رواية توصي شي انا بكره مسافر -2
ليان : أوكيه ما طلبتي ممكن تروحين بيت أم عبد العزيز وتسلمين على راسها
سديم + غلا : لاااااااااااا وش هذا
لميس تبتسم : أوكيه
لبست لميس عبايتها وراحت
تن .. تن .. تن .. تن
أم عبد العزيز : عبير يمه روحي افتحي الباب
عبير : إن شاء الله يمه
لميس : السلام عليكم
عبير : هلا والله وعليكم السلام ليه ما جيتوا مع خالتي
لميس : معليش عشان بنات عمي موجودات في أحد عندكم
عبير : لا بس أمك تفضلي
لميس : السلام عليكم
أم عبد العزيز : هلا وعليكم السلام حياك يا بنتي
أم فراس : وراك جيتي صار شي
لميس : لا يمه ما صار شي
لميس تسلم على راس أم عبد العزيز : خالتي ممكن تخلين عبير تجي عندنا
أم عبد العزيز : هههههههه إيه عادي
لميس : يالله عبوره روحي البسي عبايتك مشكوره خالتي
البنات : سويتيهاااااااا
لميس : ههههههههه إيه
عبير : السلام عليكم
البنات : وعليكم السلام
سلموا البنات على بعض
سديم تصب القهوة لعبير : تفضلي
عبير : زاد فضلك
غلا : يالله نكمل اللعبة
عبير : وش تلعبون
سديم : صراحة وجرأة
عبير تغمز : آهااا أثاري حبة الراس مو عشاني
الكل : ههههههه
سديم : يالله دوري .. غلا
غلا : هلا
سديم : صراحة وإلا جرأة
غلا : صراحة
سديم : تحبين أخوي فرااااااس
غلا محرجه : أحممم .... إيييه
البنات : أووووووووووووووه حركات
غلا : وجع هههههه
عبير : دوري .. لميس صراحة وإلا جرأة
لميس: صراحة
عبير : وش شعورك لما هزأتك أبله ليلى لما قلتي لها أعربي أحبك موت والله
البنات : لميسووووووووووووه
لميس : ههههههههه
سديم : وش سويتي يالمهبولة
لميس : مره بحصة النحو كنت طفشانه المهم لما جينا للإعراب قلت أستاذة ممكن أعرب على السبورة قالت تفضلي ....
عبير : هههههههههههه
لميس تبتسم : شب يالفضيحة فضحتيني
غلا : كملي
لميس : المهم كتبت أعربي : أحبك موت والله .. قالت عبير : ضمير منفصل من قلب خله .. قلت : أنا إعرابي عكس الكلام
هو ضمير متصل تقديره (( إنت الكون كله )) وانفجروا البنات بالضحك بالصراحة أكلت لي تهزيئة محترمة بس الأبلة سامحتني
لأني ممتازه
البنات : ههههههههههههههههه
سديم : هههههه والله إنك هبلى
غلا : سديم صراحة وإلا جرأة
سديم : جرأة
غلا : أمممممم دقي على باسل وغني له
سديم : لا حبيبتي ما حزرتي وش قالوا لك
البنات : لا ما يصير كلنا نفذنا والحين لما جا دورك ترفضين
سديم : غلو حبيبتي اطلبي شي معقول
غلا : طلبي ما أغيره
سديم : والله فراس لو درى يذبحني
غلا : صدقيني باسل ما راح يعلم
سديم : دقي عليه من جوالك
غلا تدق : يالله خذي كلمي
عند الشباااب .....
فراس : هههههههه الله يقطع شرك يا إياد
إياد : هههههه و أنا صادق تقول بزر مضيع أمه
باسل : هلا غلا
سديم محرجه : ........
باسل : ألو غلا وش فيك
سديم تغني : بس قول أبغى وأنا أقول حاضر .. إنت الوحيد اللي كلامك أوامر .. خاطرك عندي ترى مو مثل غيرك
خاطرك يسوى ترى مليون خاطر ... توت .. توت .. توت
هاني : وراك مفهي وش صار لك
باسل : هاااه لا ولا شي بس هذي غلا تستهبل
هاني : إنت بس لو تشوف شكلك هههههههههههه
باسل يكلم نفسه : آآآآآآآه يا قلبي لا متى بأصبر (( صوتها عذاب )) صدق إني طحت ولا أحد سمى علي
عند البنااااات ........
سديم : الله ياخذكم إحراج وش بيقول عني الحين
غلا : المسكين فهى ما عاد يدري وين هوى داره
البنات : هههههههههههههه
ميري : سديم العشى جاهز
سديم : أوكيه يالله بنات ندخل جوه .. ميري حبيبتي شيلي الأغراض
ميري : أوكيه
بعد ما تعشوا البنات ...
عبير : يالله مع السلامة بالصراحة استانست معكم
سديم : حياك الله حبيبتي في أي وقت
فراس + هاني : يا ولد
سديم :هلا حبايبي تعشيتوا وإلا أحط لكم عشى
فراس : لا حبيبتي تعشينا وين البنات
سديم : هناك جوه
فراس : قولي لهم إياد وباسل يستنونهم برى
سديم : أوكيه خلاص اطلعوا فوق
هاني : إيه والله إني تعبان بروح أنام بكره عندي دوام تصبحين على خير
سديم : وإنت من أهله
أم فراس : السلام عليكم
فراس + هاني + سديم : وعليكم السلام
أم فراس : ما بعد يجي أبوكم
فراس : إلا توه كلمني يقول جاي بالطريق
استراحة .....
حين ترتشف فنجان قهوة تذكر أن الصديق الحقيقي هو الشخص الذي تجرؤ أمامه على أن تكون على
حقيقتك .....
اليوم الثاني بالصباح .....
عبد الله : السلام عليكم
الكل : وعليكم السلام
أم فراس : هلا يمه تعال أفطر
عبد الله يسلم على راس أبوه : كيفك يبه
أبو فراس : بخير الله يسلمك
عبد الله يسلم على راس أمه : كيفك يالغلا
أم فراس : بخير حبيبي
سلم عبد الله على إخوانه وجلس على الطاولة يفطر
فراس : عبد الله وأنا أخوك اترك العسكرية واشتغل معنا أريح لك
عبد الله : لا ما راح أتركها
هاني : طيب ليه ما تشوف نفسك كيف تعبان
عبد الله : اتعب وأضحي عشان وطني بعدين هذا حلمي من يوم أنا صغير
أبو فراس : الله يهديك يا ولدي
عبد الله : آآآمين .. طلعت نتيجتك سدومه
سديم بفرح : وأخيرا سألت أنتظرك من أول تسأل إيه حبيبي نجحت
عبد الله : ألف مبروك يا حلوة كم نسبتك
سديم : 99,64 %
عبد الله : ما شاء الله عقبال كل سنه نفرح فيك إنتي ولميس .. وش تبغين هديتك
سديم : وجودك معنا تسوى عندي الدنيا كلها هذي هديتي
عبد الله : فديت لسانك اللي يقطر عسل .. يالله أنا بأروح أرتاح بغرفتي تامرون على شي
الكل : لا سلامتك
أبو فراس : يالله فراس مشينا
فراس : يالله هاني متى بتروح
هاني يقوم من الكرسي : هذا أنا رايح الحين يالله مع السلامة
أم فراس + سديم + لميس : مع السلامة
فراس : إلا صحيح سديم قدمتي بالجامعة
سديم : لا الحين بأروح أسجل اسمي عن طريق النت
أبو فراس : طيب وش ناوية تدخلين
سديم : إدارة أعمال
أبو فراس : زين الله يوفقك
في الشركة ........
أبو فراس : السلام عليكم
راكان : وعليكم السلام
أبو فراس : أحد اتصل يطلبني وإلا في مواعيد
راكان : إيه طال عمرك تو أبو عبد الله مكلمني وطلب موعد عشان يقابلك
أبو فراس : خلاص قول له يجيني الساعة 10 الظهر إذا يناسبه
راكان : ابشر طال عمرك
بغرفة أبو إياد .....
أبو إياد يكلم أبو فراس بالتلفون : هلا أبو فراس
أبو فراس : تو أبو عبد الله ماخذ موعد من راكان
أبو إياد : أبو عبد الله ( طلال ) اللي يشتغلون عنده عيالنا
أبو فراس : إيه هو ما غيره
أبو إياد : طيب متى حددت الموعد
أبو فراس : الساعة 10 مناسب الوقت
أبو إياد : إيه مناسب
أبو فراس : خلاص إذ جا أبغاك تجي إنت وفراس وإياد بغرفة الاجتماعات عشا نشوف وش يبغى
أبو إياد : خلاص بأحاول أخلص الملفات اللي عندي بسرعة يالله تامر على شي
أبو فراس : لا سلامتك مع السلامة
أبو إياد : مع السلامة
بغرفة فراس وإياد ....
فراس : إياد
إياد يوقع الأوراق اللي عنده : همممممممم
فراس : طالعني لأحذفك الحين بالكاس اللي عندي
إياد : هههههه أعصابك طيب هاا هذا أنا أطالعك وكلي آآذاان صاغية
فراس : أنت ما تلاحظ شي بحمد
إياد : الموظف اللي عندنا بالشركة
فراس : إيه هو ما غيره
إياد : وش فيه إنسان محترم من حاله في شانه
فراس : ركز معي زين أنا أحس إنه يسوي شي من ورانا
إياد : مثل إيش
فراس : ما أدري عندي إحساس إنه يعطي معلومات عن شركتنا لشركة منافسة
إياد : إحساس يعني مو أكيد ماله داعي نظلم الرجال
فراس : بس أنا كل ما أدخل عليه ألقاه يصك التلفون بسرعة وهو مرتبك
إياد : والله ما أدري وش أقول لك بس إحنا لازم نتأكد قبل ما نسوي أي شي
فراس : وهذا المطلوب
طق .. طق .. طق .. طق ..
فراس : ادخل
حمد : السلام عليكم
فراس + إياد : وعليكم السلام
فراس : من متى وإنت واقف عند الباب
حمد مرتبك : هااه ... إيه .. إيه توني قبل شوي
إياد يطالع فراس : أممم طيب وش تبغى
حمد : عندي الأوراق هذي وتحتاج إلى توقيع وختم
إياد : أوكيه حطها على الطاوله وأنا راح أطلع عليها
حمد : مشكورين
فراس : صك الباب وراك
حمد : ابشر طال عمرك
فراس : أنا ما قلت لك
إياد : معناه إنه سمع كلامنا قبل شوي وأكيد إنه راح ياخذ احتياطه عشان ما نكشفه
فراس : صدقني إنه بينكشف وعلى إيدي أنا
إياد : الله يستر أوكيه لازم نخلص هذي الأوراق بسرعة
فراس : عطني أشوف
.............
في مركز الشرطة
عبد الله : السلام عليكم
وكيل النائب العام : وعليكم السلام
عبدالله : معاك الضابط عبد الله عبد الرحمن
وكيل النائب العام : هلا عبد الله
عبد الله : طال عمرك في عمارة سكنية جالسين نراقبها من شهرين وبالصراحة إحنا شاكين في أمرها
وكيل النائب العام : العماره السكنية اللي بـــحي .........
عبد الله : إيه طال عمرك
وكيل النائب العام : قول لرجال المباحث يتحركون حالا ويحاصرون العمارة وكون على اتصال معي
عبد الله : إن شاء الله
محمد : ها يا عبد الله وش قال
عبدالله : يالله شباب تحركنا
عند العمارة السكنية .........
توزع بعض رجال المباحث حول العمارة لمحاصرتها ودخلوا البناية بسرعة لتفتيش الشقة وعلى رأسهم الضابط عبد الله
تن .. تن .. تن .. تن ..
الأم : نعم
عبد الله : لو سمحتي إحنا مطالبين بتفتيش الشقة
الأم : تفضلوا
بعد ما انتهوا من التفتيش
عبد الله : ها لقيتوا شي
رجال المباحث : لا فتشنا بكل مكان بس ما حصلنا شي
عبد الله : لو سمحتي يا خالة هل دخل رجال و إلا رجالين لهذي الشقة
الأم : لا يا ولدي الشقه هذي ما يسكن فيها إلا أنا وبناتي الأربع الجامعيات
عبد الله : بس يا خالة إحنا نراقب الشقه هذي من شهرين ولا حظنا إن في رجال يدخلون الشقة ويخرجون منها
باستمرار وعلى أغلب الظن إنهم يتاجرون بالمخدرات
الأم : صدقني يا ولدي ما يدخل هذي الشقة إلا أنا وبناتي
عبد الله : بس .....
الأم : اصبر شوي يا ولدي
عبد الله : تفضلي
محمد : عبد الله
عبد الله : نعم
محمد : ما أدري ليه أحس إنها تكذب
عبد الله : والله ما أدري بس هي تأكد إن ما فيه أحد يدخل للشقة
الأم : هذي يا ولدي إيصال الشقة وعقد الإيجار وكلها باسمي
عبد الله : صحيح .. أوكيه إحنا آسفين على الإزعاج وسامحينا يا خالة يالله شباب تحركوا
محمد : لازم نسأل الحارس
عبد الله : إيه صدقت أوكيه تحركوا لغرفة الحارس
عبد الله : السلام عليكم
الحارس : وعليكم السلام
عبد الله : ممكن أسألك عن الشقة اللي في الدور الثالث على اليسار من يسكن فيها
الحارس : هذا في ماما كبير و أربع بنات من زمان موجود هنا
عبد الله : طيب في أحد من الرجال يدخل عندها
الحارس : لا أنا ما في يشوف
عبد الله : أوكيه شباب مشينا
عبد الله يطالع فوق العمارة
عبد الله يصارخ : وقف مكانك ولا حركه بسرعة تحركوا لفوق
طلعوا رجال المباحث ومسكوا الشاب ...
عبد الله : ممكن أعرف ليش واقف هنا
الشاب : أنا أسكن هنا بالدور الأخير
عبد الله : طيب ممكن تفتح الشقة نفتشها
الشاب : بس زوجتي مو موجودة والمفتاح معها
الحارس : لا هذا ما في متزوج هذا أربع شباب يسكن هنا
عبد الله : ألو .. السلام عليكم
وكيل النائب العام : وعليكم السلام هلا عبد الله فيه أي مستجدات
عبد الله : إيه طال عمرك لا زم تحضر بنفسك بسرعة
وكيل النائب العام : خلاص إن شاء الله مسافة الطريق وأنا عندكم
وبعد انتظار خمس دقائق ......
وكيل النائب العام : السلام عليكم
الكل : وعليكم السلام
وكيل النائب العام : اكسروا الباب أشوف
الشاب : بس ....
وكيل النائب العام : ولا كلمة
بعد ما كسروا الباب وجدوا شاشة كبيرة في مدخل الشقة بجانبها هواتف وكلها مسؤولة عن المراقبة ووحقن بكميات كبيرة
بالإضافة إلى ربع كيلوا حشيش
عبد الله : الحين ممكن تفهمني هذا لمين
الشاب : هااه .. إيه هذا لأصدقائي لأنهم دائما يجون هنا للشقة
وكيل النائب العام : خذوه بسرعة قدامي للمركز ودوروا على زملائه اللي ساكنين معه
بعد إجراء التحقيق في مركز الشرطة تبين أنهم يتاجرون بالمخدرات وأنالسيدة العجوز وبناتها يقمن بالمتاجرة بالمخدرات مقابل
تسديد الشباب إيجار الشقة (( منقول ))
استراحة .....
حين ترتشف فنجان قهوة تذكر أن الحب الحقيقي هو من يصمد أمام عثرات الزمن ويجتاز الصدمات فكن
صاحب قلب حقيقي يعشق نصفه الآخر بجنون
محمد : عبد الله الحين تقدر ترجع بيتك ترتاح أنا عارف إن اليوم المفروض ما تداوم بس صدقني كنا محتاجينك
عبد الله : لا عادي وش دعوة هذا واجبي يالله تامرني على شي
محمد : لا سلامتك
عبد الله : أوكيه مع السلامة
محمد : مع السلامة
في شركة أبو فراس .....
راكان : طال عمرك أبو عبد الله وصل
أبو فراس : خله يتفضل
راكان : إن شاء الله
أبو فراس : أبو إياد
أبو إياد : هلا
أبو فراس : تعال الحين لمكتبي وجيب معك فراس وإياد
أبو إياد : إن شاء الله
أبو عبد الله : السلام عليكم
أبو فراس : وعليكم السلام حياك أبو عبد الله تفضل
أبو عبد الله : كيفك أبو فراس وكيف صحتك عساك بخير
أبو فراس : بخير الله يسلمك إنت شلونك وشلون ولدك عبد الله
أبو عبد الله : كلنا بصحة وعافية
طق .. طق .. طق ..
أبو فراس : أدخل
أبو إياد + إياد + فراس : السلام عليكم
أبو فراس + أبو عبد الله : وعليكم السلام
أبو فراس : إيه يا أبو عبد الله وش بغيت
أبو عبد الله : والله يا أبو فراس جاني عرض من شركة راقية أسعارها مناسبة وحبيت إننا ندخل شراكة مع بعض
أبو إياد : طيب يا أبو عبد الله إنت متأكد يعني عندك معلومات كافية عنها
أبو عبد الله : إيه ما يحتاج
أبو فراس : طيب كم بيكلف هذا المشروع
أبو عبد الله : حوالي ثلاثة مليون ريال
إياد : بس يا أبو فراس إحنا باقي ما خلصنا من المشروع الأخير
أبو فراس : عارف
فراس بغرور : طيب يا أبو عبد الله إحنا مو مستعدين نخسر صفقات وتطيح ميزانية الشركة فإذا إنت مصر على المشروع هذا
وشايف إن فيه مكسب لازم يكون بيننا عقد إن إذا خسرنا الصفقة راح تكون إنت المسؤول
أبو عبد الله بثقة : موافق
أبو فراس : إذا توكلنا على الله
إياد : بس ما عليه يا أبو فراس نستنى شوية حتى نخلص المشروع اللي تكلمنا فيه أمس
أبو فراس : إيه لازم بالأول نخلص مشروعنا
أبو عبد الله : وأنا موافق ما عندي أي مشكلة خذوا راحتكم يالله أنا أستأذن
الكل : إذنك معك
أبو عبد الله : متى ما خلصتوا ردوا لي خبر
أبو فراس : إن شاء الله
أبو إياد : أبو فراس
أبو فراس : سم
أبو إياد : وش رايك ناخذ إجازة نطلع نمشي فيها الأهل لأنهم يبغون يغيرون جو
أبو فراس : عادي ما عندي أي مانع بس وين تبغون
أبو إياد : وش رايك نسافر الرياض عند أبو خالد
أبو فراس : خلاص إن شاء الله
فراس : وبعد الرياض نبغى نروح مكة نعتمر ونمر على جده والطايف
إياد : إيه فكره حلوة
أبو فراس : أجل خلاص أكلم أبو خالد وأنسق معه عشان ياخذ له إجازة
أبو إياد : يالله أنا أستأذن بأروح أكمل أشغالي قبل لا أرجع البيت
فراس : يالله إياد حتى إحنا عندنا أوراق وش كثرها لازم نوقعها
أبو فراس : خلاص روحوا يعطيكم العافية
أبو إياد + إياد + فراس : الله يعافيك
في بيت أبو فراس بعد المغرب .......
سديم بملل : يا ناس والله طفشانه حسوا فيني
فراس : هذا انتوا أمس تجمعتوا واستانستوا أمداك تطفشين
هاني يستفزها : يمكن اللي جوا ما يكفوووووووون تبي ناس أزين منهم غلا وليان ما عاد يملون العين
الكل :هههههههههههههههههه
سديم ترمي عليه المخدة : والله إذا ما سكت لأوريك يالزفت
أبو فراس :هههههههه أعصابك يا بنتي قولي وش ودك فيه
سديم بفرح : صدق يبه
أبو فراس يبتسم : إيه صدق
سديم : ودي نسافر نغير جو بالصراحة ملينا
أبو فراس : ولا يهمك إحنا أتفقنا أنا وأبو إياد وكلمت أبو خالد العصر وإن شاء الله بكره مسافرين
سديم + لميس بفرح : وأخيييييييييييييرا
سديم : فديت راسك يا أبو فراس الله لا يحرمني منك يالغالي
أبو فراس : هههههههه أبوك يالمصالح
أم فراس : متى بنسافر أي وقت
أبو فراس : بكره إن شاء الله الساعة 4 العصر نحرك عشان نوصل بعد العشاء ها عبد الله خذ إجازة ما بأسافر من غيرك
أم فراس : إيه فديتك يا ولدي خذ إجازة ترتاح فيها ترى وأنا أمك العمر يخلص والشغل ما يخلص
عبد الله يبتسم : من عيوني الحين أروح أكلمهم وآخذ لي إجازة
في بيت أبو إياد .....
غلا : فديتك يا أحلا أب بالكون
أبو إياد : ههههه أهم شي تكونون مستانسين
غلا تركض : أبروح أكلم سديم
إياد : شوي شوي عن تكسرين
أم إياد : سالي .. سالي
سالي : نعم مدام
أم إياد : رتبي كل الأغراض وجهزي شنطتك بكرة العصر مسافرين أوكيه
سالي : حاضر مدام
أبو إياد : باسل
باسل : هلا يبه
أبو إياد : كيف الشغل معاك
باسل : الحمد لله كل شي تمام أبو عبد الله قال لنا أنكم بتشتركون في مشروع صحيح
أبو إياد : إيه إن شاء الله بس بالأول نخلص من مشروعنا
باسل : بالتوفيق إن شاء الله ترى أبو عبد الله ثقة لا تخافون
إياد : وهذا اللي مخلينا نوافق
في غرفة البنات ........
غلا : الله يا سديم ما تصدقين قد أيش فرحانة
سديم : هههههه دوم إن شاء الله
غلا : يالله سدومه نتقابل بكره إن شاء الله سلمي على لميس .. لا تقولين نايمة
سديم : هههههه لا ولأول مره
غلا : هههههه يالله تامرين على شي
سديم : ما يامر عليك عدو سلمي على ليونه
غلا : يوصل إن شاء الله
سديم : إيه صح تذكرت جيبي زلاجاتك معك لأني بأجيب حقتي
غلا : زين ذكرتيني بغيت أنساها يالله سي يو
سديم : سي يو
لميس : وش تقول غلا
سديم : تسلم عليك يا حليلها شوي وتطير من الفرحة
لميس : الله يسلمك ويسلمها .. ما أدري وش آخذ ملابس
سديم : خذي أشياء خفيفة تعرفين الدنيا حر خاصة مكة وجدة
لميس : إيه صح صادقة
سديم تفتح درجها وتطلع دفترها الأحمر
لميس : نفسي أعرف الدفتر هذا أيش فيه
سديم : وليش تبغين تعرفين
لميس : ما أدري عندي فضول
سديم : هذا دفتر خواطري أي شي يخطر على بالي أكتبه
لميس : طيب وريني
سديم : لا لموسه اسمحي لي هذي خصوصيات
لميس : خصوصيات أنا أختك
سديم : لا ربي أخذ أمانته أقريه كله
لميس : بعد عمر طويل إن شاء الله خلاص ما أبغى أقراه بس لا تقولين هذا الكلام مره ثانية
سديم تحضنها : فديتك يا أحلى أخت بالدنيا يالله أمشي نرتب أغراضنا عشان ننام بدري
لميس بابتسامة : يالله منك بسرعة تقلبين السالفة
سديم : هههههههه
اليوم الثاني في العصر .....
أبو فراس : ها جاهزين
أم فراس : إيه خلاص
أبو فراس : وين البنات
سديم نازلة مع الدرج : آآآآآه يا ظهري أحد يشيل الشنطة
أبو فراس : هاني شيل الشنطة عن أختك
هاني : أعطيني إياها .. إنتوا وش حاطين فيها والله ولا خروف العيد
سديم : شغلات بنات مالك دخل فيها
فراس : ليه كل هالشنطة كلها أسبوعين .. ثلاث .. ونرجع الله يهديكم
أبو فراس : ههههه خلوا بناتي على راحتهم
سديم تمد لسانها : حررررررره
فراس : والله ما خرب بناتك غير دلعك يبه
أم فراس : يالله بسرعة لا نتأخر
هاني : وين عبود
فراس : طلع يشغل سيارة أبوي إلا مين بيجي معاي
أبو فراس : هاني والبنات معك وأمك وعبد الله وميري معي
فراس : أوكيه يالله قدامي
في سيارة أبو فراس ....
أبو فراس : أنا بأسوق يا ولدي
عبد الله : لا يبه أنا بأسوق وإنت أركب جنبي
أبو فراس : يالله أجل توكلنا على الله قولوا دعاء السفر
في سيارة فراس .....
فراس : هلا إياد
إياد : حركتوا
فراس : إيه الحين بنحرك
إياد : خلاص أجل نتقابل عند محطة الخنيني
فراس : أوكيه
نروح للرياض .....
أم خالد : فجر
فجر : هلا يمه
أم خالد : شوفي إذا في أغراض ناقصة البيت قولي للسواق يروح يجيبها
فجر : أبشري يالغالية
سمر : ماما .. ماما
سحر تصارخ : تعالي يالحمارة
سمر تركض : ماما ماما
سحر تسحب شعرها : أنا كم مرة أقول لك غرفتي ما تدخلينها
سمر تصارخ : واااااااااااع .. واااااااااااع .. والله أعلم ماما عليك .. وااااااااع
فجر : سحر فكي شعرها أشوف
سحر تضربها : خليني أأدبها الحمارة
أم خالد تحضن سمر : خلاص حبيبتي اسكتي
سمر : ماما سحر الدبى ضربتني وااااااااااااع
فجر : تحطين عقلك بعقلها .. هذي صغيرة
سحر : خربت الأرواج حقتي وخلصت العطر من كثر ما تبخ فيه وتقولين ما أضربها والله لأكسر راسها
أم خالد : هدي يا بنتي خلاص من عيوني أشتري لك غيرها
فجر: ما يصير يا سحر يا حبيبتي هذي صغيرة بعدين المفروض تحاولين تحلين المشكلة بطريقة أحسن من
الضرب صدقيني كذا بتعاند أكثر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك