رواية ودي نعيش الحب باحساس طفلين -10
طلع عبدالعزيز يلحق سبيجه الى ركبت سيارتهاا وطيرتهااا لقصرهاا
دخلت للقصر وهي تصيح
وصلت لعند الدرج وطاحت ع ركبهاا
بهالوقت كانت زينه نازله من فوق ومن شافت امهاا
اول مره تشوووووف امهاا تصيح
زينوه بدون شعور:امااااااااااااااااااااايه
ركضت زينه صوب امهاا ومسكتهااا
شافت الدموع ماليات عيونهاا
زينوه بخوف:امااايه شو فيج........اماايه ليش تصيحين
وقف عبدالعزيز عند الباب وهؤ يشوووف سبيجه منهاره وزينه الى صارلهاا ثلاث اسابيع ماتتكلم وبهاللحظه تكلمت
مايدري يفرح لبنته ولا يحزن لحال سبيجه
الى قدام عيونهم فقدت وعيهاا
صرخت زينووه وطلع ذياب من قسمه يركض ووراه ريه وحصلو امهم مغمي عليهاا وحواليهاا عبدالعزيز وزينه
نهااااايه الباااااارت
توقعااااتكم
ظنكم دانه بتكون من نصيب حمد؟؟! ولابيرفض ابوهاا زواجهم؟؟!!
وسبيجه بعد الى صار ظنكم شو بيصيرلهاا؟؟!!
رايكم ف:
زينه
حمد
حمدان
ميروه
ريه
ناصر
وان شاء الله موعدناااااا يؤم السبت القاااااااااادم
الله يسلمج<<تسلمون حبيابي بس هب اناا المريضه
خالتي الله يقومهاا بالسلامه<<دعواتكم لهااا
وهذاا البااااااااااااااااااارت وسمحووووووولى ع القصووووووور..~
البارت الحادي عشششششششر..~
اليد خاف ع بنته:سبيجه .............سبيجه
طلع عبدالعزيز يلحق سبيجه الى ركبت سيارتهاا وطيرتهااا لقصرهاا
دخلت للقصر وهي تصيح
وصلت لعند الدرج وطاحت ع ركبهاا
بهالوقت كانت زينه نازله من فوق ومن شافت امهاا
اول مره تشوووووف امهاا تصيح
زينوه بدون شعور:امااااااااااااااااااااايه
ركضت زينه صوب امهاا ومسكتهااا
شافت الدموع ماليات عيونهاا
زينوه بخوف:امااايه شو فيج........اماايه ليش تصيحين
وقف عبدالعزيز عند الباب وهؤ يشوووف سبيجه منهاره وزينه الى صارلهاا ثلاث اسابيع ماتتكلم وبهاللحظه تكلمت
مايدري يفرح لبنته ولا يحزن لحال سبيجه
الى قدام عيونهم فقدت وعيهاا
صرخت زينووه وطلع ذياب من قسمه يركض ووراه ريه وحصلو امهم مغمي عليهاا وحواليهاا عبدالعزيز وزينه
واقف عبد العزيز عند الغرفه الى دخلوو فيهاا سبيجه وحذاله زينوه يالسه ع الكرسي ويهديهاا ذياب وريه واقفه ع طرف منصدمه من الى صار
ذياب:زينوووه بس خلاص
زينوه تصيح:اخا.....اخااف يصيرلهاا شي
ذياب:ان شاء الله مايصيرلهاا الا كل خير
رفعوو عيونهم لحمد الى اتصلت فيه ريه
حمد بخوف:شفيهاا اماااايه..........شؤ صارلهاا؟؟!!
ريه:اغمي عليهاا
حمد:لاحول ولاقوه الا بالله
رفع ذياب عيونه لابوه وحاس ان طيحه امه من ورا سالفه ابوه
طلعت الدكتوره من الغرفه
عبدالعزيز:دكتوره طمنيني
الدكتوره:المدام تعرضت لصدمه قؤيه.........وان شااء الله تعدي ع خيييير
زينوه ودموعها ف عيونها:اقدر اشوفهاا
الدكتوره:تقدروون بس هي الحييين راقده عطيناهاا مخدر
مشت زينوه ودخلت ع امهاا ومن شافت حالتهاا حطت ايدهاا ع فمهاا وكملت صياحهاا
حست بايد تلتف عليهاا
رفعت عيونهاا صوبه ودفنت ويهاا بصدره
حمد:زينوه بسج صياااح..........الدكتوره طمنتناا عليهاا
زينوه تهدي عمرها:متي بتقوم
حمد:بعد شوووي
ف الممر
ذياب يطالع ابوه:اماايه عرفت بالسالفه
عبدالعزيز:هيه
ذياب:كيييف
عبدالعزيز:يت لبيت يدك بدون ماحد يدري والبنات كنن ف الصاله تلعبن
ذياب:والحيييين شو بتسوي
عبدالعزيز:بقولهاا بكل شي
ذياب:ويدي
عبدالعزيز:الحين بيي
ثواني ووصل اليد
اليد:وينهاا سبيجه
ذياب:داخل
مشي اليد ودخل ع بنته ودخلوو وراه عبدالعزيز وذياب وتموو يالسين لين مافجت سبيجه عيونهاا
ريوه تنقز ع امهاا:امااايه فدييييييتج ......... يعله فيني ولافيج
سبيجه بتعب:وين اناا؟؟؟!!.........بنات منؤؤ الى شفتهن ف قصر ابويه؟؟؟!!!........ليش كانوو يقولووون لعبدالعزيز ابووويه؟؟؟!!!........(يلست ع السرير وهي ماسكه ع راسهاا ).......منؤؤ هذيلااااااك
اليد:سبيجه يابنيتي هدي
سبيجه تطالع ابووها:ليشششششششش ليشششششششش يصير جذي............لهدرجه كارهني يابووويه وساكت عن الى يسووويه عبدالعزيز..............(تطالع عيالها).......شفتوو ابوكم شو سووا................مخبي عليناا بنااااااااته...........بناته الى ماحد يعرف عنهن شي غيره هو وابوويه
فجن غلامتين عيووونهن منصدمااات من الى يصير
نزل حمد عيوونه وحس بلووم انه كتم ع سر ابوه
سبيجه تطالع ذياب وحمد ودمعتها ف عينها:وانتم اكييييد تعرفون وخبيين عليييييه...............(تصيح).........ليشششششششششش ششششششش
ماتحملت زينوه وراحت صوب امهاا ولووت عليهاا
زينوه:امااايه فديتج لاتبين عمرج...........ارتااحي الحين
سبيجه منهاره:كيف تبيني ارتااح بعد الى صااار............اناا ماراح اترااح الا بعد............الا بعد مايطلقني عبدالعزيز
الكل:شوووووو
عبدالعزيز بصدمه:سبيجه شو هالكلااااام
سبيجه وصوتها رايحه:خلاص ياعبدالعزيز..........انت من زمان تترياا هالفرصه...........مؤؤ اناا كنت بلوه ف حياتك.........مو اناا الى عمرك ماارتحت عندهااا.............مو اناا الى معيشتك ف عذااب..........رؤح كمل حياتك عند مرتك وبناتك ..........اماا اناا اعتبرني من المااضي ومحني من حيااااتك
ذياب:اماايه فدييييت قلبج لاتقولين جذي........خليناا نفهمج السالفه
سبيجه بعصبيه:ماريد افهم شي...........طول هالسنين ساكتيين ويايين الحين تبون تفهموني السالفه
دخلت الممرضه وعطت سبيجه مهدي
تموو يطالعون سبيجه الى كل شوي تغمض عيونهاا ورقدت
قام اليد هو وعبدالعزيز وطلعووو
ريه تطالع خوانهاا:ممكن تفهمووني السالفه قبل لايصيرلي مثل اماايه
زينوه:ليش خبيتوو عناا...........تكلمووو
حمد يقووم:اناا مالى بارض اتكلم ذياب بيقولكم
قام حمد وطلع من المشفي بكبره ورد للشركه
عند ذياب وخواته
ذياب:ابوه حب وحده كانت تشتغل عنده وهي هب صغيره تقريباا عمرهاا 34 سنه كلم يدي وراحو وخطبوهاا واناا بالبدايه ماكنت موافق لانهم ماخبروو امااايه بس عقب اضطريت اني اوافق بعد ترجي ابويه ويدي
المهم تزوجوو وبالصدفه كشفهم حمد وتستر عليهم وكان ناوي يخبر اماايه بس اناا اقنعته مايخبرهاا لان متأكد ان امي بتقوم الدنياا وبتقعدهاا انزين وبعد عرسهم بسنه حملت منيره وهي بالولاده تعرضت لمضاعفاات وتوفت بعد ماربت بيارا ولارا
ريه:جم عمارهن
ذياب:ست
زينوه:صغااااار..........وينهن الحيين
ذياب:عند يدي
ريه تطالع زينه:اناا لازم اشوووف خواتي
زينه تيلس ع الكرسي:اناا بيلس ويا اماايه وخواتي لاحقه علييييهن
ذياب يطالع زينه:اذا قامت حاولي وياهاا وفهميهاا
زينه:ان شاااااااء الله
طلعو ذياب وريه الى ركبت سيارتهاا ورات للمول تلاقي ناصر وناويه تنهي علاقتهاا به
ريه تكلم ناصر:اناا برع ف سيارتي
ناصر:حبيبي اوكي ركبي سيارتي
ريه:ليش
ناصر:دقايق وطلعي
ريه بخوف:هااااااااه.........لا خلناا نتلاقي برع
ناصر:فديت اناا الخوافه.......صدقيني ماراح اكلج.........تعالى
ريه بعد تردد:اوكي
طلعت ريه من سيارتهاا وراحت صوب سياره ناصر ودقات قلبهاا اتزيد
ركبت السياره
ناصر:هلا والله
ريه:اهلييييين
ناصر:واخيرااا
ريه:ناصر اناا برؤؤؤ
ناصر يمسكها بقوه:لا ياعمري ...........هههههههههههههههههه ماشي طلعه من هني
ريه بخوف:اقوووولك فج ايدي
ناصر يسحب السياره:بطلعج بس بعد مااشبع منج
ريه تصارخ:يالحقييييييييييييير....................بطل الباب
ناصر:راويني شو بتسوووين
ريه تصيح:حراااام عليييييييييييك...............اقولك وقف
ناصر يلمهاا بكف:جااااااب..........انتي يبتي هالشي حق عمرج وتحملي
مسكت ريوه ع خدهاا وتمت تصيح وتحاول تفج الباب بس مصكر وفونهاا هب عندهاا شله ناصر
ريه منهاره:والى يرحم والديك.........خلني خلني
ناصر بعصبيه:لمي فمج ابرك لج
رفعت عيونهاا للمكان الى وقفت عنده السياره
شافت ناصر يطلع ولف صوب بابهاا وفجه ومسكهاا من ذراعهاا
ناصر يسحبهاا:امشششششي بدؤؤن صوت
ريوه تدزه:وخر مني يالحيوان..........يالحقيييييير
ماحست الا وهؤؤ يسحبهاا من شعرهاا ودخلهاا لبيت قديييييم
من قوته سحبه لشعرهاا فقدت وعيهااا
دخلهاا ناصر لغرفه وصكر الباب بالمفتاح ولف عيونه لوحده من البناات الى يعرفهاا
ناصر:بعمرج اذا بطلتيلهاا الباب
البنت:نصوري البنت كتيييير حلووه......بدك ادخل حد آبلك<<قبلك هع هع
ناصر:لاااااااا...........والله اذا دخلتي عليهاا حد قبلي بيكون قبرج هني
مشي ناصر وطلع من البيت اماا البنت مشت صوب الشباب الى كانو ف الصاله وكملت السوالف عندهم وقردنهاا واحد عسب تدخله ع ريه
الريال:بعطيج خمس الف بس دخليني
البنت:والله نصور راح يئتلني
الريال:شدراه هو
البنت تفكر:هممممم خلني افكر شو بدي ساوي
ف المزرعه
فجت ميرؤه عيونهاا بكسل وطحن بعيون حمدان الى يالس ع الكرسي ويطالعهاا
حمدان ييلس يمهاا:صباح الخييييييير حبي
ميروه تبتسملهاا:صباااح النور حبيبي
تقرب منهاا حمدان وباسهاا بوسه طويله ع خدهاا
حمدان:ماتشبعين رقاااد
ميروه:هممممممممم اصلاا مارقدت
حمدان يلف ايده عليهاا:ليش حبيبي
ميروه:ياني عوار ف بطني
حمدان يطالعهاا:يعورج الييييييين
ميروه:الحين لاا
حمدان:قومي اوصلج للمشفي
ميروه:لاحبيبي مافيني شي
حمدان:عيل قومي عسب تتريقين
ميروه:اوكي
قامت ميرؤه وراحت للحمام وخذتلهاا شاور ع السريع ولبست بدله هاديه لونهاا بنفسجي ولفت شعرهاا ومسكرت عيونهاا وحطت غلوس وردي
ونزلت لتحت وصلت حمدان يالس يترياهاا
ميروه:سوري تأخرت
حمدان ياكلهاا:يالله حبيبي كلي
ميروه:هههههههههههههههه جني ياااااهل
حمدان:هههههههههه حبي انتي لازم تهتمين باكلج بهالفتره
ميروه:ذكرتني بعمؤه مزنه.........اقوم من رقادي وهي مقابلتني تأكلني............هممممم حمداني
حمدان:عيوووونه
ميروه:فدييت عيونك...........حبيبي انت بخاطرك ولد ولابنت
حمدان:همممممم اناا صراحه احب البنات..........وعاد اذا بتطلع عليج يابختهاا
ميروه:هههههههههههههه لاااه
صاح فووووون حمدان وكانت ظبوي
حمدان:الوووو
ظبيه:حمداااااان الحق
حمدان:شفييييج
ظبيه:عمؤؤه سبيجه ف المشفي
حمدان:شوو.......شو صارلهاا
ظبيه:مادري
حمدان:الحين بييكم
ظبيه:اتريااااكم
صكر حمدان الفون ولف لميرؤوه
حمدان:عمؤه سبيجه ف المشفي
ميرؤه:شو صارلها؟؟
حمدان:مادري وش صارلها
ميروه تقوم:بنروحلهاا
حمدان:اترياج بسرعه
ميروه تقوم:اوكي عمري
ركبت ميرؤه لفوووق ولبست عباتهاا وشلت اغراضهاا وركبت السياره هي وحمدان وراحوو للمشفي
وحصلوو جدامهم اليد وسالم ومزنه وعبدالعزيز
وايهوهم ولاحظت ميرؤؤه اهتماام يدهاا فيهاا
اليد:شحالج ميرؤؤه
ميروه باابتسامه هاديه:الحمدلله بخير وعافيه ومن صووبك يدي
اليد:بخيير يوم تطمناا ع سبيجه
ميروه:برخصتكم بشوووف عمؤؤه
مشت ميرؤه ودخلت لغرفه عمتهاا وحصلت سبيجه راقده وزينه يالسه ع الكرسي
زينوه:ميرؤؤؤه
ميروه تلوي عليهاا:زينوووه تكلمتي
زينوه:هيه.........ميرؤه خايفه ع اماايه
ميروه:فدييييتج ان شاء الله مافيهاا الا العاافيه........الا شو صارلهاا
زينوه:يلسي حياتي وخبرج السالفه
يلسن غلامتين واول مافجت زينوه فمهاا بتتكلم دخلت ظبووي
ظبوي بخوف:شفيهااا عمؤؤؤؤؤؤه..............(تطالع ميروه)........وانتي وريلج شعنه مامريتوو عليه
ميروه:ياعمري والله نسيييييييت
ظبوي توايهه زينوه:جب جب جب
زينوه تضرب ظبوي ع جتفهاا:عيييييييب
ظبوي تصرخ:زينوووووووووووه انتي تتكلمين
ولوووووت عليهاا
ظبوي:فديييييييييتج والله...........آآآه بكلم شهاب
زينوه:ليش
ظبوي تدز زينوه:مادريتي
زينوه تطالع ميرؤوه:شفيهاا هاذي
ميرؤه:اكيد شافت ذياب
ظبوي تدق الرقم وتتفدي بذياب:فديت ذيوبي وحبيب آلبي
زينوه:صبري.......لاتقولين ان ذياب هو يابج اهني
ظبوي:هيه
زينوه:واناا اشوف خويه يوم وصله مسج مشي وخلاني
ميروه:هههههههههههههههه ساحره اخوج هاى
زينوه:ههههههههه وانتي الصادقه
ظبوي تصكر الفون:مايرد عليه
ميروه:الوقت غير عندهم ياهبله
ظبوي تتذكر:اويه نسييت............زينوتي صج الى سمعته من ذياب
زينوه:هيه صج
ميروه:خبروني شو السالفه
يلسن تخبرن ميرؤؤه الى انصدمت من يدهاا وعبدالعزيز ماتوقعت انهم يسوون جذي
زينوه تطالع ظبوي:اخااف عقب ذياب يعرس من وراج وانتي ماتدرين
ظبوي:لافديتج.........طول الطريق واناا اسوي محاضره لذياب...........ياويله لو فكر يعرس عليه
ميروه:ظبوي صراه بديت اشك
زينوه تكمل عن ميروه:مسويه سر حق اخؤؤيه
ظبوي تضحك:خخخخخخخخخخخخخخخخخخخخخخخخخخخخخخ الا وين ريووه
زينوه:مادريبهاا.......اتصل عليهاا وماترد
ميروه:ليكون صارلهاا شي
زينوه:ياربي..........ناقصين لهذي بعد
ف الحي القديم..~
فجت عيونهاا وهي تذكر شو صارلهااا
فزت مكانهاا بخوف وهي تتفحص المكان وصووت رياييل وحريم شالين المكان
نزلت دمعتهاا ع خدهاا
ريوه :شو سويتي بعمرج ياريووه...........شو سويتي بعمرج.............هدمتي حياتج بايدج...............الله يكرهك ياناصر وثقت فيك وانت الحين تبي تدمرني...........اناا لازم اطلع من اهني
مشت صوب الباب وحاولت تفجه بس طلع مصكر
طالعت الغرفه وفجت الستاره وفجت الدريشه ونقزت منهاا
طاحت ع ركبهاا
رفعت راسهاا وتحس انه حد جدامهاا
قامت بسرعه ورفعت عيونهاا للشخص الى واقف جدامهاا
تبي تتكلم بس كان اسرع منهاا وحط ايدهاا ع فمهاا وايده الثانيه مسكهاا من ذراعهاا وطلعهاا من البيت وركبهاا السياره وسحب بسرعه
وصلهاا لمكان بعيد
رفعت عيونهاا تطالع المكاان وعرفت انهاا ع راس عرقوب
...........:طلعي
شافته يطلع بس عناد تمت ف السياره
خافت اكثر وهي تشووووفه يطالعهاا من السياره بقوه ودزهاا ع الرمل
ريوه بألم:يالحيوان كسرتني
سعيد يرفسها بقوه:شو تسوووووين ف ذاك البيت.............(يصارخ)............تكلمي
ريوه بالم:آآآآآآآآآآآآآآآآآآآآآآآآآى...............(تصي ح)...........ردني للبيت..........مابيك
سعيد ينزل لمستواهاا وسيحبها من شعرها:شو مودنج لهناك
ريوه ودموعها تطحن:والله اناا مالى ذنب..............هو ...هو وداني لهناك........(تصيح)..........سعيد كان يبي يغتصبني..........سعيد اناا لو ماطلعت من هناك جان دمروني
سعيد حن قلبه عليهاا:منوو هذا الى شلج
ريوه بخوف:اهئ اهئ واحد اسمه ناصر
سعيد يلمها بكف:وبعد حافظه اسمه............انتي شو من بني آدم.............امج مرقده ف المشفي وانتي رايحه تقابلين هالحقيييييير الى ماخلى حد من البنات الى وخذ الى يباه منهن
ريوه منهاره:بسسسسسس بسسسسسسس الى فيني كافي.............شو ذنبي اذا الشيطان لعب براسي
غطت ع يدينهاا وتمت تصيييييح صياح قطع قلب سعيد الى تقرب منهاا وضمهاا لصدره
ماعارضته ودفنت ويهاا بصدره وتمت تصيح
سعيد :ريوه انتي كبيره وعاقله وفاهمه........شلون تسوين جذي..........هالشباب مامنهم امن...........تخيلي لو اناا ماكنت اتابعج.........جان اغتصبووووج..............جان ضاع شرفج وخربتني سمعت هلج
ريوه وصوتها رايح:سعيد طلبتك لاتخبر حد عن الى صار..............(تطالعه).........مابي حد يدري
سعيد يمسح دموعها:بشرط
ريوه:شؤؤؤ؟؟؟
سعيد:تودرين عنج هالخربطااان
ريوه باندفاع:وعد وعد وعد...........بس مابي حد يدري
سعيد:اوكي
انتبهت ريوه لنفسهاا وانهاا بحضن سعيد جان تدزه ووخرت
ريوه وويها احمر:انت ماتستحي
ابتسم سعيد وانسدح وحط راسه بثبان ريوه
سعيد:تذكرين قبل سنتين
ريوه تلعب بشعره:كانت احلى ايام عمري
سعيد:ولين الحين برد واسئلج.........شو الى غيرج عليه
ريوه:آآآآآآآآه ياسعيد.........مادري كيف سمعت كلامهاا وخليتك............سعيد خالتك شريفه هي الى خلتني وغصبتني اني اتخلي عنك
سعيد ييلس ويلف صوبها:خالوه شريفه...........لهدرجه تبي تفرق بينناا
ريوه:هيه..........كانت تحش ف راسي انك ماتناسبني........وانه حمدان هو الى يناسبني..............هي الى بعدتني عنك............كرهتني فيك.............بس شو هدفهاا من هذاا
سعيد يضرب ريوه ع راسها بخفه:وانتي الغبيه صدقتيهاا
ريوه:لاتلومني ياسعيييد............لاتلومني
سعيد:خالوه شريفه هوايتهاا تدمير الناااس..........شو بتستفيد من كل هذاا
ريوه:الله يهديهاا
تم سعيد ثواني يتأملهاا
ريوه تنزل عيونها:سعودي بس خلاااص
سعيد يمسك ايدها:فديت اناا الى تستحي...........ريوه اناا خطبتج من ابوج
ريوه :قوول والله
سعيد:والله........بس بعده مارد عليييه
سكتت ريوه ونزلت عيونهاا وهي تسمع سعيد يشل بصوته
سعيد:
رفقه عليك اتقوللي تم...وتقول حاضر ياغناتي
عود تراني حيل مغرم...مشتاق شوفك ياشفاتي
لان الغلا لك زمني زم...وأثر على طابع حياتي
شرواك بين الخود يعدم...وصفك عديماً في البناتي
عودك لدين وخصراً اهضم...وعيون سود وناعساتي
يازاكيين اليدين والعم...لاتكون سبه في وفاتي
مركب هوانا قد تحطم... يوم المراكب راسياتي
فديت روحك لي تبسم...وعيد الليالي الماضياتي
بعدك حبيبي زادني هم...وزيد ونيني وعبراتي
مدامت باللي صار تعلم... هل كيف تتعمد شقاتي
أرجوك يا المضنون ترحم...حرام ليلي ما اباتي
رفقه عليك اتقوللي تم...وتقول حاضر ياغناتي
ذابت ريووه وهي تسمع شلت وتذكرت ايام قبل
مايمر يوم الا وتسمع صوته
تمت تدعي ع شريفه الى قلبت حياتهاا فوق تحت
شريفه الى زرعت الحقد ف قلبهاا
شريفه الى خلتهاا تتغير وتبتعد عن الناااس الى تحبهم
دمعن عيونهاا وطحن ع خدهاا
مدت ايدهاا تبي تمسحهن بس ايد سعيد اسرع منهاا ومسح دموعهاا
سعيد:ليش هالدمؤؤع
ريوه:سعيد.........اناا مابي حد غييييرك
سعيد:انتي لي اناا وبسسس
ابتسمت له ريووه وكملوو سوالفهم وعقب ركبوو السياره
ووصلهاا للمشفي وطرش الدريول اييب سيارتهاا ويردهاا للبيت
سعيد يطالعها:هالله هالله بعمرج
ريوه:لاتوصي فديتك..........مع السلامه
طلعت ريوه من السياره وحست ان الروح ردتلهاا
حست انهاا انولدت من يديد
مشت وهي طايره من الفرحه
دخلت لقسسم امهاا وحصلت زينوه جدامهاا
زينوه بخوف:ريووووه انتي وين كنتي
ريوه تلوي ع زينوه:ولهت عليييييج وايد وايد
وركضت لامهاا ولووت عليهااا
زينوه تكلم عمرهاا:شفيهاا هاذي
تبطل الباب ودخلت شريفه وبنتهاا لطيفه
شريفه+بنتهاا:السلاااااام عليييكم
الكل:وعليكم السلاااااااام
وتوايهن
شريفه تتقرب من سبيجه:الحمدلله ع السلامه ياوخيتي
سبيجه بهدوء:الله يسلمج
شريفه تطالع ريوه وبنظرات:شحالج ريوه
ريوه بدون نفس:الحمدلله بخيييير.............سمحولى شوي وراده
مشت ريوه وطلعت من غرفه امهاا ويلست ف الصاله جان تلحقهاا زينوه
زينوه تيلس يمهاا:شفيج
ريوه:مابي اشوف خالوه شريفه
زينوه:ليش
ريوه:عقب بخبرج..........اريد ارتاح تعباانه
زينوه تتفحص اختهاا:انتي شو فيه ويهجج..........جنه حد ضاربنج
ريوه ماسكه ع خدها:هااااااااا
وتذكرت كف ناصر وسعيد<<الله يسامحكم
زينوه:شفيييييج
ريوه:مافيني شي
زينوه:انزين اناا بروح انتي تمي وياا اماايه
ريوه:وين بتروحين
زينوه:حمد يباني ضروري
ريوه تقوم:انتي شو بينج وبين حمد
زينوه تمشي:يوم تخبريني شو صارلج هذيك الساعه بخبرج
مشت زينوه وطلعت من القسسم وحصلت حمد واقف برع
زينوه:هلا حمد
حمد:اهليييييين
زينه:خطبتهاا
حمد:هيه
زينه:ومتي الملجه
حمد:اليؤم بعد صلاه العشاء
زينه:الله يوفقك
حمد:اخااف اظلمهاا وياي
زينه:حاول انك تسعدهاا........دانوه ماتستااهل الى صارلهاا
حمد:الله يصبرني........منؤ داخل
زينه:خالوه شريفه وبنتهاا
حمد يمشي:اوكي سلمي ع اماايه
زينه تبتسمله:يوصل فديتك
مشت زينه ودخلت للقسم وتمت تقهوي شريفه وبنتهاا اماا ريوه يالسه ع الكرسي يم البلكونه وشغاله ف المسجات هي وسعيد وفجأه طرشلهاا نكته جان تنقع ضحك
ريوه تضحك:وكككككككككككككككككككككككككككككككككككككك
الكل:شفييييج
ريوه ماسكه ع فمهاا:هههه هههه هههه سرررؤي كنت اقرآ نكته
زينه تطالع اختهاا:تعالى سولفي ويانا
ريه تقوم:اوكي
ويلست يم زينه الى مستغربه من تصرفات ريه
زينه تصاصرها:انتي اليؤم غريبه
ريوه:رديت ريه الى تعرفينهاا
زينه:واخيييييييييرا ياعمري
ريوه:ايؤؤؤه...........آآآآآآآآآه يوم اتذكر شو كنت اسوي قبل اكرهه عمري
زينوه:الحمدلله يوم انج رديتي لريوه القبليه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك