رواية تحملت كثير يا قلبي -40
وليد : الله .. عرفوني عليها ..
العنود وملاك : هههههههههههههههههههههه ..
العنود : بلا هبال ..
وليد : هههههههههههههه .. طيب اعجبتني .. كيفي .. حتى خاقه علي بعد .. وصوتها حلو .. ياسلاااااام وش ابغى اكثر من كذا ..
ملاك والعنود : هههههههههههههههههههههه ..
? عـنــد .. هيفا ?
اول ما دخلت على طول دقت على ولاء وهزأتها وقالت لها ان وليد سمعها ..
ولاء : ياربييييييييييييييييييييييييه .. فشيله فشيله ..
هيفا : عشان تعرفين تمسكين لسانك مره ثانيه فضحتيني ..
ولاء : مادريييييييييييييت .. وش اسوي الحين .. والله آآآآسفه ..
هيفا : تدرين وش قال ..
ولاء : وش قال ..
هيفا : يقول انك ذوق .. ويالبى قلبك ويسلم عليك ..
ولاء : فديته الله يسلمه ان شاء الله .. والله ما ذوق غيره .. يازيييييييييينه ..
هيفا : ولااااااااااااء .. تستهبلين .. انا الحين متفشله معاه وانتي جالسه تتغزلين فيه .. وجع ..
نايف : تتغزل فمين ..
هيفا : وش تبي انت ..
نايف : ولاء تتغزل فمين .. سألتك ..
هيفا : ماعليك .. اطلع برى ..
نايف : هاتي بكلمها .. " اخذ منها الجوال " .. الوو ولاء ..
ولاء : نعم ..
نايف : جالسه تتغزلين فمين عمتي ..
ولاء : وانت وش عليك ..
نايف : وشو وش علي .. ولد عمتك ..
ولاء : يا خال ابوي حك ظهري ..
هيفا : هات الجوال . جالسه تتغزل بوليد يلا فكني ..
نايف : وليد ولد عمي ..
ولاء : ايه .. فيها شي .. حلو وخطير ويخقق ..
نايف : قولي والله ..
ولاء : والله ..
قام نايف وقفل الجوال بوجهها ..
هيفا : خير انت وش تحس فيه .. ليه تسكر بوجهها ..
نايف : خذي ..
عطاها الجوال وراح غرفته وهو مقهور ..
نايف : طيب يا ولاء .. اجل خطير ويخقق لا وحلو بعد .. وجع ان شاء الله ..
? عــنـد .. فهد بالسياره ?
وصل خلود ونزلت معهم الجده وبناتها وقال لليلى تجيب ملابس لمشاري .. اخذها وراح وصل امه ورغد .. بعدين راح بيت عمه فارس ..
امل : مشكور ..
فهد : العفو ..
امل : يلا جوري ..
نزلت امل ومابقى بالسياره غير جوري .. وكانت راكبه ورى ومتورطه كيف بتنزل ماعرفت تسدح المرتبه .. التفت عليها فهد ..
فهد : تبين تروحين معاي يعني ..
جوري : مو قادره انزل ..
فهد : اصفطي المرتبه ..
جوري جتها الصيحه : ماااعرااافت ..
فهد ابتسم : طيب قلبو خلاص .. انا بجي اصفطها بس لاتصيحن ..
نزل فهد وصفط لها المرتبه .. ووقف على الباب ..
فهد : جوري والله احبك ..
جوري : بعد شوي ابنزل ..
فهد : لا ماراح ابعد ..
جوري : افففففففففف وبعدين ..
فهد : اقولك احبك تقولين وبعدين .. شفيك ..
جوري : مافيني شي .. بس إبعد انا تعبانه ابي اروح ارتاح .. لو سمحت ابعد عن الباب ..
فهد : طيب احبك ..
جوري : طيب وش اسوي لك .. يعني غصب احبك .. ياخي مابي .. وانت تدري ليه ..
فهد : لا ما ادري قولي ليه ..
جوري : يعني بتآخذني غصبن علي وتبيني احبك بعد ..
فهد : انتي اللي خليتيني اسوي كذا .. لو انك رافضه ولد خالتك من اول ماقالك عمي كان ماسويت كذا .. بس انتي استفزيتيني يوم قلتي بوافق ..
جوري : واللي شفته منك شويه ..
فهد : ابي افهم وش شفتي .. خالتي وسمعتيها بنفسك تقول انها دقت علي بنفس الوقت اللي كنتي موجوده فيه .. وبيان وربي اللي خلقني مابيني وبينها شي .. جوري انا احبك ليه اروح ادور وحده ثانيه .. لا وبنت عمي بعد ..
جوري : طيب بعّد شوي ابنزل ..
فهد : جوري ..
جوري : فهــــد بـــعــــد ..
وخر فهد عن الباب ونزلت .. دخلت البيت وصكة الباب .. وقف شوي بعدين رجع يعدل المرتبه ولقى شالها واخذه وشم ريحته .. كانت تدوخ .. اخذه وحطه معاه .. ركب السياره وراح لبيتهم .. او ماوصل البيت حط الشال بدرجه وانسدح جلس شوي يفكر بعدين نام ..
نهاية الجزء الـ17 ..
الجــزء (( 18 ))
? ? اليـــومـ .. الـليـ .. بعـــــدهـ .. ? ?
.
.
.
! ??ٍ??? فبيتـ عايشه ??????
العصر .. طلعت عايشه وراحت بيت اخوها سليمان عند امها .. والبنات جلسوا يرتبون عشان بيجون البنات اليوم .. اول من جا كانت ليلى ونوره .. بعدين اميره .. بعدين جوري .. بعدين لولو وجواهر .. وبعدين غيدا ..
كانت غيدا داقه على هيفا تقولها تعالي شيلي معاي جايبه اشياء .. طلعت هيفا على بالها ان غيدا هي اللي بتدخل الاغراض .. وغيدا كانت جالسه بالسياره وتحط روج .. ( طبعا السياره مكتمه ) .. وكان بدر هو اللي ينزل الاغراض ويدخلها جوى .. هيفا كانت ورى الباب وبدر جا ودخل وحط كرتون الكيك ..
هيفا : شوووووووووكران .. ليه مكلفه على روحك ..
بدر لف عليها : العفو .. لا عادي لا كلافه ولاشي ..
هيفا : انت هي خير ..
بدر : مدري عنك .. تقولين شكرا وليه الكلافه ..
هيفا : وين غيدا ..
بدر : بالسياره .. ينفع انا بدال غيدا ..
هيفا : لا طبعا يلا برى ..
بدر : افااااااا تطرديني .. اهون عليك عاد ..
هيفا : ايه تهون .. ومن تكونن اصلا .. يلا يلا ..
بدر قرب لها : انا بدر بن فيصل الـ ....... وكان ماتعرفيني اعلمك مين انا ..
هيفا انتفظت لانه كان مره قريب منها ورجعت على ورى ووجهها مرررررررررره اححححححححمر ..
هيفا : أ أ أ أ ..
بدر قبصها مع خدها : يلا تآكلينهم بالعافيه .. بآآي ..
طلع وخلاها متجمده مكانها من حركته .. مسكت خدها ..
هيفا : وقح ..
غيدا : من الوقح ..
هيفا : اهلييييييييين .. السواق وقح اقوله لا تروح وراح ..
غيدا : تبين شي ..
هيفا : لا بس كنت بقوله يجيب زيادة عصيرات .. بس خلاص مو لازم يكفي ..
غيدا : لا عادي .. بخلي بدر يجيب دامه هنا قريب ,,
هيفا : لا لا لا مو لازم خلاص يكفي الموجود .
غيدا دقت عليه : ياشيخه اسكتي بس .. هلا بدوري .
بدر : اهلن .. هاه عسى مانسيتي شي ..
غيدا : لا مانسيت شي .. بس سواق خالتي رايح . وهيفا تبي زيادة عصيرات .. فديت روحك اذا ماعليك كلافه ومو متأخر تجيب لنا ..
بدر : اوكي من عيوني .. خلاص اذا وصلت 50 فاكهه دقيت عليك .. زين ..
غيدا : اوكي .. باي ..
سكرت ..
هيفا : يوووووووووه منك .. ماينقال لك شي ..
غيدا : ياشيخه عادي ..
دخلو داخل وسلمت عليهم غيدا .. ودق عليها بدر ..
بدر : هلا هاه وش تبين اي نوع ..
غيدا : مدري والله .. خذ هيفا تفاهم معها ..
بدر : احــم احــم .. يلا هاتيها ..
غيدا : هههههههه .. هيفاااا ..
هيفا : هلااا ..
راحت لها غيدا .. وعطتها الجوال ..
غيدا : كلمي بدر شوفي انواع العصير اللي ناقصتك وتبينها قوليله ..
فتحت يدها وحطت الجوال وراحت تجلس مع البنات .. هيفا تورطت ماتدري وش تسوي ..
هيفا : الووو ..
بدر : هلا والله .. هاه اي نوع تبين ..
هيفا : اي شي ..
بدر : وشو اي شي اجيب لك علب فاضيه ..
هيفا : تستخف دمك ..
بدر : هههههههههه لا احاول .
هيفا : لا لاتحاول مره ثانيه .. مو لايق ترى ..
بدر : طيب ان شاء الله على امرك .. بس اي نوع تبين ..
هيفا : اللي تجيبه ..
بدر : تبين كوكتيل طبقات ..
هيفا : بتجيب عصير طازج ..
بدر : ايه انا بـ50 فاكهه ..
هيفا : آآهـــآآآ .. ايه اوكي ..
بدر : اممممممممم .. طيب تبين برتقال ..
هيفا : لا برتقال موجود ..
بدر : ليمون طيب ..
هيفا : اوكي ..
بدر : طيب فراوله يا فراوله ..
هيفا : لا ما احب الفراوله انا ..
بدر : طيب كرز يا كرز ..
هيفا : ما احب الكرز ..
بدر : ههههههههههههههههههههههه وش تحبين اجل .. تفاح ..
هيفا : ايه ..
بدر : التفاحه تبي تفاح .. اوكي غيره ..
هيفا : لا لا مابي تفاح هونت ..
بدر : ههههههههههههه هيفااااا .. يلا والله مشغول .. بس عشانك رايح اجيب ..
هيفا : من طلب منك تروح اصلا ..
بدر : يختي كيفي .. ودي اروح .. يلا اخلصي علي وش تبين بعد ..
هيفا : افففففف .. جب منجا .. وووووووو ..
بدر : تبين خوخ ..
هيفا : ايه ..
بدر : اوكي .. وش بعد ..
هيفا : بس خلاص ..
بدر : متأكده ..
هيفا : ايه .. خلاص .. شكرا ..
بدر : العفو .. يلا فمان الله شوي ويكون عندك ..
سكرت منه .. نادتها تهاني وحطت الجوال بجيبها وهي مره ناسيه انه جوال غيدا وراحت المطبخ ..
شوي وجت سيارة بنات عمها وولاء مع بعض .. نزلت العنود وملاك .. ونزل وليد بينزل علبه كبيره جابوها العنود وملاك لتهاني هدية الملكه .. ساره نزلت ودخلت جوى .. طلع وليد العلبه ونزلها وجا بيدلخلها ولا انتبه للي تمشي جنبه وصقعها بالعلبه ..
ولاء : آآآي ..
وليد : سوري آسف ..
ولاء : الله يهديك .. عورتني ..
وليد : طيب قلت لك والله آآسف ..
ولاء : اوكي .. عادي ..
وليد : احم صوتك مو غريب .. إإيه .. ايه ذكرت .. انتي اللي امس تكلم هيفا .. والله انك ذوق .. تسلمين ..
ولاء مره انحرجت : شكرا .. دخلت على طول جوى وفتشت وما انتبهت انه دخل وراها عشان العلبه ..
ملاك : ههههههههه ولاء حبيبتي تغطي ..
ولاء : ليه بيت عمتي ..
ملاك : وليد اخوي موجود ..
على طول تغطت ودخلت تركض جوى ..
وليد : اجل عاديه ومو حلوه .. والله تهبل ..
ملاك : رح بس رح ..
وليد : احــم احـــم .. سلموا لي عليها ..
العنود : وبعدييييييين ..
وليد : هههههههههههههه خلاص بروح .. باي ..
طلع وسكر الباب وبدر يوقف عند الباب .. وليد ركب سيارته ومشى .. وبدر دق على جوال غيدا وردت هيفا ..
بدر : غيدا عيوني .. تعالي خذي العصيرات من الباب بروح مستعجل ..
هيفا : طيب حطهم عند الباب بجي آخذهم ..
بدر : هههههههههه هيفا ..
هيفا : ايه ليه ماعجبك صوتي ..
بدر : وفيه احلى من صوتك ..
هيفا : يلا بلا حكي فاضي ..
بدر : طيب .. يلا تعالي خذي عصيراتك .. بروح ..
هيفا : طيب ..
طلعت هيفا عند الباب وهودخل الاكياس جوى واخر كيس كان وردي .. مده لها وجت بتآخذها وسحبه ..
هيفا : احسن خله لك ..
بدر : اصلا هذا مو عصير هذا شي ثاني .. خذيه يلا ..
هيفا : مابي ..
بدر : يلا بلا هبال .. بروح والله مشغول ..
دخل عليها الكيس واخذته ..
بدر : يلا فمان الله ..
سكر الباب وراح .. هيفا فتحت الكيس ولقت بطاقه ولقت علبه ورديه مغلفه ..
جوري : وش تسوين ..
هيفا شالت اكياس العصير وغطت على الكيسه حقت بدر ..
هيفا : ما اسوي شي .. اجيب العصيرات ..
جوري : طيب يلا ..
هيفا : يلا ..
دخلوا للمطبخ مع الباب الخلفي .. وحطوا العصيرات ..
هيفا : بروح شوي فوق واجي ..
تهاني : لاتطولين ..
هيفا : طيب ..
رقت هيفا فوق معاها الكيس .. دخلت غرفتها وسكرت الباب وقفلته .. راحت للسرير وطلعت العلبه وفتحتها .. لقت فيها سلسال مررررررررررررررررره حلو وناعم من داماس .. ومعاه خاتم .. وفيه عطر ( روك ان روز من فالنتينو ) مره انجنت .. كان نفسها بالعطر من زمان .. فتحت البطاقه ..
...... ( حبيبتي بسألك !؟؟؟؟؟! ليه الهوى منك و فيك ..؟.. ليه المشاعر ما تعيش إلا بساعة شوفتك !؟! .. ليه المحبه و الوفى و أبيات شعري تهتويك !؟! .. ليه انتي و بس اللي أموت في بسمتها !؟! .. تدرين لي مرة أقول : إني كرهتك ما أبيك يرجع علي صوت الصدى يقول : >> الله مكبر كذبتك << .. ) .. مدري ليش كتبت هالكلام .. بس خطر على بالي بمجرد ما اني مسكت القلم بكتب لك .. اتمنى تقبلين الهديه البسيطه .. وبعد اتمنى تعجبك .. وتخلصين العطر بالصحه والعافيه .. عاد هاه ما اوصيك تراه ما ينشرب بس يتعطرون منه .. داري تضحكين .. تسلم لي هالضحكه .. ما اطول عليك .. احم احم .. احلى انسان بالدنيا .. بدر .. ) ........
هيفا : ههههههههههه يا واااااااااثق .. ياربيه مدري وش اسوي .. ياربيه بس .. وش سالفته ذا .. وه بس يازينه .. خير وشو يازينه .. سخيف .. يووووه .. بعدين بعدين ..
رجعت الاغراض للعلبه وطلعت العطر وبخت منه وابتسمت .. ورجعته بالعلبه وقامت حطتها جوى دولابها وقفلت عليه .. طلعت من الغرفه وقفلتها احتياط ونزلت جلست مع البنات ..
ملاك : وينك ..
هيفا : رحت اخذ شي من فوق ..
العنود : وعسى اخذتيه ..
هيفا : ايه خلاص خذيته .
ولاء بصوت واطي : الله يستر .. هيفا صار لي موقف قبل شوي بغيت اموت من الفشيله ..
هيفا : وشو ..
قالت لها ولاء الموقف بصوت واطي .. هيفا ضحكة بقوه ..
هيفا : اححححححححححسسسسسسسسسسسسسسسسسسنننننننننننننن ..
ولاء : ياااااااااااسخخخخخخخخخخخخخخفففففففففففففففففففك ..
اميره : خير ان شاء الله ..
هيفا : لا ولا شي ..
تهاني : كل هالضحكه وولا شي ..
ولاء : ايه عادي .. ننكت .. صح هيفا ..
هيفا : ههههههههههه ايه ايه صح .. ننكت .. ههههههههههه آآخر زمن ..
ولاء : يوه منك ..
جلسوا البنات سواليف ووناسه ..
? عــنـد .. مشاري ?
جاب له فهد ملابس الصباح الساعه 9 .. ورجع البيت ينام .. ورجع لهم العصر .. كانوا مشاري وحمد جالسين بالثيل وشابين نار .. ويسولفون .. حمد يسولف ويحاول ينسي مشاري .. بس وين مشاري ينسى بهالسهوله ..
حمد : آآآآآآآآه تعبت ..
مشاري : ههههههههه اكيد تعبت من السواليف ..
حمد : وانت يا حظي ليه ماتسولف ..
مشاري : ماعندي شي اسولف فيه ..
حمد : يعني خلاص خلصت كل السواليف ..
مشاري : مدري عنك .. دور لك سالفه سولف فيها ..
فهد : السلااااااام عليكم ..
مشاري وحمد : هلااااااااا وعليكم السلام .
مشاري : هـه جاك فهودي ابو السواليف ..
فهد : ياسلام جايبيني اونسكم يعني ..
مشاري : مافيه غيرك يحب يسولف ..
فهد : منب راد عليك .. اي صح .. وش صار على موضوع منصور توني مكلمه وتذكرت ..
مشاري صقع جبهته : نسييييييييييييييييييييييييت ..
فهد : ههههههههههههههههههههههههه حسبي الله عليك .. الرجال يبي يكمل نص دينه .. الشرهه عليه اللي مكلمك ..
حمد : وش السالفه ..
فهد : الله يسلمك .. منصور .. خطب ليلى من مشاري .. وقاله يكلم ابوه اذا ماعندهم مانع يجيب اهله عشان يخطبونها رسمي .. بس ولد عمك الدلخ .. سحب عليه ..
حمد : وش تحس فيه انت .. خير .. ليه ماكلمت عمي .. بعدين هو من متى مكلمك ..
مشاري : من يومنك بالمانيا عشان العمليه ..
حمد عض على شفايفه وتذكر مشاري ان فهد مايدري وندم انه تكلم ..
فهد : اي عمليه ..
مشاري : أ أ أ واحد مسوي عمليه ..
فهد : شايفني بزر ينلعب علي .. حمد وش العمليه ..
حمد : ولا شي ..
فهد : لا فيه شي .. تغبون علي ..
حمد : الله يهديك يا مشاري ...
مشاري : نسيت طيب ..
حمد : افففففففف .. خلاص بقولك .. بس هاه الكلام بيننا لا يطلع ..
فهد : يعني السالفه فيها ان .. يلا يلا غرد ماراح يطلع ..
قاله حمد السالفه ..
فهد : يعني ذاك اليوم كنت توك طالع من العمليه .. وتقولون لي حادث .. وانا اخر من يعلم ..
حمد : خلاص الموضوع عدى على خير ..
فهد : لا ما يعدي .. خير ان شاء الله ليه ماقلت لي .. مو اخوك .. مو كل شي يصير لي اجي اقولك .. اي شي اتضايق منه ولا شي يعورني لو كانت شوكه قلت لك حمد شوكه بطتني وتعورني .. ليه يصير فيك كذا واصير انا اخر من يعلم .. ليه ماقلت لي من اول ما رحت المستشفى وقالولك .. لييييه ..
حمد : خلاص يا فهد ..
فهد وقف : لا مو خلاص .. من متى يا حمد حنا نغبي عن بعض شي .. لا وشي كبير زي كذا .. وربي ما توقعتها منك ..
حمد وقف معاه والتفت على مشاري : الله يهديك يا مشاري .. فهد مو قصدي شي بس مابي احد يتضايق ..
فهد : انا احد .. انا فهد يا حمد .. فهد .. اخوك ..
حمد : ادري اخوي وحبيبي وكل شي بدنيتي بس لا تعصب وربي آسف ..
فهد : ماتفيد آسف وش عقبه .. حسافه كنت اظنك تفتح لي قلبك زي ما افتح لك قلبي واقولك كل شي جواتي .. بس طلعت ماتثق فيني حسافه والله حسافه ..
راح فهد ومشى عنهم وطلع من المزرعه مقهوووووووووووور ..
جلس حمد : ياربيه يا مشاري .. والله مالك داعي ..
مشاري : ياخي زلة لسان وربي ..
حمد : يلا الحين وش بيراضيه .. افففففففففف ..
مشاري : ياخي انتم اخوان .. وبيزعل شوي وبيرضى ..
حمد : انت ما تعرف فهد كثري .. زعلته صعبه .. لا وعقب الكلام اللي قاله وربي ما اعتقد حتى يطالع فيني ..
مشاري : قم خلنا نرجع طيب .. وتفاهموا ..
حمد : افففففففففففف ..
طلعوا من المزرعه وحمد طول الطريق يدق على فهد .. وفهد يا يقفل بوجهه يا مايرد .. لين قفل الجوال مره وحده ..
حمد : هـه قفل الجوال ..
مشاري : لاحووووووووول ..
! ??ٍ??? فبيتـ عبد العزيز ??????
دخل فهد وماكان فيه احد بالبيت غيره .. كان بيطلع غرفته بس عرف ان حمد بيجي قام راح وجلس بمكتب ابوه .. شوي سمع صوت الباب ينفتح ويتسكر وعرف انه حمد .. جلس شوي بعدين سمع اصوات حمد ومشاري بالصاله ..
حمد : مو بغرفته ..
مشاري : يمكن ماجا البيت ..
حمد : لا سيارته موجوده ..
مشاري : يمكن راح بالسياره الثانيه ..
حمد : كل السيارتين حقاته موجودات ..
مشاري : طيب دوره من هنا ولا من هنا ..
طلع فهد من المكتب ولا كنه فيه احد موجود بالبيت .. سفههم وراح المطبخ .. لحقه حمد ..
حمد : فهد .. فهد اكلمك رد علي .. فهد ..
فهد : ................ ..
حط الكاس على الطاوله .. وطلع .. رقى غرفته وبدل ملابسه .. ونزل وطلع من البيت ..
حمد : عنييييييييييييييد ..
مشاري : خلاص خله شوي لين يروق .. والله يا حمد آسف ..
حمد : انا الغلطان اللي ماقلت له من اول ..
مشاري : خلاص هدي شوي ..
جلسوا شوي بعدين مشاري راح بيتهم ... اول ما دخل لقى عماته وجدته بالصاله ..
مشاري : السلاااااااام عليكم ..
الكل : وعليك السلام ..
الجده : هلا والله وغلا ..
مشاري : هلا مليون يالغاليه ..
سلم عليهم وجلس بين امه وجدته ..
شيخه : وينك امس .. ادورك بين الشباب انت وحمد مالقيتكم ..
مشاري : والله طلعنا نتمشى .. ايه صح .. مبروك ياعمتي .. الله يوفقها ويسعدها ..
عايشه : آمين فديتك الله يبارك فيك .. العقبالك ان شاء الله ..
مشاري : لا تو الناس علي شوي ابتهنى بشبابي بعدين يصير خير ..
الجده : انا تراني مانسيت .. الشهر والشهرين وبتخطب ..
مشاري : ههههههههههههه لا حول يمه .. زلة لسان الله يهديك .. خلاص سنه سنتين واخطب ..
الجده : هذا فهد وحمد بيتزوجون ورى ما تتزوج معهم ..
مشاري : تونا يمه .. بعدين باقي ماهر ورائد وبدر .. دوري لواحد منهم ..
الجده : بس انت اكبر منهم .. لازم تتزوج قبلهم ..
مشاري : يصير خير ان شاء الله ..
الجده : ريحتك حطب ..
مشاري : هههههههههههه ايه توني جاي من المزرعه انا وحمد .. نايمين فيها امس ..
الجده : ماشاااء الله .. ولا تستأذنون ..
مشاري : افا يمه .. اذا بنروح المزرعه لازم نستأذن ..
الجده : ايه عشان اروح معكم ..
مشاري : ههههههههههههه ايه قولي بروح معكم .. مو ما تستأذنون ..
الجده : اشوفكم مره ثانيه رايحين وانا منب معكم ..
مشاري : لا خلاص حرمنا .. انتي اول من بيركب .. يلا انا بطلع غرفتي ..
الجده : الله يهديك .. مابعد شبعت منك .. من زمان ماشفتك ..
مشاري : لاحقه علي يمه .. بنفس البيت جالسين ..
الجده : لا الليله بروح بيتنا ..
مشاري : لا انشاااء الله اليوم وبكرى واللي بعده .. اسبوع كامل وانتي عندنا مافيه امل تطلعين ..
الجده : وش مافيه امل .. الا بروح بييتي ..
مشاري : يعني قولي ماتبينا وخلاص ..
الجده : وانتم احد مايبيكم بس بيتي مقدر اخليه ..
مشاري : لا ان شاء الله البيت مو طاير بتجلسين عندنا ونستانس فيك ..
الجده : يصير خير ان شاء الله .. قم رح يلا ..
مشاري : هههههههههه .. طيب يلا .. عن اذنكم ..
طلع فوق غرفته ودخل وسكر الباب وجلس على السرير .. وطلع كيسه صغيره من الكمدينه .. كان فيها ميداليه وساعه ( من كونكورد ).. كانت هديه من تهاني اول ما توظف .. جلس يطالعها فصخ ساعته ولبس الساعه حقتها .. هو كان يقول لتهاني ابلبسها يوم زواجنا .. جلس يطالع بالساعه طلع مفاتيحه وحط فيهم الميداليه .. دقت عليه اسيل وماكان يبي يرد عليها بس رد ..
مشاري : اهلييين ..
اسيل : انت ايش يا اخي .. من امس وانا ادق عليك وانت ماترد علي .. والله اني خفت يكون صار لك شي بسم الله عليك ..
مشاري : ههههههههههههههه .. انتي دايم كذا .. على طول هجوم .. طيب سلمي اول ..
اسيل : مابي اسلم .. زعلانه منك والله ..
مشاري : خلااااص ولاتزعلين .. سوري ..
اسيل : لا مابي ..
مشاري قام يغني لها : ولاتزعل .. ولا تتعب شعورك .. ولا تآخذ على خاطرك مني .. ابتأسف الين ارضي غرورك .. واقول اني مقصر غصب عني .. اسوووووولاااااااااه ..
اسيل استحت " آه بس يا حبيلك " : هلا ..
مشاري : خلاص رضيتي ..
اسيل : توني ادري ان صوتك حلو وانت تغني ..
مشاري : ههههههههه يعني خلاص رضيتي ..
اسيل : ومن قالك اني زعلانه اصلا ..
مشاري : تتغلين علي يعني ..
اسيل : ايه ..
مشاري : ههههههههههههه .. لا غاليه ما ينفع تتغلين زياده ..
اسيل : طيب .. شخبارك ..
مشاري : والله الحمد لله .. بخير ..
اسيل : دوم وكل يوم ان شاء الله ..
مشاري : تسلمين .. وانتي كيفك ..
اسيل : عايشه ..
مشاري : افاااااا ليه كذا ..
اسيل : بس .. وحشتني ..
مشاري مايدري وش يقول : امممم .. وانتي وحشتيني اكثر ..
جلسوا يسولفون لين قفل منها مشاري عشان ينام ..
! ??ٍ??? فبيتـ عايشه ??????
البنات كانوا جالسين بالكراسي اللي بالحوش .. وكانت الساعه 11 بالليل .. كانوا جالسين يسولفون ومبسوطين .. وهم جالسين جا لغيدا مسج .. وكان طبعا من رائد .. لولو اول ماسمعت صوت المسج .. قامت تطل وسط الجوال لانها كانت جالسه جنب غيدا .. غيدا قامت تطالع لولو ..
غيدا : خير ..
لولو : افتحيه بشوف ..
غيدا : هههههههههههههههه ..
( احبك كثر مااحبك ولاادري ولاتدري
احبك كثر مايقطف خيالك ظلمة ايامي
احس حروفي تكرهني ليا من غبت عن حبري
وليا مني كتبت اسمك
احس بضحكة ابهامي ابحلم بك على كيفي
مدام الحلم بك عذري
وعليك انت ياحبي
وتجي وتفسر احلامي ......... اذا تقدرين ابي اكلمك .. )
قامت لولو وسحبت غيدا ودخلتها جوى البيت ..
غيدا : ههههههههههههههه .. وشو ..
لولو : دقي دقي ..
غيدا : طيب روحي .. ههههههههههههههه .. ليه تطالعيني كذا ..
لولو : تغبين علي ..
غيدا : فديتك والله امزح بشوف وش تسوين ..
لولو : عندك سماعات ..
غيدا : هههههههههه ايه ..
طلعت السماعات اخذت لولو سماعه وغيدا سماعه ودقت على رائد ..
رائد : هلا وغلا ومليون صحن حلا .. هلا بالزين كله ..
غيدا : هلا فيك ..
رائد : طلعتي ..
غيدا : لا والله لين الحين ماطلعت .. يمكن يجيني بدر بعد شوي ..
رائد : اهاااااا .. ايوه قلبو .. عساك مبسوطه ..
غيدا : ايه والله مره مبسوطه ..
رائد : دوم ان شاء الله .. بس اكيد مبسوطه اكثر يوم سمعتي صوتي ..
غيدا : ههههههههههههه ليه واثق انت ..
رائد : ههههههههههه واحد يكلم احلى غيدا ومايكون واثق .. بعدين مو من حقي اوثق ..
غيدا : الا اكييييييييد يحق لك .. شخبار رجلك الحين ..
رائد : والله الحمد لله الحين احسن ..
غيدا : تدري ..
رائد : لا والله ما ادري قولي لي ..
غيدا : هههههه .. ولاء جالسه تقنعهم تبي تروح الثمامه ..
رائد : ايوه .. وبتروحون ..
غيدا : مدري .. بس ماودي نروح ..
رائد : وليه ما ودك تروحين .. روحي وسعي صدرك .. هذا اذا رحتوا ..
غيدا : وانت يعني ماراح تروح ..
رائد : لا طبعا .. اروح ورجلي كذا ..
غيدا : ايه خلاص ماراح اروح ..
رائد : هههههههههههههههه .. حبيبي .. لا والله جد .. لو راحوا روحي .. ليه تجلسين .. يعني لو جلستي .. بتقدرين تجين عندي ..
غيدا : لا ..
رائد : طيب خلاص .. متى ماراحوا روحي ..
غيدا : تدري .. ان شاء الله مايروحون .. الا اذا كنت انت بتروح ..
رائد : هههههههههههههههههههههههههه .. فديتك يا شيخه ..
دخلت عليهم جوري : بنات وينكم ..
غيدا : موجودين ..
جوري : وش تسمعون ..
غيدا : اغنيه ..
جوري : طيب اطلعوا برى .. نستناكم .. لولو تعالي ابرار تدورك من زمان ..
لولو : يلا جايه ..
حطت السماعه بإذن غيدا وسحبت جوري وطلعوا ..
رائد : لولو كانت عندك ..
غيدا : ايه .. بس خلاص راحت ..
رائد : تدري انك تكلميني ..
غيدا : ايه ..
رائد بدى يعصب : ياسلااااااام .. لا يكون بس العايله كلهم يدرون ..
غيدا : لا والله بس لولو .... وووو بيان ..
رائد : ياحبيبي .. ومن بقى ..
غيدا : شفيك عصبت ..
رائد : ماعصبت يلا باي ..
غيدا : رائد لحظه ..
رائد : نعم ..
غيدا : شفيييييك ..
رائد : انا ماكنت ابي احد يدري .. ليه تقولين لهم ..
غيدا : طيب حصل ... رائد تكفى لا تزعل ..
رائد : باي ..
غيدا : رائد والله آآسفه والله .. ما كنت ادري انك ماتبي احد يدري والله ..
رائد : خلاص قلت لك باي ..
غيدا : رائـــــد ..
قفل رائد الجوال ..
غيدا : الووو .. الوووووو .. ياربييييييييه ..
دخلت عليها هيفا : هاه آنسه غيدا ماعجبتك الجلسه برى معنا جالسه هنا ..
غيدا ابتسمت : لا والله بس كنت اكلم بالجوال ..
هيفا : يلا طيب هذاك سكرتي .. يلا قومي ..
غيدا : طيب ...... " دق جوالها " .. هلا بدر ..
بدر : هلا عيونه .. يلا امرك ..
غيدا : براحتك ..
بدر : اوكي خلاص خلك جاهزه شوي ربع ساعه واكون عندك ..
غيدا : اوكي ..
هيفا : اذا كان بيمرك قوليله لا .. مو الحين ..
بدر : هذي هيفا ..
غيدا : ايه ..
بدر : اها .. طيب .. قوليلها عجبك العصير ..
غيدا : ليه ان شاء الله لايكون انت اللي عصرته ..
بدر : وش عليييييك .. قوليلها وبس ..
غيدا : طيب .. هيفا .. يقول بدر عجبك العصير ..
هيفا عرفت وش يقصد : ايه مره حلو .. قوليله تسلم ..
بدر : الله يسلمها ياااااارب ..
غيدا : هههههههههه اعصابك .. يلا باي ..
بدر : لحظه لحظه ..
غيدا : وشو ..
بدر : امممممممم .. لا لا خلاص ..
غيدا : تبي شي ..
بدر : لا خلاص يلا شوي وجايك ..
غيدا : اوكي باي .. " سكرت منه " .. بروح ..
هيفا : بايخه .. قلت لك قوليله شوي مو الحين ..
غيدا : تعبانه شوي ابي اروح البيت ..
هيفا : شفيك .. توك شحلوك ..
غيدا : مدري بس احس اني تعبانه ..
هيفا : تبين اجيب لك شي ..
غيدا : لا لا خلاص بروح البيت ..
اخذت غيدا عبايتها وطلعت مع هيفا للحوش عند البنات ..
ساره : بتروحين ..
غيدا : ايه ..
هيفا : اقولها قولي لبدر ابجلس وماقالتله ..
ولاء : سخييييييييييفه ..
غيدا : تعبانه شوي بروح البيت ..
الكل : سلامتك ..
غيدا : الله يسلمكم .. يلا هذا اكيد بدر .. يلا مع السلامه ..
الكل : الله معاك ..
راحت غيدا وقامت وراها لولو لين وصلتها عند الباب ..
لولو : شفيك ..
غيدا : اسكتي تكفين ودي اصيح ..
لولو : ليه شصاير .. ؟ ..
غيدا : رائد زعلان ..
لولو : لييييييه ..
غيدا : عشانك تدرين اني اكلمه .. يقول ماكنت ابي احد يدري ..
لولو : وانتي يا هبلا ليه قلتيله ..
غيدا : هو سمع جوري وهي تناديك .. قال لولو عندك ......
لولو : قلتي ايه ..
غيدا : ايه اجل اقول لا وهو سامع صوتك ..
لولو : يووووووووووه عاد هذا الانسان صعب بقوه .. الله يعينك .. والله آسفه ماكنت ابيك تنحطين بهالموقف ..
غيدا : لا انتي مالك شغل .. انا حماره وهو عصبي ..
لولو : هههههههههههههه طيب يلا روحي بدر بينهبل الحين ..
غيدا : اوكي قلبو .. يلا فمان الله ..
طلعت غيدا وركبت مع بدر ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك