رواية غراميات مجنونة -8
عبير: يوو جنا هذا موطريق بيت روعه
جنا: اي ادري انا وروعه بتقابل عند وحده من البنات ( ويوصلها السواق للبيت وتنزل و تروح لبيت هناء ع طول )
هنا وتفتح الباب : هلا والله (ويسلمون ع بعض )
هنا : تعالي غرفتي ( ويروحون للغرفه )
هنا: عاد تصدقين كنت بروح للنادي .. طفشت لحـالي
جنا : حتى انا فقدت الامل اني اجي بس سبحان الله ابوي وافق ماادري شلون .. وحشتيني (وتروح تضمها من ظهرها )
هنا وتوخر عنها شوي وتروح للدرج وتطلع كاميرا تصوير : وش رايك نتصور ؟
جنا: نتصـور .. وش الطاري ؟
هنا: توني شاريه هالكاميرا وبخاطري نتصور فيها .. الصور اللي بالجوال ماتعجبني ..
جنا : اوكي مثل ماتحب بس دقايق ( وتفسخ عبايتها وكانت لابسه شورت قصيررر جدااا تحت التنوره الجينز الميدي وفسخت التنوره
وضلت بالشورت وبلوزه كات وهناء اول ماشافتها شهقت ..
هنا : واوووووو اول مره اشوفك بهاللبس
جنا ومسويه مستحيه: اممم وان شاء الله ماتـكـون اخـر مره .. اعطيني الكاميرا ( وتاخذ الكاميرا وتصور نفسها وتصور هي وهنا صور كثيره
هناء: مامليتي من التصوير
جنا : انا مجنونه التصـوير ..
هناء: وانا مجنونه فيك
جنا : اممم والله
هناء وتقرب منـها وتاخذ منها الكاميرا وترميها وتقرب اكثر واكثر (( وتعرفون البــاقــي ))
(( جنا وهناء يعتقدون انهم يحبون بعض ومايقدرون يستغنون عن بعض ولكن للأسف ترجموا حبهم واحساسيهم بطريقه غلط ومحد عارضهم
او وضح لهم الغلط الكل شجعهم ومع ان الغلط مو محتاج لاحد يبرره ويقول انه غلط الغلط غلط ولـكن بهالوقت صار الغلط صح واللي يفكر صح معقد ..
هل ياترى يحبون بعض او يعيشون فراغ عاطفي .. وهل الحب يطلب منهم انهم يثبتونه بهالطريقه .. وهالعلاقه المجنونه بين بنت وبنت .. اووه اقصد
بين بويا وبنت شنو نهايتها ولين متى رح تستمر ... هذا اللي رح توضحه لنا هالروايه ))
اليـــوم التـــــالــي ..
نايمـه بغرفتها ومالها خلق حد يصحيها امس طول اليوم سهرانه ع التلفون مع صديقتها .. ويدق باب غرفتها وهي
مطنشته لين ازعجها صوت الباب وقامت بعد ماتأكدت انها خبت كل شي
جنا وهي فاتحه الباب: خير وش صاير ؟
ام جنا: الله واكبـر عليــك للحين نايمـه
جنا: وش تبيني اسوي يعني اجازه لاطلعه ولادخله حتى نومتي رح تتحكمون فيها ؟
ام جنا: سكتي بس سكتي وقومي غلسي وجـهك وروحي لابوك يبيك
جنا: بعدين بعدين انا فيني نوم الحين
ام جنا:هيييي اي نوم انتي بعد .. ابوك بيسافر بالليل ومافيه عنده وقت الا الحين عشان يكلمك
جنا: وانا فيني نوم ومالي خلق اكلم حد بيسـافر الله معه اوووف
ام جنا: اقول بلا قله حيا ونزلي ابوك ينتظرك وبروح اقوله انك جايه وياويلك لو تأخرتي فاهمه (ونزلت)
جنا: اووووف اووووف كل شي بالغصب بهالبيت اووووف ( وتسكر الباب وتروح لجوالها تتصل بهشوم بس مارد .. وارسلت له مسج
.. صباح الخيرر ياواحشناااا ... احبـك .. جنونتك ( وضغطت ع ارسال وارسلت المسج وخبت الجوال )
(( وصححت شوي ونزلت لابـوها اللي ينتـظرها بالمكتب واول مادخلت باست راس ابوها وسلمت عليه )
