب الحماام صارلك ساعة حاكرني بالحمام وبنتي برى والحين تقول مو يااي .. اردها لك .. اصلااا انت الليلة واايد غريب .. اخااف طاابخ شي من ورااي .. الله يستر منك ومن شرك ..
يوسف ضحك بصوت عالي ههههههههههههههههههههههه .. افااا .. يالله مو مشكلة .. باااجر ..
مريم قااطعته لا بااجر ولا بااجر .. اصلا باجر بس لبنوتتي تسوي شوبنغ كل يوم سبت اشتريلهاا اللي بخاطرهاا ..
لمحتها وهي ناايمة ابتسمت وعيونها تلمع بحنان اكا بنتي رقدت مكاانها .. يالله اكلمك بااجر .. تصبح على خير ..
مريم راحت لبنتها وحملتها وهي المسكينة مالت براسها على جتف امها وضمت رقبتها وريلها الثنتين ورى ظهرها حملت شنطتها بصعوبة وطلعت من الباب بالوقت اللي أمير طلع من الحمام
طارت عيونه على الطاولة ما لقااها رااح سأل الموظف وطمنه ان امها يت واخذتهاا .. وهو تنهد برااحة وراح قعد على طاولة صغيرة واتصل على اخووه اللي كان قااعد بسياره بعيد شوي ينطر مريم تمشي هلا أميير ..
أمير من نبرة صوته انه بدى يعصب يوسف مللتني بأشغالك .. انت وينك ؟؟ اذا بتسوي مثل الملاااهي .. انا ماااشي ..
يوسف كان يسمع صرااخ أمير نزل من السيااره وفتح الباب شاف أخوه رفع التلفون من على اذنه يأشر فيه وسكره ..
راح للطاولة اللي قااعد عليهاا أمير .. سحب كرسيه وقعد أدري تأخرت .. بس لا تعصب .. اتصل فيني منصور .. انا قايلك يبيني اصمم بيته اليديد .. البيت اللي ابوه شرااه له مو عاجب زوجته ..
أمير ما كان يسمع كانت عيونه على الطاولة .. اللي كانت عليها بنته .. مستغرب من نفسه ومن اهتمامه فيهاا .. عمره ما اهتم لليهال ولا يحب لويتهم .. بس هذي ما يدري ليش اذا شافها ما يشوفها الا بروحها ويحس انه خاايف عليهاا ..
يوسف كان يشوف شرود ذهنه على نفس الطااولة اللي كانت نايمة عليها بنته ابتسم وخلاه على راحته .. ناادى على الويتر عشاان يطلبون العشى ..
مريم وصلت البيت وحملت بنتها ودخلت الصالة لقت ساره متوسده ريل مي ويسولفون ابتسمت واشرت لهم انها بتطلع بنتها غرفتها وبتنزل لهم ..
ما تدري ليش ما كانت تبي تنوم بنتها في غرفتها ودتها غرفتها هي وسدحتها على السرير وفصختها جوتيها ودخلت غيرت ثيابها لبست بجامة ساتان سوده سروال وبدي علاقيه وفوقها روب صغير نشرت شعرها ومسحت بقايا المكيااج واتصلت بالكول هوم على غرفة مربية بنتها تييب لها بجامة وتبدل ثيابها وتخليهاا ترقد معاها ..
نزلت تحت لقت البنات على حالهم شمسهركم ؟؟
مي ابتسمت ولا شي .. قااعدين نسولف .. قااعده اقنعها ما تساافر
مريم سدحت روحها على الكرسي الكبير مو على كيفها .. ما بتساافر يعني ما بتساافر ..
ساره قامت قعدت ودارت ويهها على مريم وعيونها متوهجة على كثر ما صااحت ما اقدر يا مريم .. ما اقدر .. اخااف ايي يووم واشوفه مع زوجته ويحترق قلبي .. عن اذنكم بروح انام ..
مريم قعدي وين راايحة .. توى النااس ..
سااره تنهدت بضييق خليني على رااحتي .. ابي اقعد بروحي شوي ..
مريم وقفت لها زين حبيبتي .. روحي الحين ارتااحي ما ابي اضغط علييج اكثر .. بااجر نتكلم بالموضوع ..
وبنفسها ما عليه حبيبتي صيحي .. صيااحج ما بيطول .. مو مثلي ومثل مي ذبلنا على كثر ما صحنا وبجينا ..
لاحقت ساره بعيونها لحد ما سمعوا صوت باب غرفتها يتسكر ودارت عيونها على مي كلمت يوسف اليوم ..
مي تحمست وراحت قعدت يم مريم انزين .. قولي شصاار
مريم تحاول تنزل صووتها وتروي اللي صار بالضبط قلتله .. يووسف .. سااره اليوم العصر وصلت .. وهي عندي في البيت ..
يوسف مو مصدق صار مثل المجنون يوقف شوي ويقعد شوي مو قادر حتى يقعد مريم انتي شقاااعدة تقوليين ؟؟ حبيبتي هني ؟؟ هني في البحرين .. متى واشلووون .. انا العصر كنت بالمطاار ما شفتها ..
انا استغربت وقلتله ليش رحت المطاار ؟؟؟
هو سكت وبعددين ضحك وقال كان عندي شغله هنااك .. مريم انتي من صجج .. يعني ما تجذبين علي .. حبيبتي عندج بالبيت ؟؟
انا كنت شوي واموت على شكله واللهفة اللي بعيونه اي من صجي .. وانا قلت لها انك تزوجت ..
وقف من صدمته ليييييييييييييش ؟؟؟؟؟
انا انفجرت ضحك على شكله هههههههههههههههههههههه .. اقعد وانا اقولك لييييش ..
قعد وانا عيوني على يده اشلون ترجف هي حلفت يوم اللي سافرت ما ترد وتستقر هني الا اذا انت تزوجت .. وانا جذبت عليهاا عشان ما تساافر ..
يوسف دمعت عينه ليييش .. لييش تبيني اتزوج غيرها .. انا ابيها هي .. احبهاا هي ..
مريم حطت يدها على يده تواااسيه الحين عااد انت وشطاارتك .. بس لا تبين لها انك مو متزوج خلها تضبط أمورها هني وتستقر عدل وبعدين يصيير خير .. حتى لو بعدت عنك ..
يوسف مسح دمعته وسحب نفسه بسرعة وابتسم ان شاءالله .. مستعد اسوي المستحيل بس ترجع لي .. تصدقين امي بعد قالت لي اسوي جذي .. حتى شاارت علي اطلب من جنان تمثل معااي الدور ..
انا بطلت عيني من جناان بعد ؟؟
يوسف لاتخاافين جنان هذي اختي بالرضااعة امها رفيجة امي وراضعتني معاها وهي أكبر مني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك