رواية اعطني حريتي اطلق يديا -26
جآبر انشغل عن موضي بقضية اخوه ومتابعتة لهآ ..
.. جوزآ .. سمعت بالخبر من مرت اخو غدير .. وام المعتدي .. كلمتهآ عشآن يتنآزل سآلم عن آلقضيه .. كآنت بتواجه سآلم وتستفسر منه .. بس دخوله عليهآ بهيئه مآتسر عدو ولآصديق خلآهآ تراجع .. رمى نفسه بتعب على السرير .. بدون لآيسلم ولآ يتكلم حتى .. كل آللي قاله ،، آنآ البرررد كلآني يآجوزآ .. لحفيني لحفيني .. لحفته بكل ماعندها من ملاحف وتوه يرجف بعد !! .. ينتفض و جسمه محموم .. كشفت عن وجهه وجآبت له حبتين بندول نآيت .. أكلهآ ونآام ..
.
.
" صقر "
.. علآمس تأخررتي عند الدكتوره ؟؟
..0قالت لي بنآديك ولآنآدتي ..
.. بتول .. بيطير قلبهآ من آلفرحه .. بس مآحبت تقوله وأهم بالسيآاره .. جآوبته ..
.. خذت تحآليل ونتآيجهآا بكره ..
.. مآشكك أبد أبد .. ضعط بيده على يدهآ .. قدآمس آلسلآمه بأذن آلله .. وشلونس ذلحين .. اربس طيبه !! ..
.. هزت رآسهآ .. عآل آلعآل .. أحلآ مغص جآاني ..
.. ضحك صقر ببرآءه .. هههههه عشآن مآعطوس آبره يآلهوول ؟؟
.. بتول بدلع طلعت له ذراعهآ وفيه اللزقه .. شف شف آبره يمكن طووول آلسيف .. واستدركت كذبتهآ .. آلا شوي !!
.. صقر .. هههههه انتن يآلحريم لابغيتو الشي يكبر كبر .. ولابغيتوه يصغر صغر .. مآقلتي خنجر أقرب أشوي هههههه ..
.. سحبت يدهآ بزعل .. ولفت عنه .. منت مصدق لآتصدق .. قول كذآبه آلا قووول بعد !!
.. مآرد .. ومسك عمره لاينفجر ضحك على كذبتهآ وزعلهآ .. وصلو البيت دخلو غرفتهم وهو علق ثوبه وطلع عند التلفزيون فالصآله .. ص صوت لهآ تجيب القهوه وتأخرت .. ماردت ولاجت .. استغرب .. ظنهآ زعلآنه .. بس عصب من هآلفكره .. بروح آشوفهآ وكانهآ زعله على هآلشي آللي مآيستآهل منب مرضيهآا المدلعه ..
.. دخل الغرفه و نآدآهآ .. بتووول .. بتووول ..
.. ارتبكت وطآح آلكحل من يدهآ .. مسكته قبل لآيوصل المغسله .. ربطت حزآم فستآنهآ آلابيض .. نثرت شعرهآ وطلعت له ..
.. رفع حآجبه متعجب ومستغرب .. فتح لهآ يديه وهو مآيدري وش منآسبة كشختهآ لأنهآ كشخه سبشل .. توقع تبي تسير على أحد .. ومستحيه تستأذن بعد ماكشخت بدون لآتشوره !!
!.. مآصدقت آتشوفه فآتح يده .. قطت نفسهآ عليه .. رفع وجههآ بكفه يسألهآ .. وش العلم ؟؟
.. روحه وآلا حدن بيجينآ ..
.. هزت رآسهآ بنفي .. هئه هئه .. لآ هذآ ولآ ذآك .. بعدت عنه بخجل وصوتهآ مو راضي يرتفع أ كثر من كذآ .. أشررت باصبعهآ لبطنهآ ..
.. هنآ في نوونوو صغنوون مآااره ..
.. مآ استوعب كلآمهآ .. سألها بلهفه .. وش تقولين ؟؟ نونو ؟؟ يعني وش حآمل ؟؟
.. سبلت برموشهآ تغطي خجلهآ .. ومسكت يده وحطتهآ على بطنهآ .. والله والله بيبي صغنون .. قالت لي الدكتوره يوم ك.......
..0مآخلآهآ تكمل .. شآلهآ بفررحه .. ودآاار فيهآ وهو مستمتع بضحكهآ وصرآخهآ ..
.
.
" بدر "
مآخذ ولده بحظنه .. يبوس يده .. وخشمه .. وخده .. وعنونه .. وشفآيفه .. وآخرر شي ضمه بقوووه لصدره وأهو يشم رقبته .. يآنآاااس بآكله هآلولد .. سوكررره ..
" منتهى "
.. جلست قبآله .. متردده .. متوتره .. سرحآنه .. لآحظ بدر انفعآلآتهآ وتعآبير وجههآ وسألهآ بمررح ..
.. منتهآااي عنوونك آلحلوه تقول عندهآ سآلفه .. آعرفك آنآ .. بطيهآ وارتآحي ..
.. منتهى ..
لآزم آتواجهه .. مآفي وقت للتردد .. كفآيه ماقآلت له هآلمده كلهآ عشآن مآيتضآيق .. والحين أحسن فرصه أناقشه فيهآا .. مروق وأهو بنفسه سألني ..
.. آمممم بدر بكره دوآمي .. وش وضعي .. آتوديني أنت للدوآم .. وآلآ تدبر لي أحد يوديني .. وآلآ كيف ؟؟
.. انقلب مزآجه ميه وثمآنين درجه .. يكرره هآلسيره .. تفور دمه وتحرق اعصآبه .. حآول يقنعهآ ..
.. منتهى بآلله فكري بعقل .. !!
ثلآث سآعآت رآيح وثلآث سآعآت جآاي وأربع أو خمس سآعآت بمدرستك !! وحتى أذا رجعتي .. يبي لك أقل شي 9 سآعآت نوم مع هآلتعب ..
.. واحنآ ؟؟ آنآ وسعود وين نروح بهآلوقت كله ؟؟ بآلله هذآ حل ؟؟
.. ترهقين نفسك وتشتتينآ أنا وولدك .. عشآن كم ألف ؟؟
.. منتهى ..
سعود بوديه عند أمي .. او آخذ شغالة أهلي وأسكن مع زميلآتي بآلهجره ..
.. بدر .. مستحيل .. سكن مستحيل .. شيليه من بآلك نهآائي .. مآفي أمل لك لو واحد بالميه ..
.. منتهى بطفش .. طيب والحل ؟؟ انت مو رآضي تسآعدني آبد ؟؟
.. بدر يتنهد ويهدي صوته .. لو بيدي اسآعدك ماقصرت .. بس الوضع متأزم مثل مآتشوفين .. وآنآ مقدر استحمل الوضع لحد مآ ألقآلك وآسطه ..
.. منتهى بتردد .. في حل بس بس .. ايقولون زميلآتي كان عندهم مدرسه نفس وضعي .. ومالهآ أمل فالنقل قبل 5 سنوآت .. فخلت زوجهآ يطلقهآ .. وبورقة الطلآق قدم لهآ نقل لظروفهآ الخاصه وبسرعه نقلت ..
.. خزهآ بدر بآستحقآار .. نآاس همج .. يستهينون فاحكآم الدين عشآن دنيآهم ..
.. منتهى .. طيب دبر لي نقل آروح معه ..
.. بدر طفش من عنآدهآ .. طورقه ومشآوير مع سوآويق أشكآل وألوآن وخطررر كل يوم لأ .. ثم لأ ..
.. منتهى بعصبيه .. وآ لحل يعني ؟؟
.. بدر بهدوء .. أنآ رجآل اشتري رآحة بآلي .. وسعآدة بيتي .. أتركي الوظيفه يآمنتهى أتركيهآ مآلهآ ألآ هآلحل .. ولك علي أسوي لك أقتطاع شهري من رآتبي مدى الحيآه ينزل دآيركت لحسآبك ومو أقل من عشرة آلآف .. ولو بغيتي ادور لك هنآ وظيفه خآصه بالريآاض .. هآاه آشقلتي ؟؟
.. منتهى بعنآاد وعصبيه ..
لأ طبعآ .. اكرف كل هالسنين عشآن بالنهآيه اجلس بالبيت كأني أميه ؟؟ وآلآ كأني اجنبيه براتب الفين وآلآ ثلآثه .. مستحيل ..
.. بدر .. لآ اله آلآ الله .. يآبنت الحلآل تعوذي من آلشيطآن .. اتركيهآ ومآراح تندمين صدقيني ..
.. آنهآرت تبكي بعد مايأست من موآفقه بدر ومسآندته لهآ .. وبصرآخ ..
.. وظيفتي مآارآح آتركهآ .. لو تنطبق السمآ ع الأرض .. عجبك وآلا ردني لبيت أهلي مكآن مآخذتني ..
.. بدر .. مسك يده بصعوبه لآيعطيهآ كف يصحيهآ .. قرب لهآ بسرعه .. وكشت هي من آلخوف .. حآسه آنه بيضربهآ ..
.. وقفهآ بيديه .. ونفضهآ بقووته .. عشآن تستوعب كلآمهآ وكلآمه ..
.. لآترفعييين صوووتك لآ ألعن جدفك .. طلعه من هآلبيت مآنتي طآلعه .. آلا على قبرك وآلآ أنآ علآ قبرري .. حذفه ورآهآ وخذ جوآله ومفتآاح سيآارته يبي يطلع .. وصوت بكآهآ صم آذآنه صم .. رجع لهآ وهزهآ بيده .. بعد مآشآل ولده وضمه ولمه .. ولدك لاتهبلينه .. شوفيه يبكي خوذيه .. حطه بحظنهآ وطلع ..
.. صقر ..
ماقدر يصبر لبكره .. خآصه آنه يمشي بدري لشغله .. قال لبتول .. وش رآيس انتعشى عند امي ونبشرهآ ..
.. بتول .. هي بعد متحمسه اتعرف ام صقر عشآن تفكهآ من شرهآ .. ونغزاتهآ وأسألتهآ اللي مآتمل ..
.. مرو فوآل .. وخذو خبز حآر وفول .. وتميس بالجبن التشدر آلحآار ..
.. دخل صقر والاكيآس والخبز معه .. وافته موضي وخذتهن .. وقلطتهم .. جت ام صقر تعرج وتعنز على عصآهآ .. رجلهآ ذآ الأيآم مهب طويبه ..
.. وقف صقر يحب راسهآ ويمشيهآ تقعد جنب المركى .. وجت بتول وسلمت عليهآ .. قعد صقر جنبهآ ومسك يدهآا .. اعلوم ام الصقرر ؟؟
.. ام صقر بنفخه .. منب طيبه .. آبمووت مآشفت وغدآنك .. كلن حمل وجآله ولد الا انت .. آن كان الحضريه مافيهآ ورعآن اعرس .. و هي مهب مقصره .. بتعآونك ؟؟
.. التفت صقر تلقآئي لبتول .. وشآفهآ مكشرره .. مسك ضحكته وابتسم .. حط يده ورى امه ويدهآ الثانيه في يده .. قآلهآ أبشري بفهيد بأذن آلله .. واخوآنه في قبال بعد بحول الله ..
.. التفتت له .. تضحك عليه ؟؟
حب يدهآ صقر .. والله مآجآس غير الصدق .. بتووول حآمل .. قالها وهو يركز نظره في وجههآ الأحمرر ..
.. انفجررت ام صقر تبكي من فرحتهآ بولد صقر .. وغطت وجههآ .. جعل ربي يبلغنيه .. جعلني اكحل عوينآتي بشوفت ذريتك وأنا امك ..
.. موضي .. هئ حآااامل يآبتله ؟؟
.. يآويلي من كبرس تحملين بعد .. مهب لاقن له مكآن يقعد فيه .. ألآ أن كآنه بريصي ههههه!!
.. توعدتهآ بتول المنحرجه بنظرآتهآ .. ورد عنهآ صقر ..
.. معجبتس كبرتس ذلحين يآلنآقه ؟؟ قدس ذلحين فيل مهب نآقه ؟؟
.. ناظرت بتول بخبث و وجهت حكيهآ لصقر .. يآيممه عآان عآان حرمتك .. تخزني خز .. بتاكلني بعوينآتهآ ..
.. كسرت نظرتهآ للأرض .. وصقر حذفهآ بعقاله بشويش .. تستاهلين ..
.
.
.. رجع بدر زهقآن وطفشآن .. طآلع سآعته .. أربع .. مآدخل غرفته .. ريح نص سآعه فالصآله .. عقب دخل يصحي منتهى ..
.. فتح آلبآب وكتمت نفسهآ لايدري أنهآ لسا صآحيه واتصيح .. غطت جسمهآ كامل بالملحف .. شغل اللمبه وقرب لهآ بيصحيهآ .. شآف اللحآف يهتز بشويش عر ف أنهآ تبكي .. مآهآنت عليه .. تنهد وقرب لهآ يصحيهآ .. منتهى قووومي تجهزي .. عشآن اوديك دوآمك ..
.. نفضت الفرآش ونطت جالسه قبل لآيتراجع .. كسرهآ النور فعيونهآ .. وابتسمت رغم دموعها اللي مآبعد جفت .. ووجهآ المتورم من آلبكى ..
.. ابتسم غصبآ عنه على شكلهآ .. والنور اللي كسرهآ .. وقفت تبي تعدآه .. وسحبهآ بخصله من شعرهآ .. عنيده ومالك الا علمك ..
.. صرخت بدلع وبحه من كثر مآبكت .. آاااااي شعرري .. وكملت بثقه .. هذا مستقبلي ويهمني ..
.. صلت .. وجهزت شنطه لسعود .. وقهوه وفطور لبدر .. سألته .. سعودي اننزله عن امي ؟؟
.. بدر .. لأ .. بنآخذه معآنآ .. ع الأقل يوسع صدري ليمن تطلعين ..
.. خذو ولدهم .. وركبو سيآرتهم .. أتوكلو على ربهم .. ورددو دعآاااء السفر .....
.. البآارت آلسآابع وآلثمآانون ..
.
.
_ بآارت خآص بالبدر _
.
.
.. بدر .. آخذ له قهوه تركيه ثقيله عشآن تصحصح فيه .. آلتفت لمنتهى .. ترآ بنآام أذآ مآسولفتي علي .. حدي تعبآن و نعسآان .. وآلآ أقولك صحي سعودي خل يسوي لنآ جوو ..
.. منتهى .. لآ بدر صحح تكفى .. آنآ دآايخه مرره .. وآخآف آنآم أنآ بعد !!
.. شغل الرآديو .. وزآد ع آلصووت .. مسك الدركسون بيد .. وبالثآنيه قرص سعود في خدوده وخشمه عشآن يصحى ..
.. سعودي شغل آلسفتيآات وصرآااخ من قلب .. عصبت منتهى ..
.. يآشينك بدر .. ليييييش !! .. زين كذآ عورته .. وبكيته .. وصحيته !!
.. بدر .. هههههههه ولدك دلوووع .. آلخآايس يبكي عشآن قرصه !!
.. وقفته منتهى بعد مايأست أنه يسكت .. عشآن تشغله بأي شي عن آلبكآ .. كش بوجهه .. وسكر عنونه الصغنونه من سطع نور الشمس بوجهه .. وسكت فجأه ..
.. بدر آللي كآنت عين عليه .. وعين على آلطريق .. فقعهآ ضحكه على شكل ولده .. ههههههه هآاتيه هآاتيه ولد أمه ..
.. منتهى .. لآ.. بدر صعبه وانت تسوق .. لو يصآدفك شي بالطريق مآقدرت تصرف وأهو معك .. شوف الطريق اصلآ زحمه نقوول طالبآات ومعلمآات ..
.. بدر .. هآاتيه شويه .. وبرجعه .. مسكه بيد وحطه بحضنه .. وكل شوي يسرق منه بووسه ..
.. منتهى بعد مآشآفت تريله محمله بسيآارت تحآول تجآوز السيآرت بجنوون .. خذت سعود من حضن أبووه غصب .. بدر ركز في سوآاقتك ..
.
.
.. ام بدر .. قرب لهآ ابو بدر و هو يهمس يبي يقومهآ للصلآه .. شهقت بقووه وفزت قاعده بسررعه ..
.. ابو بدر .. بسم آلله عليك .. وش فيك !! حآلمه !!
.. ام بدر .. حطت يدهآا على قلبهآ .. ونفثت عن يسآرهآا .. وتعوذت من آلشيطآان .. وقفت تطمن على فآادي وبتآال وبدور وروز .. بس بآقي بتول والجوهره ومحمد وبدر .. كيف تطمن عليهم وهم في بيوتهم .. مآدودهآ تقلقهم وتزعجهم في ذآ الوقت .. آلله يصبرهآ لين الساعه 7 عشآان تكلمهم وتطمن عليهم .. صلت .. ودعت ربهآا يحفظهم من كل سوء .. حلمهآ يروووع ..
.
.
.. وصلو مدرستهآا السآعه سبع ونصف .. مدت له سعوود .. و وصته .. أذا بكآ هذي ننته .. والبامبرز غيرته .. و هذي اللهآايه .. آهوو دآيخ ترآ بينآام على طول .. انت بعد .. نآام وريح .. يبي لي أقل شي ساعتين ثلآث هذآ أذا تسآهلت معي آلمديره .. ولآتبعد السيآاره .. عشآن لمن اطلع ألقآاك .. وأفطر قبل مآتنآام .. عندك بالسله سآندويتشآات ..
.. بدر .. ههههه طيب مآمآا .. بس فطور بنتظرك لحد مآتطلعين ونفطرر سوآ .. شفتي الشجره هذي .. بلبق سيآارتي عندهآ وأذا طلعتي صحيني .. ولآتنسين خوذي تحويل للمستشفى لاتنسين .. والا خليهآ تعطيك هاليومين اجازه اظطرآري..
.. نزلت بعد مآبوست سعوودي .. عدلت عبآايتهآ .. هذآ أذا وافقت ..
.. بعد سآاعه ونصف .. وبعد مآخذت منتهى جدولهآ .. وموآدهآ اللي بتعطيهآ .. 20 حصه !! آوووف تعب وضغط ..
.. خذت اليومين الجآيه اضطرآري .. ونفسيتهآ زفت .. وشآيله هم الأيآم بعد كذآ ..
.. طلعت وشآافت منظرر جننهآا .. !!
.. بدر نآايم .. وسعودي فووق بطنه .. وسعودي مدخل اصبعه الصغنون في فمه و يمصه ..
.. ابتسمت .. ومسكت ضحكتهآا لآيصحون .. طلعت جوآلهآ وتشك .. تشك .. خذت لهم كذآ صورره .. ركبت قدام بهدوء .. ومآكآنت نآويه تصحيه ألابعد سآاعه أو أكثر لحد مآيشبع بدر من النووم .. يكسر الخآاطر و هو نآايم ومستغرق بنومته .. جلست عشر دقآايق .. بعدهآ بدآ سعوود يتحرك بشويش ويطلع شوية صوت .. مدت يدهآ له بتآاخذه .. بس فجعهآ بدر لمن فز بسرعه وحآاوط سعودي بيديه .. كآن خآيف آنه يطيح تحت ..
.. ابتسم لهآ وأهو يطآلعهآ بعين وحده .. طلعتي ؟؟
.. كم السآعه ؟؟
.. منتهى .. لسآ بدري السآعه 9 وثلث .. نآام لك شوي ..
.. مد لهآ سعود .. و نزل عشآن يركب قدآام .. حررك سيآارته .. بنبعد شوي عن الديره و نوقف نفطرر .. وأذآ مآقدرت اسوق بنآام شوي .. أحس جسمي مخدرر ..
.. على بعد 5 كيلو من المدرسه .. نزلو وأفطرو .. تمدد بدر وريح ظهره شوي .. طآلع منتهى اللي ترضع سعود .. خلصتي نمشي ؟؟
.. حآولت تسحب صدرهآ من فم سعودي .. عشآن اتقووم .. بس هو آشطن منهم .. تمسك فيه وأهو يسكر عليه بين فكيه بقوه .. صرخت منتهى وضربته بشوويش في يده .. آآآي يآلدووب ..
.. ضحك بدر بعد مآفهم آلسآلفه .. هههههه تستآهلين .. آجل تقومين الشيخ سعود بن بدر وهو مآبعد شبع .. رجع يتمدد .. خليه على رآحته لين يشبع ..
.. السآعه 10 ونصف .. ركبو سيآرتهم .. وتوكلو على الله .. ارتآح شوي .. وصحصح .. قرر في نفسه أن هذآ آخر يوم تروح فيه منتهى لهآلمدرسه .. لو يجبرهآ .. تزعل يوم يومين وترضى .. بس أهم شي مآتعرض حيآتهآ للخطرر ..
.
.
.. طلعوو من القويعيه و نسى يعبي بنزين .. مو مشكله .. أو محطة بنزين أتواجهه بيوقف عندهآ .. يعبي .. ومنتهى تبي دورة الميآه .. و يصلون الظهرر .. و يآخذون بآررد ويتوكلون ..
.. قررب من محطه .. بس هآله منظر العآالم حولهآ .. هدآ بيشوف آلسآلفه ومآ احتآاج يفهم اكثرر ..
.
.
.. صهريج نآقل للبنزين .. محمل بأكثر من 35 آلف لتر من البنزين .. أثنآء تعبئته للخزآن الأرضي للمحطه .. اشتعلت الموصلات للخزآن >> < الليآت >>
.. باسباب مجهوله .. منهم من قال .. بفعل اعقاب سجآئر .. ومنهم من قال بفعل الضوء المسلط من جوال صاحب الصهريج .. جوال الكشآف .. ومنهم .. ومنهم .. كثرت الأقاويل .. تعددت الأسبآاب والموت وآاحد .. ستفجر الناقله في دقائق ورآح تدمر مآحولهآ ..
.. بالقرب من الناقله .. سيآره ثانيه .. فيهآ شآيب مقعد .. فر السآئق بنفسه وتركه في السيآره لاحول ولآقوة له ألا بآلله .. لسآنه يردد الشهآاده وهو رافع اصبعه .. فحتفه لامحآل له عنه ..
.. وبالقرب .. رجل اربعيني .. نزل اطفآله الأربعه وافترقو في التموينآت وانشغلوو بالحلويآت عن مصير ينتظرهم .. الأب جثى على ركبتيه بعجز .. بعد أن يأس من تجميعهم في ثوآان .. وزوجته في السيآره مقآبل لمكنة البانزين !!
.. وآخر عريس جبآان .. هرب بسيآرته منقذآ لنفسه تآرك ورآه عروسه في مصلى النسآء منشغله بصلآتهآ جآهله بمآيدور حولهآ من خطرر .. وفرار عريسهآا .. !!
.. سائق شآحنه هده التعب .. وبلغ به النوم والاجهآد كل مبلغ .. فنآم آمنآ مطمئنآ تحت شآحنه .. لآيعلم مآتخبيه الأقدآر له .. !!
.. شآب يآفع .. وحيد امه وأبوه .. انجبووه على كبر بعد أن أشتعل الرأس شيبآا .. يدور عن سرير رحلآت مريح لوالديه في هذه المحطه .. عند تخييمهم في البرر ..
.. و هذآ بنقآلي .. جمع تعب وشقآ عمره طوآل ست سنوآت من الغربه وهجر الأهل .. ليكمل دراسه ابنآءه .. و يزوجهم .. وكل هذآ سيذهب أدراج الريآاح بعد أن حفر لمآله حفره بالقرب من مقر هذه المحطه .. كطريقه بدآئيه يحفظ بهآ عديل روحه .. المال .. !!
.. تعددت احوال النآس .. واوضآعهم .. لكن المصير واحد ..
.
.. دقآئق أو أقل هي فرصتهم للنجآاه .. بعد أن فر صآحب الشآحنه وانطلق مبتعد عنهآا .. بعد ما تأكد من ان انفجآرهآا قريب ..
.
.
.. منظرر مهيب .. وكأنه صوره مصغر للمحشر .. الكل يهيم على وجهه لينفذ بجلده .. وترك ورآه مآترك .. لا أغلى ولا اعز من النفس ..
.. لف بدر بسيآرته على الجانب الثاني من الطريق .. واستعد ينزل .. حاكا منتهى بنبرة صوت اعلى من صوووته المعتآاد ..
.. منتهى وصيتي لك سعووود .. حفظيه القرآن خليه شفيع لي ..
.. منتهى امنتك ربك .. تزوجي بعدي لاتقعدين .. قالهآ وهو ينزل و يربط اسفل ثوبه حوول خصره .. ثنى جسمه دآخل السيآره وبآس سعود .. سحب غطا منتهى وبآسهآ بشفآيفهآ .. نطق بحنآان .. [ آستودعكم آلله آلذي لآتضيع ودآئعه .. بحفظ الرحمن ]..
.. اخيرا استوعبت منتهى قصده .. تمسكت بطرف كمه .. بدر طلبتك لاتروح .. مالنآ غيرررك ..
.. نفض يده بسرعه منهآ و هو يكرر .. استودعكم الله اللذي لآتضيع ودآئعه..
.. انطلق بكل شجآعه ومروءه ورجوله .. كالسهم مخترق الجموع المتفرجه ومنتظره سآعة الانفجآر .. و وصول الدفاع المدني لأطفآء الجثث المتفحمه والخسآئر آلفآدحه ..
.. انطلق للنآقله المفتوح بآبهآ و لسآنه لآيفتر عن ذكر الشهآده .. ركب وحركهآ بعد مآدآس أقصى سرزرعه لطبلونهآ متجه بهآ بعيد عن المحطه..
.. منتهى لسآنهآ انربط على دعوتين وهي تضم ولدهآ لصدرهآ .. [ أمن يجيب ا لمضطر آذا دعآه .. أمن يجيب المضطر أذآ دعآاه ..... ]
.. [ ربي أحفظه لنآ .. ربي احفظه لنآ ] ..
.. وبعد مآصم الانفجآار آذآنهآ .. صآرت تدعي بصرآخ هستيري ..
[ آللهم آني لآ اسألك رد القضآء ولكن اسألك اللطف فيه .. ربي ثبتي .. ربي اجرني في مصيبتي ..... ]
.. لكل أجل كتآب .. فأذا حآن الأجل لانستطيع أن نقدمه أو نؤخره .. ولو عن أقرب قريب .. وأحب حبيب ..
.. لندرك أن مآ اصابنآ لم يكن ليخطئنآ .. ومآ اخطأنآ لم يكن ليصيبنآ .. ،، وأن لآ مرد لقضآءه أذا حل ،، جفت الاقلام عمآ قدر له ،، فالصبر الصبر ،، هنيئآ لأهل المصآئب .. صبرهم وثبآتهم عند الصدمة الأولى .. فالاجر والثوآب لمن صبر ورضي .. فمن سخط فله السخط ومن رضي فله الرضآ .. فأحوآلنآ أذا تأملنا مصيبتنآ أهون من غيرنآ .. أن مآات الحبيب .. فكم من مريض يتجرع الموت فاليوم عشرآت المرآت ويحمد ربه ويشكره .. و هنآك والدين آشقآهم احد ابنآئهم فتمنو لو يباغته الموت فجأه .. و هنآك من يأس من حيآته و يحآول الانتحآر مرآت فلآ يفلح لأنه اعرض عن ذكر ربه .. ومن يعرض عن ذكر ربه فأن له معيشة ضنكآا .. والمؤمن امره كله خير .. فصبره عند الفآجعه .. يكتب له عند الله أو من الصآبرين ..
.. الجموع هللو .. وكبروو .. ودعو له بالرحمه والمغفرره ..
.. فالله تعالى انزل المصيبه .. وانزل العزآء قبلهآ .. فمآ اعظم لطفه ورحمته بعبآاده .. سبحآانه ..
.. نحزن .. و نبكي .. لكن لآ نقول ألا مآيرضي الله .. فلآ نتسخط على حكمه وتقديره وقضآاءه ..
.. ولكن [ لاحول ولا قوة الا بالله .. اللهم اجرنآ في مصيبتنآ وأخلف لنآ خيرآ منهآ ] ..
.
.
.. انتهى آلبآارت ..
.. اعتذر بشده عن من ادميت قلبه .. أو سكبت له عبره .. فهذا موقف شديد على قلبي .. لأنه ارآق دمعي .. واعآد فتح جرحي في فقد اغلى من سكن قلبي [ وآلدتي ] .. فلا تنسوهآ من صآلح دعآئكم .. لاحرمت اجآبته ولا حرمتم اجره .. ولآ أرآكم آلله مكروه في حبيب ..
آلبآارت آلثآامن وآلثمآنوون .. ؛ ، ؛ وآلأخيرررر ؛ ، ؛
.
.. على بعد أمتآار من آلشآاحنه .. لآزآل اصبعه مرفوع للشهآاده .. وجهه متمرغ بآلترآاب .. وشعره أشعث من آلغبآار .. جبينهآ ندي بآلعررق .. احيآ بفضل من آلله ثم بشجآعته انفس .. ومن أحيآ نفسآ فكأنمآ احيآ النآاس جميعآا ..
.. فتح عيونه بهدووء .. وعجز يرفع جسده .. ابتسم أنه لازآل على قيد الحيآاه .. مآيتذكر شي آلآ اللحظآات آللي قفز من آلشآاحنه انطلق يجري بعدهآ انبطح وزحف بأقصى قدره له .. غطى رآسه لمن سمع صوت الانفجآار .. اغمى عليه .. ومآحس بشي آلآ لمن وآحد من رجآل الاطفآاء عثر بالصدفه عليه .. سحبوه معهم هو وزميله .. وبقية الفرقه بدت بالاطفآء وأخمآد الحريق ..
.. ترآكضو له الجمهور آللي وآقف وكآن يترحم عليه .. آلله أكبررر .. آلله أكبررر .. آلله أكبررر .. تهآاني وتبريكآت بسلآمته .. اللي ضمه .. واللي قبل رآسه .. وآللي صوره بجوآله .. وآللي بكى من شآ ف اللي أنقذ روحه وأهله .. وعبآرآت شكر وثنآاء ومديح انصبت بأذنه .. يآااابطل .. يآاشجآااع .. يآلذيب .. يآاابضآاي .. ياااا ... يآااا... يآااا..
.. بعدهم الرقيب عنه .. أتركوه .. ابعدو عنه .. تعبآن وخرو عنه ..
.. آتجهو به نآحية سيآارة الاسعآاف .. كآن منهك جدآا .. واثنين صآلبين طوله .. سألهم بصوت مبحوح .. و ين تآخذوني ؟؟
.. جآوبه الرقيب .. بنآخذك للمستشفى .. نتطمن عليك .. ثوبك مخرق من ورآ .. أكيد جآيك شرآر أقل شي .. بس انت ماتحس به ذلحين من التعب اللي فيك ..
.. هز رآسه بر فض .. ووقف مكآنه .. كله تفكيره باللي تركهآ ورآه .. يبي يطمنهآ عليه .. نودوني سيآارتي .. قريب .. في الشآرع المقآبل ..
ا
.
.. حآول فيه الرقيب .. بس أصر على موقفه .. ودوه سيآرته .. وأشر لهم يشكرهم وعشآن ينصرفون ..
.. منتهى .. مو مصدقه .. مو مصدقه .. مع ان الحآدثه مآ استغرقت أكثر من ربع سآعه أو أقل .. لكن كآنت عليهآ دهرر .. مآنطقت بحرف وهي تشوفه يفك يديه منهم .. و يتجه لبآبهآ بتعب وآضح .. فتح بآابهآ .. وجلس بالارض مقابل لهآ .. مسك يديهآ البآاارده .. وبآسهآا .. منتهآاي .. هذآ أنآ قدآمك .. سآلم مآفيني آلآ العآافيه ..
.. مآردت .. صآررت تنتفض .. ودموعهآ تصب .. وشهقآتهآ وونآات بتشق صدرهآا .. حس آنهآ مو مستوعبه .. ولآ مصدقه ..
.. وقف بتعب و هو يتمسك بالبآاب .. اخذ سعودي منهآ وحطه ورآ .. رجع لهآ .. سحبهآ من آلسيآاره وضمهآ لصدره بقوووه .. هنآ انفجررت تبكي بصوت عآالي .. مآمنعهآا .. ولآ نهآهآ .. تركهآ تطلع المكبوت بصدرهآ .. وضمهآ له أكثرر .. بعد مآااهدت دخلهآ السيآاره .. واخذ جوالهآ يتصل باخوه يجيه .. اتجه لمرتبة السآيق ورمى نفسه على الدركسون بتعب .. دقايق وألآ واحد يدق شبآك سيآرته .. رفع رآاسه .. وعقد حوآجبه .. أشيبي هذآ ؟؟ .. و نزل يكلمه ..
.. الرجآال .. جزآك الله خير .. انآ صآحب المحطه .. فلان بن فلان .. وانت من اولده ؟؟
.. بدر .. انا بدر بن سعود البدر ..
.. الرجآال .. و نعم وآلله .. وآلله أنك قررم ورجآل من ظهر رجآال .. انت انقذت خلق الله .. وجنبتني خسآير مآتقل عن ميتين ألف .. وعطني رقم جوآلك .. حقك بيوصل لك ..
.. بدر .. مشكور .. بس ماله لزوم .. انآ ماسويته عشآن عطآ والا مديح .. سويته لوجه الله .. وعشآن هالمسآكين اللي مالهم حول ولاقوه .. وأكيد أي أحد يطري في بآله أنه يحرك الشاحنه .. أكيد مهوب متأخرر ..
.. الرجآل .. يآقل الرجآل الذيآبه مثلك وشروآك .. وخذ رقم جوآله بعد ما أصرر على بدر ..
.
.
.. فز فآدي واستأذن من شغله .. توجه لسيآرته وما احتآج احد يوصف له المكآن لأنه على الطريق السريع .. نزل من سيآرته بعجل .. وتركهآ شغآله ومفتآحهآ فيهآ .. وطيرآن فتح باب سيآرت اخوه يتطمن عليه ..
.. وفيه من مآيخآف ربه .. يستغل الموآقف والاحدآث لو كآن من اموآت .. شآب مراهق وجد السرقه اسهل الطرق للحصول على المآل .. ركب سيآرة فآدي وانحآش فيهآا .. مآسمع فآدي غير قوة صرير الكفر .. رد بكلمه وحده بعد ماتطمن على اخوه ( آلله يلعنننه ) ..
.
.
.. مر أهله وسلم عليهم عشآن يطمنهم .. ومآحد يفجعهم بالخبرر .. وأمه طبعآ أنهآرت تبكي .. وبوسته بكل مكآن و هي تطمن بنفسهآ عليه ..
نزلو منتهى عند أهلهآ .. ونزل يسلم على أمهآ و يوصيهآا على منتهى .. همس بأذن خآلته ..
.. خاله الله يعآفيك انتبهي لهآ .. ترآهآ مرتاعه .. اقري عليهآ وألا شربوهآ شي .. زمزم والا حاجه .. وأنا بمر عليهآ أذا طلعت من المستشفى ..
.. هنته بالسلآمه و هي تمسح دموعهآ .. وتضم بنتهآ تدخلهآ .. وسعود نآوله فآدي للشغآله تدخله ..
.. سنوآات و سنوآات ..
.. مرت سريعة على ابطآلنآ .. احدآث وتغيرآت طرأت في حيآاة كل منهم ..
.. ماجد و وضحى ..
.. سكن مهيه مع أمه .. وبعد أن صآرت هي وأمه نآار و غآاز هوشآت يوميه طلقهآ .. وعآش حيآته بسعآده مع وضحى ببيت مستقل عن امه .. انجب بعد الاربع بنآات اربعة اولآد وبنت ..
.. ام صقر ..
بعد القوه والتجبر والبطر .. خآرت قوآهآ .. وانهد حيلهآ .. وضعفت صحتهآ وانشغلت بنفسهآ .. خآصه بعد وفآة زوجها ابو صقر و ولدهآ علوي بحآدث مروري !!
سآلم و جوزآ وغدير ..
.. عآنت جوزآ مع غدير نكسآتهآ النفسيه .. انجبت له ثلاث اولآد وبنتين .. لتلاقي حتفهآ اثنآء ولادتهآ لابنتهآ آلثالثه .. فاصبحت جوزا أم لهم بدون حمل ولآ ولآده ..
حمد وبدور ..
.. حيآه سعيده .. لاتخلو من بهآرات الحيآه .. بدور .. توقع نفسهآ في موآقف طريفه تجعل حمد يتغآضى عن اخطآئهآ برحآبة صدر ..
.. فادي و خلود ..
.. تحقق حلمه .. واجتمع مع خلود تحت سقف واحد .. انجبو اربع بنآت وثلآث اولآد .. لاتزآل عنيده .. ولا يزال يروضهآ ولآ اخر دقيقه في عمره ..
.. عقآب و نوف ..
.. اصبح أبو نآيف .. انجب تسعه من الأولآد .. وأربع من البنآات .. ولآزآل متحكم مسيطر على نوف .. اللي رضخت له بكل حب ..
.. صقر و بتول ..
.. لازآلت دلوعته بالرغم من تقدمهآ بالعمر .. ودموعهآ القريبه اصبحت مثآر النكت بين أولادهآ وأبوهم .. انجبت عشره مابين اولاد وبنآت ..
جآبر و موضي ..
.. انجبت بنتين و ولد .. وتوقفت بعدهآ بعد استأصآل الرحم لهآ بعد أن اصيبت بنفس الحادث الذي توفي على اثره ابوهآ واخوهآ ..
.. ليتزوج جآبر بأخرى .. وعذره .. القلب دكآن وكلن له مكآن !! .. فيتزوج بفتاه عشرينيه بعد أن جاوزت موضي الأربعين .. ليعيش مع زوجته الجديده كمرآهق وقع لتوه في وحل الغزل والحب !!
!.. و ينسآ أيآم خوآلي قضآهآ مع موضي واولآدهآ .. !!
.. امل واحمد ..
.. طلقهآ ابو ضآوي بعد سنه دون ان يمسهآ كمآ وعد .. وستر عليهآ .. لتتزوج مره ثانيه .. برجل ارمل .. قاست وذاقت الأمرين من أولاده الذين رفضو وجودهآ كأم بديله لأمهم .. وابوهم المتساهل معهم ..
.. احمد .. بعد وأده لأبن الحرام .. اصبح يتخبط مآبين المصحآت النفسيه والسفريآات .. دون فآئده تذكر حتى وجد رفقه طيبه انارت له طريقه .. لتمسك بيده وترشده طريق الحق .. فيسعد ويلتزم .. ولكن جآوز الستين ولم يتزوج ولم يكن له ذريه ..
.. نوره ..
.. لم تنسآ تهديد أبيهآ لهآ أن رأهآ هي أو طفلهآ في طريقه .. فالقتل مصيرهم ..
في ظهيرة احد أيام الصيف .. كانت تصلي .. وامها وضعت الأكل و نسيت البآب مفتوح .. فيخرج طفلهآ يحبو تلسعه حرارة الشمس في ارضية الحوش الحآره .. فيرفع يدآ و ينزل الأخرى .. يفتح الأب الباب عآئدآ من صلآة الظهر .. لتقطع نوره صلاتهآ خشية أن يفعل ابيهآ ماهددهآ بهآ .. فتصررح عندما وجدت ابنهآ تشبث بقدمي والدهآ ليحتمي به من حرآرة الشمس ..
.. فينحني ابيهآ بحنآن الأب ليتلقفه و يحمله بعد ماتفطر قلبه رحمة لهذا الصغير .. ويضم ابنته .. فيفرج لهآ سجنبهآ لتعيش معه .. و يكبر الصغير ليلتحق بأبيه رغمآ عنه .. و تتزوج نوره كأخواتهآ من رجل كهل .. انجبت منه مآشآء الله لهآ أن تنجب ..
.. منى و فهد ..
.. انجبت ابنتها في السآبع .. بعد عنآء السفر .. واكملت دراستهآ .. بعد مساندة ابو عزوز لهآ ..
.. بتال .. بالرغم من فارق السن الكبير بينه وبين سوزي ابنة عمه .. الا انه اصر على الزواج بهآ والسفر للتخصص .. فهو نسخه مصغره من اخيه بدر ..
.. روز .. رفضت من تقدم لهآ من ابنآء عمهآ .. لتحلق في سمآء عآئلة اخرى ..
.. وآخير بطلنآ البدر ..
.. بشيك مصدق من صآحب المحطه .. 50 الف وضعت في حسآبه .. ومكافأه له من اشخآص عده ممن كآنت حيآتهم رهن شجآعته .. من ضمن هذه الهدآيآ .. فتيآت بعمر الزهور .. اعتذر عن قبولهآ بلبآقه .. ليشتعل قلب منتهآاه غيره وحبآ له ..
.. نقل منتهآه آتآه على طبق من ذهب من بعد حآدثه المحطه ..
.
.. حقق طموحه بتخرج سعود حآفظآ لكتآب الله .. فيسآفر ليتخصص الطب .. وسط اعتراضآت امه .. وتشجيع أبيه .. اخوته خطآ بهم وآلدهم كنهجه في تربية سعود .. انجب 6 من الاولاد و5 من البنآات ..
.. بعد التقآعد اجبر منتهآه على تقاعد مبكر .. لترافقه اينما حل .. في حله وترحآله ..
.. بدر ومافعله بمنتهى قبل الزوآج .. نعم حررريه .. لكن .. مقيده ..
.. منى وفهد .. حريه مطلقه لاختلاط فتاه بشاب .. قيدتهآ الخطيئه رغمآ عنهآ ..
.. عقآب و نوف .. اختيآر شريك العمر .. حريه لكن مقيده تحت وطأة التحيير لابن العم !!
.. نوره و عبدالله .. زواج خضيري بقبيليه .. أو العكس .. ليست مقيده فقط انمآ مغلوله ..
.. صقر و بتول .. بدوي و حضريه .. او العكس .. فالسآبق حريه مقيده .. آمآ الآن استطآع البعض الفكآك من هذآ القيد والأنطلآق بحريه ..
.. سالم و غدير .. قيدت يدآه بآمآنه اجبر على قبولهآ .. ولم تتآاح له الحريه فالرفض أو القبول ..
.. ولآ زآلت هنآك حريآات لنآ .. عآدآت واعرآف و معتقدآت .. قيدنآ انفسنآ بهآ .. ولم ينزل الله بهآ من سلطآن .. تسآؤلآت في نفسي .. ابحث لهاآ عن اجآبه فهل من مجيب ::
.. لم لآنحطم هذه القيود .. و نحن من طوقنآ بهآ ايدينآ .. مآدامت لآتمت للدين والشرف و العرض بسوء ..
.. لم لآنعتق رقآبنآ من رق هذه آلعآادات والمعتقدآت البآليه .. لنحلق بحررريه ..
.. لم نرضخ للشلليه .. والتفرقه العنصريه .. والعصبيه القبليه .. فمصيرنآ واحد .. الموت .. فالترآب .. فيأكلنآ دود الأرض .. لقيام السآعه فنحآسب و نجآزي بحسب اعمآلنا وليس اجنآسنآ و الوآننآ ..
.. فهل من اصوآات تنظم لصوتي .. لنصرخ بهآ عآليآ .. عل وعسى أن يأتي فررج يحطم هذه القيود .. رددو معي ..
[ اعطني حررريتي اطلق يديآا .. ]
.. همسآات ..
.
.
.. اعتذر لمن اخطأت بحقه من حضر أو بدو .. أو خضيري .. أو أي شخص كآن .. بدون قصد ..
.. سعدت بتوآجدي معكم في هذآ الصرح العآلي .. من حضر و بدو وخضآير .. وغيرهم ..
.. يعز علي فراقكم .. فقد استأنست بلقايكم .. والسمر معكم .. ايآم و ليآل .. وأشهر .. فرحنآ سويه .. حزنا سويه .. عزآئي هو لقاؤكم مرة اخرى .. ولو كتب لي حيآة وكتت روايه ثالثه فالبتأكيد سأهديهآ حصريآ لهذا المنتدى كشكر وعرفآن لمآ لآقيته هنا من تررحيب . . و مشرفآت ذللو أي صعوبآت .. واعضآء كأسره طيبه لك .. فمن اعمآق قلبي .. آقووول ..
_ ودآآآآآآآآآآعآ .. وشكرآآآآآآآآ لكم _
[ محبتكم / ام وسن.. ]
.
.
[ لآ آله آلآ آنت سبحآنك أني كنت من آلظآلمين ]
تجميعي
جنوووووو
اللهم لك الحمد حتى ترضى وإذا رضيت وبعد الرضى ,,, اضف تعليقك