ابو جنا : شلونك يبه مع الدراسه
جنا وهي منزله راسها بالارض: الحمدلله زينه
ابو جنا: تبين شي محتاجه شي ؟
جنا: لا لا مشكور بابا ماتقصر مصروفي يكفيني واذا احتجت اي شي رح اقولك
ابو جنا: سمعيني يبه .. انا اليوم مسافر لكـندا ورح ارجع بعد كم يوم ان شاء الله .. شركاتنا قاعده تتوسع ولله الحمد عندنا فروع كثيره بالمملكه والخليج و
جنا بخاطرها( وانا وش دخلني بهالقرف كلـه .. شركتنا ومدري ايشش اووف ملل لوقاعده اكلم حبيبي احسن يالييل ماطولك||
... شد انتباها اخر كلام ابوها وشهقت ع الاخر وقالت: أييييييييييييشششش
ابو جنا: مثل ماقلت لك انا عطيت الرجال كلمـه وهو شاريك وان شاء الله زواجكم خلاص هالاسبوعين
جنا وهي مصدومه: بس يبه بوعبدالله متزوج وبسنك
ابو جنا: الرجال مايعيبه الا جيبه .. وشوفي اختك عبير ماشاء الله خذت واحد اكبر مني ومتزوج قبلها ثنين والحمدلله هذي هي مستانسه
جنا: بس انا غير عبير
ابوجنا: انتي بنتي الصغيره والمدلله عشان كذا خذت رايك بهالموضوع وصدقيني مارح تلاقين احسن من بوعبدالله
جنا: يبه انا ماافكر بالزواج الحين ابي اكمل دراستي
ابوجنا: ومحد بيمنعك منها انا عطيت الرجال كلمـه وقراري مارح اغيره واول ماارجع من كندا برتب للعرس وكتب الكتاب والفرح بيوم واحد والحين طلعي خليني اكمل شغلي
جنا طلعت وهي مصدومه وموقادره تصدق اللي قـاله ابوها وشلون هانت عليه وهذا وهي دلوعته .. معقوله بيزوجها لواحد متزوج واكبر منـها بـ اربعين سنه اذا
مواكثر خانتها دموعها ونزلت ع خدها مثل النـهر الجـاري .. كل تفكيرها بـ هشـوم او هـناء وماتبي تتركـها او تتخلـى عنـها بس للأسف ابوها قال كلمـته
واذا قال كلمـته ماحد يقدر يرده .. راحت لغرفتها وجلست تبكي من القـهر قررت تتصل بـهـناء بس ماقـدرت حـاولت وحاولـت للأسـف ماقــدرت
رمت الجوال وجلست تبكي وفجأه رن الجوال بأسم ياحياتي (هنا) بس ماقدرت ترد اوحتى وش تقول بكت على صوتـها ولكـن محد يسمعها ولاحيـاه لمن تنادي ..
بـــعــد مــرور أســبــوعيــن .. جـنا حاولت مع اهـلها وحاولت لكن محد يسمـعها وماشافت قدامـها الا انـها تسلم للأمر الواقع وتوافق وهذا اللي صـار ..
بس لمى وافقت تورطت لانـها مش بنت وتكلمت مع صديقتها أشـواق وحلت لها المشـكلـه وسوت عمليـه عشان ترجع لها عذريتها المزيفه وظل موضوع زواجـها سـر بينـها وبين
اشـواق وروعه وزينـه ( أقرب البنات لها لـكن العمليه محد يدري عنها غيراشواق)سـكرت رقمـها اللي تعرفه هـناء وحاولت تنساها وتبدء حياه جديده ومجهوله
بالنسبـه لهـا ... اما هـناء فـ حالتها مثل المجـنونه لهـا اسبوعين ماتدري عن جنا وجوالها مسـكر والمشـكلـه ماتقدر تروح لها البيت ولمى كلمت روعه عنهـا
قـالت لهـا روعه ماتدري عنها شي وانـها لمى تروح لبيتهم يصرفونهاا (طبعا روعه اتفقت مع جـنا ) جن جنون هناء وصار كل همها توصل لـجـنا بس ماتدري وشلون ؟!
::
::
::
::
::
جالسـه بغرفتها ع اعصـابها وقاعده تدخن صحيح انها تعبانه صحيا ونفسيتها دمار بس هاليومين صارت لمى تعصب تدخن ولاتهتم لاحـد ..
وخاصه ان اخوها مسافر واخوها الصغير 24ساعه عند امـه فـ أغلب الوقت لحـالها بالبيت .. رن جوالها وفزت وكان المتصـل نصور
هشام: هلا نصور
نصور: اهليين اسمعني جبت لك خبرها
هشام وفز قلبه : والله .. وينـها ؟
نصور: اسمعني بقولك بس لاتنفعل ولا
هشام بعصبيه: نصور اخلص جنا وشفيها ؟
نصور: زواجـها اليوم
هشام وانصدمت وكل هموم الدنيا فوق راسـها ودمعت عيونها : ايش يعني وش تقصد بهالحكي ؟
نصور: اقصد ان اليوم عرسها
هشام:أييييييش .. انت متـأكـد؟
نصور: اي متأكد
هشام من بين دموعه بس مابين قال بدون شعور: تقدر تدبر لي بطاقه للعرس ابي اروح
نصور: من جــدك انت ؟!
هشام: نصور طلبتك ..
نصور: طيب بس لاتتهور و .. تدري انا بروح معك
هشام: مثل ماتحب بس المهم تدبر لي بطاقه
نصور: صــار .. خلاص اجل انا بمرك بالليل ونروح العرس
هشام سكر من نصور ودموعه ع خده مثل النـهر الجاري .. راح للصور وقعد يشوفها ويتذكر جـنا بكل مكان من الغرفه وبكل ركن من اركانها ويتذكر ضحكتها
وحبها له واهتمامها فيه موقادر يصدق الكلام اللي سمعته جنا ماتسوي فيه كذا .. جنا ماتقدر تعيش بدونه .. جنا وعدته ماتتخلى عنه .. ماتتركه مثل ماتركته
امه ونور .. جنا ماتسويها .. تطالع صورها بألم وحسـره ومومصدقه شي وموعارفه ايش بتسوي تطالع المكان وتحس جنا فيه روحها فيه وريحتها لسى فيه ..
ويــن مـوعــــد جمعـــنا وين ذاك المكان
وضــحكــنا الي ضـــحكنا والوله والحنان
تقـلـــب الكــون كله لو تأخرت خــــــطوه
ضعـت مني بثــواني والله دنـيا ما تسوى
أيام حلوه كانت أيام حلوه
كنت في روحي تسري كنت بجنون أحبك
قاسي القـلب لكـن كــان قلــبي بقــلبك
بالــعــرس .. دخــلت هنـاء ونـورا(نصور ) ع وقت زفه العروس .. وطبعا بستـايلاتهم العاديه ستايل البويات .. لانو العرس كان فيه بويـات كثـير غيرهـم ..
راحت هـناء لعند العروس وسلمت عليـها وتفأجـأت جـنا الا انصدمت لمى شـافتها
جنا: هشوم
هشوم: اي ماتوقعتي تشوفيني صـح .. عموما انا جيت ابارك لك بزواجك .. ومن هاللحظه انتي طلعتي من حيـاتي واتمنى لك التوفيق بحيـاتك الجديده
مع زوجك يامدام ( وتقرب لاذنها وتهمس لها : الف مبروك ياعروس ..
(وتـروح وتخلي جـنا بحيـرتها ودهشـتها وقهرها .. ومسحت دمعتها بسرعه قبل ماتنزل وماقدرت تجلس مع الناس اكثـر وقامت وحتى ماكملت زفتهاا)
:
:
:
:
:
جالسين جنب بعض بالسياره وكل وحده فيهم حالتها تختلف عن الثانيه الاولى كانت تبي تجي العرس بأي طريقه والثانيه كانت تماطل وماتبي تروح .. دخلوا وطلعوا بسرعه
الاولى تمنت انها مادخلت كان عندها امل لاخر لحظه ان كل هذا يكون كذب او كابوس مزعج بس صحت ع الواقع لمى شافت حبيبتها جنا ع الكوشه وحست انها خسرتها للأبد
اما نورا تمنت انها لو ظلت بالعرس فتره اكبر شافت بنت عجبتها بالمره وطبعا البنت رقمت نورا ونورا على الرغم من انها ثقيله وماتعطي حد وجه بسهوله استانست على
هالبنت وماقدرت تقول لها لا ... وجالسه بالسياره تكلمـها وتبتسم وداخله جـووو .. اما هـنا بجنبها ودموعها متحجره وحاطه راسها ع السيت وتفكر بشكل جنا وهي
عروس .. هذا شي طبيعي اللي يصير كل بنت مردها تتزوج وهذي نهايه العلاقه وبما ان جنا ماقالت لها عن زواجها معناها ماتبيها بحياتها .. هنا موقادره تتخيل
حياتها بدون جنا موعارفه شلون رح تعيش بدونـها بدون حبها الاول بدون البنت اللي كانت كل شي بالنسـبه لـهاا .. في ظل ذكرياتها لجنا وايام الحب شدتها اغنيه نوال
ع راديو بحرين اف ام اللي مشغلينه بالسياره ..
معقولة تنساني وتحب لك ثاني
وأنا اللي أغليتك يانصفي الثاني
يعني هاين عليك
تترك واحد يبيك
سلم قلبه بإيديك
وهو راضي
خل جميع الكون
ماغيرك أنت عيون
من بعد هذا يقول
هواه ماضي
معقولة تنساني وتحب لك ثاني
وانا اللي أغليتك يانصفي الثاني
حسبي على عاذلي أبعدك عن عيني
من بعد ذاك الوصل وينك وأنا ويني
ياخوفي ناسيني
ماغبت عن خاطري لو لحظة ياغالي
طيفك رفيقي ترى حلي وترحالي
ترفق بحالي
معقـــــــــــولة تنســــــاني
جالسه تكلم ورايحه لعالم ثاني والتفت لصديقتها اللي دموعها ع خدها مثل النهر الجاري ...
نصور وهي تكلم : انا اكلم بعدين طيب بااي (وتسكر وتلفت ع سواقهم ) جارون طفي الاغاني ( وتلتفت ع هنا
نصور: هشوم توقعت اقوى من كذا لو ادري انك
هشوم وتـأشر لها بصمت: خليني الله يخليك ماابي اسمع شي
نصور تنهدت بعمق ولبست نظارتها الشمسيه مع ان الوقت كان نص الليل والسياره مضلله لكن لبست نظارتها الشمسيه السودا اللي تغطي نص وجهها عشان
تخبي دموعها اللي خانتها ونزلت وهي تتذكر حبيبتها الاولى .. اللي خانتها وتركتها وماسألت عنها رغم مرور السنوات للأسف للحين تحبها وتموت فيهاا
نورا بخاطرها(معقوله تكون نستني !!)
الفصل الثاني عشــر ( الحقيقه والســراب )
انـتــهــت الاجـازه وابتدء الدوام بالكليــه وهـناء خفت صدمتها بس ماقدرت تتجاوزها واللي هون عليها ان جنا مادوامت من بعد مارجـعوا .. كانت تتمشــى مع نصـور وبعدها جلسوا بمكان
الشـله المعتاد وجلست هناء بموقعها اللي تجلس فيه دايما والمكان اللي جنبها فاضي كان لجـنا وتذكـرتها (اصلا هي مانستها .. ) تطالع بالكليه وتشوف بكل زواياها كل مكان بالجامعه راحوا له
مع بعض فـ لمى تروح لاي مكان تتذكرها وتشوفها معها بـس بخيـالـها ابتسمـت ابتسـامـها صـفراء وهي تردد بداخـلها هالكلمـات ..
الأماكن كلها مشتاقه لك!
والعيون اللي انرسم فيها خيالك
والحنين اللي سرى بروحي وجالك
ماهو بس انا حبيبي ....
كل شئ حولي يذكرني بشئ
حتى صوتي وضحكتي لك فيها شئ
لو تغيب الدنيا عمرك ماتغيب
شوف حالي آه من تطري علي
الاماكن ... الاماكن ... الاماكن
الأماكن كلها مشتاقه لك!
المشاعر في غيابك .. ذاب فيها كل صوت
والليالي من عذابك .. عذبت فيني السكوت
وصرت خايف لا تجيني لحظه يذبل فيها قلبي وكل أوراقي تموت
وآه آه آه ... لو تدري حبيبي كيف ايامي بدونك تسرق العمر وتفوت
وآه آه آه ... الامان وين الأمان؟؟؟ وانا قلبي من رحلت ماعرف طعم الأمان
ليه كل ماجيت أسال هالمكان اسمع الماضي يقول:
ماهو بس انا حبيبي ....
الاماكن ... الاماكن ... الاماكن
الأماكن كلها مشتاقه لك!
الأماكن اللي مريت أنت فيها ... عايشه بروحي وابيها .. بس لكن مالقيتك
جيت قبل العطر يبرد ... قبل حتى يذوب في صمتي الكلام وأحتريتك
كنت اظن الريح جابت
"عطرك يسلم علي"
كنت اظن الشوق جابك
"تجلس بجنبي شوي"
كنت أظن ... وكنت أظن .... وخاب ظني!!!
وما بقا بالعمر شئ ... وأحتريتك
الاماكن ... الاماكن ... الاماكن
الأماكن كلها مشتاقه لك!
:
:
:
:
وجت وحده من بنات الشـله وجلست بالمكان الفاضي مكان جنا وتسمع اغنيه بجـوالهـا وحاطه سماعات بس الصوت عااالي
فز قلب هشوم لمى سمع الاغنيه واخذ وحده من السماعات من البنت وجلس يسمع وكانت الاغنيه مين حبيبي انا رد علي وقولا
هناء وخنقتها العبره وتذكرت جنا خاصه انها دايمـا تردد لها كلمه مين حبيبي وهنا تقولها انا .. وجنا اقتبست هالكلمات من الاغنيه ..
هناء وماقدرت تجلس اكثر وقامت بسرعه وتوجهـت للسـاحه الخارجيه تمسح دموعها قبل ماتنزل وتفضحها .. وقامت وراها حـنان (اللي كانت مشغله الاغنيه)
حنان وتروح وتعطي هشوم منديل : تفضل
هشوم: شـكرا (ويمسح دموعه بسرعه )
حنان: تمنى لها التوفيق بحيـاتها الجديده .. وحاول تنســى
هشوم ابتسم ابتسامه سـاخـره : ....
حنان: ادري انو كلامي صعب بس لازم تحاول الحياه تستمر هشـوم جنا الحين صارت ماضي وسراب بحيـاتك انسـى هالسـراب وحاول تعيش الحقيقه
هشوم: الكلام اسهل من الفعل .. محد حاس فيني
حنان: الا حاسين فيـك بس كل ماعودت نفسـك ع فـكـره النسـيان كل ماصـارت اسـهل .. هي اختارت حياتها الجديده بعيده عنك احترم اختيارها وانسـاها ..
هشوم واول مره حد يتكلم معه ويتحاور معه بعقل ومنطق ...ويسمع له من ترك جنا كان بوده يتكلم ويقول ويقول لكن مهما قال خلاص جـنا راحت : مااقـدر انسـاها بـس بحـاول ..
حنان وتغير الموضوع: طيب ياهـنـو وش رايك نروح للكافتيرا نفطر ونغير جو انا اليوم عازمتك ع حسابي
هشوم: اسمي هشوم موهـنو
حنان: ولاتزعل هشـوم بس وافق
هشوم: اوكي دامك قلتي هشوم يلا .. ( ويروحون للكافتيرا ويفطرون ويجلسون ع طاولتهم المعتاده بس الغريب ماكان فيه غير هشوم وحـنان
حنان: هشوم اسمع هالنكته توها جايه (وتسمك جوالها وتقرى عربجي اول مره ينعزم ع العشا يوم خلص عشاء ماعرف شيقول قال بصراحه عشاكم بن كلب ..
هشوم بضحكه ساخره: ههههههههههههههههههههه
حنان : هههههههه اي اي واسمع الثانيه بعد محشش يسأل طقاقه وقالها من متى وانت تطقين .. قالت من 12 سنه استغرب وقالها وللحين محد فتحلك !!
هشوم وزادت ضحكـته : ههههااااي
حنان : لااا عاد هذي النكته اقوى واقوى (( وجلســوا اغلب الوقت نكـت وضـحك .. وحنان بأسـلوبها قدرت تخفف على هشوم شوي بدون مايحس وهو تسولف معه
ومره مستانسه ان هشوم مستانس وان وجود هشوم بحياتها اللي كان سراب قرب يصير حقيقه هي تحبه وحبته من اول نظره من اول يوم جلس معاهم ولمى
تجرأت وقالت له " يالبى السبايكـي ممكن المس شعرك " من ذاك اليوم وهي تبيه بس للأسف ماتقدر تتكلم او تقوله شي .. تسولف معه وتجلس معه بحكم انهم قروب
واحد بس جلساتهم مع بعض قليله لانه ملك لجـنا وتغار عليه من كل الشـــلــه تطالع فيه وتسـولف معه وبخاطرها تردد هالكلمـات ...
مشكـلتي اهـواه وحبه هو مجنني ... والمشـكلـه عن هـوايا ماهو بـداري ..
اخاف ابوح بهـوايا لايخـجلـني .. واخـاف يزعل عـلي ويزيـد في لــومــي ..
محتار مدري شسـوي حيـل شاغلنـي .. مليت افـكر وماهي نافـعه افـكاري ..
مدري اعـذره عشاه ماهو فاهمني .. والا الـومه عشانه سبه امـراري ..
سـاعـات ارضـى واقـول كافي يكـلمني ... كافـي انه يسأل علي ويـأخذ اخبـاري ..
وسـاعات اطمع ابيه كل يوم يقابلني .. جنني حبه ولاهـو بحـالتـي داري ..
خلصــوا فــطور وكانوا زهقانين ع الاخـر .. وقاعدين يتمشـون مع بعض بالساحه الداخليه ..
حنان : هشوم عندك محاضره ؟
هشوم: لا ليش ...و اصلا مارح احضر مالي خلق
حنان: طيب انا قررت اخطفك
هشوم: ههههههه اهم شي اللي يخطف ويعطي خبر قبل
حنان: هههههه خطفه محترمه
هشوم: ووين ناويه تخطفيني ؟
حنان : لالا مارح اقولك .. تعال معي ( وتمسكـه من ايـده ويرحون لمـكان الشـله المعتاد وياخذون عبايتـهم وشنـاطنهم .. وهناء مسايرتها ومستانسه ع عفويتها وهبلها .. ))
(( لبسـوا عبايتـهم بسرعه وطلعوا برى الجامعه وخذوا اقرب تـاكـسي )
حنان: لو سمحت روح ع الظهران مول ..
السواق: حادر ماما
حنان : عطني الموبايل
هناء وعقدت حواجبـها : لييييش ؟
حـنان: شوف اليوم ماابيك تقول لي لا فاهم
هشوم بأبتسـامه صفراء: ان شاء الله .. سمـي (ويعطيها الجوال ..
حنان وتاخذ جوال هشوم وجوالها وتطفيهم : مانبي حد يزعجنا .. والحين الساعه 11 والساعه 2 بنكون بالبيت زين
هشـوم: اوكي .. (( ويـروحون للظـهران مول وماكـان فيه ناس كثيـر .. نزلوا وراحوا للألعاب وجلسـوا يلعبون والمشـكله مافيه الاهم .. وهشوم كان مستانس طول الوقت لعب ووناسـه ..
مابقى لعبه خطيره مالعبوها (من كثرهم عاد ) ولعبوا لين تعبوا من اللعب وخلصوا لعب..
هشوم: حنون انتظريني هنا بروح وبجي
حنان: زين لاتتأخر ( وتستغل فرصه غياب هشوم وتروح لكـوشك الهدايـا وتاخذ لها دوبدب كبيرر ماقدرت تشيله الا بالغصب وخذته لهشـوم .. وبعدها جات
هناء ومعها بوكيـه ورد احمر مره رومـانس
هناء واستغربت لمى شـافت الهديه مع حنان موقادره تشيلها : اوووبس
حنان: هذي لك اتمنى تعجبك
هشوم: يؤيؤ احرجتيني .. احس انو هديتي مالها داعي
حنان وهي مومصدقه : هذا الورد لي ؟!
هشوم : اي
حنان: يالبييييييييييييييييييييييييييييييييه ( وتضمها بدون شعور وبقوتها بس انتبهت انهم بمكان عام ووخرت عنـها )
حنان: سوري بالغت برده فعلي بس انا احب هالورد اموووت عليه
هشوم: اتمنى يعجبك ..
حنان: يؤيؤ .. اكيييد رح يعجبني اصلا الحلو مايجيب الا الحـلـو .. يالبى انت بس .. (وتطالع سـاعتها . يؤيؤ باقي نص ساعه تعال نروح ناخذ لنا شي ناكلـه ..
هشوم: لالا خلينا نروح ستار بـكس مالي خلق اكل
حنان: اوكي
هشوم: بس بشـرط
حنان: امــر
هشــوم : انا هالمره اللي عازمك
حنان: بس
هشوم: تبيني ازعل ؟
حنان: لالا .. كلـه ولاتزعل براحـتك .. المهم ماتزعل
هشوم: يالبى اللي يدورون رضـاي (( وراحت معها لسـتار بـكـس وطلبوا لهم كافي ودونات وكان هشوم طول الوقت يدلع حنان ويأكلـها وحنان ماتت من هالحركه حلمـها وتحقق هشـوم معاها
ويدلعها ويدور رضابها ...مارح تصدق نفســها .. ))
::
::
بــــــــــــــــعـــــــــد مــــرور عــــدة أســابيــــع ..
.
.
.
.
جالســه بفيــلاتــها الجديده الفخمـه اللي كـأنها قصــر مصغر .. تطالع التلفزيون وزهقااانه ع الاخر ويجي زوجـها ويجلس بالصوفا اللي مقابلتها ..
تكلم زوجها وهو رجل اعمال ستيني لكن صحته جيده بالنسبه لسنـه وطالعها وقال: وشفيه القمر زعلان
جنا ومسويه زعلانه: يعني معقوله ماتدري وشفيني زعلانه ؟!
بوعبدالله: لا يـاحـلو .. لو ادري ماكنت سألتك
جنا: بعد ونسيت وهذا وانت واعدني تنفذ لي الطلب اللي طلبته منك
بوعبدالله : حبيبتي السفره وحجزت لك والطقم اللي حطيتي عينك عليه جبته لك وحسابك حطيت لك فيه المبلغ اللي تبينه وشريت لك السياره اللي تتمنينها .. وشللي مانفذته لك
جنا بدلع : اي ودراستي ؟
بوعبدالله : كملي دراستك مين مانعك حبيبتي
جـنا: حبيبي انا غايبه لي فتره والحين اكيييد فصـلوني .. وانت وعدتني ترجعني وتكلم معارفك
بوعبدالله : بس هذا اللي مزعل القمـر .. ولاتهتمين رح اراجع لك بموضوعك ومايصير الا اللي بغيتيه ..
جنا واستانست: والله
بوعبدالله : افا عليك وانا كم جنا عندي
جنا: وحده وعسى ربي يخليها لك ..
بوعبدالله: ههههههه اميييين
::
::
::
::
بنفس الاثــنـــاء .. بــس بمـكان اخــر .. وتحـديــدا بــالجــامعـــه ...
هـناء تعلقت بحـنان بسرعه وحنان قدرت بذكائها تنسيها جـنا او بالاحـرى علقت هناء فيها وعودتها عليــها .. صاروا 24ساعه بالجامعه مع بعض ..
والكـل ملاحـظ هالشــي .. وهشـوم بدء يتـجاوز صدمـه جـنا وحس انها مجرد سـراب بحيـاتها وان حـنان هي الحقيقــه ..
بـالـكليــه ..
كان هشـوم يتـمشـى مع نصــور ..
نصور: شسالفه هشوم اشوف فيه بوادر حب جديد
هشوم: حب ؟! وش تقصد ؟
نصور: علينا ... انت وحنون ماتفرقون ابد
هشوم : ههههه لا بس
نصور: يعني ماتحبها ؟
هشوم: لا من قال .. بس هالبنت مره حبوبه وعفويه والواحد غصب يتعلق فيها وتنحب بسرعه..
نصور: وانت حبيتها والا ؟
هشوم ويرن جوالها : الطيب عند ذكره هذي هي دقت
نصور ويشوف الاسم: دلوعتي بعد
هشوم: اي الدلع كله لها عن اذنك (ويروح بعيد شوي )
نصور : اوووه راحت علينا
هشوم: هلا والله .. وينـك
حنان: توني داخله الكليه وبروح للمحـاضره الحين
هشوم: يوووه طب انا ماشفتك اليوم
حنان: خلاص بطلع من المحاضره وبشوفك
هشوم: من جدك وانا مطنش محاضرتي عشان اقعد معك وانت تبين تحضرين ؟
حنان: لا وشدعوى هشوم هالمحاضره مارح تطول الماده صعبه والدكتوره متشدده علينا و
هشوم: حـنان احبــك تــعالي
حنان وجنت لمى سمعت هالكـلمـه : الحيييين اجيــك
هشوم وابتسم وقال: انـتــظرك .. ( وراح ووقف بمـكان الشـله المعتاد ويلمح حنان جايييه ومستعجله ويركض لها ويضمـها بأقوى ماعنده ويشيلها ويبوووس ع خدودها ويضمها سـاعه
بالسـاحه الداخليه قدام الكل ومحد يتدخل >>> هالموقف صار قدام عيني <<<
حنان : وحشتنييييي
هشوم : وانتــي اكثــر ( ويبعد عنها : يعني تحبيني انا اكثر من المحاضره
حنان انحرجت وهزت راسـها بالايــجاب : انت غير والمحاضره غير انت اهم
هشوم: بس مستقبلك والمحاضره
حنان وحطت ايدها ع فم هشوم : انت مستـقبــلي وطول ماانـا معك مايهمني شي ..
هشوم: يالبى انتي ..
بعد مرور اســبـــوع .. بــالجــامعه كانوا البنات جالسيــن بمــكان الشــله المعتاد والحين الكل عرف انــو حنان لهشــوم وهشــوم لحـنان
كانت حنان قاعده تأكل هشوم شبس بدلع ..
حنان : يلا حبيبي هذي عشاني ( وتجي تأكله وتاخذ الشبس : لالا غيرت رايي
هشوم: والله
حنان بضحكتها العفويه :ههههههه لالا امزح (وتأكلـه ) ..
وتجي زينـه : حنووون تعالي شوي ابيك
حنان: هااه وشفيك
زينه: الملزمه نزلت بالمكتبه قومي نشتريها
حنان: طيب (وتلفت لهشوم: حبيبي شوي واجي زين
هشوم: طيب لاتتأخرين علي
حنان: من عنوني ياعنوني (وتروح مع زينــه )
(ويلفت هشـوم ويسـولف مع الشــلــه .. )
وافقه وطالعتهم لين مشــوا وتأكدت واتصلت بجـوالها
اشواق: هلا روعه ايه تعالوا الحين راحوا تعالوا يلا ..
روعه : طيب يلا باي (وتسـكر وتلفت على صديقـتها : يلا امشـي نروح للسـاحه الداخليه جاهزه ؟!
::
::
::
::
::
قــاعــده مع صديقـاتها بمكانهم المعتاد وسوالف وضحــك .. وكالعاده يتكلمون بالرايح والجـاي .. وتتلفت ماصدقت اللي شافته عيونها طالعت مره ومرتين نفس الشي مايتغير ..
تذكرت انها لابسـه نظاره شمسسه سوداء مغطيه نص وجهها .. شالت النظاره وطالعت اكثـر .. ايه اللي تشوفه حقيقه مو خيــال ولاســراب .. تطالع مرارا وتكرارا نفس الصوره ماتتغير
تشــوفــها ماتتخيل .. شافت وجـه حنت له وحبته ومن زمااان ماشــافته طالعتها اكثر واكثر وهي تشوفها تقرب منـها و لين وقفت قدامـها .. وقفت لها وصارت بنفس مستواها وقالت بأستنكار
هـشــوم : جــنا
جنا: اشـتــقت لك .. (وتجي تضمـها بس هناء صدتها وسلمت عليها بشكل عادي من هـول الصـدمـه
جنا استغربت رده فعلها وجلست تطالعها وهي مستغربه ومومتوقعه رده فعلها وضلت بلحظه صمت لمده خمس دقايق تقريبا ..
وطبعا محد من الشـله او بنات الكليـه تـجـرا يقاطعهم .. والشخص الوحيد اللي كان يمون عليهم نصور بــس " نصور " مادوام اليوم
جنا طالعتها بكل شوق ووله وحب ورددت بخاطرها هالكلمـات ..
ماخفيته بقلبك .. ينقرى في عيــونك .. لاتخاول تخبي لوعتك في سلامك ..
انت منت وطبعك مات بالورد لونك .. تبتسم لي وحزنك ينعرف من كلامك
كل شي فيك ينطق .. حتى ثوره شجـونك .. زادها الشوق غيره وانكشف لي غرامك ..
وين شوق التلاقي .. وين لحظـه جنونك .. وين ورد تفتح من رياض ابتسامك ..
وين قلبك وفكـرك .. وين سـارح بـكـونك .. كل شي فيك يدعو للتعجب علامـه ..
ليت يــانــور عيـنـي .. ماتصدق ظنونك .. في عشـير تهمـه .. راحتك وانسجـامك ..
في عشـير شؤونه .. ياحـياتي شؤونك .. عاش منك ولاجـلك وافي لالتزامك ..
كيف انساك واقدر .. ياحياتي اخـونك .. وانك بالقلب واحد مالكني غرامك ..
تعتقد لو جفيتك .. اقدر اعيش دونك .. وانت نبضي وحسي وخاطري ..
ااااه اطلب الله ربي .. يحفظك لي يصونك .. واعرف انك بقلبي مالي غيري بمقامك ..
جــنـا وخنـقتـها العبره : شــلـونك ؟
هشوم بنبره خافته: الحمدلله عايــش .. مثل ماانتـي شــايفه
جنا: اهـاا .. بس انا ماقدرت اعيش بدونك
هشوم ابتسم ابتسامه ساخره( تقولين هالكلام بعد مرور هالفتره الطويله وينك عني من زمـان .. وينـك والمشكله انو انتي اللي اخترتي الفراق .. )
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك