بداية

رواية عذبتني باسباب فرقاك -4

رواية عذبتني باسباب فرقاك - غرام

رواية عذبتني باسباب فرقاك -4

مريم رفعت راسها وكأنها تشوف ويهه ايوب انا من مزعلني .. ليش انت تهتم لزعلي .. ولا احد يهتم لزعلي انا محد يحبني كل اللي حولي يجاملوني حتى امي وابوي يحبوني من بعيد حبهم لي بس هدايا وفلوس يبون يشوفوني بخير بس ما يهتمون لمشاعري .. انا تعبانة صدقني محد فاهمني .. انا كل السالفة اني احب .. اي احب بس الانسان اللي احبه مو راحم ضعف قلبي .. حاولت ارضيه واسوي اللي يبيه واسعده عمري ما بخلت عليه بشي .. كل ما يطلب مني اعطيه وتحت امره .. حبيته حب صادق من صغري ما وعييت على هالدنيا الا وانا اشوفه فارس احلامي .. حبيته حب طاهر بس هو مايبي يحافظ على هالطهاره يبي يقتل كل شي حلو بنيته ..
حط يده على فمه وهو يسمعها ومنصدم من كلامها
اما مريم فكانت تتكلم شوي وتصيح شوي
قعد يمها وحط يده على يدها خلاص لا تصيحين .. هذا ما يستاهلج
مريم سحبت يدها وقامت وقفت ومسحت دموعها بس انا احبه .. ومهما شكيت وبكيت بيظل حبيبي ومستحيل افرط فيه راح اتحمل واتحمل اكيد بيي يوم وبيتغير وبيعرف انه غلطان
ابتسم بسخرية ان شاءالله
مريم بعد معاناتها وبكائها المتواصل ارتاحت شوي وبتنهيده ما عليك مني .. انت من صجك ما تعرف حتى اسمك
......... هز راسه بالنفي ولا اسمج
مريم بابتسامة باهتة انا مريم .. مريم محمد تقي اكبري بنت صاحب البيت
.......... رد لها الابتسامة اسمج حلوو
مريم سوري عورت راسك بمشاكلي
............ بس انتي اللي معورة قلبج .. ماله داعي كل هالبجي
مريم حبت تسكر السالفة وهي تأشر على يده انت هذا ما يعورك؟؟
........... نزل عيونه على مكان اللي أشرت عليه وطبعا شعره نزل معاه شوي
مريم ما تعرف من اللي طاقك ؟؟
........... هز راسه بالنفي ما اعرف ولا شي .. بس راسي يعورني
طلع عليهم الصبح وهي تسولف له وتفضفض بس اللي ما كان على بالها ان البيت معفوس داخل وهي ولا على بالها ضاع عليها الوقت وهي تسولف معاه
داخل البيت
ابو مريم معصب مو معقولة سارة مي وينها سياراتها كلهم بالكراج .. وين راحت
مي تطالع في ساره ومو عارفة شتقول عــــــ ـــــمـــــــ ـــــــوا .. هـــ ـــي دخـــ ـــلـــ ـــت مــ ـــعـــ ــــانــــ ــا الـــ ـــبـ ــيــ ت
ابو مريم بصوت عالي اي وينها .. ما اشوفها بالبيت .. ولا شرايج انتي يابنت اخوي
سارة وهي غاصة بريقها انـــ ـــــااا .. عـــ ـــمـــي .. مـــ ـــا ادري .. لــ ــمــ ــا رجــعــنــا الـــ ـــبـ ــيــ ت
كــ ــانــ ت قــ ـــاعــ ــده بــ ــالســ ـــيــ ــاره
ام مريم بخوف وانتي يا ام حميد ما تدرين بعد
ام حميد ولونها مخطوف لا أمتي (عمتي) ما شفتها ولا يت غرفتي
ابو مريم الملحق .. ما دورناها بالملحق
وطلع الحديقة بصراخ عـــيـــسى .. يــــــــاعـــــيــــســـــى
عيسى مفزوع خيييييييير عمي .. صاير شي
ابو مريم وهو متجتف وواقف قبال الملحق افتح الباب بسرعة
عيسى وهو مطلع المفاتيح ويدور ليش عمي ؟؟
ابو مريم افتح الباب من غير ليش
داخل الملحق مريم والغريب متحيرين وخايفين بنفس الوقت
مريم وهي تسطر روحها على خفيف ويييييييييييييه .. رحنا فيها .. ياربي شسوي الحين
........... حتى من الدريشة ما تقدرين تطلعين لان ماليين المكان
مريم وزاد توترها امبيييييييييييييه .. ابوي محذرني ما ايي هني .. الحين بيذبحني .. شسوي
.......... وانا شدراني .. الله يستر
وفجأه حسوا ان الباب ينفتح شوي شوي
وكانت المفاجأه
انتظر التوقعات والردود

الجزء الخامس

فتح عيسى الباب و ابو مريم زادت عصبيته لدرجة انه رفس الباب برجله ودخل
مشى خطوات سريعة لنص الملحق وعيونه تتفحص المكان مشى شوي شوي ودخل غرفة الغريب
وانصدم
كان المكان هدوء مو مثل ما كان متوقع
دخل الغرفة ومشى لجهة السرير وكان اللحاف مغطى ويه الغريب بالكامل قرب اكثر ومد يده بتردد ومسك طرف اللحاف ورفعه شوي شوي
وعبس بملامحه لما شاف الولد نفسه ونايم بمكانه اما الغريب فلما حس ان ابو مريم بيرفع عنه اللحاف ضغط على عيونه عشان يبين ان منزعج من الضوى
ابو مريم لما شاف الوضع تأكد ان مريم مو بالملحق وانسحب من مكانه بكل هدوء وطلع من الملحق
قام من سريره لما سمع صوت باب الغرفة وهو يتسكر ومن بعده باب الملحق نزل على ركبه لتحت السرير
ههه .. ههه شكلج يضحك وانتي جذي .. يالله طلعي ابوج راح
مسك يدها وطلعت وهي تزاحف من تحت السرير آآآآآآآآآي .. ظهري عورني ..
......... مسك يدها وساعدها انها توقف حمدلله على سلامتج
مريم وهي تلم شعرها بيدها تطنز حضرتك يعني
.......... وهو قاعد على السرير لا أفا عليج .. بس الحمدلله عدت بدون اصابات .. يالله روحي قبل لا يرد ابوج ويلقاج ويذبحج ويذبحني
مريم راحت قربت من الدريشة تطالع ابوها والحراس عافسين عليها الحديقة اي .. الحين بطلع شكلهم بطلعون برى الفيلا يدورون علي ..
دارت جسمها وناظرته بنظرات استفهام الا تعال بقولك
............ وهو مبتسم قولي
مريم قربت منه اكثر انا سمعت الدكتور انك لازم ماتتحرك من فراشك .. لان ضلوعك مكسره
............. صج والله .. محد قال لي .. انا ما سمعت يمكن كنت نايم
مريم اي انت كنت نايم .. بس اشلون تقدر تتحرك عادي .. ما يعورك؟
................ اي عادي .. يعورني .. بس مليت من رقدة الفراش .. حتى عظامي تكسرت
مريم راحت لدريشة زين اكا ابوي دخل البيت .. انا بطلع
............ تعالي .. شبتقولين لهم .. انتي وينج فيه
مريم بضحكة خبيثة هه .. هذا اسهل شي ..
رمت روحها على الارض
............. فتح عيونه مو مصدق اللي صار نزل لها بسرعة مفزوع ورفع راسها شفيييج ...
ابتسمت ابتسامة ساحرة وعيونها مغمضة شفيييك .. صدقت .. هذا فنتازيا .. ما اسوي الا على بابا ماخذه فيه الاوسكار .. اذا ابي شي اسوي له جذي ..
.......... قام عنها بعد ما قعدها على الكرسي والله صدقت .. انتي كل مره تسوين جذي
مريم لا مو كل مره .. انا مريضة مولوده وفيني عيب خلقي بالقلب .. ساعات تصير صج وساعات اكشن
حطت اصبعها على فمها وهي تدور ويهها يمين ويسار اصصصصصصصصص .. محد يعرف الا ماما وبابا ونانا وانا .. والحين انت
.................. وليش قلتيلي انا وما قلتي لربعج
مريم اتبهذلت مو عارفة تكمل هاااا .. ما ادري .. يالله بروح انا .. خلك واقف هني وشوف اللي بصير
وفتحت الدريشة ونطت لبرى ووقفت تنتظر ابوها ولما سمعت صوته نزلت شوي شوي على الارض وسدحت روحها ومالت براسها على جنب وفتحت يدينها وانحت جسمها وصارت نص متكورة ورجلينها كل وحدة في جهه وشعرها منتشر على الارض وملامحها باهته
كان واقف يتأملها وكأن مو مصدق حركتها يشوف ملامحها يصدق يتذكر كلامها يضحك
اما داخل البيت فالكل متوتر ويدور على مريم وخصوصا البنات اللي انفزعوا وصحوهم من احلى نومتهم حتى فاطمة ما خلاها عمها تروح المدرسة
البنات قاعدين على طاولة الاكل ويتهامسون
فاطمة وهي تحك شعرها وميتة من النوم توها الساعة 8 .. فيني نوم .. ويووووعانه البارحة ماتعشيت
مي تطالع فاطمة هيييييي .. انتي شفيييج .. مريوم مختفية وانتي تبين بس تبلعين وتندفسين
ساره بس .. ميون سكتي عنها .. الحين شنسوي لازم نلقاها
مي خلينا نتصل لايوب يمكن راحتله .. او مر عليها وطلعت معاه
ساره اشلون بترووووح وسياراتها كلها هني .. ومستحيل هذا الاناني ايي .. شكلج نسيتي ان لاهف .....
فاطمة لاهف شنووووووووووووو ؟؟؟؟؟؟؟؟؟
مي ترقع السالفة هه ههه .. قصدها ان مسافر ولاهي مع ربعه ومو فاضي
فاطمة وهي قايمة انا بروح ارقد دام مافيها السالفة مدرسة
راحت فاطمة وخلت مي وساره يفكرون وين راحت مريم
الكل كان منشغل ام مريم راقعة العالم تلفونات تدور مريم وابو مريم واقف وعيونه على الباب ينتظر خبر عن بنته والبنات قاعدين يفكرون
الا سمعوا صوت فاطمة تصرخ وهي واقفة على الدرج مــــــــ ــــــــــــــــريـــــــــ ــــــــــــــــم
الكل انتبه لها وينتظرون منها تكمل
فاطمة بابا محمد .. مريم على الارض .. طايحة ورى الملحق
طلعوا كلهم يركضون واولهم ابو مريم طبعا وامها والبنات
وصلوا لها ونزل لها ابوها بهدوء ورفع راسها وخلاه فوق حجره وبدأ يضرب على خدودها بخفيف بابا .. مريم .. مريم
ام مريم ابو مريم خلنا نتصل بالدكتور او نطلب الاسعاف
ابو مريم قام وحمل مريم ودخل فيها البيت
كانت عيون تراقبهم من ورى الستاره اكيد عرفتوه من صح ؟ كان يشوف اللي صار وكأن مو مصدق هذي مريم اللي كانت معاه قبل شوي
ابتسم وسكر الستاره وراح قعد على سريره وضحك بخفة ههه .. هذي اللي توها من شوي كانت معاي والله لو ما علمتني بخطتها كنت بصدقها .. امه داعية عليه اللي يبلش عمره مع البنات
اما داخل البيت فكان الوضع مكركب شوي
ابو مريم بصراخ يا بابا لازم نروح المستشفى .. الله العلام من متى وانتي طايحة
سارة بس انا متأكده رحت انا وميون هناك ما شفتج مريوم
مريم بوجه تعبان وجايده الدور طبعا وعشان تضيع تساؤلات ساره ونظرات مي بابا .. انا بخير .. ما يحتاج مستشفى .. لو حاسة بتعب كنت انا اللي بقولك بنفسي
ام مريم مريم اذا ما تبين تروحين المستشفى نخلي دكتور عادل ايي ويفحصج هني
مريم قامت وقفت وباست خد ابوها بقوه وبدلعها المعتاد اووووووووه مامي دادي .. آم اوكي دونت ووري .. آند أي هاف تيست اون توولف اوكلوك .. يعني مافيني شي وبروح اقدم امتحاني الظهر والحين رايحة ارقد لي ساعتين
ما انتظرت منهم رد وصعدت دارها وهي تبتسم وتغني ولا كأن صار شي
ام مريم ما اهتمت طبعا لانها شافت ان بنتها بخير
دارت وجهها على ابو مريم اقووول محمد
ابو مريم واقف قبال المنظرة يضبط ربطة النك تاي هلا
ام مريم راحت مشت لمكان ما واقف زوجها اليوم اختي نسرين وبنتها وولدها بييون يتغدون معانا ياريت تفضي نفسك وتيي
ابو مريم حياهم الله .. ان شاءالله احاول افضي نفسي اليوم
دار ويهه لمي اللي كانت تشرب كوفي مع ساره مي .. عموا ابوج كلمني من شوي .. يبيج ترجعين البيت .. انا قلتله انج بترقدين والمغرب بترجعين
ابتسمت مي خير ما سوويت عموا
ابو مريم ساره وين فاتيما ؟؟
ساره فاتي رقدت من زمان .. ما صدقت على الله تقولها لا تروحين المدرسة .. انا ما شفتها من اول ما صرخت وقالت مريم طايحة عطتنا الخبر وراحت رقدت
ابو مريم وهو حامل شنطته يالله انتو بعد قوموا ريحوا ..
قاموا باسوا عمهم وسلموا عليه وبعدها هو طلع على شركته وهم طلعوا غرفهم مباشره
اما مريم نامت على طول بعد ما تحممت بماي دافي ولبست لها بجامة مووف حرير فوق كت بس سيور وبرمودا قصيره للفخذ
وعلى الساعة 11
صحت مريم من اعز نومتها
ام حميد يا الله مريمي قعدي ؟؟ عليج امتحان
مريم وهي تغطي ويهها باللحاف لان مربيتها فتحت الستاير نــــــــــااااانــــــــااا ... بس خمس دقايق والله ميتة تعب
ام حميد لا حبيبتي قووومي خلصي امتحان مال انتي بعدين نامي على راحتج
مريم بطفش وشعرها منكوش خلاص قايمة
قامت من سريرها ودخلت الحمام وطبعا ساعة لين تغسل ويهها وتفرش اسنانها
طلعت من الحمام وراحت الدرسنغ روم وطلعت لها جنز سكني اسود وقميص ابيض ماسك على جسمها وباين نحف خصرها وحطت لها فونديشن يومي ناعم وحددت عيونها بالكحل الجاف وشوية مسكرا على رموشها الناعمة ووزعت البلاش البنك الناعم على خدودها وشوية على خشمها وجبينها وحطت على شفايفها روج زهري باهت كانت طالعة ناعمة لان البنك والبشرة البيضا يتفقون دائما
لبست شووز اسود جنز مثل بنطلونها بكعب عالي
وتعطرت بعطر عربي وريحتها فواحة ونشرت شعرها على طول ظهرها وحملت شنطتها وطلعت من غرفتها
بابتسامة ساحره بينت فيها اسنانها البيضا صباااااااااح الخيييير
مي وساره مالهم مزاج صباااح النور
مريم تقدمت عنهم شفيييكم مالكم مزاج ..
مي وهي تعدل شعرها سلامتج .. بس ما رقدنا شي
ساره اي والله ما شبعنا نوووم .. حرااام عليج ليش خليتي نانا توقضنا كلها ساعتين اللي رقدناهم
مريم يالله ,, يالله بلا كسل زايد .. اخلص امتحاني واعزمكم على الغدا بأكبر مطعم
مي لا حبيبتي امج تبينا انيي
ساره اي صح مريوم .. بيت خالتج نسرين بييون يتغدون معانا
مريم تأفأف افففففف .. شهاللزقة ياربي ..
مي مريوم للحين تبي تخطبج لولدها
ساره تضحك اي صح .. ضحكتني احنا تونا بالصف التاسع وهي يايه ورازه الويه تبي تخطبج عبالها عمي بيوافق
مريم وهي مكشره يخطبون من ... امشوا قدامي لوعتوا جبدي .. وذكرتوني باللذي مضى
البنات ههههههههههههههههههههههههههه .. ههههههههههههههههههههههههههه
وطلعوا الحديقة ومريم اول ما طلعت طارت عيونها على الملحق تذكرت اللي صار وضحكت بخفة وكملت طريقها وطلعوا هالمرة بالهمر
سارة وهي تحوس بالسيديات مريوم شنو اشغل
مي ابي ماجد المهندس
مريم لا ما ابيه .. ابي راشد الماجد
ساره خلصوني شنو اشغل
مريم شغلي اف ام احسن
مي اي صح اف ام يرضي جميع الاطراف
وكملوا طريقهم لين ما وصلوا الجامعة
ساره مريوم انتي حتى ما قريتي الامتحان
مريم وهي تتصفح دفترها مايحتاج عرفت الاسئلة
مي مريوم احنا ننطرج بالكوفي
مريم اوكي قيييلز .. باباي
البنات باي
دخلت مريم مكتب الدكتور
مريم بابتسامة صباح الخير دكتور حازم
دكتور حازم رد لها الابتسامة بقيينا مساء الخير يا مريم دنتي تأخرتي ساعة كاملة وانا دلوقتي عندي محاضرة
مريم ببرود أعصاب خلاص اعتبرني قدمت الامتحان .. وروح لحق على محاضرتك
الدكتور منصدم من كلام مريم لا يا بنتي كده مايصحش ازاري اعتبرك فين ورقة الاجابة والاسبات انك اقدمتي الامتحان
طلعت مريم ورقة من شنطتها هذي الاثبات دكتور .. وبعدين خلاص يا دكتور انت حسابك واصل بس طرش الفاتوره على شركة أكبري القابضة ويوصلك حقك
دكتور حازم فرح لان اهم شي عنده حقه خلاص يا بنتي اللي تشوفيه حضرتك .. هو احنا نطول نخدم ساعدتك .. دا انا من حسن حظي انك بقييتي بشعبتي وان شاءالله حتاخذي الa وبامتياز
مريم ملت من كثر رغيه اوكي دكتور تبي شي .. انا ماشيه
دكتور حازم آه والنبي .. بس لو تكرمتي ووقعتي على قايمة الحضور عشان مانروحش في سين وجيم ........
مريم اخذت القلم اللي على الطاولة اوكي .. خلصني وين اوقع
دكتور حازم هنا .. ايوه .. خلاص يابنتي تقدري تروحي في ألف سلامة
مريم طلعت من مكتبه بدون ماترد عليه ولا حتى تشكره ولبست نظارتها الشمسية ماركة كرستن ديور ونزلت للبنات بالكوفي شوب
واول ما دخلت كان فيه مجموعة شباب
واحد منهم قعد يصفر يا قلبي انا على الشعر الاسود
والثاني اسود بسواد الليل
الثالث على الله بس يشيلون النظاره ويرحمون حالنا .. نبي نشوف جمال العيون
رد الاول دام الشعر جذي عيل العين شنو
الثاني حط يده على قلبه قلبي تعبان ارحميني يابنت الناس
مريم ميتة ضحك في قلبها بس غرورها ما يسمح لها ترد عليهم دارت بجسمها عليهم وبحركة خفيفة رفعت النظاره وحطتها فوق شعرها
الثالث يا قلبي .. بموووت
الاول سود العيون كبار والشامه حلوة شايل جمال الكون وبالييييني بلوه
وقاموا الشباب يردون وراه والبنات طلعوا من الكوفي وهم يضحكون على هبال الشباب
ركبوا السياره مرة ثانية عشان يرجعون البيت
ساره مريوم ما صارلج حتى 10 دقايق ليكون ما قدمتي الامتحان
مريم لا قدمته من البيت
مي اشلووووووووووووون ؟؟؟؟؟
مريم نسخته في البيت ويبته جاهز
ساره اي وبعدين ؟؟
مريم شنو وبعدين ..
ساره اي شصار يعني .. رضى ياخذه
مريم بكيفه ما يرضى ياخذه .. كلشي بحسابه ..
مي اي والله افتكيتي من هم الدراسة ..
مريم شنو افتكيت باقي لي كورسين
مي كلهم 6 مواد اخذيهم بفصل وارتاحي
مريم شأرتاح من اخلص بابا بيشغلني بالشركة وانا بعدي صغيره بصراحة .. ما اشوف روحي الا كل يوم اصحى الساعة 7 واداوم حالي حال خلق الله
ساره شفيهم خلق الله مو احسن من الرقده طول النهار
وبعدها رن تلفون ساره وكانت رنة المسج
فتحت وبانت التباشير على ويهها
مريم خييير سارووو فرحينا معاج
ساره تطالع في مريم اخوي بدور وصل .. اليوم برد البيت والله انه وحشني مووت .. صارله يومين جنها شهرين
مي تطالع ساره وهي تتكلم عن اخوها وبحالمية لهدرجة انتي متعلقة فيه ..
ساره يأست وهي تطالع مريم لان مريم ماعطتها اي اهتمام دارت ويهها وطالعت مي يا مي انا ماصدقت ايي ويعيش معانا .. هو بالنسبة لنا مو بس اخونا هو مثل ابونا اللي ماعرفنا شكله الا بالصور ..
مي بسؤال غبي تحبينه يا ساره ؟؟
ساره بحبور طبعا .. والله يرزقه ببنت الحلال اللي تحبه وتصونه وتحس فيه
مي ياريت اخوي جذي ..
اتبادلوا الابتسامة وعم السكوت في السياره الى حد ما وصلوا الفيلا دخلت مريم وبركنت السياره في البارك ونزلوا البنات مع بعض وكأنهم نسوا ان في احد ياي يتغدى عندهم اليوم
مريم انصدمت من الناس اللي قدامها
ام مريم وقفت تستقبل بنتها تعالي ماما .. سلمي على خالتج ام محمود
مريم مررت اصابعها في شعرها وراحت باست امها هلا ماما
وراحت قربت من خالتها وباستها ولما وصلت لبنت خالتها صافحتها ببرود وماعطتها اهمية وهذا الشي زاد غيظ لجين منها وراحت سلمت على ولد خالتها وزوج خالتها
ومشت لناحية الدرج وكانوا البنات ينطرونها ماما انا شبعانة .........
الخالة نسرين افا يا بنتي .. انا وعيالي وريلي اليوم ضيوفج ما تقعدين معانا
مريم العفو خالتي .. انـــاا
الا وابو مريم دخل عليهم السلام عليكم يا جماعة .. اعذروني تأخرت عليكم .. يالله اتفضلوا
ام مريم يالله مريم الغدا جاهز
ابو مريم انتبه لبنته بابا اشلونج الحين .. ان شاءالله صرتي احسن
مريم راحت وحضنت ابوها من خصره ولازم شوية حركات دلع منها انا بخير .. دامك بخير يا أحلى واروع وأوسم بابا بالدنيا
ضحك ابو مريم على دلال بنته وقعدوا الجميع على طاولة وحدة
البنات قعدوا بالاخير عشان ما يحتكون بأحد والضيوف رزوا روحهم يم ام مريم وابو مريم
وكانت وحدة بتموت قهر لان محد عاطنها اهمية
بعد ما خلصوا الغدا قعدوا في الحديقة يشربون شاي ويسولفون شوي
ابو مريم حيالله من يانا .. كل يوم تعالوا خلونا نتونس فيكم شوي
ابو محمود والله يا بومريم الود ودنا كل يوم نييكم بس انت اشغالك وايد .. والله ما لنا غنى عن قعدتكم
في الاوقات كانت ام مريم مشغولة مع ام محمود بالسوالف
اما لجين فكانت تطالع البنات بحسد وخصوصا لما تشوف مريم اشلون صديقاتها ملتمين حواليها ويضحكون معاها ولا كأنها موجوده
ساره اقوووول مريوم مسكينة بنت خالتج قاعدة بروحها قومي خلينا نروح نسولف معاها شوي
مريم ووووووع .. خليها تولي ..
مي مريوم حرااام عليج
مريم انتوا اللي حرام عليكم هذي انانية وحسودة
في هالوقت قامت لجين من مكانها
ام محمود وين رايحة لولو ؟؟
لجين يما انا بروح الحمام شوي
وتركتهم ودخلت داخل البيت وغافلت الخدم وصعدت الدرج وصلت الطابق الثاني وفتحت أكثر من غرفة لين ما وصلت لغرفة مريم وبدت تفتش أغراضها وتطلع اللي في كبتها والله العالم تدور على شنو
نست عمرها وهي تفتش بس حست بخطوات تقترب من الغرفة وشافت الظل من تحت الباب وبدت تتحرك قبضة الباب وهي للحين واقفة مكانها ومحتاره
وانفتح الباب
من تتوقعون فتح الباب؟؟؟
وشنو راح يصير؟؟؟
لا تبخلون علي بردودكم

الجزء السادس

في هالوقت قامت لجين من مكانها
ام محمود وين رايحة لولو ؟؟
لجين يما انا بروح الحمام شوي
وتركتهم ودخلت داخل البيت وغافلت الخدم وصعدت الدرج وصلت الطابق الثاني وفتحت أكثر من غرفة لين ما وصلت لغرفة مريم وبدت تفتش أغراضها وتطلع اللي في كبتها والله العالم تدور على شنو
نست عمرها وهي تفتش بس حست بخطوات تقترب من الغرفة وشافت الظل من تحت الباب وبدت تتحرك قبضة الباب وهي للحين واقفة مكانها ومحتاره
وانفتح الباب
مدت يدها وفتحت الليتات
فاطمة وهي تفرك عيونها ويييييييييييييي .. مافي احد .. وين راحوا هذولا
وسكرت الباب
وطلعت لجين من ورى الباب وهي تزفر من قلب اشووووى ما شافتني .. الله ستر خلني اطلع من هني واللي خذيته يكفي
فتحت الباب وطلعت راسها شوي شوي واتطمنت ان مافي احد طلعت وسكرت باب الغرفة بهدوء وبدت تمشي على اصابع ريلها
وصلت لنهاية الممر وهي كل شوي تتلفت لورى خايفة تكون احد شافها او لمحها الا اصطدمت في
.............. انتي من ؟؟
لجين متبهدلة ومو عارفة ترد ولا حتى تركب حرفين على بعض انــــ ـــــــــــااااا .. انتي اللي من ؟؟
.......... شنو انا اللي من ؟؟ هذا بيت عمي .. انا فاطمة أكبري .. وبصراحة انا اول مره اشوفج في بيتنا
لجين مو مستوعبة توج تقولين بيت عمج .. اشلون صار بيتكم
فاطمة وهي متخصره وتطالع لجين بنص عين شنووووو .. وانتي شعلييج مني بابا محمد هو اللي مربيني انا واختي وهذا بيتنا .. انتي شمييبج فوق
لجين انخطف لونها انـــــ ـــــ ـــــــــا .. ادور حمام
ومشت عن فاطمة
وفاطمة عصبت على حركتها وقامت تصرخ عليها اظن الحمامات تحت .. واذا تبين الحمام اظن في خدم تحت تقدرين تسألينهم .. صج ناس ماتستحي ما بقى الا تدشين حجر نومنا بعد
لجين نزلت بسرعة على الدرج وطلعت لهم بالحديقة ابتسمت للجميع وراحت قعدت يم ابو مريم
لجين عمي .. عمي محمد
ابو مريم لاهي بالسوالف مع ابو محمود وما يسمع صوت لجين وهي تناديه
نعمت صوتها وعلته اكثر لدرجة انها اثارت انتباه الكل اقوول عمي .. انا توني متخرجة بس ما لقيت شغل
ابو مريم ليش انتي شنو شهادتج
لجين انا خريجة طب بشري .. بس مو حابة اشتغل الحين ابي ارتاح سنة على الاقل .. وانت تعرف انا اعرف 5 لغات .. ودرست ادارة بس طبعا ادارة مستشفيات
ودنت اكثر من ابو مريم لدرجة انها احرجته انا ابي اشتغل عندك بالشركة عمي
ابو مريم قام عن الكرسي لان مابقى فيه مكان من زود ما دنت ولصقت فيه
ابو مريم كان منحرج من حركات لجين ومياعتها وعيونه على ام مريم يخزها ويلومها على حركات بنت اختها
ابو محمود وهو معصب على بنته بس يابنت عيب .. انتي دكتورة وتبين تشتغلين بشركة
ام محمود اي يا غازي والله البنت خاطرها تجرب الشغل في شركة
محمود كان يلعب في تلفونه طول الوقت ولا مهتم لاحد وهذا اللي قاهر امه واخته كانوا يبونه يتقرب من مريم ويكسبها ويخليها تحبه بس للاسف خيب ظنهم
ابو مريم حب يفك نفسه من هالسالفة لا يابنتي .. انا ماعندي شواغر .. اشتغلي بالمستشفى احسن .. حرام تضيعين شهادتج
ابو مريم قال لا وكأن طعن لجين بسجين في قلبها ما اتوقعت منه يرفض طلبها .. وخصوصا انها حاولت تتقرب منه وتاخذه بالسياسة تغيرت ملامحها واعتفست فوق تحت واللي رفع ضغطها اكثر يوم شافت مريم حاضنة ابوها وكأنها فرحانه برد ابوها
مريم وهي حاضنة ابوها من خصره اي والله لجين .. كلام بابا صح .. انتي الحين دكتوره قد الدنيا شلج بالشغل في شركة ابوي حبيبي
وباست ابوها في خده لجين .. في وظيفة وحدة بس في شركة ابوي .. تبينها تراها رزه شوي .. رئيسة مجلس الادارة
لجين فرحت اي والله ياريت
مريم بغرور للاسف الشركة موقعة معاي عقد مدى الحياه .. واذا تركتها لازم ادفع الشرط الجزائي.. اني اشتغل بدون راتب .. وطبعا انا ما اهون عليج اشتغل بدون راتب ..
بعدت عن ابوها وراحت قربت من لجين وهي رافعة خشمها ما يدير الحلال الا راعييه حبيبتي .. وعط الخباز خبزه حتى لو أكل نصه .. خلج بشغلج اضمن لج ..
وطلعت هي والبنات فوق
اما لجين وامها حدث ولا حرج واصلة عندهم القهر والغيره باين من عيونهم
ابو محمود وهو واقف يالله .. احنا مشينا الحين بيأذن المغرب
ابو مريم قعدوا تعشوا معانا .. توى الناس
ابو محمود وهو يصافح ابو مريم والله يا بومريم قعدتكم ما ينشبع منها .. بس انت تدري باجر عندي مدرسة وتعرف حال المدرسين .. وكفاية اخرناك وايد عن اشغالك
ابو مريم على خير .. شرفتونا وحياكم الله بأي وقت
وطلعوا الرجال برى الحديقة وهم يسلمون على بعض
اما ام مريم فطلبت من اختها وبنت اختها ينتظرونها تحت
لجين تتكلم بصوت واطي وهي عاضة على شفايفها من القهر يماااا .. يماااا سمعتيها شقااااالت بنتهم الدلوعة
ام محمود وهي تكفكف يدنها في بعض سمعتها ... حسبي الله عليها
لجين يما بموت هي مو احسن مني في شي انا بعد ابي اصير مثلها واحسن
ام محمود بتصيرين ان شاءالله .. انتي بس صبري
لجين يما ما اقدر اصبر .. بموووت قهر .. حتى خطتنا فشلت ومارضى يشغلني
ام محمود خطة وحدة تفشل مو يعني النهاية احنا تونا بالبداية
نزلت ام مريم وبيدها ظرف وحطت في يد اختها
ام محمود بتمثيل بارع مستورة يا اختي .. ليش مكلفة عمرج
ام مريم انا ادرى بالحال نسرين .. اشتري حق لجين ثياب واغراض لشغلها اليديد في المستشفى لان ان شاءالله ابو مريم بكلم صديقة مدير أكبر مستشفى تخصصي في البلد .. واذا على جامعة محمود ابو مريم دفع مصاريف الدراسة كلها وهو ماعليه الا يدرس ويبيض ويوهنا ويرفع راسكم
ام محمود بس يا اختي البنت خاطرها تشتغل بالشركة شوي
ام مريم والله يا اختي الراي والشور بيد ابو مريم وهو قال لا خلاص انا ما اقدر اقول شي
ام محمود بابتسامة مصطنعة خير ان شاءالله .. يالله اشوفكم على خير .. مع السلامة
ام مريم الله يحفظم ويحميكم من كل شر .. لا تقطعونا متى ما بغيتوا تعالوا
وطلعوا وركبوا سيارتهم كانت تويوتا موديل السنة طبعا ام مريم هدتهم اياها لان سيارتهم كانت خربانة
وداخل السيارة كانوا كلهم ساكتين لين ما طلعوا من الفيلا وانهار فيهم ابو محمود بالصراخ انتوا ما تستحوون .. فشلتوووني الله يفشلكم .. وانتي يالسخيفة تبين توطين راسي وانا اللي اقول بنتي راجعة دكتورة قد الدنيا وبتتوظف وبترحم حالتي .. تقومين وتطلبين من الريال وتحرجينا معاه
ودار لورى كانت زوجتة وبنته قاعدين ومحمود يسوق وهو يمه وانتي يا مدام ما تعرفين تربين بنتج .. والا انتي اللي معلمتها تسوي هالحركات .. مو كفاية اللي تاخذيه منهم كل شهر من وراي ولا هالسيارة والله اني متفشل الناس من يشوفوني فيها قالوا اي هذي من عديله ويا بخته على هالعديل
محمود بسخرية حتى انا بابا الجامعة كلها تدري ان عمي محمد هو اللي دافع مصاريف الجامعة كلها
ابو محمود حتى مصاريف دراستج برى هو دافعها .. بسكم طمع وجشع عاااد .. عيشوا بكرامة شوي .. واذا شفت ريجك حلو لا تبلعه كله
ام محمود اوووووه جمال بسك عاد .. عورت راسنا .. بصراخك .. وبعدين شفيها اذا عطونا احنا اهلهم مو غرب .. اكا يتصدقون بالالاف كل شهر على الغرب يعطونا احنا اولى
ابو محمود واللي تلهفينه كل شهر شوي .. انا اسكت احسن الحجي معاكم ضايع
ورجع السكوت مرة ثانية

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -