بداية

رواية الجو بارد وابي حبك يدفيني -8

رواية الجو بارد وابي حبك يدفيني - غرام

رواية الجو بارد وابي حبك يدفيني -8

ببيت ام نواف
محمد توه رجع البيت ورايح عالم ثاني مو قادر يصلب طوله
دخل ومشي
نواف:محمد
محمد وقف:نعم
نواف:من وين جاي
محمد:شدخلك انا مو بزر تسألني وين رايح من وين جاي
نواف شده من ثوبه:محمد انا لسألت تجاوب
محمد دز نواف:روح زين وصعد على الدرج ويتارجح
نواف حسه مو طبيعي وقرر يكلمه الصباح
طلع غرفته انسدح جنب نور
حضنها وباس راسها وهي نايمه ونام
.
حنين جالسه تفكر
وتخطط كيف تخرب بيت طارق
وتخلى العنود تتركه
وقررت تضبط علاقتها مع العنود عشان تدخل لبيتهم
<<<<<<<
بالكويت
فجر سهرانه وتذاكر
لاختبار بكرا
ووليد يشرح لها الاشياء اللي مو فاهمتها
فجر رمت الكتاب وانسدحت:دخت ابي انام
وليد:طيب نامي ساعه ساعتين وانا بصحيك
فجر وهي تسكر عيونها:طيب
وليد قرب لها وجلس يطالعها ومن حسها نامت
لمس شعرها وجلس يتأملها
"آآه يافجر دنيتي بدونك ولاشي"
وجلس يناظرها ساعتين بدون مايحس بالوقت
ناظر بالساعه
وابتسم كيف مرت ساعتين وماحس قرب لفجر:حياتي
فجر:........
وليد:فجر
فجر فتحت عيونها:ها
وليد:يالله قومي راجعي
فجر جلست وتمغطت وراحت غسلت وجهها
ومسحته
ورجعت جلست ومسكت كتابها وجلست تراجع :وليد
وليد:عيونه
فجر ابتسمت بخجل:وليد ترا اذا دلعتني زياده مابدرس عدل
وليد:هههههه طيب
فجر رجعت تذاكر ووليد يناظرها
وظلت فجر تذاكر لصبح
سكرت كتابها وشافت وليد نام
ابتسمت على شكلها اللي عجبها
وراحت اخذت دش ولبست وجهزت
وراحت تجلس وليد:وليد
فز وليد على طول:هلا
فجر جلست تضحك:بنروح المدرسه يالله
وليد:يالله غسل وجهه ولبس نظارتها وطلعو
وصلها المدرسه
وراح البحر وجلس يفكر بامه ومشاعل
ماحس بنفسه الا وهو وقف عند بيتهم
نزل ويحس بشوق لامه
دخل وشاف امه جالسه
وليد بفرح:يمه
ام وليد وقفت:وليد
وليد حضن امه:وحشتيني يمه
ام وليد حضنته:وينك عن امك ياوليد وينك
وليد:انا هنا يايمه
مشاعل دخلت عندهم من شافت وليد كشرت:انت جيت
وليد وقف:مشاعل اشتقت لك
مشاعل:تشتاق لك العافيه
وناظرت بامها:هذا ليش جاي
وليد استغرب
ام وليد:مشاعل
مشاعل:ايه بس حيلك على مشاعل ووليد بالاحضان وهو تركنا ولحق فجر
ام وليد تذكرت فجر وحست بكره كبير:اطلع برا
وليد التفت لامه:شفيك يمه
ام وليد:اطلع برا راح لفجر خل تنفعك
وليد ناظر مشاعل بتوعد وطلع
وانكتم وراح عند مدرسه فجر وظل ينتظرها ثلاث ساعات
ومن طلعت فجر وركبت حرك بسرعه وليد
وقف عند البحر وحضنها
فجر منصدمه حسته فيه شي
وليد بهمس:فجر انا محتاجك كثير
فجر حضنته وتمسح على شعره:طلع اللي بقلبك ياقلب فجر لاتكتم
وليد:انتي بس حضنيني ونسيني الدنيا وانا بحضنك
فجر حضنت بقوة
<<<<<<
ببيت ابو احمد
رنيم جلست من النوم
وقامت اخذت دش ولبست فستان ابيض قصير وربطت شعرها
طلعت كتابها الجغرافيا
وطلعت الحديقه وجلست تذاكر
طلعت اشواق وجلست جنبها
ومعاها كتابها الاحياء
اشواق:رنيم
رنيم :هلا
اشواق:اممم اقدر اعرف ليش امس كنتي تبكين
رنيم:اشواق انسي
اشواق:انسي وانتي امس كنتي تبكين بقوة
رنيم:تكفين ابي انسي امس انا ابي اذاكر وبس
اشواق:طيب ياروحي
رنيم ابتسمت ورجعت تذاكر
تركي وهو طالع:وش هالجلسه الحلوه
رنيم:حلوه بجيتك ياقلبي
استغرب تركي ان رنيم تكلمه بذوق قرب لها وحط ايده على راسها:انتي مسخنه شي
رنيم:هههه ضف فيسك بس
تركي:ايه هذي رنيم اللي اعرفها مو اللي تو
اشواق:تحب ملسنها انت
تركي:فديتها هي شمعه البيت
رنيم:تسلم ياروحي
دق جوال تركي
وشاف الاسم ابتسم ورد وهو يمشي:هلا وغلا
غرور:هلا فيك
تركي:تصدقين اشتقت لك
غرور:هههه بسوي نفسي صدقت
تركي:هههه طيب اخبارك حبي
غرور:بخير بس بدون حبي
تركي:ههه طيب
غرور:انت اخبارك؟
تركي:تساليني عن اخباري دامي سمعت هالصوت انا بالف خير
غرور:دوم تركي
تركي:عيونه
غرور :ابيك تمسح رقمي
تركي:افا ليش
غرور:مافي سبب بس ابيك تمسحه وتنساه
تركي:براحتك مع السلامه
وقفل وهو مقهور مايدري ليش هي من بد البنات كلهم جذبته ولكلمها يحس بدقات قلبه اللي تنبض ويحس بسعاده مشي وهو متضايق وجته رساله فتحها وشافها من غرور"تركي لاتزعل تكفي ولاتضايق نفسك اعتبر نفسك ماعرفت وحده اسمها غرور سامحني باي"
قفل جواله تركي وركب سيارته وحرك
ديانا نزلت عند خواتها
وكملت جلستهم بالحديقه وكل وحده ماسكه كتابها وتذاكر
<<<<<<
ببيت ابو ناصر
امجاد جالسه بغرفتها تذاكر
وهيام جالسه تطقطق بالنت
دخلت منتدي وسجلت اسمها"نبع الغلا" وجلست تشارك
ورحبو الاعضاء فيها
وجاتها رساله فتحتها كانت من صاحب المنتدي"جريح الايام"
فتحتها شافتها ترحيب
مسحتها وكملت مشاركه
وفتحت مسنجرها
لقت جايتها اضافه
رفضتها وقفلت المسنجر والجهاز كله وطلعت عند امها وابوها
ضاري نايم
فهد طلع يتمشي
<<<<<<<
ببيت ابو نواف
نواف جلس من النوم
شاف نور مو موجوده
قام اخذ دش ونزل شاف نور جالسه تسولف مع امه
باس راس امه وجلس جنب نور وهم باذنها:ليش مالبستي الساري اللي جبته لك
نور:نواف اعقل الساري عاري تبي اجلس فيه عند خالتي
نواف:ايه عادي
نور عطته كوع
ام نواف:شعندكم
نواف:هذي نور يمه اشتريت لها ساري ابيها تلبسه ورافضه
نور حمر وجهها
ام نواف:ذبحتها بهالملابس الهنديه اللي تجيبها
نواف:مالي دخل زوجتي وملكي
نور:خالتي جايب ساري حيل عاري ويبيني البسه
نواف:لا مو عاري
نور:الا
نواف:طيب قومي جيبيه امي تشوفه وتحكم
نور:طيب وقامت جابته
ام نواف ناظرته تنورته فتحتها من تحت لفوق كبيره
والبطن طالع
وسيور من الظهر من دون وشاح
ام نواف ناظرت بنواف:عنبوك شهالبس
نواف:ليش مو حلو
ام نواف:حلو بغرفتكم مو هنا
نواف وقف:صح وانا قصدت بغرفتنا وشال نور
وارسل بوسه لامه وطلع بنور لغرفتهم
ام نواف جلست تضحك عليهم
نزل محمد:السلام
ام نواف بجفاء:وعليكم السلام
محمد:جوعان يمه
ام نواف:المطبخ عندك
محمد:شعندها الحجيه زعلانه علينا
ام نواف وقفت:اسأل نفسك
وصعدت لغرفتها
ماهتم محمد دخل المطبخ وطلع عصير اورنج وجلس يشرب
وطلع رجع لغرفته
.
بغرفه حنين
جالسه تفكر كيف تضبط علاقتها مع العنود
"انا لازم انتقم منه لازم بس شلون مافي الا اني اتصل فيها الحين" ومسكت جوالها واتصلت
.....بجهه ثانيه
كان طارق بالغرفه ويسمع صوت جوال يدق
ناظر تحت السرير شاف جوال العنود طايح شاله
وتردد يروح لها لانها من امس حابسه نفسها بالغرفه وماطلعت
شاف الرقم وناظر فيه وعرف انه رقم حنين رد:الو
حنين قفلت من سمعت صوته
"اوف هذا شيبي راد انا لازم افكر بطريقه ثانيه"
.<<<<<<<<<
بقصر طارق
بعد ماقفلت حنين
جلس يفكر"ياترى شناويه عليه ياحنين وش براسك اخذ مفتاحه وطلع وقرب لغرفه العنود ودق الباب
العنود قامت وفتحته
طارق:العنود
العنود طلعت بروبها ودخلت غرفتهم وطلعت لها بنطلون اسود وبلوزه بيضاء
ولبستهم ورفعت شعرها ولفت قصتها
وتعطرت
وجات بتطلع صدمت بطارق اللي كان بيدخل
ناظرته بكره ومرت من جنبه مسك ايدها طارق:العنود اسمعيني
العنود:فك ايدي
فك ايدها طارق
العنود:طارق الرجوله مو باللي كنت بتسويه امس الرجوله غير لو ماكنت عارف انا اعلمك
وتركته بدون لاتسمع شيقول ونزلت من على الدرج
جلست عند هدى:السلام عليكم خالتى
هدى:وعليكم السلام
دخل طارق:السلام عليكم عمتى
هدى:وعليكم السلام هلا حبيبي
طارق:انا طالع عمتي تامرين بشي
هدى:سلامتك وين بتروح
طارق:بمر على جواهر وعقب بطلع الشركه
هدى:بحفظ الله
طلع طارق
وهدى ناظرت العنود بتكبر:احنا بنسوي لك حفله عقب اسبوع عشان الناس الكبار يسألون عن زوجه طارق
وحابين يشوفونك وابيك تكشخين واذا ماتعرفين بخلي وحده تضبطك
العنود وقفت:خالتي انا مو جاهله وانا حمدالله اعرف اضبط حالي ومو محتاجه احد يضبطني
هدى:ولك لسان يابنت منصور
العنود:لو سمحتي اسمي ابو لاتطريني ولا اسمح لك تقولين حرف على اهلي
وطلعت غرفتها
هدى"قليله حياء بنت منصور نبي نخليها من مستوانا بس ماينفع لها شي هالهيلقيه"
<<<<<<<<
عند طارق وصل بيت جواهر
ودخل عندها
جواهر:هلا وغلا باخوي المعرس اللي ماحضرنا زواجه
طارق ببتسامه:هلا فيك
جواهر:اخبارك ياخوي
طارق:انا بخير انتي اخبارك مع فواز
جواهر:بخير حمدالله اخبار العنود
طارق:بخير
جواهر:طارق لاتظلم العنود
طارق:وليش اظلمها
جواهر:اقصد بغرورك لاتخلي غرورك يخليك تجرحها
طارق:انا الحين صرت مغرور
جواهر:انت مو شوي مغرور الا كثير
طارق:هههههه طيب انا بروح لشركه لاني تاخرت سلمي على فواز
جواهر:انشالله
طارق وقف:يالله سلام
جواهر:سلام
وطلع وركب سيارته وحرك لشركه
<<<<<<<
بالكويت
عند فجر اللي وليد لازال حاضنها
فجر بهمس:حبيبي
وليد ابعد عنها:روح حبيبك
فجر:شفيك
وليد:اشتقت لدفاك
فجر استحت:فديتك
وليد حرك سيارته وراحو شقتهم
نزلو
فجر جات بتدخل نادها وليد:فجر
فجر:هلا
وليد:احبج
فجر نزلت راسها
باس خدها وليد ودخلت فجر شقتها ووليد دخل شقته
وانتهى البارات
توقعاتكم
وليد وفجر؟
طارق والعنود؟
وحنين هل بتخرب عليهم ؟

البارات الحادي عشر

بعد مرور اسبوع
رنيم وامجاد لازالو لايتحدثون مع بعض
حنين حقدها وكرهها للعنود كبر وكرهتها اكثر من عرفت انهم مسوين لها حفله
هيام لاتزال كما هي الا ان دخولها الى النت زاد
تركي له اسبوع متضايق عشان غرور ماعاد كلمته وحس انه لاول مره قلبه يتعلق ببنت من عيونها وصوتها وحس انها غير عن كل البنات
طارق لايزال هو والعنود كما هم كبرياء وعناد ويأتي كل ليله ليفتح الباب ويجده مقفل
وجواهر اخته زادت علاقتها بالعنود وحست ان العنود جوهره وتمنى اخوها مايضيعها منها والسبب كبريائه
ضاري لازالت ديانا تشغل باله ولكن هل سيشغل ضاري بالها في يوم ما؟
فهد كنسل فكره سفرته ويحاول ان ينسى رنيم
فجر انتهت امتحاناتها
وعلاقتها مع وليد لاتزال جميله
ياترى هل ستبقي هكذا؟
مشاعل كل يوم تخرج مع شاب وولكن لاتجعله يلمسها هل ستبقي هكذا ولن يلمسها احد؟
..
ببيت ابو ناصر
ام ناصر:اليوم مسوين حفله ببيت طارق للعنود
ابو ناصر:تتوقعين مرتاحه
ام ناصر:كلمتنا اكثر من مره وكانت تضحك وباين من صوتها انها مرتاحه
ابو ناصر:العنود دايما توضح لنا عكس اللي بقلبها
ام ناصر:لاتشيل همها انشالله انها مرتاحه
ابو ناصر:انشالله

بغرفه فهد
طلع من غرفته وسمع صوت هيام وامجاد
هيام:رنيم بنت عمك ولك اسبوع ماتكلمينها
امجاد:انتي ايش دخلك وحتى لو بنت عمي من جرح فهد كانه جرحني
هيام:امجاد حبيبتي خليك متسامحه
امجاد:انا
واندق الباب
هيام: مين
فهد:انا فهد امجاد تعالي ابيك
امجاد:طيب وناظرت بهيام:توقعين سمع
هيام:مادري
امجاد:الله يستر وطلعت
فهد:تعالي للحديقه
امجاد مشت معاه
وجلسو بالحديقه
فهد:امجاد شالي سمعته
امجاد:شسمعت
فهد:انك زعلانه من رنيم
امجاد:هاه فهد لاتتدخل بيننا
فهد:بس انا سبب هالزعل
امجاد:فهد انت اعز اخواني ومن جرحك جرحني
فهد ابتسم:فديتك بس رنيم ماجرحتني
امجاد:لاتضحك علي يافهد
فهد:انا ماضحك عليك بالعكس اهي قالت الصدق وانها ماتحبني ماينجبر قلب على قلب
امجاد:صح بس
فهد مسك ايدها:اتصلي فيها وحطي سبيكر وكلميها
امجاد:طيب وطلعت جوالها من جيبها واتصلت برنيم
ردت رنيم:الو
امجاد:هلا رنيم
رنيم:هلا
امجاد:اخبارك؟
رنيم:بخير
امجاد:رنومه انا اسفه
رنيم جلست تبكي وفهد عوره قلبه عليها
امجاد بخوف:حبيبتي رنيم انا اسفه تكفين لاتبكين
رنيم بصوت مبحوح:امجاد اشتقت لك
امجاد:وانا بعد اشتقت لك
رنيم:امجاد فهد بيسافر متى
امجاد ناظرت بفهد:مو مسافر بطل
رنيم بفرحه استغربت منها امجاد:جد
امجاد:يس ماعلينا من فهد الحين
رنيم:فديتك ختمتي موادك
امجاد:يس
فهد وقف ومشي
امجاد:جهزتي عشان حفله العنود
رنيم:لا لسه ماجهزت
امجاد:حتى انا قومي نتجهز
رنيم:يالله باي
امجاد:باي
قفلت وراحت داخل وحدها فرحانه
فهد جلس يفر بسيارته
وصوت رنيم يتردد"آآه يارنيم شقد نسيانك صعب"
<<<<<<
ببيت ابو احمد
رنيم ركضت لغرفتها بعد ماقفلت من امجاد وحضنت اشواق:شوقه احبك
اشواق:وانا احبك فرحيني معاك
رنيم:تصلحت انا وامجاد
اشواق:يرجك اشو تصلحتو
رنيم انسدح على السرير:ايه وفهد بطل يسافر
اشواق:احسن شي
رنيم:خليني اقوم اجهز نفسي بس وقامت تجهز نفسها
....
تركي طلع من غرفته
وجلس بالصاله
ودق جواله
رفعه ورد بدون مايناظر:الو
......تركي
تركي ميز الصوت وناظر بالجوال:غرور
غرور:لبيه
تركي بفرح حاول يخفيه:ليش متصله
غرور:لو قلت لك بتصدقني
تركي:قولي اسمعك
غرور:اشتقت لك
تركي دق قلبه بسرعه:غرور احبك
غرور بصوت باكي:تركي تكفي لاتقص علي
تركي:غرور حياتي لاتبكين انا احبك والله احبك شفتك مره كلمتك مرتين وربي ماقص عليك احبك غرور احبك
غرور بفرح:وانا احبك
تركي:آآه ياقلبي
غرور بدلع:سلامه قلبك يابعد قلبي
تركي:اللي لايحرمني منك
غرور:ولامنك
تركي:أنا مشغول حياتي بتصل عليك الساعه وحده
غرور:طيب حياتي انتظرك
تركي:انتبهي لروحك
غرور:انشالله وانت بعد
تركي:مع عيوني يالله باي
غرور:باي
قفل والتفت وتفاجاء من شاف رنيم واقفه:انتي من متي هنا
رنيم:من غرور احبك
تركي حس باحراج:وانتي بس تتسمعين على الناس
رنيم جلست جنبه:ماتسمعت الصدفه خلتني اسمع
تركي:كان رحتي ماظليتي واقفه
رنيم:فضولي خلني اوقف الا منهي غرور
تركي بهيام:قلبي وروحي
رنيم:اوخص ياروميو لاتلعب على البنت بس مثل اللي قبلها
تركي:بس هذي مو مثل اللي قبلها هذي حياتي
رنيم:العب على هنديه
تركي:الظاهر عطيتك وجه انا اقول اقلبي وجهك بس
وقام
وجلست تضحك رنيم وراحت تشوف اشواق وديانا جهزو والا باقي
<<<<<<<
بقصر طارق
الساعه9 بالضبط
بغرفه العنود وقفت عند المرايا لتضع لمساتها الاخيره
ناظرت بفستانها الاحمر الطويل عاري الظهر
وشعرها الملفوفه اطرافه وقصتها وتعطرت بكثرها
واخذت شنطتها
وفتحت الباب بتنزل لضيوف اللي تحت
وصادفت طارق صاعد على الدرج
وقفت لان طارق وقف قباله
وطارق انسحر بالجمال اللي قدامه ناظر بفستانها الاحمر الطويل المرسوم على جسمها وشعرها وروجها الاحمر ونسي نفسه وظل بس يناظرها
العنود باحراج من نظراته:ممكن شوي
طارق حس بنفسه
وفتح العلبه اللي بيده وطلع عقد الماس
العنود اعجبها العقد حيل
ناظرت بطارق
طارق:ممكن البسك اياه
العنود بحياء:اكيد
لف طارق وراها
والعنود مسكت شعرها وحطته على جنب
طارق لبسها العقد وهو يمرر اصبعه على ظهرها ماقدر يقاوم ريحه عطرها وباس رقبتها
ولفاها
العنود انصدمت وحست بخوف
طارق بهمس:انتي شسويتي فيني
العنود نزلت راسها ودق جوالها
فتحت شنطتها وطلعته وردت:هلا جواهر
جواهر:وينك احنا منتظرينك
العنود بضحكه:ياروحي سورى هذاني نازله
جواهر:يالله
قفلت
وناظرت بطارق
وابتسمت
ونزلت وطارق جلس يناظرها وهي تنزل"شسويتي فيني يالعنود سحرتيني انوثتك تجنني رقيقه حساسه قويه عنيده مغروره حنونه ياويل حال قلبك ياطارق" ودخل الغرفه
.......
العنود نزلت على الدرج بكل ثقه وانوثه
الضيوف انبهرو بالعنود ولفتت انتبههم بنوثتها الطاغيه
هدى حست بغرور وفخر بالعنود وهي تشوف الانظار كلها عليها
جواهر قربت للعنود:وش هالحلا
العنود:تسلمين ياحياتي
هدى قربت لهم:العنود تعالي في ضيوف حابين يسلمون عليكم
العنود ببتسامه:انشالله ومشت
هدى:هذي مره طارق يام عبدالله
ام عبدالله:مشالله الله يحفظك كامله والكامل الله
العنود:تسلمين

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -